| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
жоравад̇т̇угат̇аа
Coravatthukathā
91. жоравад̇т̇уусу – мануссаа бассид̇ваад̇и язхи г̇ихигаалз д̣̇идтабуб̣б̣о яз жа ‘‘аяам̣ со’’д̇и ан̃н̃зсам̣ сун̣анд̇и, д̇з бассид̇ваа уб̣б̣иж̇ж̇анд̇иби…бз… д̣̇ваарамби т̇агзнд̇и. яз бана на ж̇аананд̇и, д̇зсам̣ гхарзсу бхигкам̣ лабхад̇и. на бхигкавзд̇и бхаг̇аваа саяам̣ д̇хаммассаамий, д̇асмаа ааяад̇им̣ агаран̣ад̇т̇ааяа бхигкуунам̣ сигкаабад̣̇ам̣ бан̃н̃абзнд̇о звамааха. д̇ад̇т̇а д̇хаж̇ам̣ б̣анд̇хид̇ваа вияа вижарад̇ийд̇и д̇хаж̇аб̣анд̇хо. муулад̣̇зваад̣̇аяо вияа логз баагадод̇и вуд̇д̇ам̣ ход̇и. д̇асмаа яо г̇аамагхаад̇ам̣ ваа бант̇ад̣̇уханам̣ ваа наг̇арз санд̇хижчзд̣̇аад̣̇игаммам̣ ваа гаронд̇о вижарад̇и, бан̃н̃ааяад̇и жа ‘‘асуго наама ид̣̇ам̣ ид̣̇ам̣ гарод̇ий’’д̇и, со на баб̣б̣ааж̇зд̇аб̣б̣о. яо бана рааж̇абуд̇д̇о раж̇ж̇ам̣ бад̇т̇знд̇о г̇аамагхаад̇аад̣̇ийни гарод̇и, со баб̣б̣ааж̇зд̇аб̣б̣о. рааж̇аано хи д̇асмим̣ баб̣б̣аж̇ид̇з д̇уссанд̇и, сажз бана на д̇уссанд̇и, на баб̣б̣ааж̇зд̇аб̣б̣о. буб̣б̣з махааж̇анз баагадо жоро бажчаа жорагаммам̣ бахааяа бан̃жасийлаад̣̇ийни самаад̣̇ияад̇и, д̇ан̃жз мануссаа звам̣ ж̇аананд̇и, баб̣б̣ааж̇зд̇аб̣б̣о. яз бана амб̣алаб̣уж̇аад̣̇ижорагаа санд̇хижчзд̣̇аад̣̇ижораа зва ваа ад̣̇иссамаанаа т̇зяяам̣ гаронд̇и, бажчааби иминаа наама ид̣̇ам̣ гад̇анд̇и на бан̃н̃ааяанд̇и, д̇зби баб̣б̣ааж̇зд̇ум̣ ваддад̇и.
91. Coravatthūsu – manussā passitvāti yehi gihikāle diṭṭhapubbo ye ca ‘‘ayaṃ so’’ti aññesaṃ suṇanti, te passitvā ubbijjantipi…pe… dvārampi thakenti. Ye pana na jānanti, tesaṃ gharesu bhikkhaṃ labhati. Na bhikkhaveti bhagavā sayaṃ dhammassāmī, tasmā āyatiṃ akaraṇatthāya bhikkhūnaṃ sikkhāpadaṃ paññapento evamāha. Tattha dhajaṃ bandhitvā viya vicaratīti dhajabandho. Mūladevādayo viya loke pākaṭoti vuttaṃ hoti. Tasmā yo gāmaghātaṃ vā panthaduhanaṃ vā nagare sandhicchedādikammaṃ vā karonto vicarati, paññāyati ca ‘‘asuko nāma idaṃ idaṃ karotī’’ti, so na pabbājetabbo. Yo pana rājaputto rajjaṃ patthento gāmaghātādīni karoti, so pabbājetabbo. Rājāno hi tasmiṃ pabbajite tussanti, sace pana na tussanti, na pabbājetabbo. Pubbe mahājane pākaṭo coro pacchā corakammaṃ pahāya pañcasīlādīni samādiyati, tañce manussā evaṃ jānanti, pabbājetabbo. Ye pana ambalabujādicorakā sandhicchedādicorā eva vā adissamānā theyyaṃ karonti, pacchāpi iminā nāma idaṃ katanti na paññāyanti, tepi pabbājetuṃ vaṭṭati.
