| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. жуул̣ад̇хаммасамаад̣̇аанасуд̇д̇ам̣
5. Cūḷadhammasamādānasuttaṃ
468. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘жад̇д̇ааримаани, бхигкавз, д̇хаммасамаад̣̇аанаани. гад̇амаани жад̇д̇аари? ад̇т̇и, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣; ад̇т̇и, бхигкавз , д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣; ад̇т̇и, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣; ад̇т̇и, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣’’.
468. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘cattārimāni, bhikkhave, dhammasamādānāni. Katamāni cattāri? Atthi, bhikkhave, dhammasamādānaṃ paccuppannasukhaṃ āyatiṃ dukkhavipākaṃ; atthi, bhikkhave , dhammasamādānaṃ paccuppannadukkhañceva āyatiñca dukkhavipākaṃ; atthi, bhikkhave, dhammasamādānaṃ paccuppannadukkhaṃ āyatiṃ sukhavipākaṃ; atthi, bhikkhave, dhammasamādānaṃ paccuppannasukhañceva āyatiñca sukhavipākaṃ’’.
469. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣? санд̇и, бхигкавз, згз саман̣аб̣раахман̣аа звам̣ваад̣̇ино звам̣д̣̇идтино – ‘над̇т̇и гаамзсу д̣̇осо’д̇и. д̇з гаамзсу баад̇аб̣яад̇ам̣ аабаж̇ж̇анд̇и. д̇з ко мол̣иб̣ад̣̇д̇хаахи 1 бариб̣б̣ааж̇игаахи барижаарзнд̇и. д̇з звамаахам̣су – ‘гим̣су наама д̇з бхонд̇о саман̣аб̣раахман̣аа гаамзсу анааг̇ад̇абхаяам̣ самбассамаанаа гаамаанам̣ бахаанамаахам̣су, гаамаанам̣ барин̃н̃ам̣ бан̃н̃абзнд̇и? суко имиссаа бариб̣б̣ааж̇игааяа д̇арун̣ааяа муд̣̇угааяа ломасааяа б̣аахааяа сампассо’д̇и д̇з гаамзсу баад̇аб̣яад̇ам̣ аабаж̇ж̇анд̇и. д̇з гаамзсу баад̇аб̣яад̇ам̣ аабаж̇ж̇ид̇ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. д̇з д̇ад̇т̇а д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и. д̇з звамаахам̣су – ‘ид̣̇ам̣ ко д̇з бхонд̇о саман̣аб̣раахман̣аа гаамзсу анааг̇ад̇абхаяам̣ самбассамаанаа гаамаанам̣ бахаанамаахам̣су, гаамаанам̣ барин̃н̃ам̣ бан̃н̃абзнд̇и, имз хи маяам̣ гаамахзд̇у гааманид̣̇аанам̣ д̣̇угкаа д̇иб̣б̣аа караа гадугаа взд̣̇анаа взд̣̇аяаамаа’д̇и. сзяяат̇ааби, бхигкавз, г̇имхаанам̣ бажчимз маасз маалуваасибаадигаа палзяяа. ат̇а ко д̇ам̣, бхигкавз, маалувааб̣ийж̇ам̣ ан̃н̃ад̇арасмим̣ сааламуулз нибад̇зяяа. ат̇а ко, бхигкавз, яаа д̇асмим̣ саалз ад̇хивад̇т̇аа д̣̇звад̇аа саа бхийд̇аа сам̣виг̇г̇аа санд̇аасам̣ аабаж̇ж̇зяяа. ат̇а ко, бхигкавз, д̇асмим̣ саалз ад̇хивад̇т̇ааяа д̣̇звад̇ааяа мид̇д̇аамажжаа н̃аад̇исаалохид̇аа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа сан̇г̇амма самааг̇амма звам̣ самассаасзяяум̣ – ‘маа бхавам̣ бхааяи, маа бхавам̣ бхааяи; аббзва наамзд̇ам̣ маалувааб̣ийж̇ам̣ моро ваа г̇илзяяа 2, маг̇о ваа каад̣̇зяяа, д̣̇авад̣аахо 3 ваа д̣ахзяяа, ванагаммигаа ваа уд̣̇д̇харзяяум̣, убажигаа ваа удтахзяяум̣ 4, аб̣ийж̇ам̣ ваа банассаа’д̇и. ат̇а ко д̇ам̣, бхигкавз, маалувааб̣ийж̇ам̣ нзва моро г̇илзяяа, на маг̇о каад̣̇зяяа, на д̣̇авад̣аахо д̣ахзяяа, на ванагаммигаа уд̣̇д̇харзяяум̣, на убажигаа удтахзяяум̣, б̣ийж̇ан̃жа банасса д̇ам̣ баавуссагзна мзгхзна абхиббавудтам̣ саммад̣̇зва вирухзяяа. саасса маалуваалад̇аа д̇арун̣аа муд̣̇угаа ломасаа виламб̣иний, саа д̇ам̣ саалам̣ убанисзвзяяа. ат̇а ко, бхигкавз, д̇асмим̣ саалз ад̇хивад̇т̇ааяа д̣̇звад̇ааяа звамасса – ‘гим̣су наама д̇з бхонд̇о мид̇д̇аамажжаа н̃аад̇исаалохид̇аа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа маалувааб̣ийж̇з анааг̇ад̇абхаяам̣ самбассамаанаа сан̇г̇амма самааг̇амма звам̣ самассаасзсум̣ 5 – ‘‘маа бхавам̣ бхааяи маа бхавам̣ бхааяи, аббзва наамзд̇ам̣ маалувааб̣ийж̇ам̣ моро ваа г̇илзяяа, маг̇о ваа каад̣̇зяяа, д̣̇авад̣аахо ваа д̣ахзяяа, ванагаммигаа ваа уд̣̇д̇харзяяум̣, убажигаа ваа удтахзяяум̣, аб̣ийж̇ам̣ ваа банассаа’’д̇и; суко имиссаа маалуваалад̇ааяа д̇арун̣ааяа муд̣̇угааяа ломасааяа виламб̣инияаа сампассо’д̇и. саа д̇ам̣ саалам̣ анубарихарзяяа. саа д̇ам̣ саалам̣ анубарихарид̇ваа убари видабхим̣ 6 гарзяяа. убари видабхим̣ гарид̇ваа огханам̣ ж̇анзяяа. огханам̣ ж̇анзд̇ваа яз д̇асса сааласса маханд̇аа маханд̇аа канд̇хаа д̇з бад̣̇аалзяяа. ат̇а ко, бхигкавз, д̇асмим̣ саалз ад̇хивад̇т̇ааяа д̣̇звад̇ааяа звамасса – ‘ид̣̇ам̣ ко д̇з бхонд̇о мид̇д̇аамажжаа н̃аад̇исаалохид̇аа аараамад̣̇звад̇аа ванад̣̇звад̇аа ругкад̣̇звад̇аа осад̇хид̇ин̣аванаббад̇ийсу ад̇хивад̇т̇аа д̣̇звад̇аа маалувааб̣ийж̇з анааг̇ад̇абхаяам̣ самбассамаанаа сан̇г̇амма самааг̇амма звам̣ самассаасзсум̣ 7 – ‘‘маа бхавам̣ бхааяи маа бхавам̣ бхааяи, аббзва наамзд̇ам̣ маалувааб̣ийж̇ам̣ моро ваа г̇илзяяа, маг̇о ваа каад̣̇зяяа, д̣̇авад̣аахо ваа д̣ахзяяа, ванагаммигаа ваа уд̣̇д̇харзяяум̣, убажигаа ваа удтахзяяум̣ аб̣ийж̇ам̣ ваа банассаа’’д̇и. яан̃жаахам̣ 8 маалувааб̣ийж̇ахзд̇у д̣̇угкаа д̇иб̣б̣аа караа гадугаа взд̣̇анаа взд̣̇аяаамий’д̇и. звамзва ко, бхигкавз, санд̇и згз саман̣аб̣раахман̣аа звам̣ваад̣̇ино звам̣д̣̇идтино ‘над̇т̇и гаамзсу д̣̇осо’д̇и . д̇з гаамзсу баад̇аб̣яад̇ам̣ аабаж̇ж̇анд̇и. д̇з мол̣иб̣ад̣̇д̇хаахи бариб̣б̣ааж̇игаахи барижаарзнд̇и. д̇з