| Library / Tipiṭaka / तिपिटक • Tipiṭaka / जातकपाळि • Jātakapāḷi |
२१. असीतिनिपातो
21. Asītinipāto
५३३. चूळहंसजातकं (१)
533. Cūḷahaṃsajātakaṃ (1)
१.
1.
‘‘सुमुख अनुपचिनन्ता, पक्कमन्ति विहङ्गमा।
‘‘Sumukha anupacinantā, pakkamanti vihaṅgamā;
गच्छ तुवम्पि मा कङ्खि, नत्थि बद्धे 1 सहायता’’॥
Gaccha tuvampi mā kaṅkhi, natthi baddhe 2 sahāyatā’’.
२.
2.
‘‘गच्छे वाहं न वा गच्छे, न तेन अमरो सियं।
‘‘Gacche vāhaṃ na vā gacche, na tena amaro siyaṃ;
सुखितं तं उपासित्वा, दुक्खितं तं कथं जहे॥
Sukhitaṃ taṃ upāsitvā, dukkhitaṃ taṃ kathaṃ jahe.
३.
3.
‘‘मरणं वा तया सद्धिं, जीवितं वा तया विना।
‘‘Maraṇaṃ vā tayā saddhiṃ, jīvitaṃ vā tayā vinā;
तदेव मरणं सेय्यो, यञ्चे जीवे तया विना॥
Tadeva maraṇaṃ seyyo, yañce jīve tayā vinā.
४.
4.
‘‘नेस धम्मो महाराज, यं तं एवं गतं जहे।
‘‘Nesa dhammo mahārāja, yaṃ taṃ evaṃ gataṃ jahe;
या गति तुय्हं सा मय्हं, रुच्चते विहगाधिप॥
Yā gati tuyhaṃ sā mayhaṃ, ruccate vihagādhipa.
५.
5.
सा कथं चेतयानस्स, मुत्तस्स तव रुच्चति॥
Sā kathaṃ cetayānassa, muttassa tava ruccati.
६.
6.
‘‘कं वा त्वं पस्ससे अत्थं, मम तुय्हञ्च पक्खिम।
‘‘Kaṃ vā tvaṃ passase atthaṃ, mama tuyhañca pakkhima;
ञातीनं वावसिट्ठानं, उभिन्नं जीवितक्खये॥
Ñātīnaṃ vāvasiṭṭhānaṃ, ubhinnaṃ jīvitakkhaye.
७.
7.
तादिसे सञ्चजं पाणं, कमत्थमभिजोतये’’॥
Tādise sañcajaṃ pāṇaṃ, kamatthamabhijotaye’’.
८.
8.
‘‘कथं नु पततं सेट्ठ, धम्मे अत्थं न बुज्झसि 7।
‘‘Kathaṃ nu patataṃ seṭṭha, dhamme atthaṃ na bujjhasi 8;
धम्मो अपचितो सन्तो, अत्थं दस्सेति पाणिनं॥
Dhammo apacito santo, atthaṃ dasseti pāṇinaṃ.
९.
9.
‘‘सोहं धम्मं अपेक्खानो, धम्मा चत्थं समुट्ठितं।
‘‘Sohaṃ dhammaṃ apekkhāno, dhammā catthaṃ samuṭṭhitaṃ;
भत्तिञ्च तयि सम्पस्सं, नावकङ्खामि जीवितं’’॥
Bhattiñca tayi sampassaṃ, nāvakaṅkhāmi jīvitaṃ’’.
१०.
10.
‘‘अद्धा एसो सतं धम्मो, यो मित्तो मित्तमापदे।
‘‘Addhā eso sataṃ dhammo, yo mitto mittamāpade;
न चजे जीवितस्सापि, हेतुधम्ममनुस्सरं॥
Na caje jīvitassāpi, hetudhammamanussaraṃ.
११.
11.
‘‘स्वायं धम्मो च ते चिण्णो, भत्ति च विदिता मयि।
‘‘Svāyaṃ dhammo ca te ciṇṇo, bhatti ca viditā mayi;
कामं करस्सु मय्हेतं, गच्छेवानुमतो मया’’॥
Kāmaṃ karassu mayhetaṃ, gacchevānumato mayā’’.
१२.
12.
१३.
13.
