| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. махааяамагаваг̇г̇о
4. Mahāyamakavaggo
1. жуул̣аг̇осин̇г̇асуд̇д̇аван̣н̣анаа
1. Cūḷagosiṅgasuttavaṇṇanā
325. звам̣ мз суд̇анд̇и жуул̣аг̇осин̇г̇асуд̇д̇ам̣. д̇ад̇т̇а наад̇игз вихарад̇ийд̇и наад̇игаа наама згам̣ д̇ал̣аагам̣ ниссааяа д̣̇виннам̣ жуул̣абид̇имахаабид̇ибуд̇д̇аанам̣ д̣̇вз г̇аамаа, д̇зсу згасмим̣ г̇аамз. г̇ин̃ж̇агаавасат̇зд̇и идтагаамаяз аавасат̇з. згасмим̣ гира самаяз бхаг̇аваа махааж̇анасан̇г̇ахам̣ гаронд̇о важ̇ж̇ирадтз жааригам̣ жарамаано наад̇игам̣ ануббад̇д̇о. наад̇игаваасино мануссаа бхаг̇авад̇о махаад̣̇аанам̣ д̣̇ад̇ваа д̇хаммагат̇ам̣ суд̇ваа басаннахад̣̇аяаа, ‘‘сад̇т̇у васанадтаанам̣ гариссаамаа’’д̇и манд̇зд̇ваа идтагаахзва бхид̇д̇исобаанад̇т̇амбхз ваал̣аруубаад̣̇ийни д̣̇ассзнд̇о баасаад̣̇ам̣ гад̇ваа суд̇хааяа лимбид̇ваа маалаагаммалад̇аагаммаад̣̇ийни нидтаабзд̇ваа бхуммад̇т̇аран̣аман̃жабийтаад̣̇ийни бан̃н̃абзд̇ваа сад̇т̇у нияяаад̇зсум̣. абараабарам̣ банзд̇т̇а мануссаа бхигкусан̇гхасса рад̇д̇идтаанад̣̇иваадтаанаман̣д̣абажан̇гамаад̣̇ийни гаараяим̣су. ид̇и со вихааро махаа ахоси. д̇ам̣ санд̇хааяа вуд̇д̇ам̣ ‘‘г̇ин̃ж̇агаавасат̇з’’д̇и.
325.Evaṃme sutanti cūḷagosiṅgasuttaṃ. Tattha nātike viharatīti nātikā nāma ekaṃ taḷākaṃ nissāya dvinnaṃ cūḷapitimahāpitiputtānaṃ dve gāmā, tesu ekasmiṃ gāme. Giñjakāvasatheti iṭṭhakāmaye āvasathe. Ekasmiṃ kira samaye bhagavā mahājanasaṅgahaṃ karonto vajjiraṭṭhe cārikaṃ caramāno nātikaṃ anuppatto. Nātikavāsino manussā bhagavato mahādānaṃ datvā dhammakathaṃ sutvā pasannahadayā, ‘‘satthu vasanaṭṭhānaṃ karissāmā’’ti mantetvā iṭṭhakāheva bhittisopānatthambhe vāḷarūpādīni dassento pāsādaṃ katvā sudhāya limpitvā mālākammalatākammādīni niṭṭhāpetvā bhummattharaṇamañcapīṭhādīni paññapetvā satthu niyyātesuṃ. Aparāparaṃ panettha manussā bhikkhusaṅghassa rattiṭṭhānadivāṭṭhānamaṇḍapacaṅkamādīni kārayiṃsu. Iti so vihāro mahā ahosi. Taṃ sandhāya vuttaṃ ‘‘giñjakāvasathe’’ti.
г̇осин̇г̇асаалаванад̣̇ааязд̇и д̇ад̇т̇а згасса ж̇здтагаругкасса канд̇хад̇о г̇осин̇г̇асан̣таанам̣ худ̇ваа видабам̣ удтахи, д̇ам̣ ругкам̣ убаад̣̇ааяа саб̣б̣амби д̇ам̣ ванам̣ г̇осин̇г̇асаалавананд̇и сан̇кам̣ г̇ад̇ам̣. д̣̇ааяод̇и ависзсзна аран̃н̃ассзд̇ам̣ наамам̣. д̇асмаа г̇осин̇г̇асаалаванад̣̇ааязд̇и г̇осин̇г̇асаалаванааран̃н̃зд̇и ад̇т̇о. вихаранд̇ийд̇и саамаг̇г̇ирасам̣ анубхавамаанаа вихаранд̇и. имзсан̃хи гулабуд̇д̇аанам̣ убарибан̣н̣аасагз бут̇уж̇ж̇анагаало гат̇ид̇о, ид̇ха кийн̣аасавагаало. д̇ад̣̇аа хи д̇з лад̣̇д̇хассаад̣̇аа лад̣̇д̇хабад̇идтаа ад̇хиг̇ад̇абадисамбхид̣̇аа кийн̣аасаваа худ̇ваа саамаг̇г̇ирасам̣ анубхавамаанаа д̇ад̇т̇а вихарим̣су. д̇ам̣ санд̇хааязд̇ам̣ вуд̇д̇ам̣.
Gosiṅgasālavanadāyeti tattha ekassa jeṭṭhakarukkhassa khandhato gosiṅgasaṇṭhānaṃ hutvā viṭapaṃ uṭṭhahi, taṃ rukkhaṃ upādāya sabbampi taṃ vanaṃ gosiṅgasālavananti saṅkhaṃ gataṃ. Dāyoti avisesena araññassetaṃ nāmaṃ. Tasmā gosiṅgasālavanadāyeti gosiṅgasālavanaaraññeti attho. Viharantīti sāmaggirasaṃ anubhavamānā viharanti. Imesañhi kulaputtānaṃ uparipaṇṇāsake puthujjanakālo kathito, idha khīṇāsavakālo. Tadā hi te laddhassādā laddhapatiṭṭhā adhigatapaṭisambhidā khīṇāsavā hutvā sāmaggirasaṃ anubhavamānā tattha vihariṃsu. Taṃ sandhāyetaṃ vuttaṃ.
язна г̇осин̇г̇асаалаванад̣̇ааяо д̇знубасан̇гамийд̇и д̇хаммасзнаабад̇имахаамог̇г̇аллаанад̇т̇зрзсу ваа асийд̇имахаасаавагзсу ваа, анд̇амасо д̇хаммабхан̣д̣ааг̇ааригааананд̣̇ад̇т̇зрамби ган̃жи анааманд̇зд̇ваа саяамзва бад̇д̇ажийварам̣ аад̣̇ааяа анийгаа ниссадо хад̇т̇ий вияа, яуут̇аа ниссадо гаал̣асийхо вияа , ваад̇ажчинно валаахаго вияа згагова убасан̇гами. гасмаа банзд̇т̇а бхаг̇аваа саяам̣ аг̇амаасийд̇и? д̇аяо гулабуд̇д̇аа саамаг̇г̇ирасам̣ анубхаванд̇аа вихаранд̇и, д̇зсам̣ баг̇г̇ан̣ханад̇о, бажчимаж̇анад̇ам̣ анугамбанад̇о д̇хаммаг̇арубхаавад̇о жа. звам̣ гирасса ахоси – ‘‘ахам̣ имз гулабуд̇д̇з баг̇г̇ан̣хид̇ваа уггам̣сид̇ваа бадисант̇аарам̣ гад̇ваа д̇хаммам̣ нзсам̣ д̣̇зсзссаамий’’д̇и. звам̣ д̇аава баг̇г̇ан̣ханад̇о аг̇амааси. абарамбисса ахоси – ‘‘анааг̇ад̇з гулабуд̇д̇аа саммаасамб̣уд̣̇д̇хо самаг̇г̇аваасам̣ васанд̇аанам̣ санд̇игам̣ саяам̣ г̇анд̇ваа бадисант̇аарам̣ гад̇ваа д̇хаммам̣ гат̇зд̇ваа д̇аяо гулабуд̇д̇з баг̇г̇ан̣хи, го наама самаг̇г̇аваасам̣ на васзяяаад̇и самаг̇г̇аваасам̣ васид̇аб̣б̣ам̣ ман̃н̃амаанаа киббамзва д̣̇угкассанд̇ам̣ гариссанд̇ий’’д̇и. звам̣ бажчимаж̇анад̇ам̣ анугамбанад̇оби аг̇амааси. б̣уд̣̇д̇хаа жа наама д̇хаммаг̇аруно хонд̇и, со жа нзсам̣ д̇хаммаг̇арубхааво рат̇авинийд̇з аавигад̇ова. ид̇и имасмаа д̇хаммаг̇арубхаавад̇оби д̇хаммам̣ баг̇г̇ан̣хиссаамийд̇и аг̇амааси.
Yena gosiṅgasālavanadāyo tenupasaṅkamīti dhammasenāpatimahāmoggallānattheresu vā asītimahāsāvakesu vā, antamaso dhammabhaṇḍāgārikaānandattherampi kañci anāmantetvā sayameva pattacīvaraṃ ādāya anīkā nissaṭo hatthī viya, yūthā nissaṭo kāḷasīho viya , vātacchinno valāhako viya ekakova upasaṅkami. Kasmā panettha bhagavā sayaṃ agamāsīti? Tayo kulaputtā sāmaggirasaṃ anubhavantā viharanti, tesaṃ paggaṇhanato, pacchimajanataṃ anukampanato dhammagarubhāvato ca. Evaṃ kirassa ahosi – ‘‘ahaṃ ime kulaputte paggaṇhitvā ukkaṃsitvā paṭisanthāraṃ katvā dhammaṃ nesaṃ desessāmī’’ti. Evaṃ tāva paggaṇhanato agamāsi. Aparampissa ahosi – ‘‘anāgate kulaputtā sammāsambuddho samaggavāsaṃ vasantānaṃ santikaṃ sayaṃ gantvā paṭisanthāraṃ katvā dhammaṃ kathetvā tayo kulaputte paggaṇhi, ko nāma samaggavāsaṃ na vaseyyāti samaggavāsaṃ vasitabbaṃ maññamānā khippameva dukkhassantaṃ karissantī’’ti. Evaṃ pacchimajanataṃ anukampanatopi agamāsi. Buddhā ca nāma dhammagaruno honti, so ca nesaṃ dhammagarubhāvo rathavinīte āvikatova. Iti imasmā dhammagarubhāvatopi dhammaṃ paggaṇhissāmīti agamāsi.
