| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. жуул̣аг̇обаалагасуд̇д̇аван̣н̣анаа
4. Cūḷagopālakasuttavaṇṇanā
350. звам̣ мз суд̇анд̇и жуул̣аг̇обаалагасуд̇д̇ам̣. д̇ад̇т̇а уггажзлааяанд̇и звам̣наамагз наг̇арз. д̇асмим̣ гира маабияамаанз рад̇д̇им̣ г̇ан̇г̇аасод̇ад̇о мажчо т̇алам̣ бад̇д̇о. мануссаа жзлаани д̇злабаад̇ияам̣ д̇змзд̇ваа уггаа гад̇ваа мажчам̣ г̇ан̣хим̣су. наг̇арз нидтид̇з д̇асса наамам̣ гаронд̇з амхзхи наг̇арадтаанасса г̇ахид̇ад̣̇ивасз жзлуггаахи мажчо г̇ахид̇од̇и уггажзлаа-д̇взвасса наамам̣ агам̣су. бхигкуу ааманд̇зсийд̇и яасмим̣ таанз нисиннасса саб̣б̣аа г̇ан̇г̇аа баагадаа худ̇ваа бан̃н̃ааяад̇и, д̇аад̣̇исз ваалигуссад̣̇з г̇ан̇г̇аад̇ид̇т̇з сааяанхасамаяз махаабхигкусан̇гхабаривуд̇о нисийд̣̇ид̇ваа махааг̇ан̇г̇ам̣ барибун̣н̣ам̣ санд̣̇амаанам̣ ологзнд̇о, – ‘‘ад̇т̇и ну ко имам̣ г̇ан̇г̇ам̣ ниссааяа гожи буб̣б̣з вад̣дхибарихааним̣ бад̇д̇о’’д̇и ааваж̇ж̇ид̇ваа, буб̣б̣з згам̣ б̣аалаг̇обаалагам̣ ниссааяа анзгасад̇асахассаа г̇ог̇ан̣аа имиссаа г̇ан̇г̇ааяа ааваддз бад̇ид̇ваа самуд̣̇д̣̇амзва бавидтаа, абарам̣ бана бан̣д̣ид̇аг̇обаалагам̣ ниссааяа анзгасад̇асахассаг̇ог̇ан̣асса сод̇т̇и ж̇аад̇аа вад̣дхи ж̇аад̇аа аарог̇яам̣ ж̇аад̇анд̇и ад̣̇д̣̇аса. д̣̇исваа имам̣ гааран̣ам̣ ниссааяа бхигкуунам̣ д̇хаммам̣ д̣̇зсзссаамийд̇и жинд̇зд̇ваа бхигкуу ааманд̇зси.
350.Evaṃme sutanti cūḷagopālakasuttaṃ. Tattha ukkacelāyanti evaṃnāmake nagare. Tasmiṃ kira māpiyamāne rattiṃ gaṅgāsotato maccho thalaṃ patto. Manussā celāni telapātiyaṃ temetvā ukkā katvā macchaṃ gaṇhiṃsu. Nagare niṭṭhite tassa nāmaṃ karonte amhehi nagaraṭṭhānassa gahitadivase celukkāhi maccho gahitoti ukkacelā-tvevassa nāmaṃ akaṃsu. Bhikkhū āmantesīti yasmiṃ ṭhāne nisinnassa sabbā gaṅgā pākaṭā hutvā paññāyati, tādise vālikussade gaṅgātitthe sāyanhasamaye mahābhikkhusaṅghaparivuto nisīditvā mahāgaṅgaṃ paripuṇṇaṃ sandamānaṃ olokento, – ‘‘atthi nu kho imaṃ gaṅgaṃ nissāya koci pubbe vaḍḍhiparihāniṃ patto’’ti āvajjitvā, pubbe ekaṃ bālagopālakaṃ nissāya anekasatasahassā gogaṇā imissā gaṅgāya āvaṭṭe patitvā samuddameva paviṭṭhā, aparaṃ pana paṇḍitagopālakaṃ nissāya anekasatasahassagogaṇassa sotthi jātā vaḍḍhi jātā ārogyaṃ jātanti addasa. Disvā imaṃ kāraṇaṃ nissāya bhikkhūnaṃ dhammaṃ desessāmīti cintetvā bhikkhū āmantesi.
