| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੨. ਚੋਰਿવੁਟ੍ਠਾਪਿਕਾਸਿਕ੍ਖਾਪਦવਣ੍ਣਨਾ
2. Corivuṭṭhāpikāsikkhāpadavaṇṇanā
ਮਲ੍ਲਗਣਭਟਿਪੁਤ੍ਤਗਣਾਦਿਕਨ੍ਤਿਆਦੀਸੁ (ਸਾਰਤ੍ਥ॰ ਟੀ॰ ਪਾਚਿਤ੍ਤਿਯ ੩.੬੮੩) ਮਲ੍ਲਗਣੋ ਨਾਮ ਨਾਰਾਯਨਭਤ੍ਤਿਕੋ ਤਤ੍ਥ ਤਤ੍ਥ ਪਾਨੀਯਟ੍ਠਪਨਪੋਕ੍ਖਰਣਿਖਣਨਾਦਿਪੁਞ੍ਞਕਮ੍ਮਕਾਰਕੋ ਗਣੋ। ਭਟਿਪੁਤ੍ਤਗਣੋ ਨਾਮ ਕੁਮਾਰਭਤ੍ਤਿਕਗਣੋ। ਧਮ੍ਮਗਣੋਤਿ ਸਾਸਨਭਤ੍ਤਿਕੋ ਅਨੇਕਪ੍ਪਕਾਰਪੁਞ੍ਞਕਮ੍ਮਕਾਰਕੋ ਗਣੋ। ਗਨ੍ਧਿਕਸੇਣੀਤਿ ਅਨੇਕਪ੍ਪਕਾਰਸੁਗਨ੍ਧਿવਿਕਤਿਕਾਰਕੋ ਗਣੋ। ਦੁਸ੍ਸਿਕਸੇਣੀਤਿ ਦੁਸ੍ਸવਾਣਿਜਸਮੂਹੋ, ਪੇਸਕਾਰਗਣੋਤਿ ਅਤ੍ਥੋ।
Mallagaṇabhaṭiputtagaṇādikantiādīsu (sārattha. ṭī. pācittiya 3.683) mallagaṇo nāma nārāyanabhattiko tattha tattha pānīyaṭṭhapanapokkharaṇikhaṇanādipuññakammakārako gaṇo. Bhaṭiputtagaṇo nāma kumārabhattikagaṇo. Dhammagaṇoti sāsanabhattiko anekappakārapuññakammakārako gaṇo. Gandhikaseṇīti anekappakārasugandhivikatikārako gaṇo. Dussikaseṇīti dussavāṇijasamūho, pesakāragaṇoti attho.
વੁਟ੍ਠਾਪੇਨ੍ਤਿਯਾਤਿ ਉਪਸਮ੍ਪਾਦੇਨ੍ਤਿਯਾ। ਕੇਨਚਿ ਕਰਣੀਯੇਨ ਪਕ੍ਕਨ੍ਤਾਸੁ ਭਿਕ੍ਖੁਨੀਸੁ ਅਗਨ੍ਤ੍વਾ ਖਣ੍ਡਸੀਮਂ ਯਥਾਨਿਸਿਨ੍ਨਟ੍ਠਾਨੇਯੇવ ਅਤ੍ਤਨੋ ਨਿਸ੍ਸਿਤਕਪਰਿਸਾਯ ਸਦ੍ਧਿਂ વੁਟ੍ਠਾਪੇਨ੍ਤਿਯਾ વਾਚਾਚਿਤ੍ਤਤੋ ਸਮੁਟ੍ਠਾਤਿ (ਪਾਚਿ॰ ਅਟ੍ਠ॰ ੬੮੩), ਅਞ੍ਞਂ ਸੀਮਂ વਾ ਨਦਿਂ વਾ ਗਨ੍ਤ੍વਾ વੁਟ੍ਠਾਪੇਨ੍ਤਿਯਾ ਕਾਯવਾਚਾਚਿਤ੍ਤਤੋ ਸਮੁਟ੍ਠਾਤੀਤਿ ਆਹ ‘‘ਚੋਰਿવੁਟ੍ਠਾਪਨਸਮੁਟ੍ਠਾਨ’’ਨ੍ਤਿ। ਅਨਾਪੁਚ੍ਛਾ વੁਟ੍ਠਾਪਨવਸੇਨ ਕਿਰਿਯਾਕਿਰਿਯਂ। ਪਞ੍ਞਤ੍ਤਿਂ ਅਜਾਨਨ੍ਤਾ ਅਰਿਯਾਪਿ વੁਟ੍ਠਾਪੇਨ੍ਤੀਤਿ વਾ ਕਮ੍ਮવਾਚਾਪਰਿਯੋਸਾਨੇ ਆਪਤ੍ਤਿਕ੍ਖਣੇ વਿਪਾਕਾਬ੍ਯਾਕਤਸਮਙ੍ਗਿਤਾવਸੇਨ વਾ ਤਿਚਿਤ੍ਤਂ।
Vuṭṭhāpentiyāti upasampādentiyā. Kenaci karaṇīyena pakkantāsu bhikkhunīsu agantvā khaṇḍasīmaṃ yathānisinnaṭṭhāneyeva attano nissitakaparisāya saddhiṃ vuṭṭhāpentiyā vācācittato samuṭṭhāti (pāci. aṭṭha. 683), aññaṃ sīmaṃ vā nadiṃ vā gantvā vuṭṭhāpentiyā kāyavācācittato samuṭṭhātīti āha ‘‘corivuṭṭhāpanasamuṭṭhāna’’nti. Anāpucchā vuṭṭhāpanavasena kiriyākiriyaṃ. Paññattiṃ ajānantā ariyāpi vuṭṭhāpentīti vā kammavācāpariyosāne āpattikkhaṇe vipākābyākatasamaṅgitāvasena vā ticittaṃ.
ਚੋਰਿવੁਟ੍ਠਾਪਿਕਾਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Corivuṭṭhāpikāsikkhāpadavaṇṇanā niṭṭhitā.
