| Library / Tipiṭaka / д̇ибидага • Tipiṭaka / махаанид̣̇д̣̇зса-адтагат̇аа • Mahāniddesa-aṭṭhakathā |
12. жуул̣аб̣яуухасуд̇д̇анид̣̇д̣̇зсаван̣н̣анаа
12. Cūḷabyūhasuttaniddesavaṇṇanā
д̣̇ваад̣̇асамз жуул̣аб̣яуухасуд̇д̇анид̣̇д̣̇зсз сагам̣сагам̣д̣̇идтибариб̣б̣асаанаад̇и ид̣̇амби д̇асмим̣язва махаасамаяз ‘‘саб̣б̣збимз д̣̇идтиг̇ад̇игаа ‘саад̇хуруубаамхаа’д̇и бхан̣анд̇и, гим̣ ну ко саад̇хуруубаава имз ад̇д̇ано зва д̣̇идтияаа бад̇идтаханд̇и, уд̣̇ааху ан̃н̃амби д̣̇идтим̣ г̇ан̣ханд̇ий’’д̇и уббаннажид̇д̇аанам̣ згажжаанам̣ д̣̇звад̇аанам̣ д̇амад̇т̇ам̣ багаасзд̇ум̣ буриманаязнзва ниммид̇аб̣уд̣̇д̇хзна ад̇д̇аанам̣ бужчаабзд̇ваа вуд̇д̇ам̣.
Dvādasame cūḷabyūhasuttaniddese sakaṃsakaṃdiṭṭhiparibbasānāti idampi tasmiṃyeva mahāsamaye ‘‘sabbepime diṭṭhigatikā ‘sādhurūpāmhā’ti bhaṇanti, kiṃ nu kho sādhurūpāva ime attano eva diṭṭhiyā patiṭṭhahanti, udāhu aññampi diṭṭhiṃ gaṇhantī’’ti uppannacittānaṃ ekaccānaṃ devatānaṃ tamatthaṃ pakāsetuṃ purimanayeneva nimmitabuddhena attānaṃ pucchāpetvā vuttaṃ.
113. д̇ад̇т̇а аад̣̇ид̇о д̣̇взби г̇аат̇аа бужчааг̇аат̇ааязва. д̇аасу сагам̣ сагам̣ д̣̇идтибариб̣б̣асаанаад̇и ад̇д̇ано ад̇д̇ано д̣̇идтияаа васамаанаа. виг̇г̇аяха наанаа гусалаа вад̣̇анд̇ийд̇и д̇ам̣ д̣̇идтим̣ б̣алаваг̇г̇аахам̣ г̇ахзд̇ваа ‘‘д̇ад̇т̇а гусалаамхаа’’д̇и бадиж̇аанамаанаа бут̇у бут̇у вад̣̇анд̇и, згам̣ на вад̣̇анд̇и. яо звам̣ ж̇аанаад̇и са взд̣̇и д̇хаммам̣, ид̣̇ам̣ бадиггосамагзвалий сод̇и д̇ан̃жа д̣̇идтим̣ санд̇хааяа яо звам̣ ж̇аанаад̇и, со д̇хаммам̣ взд̣̇ияи. ид̣̇ам̣ бана бадиггосанд̇о хийно ход̇ийд̇и жа вад̣̇анд̇и.
113. Tattha ādito dvepi gāthā pucchāgāthāyeva. Tāsu sakaṃ sakaṃ diṭṭhiparibbasānāti attano attano diṭṭhiyā vasamānā. Viggayha nānā kusalā vadantīti taṃ diṭṭhiṃ balavaggāhaṃ gahetvā ‘‘tattha kusalāmhā’’ti paṭijānamānā puthu puthu vadanti, ekaṃ na vadanti. Yo evaṃ jānāti sa vedi dhammaṃ, idaṃ paṭikkosamakevalī soti tañca diṭṭhiṃ sandhāya yo evaṃ jānāti, so dhammaṃ vediyi. Idaṃ pana paṭikkosanto hīno hotīti ca vadanti.