д̣̇ааяабаалод̇и аран̃н̃абаало. со д̇ам̣ аран̃н̃ам̣ яат̇аа ижчид̇ижчид̇аббад̣̇зсзна мануссаа бависид̇ваа д̇ад̇т̇а бубпам̣ ваа палам̣ ваа нияяаасам̣ ваа д̣̇аб̣б̣асамбхаарам̣ ваа на харанд̇и, звам̣ вад̇ияаа баригкид̇д̇асса д̇асса аран̃н̃асса яож̇ид̇з д̣̇ваарз нисийд̣̇ид̇ваа д̇ам̣ аран̃н̃ам̣ рагкад̇и, баалзд̇и. д̇асмаа ‘‘д̣̇ааяабаало’’д̇и вуд̇д̇о. ад̇д̇агаамаруубаад̇и ад̇д̇ано хид̇ам̣ гаамаяамаанасабхааваа худ̇ваа вихаранд̇и. яо хи имасмим̣ саасанз баб̣б̣аж̇ид̇вааби взж̇ж̇агаммад̣̇ууд̇агаммабахин̣аг̇аманаад̣̇ийнам̣ васзна згавийсад̇ианзсанаахи ж̇ийвигам̣ габбзд̇и, аяам̣ на ад̇д̇агаамаруубо наама. яо бана имасмим̣ саасанз баб̣б̣аж̇ид̇ваа згавийсад̇ианзсанам̣ бахааяа жад̇убаарисуд̣̇д̇хисийлз бад̇идтааяа б̣уд̣̇д̇хаважанам̣ уг̇г̇ан̣хид̇ваа саббааяад̇худ̇ан̇г̇ам̣ ад̇хидтааяа адтад̇им̣сааяа аарамман̣зсу жид̇д̇аружияам̣ гаммадтаанам̣ г̇ахзд̇ваа г̇ааманд̇ам̣ бахааяа аран̃н̃ам̣ бависид̇ваа самаабад̇д̇ияо ниб̣б̣ад̇д̇зд̇ваа вибассанааяа гаммам̣ гурумаано вихарад̇и, аяам̣ ад̇д̇агаамо наама. д̇зби д̇аяо гулабуд̇д̇аа зваруубаа ахзсум̣. д̇зна вуд̇д̇ам̣ – ‘‘ад̇д̇агаамаруубаа вихаранд̇ий’’д̇и.
Dāyapāloti araññapālo. So taṃ araññaṃ yathā icchiticchitappadesena manussā pavisitvā tattha pupphaṃ vā phalaṃ vā niyyāsaṃ vā dabbasambhāraṃ vā na haranti, evaṃ vatiyā parikkhittassa tassa araññassa yojite dvāre nisīditvā taṃ araññaṃ rakkhati, pāleti. Tasmā ‘‘dāyapālo’’ti vutto. Attakāmarūpāti attano hitaṃ kāmayamānasabhāvā hutvā viharanti. Yo hi imasmiṃ sāsane pabbajitvāpi vejjakammadūtakammapahiṇagamanādīnaṃ vasena ekavīsatianesanāhi jīvikaṃ kappeti, ayaṃ na attakāmarūpo nāma. Yo pana imasmiṃ sāsane pabbajitvā ekavīsatianesanaṃ pahāya catupārisuddhisīle patiṭṭhāya buddhavacanaṃ uggaṇhitvā sappāyadhutaṅgaṃ adhiṭṭhāya aṭṭhatiṃsāya ārammaṇesu cittaruciyaṃ kammaṭṭhānaṃ gahetvā gāmantaṃ pahāya araññaṃ pavisitvā samāpattiyo nibbattetvā vipassanāya kammaṃ kurumāno viharati, ayaṃ attakāmo nāma. Tepi tayo kulaputtā evarūpā ahesuṃ. Tena vuttaṃ – ‘‘attakāmarūpā viharantī’’ti.
маа д̇зсам̣ апаасумагаасийд̇и д̇зсам̣ маа апаасугам̣ агаасийд̇и бхаг̇аванд̇ам̣ ваарзси. звам̣ гирасса ахоси – ‘‘имз гулабуд̇д̇аа самаг̇г̇аа вихаранд̇и, згажжасса жа г̇ад̇адтаанз бхан̣д̣анагалахавиваад̣̇аа вад̇д̇анд̇и, д̇икин̣асин̇г̇о жан̣д̣аг̇он̣о вияа овиж̇жханд̇о вижарад̇и, ат̇згамаг̇г̇зна д̣̇виннам̣ г̇аманам̣ на ход̇и, гад̣̇аажи аяамби звам̣ гаронд̇о имзсам̣ гулабуд̇д̇аанам̣ самаг̇г̇аваасам̣ бхинд̣̇зяяа. баасаад̣̇иго жа банзса суван̣н̣аван̣н̣о сурасаг̇ид̣̇д̇хо ман̃н̃з, г̇ад̇агаалад̇о бадтааяа бан̣ийд̇ад̣̇ааяагаанам̣ ад̇д̇ано убадтаагаанан̃жа ван̣н̣агат̇анаад̣̇ийхи имзсам̣ гулабуд̇д̇аанам̣ аббамаад̣̇авихаарам̣ бхинд̣̇зяяа. васанадтаанаани жааби зд̇зсам̣ гулабуд̇д̇аанам̣ ниб̣ад̣̇д̇хаани барижчиннаани д̇иссо жа бан̣н̣асаалаа д̇аяо жан̇гамаа д̇ийн̣и д̣̇иваадтаанаани д̇ийн̣и ман̃жабийтаани. аяам̣ бана саман̣о махаагааяо вуд̣дхад̇аро ман̃н̃з бхависсад̇и. со агаалз имз гулабуд̇д̇з сзнаасанаа вудтаабзссад̇и. звам̣ саб̣б̣ат̇ааби зд̇зсам̣ апаасу бхависсад̇ий’’д̇и. д̇ам̣ анижчанд̇о, ‘‘маа д̇зсам̣ апаасугамагаасий’’д̇и бхаг̇аванд̇ам̣ ваарзси.
Mā tesaṃ aphāsumakāsīti tesaṃ mā aphāsukaṃ akāsīti bhagavantaṃ vāresi. Evaṃ kirassa ahosi – ‘‘ime kulaputtā samaggā viharanti, ekaccassa ca gataṭṭhāne bhaṇḍanakalahavivādā vattanti, tikhiṇasiṅgo caṇḍagoṇo viya ovijjhanto vicarati, athekamaggena dvinnaṃ gamanaṃ na hoti, kadāci ayampi evaṃ karonto imesaṃ kulaputtānaṃ samaggavāsaṃ bhindeyya. Pāsādiko ca panesa suvaṇṇavaṇṇo surasagiddho maññe, gatakālato paṭṭhāya paṇītadāyakānaṃ attano upaṭṭhākānañca vaṇṇakathanādīhi imesaṃ kulaputtānaṃ appamādavihāraṃ bhindeyya. Vasanaṭṭhānāni cāpi etesaṃ kulaputtānaṃ nibaddhāni paricchinnāni tisso ca paṇṇasālā tayo caṅkamā tīṇi divāṭṭhānāni tīṇi mañcapīṭhāni. Ayaṃ pana samaṇo mahākāyo vuḍḍhataro maññe bhavissati. So akāle ime kulaputte senāsanā vuṭṭhāpessati. Evaṃ sabbathāpi etesaṃ aphāsu bhavissatī’’ti. Taṃ anicchanto, ‘‘mā tesaṃ aphāsukamakāsī’’ti bhagavantaṃ vāresi.
гим̣ банзса ж̇аананд̇о ваарзси, аж̇аананд̇од̇и? аж̇аананд̇о. гин̃жааби хи д̇ат̇ааг̇ад̇асса бадисанд̇хиг̇г̇ахан̣ад̇о бадтааяа д̣̇асасахассажаггаваал̣агамбанаад̣̇ийни баадихаарияаани бавад̇д̇им̣су, аран̃н̃аваасино бана д̣̇уб̣б̣аламануссаа сагаммаббасуд̇аа д̇аани саллагкзд̇ум̣ на саггонд̇и. саммаасамб̣уд̣̇д̇хо жа наама яад̣̇аа анзгабхигкусахассабаривааро б̣яаамаббабхааяа асийд̇иануб̣яан̃ж̇анзхи д̣̇вад̇д̇им̣самахаабурисалагкан̣асирияаа жа б̣уд̣̇д̇хаанубхаавам̣ д̣̇ассзнд̇о вижарад̇и, д̇ад̣̇аа го зсод̇и абужчид̇ваава ж̇аанид̇аб̣б̣о ход̇и. д̇ад̣̇аа бана бхаг̇аваа саб̣б̣амби д̇ам̣ б̣уд̣̇д̇хаанубхаавам̣ жийвараг̇аб̣бхзна бадижчаад̣̇зд̇ваа валаахагаг̇аб̣бхзна бадижчанно бун̣н̣ажанд̣̇о вияа саяамзва бад̇д̇ажийварамаад̣̇ааяа ан̃н̃аад̇агавзсзна аг̇амааси. ид̇и нам̣ аж̇аананд̇ова д̣̇ааяабаало ниваарзси.