92. гаарам̣ бхинд̣̇ид̇ваад̇и аддаб̣анд̇ханаад̣̇им̣ бхинд̣̇ид̇ваа. абхаяуувараад̇и зд̇т̇а бхаязна убараманд̇ийд̇и бхаяуувараа, зд̇з бана лад̣̇д̇хаабхаяад̇д̇аа на бхаяуувараад̇и абхаяуувараа; багаарасса жзд̇т̇а вагааро гад̇од̇и взд̣̇ид̇аб̣б̣о. на бхигкавз гаарабхзд̣̇аго баб̣б̣ааж̇зд̇аб̣б̣од̇и гааро вужжад̇и б̣анд̇ханааг̇аарам̣. ид̇ха бана анд̣̇уб̣анд̇ханам̣ ваа ход̇у сан̇калигаб̣анд̇ханам̣ ваа раж̇ж̇уб̣анд̇ханам̣ ваа г̇аамаб̣анд̇ханам̣ ваа ниг̇амаб̣анд̇ханам̣ ваа наг̇араб̣анд̇ханам̣ ваа бурисаг̇уд̇д̇и ваа ж̇анабад̣̇аб̣анд̇ханам̣ ваа д̣̇ийбаб̣анд̇ханам̣ ваа, яо зд̇зсу яам̣гин̃жи б̣анд̇ханам̣ бхинд̣̇ид̇ваа ваа чинд̣̇ид̇ваа ваа мун̃жид̇ваа ваа виварид̇ваа ваа бассамаанаанам̣ ваа абассамаанаанам̣ ваа балааяад̇и, со гаарабхзд̣̇агод̇и сан̇кяам̣ г̇ажчад̇и. д̇асмаа ийд̣̇исо гаарабхзд̣̇аго жоро д̣̇ийбаб̣анд̇ханам̣ бхинд̣̇ид̇ваа д̣̇ийбанд̇арам̣ г̇ад̇оби на баб̣б̣ааж̇зд̇аб̣б̣о. яо бана на жоро, гзвалам̣ хад̇т̇агаммам̣ агаронд̇о ‘‘звам̣ но абалааяанд̇о гариссад̇ий’’д̇и рааж̇аяуд̇д̇аад̣̇ийхи б̣ад̣̇д̇хо, со гаарам̣ бхинд̣̇ид̇ваа балаад̇оби баб̣б̣ааж̇зд̇аб̣б̣о. яо бана г̇ааманиг̇амабадданаад̣̇ийни гзн̣ияаа г̇ахзд̇ваа д̇ам̣ асамбаад̣̇знд̇о б̣анд̇ханааг̇аарам̣ бавзсид̇о ход̇и, со балааяид̇ваа ааг̇ад̇о на баб̣б̣ааж̇зд̇аб̣б̣о. яоби гасигаммаад̣̇ийхи д̇ханам̣ самбаад̣̇зд̇ваа ж̇ийванд̇о ‘‘нид̇хаанам̣ иминаа лад̣̇д̇ха’’нд̇и бзсун̃н̃ам̣ убасам̣харид̇ваа гзнажи б̣анд̇хаабид̇о ход̇и, д̇ам̣ д̇ад̇т̇зва баб̣б̣ааж̇зд̇ум̣ на ваддад̇и, балааяид̇ваа г̇ад̇ам̣ бана г̇ад̇адтаанз баб̣б̣ааж̇зд̇ум̣ ваддад̇и.
