| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៤. ចោរសុត្តវណ្ណនា
4. Corasuttavaṇṇanā
៨៤. ចតុត្ថេ មហាចោរោតិ រជ្ជន្តរេ ទុព្ភិតុំ សមត្ថោ មហាចោរោ។ បរិយាបជ្ជតីតិ បរិយាទានំ គច្ឆតិ។ ន ចិរដ្ឋិតិកោ ហោតីតិ អទ្ធានំ បាលេន្តោ ឋាតុំ ន សក្កោតិ។ អប្បហរន្តស្ស បហរតីតិ អត្តនោ អវេរិនេ អប្បហរន្តេ គុណសម្បន្នេ ច មហល្លកេ ច តរុណទារកេ ច អប្បហរិតព្ពយុត្តកេ បហរតិ។ អនវសេសំ អាទិយតីតិ និស្សេសំ គណ្ហាតិ។ ព្យត្តចោរានញ្ហិ ឥទំ វត្តំ – បរស្ស ទ្វីសុ សាដកេសុ ឯកោ គហេតព្ពោ, ឯកស្មិំ សន្តេ ទុព្ពលំ ទត្វា ថិរោ គហេតព្ពោ។ បុដភត្តតណ្ឌុលាទីសុ ឯកំ កោដ្ឋាសំ ទត្វា ឯកោ គហេតព្ពោតិ។ អច្ចាសន្នេ កម្មំ ករោតីតិ គាមនិគមរាជធានីនំ អាសន្នដ្ឋានេ ចោរិកកម្មំ ករោតិ។ ន ច និធានកុសលោ ហោតីតិ យំ លទ្ធំ, តំ ទក្ខិណេយ្យេ និទហិតុំ ឆេកោ ន ហោតិ, បរលោកមគ្គំ ន សោធេតិ។
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៤. ចោរសុត្តំ • 4. Corasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ១-១០. សទ្ធាសុត្តាទិវណ្ណនា • 1-10. Saddhāsuttādivaṇṇanā