наанаа вад̣̇анд̇ийд̇и наанаагааран̣ам̣ бхан̣анд̇и. вивид̇хам̣ вад̣̇анд̇ийд̇и наанаавид̇хам̣ бхан̣анд̇и. ан̃н̃он̃н̃ам̣ вад̣̇анд̇ийд̇и згам̣ авад̇ваа ан̃н̃ам̣ ан̃н̃ам̣ г̇ахзд̇ваа вад̣̇анд̇и. агзвалий сод̇и яо агусало аяам̣. асамад̇д̇од̇и на барибууро. абарибун̣н̣од̇и на самбун̣н̣о.
Nānā vadantīti nānākāraṇaṃ bhaṇanti. Vividhaṃ vadantīti nānāvidhaṃ bhaṇanti. Aññoññaṃ vadantīti ekaṃ avatvā aññaṃ aññaṃ gahetvā vadanti. Akevalī soti yo akusalo ayaṃ. Asamattoti na paripūro. Aparipuṇṇoti na sampuṇṇo.
114. б̣аалод̇и хийно. аггусалод̇и авид̣̇ваа.
114.Bāloti hīno. Akkusaloti avidvā.
115. ид̣̇аани д̇иссо виссаж̇ж̇анаг̇аат̇аа хонд̇ийд̇и. д̇аа буримад̣дхзна вуд̇д̇амад̇т̇ам̣ бажчимад̣дхзна бадиб̣яуухид̇ваа тид̇аа. д̇зна б̣яуухзна уд̇д̇арасуд̇д̇ад̇о жа аббагад̇д̇аа ид̣̇ам̣ суд̇д̇ам̣ ‘‘жуул̣аб̣яууха’’нд̇и наамам̣ лабхи. д̇ад̇т̇а батамаг̇аат̇ааяам̣ д̇аава барасса жз д̇хамманд̇и барасса д̣̇идтим̣. саб̣б̣звимз б̣аалаад̇и звам̣ санд̇з саб̣б̣зва имз б̣аалаа хонд̇ийд̇и ад̇хиббааяо. гим̣гааран̣аа? саб̣б̣звимз д̣̇идтибариб̣б̣асаанаад̇и.
115. Idāni tisso vissajjanagāthā hontīti. Tā purimaḍḍhena vuttamatthaṃ pacchimaḍḍhena paṭibyūhitvā ṭhitā. Tena byūhena uttarasuttato ca appakattā idaṃ suttaṃ ‘‘cūḷabyūha’’nti nāmaṃ labhi. Tattha paṭhamagāthāyaṃ tāva parassa ce dhammanti parassa diṭṭhiṃ. Sabbevime bālāti evaṃ sante sabbeva ime bālā hontīti adhippāyo. Kiṃkāraṇā? Sabbevime diṭṭhiparibbasānāti.
116. санд̣̇идтияаа жзва на вийвад̣̇аад̇аа, сам̣суд̣̇д̇хабан̃н̃аа гусалаа муд̇иймаад̇и сагааяа д̣̇идтияаа анавийвад̣̇аад̇аа авод̣̇аад̇аа сам̣гилидтаава самаанаа сам̣суд̣̇д̇хабан̃н̃аа жа гусалаа жа муд̇иманд̇о жа д̇з хонд̇и жз. ат̇а ваа ‘‘санд̣̇идтияаа жз вад̣̇аад̇аа’’д̇и баато, д̇ассад̇т̇о – сагааяа бана д̣̇идтияаа вод̣̇аад̇аа сам̣суд̣̇д̇хабан̃н̃аа гусалаа муд̇иманд̇о хонд̇и жз, на д̇зсам̣ гожийд̇и звам̣ санд̇з д̇зсам̣ згоби нихийнабан̃н̃о на ход̇и, гим̣гааран̣аа? д̣̇идтий хи д̇зсамби д̇ат̇аа самад̇д̇аа, яат̇аа ид̇арзсанд̇и.
116.Sandiṭṭhiyāceva na vīvadātā, saṃsuddhapaññā kusalā mutīmāti sakāya diṭṭhiyā anavīvadātā avodātā saṃkiliṭṭhāva samānā saṃsuddhapaññā ca kusalā ca mutimanto ca te honti ce. Atha vā ‘‘sandiṭṭhiyā ce vadātā’’ti pāṭho, tassattho – sakāya pana diṭṭhiyā vodātā saṃsuddhapaññā kusalā mutimanto honti ce, na tesaṃ kocīti evaṃ sante tesaṃ ekopi nihīnapañño na hoti, kiṃkāraṇā? Diṭṭhī hi tesampi tathā samattā, yathā itaresanti.