мааг̇ад̇хагод̇и маг̇ад̇харадтаваасий. д̣̇уббан̃н̃аж̇аад̇игод̇и ниббан̃н̃асабхааво д̣̇анд̇хо махааж̇ал̣о. асамавзгкид̇ваад̇и асаллагкзд̇ваа анубад̇хаарзд̇ваа. бад̇аарзсийд̇и д̇аарзд̇ум̣ аарабхи. уд̇д̇арам̣ д̇ийрам̣ сувид̣̇зхаананд̇и г̇ан̇г̇ааяа оримз д̇ийрз маг̇ад̇харадтам̣, бааримз д̇ийрз вид̣̇зхарадтам̣, г̇ааво маг̇ад̇харадтад̇о вид̣̇зхарадтам̣ нзд̇ваа рагкиссаамийд̇и уд̇д̇арам̣ д̇ийрам̣ бад̇аарзси. д̇ам̣ санд̇хааяа вуд̇д̇ам̣ – ‘‘уд̇д̇арам̣ д̇ийрам̣ сувид̣̇зхаана’’нд̇и. ааман̣д̣алигам̣ гарид̇ваад̇и ман̣д̣алигам̣ гад̇ваа. анаяаб̣яасанам̣ аабаж̇ж̇им̣сууд̇и авад̣дхим̣ винаасам̣ баабун̣им̣су, махаасамуд̣̇д̣̇амзва бависим̣су. д̇зна хи г̇обаалагзна г̇ааво од̇аарзнд̇зна г̇ан̇г̇ааяа оримад̇ийрз самад̇ид̇т̇ан̃жа висамад̇ид̇т̇ан̃жа ологзд̇аб̣б̣ам̣ асса, маж̇жхз г̇ан̇г̇ааяа г̇уннам̣ виссамадтаанад̇т̇ам̣ д̣̇вз д̇ийн̣и ваалигад̇т̇алаани саллагкзд̇аб̣б̣аани ассу. д̇ат̇аа бааримад̇ийрз д̇ийн̣и жад̇д̇аари д̇ид̇т̇аани, имасмаа д̇ид̇т̇аа бхадтаа имам̣ д̇ид̇т̇ам̣ г̇ан̣хиссанд̇и, имасмаа бхадтаа иманд̇и. аяам̣ бана б̣аалаг̇обаалаго оримад̇ийрз г̇уннам̣ од̇аран̣ад̇ид̇т̇ам̣ самам̣ ваа висамам̣ ваа анологзд̇ваава маж̇жхз г̇ан̇г̇ааяа г̇уннам̣ виссамадтаанад̇т̇ам̣ д̣̇вз д̇ийн̣и ваалигад̇т̇алааниби асаллагкзд̇ваава барад̇ийрз жад̇д̇аари бан̃жа уд̇д̇аран̣ад̇ид̇т̇аани асамавзгкид̇ваава ад̇ид̇т̇знзва г̇ааво од̇аарзси. ат̇асса махааусабхо ж̇аванасамбаннад̇ааяа жзва т̇аамасамбаннад̇ааяа жа д̇ирияам̣ г̇ан̇г̇ааяа сод̇ам̣ чзд̇ваа бааримам̣ д̇ийрам̣ бад̇ваа чиннад̇адан̃жзва ган̣дагаг̇умб̣аг̇аханан̃жа д̣̇исваа, ‘‘д̣̇уб̣б̣инивидтамзд̇а’’нд̇и н̃ад̇ваа д̇хураг̇г̇а-бад̇идтааногаасамби алабхид̇ваа бадинивад̇д̇и. г̇ааво махааусабхо нивад̇д̇о маяамби нивад̇д̇иссаамаад̇и нивад̇д̇аа. махад̇о г̇ог̇ан̣асса нивад̇д̇адтаанз уд̣̇агам̣ чиж̇ж̇ид̇ваа маж̇жхз г̇ан̇г̇ааяа ааваддам̣ удтабзси. г̇ог̇ан̣о ааваддам̣ бависид̇ваа самуд̣̇д̣̇амзва бад̇д̇о. згоби г̇он̣о арог̇о наама наахоси. д̇знааха – ‘‘д̇ад̇т̇зва анаяаб̣яасанам̣ аабаж̇ж̇им̣суу’’д̇и.
