Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[502] 6. жуул̣ахам̣саж̇аад̇агаван̣н̣анаа

[502] 6. Cūḷahaṃsajātakavaṇṇanā

зд̇з хам̣саа баггаманд̇ийд̇и ид̣̇ам̣ сад̇т̇аа взл̣уванз вихаранд̇о аананд̣̇ат̇зрасса ж̇ийвид̇абарижжааг̇амзва аараб̣бха гат̇зси. д̇ад̣̇ааби хи д̇хаммасабхааяам̣ т̇зрасса г̇ун̣агат̇ам̣ гат̇знд̇зсу бхигкуусу сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби аананд̣̇зна мамад̇т̇ааяа ж̇ийвид̇ам̣ барижжад̇д̇амзваа’’д̇и вад̇ваа ад̇ийд̇ам̣ аахари.

Ete haṃsā pakkamantīti idaṃ satthā veḷuvane viharanto ānandatherassa jīvitapariccāgameva ārabbha kathesi. Tadāpi hi dhammasabhāyaṃ therassa guṇakathaṃ kathentesu bhikkhūsu satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi ānandena mamatthāya jīvitaṃ pariccattamevā’’ti vatvā atītaṃ āhari.

ад̇ийд̇з б̣аараан̣асияам̣ б̣ахубуд̇д̇аго наама рааж̇аа раж̇ж̇ам̣ гаарзси. кзмаа наамасса аг̇г̇амахзсий ахоси. д̇ад̣̇аа махаасад̇д̇о суван̣н̣ахам̣саяонияам̣ ниб̣б̣ад̇д̇ид̇ваа навуд̇ихам̣сасахассабаривуд̇о жид̇д̇агуудз васи. д̇ад̣̇ааби д̣̇звий вуд̇д̇анаязнзва субинам̣ д̣̇исваа ран̃н̃о суван̣н̣аван̣н̣ахам̣сасса д̇хаммад̣̇зсанаасаванад̣̇охал̣ам̣ аарожзси. рааж̇ааби амажжз бужчид̇ваа ‘‘суван̣н̣аван̣н̣ахам̣саа наама жид̇д̇агуудабаб̣б̣ад̇з васанд̇ий’’д̇и жа суд̇ваа кзмам̣ наама сарам̣ гаарзд̇ваа наанаббагаараани ниваабад̇хан̃н̃аани робаабзд̇ваа жад̇уусу ган̣н̣зсу д̣̇звасигам̣ абхаяагхосанам̣ гхосаабзси, зган̃жа луд̣̇д̣̇абуд̇д̇ам̣ хам̣саанам̣ г̇ахан̣ад̇т̇ааяа баяож̇зси. д̇асса баяож̇ид̇аагааро жа, д̇зна д̇ад̇т̇а сагун̣аанам̣ убабаригкид̇абхааво жа, суван̣н̣ахам̣саанам̣ ааг̇ад̇агаалз ран̃н̃о аарожзд̇ваа баасаанам̣ од̣д̣ид̇анияаамо жа, махаасад̇д̇асса баасз б̣ад̣̇д̇ханияаамо жа, сумукасса хам̣сасзнаабад̇ино д̇ийсу хам̣сагхадаасу д̇ам̣ ад̣̇исваа нивад̇д̇анан̃жа саб̣б̣ам̣ махаахам̣саж̇аад̇агз (ж̇аа. 2.21.89 аад̣̇аяо) аави бхависсад̇и. ид̇хааби махаасад̇д̇о яадтибаасз б̣аж̇жхид̇ваа баасаяадтияам̣ оламб̣анд̇оязва г̇ийвам̣ басаарзд̇ваа хам̣саанам̣ г̇ад̇амаг̇г̇ам̣ ологзнд̇о сумукам̣ ааг̇ажчанд̇ам̣ д̣̇исваа ‘‘ааг̇ад̇агаалз нам̣ виймам̣сиссаамий’’д̇и жинд̇зд̇ваа д̇асмим̣ ааг̇ад̇з д̇иссо г̇аат̇аа абхааси –

Atīte bārāṇasiyaṃ bahuputtako nāma rājā rajjaṃ kāresi. Khemā nāmassa aggamahesī ahosi. Tadā mahāsatto suvaṇṇahaṃsayoniyaṃ nibbattitvā navutihaṃsasahassaparivuto cittakūṭe vasi. Tadāpi devī vuttanayeneva supinaṃ disvā rañño suvaṇṇavaṇṇahaṃsassa dhammadesanāsavanadohaḷaṃ ārocesi. Rājāpi amacce pucchitvā ‘‘suvaṇṇavaṇṇahaṃsā nāma cittakūṭapabbate vasantī’’ti ca sutvā khemaṃ nāma saraṃ kāretvā nānappakārāni nivāpadhaññāni ropāpetvā catūsu kaṇṇesu devasikaṃ abhayaghosanaṃ ghosāpesi, ekañca luddaputtaṃ haṃsānaṃ gahaṇatthāya payojesi. Tassa payojitākāro ca, tena tattha sakuṇānaṃ upaparikkhitabhāvo ca, suvaṇṇahaṃsānaṃ āgatakāle rañño ārocetvā pāsānaṃ oḍḍitaniyāmo ca, mahāsattassa pāse baddhaniyāmo ca, sumukhassa haṃsasenāpatino tīsu haṃsaghaṭāsu taṃ adisvā nivattanañca sabbaṃ mahāhaṃsajātake (jā. 2.21.89 ādayo) āvi bhavissati. Idhāpi mahāsatto yaṭṭhipāse bajjhitvā pāsayaṭṭhiyaṃ olambantoyeva gīvaṃ pasāretvā haṃsānaṃ gatamaggaṃ olokento sumukhaṃ āgacchantaṃ disvā ‘‘āgatakāle naṃ vīmaṃsissāmī’’ti cintetvā tasmiṃ āgate tisso gāthā abhāsi –

133.

