| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. жуул̣ад̣̇угкагканд̇хасуд̇д̇аван̣н̣анаа
4. Cūḷadukkhakkhandhasuttavaṇṇanā
175. саггзсууд̇и зд̇т̇а яам̣ вад̇д̇аб̣б̣ам̣, д̇ам̣ сад̇ибадтаанасуд̇д̇аван̣н̣анааяам̣ вуд̇д̇анаязнзва взд̣̇ид̇аб̣б̣анд̇и д̇ам̣ згад̣̇зсзна д̣̇ассзнд̇о ‘‘со хий’’д̇и ааха. д̇ад̇т̇а язна рааж̇агумаараа сагяаа наама ж̇аад̇аа, яад̇о д̇зсам̣ ниваасадтаанад̇ааяа ж̇анабад̣̇о д̇ат̇аа вужжад̇и, д̇ам̣ вад̇д̇аб̣б̣анд̇и ааха ‘‘сагяаанам̣ бана уббад̇д̇и амб̣адтасуд̇д̇з ааг̇ад̇ааваа’’д̇и. габилавад̇т̇ууд̇и вуд̇д̇ам̣ буримасан̃н̃аавасзна.
175.Sakkesūti ettha yaṃ vattabbaṃ, taṃ satipaṭṭhānasuttavaṇṇanāyaṃ vuttanayeneva veditabbanti taṃ ekadesena dassento ‘‘so hī’’ti āha. Tattha yena rājakumārā sakyā nāma jātā, yato tesaṃ nivāsaṭṭhānatāya janapado tathā vuccati, taṃ vattabbanti āha ‘‘sakyānaṃ pana uppatti ambaṭṭhasutte āgatāvā’’ti. Kapilavatthūti vuttaṃ purimasaññāvasena.
наанаббагаараганд̇и ‘‘лобхад̇хаммаа’’д̇и б̣ахуважанасса нимид̇д̇ам̣ вад̣̇ад̇и. лобхо хи д̇зна д̇зна авад̇т̇аависзсзна бавад̇д̇иаагаарабхзд̣̇зна ‘‘чанд̣̇о рааг̇од̇ан̣хаа аасад̇д̇и абзгкаа’’д̇иаад̣̇инаа анзгаббабхзд̣̇о, луб̣бханалагкан̣зна бана ‘‘лобхо’’д̇взва вужжад̇и. д̇знааха ‘‘наанаббагаарагам̣ лобхам̣язваа’’д̇и. д̇ат̇аа ‘‘д̣̇осо бадигхо год̇хо убанаахо вирод̇хо’’д̇иаад̣̇инаа, ‘‘муяханам̣ асамабзгканам̣ абажжавзгкан̣аа д̣̇уммзж̇жхам̣ б̣ааляа’’нд̇иаад̣̇инаа (д̇ха. са. 390) жа д̣̇осамохаанам̣ наанаббагаарад̇ам̣ санд̇хааяааха ‘‘ид̇арзсуби д̣̇вийсу зсзва наяо’’д̇и. барияаад̣̇ияид̇ваад̇и барид̇о саб̣б̣асо аад̣̇ааяа. г̇ахзд̇ваад̇и аяамзд̇т̇а ад̇т̇од̇и ааха ‘‘г̇ахан̣з ааг̇ад̇а’’нд̇и. барияаад̣̇ияад̇ийд̇и баригкийн̣од̇и. д̣̇ий-сад̣̇д̣̇ан̃хи сад̣̇д̣̇авид̣̇уу каяад̇т̇ам̣ вад̣̇анд̇и.
Nānappakārakanti ‘‘lobhadhammā’’ti bahuvacanassa nimittaṃ vadati. Lobho hi tena tena avatthāvisesena pavattiākārabhedena ‘‘chando rāgotaṇhā āsatti apekkhā’’tiādinā anekappabhedo, lubbhanalakkhaṇena pana ‘‘lobho’’tveva vuccati. Tenāha ‘‘nānappakārakaṃ lobhaṃyevā’’ti. Tathā ‘‘doso paṭigho kodho upanāho virodho’’tiādinā, ‘‘muyhanaṃ asamapekkhanaṃ apaccavekkhaṇā dummejjhaṃ bālya’’ntiādinā (dha. sa. 390) ca dosamohānaṃ nānappakārataṃ sandhāyāha ‘‘itaresupi dvīsu eseva nayo’’ti. Pariyādiyitvāti parito sabbaso ādāya. Gahetvāti ayamettha atthoti āha ‘‘gahaṇe āgata’’nti. Pariyādiyatīti parikkhīṇoti. Dī-saddañhi saddavidū khayatthaṃ vadanti.