звамаахам̣су – ‘гим̣су наама д̇з бхонд̇о саман̣аб̣раахман̣аа гаамзсу анааг̇ад̇абхаяам̣ самбассамаанаа гаамаанам̣ бахаанамаахам̣су, гаамаанам̣ барин̃н̃ам̣ бан̃н̃абзнд̇и? суко имиссаа бариб̣б̣ааж̇игааяа д̇арун̣ааяа муд̣̇угааяа ломасааяа б̣аахааяа сампассо’д̇и. д̇з гаамзсу баад̇аб̣яад̇ам̣ аабаж̇ж̇анд̇и. д̇з гаамзсу баад̇аб̣яад̇ам̣ аабаж̇ж̇ид̇ваа гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇анд̇и. д̇з д̇ад̇т̇а д̣̇угкаа д̇иб̣б̣аа караа гадугаа взд̣̇анаа взд̣̇аяанд̇и. д̇з звамаахам̣су – ‘ид̣̇ам̣ ко д̇з бхонд̇о саман̣аб̣раахман̣аа гаамзсу анааг̇ад̇абхаяам̣ самбассамаанаа гаамаанам̣ бахаанамаахам̣су, гаамаанам̣ барин̃н̃ам̣ бан̃н̃абзнд̇и. имз хи маяам̣ гаамахзд̇у гааманид̣̇аанам̣ д̣̇угкаа д̇иб̣б̣аа караа гадугаа взд̣̇анаа взд̣̇аяаамаа’д̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннасукам̣ ааяад̇им̣ д̣̇угкавибаагам̣.
469. ‘‘Katamañca, bhikkhave, dhammasamādānaṃ paccuppannasukhaṃ āyatiṃ dukkhavipākaṃ? Santi, bhikkhave, eke samaṇabrāhmaṇā evaṃvādino evaṃdiṭṭhino – ‘natthi kāmesu doso’ti. Te kāmesu pātabyataṃ āpajjanti. Te kho moḷibaddhāhi 9 paribbājikāhi paricārenti. Te evamāhaṃsu – ‘kiṃsu nāma te bhonto samaṇabrāhmaṇā kāmesu anāgatabhayaṃ sampassamānā kāmānaṃ pahānamāhaṃsu, kāmānaṃ pariññaṃ paññapenti? Sukho imissā paribbājikāya taruṇāya mudukāya lomasāya bāhāya samphasso’ti te kāmesu pātabyataṃ āpajjanti. Te kāmesu pātabyataṃ āpajjitvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Te tattha dukkhā tibbā kharā kaṭukā vedanā vedayanti. Te evamāhaṃsu – ‘idaṃ kho te bhonto samaṇabrāhmaṇā kāmesu anāgatabhayaṃ sampassamānā kāmānaṃ pahānamāhaṃsu, kāmānaṃ pariññaṃ paññapenti, ime hi mayaṃ kāmahetu kāmanidānaṃ dukkhā tibbā kharā kaṭukā vedanā vedayāmā’ti. Seyyathāpi, bhikkhave, gimhānaṃ pacchime māse māluvāsipāṭikā phaleyya. Atha kho taṃ, bhikkhave, māluvābījaṃ aññatarasmiṃ sālamūle nipateyya. Atha kho, bhikkhave, yā tasmiṃ sāle adhivatthā devatā sā bhītā saṃviggā santāsaṃ āpajjeyya. Atha kho, bhikkhave, tasmiṃ sāle adhivatthāya devatāya mittāmaccā ñātisālohitā ārāmadevatā vanadevatā rukkhadevatā osadhitiṇavanappatīsu adhivatthā devatā saṅgamma samāgamma evaṃ samassāseyyuṃ – ‘mā bhavaṃ bhāyi, mā bhavaṃ bhāyi; appeva nāmetaṃ māluvābījaṃ moro vā gileyya 10, mago vā khādeyya, davaḍāho 11 vā ḍaheyya, vanakammikā vā uddhareyyuṃ, upacikā vā uṭṭhaheyyuṃ 12, abījaṃ vā panassā’ti. Atha kho taṃ, bhikkhave, māluvābījaṃ neva moro gileyya, na