‘‘зд̇з хам̣саа баггаманд̇и, вагган̇г̇аа бхаяамзрид̇аа;

‘‘Ete haṃsā pakkamanti, vakkaṅgā bhayameritā;

харид̇д̇ажа хзмаван̣н̣а, гаамам̣ сумука баггама.

Harittaca hemavaṇṇa, kāmaṃ sumukha pakkama.

134.

‘‘охааяа мам̣ н̃аад̇иг̇ан̣аа, згам̣ баасавасам̣ г̇ад̇ам̣;

‘‘Ohāya maṃ ñātigaṇā, ekaṃ pāsavasaṃ gataṃ;

анабзгкамаанаа г̇ажчанд̇и, гим̣ зго авахияяаси.

Anapekkhamānā gacchanti, kiṃ eko avahiyyasi.

135.

‘‘бад̇зва бад̇ад̇ам̣ сздта, над̇т̇и б̣ад̣̇д̇хз сахааяад̇аа;

‘‘Pateva patataṃ seṭṭha, natthi baddhe sahāyatā;

маа анийгхааяа хаабзси, гаамам̣ сумука баггамаа’’д̇и.

Mā anīghāya hāpesi, kāmaṃ sumukha pakkamā’’ti.

д̇ад̇т̇а бхаяамзрид̇аад̇и бхаязрид̇аа бхаяад̇аж̇ж̇ид̇аа бхаяажалид̇аа. харид̇д̇ажа хзмаван̣н̣аад̇и д̣̇вийхиби важанзхи д̇амзваалабад̇и. гааманд̇и суван̣н̣ад̇д̇ажа, суван̣н̣аван̣н̣а, сунд̣̇арамука згам̣сзна баггамаахиязва, гим̣ д̇з ид̇хааг̇аманзнаад̇и вад̣̇ад̇и. охааяаад̇и мам̣ ж̇ахид̇ваа уббад̇ид̇аа. анабзгкамаанаад̇и д̇з мама н̃аад̇агаа маяи анабзгкаава г̇ажчанд̇и. бад̇зваад̇и уббад̇зва. маа анийгхааяаад̇и ид̇о г̇анд̇ваа бад̇д̇аб̣б̣ааяа нид̣̇д̣̇угкабхаавааяа вийрияам̣ маа хаабзси.

Tattha bhayameritāti bhayeritā bhayatajjitā bhayacalitā. Harittaca hemavaṇṇāti dvīhipi vacanehi tamevālapati. Kāmanti suvaṇṇattaca, suvaṇṇavaṇṇa, sundaramukha ekaṃsena pakkamāhiyeva, kiṃ te idhāgamanenāti vadati. Ohāyāti maṃ jahitvā uppatitā. Anapekkhamānāti te mama ñātakā mayi anapekkhāva gacchanti. Patevāti uppateva. Mā anīghāyāti ito gantvā pattabbāya niddukkhabhāvāya vīriyaṃ mā hāpesi.

д̇ад̇о сумуко бан̇габидтз нисийд̣̇ид̇ваа г̇аат̇амааха –

Tato sumukho paṅkapiṭṭhe nisīditvā gāthamāha –

136.

‘‘наахам̣ д̣̇угкабарзд̇од̇и, д̇хад̇арадта д̇увам̣ ж̇ахз;

‘‘Nāhaṃ dukkhaparetoti, dhataraṭṭha tuvaṃ jahe;

ж̇ийвид̇ам̣ маран̣ам̣ ваа мз, д̇аяаа сад̣̇д̇хим̣ бхависсад̇ий’’д̇и.

Jīvitaṃ maraṇaṃ vā me, tayā saddhiṃ bhavissatī’’ti.

д̇ад̇т̇а д̣̇угкабарзд̇од̇и махаарааж̇а, ‘‘д̇вам̣ маран̣ад̣̇угкабарзд̇о’’д̇и зд̇д̇агзнзва наахам̣ д̇ам̣ ж̇ахаами.

Tattha dukkhaparetoti mahārāja, ‘‘tvaṃ maraṇadukkhapareto’’ti ettakeneva nāhaṃ taṃ jahāmi.

звам̣ сумукзна сийханаад̣̇з гат̇ид̇з д̇хад̇арадто г̇аат̇амааха –

Evaṃ sumukhena sīhanāde kathite dhataraṭṭho gāthamāha –

137.

‘‘зд̇ад̣̇арияасса галяаан̣ам̣, яам̣ д̇вам̣ сумука бхаасаси;

‘‘Etadariyassa kalyāṇaṃ, yaṃ tvaṃ sumukha bhāsasi;

д̇ан̃жа виймам̣самаанохам̣, бад̇ад̇зд̇ам̣ авассаж̇и’’нд̇и.

Tañca vīmaṃsamānohaṃ, patatetaṃ avassaji’’nti.

д̇ад̇т̇а зд̇ад̣̇арияассаад̇и яам̣ д̇вам̣ ‘‘наахам̣ д̇ам̣ ж̇ахз’’д̇и бхаасаси, зд̇ам̣ аажаарасамбаннасса арияасса галяаан̣ам̣ уд̇д̇амаважанам̣. бад̇ад̇зд̇анд̇и ахан̃жа на д̇ам̣ виссаж̇ж̇зд̇угаамова звам̣ аважам̣, ат̇а ко д̇ам̣ виймам̣самаано ‘‘бад̇ад̇уу’’д̇и зд̇ам̣ важанам̣ авассаж̇им̣, г̇ажчаад̇и д̇ам̣ авожанд̇и ад̇т̇о.