‘‘इच्चेवं 13 मन्तयन्तानं, अरियानं अरियवुत्तिनं।
‘‘Iccevaṃ 14 mantayantānaṃ, ariyānaṃ ariyavuttinaṃ;
पच्चदिस्सथ नेसादो, आतुरानमिवन्तको॥
Paccadissatha nesādo, āturānamivantako.
१४.
14.
‘‘ते सत्तुमभिसञ्चिक्ख, दीघरत्तं हिता दिजा।
‘‘Te sattumabhisañcikkha, dīgharattaṃ hitā dijā;
१५.
15.
‘‘धतरट्ठे च दिस्वान, समुड्डेन्ते ततो ततो।
‘‘Dhataraṭṭhe ca disvāna, samuḍḍente tato tato;
अभिक्कमथ वेगेन, दिजसत्तु दिजाधिपे॥
Abhikkamatha vegena, dijasattu dijādhipe.
१६.
16.
‘‘सो च वेगेनभिक्कम्म, आसज्ज परमे दिजे।
‘‘So ca vegenabhikkamma, āsajja parame dije;
१७.
17.
‘‘एकंव बद्धमासीनं, अबद्धञ्च पुनापरं।
‘‘Ekaṃva baddhamāsīnaṃ, abaddhañca punāparaṃ;
आसज्ज बद्धमासीनं, पेक्खमानमदीनवं॥
Āsajja baddhamāsīnaṃ, pekkhamānamadīnavaṃ.
१८.
18.
‘‘ततो सो विमतोयेव, पण्डरे अज्झभासथ।
‘‘Tato so vimatoyeva, paṇḍare ajjhabhāsatha;
पवड्ढकाये आसीने, दिजसङ्घगणाधिपे॥
Pavaḍḍhakāye āsīne, dijasaṅghagaṇādhipe.
१९.
19.
‘‘यं नु पासेन महता, बद्धो न कुरुते दिसं।
‘‘Yaṃ nu pāsena mahatā, baddho na kurute disaṃ;
अथ कस्मा अबद्धो त्वं, बली पक्खि न गच्छसि॥
Atha kasmā abaddho tvaṃ, balī pakkhi na gacchasi.
२०.
20.
‘‘किन्नु त्यायं 19 दिजो होति, मुत्तो बद्धं उपाससि।
‘‘Kinnu tyāyaṃ 20 dijo hoti, mutto baddhaṃ upāsasi;
ओहाय सकुणा यन्ति, किं एको अवहीयसि’’॥
Ohāya sakuṇā yanti, kiṃ eko avahīyasi’’.
२१.
21.
‘‘राजा मे सो दिजामित्त, सखा पाणसमो च मे।
‘‘Rājā me so dijāmitta, sakhā pāṇasamo ca me;
नेव नं विजहिस्सामि, याव कालस्स परियायं॥
Neva naṃ vijahissāmi, yāva kālassa pariyāyaṃ.
२२.
22.
‘‘कथं पनायं विहङ्गो, नाद्दस पासमोड्डितं।
‘‘Kathaṃ panāyaṃ vihaṅgo, nāddasa pāsamoḍḍitaṃ;
पदञ्हेतं महन्तानं, बोद्धुमरहन्ति आपदं॥
Padañhetaṃ mahantānaṃ, boddhumarahanti āpadaṃ.
२३.
23.
‘‘यदा पराभवो होति, पोसो जीवितसङ्खये।
‘‘Yadā parābhavo hoti, poso jīvitasaṅkhaye;
अथ जालञ्च पासञ्च, आसज्जापि न बुज्झति॥
Atha jālañca pāsañca, āsajjāpi na bujjhati.
२४.
24.
२५.
25.
अपि नो अनुमञ्ञासि, अपि नो जीवितं ददे’’॥
Api no anumaññāsi, api no jīvitaṃ dade’’.
२६.
26.
‘‘न चेव मे त्वं बद्धोसि, नपि इच्छामि ते वधं।
‘‘Na ceva me tvaṃ baddhosi, napi icchāmi te vadhaṃ;
कामं खिप्पमितो गन्त्वा, जीव त्वं अनिघो चिरं’’॥
Kāmaṃ khippamito gantvā, jīva tvaṃ anigho ciraṃ’’.
२७.
27.
‘‘नेवाहमेतमिच्छामि , अञ्ञत्रेतस्स जीविता।
‘‘Nevāhametamicchāmi , aññatretassa jīvitā;
सचे एकेन तुट्ठोसि, मुञ्चेतं मञ्च भक्खय॥
Sace ekena tuṭṭhosi, muñcetaṃ mañca bhakkhaya.
