| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) |
೪. ಚೋರಸುತ್ತವಣ್ಣನಾ
4. Corasuttavaṇṇanā
೮೪. ಚತುತ್ಥೇ ಮಹಾಚೋರೋತಿ ರಜ್ಜನ್ತರೇ ದುಬ್ಭಿತುಂ ಸಮತ್ಥೋ ಮಹಾಚೋರೋ। ಪರಿಯಾಪಜ್ಜತೀತಿ ಪರಿಯಾದಾನಂ ಗಚ್ಛತಿ। ನ ಚಿರಟ್ಠಿತಿಕೋ ಹೋತೀತಿ ಅದ್ಧಾನಂ ಪಾಲೇನ್ತೋ ಠಾತುಂ ನ ಸಕ್ಕೋತಿ। ಅಪ್ಪಹರನ್ತಸ್ಸ ಪಹರತೀತಿ ಅತ್ತನೋ ಅವೇರಿನೇ ಅಪ್ಪಹರನ್ತೇ ಗುಣಸಮ್ಪನ್ನೇ ಚ ಮಹಲ್ಲಕೇ ಚ ತರುಣದಾರಕೇ ಚ ಅಪ್ಪಹರಿತಬ್ಬಯುತ್ತಕೇ ಪಹರತಿ। ಅನವಸೇಸಂ ಆದಿಯತೀತಿ ನಿಸ್ಸೇಸಂ ಗಣ್ಹಾತಿ। ಬ್ಯತ್ತಚೋರಾನಞ್ಹಿ ಇದಂ ವತ್ತಂ – ಪರಸ್ಸ ದ್ವೀಸು ಸಾಟಕೇಸು ಏಕೋ ಗಹೇತಬ್ಬೋ, ಏಕಸ್ಮಿಂ ಸನ್ತೇ ದುಬ್ಬಲಂ ದತ್ವಾ ಥಿರೋ ಗಹೇತಬ್ಬೋ। ಪುಟಭತ್ತತಣ್ಡುಲಾದೀಸು ಏಕಂ ಕೋಟ್ಠಾಸಂ ದತ್ವಾ ಏಕೋ ಗಹೇತಬ್ಬೋತಿ। ಅಚ್ಚಾಸನ್ನೇ ಕಮ್ಮಂ ಕರೋತೀತಿ ಗಾಮನಿಗಮರಾಜಧಾನೀನಂ ಆಸನ್ನಟ್ಠಾನೇ ಚೋರಿಕಕಮ್ಮಂ ಕರೋತಿ। ನ ಚ ನಿಧಾನಕುಸಲೋ ಹೋತೀತಿ ಯಂ ಲದ್ಧಂ, ತಂ ದಕ್ಖಿಣೇಯ್ಯೇ ನಿದಹಿತುಂ ಛೇಕೋ ನ ಹೋತಿ, ಪರಲೋಕಮಗ್ಗಂ ನ ಸೋಧೇತಿ।
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೪. ಚೋರಸುತ್ತಂ • 4. Corasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೧-೧೦. ಸದ್ಧಾಸುತ್ತಾದಿವಣ್ಣನಾ • 1-10. Saddhāsuttādivaṇṇanā
