| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. โจรสุตฺตวณฺณนา
4. Corasuttavaṇṇanā
๘๔. จตุเตฺถ มหาโจโรติ รชฺชนฺตเร ทุพฺภิตุํ สมโตฺถ มหาโจโรฯ ปริยาปชฺชตีติ ปริยาทานํ คจฺฉติฯ น จิรฎฺฐิติโก โหตีติ อทฺธานํ ปาเลโนฺต ฐาตุํ น สโกฺกติฯ อปฺปหรนฺตสฺส ปหรตีติ อตฺตโน อเวริเน อปฺปหรเนฺต คุณสมฺปเนฺน จ มหลฺลเก จ ตรุณทารเก จ อปฺปหริตพฺพยุตฺตเก ปหรติฯ อนวเสสํ อาทิยตีติ นิเสฺสสํ คณฺหาติฯ พฺยตฺตโจรานญฺหิ อิทํ วตฺตํ – ปรสฺส ทฺวีสุ สาฎเกสุ เอโก คเหตโพฺพ, เอกสฺมิํ สเนฺต ทุพฺพลํ ทตฺวา ถิโร คเหตโพฺพฯ ปุฎภตฺตตณฺฑุลาทีสุ เอกํ โกฎฺฐาสํ ทตฺวา เอโก คเหตโพฺพติฯ อจฺจาสเนฺน กมฺมํ กโรตีติ คามนิคมราชธานีนํ อาสนฺนฎฺฐาเน โจริกกมฺมํ กโรติฯ น จ นิธานกุสโล โหตีติ ยํ ลทฺธํ, ตํ ทกฺขิเณเยฺย นิทหิตุํ เฉโก น โหติ, ปรโลกมคฺคํ น โสเธติฯ
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. โจรสุตฺตํ • 4. Corasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๑๐. สทฺธาสุตฺตาทิวณฺณนา • 1-10. Saddhāsuttādivaṇṇanā