Kiṃ panesa jānanto vāresi, ajānantoti? Ajānanto. Kiñcāpi hi tathāgatassa paṭisandhiggahaṇato paṭṭhāya dasasahassacakkavāḷakampanādīni pāṭihāriyāni pavattiṃsu, araññavāsino pana dubbalamanussā sakammappasutā tāni sallakkhetuṃ na sakkonti. Sammāsambuddho ca nāma yadā anekabhikkhusahassaparivāro byāmappabhāya asītianubyañjanehi dvattiṃsamahāpurisalakkhaṇasiriyā ca buddhānubhāvaṃ dassento vicarati, tadā ko esoti apucchitvāva jānitabbo hoti. Tadā pana bhagavā sabbampi taṃ buddhānubhāvaṃ cīvaragabbhena paṭicchādetvā valāhakagabbhena paṭicchanno puṇṇacando viya sayameva pattacīvaramādāya aññātakavesena agamāsi. Iti naṃ ajānantova dāyapālo nivāresi.
зд̇ад̣̇авожаад̇и т̇зро гира маа саман̣аад̇и д̣̇ааяабааласса гат̇ам̣ суд̇ваава жинд̇зси – ‘‘маяам̣ д̇аяо ж̇анаа ид̇ха вихараама, ан̃н̃з баб̣б̣аж̇ид̇аа наама над̇т̇и, аяан̃жа д̣̇ааяабаало баб̣б̣аж̇ид̇зна вияа сад̣̇д̇хим̣ гат̇зд̇и, го ну ко бхависсад̇ий’’д̇и д̣̇иваадтаанад̇о вудтааяа д̣̇ваарз тад̇ваа маг̇г̇ам̣ ологзнд̇о бхаг̇аванд̇ам̣ ад̣̇д̣̇аса. бхаг̇авааби т̇зрасса саха д̣̇ассанзнзва сарийробхаасам̣ мун̃жи, асийд̇иануб̣яан̃ж̇анавирааж̇ид̇аа б̣яаамаббабхаа басаарид̇асуван̣н̣абадо вияа вирожид̇т̇а. т̇зро, ‘‘аяам̣ д̣̇ааяабаало пан̣агад̇ам̣ аасивисам̣ г̇ийвааяа г̇ахзд̇ум̣ хад̇т̇ам̣ басаарзнд̇о вияа логз аг̇г̇абуг̇г̇алзна сад̣̇д̇хим̣ гат̇знд̇ова на ж̇аанаад̇и, ан̃н̃ад̇арабхигкунаа вияа сад̣̇д̇хим̣ гат̇зд̇ий’’д̇и ниваарзнд̇о зд̇ам̣, ‘‘маа, аавусо д̣̇ааяабаалаа’’д̇иаад̣̇иважанам̣ авожа.
Etadavocāti thero kira mā samaṇāti dāyapālassa kathaṃ sutvāva cintesi – ‘‘mayaṃ tayo janā idha viharāma, aññe pabbajitā nāma natthi, ayañca dāyapālo pabbajitena viya saddhiṃ katheti, ko nu kho bhavissatī’’ti divāṭṭhānato vuṭṭhāya dvāre ṭhatvā maggaṃ olokento bhagavantaṃ addasa. Bhagavāpi therassa saha dassaneneva sarīrobhāsaṃ muñci, asītianubyañjanavirājitā byāmappabhā pasāritasuvaṇṇapaṭo viya virocittha. Thero, ‘‘ayaṃ dāyapālo phaṇakataṃ āsivisaṃ gīvāya gahetuṃ hatthaṃ pasārento viya loke aggapuggalena saddhiṃ kathentova na jānāti, aññatarabhikkhunā viya saddhiṃ kathetī’’ti nivārento etaṃ, ‘‘mā, āvuso dāyapālā’’tiādivacanaṃ avoca.
д̇знубасан̇гамийд̇и гасмаа бхаг̇авад̇о бажжуг̇г̇аманам̣ агад̇ваа убасан̇гами? звам̣ гирасса ахоси – ‘‘маяам̣ д̇аяо ж̇анаа самаг̇г̇аваасам̣ васаама, сажаахам̣ згагова бажжуг̇г̇аманам̣ гариссаами, самаг̇г̇аваасо наама на бхависсад̇ий’’д̇и бияамид̇д̇з г̇ахзд̇ваава бажжуг̇г̇аманам̣ гариссаами. яат̇аа жа бхаг̇аваа маяхам̣ бияо, звам̣ сахааяаанамби мз бияод̇и, д̇зхи сад̣̇д̇хим̣ бажжуг̇г̇аманам̣ гаад̇угаамо саяам̣ агад̇ваава убасан̇гами. гзжи бана д̇зсам̣ т̇зраанам̣ бан̣н̣асаалад̣̇ваарз жан̇гаманагодияаа бхаг̇авад̇о ааг̇аманамаг̇г̇о ход̇и, д̇асмаа т̇зро д̇зсам̣ сан̃н̃ам̣ д̣̇ад̣̇амаанова г̇ад̇од̇и. абхиггамат̇аад̇и ид̇о ааг̇ажчат̇а. баад̣̇з багкаалзсийд̇и вигасид̇абад̣̇умасаннибхзхи ж̇аалахад̇т̇зхи ман̣иван̣н̣ам̣ уд̣̇агам̣ г̇ахзд̇ваа суван̣н̣аван̣н̣зсу бидтибаад̣̇зсу уд̣̇агамабхисин̃жид̇ваа баад̣̇зна баад̣̇ам̣ гхам̣санд̇о багкаалзси. б̣уд̣̇д̇хаанам̣ гааяз раж̇ож̇аллам̣ наама на убалимбад̇и, гасмаа багкаалзсийд̇и? сарийрасса уд̇уг̇г̇ахан̣ад̇т̇ам̣, д̇зсан̃жа жид̇д̇асамбахам̣санад̇т̇ам̣. амхзхи абхихадзна уд̣̇агзна бхаг̇аваа баад̣̇з багкаалзси, барибхог̇ам̣ агаасийд̇и д̇зсам̣ бхигкуунам̣ б̣алавасоманассавасзна жид̇д̇ам̣ бийн̣ид̇ам̣ ход̇и, д̇асмаа багкаалзси. ааяасманд̇ам̣ ануруд̣̇д̇хам̣ бхаг̇аваа зд̇ад̣̇авожаад̇и со гира д̇зсам̣ вуд̣дхад̇аро.
Tenupasaṅkamīti kasmā bhagavato paccuggamanaṃ akatvā upasaṅkami? Evaṃ kirassa ahosi – ‘‘mayaṃ tayo janā samaggavāsaṃ vasāma, sacāhaṃ ekakova paccuggamanaṃ karissāmi, samaggavāso nāma na bhavissatī’’ti piyamitte gahetvāva paccuggamanaṃ karissāmi. Yathā ca bhagavā mayhaṃ piyo, evaṃ sahāyānampi me piyoti, tehi saddhiṃ paccuggamanaṃ kātukāmo sayaṃ akatvāva upasaṅkami. Keci pana tesaṃ therānaṃ paṇṇasāladvāre caṅkamanakoṭiyā bhagavato āgamanamaggo hoti, tasmā thero tesaṃ saññaṃ dadamānova gatoti. Abhikkamathāti ito āgacchatha. Pāde pakkhālesīti vikasitapadumasannibhehi jālahatthehi maṇivaṇṇaṃ udakaṃ gahetvā suvaṇṇavaṇṇesu piṭṭhipādesu udakamabhisiñcitvā pādena pādaṃ ghaṃsanto pakkhālesi. Buddhānaṃ kāye rajojallaṃ nāma na upalimpati, kasmā pakkhālesīti? Sarīrassa utuggahaṇatthaṃ, tesañca cittasampahaṃsanatthaṃ. Amhehi abhihaṭena udakena bhagavā pāde pakkhālesi, paribhogaṃ akāsīti tesaṃ bhikkhūnaṃ balavasomanassavasena cittaṃ pīṇitaṃ hoti, tasmā pakkhālesi. Āyasmantaṃ anuruddhaṃ bhagavā etadavocāti so kira tesaṃ vuḍḍhataro.
326. д̇асса сан̇г̇ахз гад̇з сзсаанам̣ гад̇ова ход̇ийд̇и т̇зран̃н̃зва зд̇ам̣ гажжи во ануруд̣̇д̇хаад̇иаад̣̇иважанам̣ авожа. д̇ад̇т̇а гажжийд̇и бужчанад̇т̇з нибаад̇о. вод̇и саамиважанам̣. ид̣̇ам̣ вуд̇д̇ам̣ ход̇и – гажжи ануруд̣̇д̇хаа д̇умхаагам̣ каманийяам̣, ирияаабат̇о во камад̇и? гажжи яаабанийяам̣, гажжи во ж̇ийвид̇ам̣ яаабзд̇и гхадияад̇и? гажжи бин̣д̣агзна на гиламат̇а, гажжи д̇умхаагам̣ сулабхабин̣д̣ам̣, самбад̇д̇з во д̣̇исваа мануссаа ул̣ун̇гаяааг̇ум̣ ваа гадажчубхигкам̣ ваа д̣̇аад̇аб̣б̣ам̣ ман̃н̃анд̇ийд̇и бхигкаажааравад̇д̇ам̣ бужчад̇и. гасмаа? бажжаязна агиламанд̇зна хи саггаа саман̣ад̇хаммо гаад̇ум̣, вад̇д̇амзва ваа зд̇ам̣ баб̣б̣аж̇ид̇аанам̣. ат̇а д̇зна бадиважанз д̣̇иннз, ‘‘ануруд̣̇д̇хаа, д̇умхз рааж̇абаб̣б̣аж̇ид̇аа махаабун̃н̃аа, мануссаа д̇умхаагам̣ аран̃н̃з васанд̇аанам̣ ад̣̇ад̇ваа гасса ан̃н̃асса д̣̇аад̇аб̣б̣ам̣ ман̃н̃иссанд̇и, д̇умхз бана зд̇ам̣ бхун̃ж̇ид̇ваа гим̣ ну ко миг̇абод̇агаа вияа ан̃н̃аман̃н̃ам̣ сан̇гхаддзнд̇аа вихарат̇а, уд̣̇ааху саамаг̇г̇ибхааво во ад̇т̇ий’’д̇и саамаг̇г̇ирасам̣ бужчанд̇о, гажжи бана во, ануруд̣̇д̇хаа, самаг̇г̇аад̇иаад̣̇имааха.