Māgadhakoti magadharaṭṭhavāsī. Duppaññajātikoti nippaññasabhāvo dandho mahājaḷo. Asamavekkhitvāti asallakkhetvā anupadhāretvā. Patāresīti tāretuṃ ārabhi. Uttaraṃ tīraṃ suvidehānanti gaṅgāya orime tīre magadharaṭṭhaṃ, pārime tīre videharaṭṭhaṃ, gāvo magadharaṭṭhato videharaṭṭhaṃ netvā rakkhissāmīti uttaraṃ tīraṃ patāresi. Taṃ sandhāya vuttaṃ – ‘‘uttaraṃ tīraṃ suvidehāna’’nti. Āmaṇḍalikaṃ karitvāti maṇḍalikaṃ katvā. Anayabyasanaṃ āpajjiṃsūti avaḍḍhiṃ vināsaṃ pāpuṇiṃsu, mahāsamuddameva pavisiṃsu. Tena hi gopālakena gāvo otārentena gaṅgāya orimatīre samatitthañca visamatitthañca oloketabbaṃ assa, majjhe gaṅgāya gunnaṃ vissamaṭṭhānatthaṃ dve tīṇi vālikatthalāni sallakkhetabbāni assu. Tathā pārimatīre tīṇi cattāri titthāni, imasmā titthā bhaṭṭhā imaṃ titthaṃ gaṇhissanti, imasmā bhaṭṭhā imanti. Ayaṃ pana bālagopālako orimatīre gunnaṃ otaraṇatitthaṃ samaṃ vā visamaṃ vā anoloketvāva majjhe gaṅgāya gunnaṃ vissamaṭṭhānatthaṃ dve tīṇi vālikatthalānipi asallakkhetvāva paratīre cattāri pañca uttaraṇatitthāni asamavekkhitvāva atittheneva gāvo otāresi. Athassa mahāusabho javanasampannatāya ceva thāmasampannatāya ca tiriyaṃ gaṅgāya sotaṃ chetvā pārimaṃ tīraṃ patvā chinnataṭañceva kaṇṭakagumbagahanañca disvā, ‘‘dubbiniviṭṭhameta’’nti ñatvā dhuragga-patiṭṭhānokāsampi alabhitvā paṭinivatti. Gāvo mahāusabho nivatto mayampi nivattissāmāti nivattā. Mahato gogaṇassa nivattaṭṭhāne udakaṃ chijjitvā majjhe gaṅgāya āvaṭṭaṃ uṭṭhapesi. Gogaṇo āvaṭṭaṃ pavisitvā samuddameva patto. Ekopi goṇo arogo nāma nāhosi. Tenāha – ‘‘tattheva anayabyasanaṃ āpajjiṃsū’’ti.
агусалаа имасса логассаад̇и ид̇ха логз канд̇хад̇хаад̇ааяад̇анзсу агусалаа ачзгаа, баралогзби зсзва наяо. маарад̇хзяяам̣ вужжад̇и д̇збхуумагад̇хаммаа. амаарад̇хзяяам̣ нава логуд̇д̇арад̇хаммаа. мажжуд̇хзяяамби д̇збхуумагад̇хаммаава. амажжуд̇хзяяам̣ нава логуд̇д̇арад̇хаммаа. д̇ад̇т̇а агусалаа ачзгаа. важанад̇т̇ад̇о бана маарасса д̇хзяяам̣ маарад̇хзяяам̣. д̇хзяяанд̇и таанам̣ вад̇т̇у ниваасо г̇ожаро. мажжуд̇хзяязби зсзва наяо. д̇зсанд̇и д̇зсам̣ зваруубаанам̣ саман̣аб̣раахман̣аанам̣, иминаа ча сад̇т̇ааро д̣̇ассид̇аад̇и взд̣̇ид̇аб̣б̣аа.
