| Library / Tipiṭaka / തിപിടക • Tipiṭaka / പഞ്ചപകരണ-മൂലടീകാ • Pañcapakaraṇa-mūlaṭīkā |
൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ
14. Cuddasamanayo vippayuttenasaṅgahitāsaṅgahitapadavaṇṇanā
൪൫൬. ചുദ്ദസമനയേ ധമ്മായതനാദീനം അനാരമ്മണമിസ്സകസബ്ബചിത്തുപ്പാദഗതധമ്മഭാവതോ വിപ്പയോഗസ്സ അരുഹണം ദട്ഠബ്ബം. ജാതിആദിത്തയസ്സ ചേത്ഥ ധമ്മസഭാവമത്തത്താ ന കഥഞ്ചി സമ്പയോഗോ വിപ്പയോഗോ ച രുഹതി അജ്ഝത്തബഹിദ്ധധമ്മാനം സബ്ബധമ്മസമോധാനത്താ, അനിദസ്സനഅപ്പടിഘാദീനം അനാരമ്മണമിസ്സകസബ്ബചിത്തുപ്പാദത്താ. ദുക്ഖസച്ചാദിധമ്മാവ ഇധ തേഹി വിപ്പയുത്താനം സങ്ഗഹാസങ്ഗഹസബ്ഭാവാ ഗഹിതാതി.
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
പാളിഉദ്ദാനഗാഥായം സമുച്ഛേദേ ന ലബ്ഭന്തീതി പരിയോസാനേ നയേ ന ലബ്ഭന്തീതി അത്ഥോ. മോഘപുച്ഛകേന ചാതി അലബ്ഭമാനാ ച തേ മോഘപുച്ഛകേന ഹേതുനാ ന ലബ്ഭന്തി തേസം പുച്ഛായ മോഘത്താതി വുത്തം ഹോതി. അഥ വാ മോഘപുച്ഛകോ അട്ഠമോ നയോ, തേന ച സഹ ഓസാനനയേ ഏതേ ധമ്മാ വിപ്പയോഗസ്സപി അഭാവാ സബ്ബഥാപി ന ലബ്ഭന്തീതി അത്ഥോ.
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
ചുദ്ദസമനയവിപ്പയുത്തേനസങ്ഗഹിതാസങ്ഗഹിതപദവണ്ണനാ നിട്ഠിതാ.
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
ധാതുകഥാപകരണ-മൂലടീകാ സമത്താ.
Dhātukathāpakaraṇa-mūlaṭīkā samattā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / ധാതുകഥാപാളി • Dhātukathāpāḷi / ൧൪. വിപ്പയുത്തേനസങ്ഗഹിതാസങ്ഗഹിതപദനിദ്ദേസോ • 14. Vippayuttenasaṅgahitāsaṅgahitapadaniddeso
അട്ഠകഥാ • Aṭṭhakathā / അഭിധമ്മപിടക (അട്ഠകഥാ) • Abhidhammapiṭaka (aṭṭhakathā) / പഞ്ചപകരണ-അട്ഠകഥാ • Pañcapakaraṇa-aṭṭhakathā / ൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ • 14. Cuddasamanayo vippayuttenasaṅgahitāsaṅgahitapadavaṇṇanā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-അനുടീകാ • Pañcapakaraṇa-anuṭīkā / ൧൪. ചുദ്ദസമനയോ വിപ്പയുത്തേനസങ്ഗഹിതാസങ്ഗഹിതപദവണ്ണനാ • 14. Cuddasamanayo vippayuttenasaṅgahitāsaṅgahitapadavaṇṇanā