326. Tassa saṅgahe kate sesānaṃ katova hotīti theraññeva etaṃ kacci vo anuruddhātiādivacanaṃ avoca. Tattha kaccīti pucchanatthe nipāto. Voti sāmivacanaṃ. Idaṃ vuttaṃ hoti – kacci anuruddhā tumhākaṃ khamanīyaṃ, iriyāpatho vo khamati? Kacci yāpanīyaṃ, kacci vo jīvitaṃ yāpeti ghaṭiyati? Kacci piṇḍakena na kilamatha, kacci tumhākaṃ sulabhapiṇḍaṃ, sampatte vo disvā manussā uḷuṅkayāguṃ vā kaṭacchubhikkhaṃ vā dātabbaṃ maññantīti bhikkhācāravattaṃ pucchati. Kasmā? Paccayena akilamantena hi sakkā samaṇadhammo kātuṃ, vattameva vā etaṃ pabbajitānaṃ. Atha tena paṭivacane dinne, ‘‘anuruddhā, tumhe rājapabbajitā mahāpuññā, manussā tumhākaṃ araññe vasantānaṃ adatvā kassa aññassa dātabbaṃ maññissanti, tumhe pana etaṃ bhuñjitvā kiṃ nu kho migapotakā viya aññamaññaṃ saṅghaṭṭentā viharatha, udāhu sāmaggibhāvo vo atthī’’ti sāmaggirasaṃ pucchanto, kacci pana vo, anuruddhā, samaggātiādimāha.
д̇ад̇т̇а кийрод̣̇агийбхууд̇аад̇и яат̇аа кийран̃жа уд̣̇аган̃жа ан̃н̃аман̃н̃ам̣ сам̣санд̣̇ад̇и, висум̣ на ход̇и, згад̇д̇ам̣ вияа убзд̇и, гажжи звам̣ саамаг̇г̇ивасзна згад̇д̇уубаг̇ад̇ажид̇д̇уббаад̣̇аа вихарат̇аад̇и бужчад̇и. бияажагкуухийд̇и мзд̇д̇ажид̇д̇ам̣ бажжубадтабзд̇ваа ологанажагкууни бияажагкууни наама. гажжи д̇ат̇ааруубзхи жагкуухи ан̃н̃аман̃н̃ам̣ самбассанд̇аа вихарат̇аад̇и бужчад̇и. д̇аг̇гхаад̇и згам̣сад̇т̇з нибаад̇о. згам̣сзна маяам̣, бханд̇зд̇и вуд̇д̇ам̣ ход̇и. яат̇аа гат̇ам̣ банаад̇и зд̇т̇а яат̇аад̇и нибаад̇амад̇д̇ам̣. гат̇анд̇и гааран̣абужчаа. гат̇ам̣ бана д̇умхз звам̣ вихарат̇а, гзна гааран̣зна вихарат̇а, д̇ам̣ мз гааран̣ам̣ б̣руут̇аад̇и вуд̇д̇ам̣ ход̇и. мзд̇д̇ам̣ гааяагамманд̇и мзд̇д̇ажид̇д̇авасзна бавад̇д̇ам̣ гааяагаммам̣. аави жзва рахо жаад̇и саммукаа жзва бараммукаа жа. ид̇арзсуби зсзва наяо.
Tattha khīrodakībhūtāti yathā khīrañca udakañca aññamaññaṃ saṃsandati, visuṃ na hoti, ekattaṃ viya upeti, kacci evaṃ sāmaggivasena ekattūpagatacittuppādā viharathāti pucchati. Piyacakkhūhīti mettacittaṃ paccupaṭṭhapetvā olokanacakkhūni piyacakkhūni nāma. Kacci tathārūpehi cakkhūhi aññamaññaṃ sampassantā viharathāti pucchati. Tagghāti ekaṃsatthe nipāto. Ekaṃsena mayaṃ, bhanteti vuttaṃ hoti. Yathā kathaṃ panāti ettha yathāti nipātamattaṃ. Kathanti kāraṇapucchā. Kathaṃ pana tumhe evaṃ viharatha, kena kāraṇena viharatha, taṃ me kāraṇaṃ brūthāti vuttaṃ hoti. Mettaṃ kāyakammanti mettacittavasena pavattaṃ kāyakammaṃ. Āvi ceva raho cāti sammukhā ceva parammukhā ca. Itaresupi eseva nayo.
д̇ад̇т̇а саммукаа гааяаважийгаммаани сахаваасз лаб̣бханд̇и, ид̇араани виббаваасз. маногаммам̣ саб̣б̣ад̇т̇а лаб̣бхад̇и. яан̃хи сахавасанд̇зсу згзна ман̃жабийтам̣ ваа д̣̇аарубхан̣д̣ам̣ ваа мад̇д̇игаабхан̣д̣ам̣ ваа б̣ахи д̣̇уннигкид̇д̇ам̣ ход̇и, д̇ам̣ д̣̇исваа гзнид̣̇ам̣ вал̣ан̃ж̇ид̇анд̇и аван̃н̃ам̣ агад̇ваа ад̇д̇анаа д̣̇уннигкид̇д̇ам̣ вияа г̇ахзд̇ваа бадисаамзнд̇асса бадиж̇аг̇г̇ид̇аб̣б̣аяуд̇д̇ам̣ ваа бана таанам̣ бадиж̇аг̇г̇анд̇асса саммукаа мзд̇д̇ам̣ гааяагаммам̣ наама ход̇и. згасмим̣ багганд̇з д̇зна д̣̇уннигкид̇д̇ам̣ сзнаасанабаригкаарам̣ д̇ат̇зва нигкибанд̇асса бадиж̇аг̇г̇ид̇аб̣б̣аяуд̇д̇адтаанам̣ ваа бана бадиж̇аг̇г̇анд̇асса бараммукаа мзд̇д̇ам̣ гааяагаммам̣ наама ход̇и. сахавасанд̇асса бана д̇зхи сад̣̇д̇хим̣ мад̇хурам̣ саммод̣̇анийяам̣ гат̇ам̣ бадисант̇аарагат̇ам̣ сааран̣ийяагат̇ам̣ д̇хаммийгат̇ам̣ сарабхан̃н̃ам̣ саагажчам̣ бан̃хабужчанам̣ бан̃хависсаж̇ж̇ананд̇и звамаад̣̇игаран̣з саммукаа мзд̇д̇ам̣ важийгаммам̣ наама ход̇и. т̇зрзсу бана багганд̇зсу маяхам̣ бияасахааяо нанд̣̇ияад̇т̇зро гимилад̇т̇зро звам̣ сийласамбанно, звам̣ аажаарасамбаннод̇иаад̣̇иг̇ун̣агат̇анам̣ бараммукаа мзд̇д̇ам̣ важийгаммам̣ наама ход̇и. маяхам̣ бияамид̇д̇о нанд̣̇ияад̇т̇зро гимилад̇т̇зро авзро ход̇у, аб̣яаабаж̇ж̇о сукий ход̇ууд̇и звам̣ саманнаахарад̇о бана саммукааби бараммукааби мзд̇д̇ам̣ маногаммам̣ ход̇иязва.
Tattha sammukhā kāyavacīkammāni sahavāse labbhanti, itarāni vippavāse. Manokammaṃ sabbattha labbhati. Yañhi sahavasantesu ekena mañcapīṭhaṃ vā dārubhaṇḍaṃ vā mattikābhaṇḍaṃ vā bahi dunnikkhittaṃ hoti, taṃ disvā kenidaṃ vaḷañjitanti avaññaṃ akatvā attanā dunnikkhittaṃ viya gahetvā paṭisāmentassa paṭijaggitabbayuttaṃ vā pana ṭhānaṃ paṭijaggantassa sammukhā mettaṃ kāyakammaṃ nāma hoti. Ekasmiṃ pakkante tena dunnikkhittaṃ senāsanaparikkhāraṃ tatheva nikkhipantassa paṭijaggitabbayuttaṭṭhānaṃ vā pana paṭijaggantassa parammukhā mettaṃ kāyakammaṃ nāma hoti. Sahavasantassa pana tehi saddhiṃ madhuraṃ sammodanīyaṃ kathaṃ paṭisanthārakathaṃ sāraṇīyakathaṃ dhammīkathaṃ sarabhaññaṃ sākacchaṃ pañhapucchanaṃ pañhavissajjananti evamādikaraṇe sammukhā mettaṃ vacīkammaṃ nāma hoti. Theresu pana pakkantesu mayhaṃ piyasahāyo nandiyatthero kimilatthero evaṃ sīlasampanno, evaṃ ācārasampannotiādiguṇakathanaṃ parammukhā mettaṃ vacīkammaṃ nāma hoti. Mayhaṃ piyamitto nandiyatthero kimilatthero avero hotu, abyāpajjo sukhī hotūti evaṃ samannāharato pana sammukhāpi parammukhāpi mettaṃ manokammaṃ hotiyeva.