Akusalā imassa lokassāti idha loke khandhadhātāyatanesu akusalā achekā, paralokepi eseva nayo. Māradheyyaṃ vuccati tebhūmakadhammā. Amāradheyyaṃ nava lokuttaradhammā. Maccudheyyampi tebhūmakadhammāva. Amaccudheyyaṃ nava lokuttaradhammā. Tattha akusalā achekā. Vacanatthato pana mārassa dheyyaṃ māradheyyaṃ. Dheyyanti ṭhānaṃ vatthu nivāso gocaro. Maccudheyyepi eseva nayo. Tesanti tesaṃ evarūpānaṃ samaṇabrāhmaṇānaṃ, iminā cha satthāro dassitāti veditabbā.
351. звам̣ ган̣хабагкам̣ нидтабзд̇ваа суггабагкам̣ д̣̇ассзнд̇о бхууд̇абуб̣б̣ам̣, бхигкавзд̇иаад̣̇имааха. д̇ад̇т̇а б̣алаваг̇аавод̇и д̣̇анд̇аг̇он̣з жзва д̇хзнуяо жа. д̣̇аммаг̇аавод̇и д̣̇амзд̇аб̣б̣аг̇он̣з жзва авиж̇аад̇аг̇ааво жа. важчад̇арзд̇и важчабхаавам̣ д̇арид̇ваа тид̇з б̣алававажчз. важчагзд̇и д̇хзнубагз д̇арун̣аважчагз . гисааб̣алагзд̇и аббамам̣салохид̇з манд̣̇ат̇аамз. д̇аавад̣̇зва ж̇аад̇агод̇и д̇ам̣д̣̇ивасз ж̇аад̇аго. маад̇уг̇оравагзна вуяхамаанод̇и маад̇аа бурад̇о бурад̇о хум̣хунд̇и г̇оравам̣ гад̇ваа сан̃н̃ам̣ д̣̇ад̣̇амаанаа урзна уд̣̇агам̣ чинд̣̇амаанаа г̇ажчад̇и, важчаго д̇ааяа г̇оравасан̃н̃ааяа д̇хзнуяаа ваа урзна чиннод̣̇агзна г̇ажчамаано ‘‘маад̇уг̇оравагзна вуяхамаано’’д̇и вужжад̇и.
351. Evaṃ kaṇhapakkhaṃ niṭṭhapetvā sukkapakkhaṃ dassento bhūtapubbaṃ, bhikkhavetiādimāha. Tattha balavagāvoti dantagoṇe ceva dhenuyo ca. Dammagāvoti dametabbagoṇe ceva avijātagāvo ca. Vacchatareti vacchabhāvaṃ taritvā ṭhite balavavacche. Vacchaketi dhenupake taruṇavacchake . Kisābalaketi appamaṃsalohite mandathāme. Tāvadeva jātakoti taṃdivase jātako. Mātugoravakena vuyhamānoti mātā purato purato huṃhunti goravaṃ katvā saññaṃ dadamānā urena udakaṃ chindamānā gacchati, vacchako tāya goravasaññāya dhenuyā vā urena chinnodakena gacchamāno ‘‘mātugoravakena vuyhamāno’’ti vuccati.
352. маарасса сод̇ам̣ чзд̇ваад̇и арахад̇д̇амаг̇г̇зна маарасса д̇ан̣хаасод̇ам̣ чзд̇ваа. баарам̣ г̇ад̇аад̇и махааусабхаа над̣̇ийбаарам̣ вияа сам̣саарабаарам̣ ниб̣б̣аанам̣ г̇ад̇аа. баарам̣ аг̇амам̣сууд̇и махааусабхаанам̣ бааран̇г̇ад̇агкан̣з г̇ан̇г̇ааяа сод̇асса д̇аяо годтаасз ад̇иггамма тид̇аа махааусабхз баарам̣ бад̇д̇з д̣̇исваа д̇зсам̣ г̇ад̇амаг̇г̇ам̣ бадибаж̇ж̇ид̇ваа баарам̣ аг̇амам̣су. баарам̣ г̇амиссанд̇ийд̇и жад̇умаг̇г̇аваж̇жхаанам̣ гилзсаанам̣ д̇аяо годтаасз кзбзд̇ваа тид̇аа ид̣̇аани арахад̇д̇амаг̇г̇зна авасзсам̣ д̇ан̣хаасод̇ам̣ чзд̇ваа б̣алаваг̇ааво вияа над̣̇ийбаарам̣ сам̣саарабаарам̣ ниб̣б̣аанам̣ г̇амиссанд̇ийд̇и. иминаа наязна саб̣б̣аваарзсу ад̇т̇о взд̣̇ид̇аб̣б̣о. д̇хаммаанусаарино, сад̣̇д̇хаанусааринод̇и имз д̣̇вз батамамаг̇г̇асаман̇г̇ино.
