| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா
14. Cuddasamanayo vippayuttenasaṅgahitāsaṅgahitapadavaṇṇanā
456. இதா³னி விப்பயுத்தேனஸங்க³ஹிதாஸங்க³ஹிதபத³ங் பா⁴ஜேதுங் ரூபக்க²ந்தே⁴னாதிஆதி³ ஆரத்³த⁴ங். தத்த² யேஸங் பதா³னங் விப்பயோகோ³ ந ருஹதி, தானி இமஸ்மிங் வாரே ந க³ஹிதானி. கானி பன தானீதி? த⁴ம்மாயதனாதீ³னி. த⁴ம்மாயதனஸ்ஸ ஹி க²ந்தா⁴தீ³ஸு ஏகேனாபி விப்பயோகோ³ ந ருஹதி. த⁴ம்மதா⁴துஆதீ³ஸுபி ஏஸேவ நயோ. தேஸங் இத³முத்³தா³னங் –
456. Idāni vippayuttenasaṅgahitāsaṅgahitapadaṃ bhājetuṃ rūpakkhandhenātiādi āraddhaṃ. Tattha yesaṃ padānaṃ vippayogo na ruhati, tāni imasmiṃ vāre na gahitāni. Kāni pana tānīti? Dhammāyatanādīni. Dhammāyatanassa hi khandhādīsu ekenāpi vippayogo na ruhati. Dhammadhātuādīsupi eseva nayo. Tesaṃ idamuddānaṃ –
‘‘த⁴ம்மாயதனங் த⁴ம்மதா⁴து, ஜீவிதிந்த்³ரியமேவ ச;
‘‘Dhammāyatanaṃ dhammadhātu, jīvitindriyameva ca;
நாமரூபபத³ஞ்சேவ, ஸளாயதனமேவ ச.
Nāmarūpapadañceva, saḷāyatanameva ca.
‘‘ஜாதிஆதி³த்தயங் ஏகங், பத³ங் வீஸதிமே திகே;
‘‘Jātiādittayaṃ ekaṃ, padaṃ vīsatime tike;
திகாவஸானிகங் ஏகங், ஸத்த சூளந்தரே பதா³.
Tikāvasānikaṃ ekaṃ, satta cūḷantare padā.
‘‘த³ஸேவ கொ³ச்ச²கே ஹொந்தி, மஹந்தரம்ஹி சுத்³த³ஸ;
‘‘Daseva gocchake honti, mahantaramhi cuddasa;
ச² பதா³னி ததோ உத்³த⁴ங் ஸப்³பா³னிபி ஸமாஸதோ;
Cha padāni tato uddhaṃ sabbānipi samāsato;
பதா³னி ச ந லப்³ப⁴ந்தி, சத்தாலீஸஞ்ச ஸத்த சா’’தி.
Padāni ca na labbhanti, cattālīsañca satta cā’’ti.
பரியோஸானே ச – த⁴ம்மாயதனங் த⁴ம்மதா⁴தூதி கா³தா²பி இமமேவத்த²ங் தீ³பேதுங் வுத்தா. இமானி பன ட²பெத்வா ஸேஸானி ஸப்³பா³னிபி லப்³ப⁴ந்தி. தேஸு க²ந்தா⁴தி³விபா⁴கோ³ வுத்தனயானுஸாரேனேவ வேதி³தப்³போ³தி.
Pariyosāne ca – dhammāyatanaṃ dhammadhātūti gāthāpi imamevatthaṃ dīpetuṃ vuttā. Imāni pana ṭhapetvā sesāni sabbānipi labbhanti. Tesu khandhādivibhāgo vuttanayānusāreneva veditabboti.
விப்பயுத்தேனஸங்க³ஹிதாஸங்க³ஹிதபத³வண்ணனா.
Vippayuttenasaṅgahitāsaṅgahitapadavaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 14. விப்பயுத்தேனஸங்க³ஹிதாஸங்க³ஹிதபத³னித்³தே³ஸோ • 14. Vippayuttenasaṅgahitāsaṅgahitapadaniddeso
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-மூலடீகா • Pañcapakaraṇa-mūlaṭīkā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