згад̣̇аад̇и аамзд̣ид̇алобзна нид̣̇д̣̇зсод̇и ааха ‘‘згзгасмим̣ гаалз’’д̇и. лобхад̣̇осамохаад̇и батамамаг̇г̇зна бахийнаавасзсаа лобхад̣̇осамохаа. ниравасзсаа бахийяанд̇и, ан̃н̃ат̇аа д̣̇уд̇ияамаг̇г̇зна гим̣ гад̇ам̣ сияаад̇и ад̇хиббааяо. самуд̣̇аажаараббад̇д̇ам̣ бана д̣̇исваа ‘‘аббахийнам̣ мз ад̇т̇ий’’д̇иби ж̇аанаад̇и. звам̣ гат̇ам̣ ниравасзсаббахаанасан̃н̃аад̇и ааха ‘‘аббахийнагам̣…бз… сан̃н̃ий ход̇ий’’д̇и. звам̣ батамамаг̇г̇знзва самужчиннасам̣саяасса ‘‘го су наама мз д̇хаммо аж̇жхад̇д̇ам̣ аббахийнод̇и звам̣ санд̇хзхо гат̇ам̣ уббаж̇ж̇ад̇ий’’д̇и вад̇ваа ‘‘бан̣н̣ад̇д̇ияаа аговид̣̇ад̇д̇аа’’д̇и гааран̣амааха. винаяагуггужжам̣ вияа хи бан̣н̣ад̇д̇ияам̣ агусалад̇ааяа арияаанамби гад̇т̇ажи вимад̇имад̇д̇ам̣ уббаж̇ж̇ад̇и яат̇аа д̇ам̣ саб̣б̣асо аббахийнасаммохаананд̇и. ад̇д̇ано ависаяз анабхиж̇аананам̣ бан̣н̣ад̇д̇игосаллзна гимзд̇т̇а баяож̇анам̣, бажжавзгкан̣аамад̇д̇зна аяамад̇т̇о сиж̇жхад̇ийд̇и д̣̇ассзнд̇о ‘‘гим̣ д̇асса бажжавзгкан̣аа над̇т̇ий’’д̇и ааха. ид̇аро ‘‘над̇т̇ий’’д̇и на саггаа вад̇д̇унд̇и гад̇ваа ‘‘ад̇т̇ий’’д̇и вад̇ваа д̇ад̇т̇а лаб̣бхамаанавибхааг̇ам̣ д̣̇ассзнд̇о ‘‘саа банаа’’д̇иаад̣̇имааха. д̇ад̇т̇а саад̇и бажжавзгкан̣аа. саб̣б̣зсанд̇и саб̣б̣зсам̣ арияаанам̣. яат̇аа барибун̣н̣аа на ход̇и, на звам̣ саб̣б̣асо на ход̇ийд̇и ааха ‘‘имаасу банаа’’д̇иаад̣̇и.
Ekadāti āmeḍitalopena niddesoti āha ‘‘ekekasmiṃ kāle’’ti. Lobhadosamohāti paṭhamamaggena pahīnāvasesā lobhadosamohā. Niravasesā pahīyanti, aññathā dutiyamaggena kiṃ kataṃ siyāti adhippāyo. Samudācārappattaṃ pana disvā ‘‘appahīnaṃ me atthī’’tipi jānāti. Evaṃ kathaṃ niravasesappahānasaññāti āha ‘‘appahīnakaṃ…pe… saññī hotī’’ti. Evaṃ paṭhamamaggeneva samucchinnasaṃsayassa ‘‘ko su nāma me dhammo ajjhattaṃ appahīnoti evaṃ sandheho kathaṃ uppajjatī’’ti vatvā ‘‘paṇṇattiyā akovidattā’’ti kāraṇamāha. Vinayakukkuccaṃ viya hi paṇṇattiyaṃ akusalatāya ariyānampi katthaci vimatimattaṃ uppajjati yathā taṃ sabbaso appahīnasammohānanti. Attano avisaye anabhijānanaṃ paṇṇattikosallena kimettha payojanaṃ, paccavekkhaṇāmattena ayamattho sijjhatīti dassento ‘‘kiṃ tassa paccavekkhaṇā natthī’’ti āha. Itaro ‘‘natthī’’ti na sakkā vattunti katvā ‘‘atthī’’ti vatvā tattha labbhamānavibhāgaṃ dassento ‘‘sā panā’’tiādimāha. Tattha sāti paccavekkhaṇā. Sabbesanti sabbesaṃ ariyānaṃ. Yathā paripuṇṇā na hoti, na evaṃ sabbaso na hotīti āha ‘‘imāsu panā’’tiādi.
