| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. жуул̣ад̇хаммасамаад̣̇аанасуд̇д̇аван̣н̣анаа
5. Cūḷadhammasamādānasuttavaṇṇanā
468. д̇хаммод̇и г̇ахид̇аг̇ахан̣аанийд̇и д̇хаммо ваа ход̇у ид̇аро ваа, д̇хаммод̇и баг̇г̇ахид̇аг̇г̇аахаббавад̇д̇аа жарияаава. ааяууханагкан̣зд̇и д̇асса д̇хаммод̇и г̇ахид̇асса бавад̇д̇анагкан̣з. суканд̇и агижчам̣. д̇знааха ‘‘сугара’’нд̇и. д̣̇угкавибааганд̇и анидтапалавибажжанам̣.
468.Dhammotigahitagahaṇānīti dhammo vā hotu itaro vā, dhammoti paggahitaggāhappavattā cariyāva. Āyūhanakkhaṇeti tassa dhammoti gahitassa pavattanakkhaṇe. Sukhanti akicchaṃ. Tenāha ‘‘sukara’’nti. Dukkhavipākanti aniṭṭhaphalavipaccanaṃ.
469. яат̇аа жагкаад̣̇ийнам̣ бан̃жаннам̣ инд̣̇рияаанам̣ яат̇аасагам̣ висаяаг̇г̇ахан̣ам̣ сабхаавасид̣̇д̇хам̣, звам̣ манасоби. д̇з жа висаяаа идтаагаарад̇о г̇ахан̣з на гожи д̣̇осо, бурисад̇д̇абхаавз на жа д̇з д̣̇осам̣ бавад̇д̇знд̇ийд̇и аяам̣ д̇зсам̣ саман̣аб̣раахман̣аанам̣ лад̣̇д̇хийд̇и ааха ‘‘вад̇т̇угаамзсуби гилзсагаамзсуби д̣̇осо над̇т̇ий’’д̇и, ассаад̣̇зд̇ваа висаяабарибхог̇з над̇т̇и аад̣̇ийнаво, д̇аббажжаяаа на гожи анд̇арааяод̇и ад̇хиббааяо. баад̇аб̣яад̇ам̣ аабаж̇ж̇анд̇ийд̇и барибхун̃ж̇анагад̇ам̣ убаг̇ажчанд̇и. барибхог̇ад̇т̇о хи аяам̣ баа-сад̣̇д̣̇о гад̇д̇усаад̇хано жа д̇аб̣яа-сад̣̇д̣̇о, яат̇ааружи барибхун̃ж̇анд̇ийд̇и ад̇т̇о. гилзсагаамоби ассаад̣̇ияамаано вад̇т̇угааманд̇ог̇ад̇хоязва, гилзсагаамавасзна бана нзсам̣ ассаад̣̇зд̇аб̣б̣ад̇аад̇и ааха ‘‘вад̇т̇угаамзсу гилзсагаамзна баад̇аб̣яад̇а’’нд̇и. гилзсагаамзнаад̇и гаран̣ад̇т̇з гаран̣аважанам̣. баад̇аб̣яад̇ам̣ барибхун̃ж̇ид̇аб̣б̣ад̇анд̇и зд̇т̇ааби гад̇д̇увасзнзва ад̇т̇о взд̣̇ид̇аб̣б̣о. мол̣им̣ гад̇ваад̇и взн̣иб̣анд̇хавасзна мол̣им̣ гад̇ваа. д̇аабасабариб̣б̣ааж̇игаахийд̇и д̇аабасабаб̣б̣аж̇ж̇уубаг̇ад̇аахи. барин̃н̃ам̣ бан̃н̃абзнд̇ийд̇и ид̣̇ам̣ ‘‘бахаанамаахам̣суу’’д̇и бад̣̇ассзва взважананд̇и ‘‘бахаанам̣ самад̇иггамам̣ бан̃н̃абзнд̇ий’’д̇и вуд̇д̇ам̣. д̇зна гаамаа наамзд̇з анижжаа д̣̇угкаа вибарин̣аамад̇хаммаад̇и яаат̇аавад̇о бариж̇аананам̣ ид̇ха ‘‘бахаана’’нд̇и ад̇хиббзд̇ам̣, на винаабхаавамад̇д̇анд̇и д̣̇ассзд̇и. маалуваасибаадигаад̇и