Tattha etadariyassāti yaṃ tvaṃ ‘‘nāhaṃ taṃ jahe’’ti bhāsasi, etaṃ ācārasampannassa ariyassa kalyāṇaṃ uttamavacanaṃ. Patatetanti ahañca na taṃ vissajjetukāmova evaṃ avacaṃ, atha kho taṃ vīmaṃsamāno ‘‘patatū’’ti etaṃ vacanaṃ avassajiṃ, gacchāti taṃ avocanti attho.

звам̣ д̇зсам̣ гат̇знд̇аанан̃н̃зва луд̣̇д̣̇абуд̇д̇о д̣̇ан̣д̣амаад̣̇ааяа взг̇знааг̇ад̇о. сумуко д̇хад̇арадтам̣ ассаасзд̇ваа д̇ассаабхимуко г̇анд̇ваа абажид̇им̣ д̣̇ассзд̇ваа хам̣саран̃н̃о г̇ун̣з гат̇зси. д̇аавад̣̇зва луд̣̇д̣̇о муд̣̇ужид̇д̇о ахоси. со д̇асса муд̣̇ужид̇д̇агам̣ н̃ад̇ваа буна г̇анд̇ваа хам̣сарааж̇амзва ассаасзнд̇о адтааси. луд̣̇д̣̇оби хам̣сарааж̇аанам̣ убасан̇гамид̇ваа чадтам̣ г̇аат̇амааха –

Evaṃ tesaṃ kathentānaññeva luddaputto daṇḍamādāya vegenāgato. Sumukho dhataraṭṭhaṃ assāsetvā tassābhimukho gantvā apacitiṃ dassetvā haṃsarañño guṇe kathesi. Tāvadeva luddo muducitto ahosi. So tassa muducittakaṃ ñatvā puna gantvā haṃsarājameva assāsento aṭṭhāsi. Luddopi haṃsarājānaṃ upasaṅkamitvā chaṭṭhaṃ gāthamāha –

138.

‘‘абад̣̇зна бад̣̇ам̣ яаад̇и, анд̇алигкажаро д̣̇иж̇о;

‘‘Apadena padaṃ yāti, antalikkhacaro dijo;

аараа баасам̣ на б̣уж̇жхи д̇вам̣, хам̣саанам̣ баваруд̇д̇амаа’’д̇и.

Ārā pāsaṃ na bujjhi tvaṃ, haṃsānaṃ pavaruttamā’’ti.

д̇ад̇т̇а абад̣̇зна бад̣̇анд̇и махаарааж̇а, д̇умхаад̣̇исо анд̇алигкажаро д̣̇иж̇о абад̣̇з аагаасз бад̣̇ам̣ гад̇ваа яаад̇и. на б̣уж̇жхи д̇ванд̇и со д̇вам̣ зваруубо д̣̇уурад̇ова имам̣ баасам̣ на б̣уж̇жхи на ж̇аанийд̇и бужчад̇и.

Tattha apadena padanti mahārāja, tumhādiso antalikkhacaro dijo apade ākāse padaṃ katvā yāti. Na bujjhi tvanti so tvaṃ evarūpo dūratova imaṃ pāsaṃ na bujjhi na jānīti pucchati.

махаасад̇д̇о ааха –

Mahāsatto āha –

139.

‘‘яад̣̇аа бараабхаво ход̇и, босо ж̇ийвид̇асан̇каяз;

‘‘Yadā parābhavo hoti, poso jīvitasaṅkhaye;

ат̇а ж̇аалан̃жа баасан̃жа, аасаж̇ж̇ааби на б̣уж̇жхад̇ий’’д̇и.

Atha jālañca pāsañca, āsajjāpi na bujjhatī’’ti.

д̇ад̇т̇а яад̣̇аа бараабхавод̇и самма луд̣̇д̣̇абуд̇д̇а, яад̣̇аа бараабхаво авуд̣дхи винаасо самбад̇д̇о ход̇и, ат̇а босо ж̇ийвид̇асан̇каяз бад̇д̇з ж̇аалан̃жа баасан̃жа бад̇вааби на ж̇аанаад̇ийд̇и ад̇т̇о.

Tattha yadā parābhavoti samma luddaputta, yadā parābhavo avuḍḍhi vināso sampatto hoti, atha poso jīvitasaṅkhaye patte jālañca pāsañca patvāpi na jānātīti attho.

луд̣̇д̣̇о хам̣саран̃н̃о гат̇ам̣ абхинанд̣̇ид̇ваа сумукзна сад̣̇д̇хим̣ саллабанд̇о д̇иссо г̇аат̇аа абхааси –

Luddo haṃsarañño kathaṃ abhinanditvā sumukhena saddhiṃ sallapanto tisso gāthā abhāsi –

140.

‘‘зд̇з хам̣саа баггаманд̇и, вагган̇г̇аа бхаяамзрид̇аа;

‘‘Ete haṃsā pakkamanti, vakkaṅgā bhayameritā;

харид̇д̇ажа хзмаван̣н̣а, д̇ван̃н̃зва авахияяаси.

Harittaca hemavaṇṇa, tvaññeva avahiyyasi.

141.

‘‘зд̇з бхуд̇ваа жа бивид̇ваа жа, баггаманд̇и вихан̇г̇амаа;

‘‘Ete bhutvā ca pivitvā ca, pakkamanti vihaṅgamā;

анабзгкамаанаа вагган̇г̇аа, д̇ван̃н̃звзго убаасаси.