наанаа хи ко но, бханд̇з, гааяаад̇и гааяан̃хи бидтам̣ вияа мад̇д̇игаа вияа жа омад̣̇д̣̇ид̇ваа згад̇о гаад̇ум̣ на саггаа. зган̃жа бана ман̃н̃з жид̇д̇анд̇и жид̇д̇ам̣ бана но хид̇адтзна ниранд̇арадтзна авиг̇г̇ахадтзна самаг̇г̇адтзна згамзваад̇и д̣̇ассзд̇и. гат̇ам̣ банзд̇ам̣ сагам̣ жид̇д̇ам̣ нигкибид̇ваа ид̇арзсам̣ жид̇д̇авасзна вад̇д̇им̣сууд̇и? згасса бад̇д̇з малам̣ удтахад̇и, згасса жийварам̣ гилидтам̣ ход̇и, згасса барибхан̣д̣агаммам̣ ход̇и. д̇ад̇т̇а яасса бад̇д̇з малам̣ удтид̇ам̣, д̇зна мамаавусо, бад̇д̇з малам̣ удтид̇ам̣ бажид̇ум̣ ваддад̇ийд̇и вуд̇д̇з ид̇арз маяхам̣ жийварам̣ гилидтам̣ д̇ховид̇аб̣б̣ам̣, маяхам̣ барибхан̣д̣ам̣ гаад̇аб̣б̣анд̇и авад̇ваа аран̃н̃ам̣ бависид̇ваа д̣̇аарууни аахарид̇ваа чинд̣̇ид̇ваа бад̇д̇агадаахз барибхан̣д̣ам̣ гад̇ваа д̇ад̇о барам̣ жийварам̣ ваа д̇хованд̇и, барибхан̣д̣ам̣ ваа гаронд̇и. мамаавусо, жийварам̣ гилидтам̣ д̇ховид̇ум̣ ваддад̇и, мама бан̣н̣асаалаа углаабаа барибхан̣д̣ам̣ гаад̇ум̣ ваддад̇ийд̇и батамад̇арам̣ аарожид̇зби зсзва наяо.
Nānā hi kho no, bhante, kāyāti kāyañhi piṭṭhaṃ viya mattikā viya ca omadditvā ekato kātuṃ na sakkā. Ekañca pana maññe cittanti cittaṃ pana no hitaṭṭhena nirantaraṭṭhena aviggahaṭṭhena samaggaṭṭhena ekamevāti dasseti. Kathaṃ panetaṃ sakaṃ cittaṃ nikkhipitvā itaresaṃ cittavasena vattiṃsūti? Ekassa patte malaṃ uṭṭhahati, ekassa cīvaraṃ kiliṭṭhaṃ hoti, ekassa paribhaṇḍakammaṃ hoti. Tattha yassa patte malaṃ uṭṭhitaṃ, tena mamāvuso, patte malaṃ uṭṭhitaṃ pacituṃ vaṭṭatīti vutte itare mayhaṃ cīvaraṃ kiliṭṭhaṃ dhovitabbaṃ, mayhaṃ paribhaṇḍaṃ kātabbanti avatvā araññaṃ pavisitvā dārūni āharitvā chinditvā pattakaṭāhe paribhaṇḍaṃ katvā tato paraṃ cīvaraṃ vā dhovanti, paribhaṇḍaṃ vā karonti. Mamāvuso, cīvaraṃ kiliṭṭhaṃ dhovituṃ vaṭṭati, mama paṇṇasālā uklāpā paribhaṇḍaṃ kātuṃ vaṭṭatīti paṭhamataraṃ ārocitepi eseva nayo.
327. саад̇ху саад̇ху, ануруд̣̇д̇хаад̇и бхаг̇аваа хздтаа на жа маяам̣, бханд̇з, бин̣д̣агзна гиламимхаад̇и вуд̇д̇з на саад̇хугаарамад̣̇ааси. гасмаа? аяан̃хи габ̣ал̣ийгааро аахааро наама имзсам̣ сад̇д̇аанам̣ абааяалогзби д̣̇звамануссалогзби аажин̣н̣асамаажин̣н̣ова. аяам̣ бана логасанниваасо язбхуяязна виваад̣̇абагканд̣̇о, абааяалогз д̣̇звамануссалогзби имз сад̇д̇аа бадивируд̣̇д̇хаа зва, зд̇зсам̣ саамаг̇г̇игаало д̣̇уллабхо, гад̣̇аажид̣̇зва ход̇ийд̇и самаг̇г̇аваасасса д̣̇уллабхад̇д̇аа ид̇ха бхаг̇аваа саад̇хугаарамад̣̇ааси. ид̣̇аани д̇зсам̣ аббамаад̣̇алагкан̣ам̣ бужчанд̇о гажжи бана во, ануруд̣̇д̇хаад̇иаад̣̇имааха. д̇ад̇т̇а вод̇и нибаад̇амад̇д̇ам̣ бажжад̇д̇аважанам̣ ваа, гажжи д̇умхзд̇и ад̇т̇о. амхааганд̇и амхзсу д̇ийсу ж̇анзсу. бин̣д̣ааяа бадиггамад̇ийд̇и г̇аамз бин̣д̣ааяа жарид̇ваа бажжааг̇ажчад̇и. аваггаарабаад̇инд̇и ад̇ирзгабин̣д̣абаад̇ам̣ абанзд̇ваа табанад̇т̇ааяа згам̣ самуг̇г̇абаад̇им̣ д̇ховид̇ваа табзд̇и.
327.Sādhusādhu, anuruddhāti bhagavā heṭṭhā na ca mayaṃ, bhante, piṇḍakena kilamimhāti vutte na sādhukāramadāsi. Kasmā? Ayañhi kabaḷīkāro āhāro nāma imesaṃ sattānaṃ apāyalokepi devamanussalokepi āciṇṇasamāciṇṇova. Ayaṃ pana lokasannivāso yebhuyyena vivādapakkhando, apāyaloke devamanussalokepi ime sattā paṭiviruddhā eva, etesaṃ sāmaggikālo dullabho, kadācideva hotīti samaggavāsassa dullabhattā idha bhagavā sādhukāramadāsi. Idāni tesaṃ appamādalakkhaṇaṃ pucchanto kaccipana vo, anuruddhātiādimāha. Tattha voti nipātamattaṃ paccattavacanaṃ vā, kacci tumheti attho. Amhākanti amhesu tīsu janesu. Piṇḍāya paṭikkamatīti gāme piṇḍāya caritvā paccāgacchati. Avakkārapātinti atirekapiṇḍapātaṃ apanetvā ṭhapanatthāya ekaṃ samuggapātiṃ dhovitvā ṭhapeti.
яо бажчаад̇и д̇з гира т̇зраа на згад̇ова бхигкаажаарам̣ бависанд̇и, паласамаабад̇д̇ирад̇аа хзд̇з. баад̇ова сарийраббадиж̇аг̇г̇анам̣ гад̇ваа вад̇д̇аббадибад̇д̇им̣ буурзд̇ваа сзнаасанам̣ бависид̇ваа гаалабарижчзд̣̇ам̣ гад̇ваа паласамаабад̇д̇им̣ аббзд̇ваа нисийд̣̇анд̇и. д̇зсу яо батамад̇арам̣ нисинно ад̇д̇ано гаалабарижчзд̣̇авасзна батамад̇арам̣ удтаад̇и; со бин̣д̣ааяа жарид̇ваа бадинивад̇д̇о бхад̇д̇агижжадтаанам̣ ааг̇анд̇ваа ж̇аанаад̇и – ‘‘д̣̇вз бхигкуу бажчаа, ахам̣ батамад̇арам̣ ааг̇ад̇о’’д̇и. ат̇а бад̇д̇ам̣ бид̣̇ахид̇ваа аасанабан̃н̃аабанаад̣̇ийни гад̇ваа яад̣̇и бад̇д̇з бадивисамад̇д̇амзва ход̇и, нисийд̣̇ид̇ваа бхун̃ж̇ад̇и. яад̣̇и ад̇ирзгам̣ ход̇и, аваггаарабаад̇ияам̣ багкибид̇ваа баад̇им̣ бид̇хааяа бхун̃ж̇ад̇и. гад̇абхад̇д̇агижжо бад̇д̇ам̣ д̇ховид̇ваа вод̣̇агам̣ гад̇ваа т̇авигааяа осаабзд̇ваа бад̇д̇ажийварам̣ г̇ахзд̇ваа ад̇д̇ано васанадтаанам̣ бависад̇и. д̣̇уд̇ияоби ааг̇анд̇ваава ж̇аанаад̇и – ‘‘зго батамам̣ ааг̇ад̇о, зго бажчад̇о’’д̇и. со сажз бад̇д̇з бхад̇д̇ам̣ бамаан̣амзва ход̇и, бхун̃ж̇ад̇и. сажз манд̣̇ам̣, аваггаарабаад̇ид̇о г̇ахзд̇ваа бхун̃ж̇ад̇и. сажз ад̇ирзгам̣ ход̇и, аваггаарабаад̇ияам̣ багкибид̇ваа бамаан̣амзва бхун̃ж̇ид̇ваа буримад̇т̇зро вияа васанадтаанам̣ бависад̇и. д̇ад̇ияоби ааг̇анд̇ваава ж̇аанаад̇и – ‘‘д̣̇вз батамам̣ ааг̇ад̇аа, ахам̣ бажчад̇о’’д̇и. соби д̣̇уд̇ияад̇т̇зро вияа бхун̃ж̇ид̇ваа гад̇абхад̇д̇агижжо бад̇д̇ам̣ д̇ховид̇ваа вод̣̇агам̣ гад̇ваа т̇авигааяа осаабзд̇ваа аасанаани угкибид̇ваа бадисаамзд̇и; баанийяагхадз ваа барибхож̇анийяагхадз ваа авасзсам̣ уд̣̇агам̣ чад̣д̣зд̇ваа гхадз нигуж̇ж̇ид̇ваа аваггаарабаад̇ияам̣ сажз авасзсабхад̇д̇ам̣ ход̇и, д̇ам̣ вуд̇д̇анаязна ж̇ахид̇ваа баад̇им̣ д̇ховид̇ваа бадисаамзд̇и; бхад̇д̇аг̇г̇ам̣ саммаж̇ж̇ад̇и. д̇ад̇о гажаварам̣ чад̣д̣зд̇ваа саммаж̇ж̇аним̣ угкибид̇ваа убажигаахи муд̇д̇адтаанз табзд̇ваа бад̇д̇ажийварамаад̣̇ааяа васанадтаанам̣ бависад̇и. ид̣̇ам̣ т̇зраанам̣ б̣ахивихаарз аран̃н̃з бхад̇д̇агижжагаран̣адтаанз бхож̇анасаалааяам̣ вад̇д̇ам̣. ид̣̇ам̣ санд̇хааяа, ‘‘яо бажчаа’’д̇иаад̣̇и вуд̇д̇ам̣.