маалуваавид̣̇алам̣ маалуваапалз боддалигаа. санд̇аасам̣ аабаж̇ж̇зяяаад̇и саалз ад̇хивад̇т̇ад̣̇звад̇ааяа бавад̇д̇им̣ г̇ахзд̇ваа вуд̇д̇ам̣. д̇ад̣̇аа хи д̇ассаа звам̣ ход̇и. говил̣аарабад̇д̇асад̣̇исзхийд̇и махааговил̣аарабад̇д̇асан̣таанзхи. сан̣таанавасзна хзд̇ам̣ вуд̇д̇ам̣, маалуваабад̇д̇аа бана говил̣аарабад̇д̇зхи маханд̇ад̇араани жзва гханад̇араани жа хонд̇и. вибулаб̣ахугханаг̇арубад̇д̇ад̇ааяа маханд̇ам̣ бхаарам̣ ж̇анзд̇ваа. саад̇и маалуваалад̇аа. огхананд̇и хздтад̇о оламб̣анахзд̇убхууд̇ам̣ гханабхаавам̣.
469. Yathā cakkhādīnaṃ pañcannaṃ indriyānaṃ yathāsakaṃ visayaggahaṇaṃ sabhāvasiddhaṃ, evaṃ manasopi. Te ca visayā iṭṭhākārato gahaṇe na koci doso, purisattabhāve na ca te dosaṃ pavattentīti ayaṃ tesaṃ samaṇabrāhmaṇānaṃ laddhīti āha ‘‘vatthukāmesupi kilesakāmesupi doso natthī’’ti, assādetvā visayaparibhoge natthi ādīnavo, tappaccayā na koci antarāyoti adhippāyo. Pātabyataṃ āpajjantīti paribhuñjanakataṃ upagacchanti. Paribhogattho hi ayaṃ pā-saddo kattusādhano ca tabya-saddo, yathāruci paribhuñjantīti attho. Kilesakāmopi assādiyamāno vatthukāmantogadhoyeva, kilesakāmavasena pana nesaṃ assādetabbatāti āha ‘‘vatthukāmesu kilesakāmena pātabyata’’nti. Kilesakāmenāti karaṇatthe karaṇavacanaṃ. Pātabyataṃ paribhuñjitabbatanti etthāpi kattuvaseneva attho veditabbo. Moḷiṃ katvāti veṇibandhavasena moḷiṃ katvā. Tāpasaparibbājikāhīti tāpasapabbajjūpagatāhi. Pariññaṃ paññapentīti idaṃ ‘‘pahānamāhaṃsū’’ti padasseva vevacananti ‘‘pahānaṃ samatikkamaṃ paññapentī’’ti vuttaṃ. Tena kāmā nāmete aniccā dukkhā vipariṇāmadhammāti yāthāvato parijānanaṃ idha ‘‘pahāna’’nti adhippetaṃ, na vinābhāvamattanti dasseti. Māluvāsipāṭikāti māluvāvidalaṃ māluvāphale poṭṭalikā. Santāsaṃ āpajjeyyāti sāle adhivatthadevatāya pavattiṃ gahetvā vuttaṃ. Tadā hi tassā evaṃ hoti. Koviḷārapattasadisehīti mahākoviḷārapattasaṇṭhānehi. Saṇṭhānavasena hetaṃ vuttaṃ, māluvāpattā pana koviḷārapattehi mahantatarāni ceva ghanatarāni ca honti. Vipulabahughanagarupattatāya mahantaṃ bhāraṃ janetvā. Sāti māluvālatā. Oghananti heṭṭhato olambanahetubhūtaṃ ghanabhāvaṃ.
