| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
4. жуул̣аб̣од̇хижарияааван̣н̣анаа
4. Cūḷabodhicariyāvaṇṇanā
26. жад̇уд̇т̇з жуул̣аб̣од̇хийд̇и махааб̣од̇хибариб̣б̣ааж̇агад̇д̇абхаавам̣ убаад̣̇ааяа ид̇ха ‘‘жуул̣аб̣од̇хий’’д̇и саман̃н̃аа ааробид̇аа, на бана имасмим̣ зва ж̇аад̇агз (ж̇аа. 1.10.49 аад̣̇аяо) ад̇д̇ано ж̇здтабхаад̇игаад̣̇ино махааб̣од̇хисса самбхавад̇од̇и д̣̇адтаб̣б̣ам̣. сусийлаваад̇и судту сийлаваа, самбаннасийлод̇и ад̇т̇о. бхавам̣ д̣̇исваана бхаяад̇од̇и гаамаад̣̇ибхавам̣ бхааяид̇аб̣б̣абхаавзна бассид̇ваа. нзгкамманд̇и зд̇т̇а жа-сад̣̇д̣̇асса лобо д̣̇адтаб̣б̣о, д̇зна ‘‘д̣̇исваанаа’’д̇и бад̣̇ам̣ аагад̣дхийяад̇и. ид̣̇ам̣ вуд̇д̇ам̣ ход̇и – ж̇аад̇иж̇арааб̣яаад̇химаран̣ам̣ абааяад̣̇угкам̣ ад̇ийд̇з ваддамуулагам̣ д̣̇угкам̣, анааг̇ад̇з ваддамуулагам̣ д̣̇угкам̣, бажжуббаннз аахаарабарияздтимуулагам̣ д̣̇угканд̇и имзсам̣ адтаннам̣ сам̣взг̇авад̇т̇уунам̣ бажжавзгкан̣зна саб̣б̣амби гаамаад̣̇ибхзд̣̇ам̣ бхавам̣ сам̣саарабхаяад̇о убадтахамаанам̣ д̣̇исваа ниб̣б̣аанам̣ д̇асса убааяабхууд̇аа самат̇авибассанаа д̇ад̣̇убааяабхууд̇аа жа баб̣б̣аж̇ж̇аад̇и ид̣̇ам̣ д̇ивид̇хамби нзгкаммам̣ ануссаваад̣̇исид̣̇д̇хзна н̃аан̣ажагкунаа д̇аббадибагкад̇о д̣̇исваа д̇аабасабаб̣б̣аж̇ж̇уубаг̇аманзна анзгаад̣̇ийнаваагулаа г̇ахадтабхааваа абхинигкамид̇ваа г̇ад̇од̇и.
26. Catutthe cūḷabodhīti mahābodhiparibbājakattabhāvaṃ upādāya idha ‘‘cūḷabodhī’’ti samaññā āropitā, na pana imasmiṃ eva jātake (jā. 1.10.49 ādayo) attano jeṭṭhabhātikādino mahābodhissa sambhavatoti daṭṭhabbaṃ. Susīlavāti suṭṭhu sīlavā, sampannasīloti attho. Bhavaṃ disvāna bhayatoti kāmādibhavaṃ bhāyitabbabhāvena passitvā. Nekkhammanti ettha ca-saddassa lopo daṭṭhabbo, tena ‘‘disvānā’’ti padaṃ ākaḍḍhīyati. Idaṃ vuttaṃ hoti – jātijarābyādhimaraṇaṃ apāyadukkhaṃ atīte vaṭṭamūlakaṃ dukkhaṃ, anāgate vaṭṭamūlakaṃ dukkhaṃ, paccuppanne āhārapariyeṭṭhimūlakaṃ dukkhanti imesaṃ aṭṭhannaṃ saṃvegavatthūnaṃ paccavekkhaṇena sabbampi kāmādibhedaṃ bhavaṃ saṃsārabhayato upaṭṭhahamānaṃ disvā nibbānaṃ tassa upāyabhūtā samathavipassanā tadupāyabhūtā ca pabbajjāti idaṃ tividhampi nekkhammaṃ anussavādisiddhena ñāṇacakkhunā tappaṭipakkhato disvā tāpasapabbajjūpagamanena anekādīnavākulā gahaṭṭhabhāvā abhinikkhamitvā gatoti.
27. д̣̇уд̇ияигаад̇и бораан̣ад̣̇уд̇ияигаа, г̇ихигаалз баж̇аабад̇ибхууд̇аа. ганагасаннибхаад̇и ган̃жанасаннибхад̇д̇ажаа. ваддз анабзгкаад̇и сам̣саарз нираалаяаа. нзгкаммам̣ абхинигкамийд̇и нзгкаммад̇т̇ааяа г̇зхад̇о нигками, баб̣б̣аж̇ийд̇и ад̇т̇о.
27.Dutiyikāti porāṇadutiyikā, gihikāle pajāpatibhūtā. Kanakasannibhāti kañcanasannibhattacā. Vaṭṭe anapekkhāti saṃsāre nirālayā. Nekkhammaṃ abhinikkhamīti nekkhammatthāya gehato nikkhami, pabbajīti attho.
28. аалаяанд̇и сад̇д̇аа зд̇знаад̇и аалаяо, д̇ан̣хаа, д̇ад̣̇абхаавзна нираалаяаа. д̇ад̇о зва н̃аад̇ийсу д̇ан̣хааб̣анд̇ханасса чиннад̇д̇аа чиннаб̣анд̇ху. звам̣ г̇ихиб̣анд̇ханаабхаавам̣ д̣̇ассзд̇ваа ид̣̇аани баб̣б̣аж̇ид̇аанамби гзсан̃жи яам̣ ход̇и б̣анд̇ханам̣ , д̇ассааби абхаавам̣ д̣̇ассзд̇ум̣ ‘‘анабзгкаа гулз г̇ан̣з’’д̇и вуд̇д̇ам̣. д̇ад̇т̇а гулзд̇и убадтаагагулз. г̇ан̣зд̇и д̇аабасаг̇ан̣з, сзсаа б̣рахмажааринод̇и вужжанд̇и. убааг̇амунд̇и убхоби маяам̣ убааг̇амимхаа.
