| Library / Tipiṭaka / ਤਿਪਿਟਕ • Tipiṭaka / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā |
੧੪. ਚੁਦ੍ਦਸਮਨਯੋ વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦવਣ੍ਣਨਾ
14. Cuddasamanayo vippayuttenasaṅgahitāsaṅgahitapadavaṇṇanā
੪੫੬. ਇਦਾਨਿ વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦਂ ਭਾਜੇਤੁਂ ਰੂਪਕ੍ਖਨ੍ਧੇਨਾਤਿਆਦਿ ਆਰਦ੍ਧਂ। ਤਤ੍ਥ ਯੇਸਂ ਪਦਾਨਂ વਿਪ੍ਪਯੋਗੋ ਨ ਰੁਹਤਿ, ਤਾਨਿ ਇਮਸ੍ਮਿਂ વਾਰੇ ਨ ਗਹਿਤਾਨਿ। ਕਾਨਿ ਪਨ ਤਾਨੀਤਿ? ਧਮ੍ਮਾਯਤਨਾਦੀਨਿ। ਧਮ੍ਮਾਯਤਨਸ੍ਸ ਹਿ ਖਨ੍ਧਾਦੀਸੁ ਏਕੇਨਾਪਿ વਿਪ੍ਪਯੋਗੋ ਨ ਰੁਹਤਿ। ਧਮ੍ਮਧਾਤੁਆਦੀਸੁਪਿ ਏਸੇવ ਨਯੋ। ਤੇਸਂ ਇਦਮੁਦ੍ਦਾਨਂ –
456. Idāni vippayuttenasaṅgahitāsaṅgahitapadaṃ bhājetuṃ rūpakkhandhenātiādi āraddhaṃ. Tattha yesaṃ padānaṃ vippayogo na ruhati, tāni imasmiṃ vāre na gahitāni. Kāni pana tānīti? Dhammāyatanādīni. Dhammāyatanassa hi khandhādīsu ekenāpi vippayogo na ruhati. Dhammadhātuādīsupi eseva nayo. Tesaṃ idamuddānaṃ –
‘‘ਧਮ੍ਮਾਯਤਨਂ ਧਮ੍ਮਧਾਤੁ, ਜੀવਿਤਿਨ੍ਦ੍ਰਿਯਮੇવ ਚ।
‘‘Dhammāyatanaṃ dhammadhātu, jīvitindriyameva ca;
ਨਾਮਰੂਪਪਦਞ੍ਚੇવ, ਸਲ਼ਾਯਤਨਮੇવ ਚ॥
Nāmarūpapadañceva, saḷāyatanameva ca.
‘‘ਜਾਤਿਆਦਿਤ੍ਤਯਂ ਏਕਂ, ਪਦਂ વੀਸਤਿਮੇ ਤਿਕੇ।
‘‘Jātiādittayaṃ ekaṃ, padaṃ vīsatime tike;
ਤਿਕਾવਸਾਨਿਕਂ ਏਕਂ, ਸਤ੍ਤ ਚੂਲ਼ਨ੍ਤਰੇ ਪਦਾ॥
Tikāvasānikaṃ ekaṃ, satta cūḷantare padā.
‘‘ਦਸੇવ ਗੋਚ੍ਛਕੇ ਹੋਨ੍ਤਿ, ਮਹਨ੍ਤਰਮ੍ਹਿ ਚੁਦ੍ਦਸ।
‘‘Daseva gocchake honti, mahantaramhi cuddasa;
ਛ ਪਦਾਨਿ ਤਤੋ ਉਦ੍ਧਂ ਸਬ੍ਬਾਨਿਪਿ ਸਮਾਸਤੋ।
Cha padāni tato uddhaṃ sabbānipi samāsato;
ਪਦਾਨਿ ਚ ਨ ਲਬ੍ਭਨ੍ਤਿ, ਚਤ੍ਤਾਲੀਸਞ੍ਚ ਸਤ੍ਤ ਚਾ’’ਤਿ॥
Padāni ca na labbhanti, cattālīsañca satta cā’’ti.
ਪਰਿਯੋਸਾਨੇ ਚ – ਧਮ੍ਮਾਯਤਨਂ ਧਮ੍ਮਧਾਤੂਤਿ ਗਾਥਾਪਿ ਇਮਮੇવਤ੍ਥਂ ਦੀਪੇਤੁਂ વੁਤ੍ਤਾ। ਇਮਾਨਿ ਪਨ ਠਪੇਤ੍વਾ ਸੇਸਾਨਿ ਸਬ੍ਬਾਨਿਪਿ ਲਬ੍ਭਨ੍ਤਿ। ਤੇਸੁ ਖਨ੍ਧਾਦਿવਿਭਾਗੋ વੁਤ੍ਤਨਯਾਨੁਸਾਰੇਨੇવ વੇਦਿਤਬ੍ਬੋਤਿ।
Pariyosāne ca – dhammāyatanaṃ dhammadhātūti gāthāpi imamevatthaṃ dīpetuṃ vuttā. Imāni pana ṭhapetvā sesāni sabbānipi labbhanti. Tesu khandhādivibhāgo vuttanayānusāreneva veditabboti.
વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦવਣ੍ਣਨਾ।
Vippayuttenasaṅgahitāsaṅgahitapadavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਅਭਿਧਮ੍ਮਪਿਟਕ • Abhidhammapiṭaka / ਧਾਤੁਕਥਾਪਾਲ਼ਿ • Dhātukathāpāḷi / ੧੪. વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦਨਿਦ੍ਦੇਸੋ • 14. Vippayuttenasaṅgahitāsaṅgahitapadaniddeso
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਮੂਲਟੀਕਾ • Pañcapakaraṇa-mūlaṭīkā / ੧੪. ਚੁਦ੍ਦਸਮਨਯੋ વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦવਣ੍ਣਨਾ • 14. Cuddasamanayo vippayuttenasaṅgahitāsaṅgahitapadavaṇṇanā
ਟੀਕਾ • Tīkā / ਅਭਿਧਮ੍ਮਪਿਟਕ (ਟੀਕਾ) • Abhidhammapiṭaka (ṭīkā) / ਪਞ੍ਚਪਕਰਣ-ਅਨੁਟੀਕਾ • Pañcapakaraṇa-anuṭīkā / ੧੪. ਚੁਦ੍ਦਸਮਨਯੋ વਿਪ੍ਪਯੁਤ੍ਤੇਨਸਙ੍ਗਹਿਤਾਸਙ੍ਗਹਿਤਪਦવਣ੍ਣਨਾ • 14. Cuddasamanayo vippayuttenasaṅgahitāsaṅgahitapadavaṇṇanā