Anapekkhamānā vakkaṅgā, tvaññeveko upāsasi.

142.

‘‘гим̣ ну д̇яааяам̣ д̣̇иж̇о ход̇и, муд̇д̇о б̣ад̣̇д̇хам̣ убаасаси;

‘‘Kiṃ nu tyāyaṃ dijo hoti, mutto baddhaṃ upāsasi;

охааяа сагун̣аа яанд̇и, гим̣ зго авахияяасий’’д̇и.

Ohāya sakuṇā yanti, kiṃ eko avahiyyasī’’ti.

д̇ад̇т̇а д̇ван̃н̃зваад̇и д̇вамзва охияяасийд̇и бужчад̇и. убаасасийд̇и баяирубаасаси.

Tattha tvaññevāti tvameva ohiyyasīti pucchati. Upāsasīti payirupāsasi.

сумуко ааха –

Sumukho āha –

143.

‘‘рааж̇аа мз со д̣̇иж̇о мид̇д̇о, сакаа баан̣асамо жа мз;

‘‘Rājā me so dijo mitto, sakhā pāṇasamo ca me;

нзва нам̣ виж̇ахиссаами, яаава гааласса барияааяа’’нд̇и.

Neva naṃ vijahissāmi, yāva kālassa pariyāya’’nti.

д̇ад̇т̇а яаава гааласса барияааяанд̇и луд̣̇д̣̇абуд̇д̇а, яаава ж̇ийвид̇агааласса барияосаанам̣ ахам̣ зд̇ам̣ на виж̇ахиссаамиязва.

Tattha yāva kālassa pariyāyanti luddaputta, yāva jīvitakālassa pariyosānaṃ ahaṃ etaṃ na vijahissāmiyeva.

д̇ам̣ суд̇ваа луд̣̇д̣̇о басаннажид̇д̇о худ̇ваа ‘‘сажаахам̣ звам̣ сийласамбаннзсу имзсу абараж̇жхиссаами, бат̇авийби мз виварам̣ д̣̇ад̣̇зяяа, гим̣ мз ран̃н̃о санд̇игаа лад̣̇д̇хзна д̇ханзна, виссаж̇ж̇зссаами на’’нд̇и жинд̇зд̇ваа г̇аат̇амааха –

Taṃ sutvā luddo pasannacitto hutvā ‘‘sacāhaṃ evaṃ sīlasampannesu imesu aparajjhissāmi, pathavīpi me vivaraṃ dadeyya, kiṃ me rañño santikā laddhena dhanena, vissajjessāmi na’’nti cintetvā gāthamāha –

144.

‘‘яо жа д̇вам̣ сакино хзд̇у, баан̣ам̣ жаж̇ид̇умижчаси;

‘‘Yo ca tvaṃ sakhino hetu, pāṇaṃ cajitumicchasi;

со д̇з сахааяам̣ мун̃жаами, ход̇у рааж̇аа д̇аваануг̇о’’д̇и.

So te sahāyaṃ muñcāmi, hotu rājā tavānugo’’ti.

д̇ад̇т̇а яо жа д̇ванд̇и яо наама д̇вам̣. сод̇и со ахам̣. д̇аваануг̇од̇и зса хам̣сарааж̇аа д̇ава васам̣ ануг̇ад̇о ход̇у, д̇аяаа сад̣̇д̇хим̣ згадтаанз васад̇у.

Tattha yo ca tvanti yo nāma tvaṃ. Soti so ahaṃ. Tavānugoti esa haṃsarājā tava vasaṃ anugato hotu, tayā saddhiṃ ekaṭṭhāne vasatu.

зван̃жа бана вад̇ваа д̇хад̇арадтам̣ яадтибаасад̇о од̇аарзд̇ваа сарад̇ийрам̣ нзд̇ваа баасам̣ мун̃жид̇ваа муд̣̇ужид̇д̇зна лохид̇ам̣ д̇ховид̇ваа нхааруаад̣̇ийни бадибаад̣̇зси. д̇асса муд̣̇ужид̇д̇ад̇ааяа махаасад̇д̇асса баарамид̇аанубхаавзна жа д̇аавад̣̇зва баад̣̇о сажчави ахоси, б̣ад̣̇д̇хадтаанамби на бан̃н̃ааяи. сумуко б̣од̇хисад̇д̇ам̣ ологзд̇ваа д̇удтажид̇д̇о анумод̣̇анам̣ гаронд̇о г̇аат̇амааха –

Evañca pana vatvā dhataraṭṭhaṃ yaṭṭhipāsato otāretvā saratīraṃ netvā pāsaṃ muñcitvā muducittena lohitaṃ dhovitvā nhāruādīni paṭipādesi. Tassa muducittatāya mahāsattassa pāramitānubhāvena ca tāvadeva pādo sacchavi ahosi, baddhaṭṭhānampi na paññāyi. Sumukho bodhisattaṃ oloketvā tuṭṭhacitto anumodanaṃ karonto gāthamāha –

145.

‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;

‘‘Evaṃ luddaka nandassu, saha sabbehi ñātibhi;

яат̇аахамаж̇ж̇а нанд̣̇аами, муд̇д̇ам̣ д̣̇исваа д̣̇иж̇аад̇хиба’’нд̇и.

Yathāhamajja nandāmi, muttaṃ disvā dijādhipa’’nti.