176. аж̇жхад̇д̇анд̇и нияагаж̇жхад̇д̇ам̣ ад̇хиббзд̇анд̇и ааха ‘‘д̇ава санд̇аанз’’д̇и. аббахийнод̇и анавасзсад̇о аббахийно. д̣̇увид̇хзд̇и вад̇т̇угаамагилзсагаамз. гилзсагаамоби хи яад̣̇аг̇г̇зна ассаад̣̇ийяад̇и, д̇ад̣̇аг̇г̇зна барибхун̃ж̇ийяад̇и.
176.Ajjhattanti niyakajjhattaṃ adhippetanti āha ‘‘tava santāne’’ti. Appahīnoti anavasesato appahīno. Duvidheti vatthukāmakilesakāme. Kilesakāmopi hi yadaggena assādīyati, tadaggena paribhuñjīyati.
177. ассаад̣̇ийяад̇ийд̇и ассаад̣̇о, сукам̣. аббо аббамад̇д̇аго ассаад̣̇о зд̇зсууд̇и аббассаад̣̇аа. д̇знааха ‘‘барид̇д̇асукаа’’д̇и. бариязсанад̣̇угкаад̣̇ихзд̇угам̣ д̣̇идтад̇хаммигам̣ д̇ад̇т̇а д̣̇ужжарид̇ажаран̣зна самбарааяиган̃жа д̣̇угкамзд̇т̇а гаамзсу б̣ахуганд̇и б̣ахуд̣̇угкаа. б̣ахубааяаасаад̇и б̣ахубариггилзсаа. д̇з бана бариггилзсаа вагкамаананаязна б̣ахууязвзд̇т̇а д̣̇идтад̇хаммигаабийд̇и ааха ‘‘д̣̇идтад̇хаммига…бз… б̣ахуу’’д̇и. д̇з жа бариггилзсаа яасмаа д̇ам̣саман̇г̇ино хид̇абадибад̇д̇ияаа анд̇арааяагараа ид̇ха жзва баралогз жа аад̣̇ийнавагааран̣ан̃жа бавад̇д̇анд̇и, д̇асмаа вуд̇д̇ам̣ ‘‘д̣̇идтад̇хаммига…бз… б̣ахуу’’д̇и. звам̣ жзбийд̇и звам̣ ‘‘аббассаад̣̇аа гаамаа’’д̇иаад̣̇инаа аагаарзна. наязнаад̇и д̇хаммзна. гааран̣знаад̇и яуд̇д̇ияаа. судту д̣̇идтам̣ ход̇ийд̇и самб̣анд̇хо. вибассанаабан̃н̃ааяаад̇и арияамаг̇г̇абан̃н̃ааяа. саа жад̇д̇аариби сажжаани висзсад̇о бассад̇ийд̇и вибассанаад̇и ад̇хиббзд̇аа. д̇знааха ‘‘хздтаамаг̇г̇ад̣̇ваяан̃аан̣знаад̇и ад̇т̇о’’д̇и. бийд̇исуканд̇и бийд̇исукаванд̇ам̣ жхаанад̣̇ваяам̣. д̣̇вз маг̇г̇зд̇и хздтаамаг̇г̇з. аавадданасийло аабхуж̇анасийло на ход̇ийд̇и анааваддий нзва ход̇и саб̣б̣асо аббахийнагаамарааг̇ачанд̣̇о. д̇знааха ‘‘гасмаа’’д̇иаад̣̇и. ород̇ханаадагаа баж̇аханабан̃н̃аад̇и аад̣̇ийнаваанубассанаан̃аан̣амааха.