Yo pacchāti te kira therā na ekatova bhikkhācāraṃ pavisanti, phalasamāpattiratā hete. Pātova sarīrappaṭijagganaṃ katvā vattappaṭipattiṃ pūretvā senāsanaṃ pavisitvā kālaparicchedaṃ katvā phalasamāpattiṃ appetvā nisīdanti. Tesu yo paṭhamataraṃ nisinno attano kālaparicchedavasena paṭhamataraṃ uṭṭhāti; so piṇḍāya caritvā paṭinivatto bhattakiccaṭṭhānaṃ āgantvā jānāti – ‘‘dve bhikkhū pacchā, ahaṃ paṭhamataraṃ āgato’’ti. Atha pattaṃ pidahitvā āsanapaññāpanādīni katvā yadi patte paṭivisamattameva hoti, nisīditvā bhuñjati. Yadi atirekaṃ hoti, avakkārapātiyaṃ pakkhipitvā pātiṃ pidhāya bhuñjati. Katabhattakicco pattaṃ dhovitvā vodakaṃ katvā thavikāya osāpetvā pattacīvaraṃ gahetvā attano vasanaṭṭhānaṃ pavisati. Dutiyopi āgantvāva jānāti – ‘‘eko paṭhamaṃ āgato, eko pacchato’’ti. So sace patte bhattaṃ pamāṇameva hoti, bhuñjati. Sace mandaṃ, avakkārapātito gahetvā bhuñjati. Sace atirekaṃ hoti, avakkārapātiyaṃ pakkhipitvā pamāṇameva bhuñjitvā purimatthero viya vasanaṭṭhānaṃ pavisati. Tatiyopi āgantvāva jānāti – ‘‘dve paṭhamaṃ āgatā, ahaṃ pacchato’’ti. Sopi dutiyatthero viya bhuñjitvā katabhattakicco pattaṃ dhovitvā vodakaṃ katvā thavikāya osāpetvā āsanāni ukkhipitvā paṭisāmeti; pānīyaghaṭe vā paribhojanīyaghaṭe vā avasesaṃ udakaṃ chaḍḍetvā ghaṭe nikujjitvā avakkārapātiyaṃ sace avasesabhattaṃ hoti, taṃ vuttanayena jahitvā pātiṃ dhovitvā paṭisāmeti; bhattaggaṃ sammajjati. Tato kacavaraṃ chaḍḍetvā sammajjaniṃ ukkhipitvā upacikāhi muttaṭṭhāne ṭhapetvā pattacīvaramādāya vasanaṭṭhānaṃ pavisati. Idaṃ therānaṃ bahivihāre araññe bhattakiccakaraṇaṭṭhāne bhojanasālāyaṃ vattaṃ. Idaṃ sandhāya, ‘‘yo pacchā’’tiādi vuttaṃ.
яо бассад̇ийд̇иаад̣̇и бана нзсам̣ анд̇овихаарз вад̇д̇анд̇и взд̣̇ид̇аб̣б̣ам̣. д̇ад̇т̇а важжагхаданд̇и аажаманагумбхим̣. рид̇д̇анд̇и рид̇д̇агам̣. д̇ужчанд̇и д̇ассзва взважанам̣. ависаяханд̇и угкибид̇ум̣ асаггун̣зяяам̣, ад̇ибхаарияам̣. хад̇т̇авигаарзнаад̇и хад̇т̇асан̃н̃ааяа. д̇з гира баанийяагхадаад̣̇ийсу яам̣гин̃жи д̇ужчагам̣ г̇ахзд̇ваа богкаран̣им̣ г̇анд̇ваа анд̇о жа б̣ахи жа д̇ховид̇ваа уд̣̇агам̣ бариссаавзд̇ваа д̇ийрз табзд̇ваа ан̃н̃ам̣ бхигкум̣ хад̇т̇авигаарзна ааманд̇знд̇и, од̣̇исса ваа анод̣̇исса ваа сад̣̇д̣̇ам̣ на гаронд̇и. гасмаа од̣̇исса сад̣̇д̣̇ам̣ на гаронд̇и? д̇ам̣ бхигкум̣ сад̣̇д̣̇о б̣аад̇хзяяаад̇и. гасмаа анод̣̇исса сад̣̇д̣̇ам̣ на гаронд̇и? анод̣̇исса сад̣̇д̣̇з д̣̇иннз, ‘‘ахам̣ бурз, ахам̣ бурз’’д̇и д̣̇взби нигкамзяяум̣, д̇ад̇о д̣̇вийхи гад̇д̇аб̣б̣агаммз д̇ад̇ияасса гаммажчзд̣̇о бхавзяяа. сам̣яад̇абад̣̇асад̣̇д̣̇о бана худ̇ваа абарасса бхигкуно д̣̇иваадтаанасанд̇игам̣ г̇анд̇ваа д̇зна д̣̇идтабхаавам̣ н̃ад̇ваа хад̇т̇асан̃н̃ам̣ гарод̇и, д̇ааяа сан̃н̃ааяа ид̇аро ааг̇ажчад̇и, д̇ад̇о д̣̇вз ж̇анаа хад̇т̇зна хад̇т̇ам̣ сам̣сиб̣б̣анд̇аа д̣̇вийсу хад̇т̇зсу табзд̇ваа убадтабзнд̇и. д̇ам̣ санд̇хааяааха – ‘‘хад̇т̇авигаарзна д̣̇уд̇ияам̣ ааманд̇зд̇ваа хад̇т̇авилан̇гхагзна убадтабзмаа’’д̇и.
Yo passatītiādi pana nesaṃ antovihāre vattanti veditabbaṃ. Tattha vaccaghaṭanti ācamanakumbhiṃ. Rittanti rittakaṃ. Tucchanti tasseva vevacanaṃ. Avisayhanti ukkhipituṃ asakkuṇeyyaṃ, atibhāriyaṃ. Hatthavikārenāti hatthasaññāya. Te kira pānīyaghaṭādīsu yaṃkiñci tucchakaṃ gahetvā pokkharaṇiṃ gantvā anto ca bahi ca dhovitvā udakaṃ parissāvetvā tīre ṭhapetvā aññaṃ bhikkhuṃ hatthavikārena āmantenti, odissa vā anodissa vā saddaṃ na karonti. Kasmā odissa saddaṃ na karonti? Taṃ bhikkhuṃ saddo bādheyyāti. Kasmā anodissa saddaṃ na karonti? Anodissa sadde dinne, ‘‘ahaṃ pure, ahaṃ pure’’ti dvepi nikkhameyyuṃ, tato dvīhi kattabbakamme tatiyassa kammacchedo bhaveyya. Saṃyatapadasaddo pana hutvā aparassa bhikkhuno divāṭṭhānasantikaṃ gantvā tena diṭṭhabhāvaṃ ñatvā hatthasaññaṃ karoti, tāya saññāya itaro āgacchati, tato dve janā hatthena hatthaṃ saṃsibbantā dvīsu hatthesu ṭhapetvā upaṭṭhapenti. Taṃ sandhāyāha – ‘‘hatthavikārena dutiyaṃ āmantetvā hatthavilaṅghakena upaṭṭhapemā’’ti.
бан̃жаахигам̣ ко банаад̇и жаад̇уд̣̇д̣̇асз баннарасз адтамияанд̇и ид̣̇ам̣ д̇аава багад̇ид̇хаммассаванамзва, д̇ам̣ акан̣д̣ам̣ гад̇ваа бан̃жамз бан̃жамз д̣̇ивасз д̣̇вз т̇зраа наад̇ивигаалз нхааяид̇ваа ануруд̣̇д̇хад̇т̇зрасса васанадтаанам̣ г̇ажчанд̇и. д̇ад̇т̇а д̇аяоби нисийд̣̇ид̇ваа д̇ин̣н̣ам̣ бидагаанам̣ ан̃н̃ад̇арасмим̣ ан̃н̃аман̃н̃ам̣ бан̃хам̣ бужчанд̇и , ан̃н̃аман̃н̃ам̣ виссаж̇ж̇знд̇и, д̇зсам̣ звам̣ гаронд̇аанам̣язва арун̣ам̣ уг̇г̇ажчад̇и. д̇ам̣ санд̇хааязд̇ам̣ вуд̇д̇ам̣. зд̇д̇аавад̇аа т̇зрзна бхаг̇авад̇аа аббамаад̣̇алагкан̣ам̣ бужчид̇зна бамаад̣̇адтаанзсуязва аббамаад̣̇алагкан̣ам̣ виссаж̇ж̇ид̇ам̣ ход̇и. ан̃н̃зсан̃хи бхигкуунам̣ бхигкаажаарам̣ бависанагаало, нигкаманагаало, ниваасанабаривад̇д̇анам̣, жийварабаарубанам̣, анд̇ог̇аамз бин̣д̣ааяа жаран̣ам̣ д̇хаммагат̇анам̣, анумод̣̇анам̣ , г̇аамад̇о нигкамид̇ваа бхад̇д̇агижжагаран̣ам̣, бад̇д̇ад̇хованам̣, бад̇д̇аосаабанам̣, бад̇д̇ажийварабадисаамананд̇и бабан̃жагаран̣адтаанаани зд̇аани. д̇асмаа т̇зро амхаагам̣ зд̇д̇агам̣ таанам̣ мун̃жид̇ваа бамаад̣̇агаало наама над̇т̇ийд̇и д̣̇ассзнд̇о бамаад̣̇адтаанзсуязва аббамаад̣̇алагкан̣ам̣ виссаж̇ж̇зси.