२८.
28.
२९.
29.
मं पुब्बे बन्ध पासेन, पच्छा मुञ्च दिजाधिपं॥
Maṃ pubbe bandha pāsena, pacchā muñca dijādhipaṃ.
३०.
30.
मित्ति च धतरट्ठेहि, यावजीवाय ते सिया’’॥
Mitti ca dhataraṭṭhehi, yāvajīvāya te siyā’’.
३१.
31.
‘‘पस्सन्तु नो महासङ्घा, तया मुत्तं इतो गतं।
‘‘Passantu no mahāsaṅghā, tayā muttaṃ ito gataṃ;
मित्तामच्चा च भच्चा च, पुत्तदारा च बन्धवा॥
Mittāmaccā ca bhaccā ca, puttadārā ca bandhavā.
३२.
32.
यथा त्वं धतरट्ठस्स, पाणसाधारणो सखा॥
Yathā tvaṃ dhataraṭṭhassa, pāṇasādhāraṇo sakhā.
३३.
33.
‘‘सो ते सहायं मुञ्चामि, होतु राजा तवानुगो।
‘‘So te sahāyaṃ muñcāmi, hotu rājā tavānugo;
कामं खिप्पमितो गन्त्वा, ञातिमज्झे विरोचथ’’॥
Kāmaṃ khippamito gantvā, ñātimajjhe virocatha’’.
३४.
34.
३५.
35.
‘‘एवं लुद्दक नन्दस्सु, सह सब्बेहि ञातिभि।
‘‘Evaṃ luddaka nandassu, saha sabbehi ñātibhi;
यथाहमज्ज नन्दामि, मुत्तं दिस्वा दिजाधिपं’’॥
Yathāhamajja nandāmi, muttaṃ disvā dijādhipaṃ’’.
३६.
36.
‘‘एहि तं अनुसिक्खामि, यथा त्वमपि लच्छसे।
‘‘Ehi taṃ anusikkhāmi, yathā tvamapi lacchase;
३७.
37.
‘‘खिप्पमन्तेपुरं नेत्वा 47, रञ्ञो दस्सेहि नो उभो।
‘‘Khippamantepuraṃ netvā 48, rañño dassehi no ubho;
३८.
38.
‘‘धतरट्ठा महाराज, हंसाधिपतिनो इमे।
‘‘Dhataraṭṭhā mahārāja, haṃsādhipatino ime;
अयञ्हि राजा हंसानं, अयं सेनापतीतरो॥
Ayañhi rājā haṃsānaṃ, ayaṃ senāpatītaro.
३९.
39.
‘‘असंसयं इमं दिस्वा, हंसराजं नराधिपो।
‘‘Asaṃsayaṃ imaṃ disvā, haṃsarājaṃ narādhipo;
४०.
40.
‘‘तस्स तं वचनं सुत्वा, कम्मुना उपपादयि।
‘‘Tassa taṃ vacanaṃ sutvā, kammunā upapādayi;
खिप्पमन्तेपुरं गन्त्वा, रञ्ञो हंसे अदस्सयि।
Khippamantepuraṃ gantvā, rañño haṃse adassayi;
अबद्धे पकतिभूते, काजे उभयतो ठिते॥
Abaddhe pakatibhūte, kāje ubhayato ṭhite.
४१.
41.
‘‘धतरट्ठा महाराज, हंसाधिपतिनो इमे।
‘‘Dhataraṭṭhā mahārāja, haṃsādhipatino ime;
अयञ्हि राजा हंसानं, अयं सेनापतीतरो’’॥
Ayañhi rājā haṃsānaṃ, ayaṃ senāpatītaro’’.
४२.
42.
कथं लुद्दो महन्तानं, इस्सरे इध अज्झगा’’॥
Kathaṃ luddo mahantānaṃ, issare idha ajjhagā’’.
४३.
43.
‘‘विहिता सन्तिमे पासा, पल्ललेसु जनाधिप।
‘‘Vihitā santime pāsā, pallalesu janādhipa;
यं यदायतनं मञ्ञे, दिजानं पाणरोधनं॥
Yaṃ yadāyatanaṃ maññe, dijānaṃ pāṇarodhanaṃ.
४४.
44.
‘‘तादिसं पासमासज्ज, हंसराजा अबज्झथ।
‘‘Tādisaṃ pāsamāsajja, haṃsarājā abajjhatha;
तं अबद्धो उपासीनो, ममायं अज्झभासथ॥
Taṃ abaddho upāsīno, mamāyaṃ ajjhabhāsatha.
४५.
45.
‘‘सुदुक्करं अनरियेहि, दहते भावमुत्तमं।
‘‘Sudukkaraṃ anariyehi, dahate bhāvamuttamaṃ;
४६.
46.
अनुत्थुनन्तो आसीनो, भत्तु याचित्थ जीवितं॥
Anutthunanto āsīno, bhattu yācittha jīvitaṃ.
४७.
47.
‘‘तस्स तं वचनं सुत्वा, पसादमहमज्झगा।
‘‘Tassa taṃ vacanaṃ sutvā, pasādamahamajjhagā;
४८.
48.
‘‘‘सो पतीतो पमुत्तेन, भत्तुना भत्तुगारवो।
‘‘‘So patīto pamuttena, bhattunā bhattugāravo;
अज्झभासथ वक्कङ्गो, वाचं कण्णसुखं भणं॥
Ajjhabhāsatha vakkaṅgo, vācaṃ kaṇṇasukhaṃ bhaṇaṃ.
४९.
49.
‘‘‘एवं लुद्दक नन्दस्सु, सह सब्बेहि ञातिभि।
‘‘‘Evaṃ luddaka nandassu, saha sabbehi ñātibhi;
यथाहमज्ज नन्दामि, मुत्तं दिस्वा दिजाधिपं॥
Yathāhamajja nandāmi, muttaṃ disvā dijādhipaṃ.
५०.
50.
‘‘‘एहि तं अनुसिक्खामि, यथा त्वमपि लच्छसे।
‘‘‘Ehi taṃ anusikkhāmi, yathā tvamapi lacchase;
लाभं तवायं धतरट्ठो, पापं किञ्चि न दक्खति॥
Lābhaṃ tavāyaṃ dhataraṭṭho, pāpaṃ kiñci na dakkhati.
५१.
51.
‘‘‘खिप्पमन्तेपुरं नेत्वा 63, रञ्ञो दस्सेहि नो उभो।
‘‘‘Khippamantepuraṃ netvā 64, rañño dassehi no ubho;
अबद्धे पकतिभूते, काजे उभयतो ठिते॥
Abaddhe pakatibhūte, kāje ubhayato ṭhite.
५२.
52.
‘‘‘धतरट्ठा महाराज, हंसाधिपतिनो इमे।
‘‘‘Dhataraṭṭhā mahārāja, haṃsādhipatino ime;
अयञ्हि राजा हंसानं, अयं सेनापतीतरो॥
Ayañhi rājā haṃsānaṃ, ayaṃ senāpatītaro.
५३.
53.
‘‘‘असंसयं इमं दिस्वा, हंसराजं नराधिपो।
‘‘‘Asaṃsayaṃ imaṃ disvā, haṃsarājaṃ narādhipo;
पतीतो सुमनो वित्तो, बहुं दस्सति ते धनं’॥
Patīto sumano vitto, bahuṃ dassati te dhanaṃ’.
५४.
54.
‘‘एवमेतस्स वचना, आनीतामे उभो मया।
‘‘Evametassa vacanā, ānītāme ubho mayā;
५५.
55.
‘‘सोयं एवं गतो पक्खी, दिजो परमधम्मिको।
‘‘Soyaṃ evaṃ gato pakkhī, dijo paramadhammiko;
मादिसस्स हि लुद्दस्स, जनयेय्याथ मद्दवं॥
Mādisassa hi luddassa, janayeyyātha maddavaṃ.
५६.
56.
‘‘उपायनञ्च ते देव, नाञ्ञं पस्सामि एदिसं।
‘‘Upāyanañca te deva, nāññaṃ passāmi edisaṃ;
सब्बसाकुणिकागामे, तं पस्स मनुजाधिप’’॥
Sabbasākuṇikāgāme, taṃ passa manujādhipa’’.
५७.
57.
‘‘दिस्वा निसिन्नं राजानं, पीठे सोवण्णये सुभे।
‘‘Disvā nisinnaṃ rājānaṃ, pīṭhe sovaṇṇaye subhe;
अज्झभासथ वक्कङ्गो, वाचं कण्णसुखं भणं॥
Ajjhabhāsatha vakkaṅgo, vācaṃ kaṇṇasukhaṃ bhaṇaṃ.