117. на ваахамзд̇анд̇и г̇аат̇ааяа сан̇кзбад̇т̇о – яам̣ д̇з мит̇у д̣̇вз д̣̇вз ж̇анаа ан̃н̃аман̃н̃ам̣ ‘‘б̣аало’’д̇и ааху, ахам̣ зд̇ам̣ д̇ат̇ияанд̇и д̇ажчанд̇и нзва б̣рууми. гим̣гааран̣аа? яасмаа саб̣б̣зва д̇з сагам̣ сагам̣ д̣̇идтим̣ ‘‘ид̣̇амзва сажжам̣ могхаман̃н̃а’’нд̇и агам̣су, д̇зна жа гааран̣зна барам̣ ‘‘б̣аало’’д̇и д̣̇аханд̇и. зд̇т̇а жа д̇ат̇ияам̣, д̇ат̇званд̇и (су. ни. адта. 2.889) д̣̇взби баатаа.
117.Na vāhametanti gāthāya saṅkhepattho – yaṃ te mithu dve dve janā aññamaññaṃ ‘‘bālo’’ti āhu, ahaṃ etaṃ tathiyanti tacchanti neva brūmi. Kiṃkāraṇā? Yasmā sabbeva te sakaṃ sakaṃ diṭṭhiṃ ‘‘idameva saccaṃ moghamañña’’nti akaṃsu, tena ca kāraṇena paraṃ ‘‘bālo’’ti dahanti. Ettha ca tathiyaṃ, tathevanti (su. ni. aṭṭha. 2.889) dvepi pāṭhā.
д̇ажчанд̇и ад̇ужчам̣. д̇ат̇анд̇и авибарийд̇ам̣, бхууд̇анд̇и санд̇ам̣. яаат̇ааванд̇и сам̣виж̇ж̇амаанам̣. авибарид̇анд̇и на висан̇гзд̇ам̣.
Tacchanti atucchaṃ. Tathanti aviparītaṃ, bhūtanti santaṃ. Yāthāvanti saṃvijjamānaṃ. Aviparitanti na visaṅketaṃ.
118. яамаахууд̇и бужчааг̇аат̇ааяа ‘‘яам̣ д̣̇идтисажжам̣ д̇ат̇ияа’’нд̇и згз ааху.
118.Yamāhūti pucchāgāthāya ‘‘yaṃ diṭṭhisaccaṃ tathiya’’nti eke āhu.
119. зган̃хи сажжанд̇и виссаж̇ж̇анаг̇аат̇ааяа згам̣ сажжам̣ нирод̇хо маг̇г̇о ваа. яасмим̣ баж̇аа но вивад̣̇з баж̇аананд̇и яамхи сажжз баж̇аананд̇о баж̇аа но вивад̣̇зяяум̣. саяам̣ т̇унанд̇ийд̇и ад̇д̇анаа вад̣̇анд̇и.
119.Ekañhi saccanti vissajjanagāthāya ekaṃ saccaṃ nirodho maggo vā. Yasmiṃ pajā no vivade pajānanti yamhi sacce pajānanto pajā no vivadeyyuṃ. Sayaṃ thunantīti attanā vadanti.
120. гасмаа нууд̇и бужчааг̇аат̇ааяа баваад̣̇ияаасзд̇и ваад̣̇ино. уд̣̇ааху д̇з д̇аггамануссаранд̇ийд̇и д̇з ваад̣̇ино уд̣̇ааху ад̇д̇ано д̇аггамад̇д̇ам̣ ануг̇ажчанд̇и.
120.Kasmā nūti pucchāgāthāya pavādiyāseti vādino. Udāhu te takkamanussarantīti te vādino udāhu attano takkamattaṃ anugacchanti.
д̇аггабарияаахад̇анд̇и вид̇аггзна саманд̇ад̇о аахад̇ам̣. виймам̣саанужарид̇анд̇и ад̇д̇ано убадтид̇абан̃н̃ааяа вижарид̇ам̣. саяам̣бадибхаананд̇и ад̇д̇ано бадибхаанам̣.