mago khādeyya, na davaḍāho ḍaheyya, na vanakammikā uddhareyyuṃ, na upacikā uṭṭhaheyyuṃ, bījañca panassa taṃ pāvussakena meghena abhippavuṭṭhaṃ sammadeva viruheyya. Sāssa māluvālatā taruṇā mudukā lomasā vilambinī, sā taṃ sālaṃ upaniseveyya. Atha kho, bhikkhave, tasmiṃ sāle adhivatthāya devatāya evamassa – ‘kiṃsu nāma te bhonto mittāmaccā ñātisālohitā ārāmadevatā vanadevatā rukkhadevatā osadhitiṇavanappatīsu adhivatthā devatā māluvābīje anāgatabhayaṃ sampassamānā saṅgamma samāgamma evaṃ samassāsesuṃ 13 – ‘‘mā bhavaṃ bhāyi mā bhavaṃ bhāyi, appeva nāmetaṃ māluvābījaṃ moro vā gileyya, mago vā khādeyya, davaḍāho vā ḍaheyya, vanakammikā vā uddhareyyuṃ, upacikā vā uṭṭhaheyyuṃ, abījaṃ vā panassā’’ti; sukho imissā māluvālatāya taruṇāya mudukāya lomasāya vilambiniyā samphasso’ti. Sā taṃ sālaṃ anuparihareyya. Sā taṃ sālaṃ anupariharitvā upari viṭabhiṃ 14 kareyya. Upari viṭabhiṃ karitvā oghanaṃ janeyya. Oghanaṃ janetvā ye tassa sālassa mahantā mahantā khandhā te padāleyya. Atha kho, bhikkhave, tasmiṃ sāle adhivatthāya devatāya evamassa – ‘idaṃ kho te bhonto mittāmaccā ñātisālohitā ārāmadevatā vanadevatā rukkhadevatā osadhitiṇavanappatīsu adhivatthā devatā māluvābīje anāgatabhayaṃ sampassamānā saṅgamma samāgamma evaṃ samassāsesuṃ 15 – ‘‘mā bhavaṃ bhāyi mā bhavaṃ bhāyi, appeva nāmetaṃ māluvābījaṃ moro vā gileyya, mago vā khādeyya, davaḍāho vā ḍaheyya, vanakammikā vā uddhareyyuṃ, upacikā vā uṭṭhaheyyuṃ abījaṃ vā panassā’’ti. Yañcāhaṃ 16 māluvābījahetu dukkhā tibbā kharā kaṭukā vedanā vedayāmī’ti. Evameva kho, bhikkhave, santi eke samaṇabrāhmaṇā evaṃvādino evaṃdiṭṭhino ‘natthi kāmesu doso’ti . Te kāmesu pātabyataṃ āpajjanti. Te moḷibaddhāhi paribbājikāhi paricārenti. Te evamāhaṃsu – ‘kiṃsu nāma te bhonto samaṇabrāhmaṇā kāmesu anāgatabhayaṃ sampassamānā kāmānaṃ pahānamāhaṃsu, kāmānaṃ pariññaṃ paññapenti? Sukho imissā paribbājikāya taruṇāya mudukāya lomasāya bāhāya samphasso’ti. Te kāmesu pātabyataṃ āpajjanti. Te kāmesu pātabyataṃ āpajjitvā kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjanti. Te tattha dukkhā tibbā kharā kaṭukā vedanā vedayanti. Te evamāhaṃsu – ‘idaṃ kho te bhonto samaṇabrāhmaṇā kāmesu anāgatabhayaṃ sampassamānā kāmānaṃ pahānamāhaṃsu, kāmānaṃ pariññaṃ paññapenti. Ime hi mayaṃ kāmahetu kāmanidānaṃ dukkhā tibbā kharā kaṭukā vedanā vedayāmā’ti. Idaṃ vuccati, bhikkhave, dhammasamādānaṃ paccuppannasukhaṃ āyatiṃ dukkhavipākaṃ.
470. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣? ид̇ха, бхигкавз, згажжо ажзлаго ход̇и муд̇д̇аажааро хад̇т̇аабалзкано, назхибхад̣̇д̣̇анд̇иго, над̇идтабхад̣̇д̣̇анд̇иго, наабхихадам̣, на уд̣̇д̣̇иссагад̇ам̣, на ниманд̇анам̣ саад̣̇ияад̇и, со на гумбхимукаа бадиг̇г̇ан̣хаад̇и, на гал̣обимукаа бадиг̇г̇ан̣хаад̇и, на зл̣агаманд̇арам̣, на д̣̇ан̣д̣аманд̇арам̣, на мусаламанд̇арам̣, на д̣̇виннам̣ бхун̃ж̇амаанаанам̣, на г̇аб̣бхинияаа, на бааяамаанааяа, на бурисанд̇араг̇ад̇ааяа, на сан̇гид̇д̇ийсу, на яад̇т̇а саа убадтид̇о ход̇и, на яад̇т̇а магкигаа сан̣д̣асан̣д̣ажаариний, на мажчам̣, на мам̣сам̣, на сурам̣, на мзраяам̣, на т̇усод̣̇агам̣ бивад̇и. со згааг̇аариго ваа ход̇и згаалобиго, д̣̇вааг̇аариго ваа ход̇и д̣̇ваалобиго…бз… сад̇д̇ааг̇аариго ваа ход̇и сад̇д̇аалобиго. згиссааби д̣̇ад̇д̇ияаа яаабзд̇и, д̣̇вийхиби д̣̇ад̇д̇ийхи яаабзд̇и… сад̇д̇ахиби д̣̇ад̇д̇ийхи яаабзд̇и. згаахигамби аахаарам̣ аахаарзд̇и, д̣̇вийхигамби аахаарам̣ аахаарзд̇и… сад̇д̇аахигамби аахаарам̣ аахаарзд̇и. ид̇и зваруубам̣ ад̣̇д̇хамаасигамби барияааяабхад̇д̇абхож̇анаануяог̇амануяуд̇д̇о вихарад̇и. со саагабхагко ваа ход̇и , саамаагабхагко ваа ход̇и, нийваарабхагко ваа ход̇и, д̣̇ад̣̇д̣̇улабхагко ваа ход̇и, хадабхагко ваа ход̇и, ган̣абхагко ваа ход̇и, аажаамабхагко ваа ход̇и, бин̃н̃аагабхагко ваа ход̇и, д̇ин̣абхагко ваа ход̇и, г̇омаяабхагко ваа ход̇и, ванамуулапалаахааро яаабзд̇и бавад̇д̇апалабхож̇ий. со саан̣ааниби д̇хаарзд̇и, масаан̣ааниби д̇хаарзд̇и, чавад̣̇уссааниби д̇хаарзд̇и, бам̣сугуулааниби д̇хаарзд̇и, д̇ирийдааниби д̇хаарзд̇и, аж̇инамби д̇хаарзд̇и, аж̇инагкибамби д̇хаарзд̇и, гусажийрамби д̇хаарзд̇и, ваагажийрамби д̇хаарзд̇и, палагажийрамби д̇хаарзд̇и, гзсагамб̣аламби д̇хаарзд̇и, ваал̣агамб̣аламби д̇хаарзд̇и, улуугабагкамби д̇хаарзд̇и, гзсамассуложагоби ход̇и, гзсамассуложанаануяог̇амануяуд̇д̇о, уб̣бхадтагоби ход̇и, аасанабадигкид̇д̇о, уггудигоби ход̇и уггудигаббад̇хаанамануяуд̇д̇о, ган̣дагаабассаяигоби ход̇и, ган̣дагаабассаяз сзяяам̣ габбзд̇и 17, сааяад̇ад̇ияагамби уд̣̇агороханаануяог̇амануяуд̇д̇о вихарад̇и. ид̇и зваруубам̣ анзгавихид̇ам̣ гааяасса аад̇аабанабарид̇аабанаануяог̇амануяуд̇д̇о вихарад̇и . со гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннад̣̇угкан̃жзва ааяад̇ин̃жа д̣̇угкавибаагам̣.