177. Assādīyatīti assādo, sukhaṃ. Appo appamattako assādo etesūti appassādā. Tenāha ‘‘parittasukhā’’ti. Pariyesanadukkhādihetukaṃ diṭṭhadhammikaṃ tattha duccaritacaraṇena samparāyikañca dukkhamettha kāmesu bahukanti bahudukkhā. Bahupāyāsāti bahuparikkilesā. Te pana parikkilesā vakkhamānanayena bahūyevettha diṭṭhadhammikāpīti āha ‘‘diṭṭhadhammika…pe… bahū’’ti. Te ca parikkilesā yasmā taṃsamaṅgino hitapaṭipattiyā antarāyakarā idha ceva paraloke ca ādīnavakāraṇañca pavattanti, tasmā vuttaṃ ‘‘diṭṭhadhammika…pe… bahū’’ti. Evaṃ cepīti evaṃ ‘‘appassādā kāmā’’tiādinā ākārena. Nayenāti dhammena. Kāraṇenāti yuttiyā. Suṭṭhu diṭṭhaṃ hotīti sambandho. Vipassanāpaññāyāti ariyamaggapaññāya. Sā cattāripi saccāni visesato passatīti vipassanāti adhippetā. Tenāha ‘‘heṭṭhāmaggadvayañāṇenāti attho’’ti. Pītisukhanti pītisukhavantaṃ jhānadvayaṃ. Dve maggeti heṭṭhāmagge. Āvaṭṭanasīlo ābhujanasīlo na hotīti anāvaṭṭī neva hoti sabbaso appahīnakāmarāgachando. Tenāha ‘‘kasmā’’tiādi. Orodhanāṭakā pajahanapaññāti ādīnavānupassanāñāṇamāha.
179. ассаад̣̇оби гат̇ид̇о, ‘‘аббассаад̣̇аа’’д̇и хи иминаа яаавад̇аго гаамзсу ассаад̣̇о, д̇ам̣ саб̣б̣ам̣ анавасзсад̇о бариг̇г̇ахзд̇ваа жасса барид̇д̇абхааво д̣̇ассид̇од̇и аад̣̇ийнавоби гат̇ид̇о сан̇кзбзнзва сзсассааад̣̇ийнавасса д̣̇ассид̇ад̇д̇аа. д̇ам̣ гат̇зд̇унд̇и д̇ам̣ ниссаран̣ам̣ ‘‘зганд̇асукабадисам̣взд̣̇ий’’д̇и иминаа гат̇зд̇ум̣. имзхи анд̇зхийд̇и ‘‘бан̃жимз, махаанаама, гаамаг̇ун̣аа’’д̇иаад̣̇инаа гаамаг̇ун̣ад̣̇ассанамукзна гаамасукаллигаануяог̇ам̣ ‘‘уб̣бхадтагаа хонд̇и аасанабадигкид̇д̇аа’’д̇иаад̣̇инаа ад̇д̇агиламат̇аануяог̇ан̃жа д̣̇ассзд̇ваа имзхи д̣̇вийхи анд̇зхи муд̇д̇ам̣ мама саасананд̇и, паласамаабад̇д̇ибарияосаанад̇д̇аа саасанасамбад̇д̇ияаа ‘‘убарипаласамаабад̇д̇исийсзна сагаласаасанам̣ д̣̇ассзд̇у’’нд̇и ааха. г̇иж̇жхасад̣̇исо гуудод̇и маж̇жхзбад̣̇алобийсамаасо яат̇аа ‘‘саагабад̇т̇иво’’д̇и (баан̣ини. 2.1.60). д̣̇уд̇ияз банзд̇т̇а г̇иж̇жхаванд̇ад̇ааяа г̇иж̇жхаа гуудз зд̇ассаад̇и г̇иж̇жхагуудо. уд̣̇д̇хам̣язва д̇идтанагаа нисаж̇ж̇ааяа вудтид̇агаалад̇о бадтааяа згадтаанзнзва д̇идтанагаа. д̇знааха ‘‘анисиннаа’’д̇и. ниг̇ан̣тассаад̇и наадабуд̇д̇асса. над̇т̇и зд̇асса барисзсанд̇и абарисзсам̣. звам̣ сан̇каабхаважанамад̇д̇амассаад̇и ааха ‘‘абарисзсасан̇каад̇а’’нд̇и. нижжадтзна сад̇ад̇а-сад̣̇д̣̇зна абхин̣хаббавад̇д̇и ж̇од̇ид̇аа сияаад̇и ‘‘самид̇а’’нд̇и вуд̇д̇ам̣. д̇зна ниранд̇араббавад̇д̇им̣ д̣̇ассзд̇ийд̇и звам̣ ваа зд̇т̇а ад̇т̇о д̣̇адтаб̣б̣о.