Takkapariyāhatanti vitakkena samantato āhataṃ. Vīmaṃsānucaritanti attano upaṭṭhitapaññāya vicaritaṃ. Sayaṃpaṭibhānanti attano paṭibhānaṃ.
121. на хзваад̇и виссаж̇ж̇анаг̇аат̇ааяа ан̃н̃ад̇ра сан̃н̃ааяа нижжаанийд̇и табзд̇ваа сан̃н̃аамад̇д̇зна нижжанд̇и г̇ахид̇аг̇г̇ахан̣аани. д̇агган̃жа д̣̇идтийсу багаббаяид̇ваад̇и ад̇д̇ано нижжасан̇габбамад̇д̇ам̣ д̣̇идтийсу ж̇анзд̇ваа.
121.Nahevāti vissajjanagāthāya aññatra saññāya niccānīti ṭhapetvā saññāmattena niccanti gahitaggahaṇāni. Takkañca diṭṭhīsu pakappayitvāti attano niccasaṅkappamattaṃ diṭṭhīsu janetvā.
яасмаа бана д̣̇идтийсу вид̇аггам̣ ж̇анзнд̇аа д̣̇идтияо сан̃ж̇анзнд̇и, д̇асмаа вуд̇д̇ам̣ ‘‘д̣̇идтиг̇ад̇аани ж̇анзнд̇и сан̃ж̇анзнд̇ий’’д̇иаад̣̇и. ж̇анзнд̇ийд̇и убаруубари д̣̇идтим̣ уббаад̣̇знд̇аа ж̇анзнд̇и. сан̃ж̇анзнд̇ийд̇иаад̣̇ийни убасаг̇г̇авасзна бад̣̇ам̣ вад̣дхзд̇ваа вуд̇д̇аани. маяхам̣ сажжанд̇и мама важанам̣ д̇ажчам̣.
Yasmā pana diṭṭhīsu vitakkaṃ janentā diṭṭhiyo sañjanenti, tasmā vuttaṃ ‘‘diṭṭhigatāni janenti sañjanentī’’tiādi. Janentīti uparūpari diṭṭhiṃ uppādentā janenti. Sañjanentītiādīni upasaggavasena padaṃ vaḍḍhetvā vuttāni. Mayhaṃ saccanti mama vacanaṃ tacchaṃ.
122. ид̣̇аани звам̣ наанаасажжзсу асанд̇зсу д̇аггамад̇д̇ам̣ ануссаранд̇аанам̣ д̣̇идтиг̇ад̇игаанам̣ виббадибад̇д̇им̣ д̣̇ассзд̇ум̣ ‘‘д̣̇идтз суд̇з’’д̇иаад̣̇игаа г̇аат̇ааяо абхааси. д̇ад̇т̇а д̣̇идтзд̇и д̣̇идтам̣, д̣̇идтасуд̣̇д̇хинд̇и ад̇хиббааяо. зса наяо суд̇аад̣̇ийсу. зд̇з жа ниссааяа вимаанад̣̇ассийд̇и зд̇з д̣̇идтид̇хаммз ниссаяид̇ваа суд̣̇д̇хибхаавасан̇каад̇ам̣ вимаанам̣ асаммаанам̣ бассанд̇оби. винижчаяз тад̇ваа бахассамаано, б̣аало баро аггусалод̇и жаахаад̇и звам̣ вимаанад̣̇ассийби д̇асмим̣ д̣̇идтивинижчаяз тад̇ваа д̇удтиж̇аад̇о хаасаж̇аад̇о худ̇ваа баро ‘‘хийно жа авид̣̇ваа жаа’’д̇и звам̣ вад̣̇ад̇иязва.
122. Idāni evaṃ nānāsaccesu asantesu takkamattaṃ anussarantānaṃ diṭṭhigatikānaṃ vippaṭipattiṃ dassetuṃ ‘‘diṭṭhe sute’’tiādikā gāthāyo abhāsi. Tattha diṭṭheti diṭṭhaṃ, diṭṭhasuddhinti adhippāyo. Esa nayo sutādīsu. Ete ca nissāya vimānadassīti ete diṭṭhidhamme nissayitvā suddhibhāvasaṅkhātaṃ vimānaṃ asammānaṃ passantopi. Vinicchaye ṭhatvā pahassamāno, bālo paro akkusaloti cāhāti evaṃ vimānadassīpi tasmiṃ diṭṭhivinicchaye ṭhatvā tuṭṭhijāto hāsajāto hutvā paro ‘‘hīno ca avidvā cā’’ti evaṃ vadatiyeva.