470. ‘‘Katamañca, bhikkhave, dhammasamādānaṃ paccuppannadukkhañceva āyatiñca dukkhavipākaṃ? Idha, bhikkhave, ekacco acelako hoti muttācāro hatthāpalekhano, naehibhaddantiko, natiṭṭhabhaddantiko, nābhihaṭaṃ, na uddissakataṃ, na nimantanaṃ sādiyati, so na kumbhimukhā paṭiggaṇhāti, na kaḷopimukhā paṭiggaṇhāti, na eḷakamantaraṃ, na daṇḍamantaraṃ, na musalamantaraṃ, na dvinnaṃ bhuñjamānānaṃ, na gabbhiniyā, na pāyamānāya, na purisantaragatāya, na saṅkittīsu, na yattha sā upaṭṭhito hoti, na yattha makkhikā saṇḍasaṇḍacārinī, na macchaṃ, na maṃsaṃ, na suraṃ, na merayaṃ, na thusodakaṃ pivati. So ekāgāriko vā hoti ekālopiko, dvāgāriko vā hoti dvālopiko…pe… sattāgāriko vā hoti sattālopiko. Ekissāpi dattiyā yāpeti, dvīhipi dattīhi yāpeti… sattahipi dattīhi yāpeti. Ekāhikampi āhāraṃ āhāreti, dvīhikampi āhāraṃ āhāreti… sattāhikampi āhāraṃ āhāreti. Iti evarūpaṃ addhamāsikampi pariyāyabhattabhojanānuyogamanuyutto viharati. So sākabhakkho vā hoti , sāmākabhakkho vā hoti, nīvārabhakkho vā hoti, daddulabhakkho vā hoti, haṭabhakkho vā hoti, kaṇabhakkho vā hoti, ācāmabhakkho vā hoti, piññākabhakkho vā hoti, tiṇabhakkho vā hoti, gomayabhakkho vā hoti, vanamūlaphalāhāro yāpeti pavattaphalabhojī. So sāṇānipi dhāreti, masāṇānipi dhāreti, chavadussānipi dhāreti, paṃsukūlānipi dhāreti, tirīṭānipi dhāreti, ajinampi dhāreti, ajinakkhipampi dhāreti, kusacīrampi dhāreti, vākacīrampi dhāreti, phalakacīrampi dhāreti, kesakambalampi dhāreti, vāḷakambalampi dhāreti, ulūkapakkhampi dhāreti, kesamassulocakopi hoti, kesamassulocanānuyogamanuyutto, ubbhaṭṭhakopi hoti, āsanapaṭikkhitto, ukkuṭikopi hoti ukkuṭikappadhānamanuyutto, kaṇṭakāpassayikopi hoti, kaṇṭakāpassaye seyyaṃ kappeti 18, sāyatatiyakampi udakorohanānuyogamanuyutto viharati. Iti evarūpaṃ anekavihitaṃ kāyassa ātāpanaparitāpanānuyogamanuyutto viharati . So kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. Idaṃ vuccati, bhikkhave, dhammasamādānaṃ paccuppannadukkhañceva āyatiñca dukkhavipākaṃ.
471. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣? ид̇ха , бхигкавз, згажжо багад̇ияаа д̇иб̣б̣арааг̇аж̇аад̇иго ход̇и, со абхигкан̣ам̣ рааг̇аж̇ам̣ д̣̇угкам̣ д̣̇оманассам̣ бадисам̣взд̣̇зд̇и; багад̇ияаа д̇иб̣б̣ад̣̇осаж̇аад̇иго ход̇и, со абхигкан̣ам̣ д̣̇осаж̇ам̣ д̣̇угкам̣ д̣̇оманассам̣ бадисам̣взд̣̇зд̇и; багад̇ияаа д̇иб̣б̣амохаж̇аад̇иго ход̇и, со абхигкан̣ам̣ мохаж̇ам̣ д̣̇угкам̣ д̣̇оманассам̣ бадисам̣взд̣̇зд̇и. со сахааби д̣̇угкзна, сахааби д̣̇оманассзна, ассумукоби руд̣̇амаано барибун̣н̣ам̣ барисуд̣̇д̇хам̣ б̣рахмажарияам̣ жарад̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннад̣̇угкам̣ ааяад̇им̣ сукавибаагам̣.
471. ‘‘Katamañca, bhikkhave, dhammasamādānaṃ paccuppannadukkhaṃ āyatiṃ sukhavipākaṃ? Idha , bhikkhave, ekacco pakatiyā tibbarāgajātiko hoti, so abhikkhaṇaṃ rāgajaṃ dukkhaṃ domanassaṃ paṭisaṃvedeti; pakatiyā tibbadosajātiko hoti, so abhikkhaṇaṃ dosajaṃ dukkhaṃ domanassaṃ paṭisaṃvedeti; pakatiyā tibbamohajātiko hoti, so abhikkhaṇaṃ mohajaṃ dukkhaṃ domanassaṃ paṭisaṃvedeti. So sahāpi dukkhena, sahāpi domanassena, assumukhopi rudamāno paripuṇṇaṃ parisuddhaṃ brahmacariyaṃ carati. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ vuccati, bhikkhave, dhammasamādānaṃ paccuppannadukkhaṃ āyatiṃ sukhavipākaṃ.
472. ‘‘гад̇аман̃жа, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣? ид̇ха, бхигкавз, згажжо багад̇ияаа на д̇иб̣б̣арааг̇аж̇аад̇иго ход̇и, со на абхигкан̣ам̣ рааг̇аж̇ам̣ д̣̇угкам̣ д̣̇оманассам̣ бадисам̣взд̣̇зд̇и; багад̇ияаа на д̇иб̣б̣ад̣̇осаж̇аад̇иго ход̇и, со на абхигкан̣ам̣ д̣̇осаж̇ам̣ д̣̇угкам̣ д̣̇оманассам̣ бадисам̣взд̣̇зд̇и; багад̇ияаа на д̇иб̣б̣амохаж̇аад̇иго ход̇и , со на абхигкан̣ам̣ мохаж̇ам̣ д̣̇угкам̣ д̣̇оманассам̣ бадисам̣взд̣̇зд̇и. со вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣…бз… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. со гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. ид̣̇ам̣ вужжад̇и, бхигкавз, д̇хаммасамаад̣̇аанам̣ бажжуббаннасукан̃жзва ааяад̇ин̃жа сукавибаагам̣. имаани ко, бхигкавз, жад̇д̇аари д̇хаммасамаад̣̇аанааний’’д̇и.
472. ‘‘Katamañca, bhikkhave, dhammasamādānaṃ paccuppannasukhañceva āyatiñca sukhavipākaṃ? Idha, bhikkhave, ekacco pakatiyā na tibbarāgajātiko hoti, so na abhikkhaṇaṃ rāgajaṃ dukkhaṃ domanassaṃ paṭisaṃvedeti; pakatiyā na tibbadosajātiko hoti, so na abhikkhaṇaṃ dosajaṃ dukkhaṃ domanassaṃ paṭisaṃvedeti; pakatiyā na tibbamohajātiko hoti , so na abhikkhaṇaṃ mohajaṃ dukkhaṃ domanassaṃ paṭisaṃvedeti. So vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ…pe… tatiyaṃ jhānaṃ… catutthaṃ jhānaṃ upasampajja viharati. So kāyassa bhedā paraṃ maraṇā sugatiṃ saggaṃ lokaṃ upapajjati. Idaṃ vuccati, bhikkhave, dhammasamādānaṃ paccuppannasukhañceva āyatiñca sukhavipākaṃ. Imāni kho, bhikkhave, cattāri dhammasamādānānī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
жуул̣ад̇хаммасамаад̣̇аанасуд̇д̇ам̣ нидтид̇ам̣ бан̃жамам̣.
Cūḷadhammasamādānasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жуул̣ад̇хаммасамаад̣̇аанасуд̇д̇аван̣н̣анаа • 5. Cūḷadhammasamādānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жуул̣ад̇хаммасамаад̣̇аанасуд̇д̇аван̣н̣анаа • 5. Cūḷadhammasamādānasuttavaṇṇanā