92.Kāraṃ bhinditvāti aṭṭabandhanādiṃ bhinditvā. Abhayūvarāti ettha bhayena uparamantīti bhayūvarā, ete pana laddhābhayattā na bhayūvarāti abhayūvarā; pakārassa cettha vakāro katoti veditabbo. Na bhikkhave kārabhedako pabbājetabboti kāro vuccati bandhanāgāraṃ. Idha pana andubandhanaṃ vā hotu saṅkhalikabandhanaṃ vā rajjubandhanaṃ vā gāmabandhanaṃ vā nigamabandhanaṃ vā nagarabandhanaṃ vā purisagutti vā janapadabandhanaṃ vā dīpabandhanaṃ vā, yo etesu yaṃkiñci bandhanaṃ bhinditvā vā chinditvā vā muñcitvā vā vivaritvā vā passamānānaṃ vā apassamānānaṃ vā palāyati, so kārabhedakoti saṅkhyaṃ gacchati. Tasmā īdiso kārabhedako coro dīpabandhanaṃ bhinditvā dīpantaraṃ gatopi na pabbājetabbo. Yo pana na coro, kevalaṃ hatthakammaṃ akaronto ‘‘evaṃ no apalāyanto karissatī’’ti rājayuttādīhi baddho, so kāraṃ bhinditvā palātopi pabbājetabbo. Yo pana gāmanigamapaṭṭanādīni keṇiyā gahetvā taṃ asampādento bandhanāgāraṃ pavesito hoti, so palāyitvā āgato na pabbājetabbo. Yopi kasikammādīhi dhanaṃ sampādetvā jīvanto ‘‘nidhānaṃ iminā laddha’’nti pesuññaṃ upasaṃharitvā kenaci bandhāpito hoti, taṃ tattheva pabbājetuṃ na vaṭṭati, palāyitvā gataṃ pana gataṭṭhāne pabbājetuṃ vaṭṭati.
93. на бхигкавз ликид̇агод̇и зд̇т̇а ликид̇аго наама на гзвалам̣ ‘‘яад̇т̇а бассад̇и д̇ад̇т̇а ханд̇аб̣б̣о’’д̇и, ат̇а ко яо гожи жоригам̣ ваа ан̃н̃ам̣ ваа г̇арум̣ рааж̇аабараад̇хам̣ гад̇ваа балаад̇о, рааж̇аа жа нам̣ бан̣н̣з ваа бод̇т̇агз ваа ‘‘ид̇т̇аннаамо яад̇т̇а д̣̇иссад̇и, д̇ад̇т̇а г̇ахзд̇ваа маарзд̇аб̣б̣о’’д̇и ваа ‘‘хад̇т̇абаад̣̇аанисса чинд̣̇ид̇аб̣б̣ааний’’д̇и ваа ‘‘зд̇д̇агам̣ наама д̣̇ан̣д̣ам̣ аахараабзд̇аб̣б̣о’’д̇и ваа ликаабзд̇и, аяам̣ ликид̇аго наама, со на баб̣б̣ааж̇зд̇аб̣б̣о.
93.Nabhikkhave likhitakoti ettha likhitako nāma na kevalaṃ ‘‘yattha passati tattha hantabbo’’ti, atha kho yo koci corikaṃ vā aññaṃ vā garuṃ rājāparādhaṃ katvā palāto, rājā ca naṃ paṇṇe vā potthake vā ‘‘itthannāmo yattha dissati, tattha gahetvā māretabbo’’ti vā ‘‘hatthapādānissa chinditabbānī’’ti vā ‘‘ettakaṃ nāma daṇḍaṃ āharāpetabbo’’ti vā likhāpeti, ayaṃ likhitako nāma, so na pabbājetabbo.
94. гасаахад̇о гад̇ад̣̇ан̣д̣агаммод̇и зд̇т̇а яо важанабзсанаад̣̇ийни агаронд̇о хан̃н̃ад̇и, на со гад̇ад̣̇ан̣д̣агаммо. яо бана гзн̣ияаа ваа ан̃н̃ат̇аа ваа гин̃жи г̇ахзд̇ваа каад̣̇ид̇ваа буна д̣̇аад̇ум̣ асаггонд̇о ‘‘аяамзва д̇з д̣̇ан̣д̣о ход̇уу’’д̇и гасаахи хан̃н̃ад̇и, аяам̣ гасаахад̇о гад̇ад̣̇ан̣д̣агаммо. со жа гасаахи ваа хад̇о ход̇у ад̣̇д̇хад̣̇ан̣д̣агаад̣̇ийнам̣ ваа ан̃н̃ад̇арзна, яаава аллаван̣о ход̇и, д̇аава на баб̣б̣ааж̇зд̇аб̣б̣о. ван̣з бана баагад̇игз гад̇ваа баб̣б̣ааж̇зд̇аб̣б̣о. сажз бана ж̇аан̣уухи ваа габбарзхи ваа наал̣игзрабаасаан̣аад̣̇ийхи ваа гхаад̇зд̇ваа муд̇д̇о ход̇и, сарийрз жасса г̇ан̣тияо бан̃н̃ааяанд̇и, на баб̣б̣ааж̇зд̇аб̣б̣о. паасугам̣ гад̇ваа зва г̇ан̣тийсу саннисиннаасу баб̣б̣ааж̇зд̇аб̣б̣о.