28. Ālayanti sattā etenāti ālayo, taṇhā, tadabhāvena nirālayā. Tato eva ñātīsu taṇhābandhanassa chinnattā chinnabandhu. Evaṃ gihibandhanābhāvaṃ dassetvā idāni pabbajitānampi kesañci yaṃ hoti bandhanaṃ , tassāpi abhāvaṃ dassetuṃ ‘‘anapekkhā kule gaṇe’’ti vuttaṃ. Tattha kuleti upaṭṭhākakule. Gaṇeti tāpasagaṇe, sesā brahmacārinoti vuccanti. Upāgamunti ubhopi mayaṃ upāgamimhā.
29. д̇ад̇т̇аад̇и б̣аараан̣асисааманд̇з. нибагаад̇и бан̃н̃аванд̇о. нираагулзд̇и ж̇анасан̃жаарарахид̇ад̇д̇аа ж̇анзхи анаагулз, аббасад̣̇д̣̇зд̇и миг̇абагкийнам̣ удтаабанад̇о д̇зсам̣ вассид̇асад̣̇д̣̇знааби вирахид̇ад̇д̇аа аббасад̣̇д̣̇з. рааж̇уяяаанз васаамубход̇и б̣аараан̣асиран̃н̃о уяяаанз маяам̣ убхо ж̇анаа д̇ад̣̇аа васаама.
29.Tatthāti bārāṇasisāmante. Nipakāti paññavanto. Nirākuleti janasañcārarahitattā janehi anākule, appasaddeti migapakkhīnaṃ uṭṭhāpanato tesaṃ vassitasaddenāpi virahitattā appasadde. Rājuyyāne vasāmubhoti bārāṇasirañño uyyāne mayaṃ ubho janā tadā vasāma.
д̇ад̇рааяам̣ анубуб̣б̣игат̇аа – ад̇ийд̇з имасмим̣ зва бхад̣̇д̣̇агаббз б̣од̇хисад̇д̇о б̣рахмалогад̇о жавид̇ваа ан̃н̃ад̇арасмим̣ гаасиг̇аамз згасса махаавибхавасса б̣раахман̣асса буд̇д̇о худ̇ваа ниб̣б̣ад̇д̇и. д̇асса наамаг̇г̇ахан̣асамаяз ‘‘б̣од̇хигумааро’’д̇и наамам̣ гарим̣су. ваяаббад̇д̇агаалз банасса д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа бажжааг̇ад̇асса анижчамаанагассзва маад̇аабид̇аро самаж̇аад̇игам̣ гулагумааригам̣ аанзсум̣. сааби б̣рахмалогажуд̇аава уд̇д̇амаруубад̇хараа д̣̇зважчараабадибхааг̇аа. д̇зсам̣ анижчамаанаанам̣ зва ан̃н̃аман̃н̃ам̣ ааваахавиваахам̣ гарим̣су. убхиннамби бана нзсам̣ гилзсамуд̣̇аажааро на бхууд̇абуб̣б̣о, саарааг̇авасзна ан̃н̃аман̃н̃ам̣ ологанамби наахоси, гаа бана гат̇аа ид̇арасам̣саг̇г̇з. звам̣ барисуд̣̇д̇хасийлаа ахзсум̣.
Tatrāyaṃ anupubbikathā – atīte imasmiṃ eva bhaddakappe bodhisatto brahmalokato cavitvā aññatarasmiṃ kāsigāme ekassa mahāvibhavassa brāhmaṇassa putto hutvā nibbatti. Tassa nāmaggahaṇasamaye ‘‘bodhikumāro’’ti nāmaṃ kariṃsu. Vayappattakāle panassa takkasilaṃ gantvā sabbasippāni uggaṇhitvā paccāgatassa anicchamānakasseva mātāpitaro samajātikaṃ kulakumārikaṃ ānesuṃ. Sāpi brahmalokacutāva uttamarūpadharā devaccharāpaṭibhāgā. Tesaṃ anicchamānānaṃ eva aññamaññaṃ āvāhavivāhaṃ kariṃsu. Ubhinnampi pana nesaṃ kilesamudācāro na bhūtapubbo, sārāgavasena aññamaññaṃ olokanampi nāhosi, kā pana kathā itarasaṃsagge. Evaṃ parisuddhasīlā ahesuṃ.
абарабхааг̇з махаасад̇д̇о маад̇аабид̇уусу гаалам̣гад̇зсу д̇зсам̣ сарийрагижжам̣ гад̇ваа д̇ам̣ баггосаабзд̇ваа ‘‘бхад̣̇д̣̇з, д̇вам̣ имам̣ асийд̇игодид̇ханам̣ г̇ахзд̇ваа сукзна ж̇ийваахий’’д̇и ааха. ‘‘д̇вам̣ бана аяяабуд̇д̇аа’’д̇и? ‘‘маяхам̣ д̇ханзна гижжам̣ над̇т̇и, баб̣б̣аж̇иссаамий’’д̇и. ‘‘гим̣ бана баб̣б̣аж̇ж̇аа ид̇т̇ийнамби на ваддад̇ий’’д̇и? ‘‘ваддад̇и, бхад̣̇д̣̇з’’д̇и. ‘‘д̇зна хи маяхамби д̇ханзна гижжам̣ над̇т̇и, ахамби баб̣б̣аж̇иссаамий’’д̇и. д̇з убхоби саб̣б̣ам̣ вибхавам̣ барижжаж̇ид̇ваа махаад̣̇аанам̣ д̣̇ад̇ваа нигкамид̇ваа аран̃н̃ам̣ бависид̇ваа баб̣б̣аж̇ид̇ваа ун̃чаажарияааяа палаапалзхи яаабзнд̇аа баб̣б̣аж̇ж̇аасукзнзва д̣̇аса сам̣важчараани васид̇ваа лон̣амб̣иласзванад̇т̇ааяа ж̇анабад̣̇ажааригам̣ жаранд̇аа анубуб̣б̣зна б̣аараан̣асим̣ бад̇ваа рааж̇уяяаанз васим̣су. д̇зна вуд̇д̇ам̣ ‘‘рааж̇уяяаанз васаамубхо’’д̇и.