анд̇хаванасубхаг̇аванаг̇г̇ахан̣ам̣ д̇зсам̣ абхилагкид̇абхаавад̇о. наал̣игзраад̣̇ийсу д̇ин̣аж̇аад̇ийсу. каад̣̇анубалагкан̣ам̣ убажигаанам̣ удтаханаг̇г̇ахан̣анд̇и ааха ‘‘удтахзяяу’’нд̇и. гзл̣им̣ гаронд̇ий вияаад̇и виламб̣ананад̣̇ий вияа гзл̣им̣ гаронд̇ий. ид̣̇аани ахам̣ д̇ам̣ аж̇жход̇т̇аринд̇и бамод̣̇амаанаа вияа ид̇о жид̇о жа вибпанд̣̇амаанаа виламб̣анд̇ий. сампассоби суко муд̣̇уд̇алун̣агомалабхаавад̇о. д̣̇ассанамби сукам̣ гханаб̣ахалабад̇д̇асам̣хад̇ад̇ааяа. соманассаж̇аад̇аад̇и буб̣б̣з ануссававасзна бхаванавинаасабхаяаа санд̇аасам̣ аабаж̇ж̇и, ид̣̇аани д̇ассаа самбад̇д̇ид̣̇ассанзна балобхид̇аа соманассаж̇аад̇аа ахоси.
Andhavanasubhagavanaggahaṇaṃ tesaṃ abhilakkhitabhāvato. Nāḷikerādīsu tiṇajātīsu. Khādanupalakkhaṇaṃ upacikānaṃ uṭṭhahanaggahaṇanti āha ‘‘uṭṭhaheyyu’’nti. Keḷiṃ karontī viyāti vilambananadī viya keḷiṃ karontī. Idāni ahaṃ taṃ ajjhottharinti pamodamānā viya ito cito ca vipphandamānā vilambantī. Samphassopi sukho mudutaluṇakomalabhāvato. Dassanampi sukhaṃ ghanabahalapattasaṃhatatāya. Somanassajātāti pubbe anussavavasena bhavanavināsabhayā santāsaṃ āpajji, idāni tassā sampattidassanena palobhitā somanassajātā ahosi.
видабхим̣ гарзяяаад̇и аад̇аанавид̇аанавасзна ж̇адзнд̇ий ж̇аалам̣ гарзяяа. д̇ат̇аабхууд̇аа жа гханабад̇д̇асан̃чаннад̇ааяа чад̇д̇асад̣̇исий ход̇ийд̇и ааха ‘‘чад̇д̇аагаарзна д̇идтзяяаа’’д̇и. сагалам̣ ругканд̇и убари саб̣б̣асаакаабасаакам̣ саб̣б̣аругкам̣. бхассамаанаад̇и баливзтанавасзнзва од̇арамаанаа. яаава муулаа од̇ин̣н̣асаакаахийд̇и маалуваа бхаарзна онамид̇ваа ругкасса яаава муулаа од̇ин̣н̣асаакаахи буна абхирухамаанаа. саб̣б̣асаакаад̇и хздтаа маж̇жхз убари жаад̇и саб̣б̣ааби саакааяо баливзтзнд̇ий. сам̣сиб̣б̣ид̇ваа ж̇ааласанд̇аанаганияаамзна ж̇адзд̇ваа. звам̣ абараабарам̣ сам̣сиб̣б̣анзна аж̇жход̇т̇аранд̇ий. саб̣б̣асаакаа хздтаа гад̇ваа саяам̣ убари тад̇ваа махаабхаарабхаавзна ваад̇з ваа вааяанд̇з д̣̇звз ваа вассанд̇з бад̣̇аалзяяа. саакадтагавимаананд̇и саакаабадиб̣ад̣̇д̇хам̣ вимаанам̣. яасмаа ид̇ха сад̇т̇аараа ‘‘сзяяат̇ааби, бхигкавз’’д̇иаад̣̇инаа бхууд̇абуб̣б̣амзва вад̇т̇у убамаабхаавзна аахадам̣, д̇асмаа ‘‘ид̣̇ам̣ бана вимаана’’нд̇иаад̣̇и вуд̇д̇ам̣.
