| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
2. சோரிவுட்டா²பிகாஸிக்கா²பத³வண்ணனா
2. Corivuṭṭhāpikāsikkhāpadavaṇṇanā
மல்லக³ணப⁴டிபுத்தக³ணாதி³கந்திஆதீ³ஸு (ஸாரத்த²॰ டீ॰ பாசித்திய 3.683) மல்லக³ணோ நாம நாராயனப⁴த்திகோ தத்த² தத்த² பானீயட்ட²பனபொக்க²ரணிக²ணனாதி³புஞ்ஞகம்மகாரகோ க³ணோ. ப⁴டிபுத்தக³ணோ நாம குமாரப⁴த்திகக³ணோ. த⁴ம்மக³ணோதி ஸாஸனப⁴த்திகோ அனேகப்பகாரபுஞ்ஞகம்மகாரகோ க³ணோ. க³ந்தி⁴கஸேணீதி அனேகப்பகாரஸுக³ந்தி⁴விகதிகாரகோ க³ணோ. து³ஸ்ஸிகஸேணீதி து³ஸ்ஸவாணிஜஸமூஹோ, பேஸகாரக³ணோதி அத்தோ².
Mallagaṇabhaṭiputtagaṇādikantiādīsu (sārattha. ṭī. pācittiya 3.683) mallagaṇo nāma nārāyanabhattiko tattha tattha pānīyaṭṭhapanapokkharaṇikhaṇanādipuññakammakārako gaṇo. Bhaṭiputtagaṇo nāma kumārabhattikagaṇo. Dhammagaṇoti sāsanabhattiko anekappakārapuññakammakārako gaṇo. Gandhikaseṇīti anekappakārasugandhivikatikārako gaṇo. Dussikaseṇīti dussavāṇijasamūho, pesakāragaṇoti attho.
வுட்டா²பெந்தியாதி உபஸம்பாதெ³ந்தியா. கேனசி கரணீயேன பக்கந்தாஸு பி⁴க்கு²னீஸு அக³ந்த்வா க²ண்ட³ஸீமங் யதா²னிஸின்னட்டா²னேயேவ அத்தனோ நிஸ்ஸிதகபரிஸாய ஸத்³தி⁴ங் வுட்டா²பெந்தியா வாசாசித்ததோ ஸமுட்டா²தி (பாசி॰ அட்ட²॰ 683), அஞ்ஞங் ஸீமங் வா நதி³ங் வா க³ந்த்வா வுட்டா²பெந்தியா காயவாசாசித்ததோ ஸமுட்டா²தீதி ஆஹ ‘‘சோரிவுட்டா²பனஸமுட்டா²ன’’ந்தி. அனாபுச்சா² வுட்டா²பனவஸேன கிரியாகிரியங். பஞ்ஞத்திங் அஜானந்தா அரியாபி வுட்டா²பெந்தீதி வா கம்மவாசாபரியோஸானே ஆபத்திக்க²ணே விபாகாப்³யாகதஸமங்கி³தாவஸேன வா திசித்தங்.
Vuṭṭhāpentiyāti upasampādentiyā. Kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti (pāci. aṭṭha. 683), aññaṃ sīmaṃ vā nadiṃ vā gantvā vuṭṭhāpentiyā kāyavācācittato samuṭṭhātīti āha ‘‘corivuṭṭhāpanasamuṭṭhāna’’nti. Anāpucchā vuṭṭhāpanavasena kiriyākiriyaṃ. Paññattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ticittaṃ.
சோரிவுட்டா²பிகாஸிக்கா²பத³வண்ணனா நிட்டி²தா.
Corivuṭṭhāpikāsikkhāpadavaṇṇanā niṭṭhitā.