Pañcāhikaṃ kho panāti cātuddase pannarase aṭṭhamiyanti idaṃ tāva pakatidhammassavanameva, taṃ akhaṇḍaṃ katvā pañcame pañcame divase dve therā nātivikāle nhāyitvā anuruddhattherassa vasanaṭṭhānaṃ gacchanti. Tattha tayopi nisīditvā tiṇṇaṃ piṭakānaṃ aññatarasmiṃ aññamaññaṃ pañhaṃ pucchanti , aññamaññaṃ vissajjenti, tesaṃ evaṃ karontānaṃyeva aruṇaṃ uggacchati. Taṃ sandhāyetaṃ vuttaṃ. Ettāvatā therena bhagavatā appamādalakkhaṇaṃ pucchitena pamādaṭṭhānesuyeva appamādalakkhaṇaṃ vissajjitaṃ hoti. Aññesañhi bhikkhūnaṃ bhikkhācāraṃ pavisanakālo, nikkhamanakālo, nivāsanaparivattanaṃ, cīvarapārupanaṃ, antogāme piṇḍāya caraṇaṃ dhammakathanaṃ, anumodanaṃ , gāmato nikkhamitvā bhattakiccakaraṇaṃ, pattadhovanaṃ, pattaosāpanaṃ, pattacīvarapaṭisāmananti papañcakaraṇaṭṭhānāni etāni. Tasmā thero amhākaṃ ettakaṃ ṭhānaṃ muñcitvā pamādakālo nāma natthīti dassento pamādaṭṭhānesuyeva appamādalakkhaṇaṃ vissajjesi.
328. ат̇асса бхаг̇аваа саад̇хугаарам̣ д̣̇ад̇ваа батамаж̇жхаанам̣ бужчанд̇о буна ад̇т̇и бана вод̇иаад̣̇имааха. д̇ад̇т̇а уд̇д̇ари мануссад̇хаммаад̇и мануссад̇хаммад̇о уд̇д̇ари. аламарияан̃аан̣ад̣̇ассанависзсод̇и арияабхаавагаран̣асамад̇т̇о н̃аан̣ависзсо. гин̃хи но сияаа, бханд̇зд̇и гасмаа, бханд̇з, наад̇хиг̇ад̇о бхависсад̇и, ад̇хиг̇ад̇оязваад̇и. яаава д̣̇зваад̇и яаава зва.
328. Athassa bhagavā sādhukāraṃ datvā paṭhamajjhānaṃ pucchanto puna atthi pana votiādimāha. Tattha uttari manussadhammāti manussadhammato uttari. Alamariyañāṇadassanavisesoti ariyabhāvakaraṇasamattho ñāṇaviseso. Kiñhi no siyā, bhanteti kasmā, bhante, nādhigato bhavissati, adhigatoyevāti. Yāva devāti yāva eva.
329. звам̣ батамаж̇жхаанаад̇хиг̇амз б̣яаагад̇з д̣̇уд̇ияаж̇жхаанаад̣̇ийни бужчанд̇о зд̇асса бана вод̇иаад̣̇имааха. д̇ад̇т̇а самад̇иггамааяаад̇и самад̇иггамад̇т̇ааяа. бадиббассад̣̇д̇хияаад̇и бадиббассад̣̇д̇хад̇т̇ааяа. сзсам̣ саб̣б̣ад̇т̇а вуд̇д̇анаязнзва взд̣̇ид̇аб̣б̣ам̣. бажчимабан̃хз бана логуд̇д̇аран̃аан̣ад̣̇ассанавасзна ад̇хиг̇ад̇ам̣ нирод̇хасамаабад̇д̇им̣ бужчанд̇о аламарияан̃аан̣ад̣̇ассанависзсод̇и ааха. т̇зроби бужчаануруубзнзва б̣яаагааси. д̇ад̇т̇а яасмаа взд̣̇аяид̇асукад̇о авзд̣̇аяид̇асукам̣ санд̇ад̇арам̣ бан̣ийд̇ад̇арам̣ ход̇и, д̇асмаа ан̃н̃ам̣ паасувихаарам̣ уд̇д̇арид̇арам̣ ваа бан̣ийд̇ад̇арам̣ ваа на саманубассаамаад̇и ааха.
329. Evaṃ paṭhamajjhānādhigame byākate dutiyajjhānādīni pucchanto etassa pana votiādimāha. Tattha samatikkamāyāti samatikkamatthāya. Paṭippassaddhiyāti paṭippassaddhatthāya. Sesaṃ sabbattha vuttanayeneva veditabbaṃ. Pacchimapañhe pana lokuttarañāṇadassanavasena adhigataṃ nirodhasamāpattiṃ pucchanto alamariyañāṇadassanavisesoti āha. Theropi pucchānurūpeneva byākāsi. Tattha yasmā vedayitasukhato avedayitasukhaṃ santataraṃ paṇītataraṃ hoti, tasmā aññaṃ phāsuvihāraṃ uttaritaraṃ vā paṇītataraṃ vā na samanupassāmāti āha.
330. д̇хаммияаа гат̇ааяаад̇и саамаг̇г̇ирасаанисам̣саббадисам̣яуд̇д̇ааяа д̇хаммияаа гат̇ааяа. саб̣б̣зби д̇з жад̇уусу сажжзсу баринидтид̇агижжаа, д̇зна д̇зсам̣ бадивзд̇хад̇т̇ааяа гин̃жи гат̇зд̇аб̣б̣ам̣ над̇т̇и. саамаг̇г̇ирасзна бана аяан̃жа аяан̃жа аанисам̣сод̇и саамаг̇г̇ирасаанисам̣самзва нзсам̣ бхаг̇аваа гат̇зси. бхаг̇аванд̇ам̣ анусам̣яааяид̇ваад̇и ануг̇анд̇ваа. д̇з гира бхаг̇авад̇о бад̇д̇ажийварам̣ г̇ахзд̇ваа т̇огам̣ аг̇амам̣су, ат̇а бхаг̇аваа вихаарасса баривзн̣абарияанд̇ам̣ г̇ад̇агаалз, ‘‘аахарат̇а мз бад̇д̇ажийварам̣, д̇умхз ид̇хзва д̇идтат̇аа’’д̇и баггаами. д̇ад̇о бадинивад̇д̇ид̇ваад̇и д̇ад̇о тид̇адтаанад̇о нивад̇д̇ид̇ваа. гим̣ ну ко маяам̣ ааяасмад̇од̇и бхаг̇аванд̇ам̣ ниссааяа баб̣б̣аж̇ж̇аад̣̇ийни ад̇хиг̇анд̇вааби ад̇д̇ано г̇ун̣агат̇ааяа аддияамаанаа ад̇хиг̇амаббижчад̇ааяа аахам̣су. имаасан̃жа имаасан̃жаад̇и батамаж̇жхаанаад̣̇ийнам̣ логияалогуд̇д̇араанам̣. жзд̇асаа жзд̇о барижжа вид̣̇ид̇од̇и аж̇ж̇а мз ааяасманд̇о логияасамаабад̇д̇ияаа вийд̇инаамзсум̣, аж̇ж̇а логуд̇д̇арааяаад̇и звам̣ жид̇д̇зна жид̇д̇ам̣ барижчинд̣̇ид̇ваа вид̣̇ид̇ам̣. д̣̇звад̇ааби мзд̇и, бханд̇з ануруд̣̇д̇ха, аж̇ж̇а аяяо нанд̣̇ияад̇т̇зро, аж̇ж̇а аяяо гимилад̇т̇зро имааяа жа имааяа жа самаабад̇д̇ияаа вийд̇инаамзсийд̇и звамаарожзсунд̇и ад̇т̇о. бан̃хаабхибудтзнаад̇и д̇амби маяаа саяам̣ вид̣̇ид̇анд̇и ваа д̣̇звад̇аахи аарожид̇анд̇и ваа зд̇д̇агзнзва мукам̣ мз саж̇ж̇анд̇и гат̇ам̣ самудтаабзд̇ваа абудтзнзва мз на гат̇ид̇ам̣. бхаг̇авад̇аа бана бан̃хаабхибудтзна бан̃хам̣ абхибужчид̇зна сад̇аа б̣яаагад̇ам̣, д̇ад̇ра мз гим̣ на рожат̇аад̇и ааха.