352.Mārassasotaṃ chetvāti arahattamaggena mārassa taṇhāsotaṃ chetvā. Pāraṃ gatāti mahāusabhā nadīpāraṃ viya saṃsārapāraṃ nibbānaṃ gatā. Pāraṃ agamaṃsūti mahāusabhānaṃ pāraṅgatakkhaṇe gaṅgāya sotassa tayo koṭṭhāse atikkamma ṭhitā mahāusabhe pāraṃ patte disvā tesaṃ gatamaggaṃ paṭipajjitvā pāraṃ agamaṃsu. Pāraṃ gamissantīti catumaggavajjhānaṃ kilesānaṃ tayo koṭṭhāse khepetvā ṭhitā idāni arahattamaggena avasesaṃ taṇhāsotaṃ chetvā balavagāvo viya nadīpāraṃ saṃsārapāraṃ nibbānaṃ gamissantīti. Iminā nayena sabbavāresu attho veditabbo. Dhammānusārino, saddhānusārinoti ime dve paṭhamamaggasamaṅgino.
ж̇аанад̇аад̇и саб̣б̣ад̇хаммз ж̇аананд̇зна б̣уд̣̇д̇хзна. суббагаасид̇од̇и сугат̇ид̇о. виваданд̇и виварид̇ам̣. амад̇ад̣̇вааранд̇и арияамаг̇г̇о. ниб̣б̣аанабад̇д̇ияаад̇и д̇ад̣̇ад̇т̇ааяа вивадам̣. винал̣ийгад̇анд̇и виг̇ад̇амаананал̣ам̣ гад̇ам̣. кзмам̣ бад̇т̇зт̇аад̇и гад̇д̇угамяад̇аачанд̣̇зна арахад̇д̇ам̣ бад̇т̇зт̇а, гад̇д̇угаамаа ниб̣б̣ад̇д̇зд̇угаамаа хот̇аад̇и ад̇т̇о. ‘‘бад̇д̇а’д̇т̇аа’’д̇иби баато. зваруубам̣ сад̇т̇аарам̣ лабхид̇ваа д̇умхз бад̇д̇ааязва наамаад̇и ад̇т̇о. сзсам̣ саб̣б̣ад̇т̇а уд̇д̇аанамзва. бхаг̇аваа бана яат̇аанусанд̇хинаава д̣̇зсанам̣ нидтабзсийд̇и.
Jānatāti sabbadhamme jānantena buddhena. Suppakāsitoti sukathito. Vivaṭanti vivaritaṃ. Amatadvāranti ariyamaggo. Nibbānapattiyāti tadatthāya vivaṭaṃ. Vinaḷīkatanti vigatamānanaḷaṃ kataṃ. Khemaṃ patthethāti kattukamyatāchandena arahattaṃ patthetha, kattukāmā nibbattetukāmā hothāti attho. ‘‘Patta’tthā’’tipi pāṭho. Evarūpaṃ satthāraṃ labhitvā tumhe pattāyeva nāmāti attho. Sesaṃ sabbattha uttānameva. Bhagavā pana yathānusandhināva desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣аг̇обаалагасуд̇д̇аван̣н̣анаа нидтид̇аа.
Cūḷagopālakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. жуул̣аг̇обаалагасуд̇д̇ам̣ • 4. Cūḷagopālakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. жуул̣аг̇обаалагасуд̇д̇аван̣н̣анаа • 4. Cūḷagopālakasuttavaṇṇanā