на саммаанзд̇ийд̇иби вимаанад̣̇ассийд̇и на б̣ахумаанам̣ гарод̇ийд̇и звамби вимаанад̣̇ассий на б̣ахумаанад̣̇ассий. д̣̇оманассам̣ ж̇анзд̇ийд̇и батамам̣ д̣̇идтиниссаяам̣ аллийяид̇ваа д̣̇оманассам̣ бад̇ваа бажчаа д̣̇идтивинижчаяз тид̇агаалз соманассам̣ уббаад̣̇зд̇ийд̇и ад̇т̇о.
Na sammānetītipi vimānadassīti na bahumānaṃ karotīti evampi vimānadassī na bahumānadassī. Domanassaṃ janetīti paṭhamaṃ diṭṭhinissayaṃ allīyitvā domanassaṃ patvā pacchā diṭṭhivinicchaye ṭhitakāle somanassaṃ uppādetīti attho.
винижчаяад̣̇идтияаа тад̇ваад̇и саннидтаанам̣ гад̇ваа г̇ахид̇ад̣̇идтияаа тад̇ваа.
Vinicchayadiṭṭhiyā ṭhatvāti sanniṭṭhānaṃ katvā gahitadiṭṭhiyā ṭhatvā.
123. звам̣ санд̇з язнзваад̇и г̇аат̇аа. д̇ад̇т̇а саяамад̇д̇анаад̇и саяамзва ад̇д̇аанам̣. вимаанзд̇ийд̇и г̇арахад̇и. д̇ад̣̇зва бааваад̇и д̇ад̣̇зва важанам̣ д̣̇идтим̣ вад̣̇ад̇и, д̇ам̣ ваа буг̇г̇алам̣.
123. Evaṃ sante yenevāti gāthā. Tattha sayamattanāti sayameva attānaṃ. Vimānetīti garahati. Tadeva pāvāti tadeva vacanaṃ diṭṭhiṃ vadati, taṃ vā puggalaṃ.
124. ад̇исаарад̣̇идтияаад̇и г̇аат̇ааяад̇т̇о – со звам̣ д̇ааяа лагкан̣аад̇исааринияаа ад̇исаарад̣̇идтияаа самад̇д̇о барибун̣н̣о уд̣̇д̇хумаад̇о, д̇зна жа д̣̇идтимаанзна мад̇д̇о ‘‘барибун̣н̣о ахам̣ гзвалий’’д̇и звам̣ барибун̣н̣амааний. саяамзва ад̇д̇аанам̣ манасаа ‘‘ахам̣ бан̣д̣ид̇о’’д̇и абхисин̃жад̇и. гим̣гааран̣аа? д̣̇идтий хи саа д̇асса д̇ат̇аа самад̇д̇аад̇и.
124.Atisāradiṭṭhiyāti gāthāyattho – so evaṃ tāya lakkhaṇātisāriniyā atisāradiṭṭhiyā samatto paripuṇṇo uddhumāto, tena ca diṭṭhimānena matto ‘‘paripuṇṇo ahaṃ kevalī’’ti evaṃ paripuṇṇamānī. Sayameva attānaṃ manasā ‘‘ahaṃ paṇḍito’’ti abhisiñcati. Kiṃkāraṇā? Diṭṭhī hi sā tassa tathā samattāti.
саб̣б̣аа д̇аа д̣̇идтияо лагкан̣аад̇игганд̇аад̇и д̇аа саб̣б̣аа д̣̇ваасадтид̣̇идтияо лагкан̣ам̣ ад̇ийд̇аа ад̇исаранд̇ийд̇и ад̇игганд̇аа. аномод̇и анууно.
Sabbā tā diṭṭhiyo lakkhaṇātikkantāti tā sabbā dvāsaṭṭhidiṭṭhiyo lakkhaṇaṃ atītā atisarantīti atikkantā. Anomoti anūno.