94.Kasāhato katadaṇḍakammoti ettha yo vacanapesanādīni akaronto haññati, na so katadaṇḍakammo. Yo pana keṇiyā vā aññathā vā kiñci gahetvā khāditvā puna dātuṃ asakkonto ‘‘ayameva te daṇḍo hotū’’ti kasāhi haññati, ayaṃ kasāhato katadaṇḍakammo. So ca kasāhi vā hato hotu addhadaṇḍakādīnaṃ vā aññatarena, yāva allavaṇo hoti, tāva na pabbājetabbo. Vaṇe pana pākatike katvā pabbājetabbo. Sace pana jāṇūhi vā kapparehi vā nāḷikerapāsāṇādīhi vā ghātetvā mutto hoti, sarīre cassa gaṇṭhiyo paññāyanti, na pabbājetabbo. Phāsukaṃ katvā eva gaṇṭhīsu sannisinnāsu pabbājetabbo.
95. лагкан̣аахад̇о гад̇ад̣̇ан̣д̣агаммод̇и зд̇т̇а гад̇ад̣̇ан̣д̣агаммабхааво буриманаязнзва взд̣̇ид̇аб̣б̣о. яасса бана налаадз ваа ууруаад̣̇ийсу ваа д̇ад̇д̇зна лохзна лагкан̣ам̣ аахад̇ам̣ ход̇и, со сажз бхуж̇иссо яаава аллаван̣о ход̇и, д̇аава на баб̣б̣ааж̇зд̇аб̣б̣о. сажзбисса ван̣аа рул̣хаа хонд̇и, чавияаа самабарижчзд̣̇аа, лагкан̣ам̣ на бан̃н̃ааяад̇и, д̇иман̣д̣алавад̇т̇асса уд̇д̇араасан̇г̇з гад̇з бадижчанногаасз жз ход̇и, баб̣б̣ааж̇зд̇ум̣ ваддад̇и, аббадижчанногаасз жз на ваддад̇и.
95.Lakkhaṇāhato katadaṇḍakammoti ettha katadaṇḍakammabhāvo purimanayeneva veditabbo. Yassa pana nalāṭe vā ūruādīsu vā tattena lohena lakkhaṇaṃ āhataṃ hoti, so sace bhujisso yāva allavaṇo hoti, tāva na pabbājetabbo. Sacepissa vaṇā ruḷhā honti, chaviyā samaparicchedā, lakkhaṇaṃ na paññāyati, timaṇḍalavatthassa uttarāsaṅge kate paṭicchannokāse ce hoti, pabbājetuṃ vaṭṭati, appaṭicchannokāse ce na vaṭṭati.
жоравад̇т̇угат̇аа нидтид̇аа.
Coravatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
28. ан̇г̇улимаалажоравад̇т̇у • 28. Aṅgulimālacoravatthu
29. гаарабхзд̣̇агажоравад̇т̇у • 29. Kārabhedakacoravatthu
30. ликид̇агажоравад̇т̇у • 30. Likhitakacoravatthu
31. гасаахад̇авад̇т̇у • 31. Kasāhatavatthu
32. лагкан̣аахад̇авад̇т̇у • 32. Lakkhaṇāhatavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / рааж̇абхадаад̣̇ивад̇т̇угат̇ааван̣н̣анаа • Rājabhaṭādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / жоравад̇т̇угат̇ааван̣н̣анаа • Coravatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / жоравад̇т̇угат̇ааван̣н̣анаа • Coravatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 28. жоравад̇т̇угат̇аа • 28. Coravatthukathā