д̇ам̣ суд̇ваа луд̣̇д̣̇о ‘‘г̇ажчат̇а, саамий’’д̇и ааха. ат̇а нам̣ махаасад̇д̇о ‘‘гим̣ бана д̇вам̣ самма, мам̣ ад̇д̇ано ад̇т̇ааяа б̣анд̇хи, уд̣̇ааху ан̃н̃асса аан̣ад̇д̇ияаа’’д̇и бужчид̇ваа д̇зна д̇асмим̣ гааран̣з аарожид̇з ‘‘гим̣ ну ко мз ид̇ова жид̇д̇агуудам̣ г̇анд̇ум̣ сзяяо, уд̣̇ааху наг̇ара’’нд̇и вимам̣санд̇о ‘‘маяи наг̇арам̣ г̇ад̇з луд̣̇д̣̇абуд̇д̇о д̇ханам̣ лабхиссад̇и, д̣̇звияаа д̣̇охал̣о бадиббассамбхиссад̇и, сумукасса мид̇д̇ад̇хаммо баагадо бхависсад̇и, д̇ат̇аа мама н̃аан̣аб̣алам̣, кзман̃жа сарам̣ абхаяад̣̇агкин̣ам̣ гад̇ваа лабхиссаами, д̇асмаа наг̇арамзва г̇анд̇ум̣ сзяяо’’д̇и саннидтаанам̣ гад̇ваа ‘‘луд̣̇д̣̇а, д̇вам̣ амхз гааж̇знаад̣̇ааяа ран̃н̃о санд̇игам̣ нзхи, сажз но рааж̇аа виссаж̇ж̇зд̇угаамо бхависсад̇и, виссаж̇ж̇зссад̇ий’’д̇и ааха. рааж̇аано наама саами, гагкал̣аа, г̇ажчат̇а д̇умхзд̇и. маяам̣ д̇аад̣̇исам̣ луд̣̇д̣̇амби муд̣̇угам̣ гаримха, ран̃н̃о аараад̇ханз амхаагам̣ бхааро, нзхиязва но, саммаад̇и. со д̇ат̇аа агааси. рааж̇аа хам̣сз д̣̇исваава соманассаж̇аад̇о худ̇ваа д̣̇взби хам̣сз ган̃жанабийтз нисийд̣̇аабзд̇ваа мад̇хулааж̇з каад̣̇аабзд̇ваа мад̇хурод̣̇агам̣ бааязд̇ваа ан̃ж̇алим̣ баг̇г̇аяха д̇хаммагат̇ам̣ ааяаажи. хам̣сарааж̇аа д̇асса сод̇угаамад̇ам̣ вид̣̇ид̇ваа батамам̣ д̇аава бадисант̇аарамагааси . д̇ад̇римаа хам̣сасса жа ран̃н̃о жа важанабадиважанаг̇аат̇ааяо хонд̇и –

Taṃ sutvā luddo ‘‘gacchatha, sāmī’’ti āha. Atha naṃ mahāsatto ‘‘kiṃ pana tvaṃ samma, maṃ attano atthāya bandhi, udāhu aññassa āṇattiyā’’ti pucchitvā tena tasmiṃ kāraṇe ārocite ‘‘kiṃ nu kho me itova cittakūṭaṃ gantuṃ seyyo, udāhu nagara’’nti vimaṃsanto ‘‘mayi nagaraṃ gate luddaputto dhanaṃ labhissati, deviyā dohaḷo paṭippassambhissati, sumukhassa mittadhammo pākaṭo bhavissati, tathā mama ñāṇabalaṃ, khemañca saraṃ abhayadakkhiṇaṃ katvā labhissāmi, tasmā nagarameva gantuṃ seyyo’’ti sanniṭṭhānaṃ katvā ‘‘ludda, tvaṃ amhe kājenādāya rañño santikaṃ nehi, sace no rājā vissajjetukāmo bhavissati, vissajjessatī’’ti āha. Rājāno nāma sāmi, kakkhaḷā, gacchatha tumheti. Mayaṃ tādisaṃ luddampi mudukaṃ karimha, rañño ārādhane amhākaṃ bhāro, nehiyeva no, sammāti. So tathā akāsi. Rājā haṃse disvāva somanassajāto hutvā dvepi haṃse kañcanapīṭhe nisīdāpetvā madhulāje khādāpetvā madhurodakaṃ pāyetvā añjaliṃ paggayha dhammakathaṃ āyāci. Haṃsarājā tassa sotukāmataṃ viditvā paṭhamaṃ tāva paṭisanthāramakāsi . Tatrimā haṃsassa ca rañño ca vacanapaṭivacanagāthāyo honti –

146.

‘‘гажжинну бход̇о гусалам̣, гажжи бход̇о анаамаяам̣;

‘‘Kaccinnu bhoto kusalaṃ, kacci bhoto anāmayaṃ;

гажжи радтамид̣̇ам̣ пийд̇ам̣, д̇хаммзна манусаасаси.

Kacci raṭṭhamidaṃ phītaṃ, dhammena manusāsasi.

147.

‘‘гусалам̣ жзва мз хам̣са, ат̇о хам̣са анаамаяам̣;

‘‘Kusalaṃ ceva me haṃsa, atho haṃsa anāmayaṃ;

ат̇о радтамид̣̇ам̣ пийд̇ам̣, д̇хаммзна манусаасахам̣.

Atho raṭṭhamidaṃ phītaṃ, dhammena manusāsahaṃ.

148.

‘‘гажжи бход̇о амажжзсу, д̣̇осо гожи на виж̇ж̇ад̇и;

‘‘Kacci bhoto amaccesu, doso koci na vijjati;

гажжи аараа амид̇д̇аа д̇з, чааяаа д̣̇агкин̣ад̇орива.

Kacci ārā amittā te, chāyā dakkhiṇatoriva.

149.

‘‘ат̇оби мз амажжзсу, д̣̇осо гожи на виж̇ж̇ад̇и;

‘‘Athopi me amaccesu, doso koci na vijjati;

ат̇о аараа амид̇д̇аа мз, чааяаа д̣̇агкин̣ад̇орива.