179.Assādopi kathito, ‘‘appassādā’’ti hi iminā yāvatako kāmesu assādo, taṃ sabbaṃ anavasesato pariggahetvā cassa parittabhāvo dassitoti ādīnavopi kathito saṅkhepeneva sesassaādīnavassa dassitattā. Taṃ kathetunti taṃ nissaraṇaṃ ‘‘ekantasukhapaṭisaṃvedī’’ti iminā kathetuṃ. Imehi antehīti ‘‘pañcime, mahānāma, kāmaguṇā’’tiādinā kāmaguṇadassanamukhena kāmasukhallikānuyogaṃ ‘‘ubbhaṭṭhakā honti āsanapaṭikkhittā’’tiādinā attakilamathānuyogañca dassetvā imehi dvīhi antehi muttaṃ mama sāsananti, phalasamāpattipariyosānattā sāsanasampattiyā ‘‘upariphalasamāpattisīsena sakalasāsanaṃ dassetu’’nti āha. Gijjhasadiso kūṭoti majjhepadalopīsamāso yathā ‘‘sākapatthivo’’ti (pāṇini. 2.1.60). Dutiye panettha gijjhavantatāya gijjhā kūṭe etassāti gijjhakūṭo. Uddhaṃyeva tiṭṭhanakā nisajjāya vuṭṭhitakālato paṭṭhāya ekaṭṭhāneneva tiṭṭhanakā. Tenāha ‘‘anisinnā’’ti. Nigaṇṭhassāti nāṭaputtassa. Natthi etassa parisesanti aparisesaṃ. Evaṃ saṅkhābhavacanamattamassāti āha ‘‘aparisesasaṅkhāta’’nti. Niccaṭṭhena satata-saddena abhiṇhappavatti jotitā siyāti ‘‘samita’’nti vuttaṃ. Tena nirantarappavattiṃ dassetīti evaṃ vā ettha attho daṭṭhabbo.
180. яам̣ гарод̇и, д̇ам̣ ж̇аанаад̇ийд̇и д̣̇угкасса ниж̇ж̇аран̣акзбанам̣ наама вин̃н̃уунам̣ гижжам̣, вин̃н̃унаа жа бурисзна гад̇аагад̇ам̣ ж̇аанид̇аб̣б̣ам̣, д̇асмаа д̇умхзхи бураан̣аанам̣ гаммаанам̣ б̣яанд̇ибхаавам̣ гаронд̇зхи батамам̣ д̇аава зд̇д̇агаани бураан̣аани гаммаанийд̇и ж̇аанид̇аб̣б̣аани, д̇ад̇о ‘‘зд̇д̇агам̣ гаалам̣ гад̇зна д̇абасаа зд̇д̇агаани д̇аани б̣яанд̇игад̇аани, ид̣̇аани зд̇д̇агаани гаад̇аб̣б̣ааний’’д̇иаад̣̇инаа аяам̣ вид̇хи бурисзна вияа ад̇д̇анаа гаад̇аб̣б̣агижжам̣ барижчинд̣̇ид̇аб̣б̣анд̇и д̣̇ассзд̇и. д̇знааха ‘‘д̇умхзхиби д̇ат̇аа н̃аад̇аб̣б̣ам̣ сияаа’’д̇и. суд̣̇д̇ханд̇анд̇и суд̣̇д̇хагодтаасам̣, ааяад̇им̣ анавассавасид̣̇д̇хам̣ гаммагкаяам̣, д̇ад̇о ваа д̣̇угкагкаяанд̇и ад̇т̇о. суд̣̇д̇ханд̇ам̣ бад̇д̇о ад̇т̇ийд̇и бужчад̇ийд̇и иминаа агусалаанам̣ бахаанам̣, гусалаанам̣ бхааванаа жа саб̣б̣зна саб̣б̣ам̣ ниг̇ан̣тасамаяз над̇т̇и саб̣б̣асо висуд̣̇д̇хибхааванааяа абхаавад̇о, д̇асмаа гуд̇о д̣̇угкагкаяасса самбхавод̇и д̣̇ассзд̇и.