125. барасса жзд̇и г̇аат̇ааяа самб̣анд̇хо ад̇т̇о жа – гин̃жа бхияяо? яо со винижчаяз тад̇ваа бахассамаано ‘‘б̣аало баро аггусало’’д̇и жааха, д̇асса барасса жз хи важасаа со д̇зна вужжамаано нихийно ход̇и, д̇умо сахаа ход̇и нихийнабан̃н̃о, соби д̇знзва саха нихийнабан̃н̃о ход̇и. соби хи д̇ам̣ ‘‘б̣аало’’д̇и вад̣̇ад̇и. ат̇а д̇асса важанам̣ аббамаан̣ам̣, со бана саяамзва взд̣̇аг̇уу жа д̇хийро жа ход̇и. звам̣ санд̇з на гожи б̣аало саман̣зсу ад̇т̇и. саб̣б̣зби хи д̇з ад̇д̇ано ижчааяа бан̣д̣ид̇аа.
125.Parassa ceti gāthāya sambandho attho ca – kiñca bhiyyo? Yo so vinicchaye ṭhatvā pahassamāno ‘‘bālo paro akkusalo’’ti cāha, tassa parassa ce hi vacasā so tena vuccamāno nihīno hoti, tumo sahā hoti nihīnapañño, sopi teneva saha nihīnapañño hoti. Sopi hi taṃ ‘‘bālo’’ti vadati. Atha tassa vacanaṃ appamāṇaṃ, so pana sayameva vedagū ca dhīro ca hoti. Evaṃ sante na koci bālo samaṇesu atthi. Sabbepi hi te attano icchāya paṇḍitā.
ваажааяаад̇и гат̇анзна. важанзнаад̇и бхаасид̇зна. нинд̣̇ид̇агааран̣аад̇и г̇арахахзд̇унаа. г̇арахид̇агааран̣аад̇и аван̃н̃аад̇ахзд̇унаа. убавад̣̇ид̇агааран̣аад̇и убаваад̣̇ахзд̇унаа.
Vācāyāti kathanena. Vacanenāti bhāsitena. Ninditakāraṇāti garahahetunā. Garahitakāraṇāti avaññātahetunā. Upavaditakāraṇāti upavādahetunā.
126. ан̃н̃ам̣ ид̇од̇и г̇аат̇ааяа самб̣анд̇хо ад̇т̇о жа – ‘‘ат̇а жз саяам̣ взд̣̇аг̇уу ход̇и д̇хийро. на гожи б̣аало саман̣зсу ад̇т̇ий’’д̇и зван̃хи вуд̇д̇зби сияаа гассажи ‘‘гасмаа’’д̇и. д̇ад̇т̇а вужжад̇з – яасмаа ан̃н̃ам̣ ид̇о яаабхивад̣̇анд̇и д̇хаммам̣, абарад̣̇д̇хаа суд̣̇д̇химагзвалий д̇з. звамби д̇ид̇т̇яаа бут̇усо вад̣̇анд̇и, яз ид̇о ан̃н̃ам̣ д̣̇идтим̣ абхивад̣̇анд̇и, д̇з абарад̣̇д̇хаа вирад̣̇д̇хаа суд̣̇д̇химаг̇г̇ам̣, агзвалино жа д̇зд̇и звам̣ бут̇уд̇ид̇т̇ияаа яасмаа вад̣̇анд̇ийд̇и вуд̇д̇ам̣ ход̇и. гасмаа банзвам̣ вад̣̇анд̇ийд̇и жз? санд̣̇идтирааг̇зна хи д̇збхирад̇д̇аа, яасмаа сагзна д̣̇идтирааг̇зна д̇з абхирад̇д̇аад̇и вуд̇д̇ам̣ ход̇и.
126.Aññaṃ itoti gāthāya sambandho attho ca – ‘‘atha ce sayaṃ vedagū hoti dhīro. Na koci bālo samaṇesu atthī’’ti evañhi vuttepi siyā kassaci ‘‘kasmā’’ti. Tattha vuccate – yasmā aññaṃ ito yābhivadanti dhammaṃ, aparaddhā suddhimakevalī te. Evampi titthyā puthuso vadanti, ye ito aññaṃ diṭṭhiṃ abhivadanti, te aparaddhā viraddhā suddhimaggaṃ, akevalino ca teti evaṃ puthutitthiyā yasmā vadantīti vuttaṃ hoti. Kasmā panevaṃ vadantīti ce? Sandiṭṭhirāgena hi tebhirattā, yasmā sakena diṭṭhirāgena te abhirattāti vuttaṃ hoti.