५८.
58.
‘‘कच्चिन्नु भोतो कुसलं, कच्चि भोतो अनामयं।
‘‘Kaccinnu bhoto kusalaṃ, kacci bhoto anāmayaṃ;
कच्चि रट्ठमिदं फीतं, धम्मेन मनुसाससि’’॥
Kacci raṭṭhamidaṃ phītaṃ, dhammena manusāsasi’’.
५९.
59.
‘‘कुसलञ्चेव मे हंस, अथो हंस अनामयं।
‘‘Kusalañceva me haṃsa, atho haṃsa anāmayaṃ;
६०.
60.
‘‘कच्चि भोतो अमच्चेसु, दोसो कोचि न विज्जति।
‘‘Kacci bhoto amaccesu, doso koci na vijjati;
६१.
61.
‘‘अथोपि मे अमच्चेसु, दोसो कोचि न विज्जति।
‘‘Athopi me amaccesu, doso koci na vijjati;
६२.
62.
‘‘कच्चि ते सादिसी भरिया, अस्सवा पियभाणिनी।
‘‘Kacci te sādisī bhariyā, assavā piyabhāṇinī;
पुत्तरूपयसूपेता, तव छन्दवसानुगा’’॥
Puttarūpayasūpetā, tava chandavasānugā’’.
६३.
63.
‘‘अथो मे सादिसी भरिया, अस्सवा पियभाणिनी।
‘‘Atho me sādisī bhariyā, assavā piyabhāṇinī;
पुत्तरूपयसूपेता, मम छन्दवसानुगा’’॥
Puttarūpayasūpetā, mama chandavasānugā’’.
६४.
64.
दुक्खमापज्जि विपुलं, तस्मिं पठममापदे॥
Dukkhamāpajji vipulaṃ, tasmiṃ paṭhamamāpade.
६५.
65.
‘‘कच्चि यन्तापतित्वान, दण्डेन समपोथयि।
‘‘Kacci yantāpatitvāna, daṇḍena samapothayi;
६६.
66.
न चायं किञ्चि रस्मासु, सत्तूव समपज्जथ॥
Na cāyaṃ kiñci rasmāsu, sattūva samapajjatha.
६७.
67.
‘‘पच्चगमित्थ नेसादो, पुब्बेव अज्झभासथ।
‘‘Paccagamittha nesādo, pubbeva ajjhabhāsatha;
तदायं सुमुखोयेव, पण्डितो पच्चभासथ॥
Tadāyaṃ sumukhoyeva, paṇḍito paccabhāsatha.
६८.
68.
‘‘तस्स तं वचनं सुत्वा, पसादमयमज्झगा।
‘‘Tassa taṃ vacanaṃ sutvā, pasādamayamajjhagā;
ततो मं पामुची पासा, अनुञ्ञासि सुखेन च॥
Tato maṃ pāmucī pāsā, anuññāsi sukhena ca.
६९.
69.
‘‘इदञ्च सुमुखेनेव, एतदत्थाय चिन्तितं।
‘‘Idañca sumukheneva, etadatthāya cintitaṃ;
७०.
70.
‘‘स्वागतञ्चेविदं भवतं, पतीतो चस्मि दस्सना।
‘‘Svāgatañcevidaṃ bhavataṃ, patīto casmi dassanā;
७१.
71.
‘‘सन्तप्पयित्वा नेसादं, भोगेहि मनुजाधिपो।
‘‘Santappayitvā nesādaṃ, bhogehi manujādhipo;
अज्झभासथ वक्कङ्गं, वाचं कण्णसुखं भणं’’॥
Ajjhabhāsatha vakkaṅgaṃ, vācaṃ kaṇṇasukhaṃ bhaṇaṃ’’.
७२.
72.
‘‘यं खलु धम्ममाधीनं, वसो वत्तति किञ्चनं।
‘‘Yaṃ khalu dhammamādhīnaṃ, vaso vattati kiñcanaṃ;
७३.
73.
‘‘दानत्थं उपभोत्तुं वा, यं चञ्ञं उपकप्पति।
‘‘Dānatthaṃ upabhottuṃ vā, yaṃ caññaṃ upakappati;
एतं ददामि वो वित्तं, इस्सरियं 89 विस्सजामि वो’’॥
Etaṃ dadāmi vo vittaṃ, issariyaṃ 90 vissajāmi vo’’.
७४.
74.
‘‘यथा च म्यायं सुमुखो, अज्झभासेय्य पण्डितो।
‘‘Yathā ca myāyaṃ sumukho, ajjhabhāseyya paṇḍito;
कामसा बुद्धिसम्पन्नो, तं म्यास्स परमप्पियं’’॥
Kāmasā buddhisampanno, taṃ myāssa paramappiyaṃ’’.
७५.
75.
‘‘अहं खलु महाराज, नागराजारिवन्तरं।
‘‘Ahaṃ khalu mahārāja, nāgarājārivantaraṃ;
पटिवत्तुं न सक्कोमि, न मे सो विनयो सिया॥
Paṭivattuṃ na sakkomi, na me so vinayo siyā.
७६.
76.
भूमिपालो मनुस्सिन्दो, पूजा बहूहि हेतुहि॥
Bhūmipālo manussindo, pūjā bahūhi hetuhi.
७७.
77.
‘‘तेसं उभिन्नं भणतं, वत्तमाने विनिच्छये।
‘‘Tesaṃ ubhinnaṃ bhaṇataṃ, vattamāne vinicchaye;
७८.
78.
‘‘धम्मेन किर नेसादो, पण्डितो अण्डजो इति।
‘‘Dhammena kira nesādo, paṇḍito aṇḍajo iti;
न हेव अकतत्तस्स, नयो एतादिसो सिया॥
Na heva akatattassa, nayo etādiso siyā.
७९.
79.
‘‘एवं अग्गपकतिमा, एवं उत्तमसत्तवो।
‘‘Evaṃ aggapakatimā, evaṃ uttamasattavo;
यावतत्थि मया दिट्ठा, नाञ्ञं पस्सामि एदिसं॥
Yāvatatthi mayā diṭṭhā, nāññaṃ passāmi edisaṃ.
८०.
80.
‘‘तुट्ठोस्मि वो पकतिया, वाक्येन मधुरेन च।
‘‘Tuṭṭhosmi vo pakatiyā, vākyena madhurena ca;
एसो चापि ममच्छन्दो, चिरं पस्सेय्य वो उभो’’॥
Eso cāpi mamacchando, ciraṃ passeyya vo ubho’’.
८१.
81.
पत्ता निस्संसयं त्याम्हा 101, भत्तिरस्मासु या तव॥
Pattā nissaṃsayaṃ tyāmhā 102, bhattirasmāsu yā tava.
८२.
82.
‘‘अदुञ्च नून सुमहा, ञातिसङ्घस्स मन्तरं।
‘‘Aduñca nūna sumahā, ñātisaṅghassa mantaraṃ;
८३.
83.
‘‘तेसं सोकविघाताय, तया अनुमता मयं।
‘‘Tesaṃ sokavighātāya, tayā anumatā mayaṃ;
८४.
84.
‘‘अद्धाहं विपुलं पीतिं, भवतं विन्दामि दस्सना।
‘‘Addhāhaṃ vipulaṃ pītiṃ, bhavataṃ vindāmi dassanā;
एसो चापि महा अत्थो, ञातिविस्सासना सिया’’॥
Eso cāpi mahā attho, ñātivissāsanā siyā’’.
८५.
85.
८६.
86.
‘‘ते अरोगे अनुप्पत्ते, दिस्वान परमे दिजे।
‘‘Te aroge anuppatte, disvāna parame dije;
केकाति मकरुं हंसा, पुथुसद्दो अजायथ॥
Kekāti makaruṃ haṃsā, puthusaddo ajāyatha.
८७.
87.
‘‘ते पतीता पमुत्तेन, भत्तुना भत्तुगारवा।
‘‘Te patītā pamuttena, bhattunā bhattugāravā;
८८.
88.
‘‘एवं मित्तवतं अत्था, सब्बे होन्ति पदक्खिणा।
‘‘Evaṃ mittavataṃ atthā, sabbe honti padakkhiṇā;
हंसा यथा धतरट्ठा, ञातिसङ्घं उपागमु’’न्ति॥
Haṃsā yathā dhataraṭṭhā, ñātisaṅghaṃ upāgamu’’nti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [५३३] १. चूळहंसजातकवण्णना • [533] 1. Cūḷahaṃsajātakavaṇṇanā