180.Yaṃ karoti, taṃ jānātīti dukkhassa nijjaraṇakhepanaṃ nāma viññūnaṃ kiccaṃ, viññunā ca purisena katākataṃ jānitabbaṃ, tasmā tumhehi purāṇānaṃ kammānaṃ byantibhāvaṃ karontehi paṭhamaṃ tāva ettakāni purāṇāni kammānīti jānitabbāni, tato ‘‘ettakaṃ kālaṃ katena tapasā ettakāni tāni byantikatāni, idāni ettakāni kātabbānī’’tiādinā ayaṃ vidhi purisena viya attanā kātabbakiccaṃ paricchinditabbanti dasseti. Tenāha ‘‘tumhehipi tathā ñātabbaṃ siyā’’ti. Suddhantanti suddhakoṭṭhāsaṃ, āyatiṃ anavassavasiddhaṃ kammakkhayaṃ, tato vā dukkhakkhayanti attho. Suddhantaṃ patto atthīti pucchatīti iminā akusalānaṃ pahānaṃ, kusalānaṃ bhāvanā ca sabbena sabbaṃ nigaṇṭhasamaye natthi sabbaso visuddhibhāvanāya abhāvato, tasmā kuto dukkhakkhayassa sambhavoti dasseti.
звам̣ аж̇аананабхаавз сад̇ийд̇и ‘‘ахувамхзва маяа’’нд̇иаад̣̇инаа вуд̇д̇аббагаарасса аж̇аананз сад̇и, д̇асмим̣ д̇умхзхи ан̃н̃ааяамаанзд̇и ад̇т̇о. луд̣̇д̣̇аад̇и гхораа. д̇з бана яасмаа гааяаваажаахи нихийнамзва гаронд̇и, д̇асмаа вуд̇д̇ам̣ ‘‘луд̣̇д̣̇аажаараа’’д̇и. лохид̇абаан̣ид̇взва вужжад̇и д̇аж̇ж̇аагирияаажаран̣ад̇о. мааг̇авигагзваддажорагхаад̇агаад̣̇аяо мааг̇авигаад̣̇аяо. гагкал̣агаммаад̇и парусагаммаа. д̇з ниг̇ан̣тзсу баб̣б̣аж̇анд̇ийд̇и буб̣б̣з махаад̣̇угкасам̣вад̇д̇анияагаммасса гад̇ад̇д̇аа хи д̇умхз зд̇арахи ийд̣̇исам̣ махаад̣̇угкам̣ бажжанубхават̇аад̇и д̣̇ассзд̇и.
Evaṃ ajānanabhāve satīti ‘‘ahuvamheva maya’’ntiādinā vuttappakārassa ajānane sati, tasmiṃ tumhehi aññāyamāneti attho. Luddāti ghorā. Te pana yasmā kāyavācāhi nihīnameva karonti, tasmā vuttaṃ ‘‘luddācārā’’ti. Lohitapāṇitveva vuccati tajjākiriyācaraṇato. Māgavikakevaṭṭacoraghātakādayo māgavikādayo. Kakkhaḷakammāti pharusakammā. Te nigaṇṭhesu pabbajantīti pubbe mahādukkhasaṃvattaniyakammassa katattā hi tumhe etarahi īdisaṃ mahādukkhaṃ paccanubhavathāti dasseti.
ваад̣̇зд̇и д̣̇идтияам̣, самаязд̇и ад̇т̇о. сукзна суканд̇и зд̇т̇а сукзнаад̇и бадибад̇д̇исукзна, сукааяа бадибад̇д̇ияаад̇и ад̇т̇о. суканд̇и вимогкасукам̣, ид̇ха логз сукам̣ ад̇хиг̇ажчанд̇аа гасиван̣иж̇ж̇аад̣̇ид̣̇угкабадибад̇д̇ияаава ад̇хиг̇ажчанд̇и, звам̣ могкасукамбийд̇и ад̇хиббааяо. сарийрааваяавасамбад̇д̇ияааби б̣имб̣ино саарод̇и б̣имб̣исааро. д̇з ниг̇ан̣таа…бз… санд̇хааяа вад̣̇анд̇и, на бана бхаг̇авад̇о ажжанд̇асанд̇абан̣ийд̇ам̣ ниб̣б̣аанасукабадивзд̣̇анам̣ ж̇аананд̇и. сахасаад̇и раваа. аббадисан̇каад̇и на бадисан̇кааяа авижаарзд̇ваа. д̇знааха ‘‘саахасам̣ гад̇ваа’’д̇иаад̣̇и.