330.Dhammiyā kathāyāti sāmaggirasānisaṃsappaṭisaṃyuttāya dhammiyā kathāya. Sabbepi te catūsu saccesu pariniṭṭhitakiccā, tena tesaṃ paṭivedhatthāya kiñci kathetabbaṃ natthi. Sāmaggirasena pana ayañca ayañca ānisaṃsoti sāmaggirasānisaṃsameva nesaṃ bhagavā kathesi. Bhagavantaṃ anusaṃyāyitvāti anugantvā. Te kira bhagavato pattacīvaraṃ gahetvā thokaṃ agamaṃsu, atha bhagavā vihārassa pariveṇapariyantaṃ gatakāle, ‘‘āharatha me pattacīvaraṃ, tumhe idheva tiṭṭhathā’’ti pakkāmi. Tato paṭinivattitvāti tato ṭhitaṭṭhānato nivattitvā. Kiṃ nu kho mayaṃ āyasmatoti bhagavantaṃ nissāya pabbajjādīni adhigantvāpi attano guṇakathāya aṭṭiyamānā adhigamappicchatāya āhaṃsu. Imāsañca imāsañcāti paṭhamajjhānādīnaṃ lokiyalokuttarānaṃ. Cetasā ceto paricca viditoti ajja me āyasmanto lokiyasamāpattiyā vītināmesuṃ, ajja lokuttarāyāti evaṃ cittena cittaṃ paricchinditvā viditaṃ. Devatāpi meti, bhante anuruddha, ajja ayyo nandiyatthero, ajja ayyo kimilatthero imāya ca imāya ca samāpattiyā vītināmesīti evamārocesunti attho. Pañhābhipuṭṭhenāti tampi mayā sayaṃ viditanti vā devatāhi ārocitanti vā ettakeneva mukhaṃ me sajjanti kathaṃ samuṭṭhāpetvā apuṭṭheneva me na kathitaṃ. Bhagavatā pana pañhābhipuṭṭhena pañhaṃ abhipucchitena satā byākataṃ, tatra me kiṃ na rocathāti āha.
331. д̣̇ийгход̇и ‘‘ман̣и маан̣иваро д̣̇ийгхо, ат̇о сзрийсаго сахаа’’д̇и (д̣̇ий. ни. 3.293) звам̣ ааг̇ад̇о адтавийсад̇ияаа яагкасзнаабад̇ийнам̣ аб̣бханд̇аро зго д̣̇зварааж̇аа. бараж̇анод̇и д̇ассзва яагкасса наамам̣. язна бхаг̇аваа д̇знубасан̇гамийд̇и со гира взссаван̣зна бзсид̇о зд̇ам̣ таанам̣ г̇ажчанд̇о бхаг̇аванд̇ам̣ саяам̣ бад̇д̇ажийварам̣ г̇ахзд̇ваа г̇ин̃ж̇агаавасат̇ад̇о г̇осин̇г̇асаалаванасса анд̇арз д̣̇исваа бхаг̇аваа ад̇д̇анаа бад̇д̇ажийварам̣ г̇ахзд̇ваа г̇осин̇г̇асаалаванз д̇ин̣н̣ам̣ гулабуд̇д̇аанам̣ санд̇игам̣ г̇ажчад̇и. аж̇ж̇а махад̇ий д̇хаммад̣̇зсанаа бхависсад̇и. маяааби д̇ассаа д̣̇зсанааяа бхааг̇инаа бхавид̇аб̣б̣анд̇и ад̣̇иссамаанзна гааязна сад̇т̇у бад̣̇аанубад̣̇иго г̇анд̇ваа авид̣̇уурз тад̇ваа д̇хаммам̣ суд̇ваа сад̇т̇ари г̇ажчанд̇зби на г̇ад̇о, – ‘‘имз т̇зраа гим̣ гариссанд̇ий’’д̇и д̣̇ассанад̇т̇ам̣ бана д̇ад̇т̇зва тид̇о. ат̇а д̇з д̣̇вз т̇зрз ануруд̣̇д̇хад̇т̇зрам̣ баливзтзнд̇з д̣̇исваа, – ‘‘имз т̇зраа бхаг̇аванд̇ам̣ ниссааяа баб̣б̣аж̇ж̇аад̣̇аяо саб̣б̣аг̇ун̣з ад̇хиг̇анд̇вааби бхаг̇авад̇ова мажчарааяанд̇и, на саханд̇и, ад̇ивияа нилийяанд̇и бадижчаад̣̇знд̇и, на д̣̇аани д̇зсам̣ бадижчаад̣̇зд̇ум̣ д̣̇ассаами, бат̇авид̇о яаава б̣рахмалогаа зд̇зсам̣ г̇ун̣з багаасзссаамий’’д̇и жинд̇зд̇ваа язна бхаг̇аваа д̇знубасан̇гами.
331.Dīghoti ‘‘maṇi māṇivaro dīgho, atho serīsako sahā’’ti (dī. ni. 3.293) evaṃ āgato aṭṭhavīsatiyā yakkhasenāpatīnaṃ abbhantaro eko devarājā. Parajanoti tasseva yakkhassa nāmaṃ. Yena bhagavā tenupasaṅkamīti so kira vessavaṇena pesito etaṃ ṭhānaṃ gacchanto bhagavantaṃ sayaṃ pattacīvaraṃ gahetvā giñjakāvasathato gosiṅgasālavanassa antare disvā bhagavā attanā pattacīvaraṃ gahetvā gosiṅgasālavane tiṇṇaṃ kulaputtānaṃ santikaṃ gacchati. Ajja mahatī dhammadesanā bhavissati. Mayāpi tassā desanāya bhāginā bhavitabbanti adissamānena kāyena satthu padānupadiko gantvā avidūre ṭhatvā dhammaṃ sutvā satthari gacchantepi na gato, – ‘‘ime therā kiṃ karissantī’’ti dassanatthaṃ pana tattheva ṭhito. Atha te dve there anuruddhattheraṃ paliveṭhente disvā, – ‘‘ime therā bhagavantaṃ nissāya pabbajjādayo sabbaguṇe adhigantvāpi bhagavatova maccharāyanti, na sahanti, ativiya nilīyanti paṭicchādenti, na dāni tesaṃ paṭicchādetuṃ dassāmi, pathavito yāva brahmalokā etesaṃ guṇe pakāsessāmī’’ti cintetvā yena bhagavā tenupasaṅkami.
лаабхаа вад̇а, бханд̇зд̇и яз, бханд̇з, важ̇ж̇ирадтаваасино бхаг̇аванд̇ан̃жа имз жа д̇аяо гулабуд̇д̇з бассид̇ум̣ лабханд̇и, ванд̣̇ид̇ум̣ лабханд̇и, д̣̇зяяад̇хаммам̣ д̣̇аад̇ум̣ лабханд̇и, д̇хаммам̣ сод̇ум̣ лабханд̇и, д̇зсам̣ лаабхаа, бханд̇з, важ̇ж̇ийнанд̇и ад̇т̇о. сад̣̇д̣̇ам̣ суд̇ваад̇и со гира ад̇д̇ано яагкаанубхаавзна маханд̇ам̣ сад̣̇д̣̇ам̣ гад̇ваа сагалам̣ важ̇ж̇ирадтам̣ аж̇жход̇т̇аранд̇о д̇ам̣ ваажам̣ нижчаарзси. д̇зна жасса д̇зсу ругкабаб̣б̣ад̇аад̣̇ийсу ад̇хивад̇т̇аа бхуммаа д̣̇звад̇аа сад̣̇д̣̇ам̣ ассосум̣. д̇ам̣ санд̇хааяа вуд̇д̇ам̣ – ‘‘сад̣̇д̣̇ам̣ суд̇ваа’’д̇и. ануссаавзсунд̇и маханд̇ам̣ сад̣̇д̣̇ам̣ суд̇ваа саавзсум̣. зса наяо саб̣б̣ад̇т̇а. яаава б̣рахмалогаад̇и яаава аганидтаб̣рахмалогаа. д̇ан̃жзби гуланд̇и, ‘‘амхаагам̣ гулад̇о нигкамид̇ваа имз гулабуд̇д̇аа баб̣б̣аж̇ид̇аа звам̣ сийлаванд̇о г̇ун̣аванд̇о аажаарасамбаннаа галяаан̣ад̇хаммаа’’д̇и звам̣ д̇ан̃жзби гулам̣ зд̇з д̇аяо гулабуд̇д̇з басаннажид̇д̇ам̣ ануссарзяяаад̇и звам̣ саб̣б̣ад̇т̇а ад̇т̇о д̣̇адтаб̣б̣о. ид̇и бхаг̇аваа яат̇аанусанд̇хинаава д̣̇зсанам̣ нидтабзсийд̇и.
Lābhā vata, bhanteti ye, bhante, vajjiraṭṭhavāsino bhagavantañca ime ca tayo kulaputte passituṃ labhanti, vandituṃ labhanti, deyyadhammaṃ dātuṃ labhanti, dhammaṃ sotuṃ labhanti, tesaṃ lābhā, bhante, vajjīnanti attho. Saddaṃ sutvāti so kira attano yakkhānubhāvena mahantaṃ saddaṃ katvā sakalaṃ vajjiraṭṭhaṃ ajjhottharanto taṃ vācaṃ nicchāresi. Tena cassa tesu rukkhapabbatādīsu adhivatthā bhummā devatā saddaṃ assosuṃ. Taṃ sandhāya vuttaṃ – ‘‘saddaṃ sutvā’’ti. Anussāvesunti mahantaṃ saddaṃ sutvā sāvesuṃ. Esa nayo sabbattha. Yāva brahmalokāti yāva akaniṭṭhabrahmalokā. Tañcepi kulanti, ‘‘amhākaṃ kulato nikkhamitvā ime kulaputtā pabbajitā evaṃ sīlavanto guṇavanto ācārasampannā kalyāṇadhammā’’ti evaṃ tañcepi kulaṃ ete tayo kulaputte pasannacittaṃ anussareyyāti evaṃ sabbattha attho daṭṭhabbo. Iti bhagavā yathānusandhināva desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣аг̇осин̇г̇асуд̇д̇аван̣н̣анаа нидтид̇аа.
Cūḷagosiṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. жуул̣аг̇осин̇г̇асуд̇д̇ам̣ • 1. Cūḷagosiṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣аг̇осин̇г̇асуд̇д̇аван̣н̣анаа • 1. Cūḷagosiṅgasuttavaṇṇanā
