| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൪. ചോരസുത്തവണ്ണനാ
4. Corasuttavaṇṇanā
൮൪. ചതുത്ഥേ മഹാചോരോതി രജ്ജന്തരേ ദുബ്ഭിതും സമത്ഥോ മഹാചോരോ. പരിയാപജ്ജതീതി പരിയാദാനം ഗച്ഛതി. ന ചിരട്ഠിതികോ ഹോതീതി അദ്ധാനം പാലേന്തോ ഠാതും ന സക്കോതി. അപ്പഹരന്തസ്സ പഹരതീതി അത്തനോ അവേരിനേ അപ്പഹരന്തേ ഗുണസമ്പന്നേ ച മഹല്ലകേ ച തരുണദാരകേ ച അപ്പഹരിതബ്ബയുത്തകേ പഹരതി. അനവസേസം ആദിയതീതി നിസ്സേസം ഗണ്ഹാതി. ബ്യത്തചോരാനഞ്ഹി ഇദം വത്തം – പരസ്സ ദ്വീസു സാടകേസു ഏകോ ഗഹേതബ്ബോ, ഏകസ്മിം സന്തേ ദുബ്ബലം ദത്വാ ഥിരോ ഗഹേതബ്ബോ. പുടഭത്തതണ്ഡുലാദീസു ഏകം കോട്ഠാസം ദത്വാ ഏകോ ഗഹേതബ്ബോതി. അച്ചാസന്നേ കമ്മം കരോതീതി ഗാമനിഗമരാജധാനീനം ആസന്നട്ഠാനേ ചോരികകമ്മം കരോതി. ന ച നിധാനകുസലോ ഹോതീതി യം ലദ്ധം, തം ദക്ഖിണേയ്യേ നിദഹിതും ഛേകോ ന ഹോതി, പരലോകമഗ്ഗം ന സോധേതി.
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൪. ചോരസുത്തം • 4. Corasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൧-൧൦. സദ്ധാസുത്താദിവണ്ണനാ • 1-10. Saddhāsuttādivaṇṇanā