Vādeti diṭṭhiyaṃ, samayeti attho. Sukhena sukhanti ettha sukhenāti paṭipattisukhena, sukhāya paṭipattiyāti attho. Sukhanti vimokkhasukhaṃ, idha loke sukhaṃ adhigacchantā kasivaṇijjādidukkhapaṭipattiyāva adhigacchanti, evaṃ mokkhasukhampīti adhippāyo. Sarīrāvayavasampattiyāpi bimbino sāroti bimbisāro. Te nigaṇṭhā…pe… sandhāya vadanti, na pana bhagavato accantasantapaṇītaṃ nibbānasukhapaṭivedanaṃ jānanti. Sahasāti ravā. Appaṭisaṅkhāti na paṭisaṅkhāya avicāretvā. Tenāha ‘‘sāhasaṃ katvā’’tiādi.
ан̃н̃аахи взд̣̇анаахи авомиссам̣ зганд̇ам̣ сукам̣ зганд̇асукам̣, д̇асса бадисам̣взд̣̇ий. д̇знааха ‘‘ниранд̇арасукабадисам̣взд̣̇ий’’д̇и. гат̇аабад̇идтаабанад̇т̇анд̇и ‘‘зганд̇асукабадисам̣взд̣̇ий’’д̇и звам̣ аарад̣̇д̇хагат̇ааяа бад̇идтаабанад̇т̇ам̣. рааж̇аваарзд̇и рааж̇аанам̣ уд̣̇д̣̇исса ааг̇ад̇ад̣̇зсанааваарз. сукам̣ бужчид̇ум̣ ход̇ийд̇и ‘‘яад̣̇и сад̇д̇а рад̇д̇инд̣̇иваани наббаход̇и, гим̣ ча рад̇д̇инд̣̇иваани баход̇ий’’д̇иаад̣̇инаа бужчанасукам̣ ход̇и. ‘‘ахам̣ ко’’д̇иаад̣̇инаа бавад̇д̇о суд̣̇д̇хавааро суд̣̇д̇ханиссанд̣̇асса паласамаабад̇д̇исукасса васзна ааг̇ад̇ад̇д̇аа. анажчарияам̣ ход̇и, сад̇д̇а рад̇д̇инд̣̇иваани бахонд̇асса згасмим̣ рад̇д̇инд̣̇ивз гим̣ вад̇д̇аб̣б̣анд̇и. уд̇д̇аанад̇т̇амзва вуд̇д̇анаяад̇д̇аа сувин̃н̃зяяад̇д̇аа.
Aññāhi vedanāhi avomissaṃ ekantaṃ sukhaṃ ekantasukhaṃ, tassa paṭisaṃvedī. Tenāha ‘‘nirantarasukhapaṭisaṃvedī’’ti. Kathāpatiṭṭhāpanatthanti ‘‘ekantasukhapaṭisaṃvedī’’ti evaṃ āraddhakathāya patiṭṭhāpanatthaṃ. Rājavāreti rājānaṃ uddissa āgatadesanāvāre. Sukhaṃ pucchituṃ hotīti ‘‘yadi satta rattindivāni nappahoti, kiṃ cha rattindivāni pahotī’’tiādinā pucchanasukhaṃ hoti. ‘‘Ahaṃ kho’’tiādinā pavatto suddhavāro suddhanissandassa phalasamāpattisukhassa vasena āgatattā. Anacchariyaṃ hoti, satta rattindivāni pahontassa ekasmiṃ rattindive kiṃ vattabbanti. Uttānatthameva vuttanayattā suviññeyyattā.
жуул̣ад̣̇угкагканд̇хасуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷadukkhakkhandhasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. жуул̣ад̣̇угкагканд̇хасуд̇д̇ам̣ • 4. Cūḷadukkhakkhandhasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. жуул̣ад̣̇угкагканд̇хасуд̇д̇аван̣н̣анаа • 4. Cūḷadukkhakkhandhasuttavaṇṇanā