Viṭabhiṃ kareyyāti ātānavitānavasena jaṭentī jālaṃ kareyya. Tathābhūtā ca ghanapattasañchannatāya chattasadisī hotīti āha ‘‘chattākārena tiṭṭheyyā’’ti. Sakalaṃ rukkhanti upari sabbasākhāpasākhaṃ sabbarukkhaṃ. Bhassamānāti paliveṭhanavaseneva otaramānā. Yāva mūlā otiṇṇasākhāhīti māluvā bhārena onamitvā rukkhassa yāva mūlā otiṇṇasākhāhi puna abhiruhamānā. Sabbasākhāti heṭṭhā majjhe upari cāti sabbāpi sākhāyo paliveṭhentī. Saṃsibbitvā jālasantānakaniyāmena jaṭetvā. Evaṃ aparāparaṃ saṃsibbanena ajjhottharantī. Sabbasākhā heṭṭhā katvā sayaṃ upari ṭhatvā mahābhārabhāvena vāte vā vāyante deve vā vassante padāleyya. Sākhaṭṭhakavimānanti sākhāpaṭibaddhaṃ vimānaṃ. Yasmā idha satthārā ‘‘seyyathāpi, bhikkhave’’tiādinā bhūtapubbameva vatthu upamābhāvena āhaṭaṃ, tasmā ‘‘idaṃ pana vimāna’’ntiādi vuttaṃ.
471. б̣ахаларааг̇асабхаавод̇и бажжавзгкан̣аахи нийхарид̇ум̣ асаггун̣зяяад̇ааяа б̣алаваа худ̇ваа абхибхаванарааг̇ад̇хаад̇уго. рааг̇аж̇анд̇и рааг̇анимид̇д̇аж̇аад̇ам̣. д̣̇идтз д̣̇идтз аарамман̣зд̇и д̣̇идтз д̣̇идтз висабхааг̇аарамман̣з. нимид̇д̇ам̣ г̇ан̣хаад̇ийд̇и гилзсуббад̇д̇ияаа гааран̣абхууд̇ам̣ ануб̣яан̃ж̇анасо нимид̇д̇ам̣ г̇ан̣хаад̇и, сигкааг̇ааравзна бана гилзсзхи ниссид̇ам̣ маг̇г̇ам̣ на бадибаж̇ж̇ад̇и, д̇ад̇о зва аажарияубаж̇жхааязхи аан̣ад̇д̇ам̣ д̣̇ан̣д̣агаммам̣ гарод̇зва. д̇знааха ‘‘на д̇взва вийд̇иггамам̣ гарод̇ий’’д̇и. хад̇т̇абараамаасаад̣̇ийнийд̇и – ‘‘зхи д̇аава д̇аяаа вуд̇д̇ам̣ маяаа вуд̇д̇ан̃жа амуд̇ра г̇анд̇ваа виймам̣сиссаамаа’’д̇иаад̣̇инаа хад̇т̇аг̇г̇ахан̣аад̣̇ийни гаронд̇о, на гарун̣аамзд̇д̇аанид̣̇аанавасзна. мохаж̇аад̇игод̇и б̣ахаламохасабхааво.
471.Bahalarāgasabhāvoti paccavekkhaṇāhi nīharituṃ asakkuṇeyyatāya balavā hutvā abhibhavanarāgadhātuko. Rāgajanti rāganimittajātaṃ. Diṭṭhe diṭṭhe ārammaṇeti diṭṭhe diṭṭhe visabhāgārammaṇe. Nimittaṃ gaṇhātīti kilesuppattiyā kāraṇabhūtaṃ anubyañjanaso nimittaṃ gaṇhāti, sikkhāgāravena pana kilesehi nissitaṃ maggaṃ na paṭipajjati, tato eva ācariyupajjhāyehi āṇattaṃ daṇḍakammaṃ karoteva. Tenāha ‘‘na tveva vītikkamaṃ karotī’’ti. Hatthaparāmāsādīnīti – ‘‘ehi tāva tayā vuttaṃ mayā vuttañca amutra gantvā vīmaṃsissāmā’’tiādinā hatthaggahaṇādīni karonto, na karuṇāmettānidānavasena. Mohajātikoti bahalamohasabhāvo.
