| Library / Tipiṭaka / তিপিটক • Tipiṭaka / পঞ্চপকরণ-অট্ঠকথা • Pañcapakaraṇa-aṭṭhakathā |
১৪. চুদ্দসমনযো ৰিপ্পযুত্তেনসঙ্গহিতাসঙ্গহিতপদৰণ্ণনা
14. Cuddasamanayo vippayuttenasaṅgahitāsaṅgahitapadavaṇṇanā
৪৫৬. ইদানি ৰিপ্পযুত্তেনসঙ্গহিতাসঙ্গহিতপদং ভাজেতুং রূপক্খন্ধেনাতিআদি আরদ্ধং। তত্থ যেসং পদানং ৰিপ্পযোগো ন রুহতি, তানি ইমস্মিং ৰারে ন গহিতানি। কানি পন তানীতি? ধম্মাযতনাদীনি। ধম্মাযতনস্স হি খন্ধাদীসু একেনাপি ৰিপ্পযোগো ন রুহতি। ধম্মধাতুআদীসুপি এসেৰ নযো। তেসং ইদমুদ্দানং –
456. Idāni vippayuttenasaṅgahitāsaṅgahitapadaṃ bhājetuṃ rūpakkhandhenātiādi āraddhaṃ. Tattha yesaṃ padānaṃ vippayogo na ruhati, tāni imasmiṃ vāre na gahitāni. Kāni pana tānīti? Dhammāyatanādīni. Dhammāyatanassa hi khandhādīsu ekenāpi vippayogo na ruhati. Dhammadhātuādīsupi eseva nayo. Tesaṃ idamuddānaṃ –
‘‘ধম্মাযতনং ধম্মধাতু, জীৰিতিন্দ্রিযমেৰ চ।
‘‘Dhammāyatanaṃ dhammadhātu, jīvitindriyameva ca;
নামরূপপদঞ্চেৰ, সল়াযতনমেৰ চ॥
Nāmarūpapadañceva, saḷāyatanameva ca.
‘‘জাতিআদিত্তযং একং, পদং ৰীসতিমে তিকে।
‘‘Jātiādittayaṃ ekaṃ, padaṃ vīsatime tike;
তিকাৰসানিকং একং, সত্ত চূল়ন্তরে পদা॥
Tikāvasānikaṃ ekaṃ, satta cūḷantare padā.
‘‘দসেৰ গোচ্ছকে হোন্তি, মহন্তরম্হি চুদ্দস।
‘‘Daseva gocchake honti, mahantaramhi cuddasa;
ছ পদানি ততো উদ্ধং সব্বানিপি সমাসতো।
Cha padāni tato uddhaṃ sabbānipi samāsato;
পদানি চ ন লব্ভন্তি, চত্তালীসঞ্চ সত্ত চা’’তি॥
Padāni ca na labbhanti, cattālīsañca satta cā’’ti.
পরিযোসানে চ – ধম্মাযতনং ধম্মধাতূতি গাথাপি ইমমেৰত্থং দীপেতুং ৰুত্তা। ইমানি পন ঠপেত্ৰা সেসানি সব্বানিপি লব্ভন্তি। তেসু খন্ধাদিৰিভাগো ৰুত্তনযানুসারেনেৰ ৰেদিতব্বোতি।
Pariyosāne ca – dhammāyatanaṃ dhammadhātūti gāthāpi imamevatthaṃ dīpetuṃ vuttā. Imāni pana ṭhapetvā sesāni sabbānipi labbhanti. Tesu khandhādivibhāgo vuttanayānusāreneva veditabboti.
ৰিপ্পযুত্তেনসঙ্গহিতাসঙ্গহিতপদৰণ্ণনা।
Vippayuttenasaṅgahitāsaṅgahitapadavaṇṇanā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / ধাতুকথাপাল়ি • Dhātukathāpāḷi / ১৪. ৰিপ্পযুত্তেনসঙ্গহিতাসঙ্গহিতপদনিদ্দেসো • 14. Vippayuttenasaṅgahitāsaṅgahitapadaniddeso
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-মূলটীকা • Pañcapakaraṇa-mūlaṭīkā / ১৪. চুদ্দসমনযো ৰিপ্পযুত্তেনসঙ্গহিতাসঙ্গহিতপদৰণ্ণনা • 14. Cuddasamanayo vippayuttenasaṅgahitāsaṅgahitapadavaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১৪. চুদ্দসমনযো ৰিপ্পযুত্তেনসঙ্গহিতাসঙ্গহিতপদৰণ্ণনা • 14. Cuddasamanayo vippayuttenasaṅgahitāsaṅgahitapadavaṇṇanā
