| Library / Tipiṭaka / திபிடக • Tipiṭaka / பஞ்சபகரண-மூலடீகா • Pañcapakaraṇa-mūlaṭīkā |
14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா
14. Cuddasamanayo vippayuttenasaṅgahitāsaṅgahitapadavaṇṇanā
456. சுத்³த³ஸமனயே த⁴ம்மாயதனாதீ³னங் அனாரம்மணமிஸ்ஸகஸப்³ப³சித்துப்பாத³க³தத⁴ம்மபா⁴வதோ விப்பயோக³ஸ்ஸ அருஹணங் த³ட்ட²ப்³ப³ங். ஜாதிஆதி³த்தயஸ்ஸ செத்த² த⁴ம்மஸபா⁴வமத்தத்தா ந கத²ஞ்சி ஸம்பயோகோ³ விப்பயோகோ³ ச ருஹதி அஜ்ஜ²த்தப³ஹித்³த⁴த⁴ம்மானங் ஸப்³ப³த⁴ம்மஸமோதா⁴னத்தா, அனித³ஸ்ஸனஅப்படிகா⁴தீ³னங் அனாரம்மணமிஸ்ஸகஸப்³ப³சித்துப்பாத³த்தா. து³க்க²ஸச்சாதி³த⁴ம்மாவ இத⁴ தேஹி விப்பயுத்தானங் ஸங்க³ஹாஸங்க³ஹஸப்³பா⁴வா க³ஹிதாதி.
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
பாளிஉத்³தா³னகா³தா²யங் ஸமுச்சே²தே³ ந லப்³ப⁴ந்தீதி பரியோஸானே நயே ந லப்³ப⁴ந்தீதி அத்தோ². மோக⁴புச்ச²கேன சாதி அலப்³ப⁴மானா ச தே மோக⁴புச்ச²கேன ஹேதுனா ந லப்³ப⁴ந்தி தேஸங் புச்சா²ய மோக⁴த்தாதி வுத்தங் ஹோதி. அத² வா மோக⁴புச்ச²கோ அட்ட²மோ நயோ, தேன ச ஸஹ ஓஸானநயே ஏதே த⁴ம்மா விப்பயோக³ஸ்ஸபி அபா⁴வா ஸப்³ப³தா²பி ந லப்³ப⁴ந்தீதி அத்தோ².
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
சுத்³த³ஸமனயவிப்பயுத்தேனஸங்க³ஹிதாஸங்க³ஹிதபத³வண்ணனா நிட்டி²தா.
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
தா⁴துகதா²பகரண-மூலடீகா ஸமத்தா.
Dhātukathāpakaraṇa-mūlaṭīkā samattā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / தா⁴துகதா²பாளி • Dhātukathāpāḷi / 14. விப்பயுத்தேனஸங்க³ஹிதாஸங்க³ஹிதபத³னித்³தே³ஸோ • 14. Vippayuttenasaṅgahitāsaṅgahitapadaniddeso
அட்ட²கதா² • Aṭṭhakathā / அபி⁴த⁴ம்மபிடக (அட்ட²கதா²) • Abhidhammapiṭaka (aṭṭhakathā) / பஞ்சபகரண-அட்ட²கதா² • Pañcapakaraṇa-aṭṭhakathā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
டீகா • Tīkā / அபி⁴த⁴ம்மபிடக (டீகா) • Abhidhammapiṭaka (ṭīkā) / பஞ்சபகரண-அனுடீகா • Pañcapakaraṇa-anuṭīkā / 14. சுத்³த³ஸமனயோ விப்பயுத்தேனஸங்க³ஹிதாஸங்க³ஹிதபத³வண்ணனா • 14. Cuddasamanayo vippayuttenasaṅgahitāsaṅgahitapadavaṇṇanā