472. гамманияаамзнаад̇и буримаж̇аад̇исид̣̇д̇хзна лобхуссад̣̇ад̇аад̣̇инияамид̇зна гамманияаамзна. ид̣̇аани д̇ам̣ лобхуссад̣̇ад̇аад̣̇им̣ вибхааг̇зна д̣̇ассзд̇ум̣ ‘‘яасса хий’’д̇иаад̣̇и аарад̣̇д̇хам̣. д̇ад̇т̇а гаммааяууханагкан̣зд̇и гаммагаран̣авзлааяа. лобхо б̣алаваад̇и д̇аж̇ж̇ааяа саамаг̇г̇ияаа саамад̇т̇ияад̇о лобхо ад̇хиго ход̇и. алобхо манд̣̇од̇и д̇аббадибагко алобхо д̣̇уб̣б̣ало ход̇и. гат̇ам̣ банзд̇з лобхаалобхаа ан̃н̃аман̃н̃ам̣ уж̇увибажжанийгабхууд̇аа згагкан̣з бавад̇д̇анд̇и? на ко банзд̇ам̣ звам̣ д̣̇адтаб̣б̣ам̣ ‘‘згагкан̣з бавад̇д̇анд̇ий’’д̇и, ниганд̇игкан̣ам̣ бана ааяууханагкан̣амзва гад̇ваа звам̣ вуд̇д̇ам̣. зса наяо сзсзсу. барияаад̣̇аад̇унд̇и абхибхавид̇ум̣ на саггод̇и. яо хи ‘‘звам̣сунд̣̇арам̣ звам̣вибулам̣ звам̣махаг̇гхан̃жа на саггаа барасса д̣̇аад̇у’’нд̇иаад̣̇инаа амуд̇д̇ажааг̇ад̇аад̣̇ивасзна бавад̇д̇ааяа жзд̇анааяа самбаяуд̇д̇о алобхо саммад̣̇зва лобхам̣ барияаад̣̇аад̇ум̣ на саггод̇и. д̣̇осамохаанам̣ ануббад̇д̇ияам̣ д̇аад̣̇исабажжаяалаабхзнзва ад̣̇осаамохаа б̣алаванд̇о. д̇асмаад̇и лобхаад̣̇осаамохаанам̣ б̣алавабхаавад̇о алобхад̣̇осамохаанан̃жа д̣̇уб̣б̣алабхаавад̇од̇и вуд̇д̇амзва гааран̣ам̣ бажжаамасад̇и. сод̇и д̇ам̣саман̇г̇ий. д̇зна гаммзнаад̇и д̇зна лобхаад̣̇иубаниссаяавад̇аа гусалагаммунаа. сукасийлод̇и сакило. д̇амзвад̇т̇ам̣ аггод̇ханод̇и барияааязна вад̣̇ад̇и.
472.Kammaniyāmenāti purimajātisiddhena lobhussadatādiniyamitena kammaniyāmena. Idāni taṃ lobhussadatādiṃ vibhāgena dassetuṃ ‘‘yassa hī’’tiādi āraddhaṃ. Tattha kammāyūhanakkhaṇeti kammakaraṇavelāya. Lobho balavāti tajjāya sāmaggiyā sāmatthiyato lobho adhiko hoti. Alobho mandoti tappaṭipakkho alobho dubbalo hoti. Kathaṃ panete lobhālobhā aññamaññaṃ ujuvipaccanīkabhūtā ekakkhaṇe pavattanti? Na kho panetaṃ evaṃ daṭṭhabbaṃ ‘‘ekakkhaṇe pavattantī’’ti, nikantikkhaṇaṃ pana āyūhanakkhaṇameva katvā evaṃ vuttaṃ. Esa nayo sesesu. Pariyādātunti abhibhavituṃ na sakkoti. Yo hi ‘‘evaṃsundaraṃ evaṃvipulaṃ evaṃmahagghañca na sakkā parassa dātu’’ntiādinā amuttacāgatādivasena pavattāya cetanāya sampayutto alobho sammadeva lobhaṃ pariyādātuṃ na sakkoti. Dosamohānaṃ anuppattiyaṃ tādisapaccayalābheneva adosāmohā balavanto. Tasmāti lobhādosāmohānaṃ balavabhāvato alobhadosamohānañca dubbalabhāvatoti vuttameva kāraṇaṃ paccāmasati. Soti taṃsamaṅgī. Tena kammenāti tena lobhādiupanissayavatā kusalakammunā. Sukhasīloti sakhilo. Tamevatthaṃ akkodhanoti pariyāyena vadati.