Atho ārā amittā me, chāyā dakkhiṇatoriva.

150.

‘‘гажжи д̇з саад̣̇исий бхарияаа, ассаваа бияабхаан̣иний;

‘‘Kacci te sādisī bhariyā, assavā piyabhāṇinī;

буд̇д̇аруубаяасуубзд̇аа, д̇ава чанд̣̇авасаануг̇аа.

Puttarūpayasūpetā, tava chandavasānugā.

151.

‘‘ат̇о мз саад̣̇исий бхарияаа, ассаваа бияабхаан̣иний;

‘‘Atho me sādisī bhariyā, assavā piyabhāṇinī;

буд̇д̇аруубаяасуубзд̇аа, мама чанд̣̇авасаануг̇аа.

Puttarūpayasūpetā, mama chandavasānugā.

152.

‘‘гажжи д̇з б̣ахаво буд̇д̇аа, суж̇аад̇аа радтавад̣дхана;

‘‘Kacci te bahavo puttā, sujātā raṭṭhavaḍḍhana;

бан̃н̃ааж̇авзна самбаннаа, саммод̣̇анд̇и д̇ад̇о д̇ад̇о.

Paññājavena sampannā, sammodanti tato tato.

153.

‘‘сад̇амзго жа мз буд̇д̇аа, д̇хад̇арадта маяаа суд̇аа;

‘‘Satameko ca me puttā, dhataraṭṭha mayā sutā;

д̇зсам̣ д̇вам̣ гижжамагкаахи, нааваруж̇жханд̇и д̇з важо’’д̇и.

Tesaṃ tvaṃ kiccamakkhāhi, nāvarujjhanti te vaco’’ti.

д̇ад̇т̇а гусаланд̇и аарог̇яам̣, ид̇арам̣ д̇ассзва взважанам̣. пийд̇анд̇и гажжи д̇з ид̣̇ам̣ радтам̣ пийд̇ам̣ субхигкам̣, д̇хаммзна жа нам̣ анусаасасийд̇и бужчад̇и. д̣̇осод̇и абараад̇хо. чааяаа д̣̇агкин̣ад̇ориваад̇и яат̇аа наама д̣̇агкин̣ад̣̇исаабхимукаа чааяаа на вад̣дхад̇и, звам̣ д̇з гажжи амид̇д̇аа на вад̣дханд̇ийд̇и вад̣̇ад̇и. саад̣̇исийд̇и ж̇аад̇иг̇од̇д̇агулабад̣̇зсзхи самаанаа. зваруубаа хи ад̇ижаариний на ход̇и. ассаваад̇и важанабадиг̇г̇аахигаа. буд̇д̇аруубаяасуубзд̇аад̇и буд̇д̇зхи жа руубзна жа яасзна жа убзд̇аа. бан̃н̃ааж̇авзнаад̇и бан̃н̃аавзг̇зна бан̃н̃ам̣ ж̇аваабзд̇ваа д̇аани д̇аани гижжаани барижчинд̣̇ид̇ум̣ самад̇т̇аад̇и бужчад̇и. саммод̣̇анд̇и д̇ад̇о д̇ад̇од̇и яад̇т̇а яад̇т̇а нияуд̇д̇аа хонд̇и, д̇ад̇о д̇ад̇о саммод̣̇анд̇зва, на вируж̇жханд̇ийд̇и бужчад̇и. маяаа суд̇аад̇и маяаа виссуд̇аа. ман̃хи лого ‘‘б̣ахубуд̇д̇арааж̇аа’’д̇и вад̣̇ад̇и, ид̇и д̇з мам̣ ниссааяа виссуд̇аа баагадаа ж̇аад̇аад̇и маяаа суд̇аа наама хонд̇ийд̇и вад̣̇ад̇и. д̇зсам̣ д̇вам̣ гижжамагкаахийд̇и д̇зсам̣ мама буд̇д̇аанам̣ ‘‘ид̣̇ам̣ наама гаронд̇уу’’д̇и д̇вам̣ гижжамагкаахи, на д̇з важанам̣ аваруж̇жханд̇и, оваад̣̇ам̣ нзсам̣ д̣̇зхийд̇и ад̇хиббааязнзвамааха.

Tattha kusalanti ārogyaṃ, itaraṃ tasseva vevacanaṃ. Phītanti kacci te idaṃ raṭṭhaṃ phītaṃ subhikkhaṃ, dhammena ca naṃ anusāsasīti pucchati. Dosoti aparādho. Chāyā dakkhiṇatorivāti yathā nāma dakkhiṇadisābhimukhā chāyā na vaḍḍhati, evaṃ te kacci amittā na vaḍḍhantīti vadati. Sādisīti jātigottakulapadesehi samānā. Evarūpā hi aticārinī na hoti. Assavāti vacanapaṭiggāhikā. Puttarūpayasūpetāti puttehi ca rūpena ca yasena ca upetā. Paññājavenāti paññāvegena paññaṃ javāpetvā tāni tāni kiccāni paricchindituṃ samatthāti pucchati. Sammodanti tato tatoti yattha yattha niyuttā honti, tato tato sammodanteva, na virujjhantīti pucchati. Mayā sutāti mayā vissutā. Mañhi loko ‘‘bahuputtarājā’’ti vadati, iti te maṃ nissāya vissutā pākaṭā jātāti mayā sutā nāma hontīti vadati. Tesaṃ tvaṃ kiccamakkhāhīti tesaṃ mama puttānaṃ ‘‘idaṃ nāma karontū’’ti tvaṃ kiccamakkhāhi, na te vacanaṃ avarujjhanti, ovādaṃ nesaṃ dehīti adhippāyenevamāha.