Aparabhāge mahāsatto mātāpitūsu kālaṃkatesu tesaṃ sarīrakiccaṃ katvā taṃ pakkosāpetvā ‘‘bhadde, tvaṃ imaṃ asītikoṭidhanaṃ gahetvā sukhena jīvāhī’’ti āha. ‘‘Tvaṃ pana ayyaputtā’’ti? ‘‘Mayhaṃ dhanena kiccaṃ natthi, pabbajissāmī’’ti. ‘‘Kiṃ pana pabbajjā itthīnampi na vaṭṭatī’’ti? ‘‘Vaṭṭati, bhadde’’ti. ‘‘Tena hi mayhampi dhanena kiccaṃ natthi, ahampi pabbajissāmī’’ti. Te ubhopi sabbaṃ vibhavaṃ pariccajitvā mahādānaṃ datvā nikkhamitvā araññaṃ pavisitvā pabbajitvā uñchācariyāya phalāphalehi yāpentā pabbajjāsukheneva dasa saṃvaccharāni vasitvā loṇambilasevanatthāya janapadacārikaṃ carantā anupubbena bārāṇasiṃ patvā rājuyyāne vasiṃsu. Tena vuttaṃ ‘‘rājuyyāne vasāmubho’’ti.
30. ат̇згад̣̇ивасам̣ рааж̇аа уяяаанагийл̣ам̣ г̇ад̇о. уяяаанасса згабассз баб̣б̣аж̇ж̇аасукзна вийд̇инаамзнд̇аанам̣ д̇зсам̣ самийбадтаанам̣ г̇анд̇ваа барамабаасаад̣̇игам̣ уд̇д̇амаруубад̇харам̣ бариб̣б̣ааж̇игам̣ ологзнд̇о гилзсавасзна бадиб̣ад̣̇д̇хажид̇д̇о худ̇ваа б̣од̇хисад̇д̇ам̣ ‘‘аяам̣ д̇з бариб̣б̣ааж̇игаа гим̣ ход̇ий’’д̇и бужчи. д̇зна ‘‘на жа гин̃жи ход̇и, гзвалам̣ згабаб̣б̣аж̇ж̇ааяа баб̣б̣аж̇ид̇аа, аби жа ко бана г̇ихигаалз баад̣̇абарижааригаа ахосий’’д̇и вуд̇д̇з рааж̇аа ‘‘аяам̣ гирзд̇асса на гин̃жи ход̇и, аби жа ко банасса г̇ихигаалз баад̣̇абарижааригаа ахоси, яам̣нуунаахам̣ имам̣ анд̇збурам̣ бавзсзяяам̣, д̇знзвасса имиссаа бадибад̇д̇им̣ ж̇ааниссаамий’’д̇и анд̇хаб̣аало д̇ад̇т̇а ад̇д̇ано бадиб̣ад̣̇д̇хажид̇д̇ам̣ ниваарзд̇ум̣ асаггонд̇о ан̃н̃ад̇арам̣ бурисам̣ аан̣аабзси ‘‘имам̣ бариб̣б̣ааж̇игам̣ рааж̇анивзсанам̣ нзхий’’д̇и.
30. Athekadivasaṃ rājā uyyānakīḷaṃ gato. Uyyānassa ekapasse pabbajjāsukhena vītināmentānaṃ tesaṃ samīpaṭṭhānaṃ gantvā paramapāsādikaṃ uttamarūpadharaṃ paribbājikaṃ olokento kilesavasena paṭibaddhacitto hutvā bodhisattaṃ ‘‘ayaṃ te paribbājikā kiṃ hotī’’ti pucchi. Tena ‘‘na ca kiñci hoti, kevalaṃ ekapabbajjāya pabbajitā, api ca kho pana gihikāle pādaparicārikā ahosī’’ti vutte rājā ‘‘ayaṃ kiretassa na kiñci hoti, api ca kho panassa gihikāle pādaparicārikā ahosi, yaṃnūnāhaṃ imaṃ antepuraṃ paveseyyaṃ, tenevassa imissā paṭipattiṃ jānissāmī’’ti andhabālo tattha attano paṭibaddhacittaṃ nivāretuṃ asakkonto aññataraṃ purisaṃ āṇāpesi ‘‘imaṃ paribbājikaṃ rājanivesanaṃ nehī’’ti.
со д̇асса бадиссун̣ид̇ваа ‘‘ад̇хаммо логз вад̇д̇ад̇ий’’д̇иаад̣̇ийни вад̇ваа барид̣̇звамаанам̣ зва д̇ам̣ аад̣̇ааяа бааяааси. б̣од̇хисад̇д̇о д̇ассаа барид̣̇званасад̣̇д̣̇ам̣ суд̇ваа згаваарам̣ ологзд̇ваа буна на ологзси. ‘‘сажз банаахам̣ ваарзссаами, д̇зсу жид̇д̇ам̣ бад̣̇осзд̇ваа маяхам̣ сийласса анд̇арааяо бхависсад̇ий’’д̇и сийлабаарамим̣язва ааваж̇ж̇знд̇о нисийд̣̇и. д̇зна вуд̇д̇ам̣ ‘‘уяяаанад̣̇ассанам̣ г̇анд̇ваа, рааж̇аа ад̣̇д̣̇аса б̣раахман̣и’’нд̇иаад̣̇и.
So tassa paṭissuṇitvā ‘‘adhammo loke vattatī’’tiādīni vatvā paridevamānaṃ eva taṃ ādāya pāyāsi. Bodhisatto tassā paridevanasaddaṃ sutvā ekavāraṃ oloketvā puna na olokesi. ‘‘Sace panāhaṃ vāressāmi, tesu cittaṃ padosetvā mayhaṃ sīlassa antarāyo bhavissatī’’ti sīlapāramiṃyeva āvajjento nisīdi. Tena vuttaṃ ‘‘uyyānadassanaṃ gantvā, rājā addasa brāhmaṇi’’ntiādi.
д̇ад̇т̇а д̇уяхзсаа гаа гасса бхарияаад̇и д̇уяхам̣ д̇ава зсаа гаа, гим̣ бхарияаа, уд̣̇ааху бхаг̇иний ваа самаанаа гасса ан̃н̃асса бхарияаа.
Tattha tuyhesā kā kassa bhariyāti tuyhaṃ tava esā kā, kiṃ bhariyā, udāhu bhaginī vā samānā kassa aññassa bhariyā.
31. на маяхам̣ бхарияаа зсаад̇и гааман̃жзсаа маяхам̣ г̇ихигаалз бхарияаа ахоси, баб̣б̣аж̇ид̇агаалад̇о бадтааяа на маяхам̣ бхарияаа зсаа, нааби ахам̣ зд̇иссаа саамиго, гзвалам̣ бана сахад̇хаммаа згасаасаний, ахамби бариб̣б̣ааж̇аго аяамби бариб̣б̣ааж̇игаад̇и самаанад̇хаммаа бариб̣б̣ааж̇агасаасанзна згасаасаний, саб̣рахмажааринийд̇и ад̇т̇о.
31.Na mayhaṃ bhariyā esāti kāmañcesā mayhaṃ gihikāle bhariyā ahosi, pabbajitakālato paṭṭhāya na mayhaṃ bhariyā esā, nāpi ahaṃ etissā sāmiko, kevalaṃ pana sahadhammā ekasāsanī, ahampi paribbājako ayampi paribbājikāti samānadhammā paribbājakasāsanena ekasāsanī, sabrahmacārinīti attho.
32. д̇иссаа саарад̇д̇аг̇ад̇хид̇од̇и гаамарааг̇зна саарад̇д̇о худ̇ваа бадиб̣ад̣̇д̇хо. г̇аахаабзд̇ваана жздагзд̇и жздагзхи г̇ан̣хаабзд̇ваа жздагз ваа ад̇д̇ано рааж̇абурисз аан̣аабзд̇ваа д̇ам̣ бариб̣б̣ааж̇игам̣ г̇ан̣хаабзд̇ваа. ниббийл̣аяанд̇о б̣аласаад̇и д̇ам̣ анижчамаанам̣ зва аагад̣дханабаригад̣дханаад̣̇инаа ниббийл̣аяанд̇о б̣аад̇хзнд̇о, д̇ат̇ааби аг̇ажчанд̇им̣ б̣аласаа б̣алаггаарзна рааж̇абурисзхи г̇ан̣хаабзд̇ваа ад̇д̇ано анд̇збурам̣ бавзсзси.
32.Tissā sārattagadhitoti kāmarāgena sāratto hutvā paṭibaddho. Gāhāpetvāna ceṭaketi ceṭakehi gaṇhāpetvā ceṭake vā attano rājapurise āṇāpetvā taṃ paribbājikaṃ gaṇhāpetvā. Nippīḷayanto balasāti taṃ anicchamānaṃ eva ākaḍḍhanaparikaḍḍhanādinā nippīḷayanto bādhento, tathāpi agacchantiṃ balasā balakkārena rājapurisehi gaṇhāpetvā attano antepuraṃ pavesesi.
33. од̣̇абад̇д̇агияаад̇и уд̣̇агабад̇д̇ам̣ аамасид̇ваа г̇ахид̇абхарияаа од̣̇абад̇д̇игаа наама, ид̣̇ам̣ важанам̣ бураан̣ад̣̇уд̇ияигаабхаавзна убалагкан̣амад̇д̇ам̣ д̣̇адтаб̣б̣ам̣ , саа банасса б̣раахман̣авиваахавасзна маад̇аабид̇уухи самбадибаад̣̇ид̇аа, ‘‘од̣̇абад̇д̇агияаа’’д̇и жа бхаавзнабхаавалагкан̣з бхуммам̣. сахаж̇аад̇и баб̣б̣аж̇ж̇ааж̇аад̇ивасзна сахаж̇аад̇аа, д̇знзвааха ‘‘згасаасаний’’д̇и. ‘‘згасаасаний’’д̇и жа ид̣̇ам̣ бхуммад̇т̇з бажжад̇д̇ам̣, згасаасанияаад̇и ад̇т̇о. наяанд̇ияаад̇и нийяанд̇ияаа. гобо мз убабаж̇ж̇ат̇аад̇и аяам̣ д̇з г̇ихигаалз бхарияаа б̣раахман̣ий сийлавад̇ий, баб̣б̣аж̇ид̇агаалз жа саб̣рахмажааринийбхаавад̇о сахаж̇аад̇аа бхаг̇иний, саа д̇уяхам̣ бурад̇о б̣алаггаарзна аагад̣дхид̇ваа нийяад̇и. ‘‘б̣од̇хиб̣раахман̣а, гим̣ д̇з бурисабхаава’’нд̇и бурисамаанзна уссаахид̇о жирагааласаяид̇о ваммигаб̣илад̇о гзнажи бурисзна гхаддид̇о ‘‘сусуу’’д̇и пан̣ам̣ гаронд̇о аасивисо вияа мз жид̇д̇ад̇о гобо сахасаа вудтааси.
33.Odapattakiyāti udakapattaṃ āmasitvā gahitabhariyā odapattikā nāma, idaṃ vacanaṃ purāṇadutiyikābhāvena upalakkhaṇamattaṃ daṭṭhabbaṃ , sā panassa brāhmaṇavivāhavasena mātāpitūhi sampaṭipāditā, ‘‘odapattakiyā’’ti ca bhāvenabhāvalakkhaṇe bhummaṃ. Sahajāti pabbajjājātivasena sahajātā, tenevāha ‘‘ekasāsanī’’ti. ‘‘Ekasāsanī’’ti ca idaṃ bhummatthe paccattaṃ, ekasāsaniyāti attho. Nayantiyāti nīyantiyā. Kopo me upapajjathāti ayaṃ te gihikāle bhariyā brāhmaṇī sīlavatī, pabbajitakāle ca sabrahmacārinībhāvato sahajātā bhaginī, sā tuyhaṃ purato balakkārena ākaḍḍhitvā nīyati. ‘‘Bodhibrāhmaṇa, kiṃ te purisabhāva’’nti purisamānena ussāhito cirakālasayito vammikabilato kenaci purisena ghaṭṭito ‘‘susū’’ti phaṇaṃ karonto āsiviso viya me cittato kopo sahasā vuṭṭhāsi.
34-5. сахагобз самуббаннзд̇и гобуббад̇д̇ияаа саха, д̇асса уббад̇д̇исамананд̇арамзваад̇и ад̇т̇о. сийлаб̣б̣ад̇амануссаринд̇и ад̇д̇ано сийлабаарамим̣ ааваж̇ж̇зсим̣. д̇ад̇т̇зва гобам̣ ниг̇г̇ан̣хинд̇и д̇асмим̣ зва аасанз яат̇аанисиннова д̇ам̣ гобам̣ ниваарзсим̣. наад̣̇аасим̣ вад̣дхид̇уубарийд̇и д̇ад̇о згавааруббад̇д̇ид̇о убари уд̣̇д̇хам̣ вад̣дхид̇ум̣ на ад̣̇аасим̣. ид̣̇ам̣ вуд̇д̇ам̣ ход̇и – гобз уббаннамад̇д̇з зва ‘‘нану д̇вам̣, б̣од̇хибариб̣б̣ааж̇ага, саб̣б̣абаарамияо буурзд̇ваа саб̣б̣ан̃н̃уд̇ан̃н̃аан̣ам̣ бадивиж̇жхид̇угаамо, д̇асса д̇з гимид̣̇ам̣ сийламад̇д̇зби убагкаланам̣, д̇аяид̣̇ам̣ г̇уннам̣ курамад̇д̇од̣̇агз осийд̣̇анд̇асса махаасамуд̣̇д̣̇асса барад̇ийрам̣ г̇ан̣хид̇угаамад̇аа вияа ход̇ий’’д̇и ад̇д̇аанам̣ барибхаасид̇ваа бадисан̇каанаб̣алзна д̇асмим̣ зва кан̣з гобам̣ ниг̇г̇ахзд̇ваа буна уббаж̇ж̇анавасзнасса вад̣дхид̇ум̣ на ад̣̇аасинд̇и. д̇знзвааха ‘‘яад̣̇и нам̣ б̣раахман̣и’’нд̇иаад̣̇и.
34-5.Sahakope samuppanneti kopuppattiyā saha, tassa uppattisamanantaramevāti attho. Sīlabbatamanussarinti attano sīlapāramiṃ āvajjesiṃ. Tattheva kopaṃ niggaṇhinti tasmiṃ eva āsane yathānisinnova taṃ kopaṃ nivāresiṃ. Nādāsiṃ vaḍḍhitūparīti tato ekavāruppattito upari uddhaṃ vaḍḍhituṃ na adāsiṃ. Idaṃ vuttaṃ hoti – kope uppannamatte eva ‘‘nanu tvaṃ, bodhiparibbājaka, sabbapāramiyo pūretvā sabbaññutaññāṇaṃ paṭivijjhitukāmo, tassa te kimidaṃ sīlamattepi upakkhalanaṃ, tayidaṃ gunnaṃ khuramattodake osīdantassa mahāsamuddassa paratīraṃ gaṇhitukāmatā viya hotī’’ti attānaṃ paribhāsitvā paṭisaṅkhānabalena tasmiṃ eva khaṇe kopaṃ niggahetvā puna uppajjanavasenassa vaḍḍhituṃ na adāsinti. Tenevāha ‘‘yadi naṃ brāhmaṇi’’ntiādi.
д̇ассад̇т̇о – д̇ам̣ бариб̣б̣ааж̇игам̣ б̣раахман̣им̣ со рааж̇аа ваа ан̃н̃о ваа гожи д̇ин̣хааяаби нисид̇ааяа сад̇д̇ияаа годдзяяа, кан̣д̣аакан̣д̣игам̣ яад̣̇и чинд̣̇зяяа, звам̣ санд̇зби сийлам̣ ад̇д̇ано сийлабаарамим̣ нзва бхинд̣̇зяяам̣. гасмаа? б̣од̇хияаа зва гааран̣аа, саб̣б̣ад̇т̇а акан̣д̣ид̇асийлзнзва саггаа саммаасамб̣од̇хим̣ баабун̣ид̇ум̣, на ид̇арзнаад̇и.
Tassattho – taṃ paribbājikaṃ brāhmaṇiṃ so rājā vā añño vā koci tiṇhāyapi nisitāya sattiyā koṭṭeyya, khaṇḍākhaṇḍikaṃ yadi chindeyya, evaṃ santepi sīlaṃ attano sīlapāramiṃ neva bhindeyyaṃ. Kasmā? Bodhiyā eva kāraṇā, sabbattha akhaṇḍitasīleneva sakkā sammāsambodhiṃ pāpuṇituṃ, na itarenāti.
36. на мз саа б̣раахман̣ий д̣̇зссаад̇и саа б̣раахман̣ий ж̇аад̇ияаа г̇од̇д̇зна гулаббад̣̇зсзна аажаарасамбад̇д̇ияаа жирабарижаязна баб̣б̣аж̇ж̇аад̣̇иг̇ун̣асамбад̇д̇ияаа жаад̇и саб̣б̣аббагаарзна на мз д̣̇зссаа на аббияаа, зд̇иссаа мама аббияабхааво гожи над̇т̇и. наби мз б̣алам̣ на виж̇ж̇ад̇ийд̇и маяхамби б̣алам̣ на на виж̇ж̇ад̇и, ад̇т̇и зва. ахам̣ нааг̇аб̣ало т̇аамасамбанно, ижчамаано сахасаа вудтахид̇ваа д̇ам̣ аагад̣дханд̇з бурисз ниббот̇зд̇ваа д̇ам̣ г̇ахзд̇ваа яат̇ижчид̇адтаанам̣ г̇анд̇ум̣ самад̇т̇од̇и д̣̇ассзд̇и. саб̣б̣ан̃н̃уд̇ам̣ бияам̣ маяханд̇и д̇ад̇о бариб̣б̣ааж̇игад̇о сад̇аг̇ун̣зна сахассаг̇ун̣зна сад̇асахассаг̇ун̣зна саб̣б̣ан̃н̃уд̇ан̃н̃аан̣амзва маяхам̣ бияам̣. д̇асмаа сийлаанурагкиссанд̇и д̇зна гааран̣зна сийламзва анурагкиссам̣.
36.Name sā brāhmaṇī dessāti sā brāhmaṇī jātiyā gottena kulappadesena ācārasampattiyā ciraparicayena pabbajjādiguṇasampattiyā cāti sabbappakārena na me dessā na appiyā, etissā mama appiyabhāvo koci natthi. Napi me balaṃ na vijjatīti mayhampi balaṃ na na vijjati, atthi eva. Ahaṃ nāgabalo thāmasampanno, icchamāno sahasā vuṭṭhahitvā taṃ ākaḍḍhante purise nippothetvā taṃ gahetvā yathicchitaṭṭhānaṃ gantuṃ samatthoti dasseti. Sabbaññutaṃ piyaṃ mayhanti tato paribbājikato sataguṇena sahassaguṇena satasahassaguṇena sabbaññutaññāṇameva mayhaṃ piyaṃ. Tasmā sīlānurakkhissanti tena kāraṇena sīlameva anurakkhissaṃ.
ат̇а со рааж̇аа уяяаанз бабан̃жам̣ агад̇ваава сийгхад̇арам̣ г̇анд̇ваа д̇ам̣ бариб̣б̣ааж̇игам̣ баггосаабзд̇ваа маханд̇зна яасзна ниманд̇зси. саа яасасса аг̇ун̣ам̣ баб̣б̣аж̇ж̇ааяа г̇ун̣ам̣ ад̇д̇ано б̣од̇хисад̇д̇асса жа маханд̇ам̣ бхог̇агканд̇хам̣ бахааяа сам̣взг̇зна баб̣б̣аж̇ид̇абхааван̃жа гат̇зси. рааж̇аа гзнажи барияааязна д̇ассаа манам̣ алабханд̇о жинд̇зси – ‘‘аяам̣ бариб̣б̣ааж̇игаа сийлавад̇ий галяаан̣ад̇хаммаа, соби бариб̣б̣ааж̇аго имааяа аагад̣дхид̇ваа нийяамаанааяа на гин̃жи виббагаарам̣ д̣̇ассзси, саб̣б̣ад̇т̇а нирабзгкажид̇д̇о, на ко бана мзд̇ам̣ бад̇ируубам̣, яам̣ зваруубзсу г̇ун̣аванд̇зсу виббагааро, яам̣нуунаахам̣ имам̣ бариб̣б̣ааж̇игам̣ г̇ахзд̇ваа уяяаанам̣ г̇анд̇ваа имам̣, д̇ан̃жа бариб̣б̣ааж̇агам̣ камаабзяяа’’нд̇и? звам̣ бана жинд̇зд̇ваа ‘‘бариб̣б̣ааж̇игам̣ уяяаанам̣ аанзт̇аа’’д̇и бурисз аан̣аабзд̇ваа саяам̣ батамад̇арам̣ г̇анд̇ваа б̣од̇хисад̇д̇ам̣ убасан̇гамид̇ваа бужчи – ‘‘бхо баб̣б̣аж̇ид̇а, гим̣ маяаа д̇ааяа бариб̣б̣ааж̇игааяа нийяамаанааяа гобо д̇з уббаж̇ж̇ид̇т̇аа’’д̇и. махаасад̇д̇о ааха –
Atha so rājā uyyāne papañcaṃ akatvāva sīghataraṃ gantvā taṃ paribbājikaṃ pakkosāpetvā mahantena yasena nimantesi. Sā yasassa aguṇaṃ pabbajjāya guṇaṃ attano bodhisattassa ca mahantaṃ bhogakkhandhaṃ pahāya saṃvegena pabbajitabhāvañca kathesi. Rājā kenaci pariyāyena tassā manaṃ alabhanto cintesi – ‘‘ayaṃ paribbājikā sīlavatī kalyāṇadhammā, sopi paribbājako imāya ākaḍḍhitvā nīyamānāya na kiñci vippakāraṃ dassesi, sabbattha nirapekkhacitto, na kho pana metaṃ patirūpaṃ, yaṃ evarūpesu guṇavantesu vippakāro, yaṃnūnāhaṃ imaṃ paribbājikaṃ gahetvā uyyānaṃ gantvā imaṃ, tañca paribbājakaṃ khamāpeyya’’nti? Evaṃ pana cintetvā ‘‘paribbājikaṃ uyyānaṃ ānethā’’ti purise āṇāpetvā sayaṃ paṭhamataraṃ gantvā bodhisattaṃ upasaṅkamitvā pucchi – ‘‘bho pabbajita, kiṃ mayā tāya paribbājikāya nīyamānāya kopo te uppajjitthā’’ti. Mahāsatto āha –
‘‘уббаж̇ж̇и мз на мужжид̇т̇а, на мз мужжид̇т̇а ж̇ийвад̇о;
‘‘Uppajji me na muccittha, na me muccittha jīvato;
раж̇ам̣ва вибулаа вудти, киббамзва ниваараяи’’нд̇и. (ж̇аа. 1.10.52);
Rajaṃva vipulā vuṭṭhi, khippameva nivārayi’’nti. (jā. 1.10.52);
д̇ам̣ суд̇ваа рааж̇аа ‘‘гим̣ ну ко зса гобамзва санд̇хааяа вад̣̇ад̇и, уд̣̇ааху ан̃н̃ам̣ гин̃жи сиббаад̣̇ига’’нд̇и жинд̇зд̇ваа буна бужчи –
Taṃ sutvā rājā ‘‘kiṃ nu kho esa kopameva sandhāya vadati, udāhu aññaṃ kiñci sippādika’’nti cintetvā puna pucchi –
‘‘гим̣ д̇з уббаж̇ж̇и но мужжи, гим̣ д̇з но мужжи ж̇ийвад̇о;
‘‘Kiṃ te uppajji no mucci, kiṃ te no mucci jīvato;
раж̇ам̣ва вибулаа вудти, гад̇амам̣ д̇ам̣ ниваараяий’’д̇и. (ж̇аа. 1.10.53);
Rajaṃva vipulā vuṭṭhi, katamaṃ taṃ nivārayī’’ti. (jā. 1.10.53);
д̇ад̇т̇а уббаж̇ж̇ийд̇и згаваарам̣ уббаж̇ж̇и, на буна уббаж̇ж̇и. на мужжид̇т̇аад̇и гааяаважийвигааруббаад̣̇анавасзна бана на мужжид̇т̇а, на нам̣ б̣ахи бавад̇д̇ид̇ум̣ виссаж̇ж̇зсинд̇и ад̇т̇о. раж̇ам̣ва вибулаа вудтийд̇и яат̇аа наама г̇имхаанам̣ бажчимз маасз уббаннам̣ раж̇ам̣ вибулаа агаалавудтид̇хаараа таанасо ниваарзд̇и, звам̣ д̇ам̣ вуубасамзнд̇о ниваараяим̣, ниваарзсинд̇и ад̇т̇о.
Tattha uppajjīti ekavāraṃ uppajji, na puna uppajji. Na muccitthāti kāyavacīvikāruppādanavasena pana na muccittha, na naṃ bahi pavattituṃ vissajjesinti attho. Rajaṃva vipulā vuṭṭhīti yathā nāma gimhānaṃ pacchime māse uppannaṃ rajaṃ vipulā akālavuṭṭhidhārā ṭhānaso nivāreti, evaṃ taṃ vūpasamento nivārayiṃ, nivāresinti attho.
ат̇асса махаабурисо наанаббагаарзна год̇хз аад̣̇ийнавам̣ багаасзнд̇о –
Athassa mahāpuriso nānappakārena kodhe ādīnavaṃ pakāsento –
‘‘яамхи ж̇аад̇з на бассад̇и, аж̇аад̇з саад̇ху бассад̇и;
‘‘Yamhi jāte na passati, ajāte sādhu passati;
со мз уббаж̇ж̇и но мужжи, год̇хо д̣̇уммзд̇хаг̇ожаро.
So me uppajji no mucci, kodho dummedhagocaro.
‘‘язна ж̇аад̇зна нанд̣̇анд̇и, амид̇д̇аа д̣̇угкамзсино;
‘‘Yena jātena nandanti, amittā dukkhamesino;
со мз уббаж̇ж̇и но мужжи, год̇хо д̣̇уммзд̇хаг̇ожаро.
So me uppajji no mucci, kodho dummedhagocaro.
‘‘яасмин̃жа ж̇ааяамаанамхи, сад̣̇ад̇т̇ам̣ нааваб̣уж̇жхад̇и;
‘‘Yasmiñca jāyamānamhi, sadatthaṃ nāvabujjhati;
со мз уббаж̇ж̇и но мужжи, год̇хо д̣̇уммзд̇хаг̇ожаро.
So me uppajji no mucci, kodho dummedhagocaro.
‘‘язнаабхибхууд̇о гусалам̣ ж̇ахаад̇и, бараггарз вибулан̃жааби ад̇т̇ам̣;
‘‘Yenābhibhūto kusalaṃ jahāti, parakkare vipulañcāpi atthaṃ;
са бхиймасзно б̣алаваа бамад̣̇д̣̇ий, год̇хо махаарааж̇аа на мз амужжат̇а.
Sa bhīmaseno balavā pamaddī, kodho mahārājā na me amuccatha.
‘‘гадтасмим̣ мант̇амаанасмим̣, бааваго наама ж̇ааяад̇и;
‘‘Kaṭṭhasmiṃ manthamānasmiṃ, pāvako nāma jāyati;
д̇амзва гадтам̣ д̣ахад̇и, яасмаа со ж̇ааяад̇з г̇ини.
Tameva kaṭṭhaṃ ḍahati, yasmā so jāyate gini.
‘‘звам̣ манд̣̇асса босасса, б̣ааласса авиж̇аанад̇о;
‘‘Evaṃ mandassa posassa, bālassa avijānato;
саарамбхаа ж̇ааяад̇з год̇хо, саби д̇знзва д̣аяхад̇и.
Sārambhā jāyate kodho, sapi teneva ḍayhati.
‘‘аг̇г̇ийва д̇ин̣агадтасмим̣, год̇хо яасса бавад̣дхад̇и;
‘‘Aggīva tiṇakaṭṭhasmiṃ, kodho yassa pavaḍḍhati;
нихийяад̇и д̇асса яасо, гаал̣абагкзва жанд̣̇имаа.
Nihīyati tassa yaso, kāḷapakkheva candimā.
‘‘анинд̇хо д̇хуумагзд̇уува, год̇хо яассуубасаммад̇и;
‘‘Anindho dhūmaketūva, kodho yassūpasammati;
аабуурад̇и д̇асса яасо, суггабагкзва жанд̣̇имаа’’д̇и. (ж̇аа. 1.10.54-61) –
Āpūrati tassa yaso, sukkapakkheva candimā’’ti. (jā. 1.10.54-61) –
имаахи г̇аат̇аахи д̇хаммам̣ д̣̇зсзси.
Imāhi gāthāhi dhammaṃ desesi.
д̇ад̇т̇а на бассад̇ийд̇и ад̇д̇ад̇т̇амби на бассад̇и, баг̇зва барад̇т̇ам̣. саад̇ху бассад̇ийд̇и ад̇д̇ад̇т̇ам̣ барад̇т̇ам̣ убхаяад̇т̇ан̃жа саммад̣̇зва бассад̇и. д̣̇уммзд̇хаг̇ожарод̇и ниббан̃н̃аанам̣ висаяабхууд̇о, ниббан̃н̃о ваа г̇ожаро аахааро инд̇ханам̣ зд̇ассаад̇и д̣̇уммзд̇хаг̇ожаро. д̣̇угкамзсинод̇и д̣̇угкам̣ ижчанд̇аа. сад̣̇ад̇т̇анд̇и ад̇д̇ано ад̇т̇ам̣ вуд̣дхим̣. бараггарзд̇и абанзяяа винаасзяяа. сабхиймасзнод̇и со бхиймааяа бхаяаж̇ананияаа махад̇ияаа гилзсасзнааяа саманнааг̇ад̇о. бамад̣̇д̣̇ийд̇и б̣алавабхаавзна сад̇д̇з бамад̣̇д̣̇анасийло. на мз амужжат̇аад̇и мама санд̇игаа могкам̣ на лабхи, аб̣бханд̇арз зва д̣̇амид̇о, ниб̣б̣исзвано гад̇од̇и ад̇т̇о. кийрам̣ вияа ваа мухуд̇д̇ам̣ д̣̇ад̇хибхаавзна жид̇д̇зна бад̇идтахид̇т̇аад̇иби ад̇т̇о.
Tattha na passatīti attatthampi na passati, pageva paratthaṃ. Sādhu passatīti attatthaṃ paratthaṃ ubhayatthañca sammadeva passati. Dummedhagocaroti nippaññānaṃ visayabhūto, nippañño vā gocaro āhāro indhanaṃ etassāti dummedhagocaro. Dukkhamesinoti dukkhaṃ icchantā. Sadatthanti attano atthaṃ vuḍḍhiṃ. Parakkareti apaneyya vināseyya. Sabhīmasenoti so bhīmāya bhayajananiyā mahatiyā kilesasenāya samannāgato. Pamaddīti balavabhāvena satte pamaddanasīlo. Na me amuccathāti mama santikā mokkhaṃ na labhi, abbhantare eva damito, nibbisevano katoti attho. Khīraṃ viya vā muhuttaṃ dadhibhāvena cittena patiṭṭhahitthātipi attho.
мант̇амаанасминд̇и аран̣исахид̇з мат̇ияамаанз. ‘‘мат̇амаанасми’’нд̇иби баато. яасмаад̇и яад̇о гадтаа . г̇инийд̇и аг̇г̇и. б̣ааласса авиж̇аанад̇од̇и б̣ааласса аж̇аананд̇асса. саарамбхаа ж̇ааяад̇зд̇и гаран̣уд̇д̇арияагаран̣алагкан̣аа саарамбхаа аран̣имант̇анад̇о вияа бааваго год̇хо ж̇ааяад̇з. саби д̇знзваад̇и соби б̣аало д̇знзва год̇хзна гадтам̣ вияа аг̇г̇инаа д̣аяхад̇и. анинд̇хо д̇хуумагзд̇ууваад̇и анинд̇хано аг̇г̇и вияа. д̇ассаад̇и д̇асса ад̇хиваасанаканд̇ияаа саманнааг̇ад̇асса буг̇г̇аласса суггабагкз жанд̣̇о вияа лад̣̇д̇хо, яасо абараабарам̣ аабуурад̇ийд̇и.
Manthamānasminti araṇisahite mathiyamāne. ‘‘Mathamānasmi’’ntipi pāṭho. Yasmāti yato kaṭṭhā . Ginīti aggi. Bālassa avijānatoti bālassa ajānantassa. Sārambhā jāyateti karaṇuttariyakaraṇalakkhaṇā sārambhā araṇimanthanato viya pāvako kodho jāyate. Sapi tenevāti sopi bālo teneva kodhena kaṭṭhaṃ viya agginā ḍayhati. Anindho dhūmaketūvāti anindhano aggi viya. Tassāti tassa adhivāsanakhantiyā samannāgatassa puggalassa sukkapakkhe cando viya laddho, yaso aparāparaṃ āpūratīti.
рааж̇аа махаасад̇д̇асса д̇хаммагат̇ам̣ суд̇ваа махаабурисам̣ бариб̣б̣ааж̇игамби рааж̇аг̇зхад̇о ааг̇ад̇ам̣ камаабзд̇ваа ‘‘д̇умхз баб̣б̣аж̇ж̇аасукам̣ анубхаванд̇аа ид̇хзва уяяаанз васат̇а, ахам̣ во д̇хаммигам̣ рагкааваран̣аг̇уд̇д̇им̣ гариссаамий’’д̇и вад̇ваа ванд̣̇ид̇ваа баггаами. д̇з убхоби д̇ад̇т̇зва васим̣су. абарабхааг̇з бариб̣б̣ааж̇игаа гааламагааси. б̣од̇хисад̇д̇о химаванд̇ам̣ бависид̇ваа жхаанаабхин̃н̃ааяо ниб̣б̣ад̇д̇зд̇ваа ааяубарияосаанз б̣рахмалогабарааяано ахоси.
Rājā mahāsattassa dhammakathaṃ sutvā mahāpurisaṃ paribbājikampi rājagehato āgataṃ khamāpetvā ‘‘tumhe pabbajjāsukhaṃ anubhavantā idheva uyyāne vasatha, ahaṃ vo dhammikaṃ rakkhāvaraṇaguttiṃ karissāmī’’ti vatvā vanditvā pakkāmi. Te ubhopi tattheva vasiṃsu. Aparabhāge paribbājikā kālamakāsi. Bodhisatto himavantaṃ pavisitvā jhānābhiññāyo nibbattetvā āyupariyosāne brahmalokaparāyano ahosi.
д̇ад̣̇аа бариб̣б̣ааж̇игаа раахуламаад̇аа ахоси, рааж̇аа аананд̣̇ад̇т̇зро, б̣од̇хибариб̣б̣ааж̇аго логанаат̇о.
Tadā paribbājikā rāhulamātā ahosi, rājā ānandatthero, bodhiparibbājako lokanātho.
д̇асса ид̇хааби яат̇аарахам̣ сзсабаарамияо нид̣̇д̇хаарзд̇аб̣б̣аа. д̇ат̇аа маханд̇ам̣ бхог̇агканд̇хам̣ маханд̇ан̃жа н̃аад̇ибариваддам̣ бахааяа махаабхинигкаманасад̣̇исам̣ г̇зхад̇о нигкаманам̣, д̇ат̇аа нигкамид̇ваа баб̣б̣аж̇ид̇асса б̣ахуж̇анасаммад̇асса сад̇о барамаббижчад̇ааяа гулзсу жа г̇ан̣зсу жа алаг̇г̇ад̇аа, ажжанд̇амзва лаабхасаггаараж̇иг̇ужчааяа бавивзгаабхирад̇и, ад̇исаяавад̇ий жа абхисаллзкавуд̇д̇и, д̇ат̇ааруубааяа сийлавад̇ияаа галяаан̣ад̇хаммааяа бариб̣б̣ааж̇игааяа ананун̃н̃аад̇аа ад̇д̇ано бурад̇о б̣алаггаарзна бараамасияамаанааяа сийлабаарамим̣ ааваж̇ж̇зд̇ваа вигаараанаабад̇д̇и, гад̇аабараад̇хз жа д̇асмим̣ рааж̇ини убаг̇ад̇з хид̇ажид̇д̇ад̇ам̣ мзд̇д̇ажид̇д̇ад̇ам̣ убадтабзд̇ваа д̣̇идтад̇хаммигасамбарааяигзхи саманусаасананд̇и звамаад̣̇аяо ид̇ха махаабурисасса г̇ун̣аанубхааваа вибхаавзд̇аб̣б̣аа. д̇знзд̇ам̣ вужжад̇и ‘‘звам̣ ажчарияаа хзд̇з…бз… д̇хаммасса ануд̇хаммад̇о’’д̇и.
Tassa idhāpi yathārahaṃ sesapāramiyo niddhāretabbā. Tathā mahantaṃ bhogakkhandhaṃ mahantañca ñātiparivaṭṭaṃ pahāya mahābhinikkhamanasadisaṃ gehato nikkhamanaṃ, tathā nikkhamitvā pabbajitassa bahujanasammatassa sato paramappicchatāya kulesu ca gaṇesu ca alaggatā, accantameva lābhasakkārajigucchāya pavivekābhirati, atisayavatī ca abhisallekhavutti, tathārūpāya sīlavatiyā kalyāṇadhammāya paribbājikāya ananuññātā attano purato balakkārena parāmasiyamānāya sīlapāramiṃ āvajjetvā vikārānāpatti, katāparādhe ca tasmiṃ rājini upagate hitacittataṃ mettacittataṃ upaṭṭhapetvā diṭṭhadhammikasamparāyikehi samanusāsananti evamādayo idha mahāpurisassa guṇānubhāvā vibhāvetabbā. Tenetaṃ vuccati ‘‘evaṃ acchariyā hete…pe… dhammassa anudhammato’’ti.
жуул̣аб̣од̇хижарияааван̣н̣анаа нидтид̇аа.
Cūḷabodhicariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 4. жуул̣аб̣од̇хижарияаа • 4. Cūḷabodhicariyā