манд̣̇аа алобхаад̣̇осаа лобхад̣̇осз барияаад̣̇аад̇ум̣ на саггонд̇и, амохо бана б̣алаваа мохам̣ барияаад̣̇аад̇ум̣ саггод̇ийд̇и звам̣ яат̇аарахам̣ батамаваарз вуд̇д̇анаязнзва ад̇ид̣̇зсад̇т̇о взд̣̇ид̇аб̣б̣о. буриманаязнзваад̇и буб̣б̣з вуд̇д̇анаяаанусаарзна. д̣̇удтод̇и год̇хано. д̣̇анд̇ход̇и манд̣̇аман̃н̃о. сукасийлагод̇и сукасийло.
Mandā alobhādosā lobhadose pariyādātuṃ na sakkonti, amoho pana balavā mohaṃ pariyādātuṃ sakkotīti evaṃ yathārahaṃ paṭhamavāre vuttanayeneva atidesattho veditabbo. Purimanayenevāti pubbe vuttanayānusārena. Duṭṭhoti kodhano. Dandhoti mandamañño. Sukhasīlakoti sukhasīlo.
зд̇т̇а жа лобхавасзна, д̣̇осамоха-лобхад̣̇оса-лобхамоха-д̣̇осамоха-лобхад̣̇осамохавасзнаад̇и д̇аяо згагаа, д̇аяо д̣̇угаа, зго д̇игод̇и лобхаад̣̇иуссад̣̇авасзна агусалабагкз зва сад̇д̇а ваараа, д̇ат̇аа гусалабагкз алобхаад̣̇иуссад̣̇авасзнаад̇и жуд̣̇д̣̇аса ваараа лаб̣бханд̇и. д̇ад̇т̇а алобхад̣̇осамохаа, алобхаад̣̇осамохаа, алобхад̣̇осаамохаа б̣алаванд̇од̇и ааг̇ад̇зхи гусалабагкз д̇ад̇ияад̣̇уд̇ияабатамаваарзхи д̣̇осуссад̣̇амохуссад̣̇ад̣̇осамохуссад̣̇аваараа г̇ахид̇аа зва хонд̇и. д̇ат̇аа агусалабагкз лобхаад̣̇осаамохаа, лобхад̣̇осаамохаа, лобхаад̣̇осамохаа б̣алаванд̇од̇и ааг̇ад̇зхи д̇ад̇ияад̣̇уд̇ияабатамаваарзхи ад̣̇осуссад̣̇аамохуссад̣̇аад̣̇осаамохуссад̣̇аваараа г̇ахид̇аа зваад̇и агусалагусалабагкзсу д̇аяо д̇аяо ваарз анд̇ог̇ад̇хз гад̇ваа адтзва ваараа д̣̇ассид̇аа. яз бана убхаяасаммиссад̇аавасзна лобхаалобхуссад̣̇аваараад̣̇аяо абарз згуунабан̃н̃ааса ваараа гаамам̣ д̣̇ассзд̇аб̣б̣аа, д̇зсам̣ асамбхавад̇о зва на д̣̇ассид̇аа. на хи ‘‘згасмим̣ санд̇аанз анд̇арзна авад̇т̇анд̇арам̣ лобхо жа б̣алаваа алобхо жаа’’д̇иаад̣̇и яуж̇ж̇ад̇и. бадибагкавасзна вааби зд̇зсам̣ б̣алавад̣̇уб̣б̣алабхааво сахаж̇аад̇ад̇хаммавасзна ваа. д̇ад̇т̇а лобхасса д̇аава бадибагкавасзна анабхибхууд̇ад̇ааяа б̣алавабхааво, д̇ат̇аа д̣̇осамохаанам̣ ад̣̇осаамохзхи. алобхаад̣̇ийнам̣ бана лобхаад̣̇ианабхибхаванад̇о. саб̣б̣зсан̃жа самаанаж̇аад̇ияасамад̇хибхуяяа бавад̇д̇ивасзна сахаж̇аад̇ад̇хаммад̇о б̣алавабхааво. д̇зна вуд̇д̇ам̣ адтагат̇ааяам̣ (ма. ни. адта. 2.472) – ‘‘лобхо б̣алаваа, алобхо манд̣̇о. ад̣̇осаамохаа б̣алаванд̇о, д̣̇осамохаа манд̣̇аа’’д̇иаад̣̇и, со жа нзсам̣ манд̣̇аб̣алавабхааво буримуубаниссаяад̇о д̇ат̇аа аасаяасса барибхаавид̇ад̇ааяа взд̣̇ид̇аб̣б̣о. д̇знзвааха ‘‘гамманияаамзнаа’’д̇и. сзсам̣ вуд̇д̇анаяад̇д̇аа сувин̃н̃зяяамзваад̇и.