д̇ам̣ суд̇ваа махаасад̇д̇о д̇асса оваад̣̇ам̣ д̣̇знд̇о бан̃жа г̇аат̇аа абхааси –

Taṃ sutvā mahāsatto tassa ovādaṃ dento pañca gāthā abhāsi –

154.

‘‘убабанноби жз ход̇и, ж̇аад̇ияаа винаязна ваа;

‘‘Upapannopi ce hoti, jātiyā vinayena vā;

ат̇а бажчаа гуруд̇з яог̇ам̣, гижчз аабаасу сийд̣̇ад̇и.

Atha pacchā kurute yogaṃ, kicche āpāsu sīdati.

155.

‘‘д̇асса сам̣хийрабан̃н̃асса, виваро ж̇ааяад̇з махаа;

‘‘Tassa saṃhīrapaññassa, vivaro jāyate mahā;

рад̇д̇иманд̇хова руубаани, т̇уулаани манубассад̇и.

Rattimandhova rūpāni, thūlāni manupassati.

156.

‘‘асаарз саараяог̇ан̃н̃уу, мад̇им̣ на д̇взва винд̣̇ад̇и;

‘‘Asāre sārayogaññū, matiṃ na tveva vindati;

сарабхова г̇ирид̣̇уг̇г̇асмим̣, анд̇арааязва сийд̣̇ад̇и.

Sarabhova giriduggasmiṃ, antarāyeva sīdati.

157.

‘‘хийнаж̇ажжоби жз ход̇и, удтаад̇аа д̇хид̇имаа наро;

‘‘Hīnajaccopi ce hoti, uṭṭhātā dhitimā naro;

аажаарасийласамбанно, нисз аг̇г̇ийва бхаасад̇и.

Ācārasīlasampanno, nise aggīva bhāsati.

158.

‘‘зд̇ам̣ мз убамам̣ гад̇ваа, буд̇д̇з виж̇ж̇аасу ваажаяа;

‘‘Etaṃ me upamaṃ katvā, putte vijjāsu vācaya;

сам̣вируул̣хзт̇а мзд̇хаавий, кзд̇д̇з б̣ийж̇ам̣ва вудтияаа’’д̇и.

Saṃvirūḷhetha medhāvī, khette bījaṃva vuṭṭhiyā’’ti.

д̇ад̇т̇а винаязнаад̇и аажаарзна. бажчаа гуруд̇з яог̇анд̇и яо жз сигкид̇аб̣б̣асигкаасу д̣̇ахарагаалз яог̇ам̣ вийрияам̣ агад̇ваа бажчаа махаллагагаалз гарод̇и, зваруубо бажчаа д̇ат̇ааруубз д̣̇угкз ваа аабад̣̇аасу ваа уббаннаасу сийд̣̇ад̇и, ад̇д̇аанам̣ уд̣̇д̇харид̇ум̣ на саггод̇и. д̇асса сам̣хийрабан̃н̃ассаад̇и д̇асса асигкид̇ад̇д̇аа д̇ад̇о д̇ад̇о харид̇аб̣б̣абан̃н̃асса нижжам̣ жалаб̣уд̣̇д̇хино. виварод̇и бхог̇аад̣̇ийнам̣ чид̣̇д̣̇ам̣, барихаанийд̇и ад̇т̇о. рад̇д̇иманд̇ход̇и рад̇д̇анд̇хо. ид̣̇ам̣ вуд̇д̇ам̣ ход̇и – ‘‘яат̇аа рад̇д̇анд̇хо рад̇д̇игаан̣о рад̇д̇им̣ жанд̣̇обхаасаад̣̇ийхи т̇ууларуубаанзва бассад̇и, сукумаани бассид̇ум̣ на саггод̇и, звам̣ асигкид̇о сам̣хийрабан̃н̃о гисмин̃жид̣̇зва бхаяз уббаннз сукумаани гижжаани бассид̇ум̣ на саггод̇и, ол̣ааригзязва бассад̇и, д̇асмаа д̇ава буд̇д̇з д̣̇ахарагаалзязва сигкаабзд̇ум̣ ваддад̇ий’’д̇и.

Tattha vinayenāti ācārena. Pacchā kurute yoganti yo ce sikkhitabbasikkhāsu daharakāle yogaṃ vīriyaṃ akatvā pacchā mahallakakāle karoti, evarūpo pacchā tathārūpe dukkhe vā āpadāsu vā uppannāsu sīdati, attānaṃ uddharituṃ na sakkoti. Tassa saṃhīrapaññassāti tassa asikkhitattā tato tato haritabbapaññassa niccaṃ calabuddhino. Vivaroti bhogādīnaṃ chiddaṃ, parihānīti attho. Rattimandhoti rattandho. Idaṃ vuttaṃ hoti – ‘‘yathā rattandho rattikāṇo rattiṃ candobhāsādīhi thūlarūpāneva passati, sukhumāni passituṃ na sakkoti, evaṃ asikkhito saṃhīrapañño kismiñcideva bhaye uppanne sukhumāni kiccāni passituṃ na sakkoti, oḷārikeyeva passati, tasmā tava putte daharakāleyeva sikkhāpetuṃ vaṭṭatī’’ti.