д̇з суд̣̇д̇химаг̇г̇анд̇и д̇з ан̃н̃ад̇ид̇т̇ияаа агилидтамаг̇г̇ам̣. висуд̣̇д̇химаг̇г̇анд̇и нид̣̇д̣̇осамаг̇г̇ам̣. барисуд̣̇д̇химаг̇г̇анд̇и суггамаг̇г̇ам̣. вод̣̇аад̇амаг̇г̇анд̇и бан̣д̣арамаг̇г̇ам̣. барияод̣̇аад̇амаг̇г̇анд̇и бабхааванд̇амаг̇г̇ам̣. вирад̣̇д̇хаад̇и вуд̇д̇авид̇хинаа маг̇г̇зна вираж̇жхид̇ваа тид̇аа. абарад̣̇д̇хаад̇и абараж̇жхид̇ваа тид̇аа. калид̇аад̇и барихийнаа. г̇алид̇аад̇и д̇ад̇о бхадтаа. ан̃н̃ааяаад̇и ан̃н̃аан̣зна. абарад̣̇д̇хаад̇и барааж̇аяамаабаннаа. ат̇а ваа ‘‘н̃ааяаабарад̣̇д̇хаа’’д̇иби баато. н̃ааязна маг̇г̇зна вирад̣̇д̇хаад̇и ад̇т̇о.
Te suddhimagganti te aññatitthiyā akiliṭṭhamaggaṃ. Visuddhimagganti niddosamaggaṃ. Parisuddhimagganti sukkamaggaṃ. Vodātamagganti paṇḍaramaggaṃ. Pariyodātamagganti pabhāvantamaggaṃ. Viraddhāti vuttavidhinā maggena virajjhitvā ṭhitā. Aparaddhāti aparajjhitvā ṭhitā. Khalitāti parihīnā. Galitāti tato bhaṭṭhā. Aññāyāti aññāṇena. Aparaddhāti parājayamāpannā. Atha vā ‘‘ñāyāparaddhā’’tipi pāṭho. Ñāyena maggena viraddhāti attho.
127. звам̣ абхирад̇д̇аа жа – ид̇хзва суд̣̇д̇хинд̇и г̇аат̇аа. д̇ад̇т̇а сагааяанзд̇и сагамаг̇г̇з. д̣̇ал̣хам̣ вад̣̇аанаад̇и д̣̇ал̣хаваад̣̇аа.
127. Evaṃ abhirattā ca – idheva suddhinti gāthā. Tattha sakāyaneti sakamagge. Daḷhaṃ vadānāti daḷhavādā.
т̇ираваад̣̇аад̇и саннидтаанаваад̣̇аа. б̣алигаваад̣̇аад̇и б̣алаванд̇аваад̣̇аа. авадтид̇аваад̣̇аад̇и бад̇идтахид̇ваа гат̇ид̇аваад̣̇аа.
Thiravādāti sanniṭṭhānavādā. Balikavādāti balavantavādā. Avaṭṭhitavādāti patiṭṭhahitvā kathitavādā.
128. яз зван̃жа д̣̇ал̣хаваад̣̇аа, д̇зсу яо гожи д̇ид̇т̇ияо сагааяанз вааби д̣̇ал̣хам̣ вад̣̇аано гамзд̇т̇а б̣аалод̇и барам̣ д̣̇ахзяяа, сан̇кзбад̇о д̇ад̇т̇а сассад̇ужчзд̣̇асан̇каад̇з вид̇т̇аарад̇о над̇т̇игаиссарагаараганияад̇иаад̣̇ибхзд̣̇з сагз аяанз ‘‘ид̣̇амзва сажжа’’нд̇и д̣̇ал̣хам̣ вад̣̇аано гам̣ барам̣ зд̇т̇а д̣̇идтиг̇ад̇з ‘‘б̣аало’’д̇и саха д̇хаммзна бассзяяа, нану саб̣б̣оби д̇асса мад̇зна бан̣д̣ид̇о зва суббадибанно зва жа. звам̣ санд̇з саяамзва со мзд̇хаг̇амаавахзяяа, барам̣ вад̣̇ам̣ б̣ааламасуд̣̇д̇хид̇хаммам̣. соби барам̣ ‘‘б̣аало жа асуд̣̇д̇хид̇хаммо жа аяа’’нд̇и вад̣̇анд̇о ад̇д̇анаава галахам̣ аавахзяяа. гасмаа? яасмаа саб̣б̣оби д̇асса мад̇зна бан̣д̣ид̇оязва суббадибанноязва жа.
128. Ye evañca daḷhavādā, tesu yo koci titthiyo sakāyane vāpi daḷhaṃ vadāno kamettha bāloti paraṃ daheyya, saṅkhepato tattha sassatucchedasaṅkhāte vitthārato natthikaissarakārakaniyatiādibhede sake ayane ‘‘idameva sacca’’nti daḷhaṃ vadāno kaṃ paraṃ ettha diṭṭhigate ‘‘bālo’’ti saha dhammena passeyya, nanu sabbopi tassa matena paṇḍito eva suppaṭipanno eva ca. Evaṃ sante sayameva so medhagamāvaheyya, paraṃ vadaṃ bālamasuddhidhammaṃ. Sopi paraṃ ‘‘bālo ca asuddhidhammo ca aya’’nti vadanto attanāva kalahaṃ āvaheyya. Kasmā? Yasmā sabbopi tassa matena paṇḍitoyeva suppaṭipannoyeva ca.
129. звам̣ саб̣б̣ат̇ааби винижчаяз тад̇ваа саяам̣ бамааяа, уд̣̇д̇хам̣ са логасмим̣ виваад̣̇амзд̇ийд̇и д̣̇идтияаа тад̇ваа саяан̃жа сад̇т̇аараад̣̇им̣ минид̇ваа со бхияяо виваад̣̇амзд̇ийд̇и. звам̣ бана винижчаязсу аад̣̇ийнавам̣ н̃ад̇ваа арияамаг̇г̇зна хид̇ваана саб̣б̣аани винижчаяаани, на мзд̇хаг̇ам̣ губ̣б̣ад̇и ж̇анд̇у логзд̇и арахад̇д̇анигуудзна д̣̇зсанам̣ нидтаабзси.
129. Evaṃ sabbathāpi vinicchaye ṭhatvā sayaṃ pamāya, uddhaṃ sa lokasmiṃ vivādametīti diṭṭhiyā ṭhatvā sayañca satthārādiṃ minitvā so bhiyyo vivādametīti. Evaṃ pana vinicchayesu ādīnavaṃ ñatvā ariyamaggena hitvāna sabbāni vinicchayāni, na medhagaṃ kubbati jantu loketi arahattanikūṭena desanaṃ niṭṭhāpesi.
саяам̣ бамааяаад̇и ад̇д̇анаа минид̇ваа. баминид̇ваад̇и бамаан̣ам̣ гад̇ваа. ‘‘бавинзд̇ваа’’д̇иби баато, д̇ам̣ на сунд̣̇арам̣. уд̣̇д̇хам̣ ваад̣̇зна сад̣̇д̇хинд̇и ад̇д̇ано убари гат̇знд̇зна саха. д̣̇зсанаабарияосаанз бураабхзд̣̇асуд̇д̇з (махаани. 83) вуд̇д̇асад̣̇исо зва абхисамаяо ахосийд̇и.
Sayaṃ pamāyāti attanā minitvā. Paminitvāti pamāṇaṃ katvā. ‘‘Pavinetvā’’tipi pāṭho, taṃ na sundaraṃ. Uddhaṃ vādena saddhinti attano upari kathentena saha. Desanāpariyosāne purābhedasutte (mahāni. 83) vuttasadiso eva abhisamayo ahosīti.
сад̣̇д̇хаммаббаж̇ж̇од̇игааяа махаанид̣̇д̣̇зсадтагат̇ааяа
Saddhammappajjotikāya mahāniddesaṭṭhakathāya
жуул̣аб̣яуухасуд̇д̇анид̣̇д̣̇зсаван̣н̣анаа нидтид̇аа.
Cūḷabyūhasuttaniddesavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / махаанид̣̇д̣̇зсабаал̣и • Mahāniddesapāḷi / 12. жуул̣авияуухасуд̇д̇анид̣̇д̣̇зсо • 12. Cūḷaviyūhasuttaniddeso