Ettha ca lobhavasena, dosamoha-lobhadosa-lobhamoha-dosamoha-lobhadosamohavasenāti tayo ekakā, tayo dukā, eko tikoti lobhādiussadavasena akusalapakkhe eva satta vārā, tathā kusalapakkhe alobhādiussadavasenāti cuddasa vārā labbhanti. Tattha alobhadosamohā, alobhādosamohā, alobhadosāmohā balavantoti āgatehi kusalapakkhe tatiyadutiyapaṭhamavārehi dosussadamohussadadosamohussadavārā gahitā eva honti. Tathā akusalapakkhe lobhādosāmohā, lobhadosāmohā, lobhādosamohā balavantoti āgatehi tatiyadutiyapaṭhamavārehi adosussadaamohussadaadosāmohussadavārā gahitā evāti akusalakusalapakkhesu tayo tayo vāre antogadhe katvā aṭṭheva vārā dassitā. Ye pana ubhayasammissatāvasena lobhālobhussadavārādayo apare ekūnapaññāsa vārā kāmaṃ dassetabbā, tesaṃ asambhavato eva na dassitā. Na hi ‘‘ekasmiṃ santāne antarena avatthantaraṃ lobho ca balavā alobho cā’’tiādi yujjati. Paṭipakkhavasena vāpi etesaṃ balavadubbalabhāvo sahajātadhammavasena vā. Tattha lobhassa tāva paṭipakkhavasena anabhibhūtatāya balavabhāvo, tathā dosamohānaṃ adosāmohehi. Alobhādīnaṃ pana lobhādianabhibhavanato. Sabbesañca samānajātiyasamadhibhuyya pavattivasena sahajātadhammato balavabhāvo. Tena vuttaṃ aṭṭhakathāyaṃ (ma. ni. aṭṭha. 2.472) – ‘‘lobho balavā, alobho mando. Adosāmohā balavanto, dosamohā mandā’’tiādi, so ca nesaṃ mandabalavabhāvo purimūpanissayato tathā āsayassa paribhāvitatāya veditabbo. Tenevāha ‘‘kammaniyāmenā’’ti. Sesaṃ vuttanayattā suviññeyyamevāti.
жуул̣ад̇хаммасамаад̣̇аанасуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷadhammasamādānasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жуул̣ад̇хаммасамаад̣̇аанасуд̇д̇ам̣ • 5. Cūḷadhammasamādānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жуул̣ад̇хаммасамаад̣̇аанасуд̇д̇аван̣н̣анаа • 5. Cūḷadhammasamādānasuttavaṇṇanā