асаарзд̇и ниссаарз логааяад̇авзд̣̇асамаяз. саараяог̇ан̃н̃ууд̇и саараяуд̇д̇о зса самаяод̇и ман̃н̃амаано. мад̇им̣ на д̇взва винд̣̇ад̇ийд̇и б̣ахум̣ сигкид̇вааби бан̃н̃ам̣ на лабхад̇иязва. г̇ирид̣̇уг̇г̇асминд̇и со зваруубо яат̇аа наама сарабхо ад̇д̇ано васанадтаанам̣ ааг̇ажчанд̇о анд̇араамаг̇г̇з висамамби саманд̇и ман̃н̃амаано г̇ирид̣̇уг̇г̇з взг̇знааг̇ажчанд̇о нарагабабаад̇ам̣ бад̇ид̇ваа анд̇арааязва сийд̣̇ад̇и, ааваасам̣ на баабун̣аад̇и, звамзд̇ам̣ асаарам̣ логааяад̇авзд̣̇асамаяам̣ саарасан̃н̃ааяа уг̇г̇ахзд̇ваа махаавинаасам̣ баабун̣аад̇и. д̇асмаа д̇ава буд̇д̇з ад̇т̇аниссид̇зсу вад̣дхиаавахзсу гижжзсу яож̇зд̇ваа сигкаабзхийд̇и. нисз аг̇г̇ийваад̇и махаарааж̇а, хийнаж̇аад̇игоби удтаанаад̣̇иг̇ун̣асамбанно рад̇д̇им̣ аг̇г̇игканд̇хо вияа обхаасад̇и. зд̇ам̣ мзд̇и зд̇ам̣ маяаа вуд̇д̇ам̣ рад̇д̇анд̇хан̃жа аг̇г̇игканд̇хан̃жа убамам̣ гад̇ваа д̇ава буд̇д̇з виж̇ж̇аасу ваажаяа, сигкид̇аб̣б̣аяуд̇д̇аасу сигкаасу яож̇зхи. звам̣ яуд̇д̇о хи яат̇аа сукзд̇д̇з сувудтияаа б̣ийж̇ам̣ сам̣вируухад̇и, д̇ат̇зва мзд̇хаавий сам̣вируухад̇и, яасзна жа бхог̇зхи жа вад̣дхад̇ийд̇и.

Asāreti nissāre lokāyatavedasamaye. Sārayogaññūti sārayutto esa samayoti maññamāno. Matiṃ na tveva vindatīti bahuṃ sikkhitvāpi paññaṃ na labhatiyeva. Giriduggasminti so evarūpo yathā nāma sarabho attano vasanaṭṭhānaṃ āgacchanto antarāmagge visamampi samanti maññamāno giridugge vegenāgacchanto narakapapātaṃ patitvā antarāyeva sīdati, āvāsaṃ na pāpuṇāti, evametaṃ asāraṃ lokāyatavedasamayaṃ sārasaññāya uggahetvā mahāvināsaṃ pāpuṇāti. Tasmā tava putte atthanissitesu vaḍḍhiāvahesu kiccesu yojetvā sikkhāpehīti. Nise aggīvāti mahārāja, hīnajātikopi uṭṭhānādiguṇasampanno rattiṃ aggikkhandho viya obhāsati. Etaṃ meti etaṃ mayā vuttaṃ rattandhañca aggikkhandhañca upamaṃ katvā tava putte vijjāsu vācaya, sikkhitabbayuttāsu sikkhāsu yojehi. Evaṃ yutto hi yathā sukhette suvuṭṭhiyā bījaṃ saṃvirūhati, tatheva medhāvī saṃvirūhati, yasena ca bhogehi ca vaḍḍhatīti.

звам̣ махаасад̇д̇о саб̣б̣арад̇д̇им̣ ран̃н̃о д̇хаммам̣ д̣̇зсзси, д̣̇звияаа д̣̇охал̣о бадиббассамбхи. махаасад̇д̇о арун̣уг̇г̇аманавзлааяамзва рааж̇аанам̣ бан̃жасу сийлзсу бад̇идтабзд̇ваа аббамаад̣̇зна овад̣̇ид̇ваа сад̣̇д̇хим̣ сумукзна уд̇д̇арасийхабан̃ж̇арзна нигкамид̇ваа жид̇д̇агуудамзва г̇ад̇о.

Evaṃ mahāsatto sabbarattiṃ rañño dhammaṃ desesi, deviyā dohaḷo paṭippassambhi. Mahāsatto aruṇuggamanavelāyameva rājānaṃ pañcasu sīlesu patiṭṭhapetvā appamādena ovaditvā saddhiṃ sumukhena uttarasīhapañjarena nikkhamitvā cittakūṭameva gato.

сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣, бхигкавз, буб̣б̣зби иминаа мамад̇т̇ааяа ж̇ийвид̇ам̣ барижжад̇д̇амзваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇о чанно ахоси, рааж̇аа саарибуд̇д̇о, д̣̇звий кзмаабхигкуний, хам̣сабарисаа саагияаг̇ан̣о, сумуко аананд̣̇о, хам̣сарааж̇аа бана ахамзва ахоси’’нд̇и.

Satthā imaṃ dhammadesanaṃ āharitvā ‘‘evaṃ, bhikkhave, pubbepi iminā mamatthāya jīvitaṃ pariccattamevā’’ti vatvā jātakaṃ samodhānesi – ‘‘tadā luddo channo ahosi, rājā sāriputto, devī khemābhikkhunī, haṃsaparisā sākiyagaṇo, sumukho ānando, haṃsarājā pana ahameva ahosi’’nti.

жуул̣ахам̣саж̇аад̇агаван̣н̣анаа чадтаа.

Cūḷahaṃsajātakavaṇṇanā chaṭṭhā.

Next: [503] 7. сад̇д̇иг̇умб̣аж̇аад̇агаван̣н̣анаа • [503] 7. Sattigumbajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 502. жуул̣ахам̣саж̇аад̇агам̣ • 502. Cūḷahaṃsajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact