Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

21. асийд̇инибаад̇о

21. Asītinipāto

[533] 1. жуул̣ахам̣саж̇аад̇агаван̣н̣анаа

[533] 1. Cūḷahaṃsajātakavaṇṇanā

сумукаад̇и ид̣̇ам̣ сад̇т̇аа взл̣уванз вихаранд̇о ааяасмад̇о аананд̣̇асса ж̇ийвид̇абарижжааг̇ам̣ аараб̣бха гат̇зси. д̣̇звад̣̇ад̇д̇зна хи д̇ат̇ааг̇ад̇ам̣ ж̇ийвид̇аа воробзд̇ум̣ баяож̇ид̇зсу д̇хануг̇г̇ахзсу саб̣б̣абатамам̣ бзсид̇зна ааг̇анд̇ваа ‘‘наахам̣, бханд̇з, саггоми д̇ам̣ бхаг̇аванд̇ам̣ ж̇ийвид̇аа воробзд̇ум̣, махид̣̇д̇хиго со бхаг̇аваа махаанубхааво’’д̇и вуд̇д̇з д̣̇звад̣̇ад̇д̇о ‘‘алам̣, аавусо, маа д̇вам̣ саман̣ам̣ г̇од̇амам̣ ж̇ийвид̇аа воробзхи, ахамзва саман̣ам̣ г̇од̇амам̣ ж̇ийвид̇аа воробзссаамий’’д̇и вад̇ваа д̇ат̇ааг̇ад̇з г̇иж̇жхагуудабаб̣б̣ад̇асса бажчимачааяааяа жан̇гаманд̇з саяам̣ г̇иж̇жхагуудам̣ баб̣б̣ад̇ам̣ абхирухид̇ваа яанд̇авзг̇зна махад̇им̣ силам̣ бавиж̇жхи, ‘‘имааяа силааяа саман̣ам̣ г̇од̇амам̣ ж̇ийвид̇аа воробзссаамий’’д̇и. д̇ад̣̇аа д̣̇вз баб̣б̣ад̇агуудаа самааг̇анд̇ваа д̇ам̣ силам̣ самбадижчим̣су. д̇ад̇о бабадигаа уббад̇ид̇ваа бхаг̇авад̇о баад̣̇ам̣ бахарид̇ваа рухирам̣ уббаад̣̇зси, б̣алававзд̣̇анаа бавад̇д̇им̣су. ж̇ийваго д̇ат̇ааг̇ад̇асса баад̣̇ам̣ сад̇т̇агзна паалзд̇ваа д̣̇удталохид̇ам̣ вамзд̇ваа бууд̇имам̣сам̣ абанзд̇ваа д̇ховид̇ваа бхзсаж̇ж̇ам̣ аалимбид̇ваа нирог̇амагааси. сад̇т̇аа буримасад̣̇исамзва бхигкусан̇гхабаривуд̇о махад̇ияаа б̣уд̣̇д̇халийлааяа вижари.

Sumukhāti idaṃ satthā veḷuvane viharanto āyasmato ānandassa jīvitapariccāgaṃ ārabbha kathesi. Devadattena hi tathāgataṃ jīvitā voropetuṃ payojitesu dhanuggahesu sabbapaṭhamaṃ pesitena āgantvā ‘‘nāhaṃ, bhante, sakkomi taṃ bhagavantaṃ jīvitā voropetuṃ, mahiddhiko so bhagavā mahānubhāvo’’ti vutte devadatto ‘‘alaṃ, āvuso, mā tvaṃ samaṇaṃ gotamaṃ jīvitā voropehi, ahameva samaṇaṃ gotamaṃ jīvitā voropessāmī’’ti vatvā tathāgate gijjhakūṭapabbatassa pacchimachāyāya caṅkamante sayaṃ gijjhakūṭaṃ pabbataṃ abhiruhitvā yantavegena mahatiṃ silaṃ pavijjhi, ‘‘imāya silāya samaṇaṃ gotamaṃ jīvitā voropessāmī’’ti. Tadā dve pabbatakūṭā samāgantvā taṃ silaṃ sampaṭicchiṃsu. Tato papaṭikā uppatitvā bhagavato pādaṃ paharitvā ruhiraṃ uppādesi, balavavedanā pavattiṃsu. Jīvako tathāgatassa pādaṃ satthakena phāletvā duṭṭhalohitaṃ vametvā pūtimaṃsaṃ apanetvā dhovitvā bhesajjaṃ ālimpitvā nirogamakāsi. Satthā purimasadisameva bhikkhusaṅghaparivuto mahatiyā buddhalīlāya vicari.

ат̇а нам̣ д̣̇исваа д̣̇звад̣̇ад̇д̇о жинд̇зси – ‘‘саман̣асса г̇од̇амасса руубасобхаг̇г̇аббад̇д̇ам̣ сарийрам̣ д̣̇исваа гожи мануссабхууд̇о убасан̇гамид̇ум̣ на саггод̇и, ран̃н̃о ко бана наал̣ааг̇ири наама хад̇т̇ий жан̣д̣о парусо мануссагхаад̇аго б̣уд̣̇д̇хад̇хаммасан̇гхаг̇ун̣з на ж̇аанаад̇и, со д̇ам̣ ж̇ийвид̇агкаяам̣ баабзссад̇ий’’д̇и. со г̇анд̇ваа ран̃н̃о д̇амад̇т̇ам̣ аарожзси. рааж̇аа ‘‘саад̇хуу’’д̇и самбадижчид̇ваа хад̇т̇аажарияам̣ баггосаабзд̇ваа ‘‘самма, свз наал̣ааг̇ирим̣ мад̇д̇ам̣ гад̇ваа баад̇ова саман̣зна г̇од̇амзна бадибаннавийт̇ияам̣ виссаж̇ж̇зхий’’д̇и ааха. д̣̇звад̣̇ад̇д̇оби нам̣ ‘‘ан̃н̃зсу д̣̇ивасзсу хад̇т̇ий гид̇д̇агам̣ сурам̣ бивад̇ий’’д̇и бужчид̇ваа ‘‘адта гхадз, бханд̇з’’д̇и вуд̇д̇з ‘‘д̇зна хи свз д̇вам̣ д̇ам̣ сол̣аса гхадз бааязд̇ваа саман̣зна г̇од̇амзна бадибаннавийт̇ияам̣ абхимукам̣ гарзяяаасий’’д̇и ааха. со ‘‘саад̇хуу’’д̇и самбадижчи. рааж̇аа наг̇арз бхзрим̣ жараабзси – ‘‘свз наал̣ааг̇ирим̣ мад̇д̇ам̣ гад̇ваа наг̇арз виссаж̇ж̇зссад̇и, нааг̇араа баад̇ова саб̣б̣агижжаани гад̇ваа анд̇аравийт̇им̣ маа бадибаж̇ж̇им̣суу’’д̇и. д̣̇звад̣̇ад̇д̇оби рааж̇анивзсанаа оруяха хад̇т̇исаалам̣ г̇анд̇ваа хад̇т̇иг̇обагз ааманд̇зд̇ваа ‘‘маяам̣ бхан̣з ужжадтаанияам̣ нийжадтаанз, нийжадтаанияам̣ ваа ужжадтаанз гаад̇ум̣ самад̇т̇аа, сажз во яасзна ад̇т̇о, свз баад̇ова наал̣ааг̇ирим̣ д̇икин̣асурааяа сол̣аса гхадз бааязд̇ваа саман̣асса г̇од̇амасса ааг̇аманавзлааяа д̇уд̇д̇ад̇омарзхи виж̇жхид̇ваа гуж̇жхаабзд̇ваа хад̇т̇исаалам̣ бхинд̣̇аабзд̇ваа саман̣зна г̇од̇амзна бадибаннавийт̇ияам̣ абхимукам̣ гад̇ваа саман̣ам̣ г̇од̇амам̣ ж̇ийвид̇агкаяам̣ баабзт̇аа’’д̇и ааха. д̇з ‘‘саад̇хуу’’д̇и самбадижчим̣су.

Atha naṃ disvā devadatto cintesi – ‘‘samaṇassa gotamassa rūpasobhaggappattaṃ sarīraṃ disvā koci manussabhūto upasaṅkamituṃ na sakkoti, rañño kho pana nāḷāgiri nāma hatthī caṇḍo pharuso manussaghātako buddhadhammasaṅghaguṇe na jānāti, so taṃ jīvitakkhayaṃ pāpessatī’’ti. So gantvā rañño tamatthaṃ ārocesi. Rājā ‘‘sādhū’’ti sampaṭicchitvā hatthācariyaṃ pakkosāpetvā ‘‘samma, sve nāḷāgiriṃ mattaṃ katvā pātova samaṇena gotamena paṭipannavīthiyaṃ vissajjehī’’ti āha. Devadattopi naṃ ‘‘aññesu divasesu hatthī kittakaṃ suraṃ pivatī’’ti pucchitvā ‘‘aṭṭha ghaṭe, bhante’’ti vutte ‘‘tena hi sve tvaṃ taṃ soḷasa ghaṭe pāyetvā samaṇena gotamena paṭipannavīthiyaṃ abhimukhaṃ kareyyāsī’’ti āha. So ‘‘sādhū’’ti sampaṭicchi. Rājā nagare bheriṃ carāpesi – ‘‘sve nāḷāgiriṃ mattaṃ katvā nagare vissajjessati, nāgarā pātova sabbakiccāni katvā antaravīthiṃ mā paṭipajjiṃsū’’ti. Devadattopi rājanivesanā oruyha hatthisālaṃ gantvā hatthigopake āmantetvā ‘‘mayaṃ bhaṇe uccaṭṭhāniyaṃ nīcaṭṭhāne, nīcaṭṭhāniyaṃ vā uccaṭṭhāne kātuṃ samatthā, sace vo yasena attho, sve pātova nāḷāgiriṃ tikhiṇasurāya soḷasa ghaṭe pāyetvā samaṇassa gotamassa āgamanavelāya tuttatomarehi vijjhitvā kujjhāpetvā hatthisālaṃ bhindāpetvā samaṇena gotamena paṭipannavīthiyaṃ abhimukhaṃ katvā samaṇaṃ gotamaṃ jīvitakkhayaṃ pāpethā’’ti āha. Te ‘‘sādhū’’ti sampaṭicchiṃsu.

саа бавад̇д̇и сагаланаг̇арз вид̇т̇ааригаа ахоси. б̣уд̣̇д̇хад̇хаммасан̇гхамаамагаа убаасагаа д̇ам̣ суд̇ваа сад̇т̇аарам̣ убасан̇гамид̇ваа ‘‘бханд̇з, д̣̇звад̣̇ад̇д̇о ран̃н̃аа сад̣̇д̇хим̣ згад̇о худ̇ваа свз д̇умхзхи бадибаннавийт̇ияам̣ наал̣ааг̇ирим̣ виссаж̇ж̇аабзссад̇и, свз бин̣д̣ааяа абависид̇ваа ид̇хзва хот̇а, маяам̣ вихаарзязва б̣уд̣̇д̇хаббамукасса бхигкусан̇гхасса бхигкам̣ д̣̇ассаамаа’’д̇и вад̣̇им̣су. сад̇т̇ааби ‘‘свз бин̣д̣ааяа на бависиссаамий’’д̇и авад̇ваава ‘‘ахам̣ свз наал̣ааг̇ирим̣ д̣̇амзд̇ваа баадихаарияам̣ гад̇ваа д̇ид̇т̇ияз мад̣̇д̣̇ид̇ваа рааж̇аг̇ахз бин̣д̣ааяа ажарид̇ваава бхигкусан̇гхабаривуд̇о наг̇араа нигкамид̇ваа взл̣уванамзва ааг̇амиссаами, рааж̇аг̇ахаваасиноби б̣ахууни бхад̇д̇абхааж̇анаани г̇ахзд̇ваа взл̣уванамзва ааг̇амиссанд̇и, свз вихаарзязва бхад̇д̇аг̇г̇ам̣ бхависсад̇ий’’д̇и иминаа гааран̣зна д̇зсам̣ ад̇хиваасзси. д̇з д̇ат̇ааг̇ад̇асса ад̇хиваасанам̣ вид̣̇ид̇ваа бхад̇д̇абхааж̇анаани аахарид̇ваа ‘‘вихаарзязва д̣̇аанам̣ д̣̇ассаамаа’’д̇и баггамим̣су.

Sā pavatti sakalanagare vitthārikā ahosi. Buddhadhammasaṅghamāmakā upāsakā taṃ sutvā satthāraṃ upasaṅkamitvā ‘‘bhante, devadatto raññā saddhiṃ ekato hutvā sve tumhehi paṭipannavīthiyaṃ nāḷāgiriṃ vissajjāpessati, sve piṇḍāya apavisitvā idheva hotha, mayaṃ vihāreyeva buddhappamukhassa bhikkhusaṅghassa bhikkhaṃ dassāmā’’ti vadiṃsu. Satthāpi ‘‘sve piṇḍāya na pavisissāmī’’ti avatvāva ‘‘ahaṃ sve nāḷāgiriṃ dametvā pāṭihāriyaṃ katvā titthiye madditvā rājagahe piṇḍāya acaritvāva bhikkhusaṅghaparivuto nagarā nikkhamitvā veḷuvanameva āgamissāmi, rājagahavāsinopi bahūni bhattabhājanāni gahetvā veḷuvanameva āgamissanti, sve vihāreyeva bhattaggaṃ bhavissatī’’ti iminā kāraṇena tesaṃ adhivāsesi. Te tathāgatassa adhivāsanaṃ viditvā bhattabhājanāni āharitvā ‘‘vihāreyeva dānaṃ dassāmā’’ti pakkamiṃsu.

сад̇т̇ааби батамаяаамз д̇хаммам̣ д̣̇зсзд̇ваа маж̇жхимаяаамз д̣̇звад̇аанам̣ бан̃хам̣ виссаж̇ж̇зд̇ваа бажчимаяаамасса батамагодтаасз сийхасзяяам̣ габбзд̇ваа д̣̇уд̇ияагодтаасз паласамаабад̇д̇ияаа вийд̇инаамзд̇ваа д̇ад̇ияагодтаасз махаагарун̣аасамаабад̇д̇им̣ самаабаж̇ж̇ид̇ваа вудтааяа б̣од̇ханзяяаб̣анд̇хавз ологзнд̇о наал̣ааг̇ирид̣̇аманз жад̇ураасийд̇ияаа баан̣асахассаанам̣ д̇хаммаабхисамаяам̣ д̣̇исваа вибхаад̇ааяа рад̇д̇ияаа гад̇асарийрабадиж̇аг̇г̇ано худ̇ваа ааяасманд̇ам̣ аананд̣̇ам̣ ааманд̇зд̇ваа , ‘‘аананд̣̇а, аж̇ж̇а рааж̇аг̇ахабаривад̇д̇агзсу адтаарасасу махаавихаарзсу саб̣б̣зсамби бхигкуунам̣ маяаасад̣̇д̇хим̣ рааж̇аг̇ахам̣ бависид̇ум̣ аарожзхий’’д̇и ааха. т̇зро д̇ат̇аа агааси. саб̣б̣зби бхигкуу взл̣уванз саннибад̇им̣су. сад̇т̇аа махаабхигкусан̇гхабаривуд̇о рааж̇аг̇ахам̣ баависи. ат̇а хад̇т̇имзн̣д̣аа яат̇аанусидтам̣ бадибаж̇ж̇им̣су, маханд̇о самааг̇амо ахоси. сад̣̇д̇хаасамбаннаа мануссаа ‘‘аж̇ж̇а гира б̣уд̣̇д̇ханааг̇асса д̇иражчаананааг̇зна сан̇г̇аамо бхависсад̇и, ануубамааяа б̣уд̣̇д̇халийлааяа наал̣ааг̇ирид̣̇аманам̣ бассиссаамаа’’д̇и баасаад̣̇ахаммияаг̇зхажчад̣̇анаад̣̇ийни абхирухид̇ваа адтам̣су. асад̣̇д̇хаа бана мижчаад̣̇идтигаа ‘‘аяам̣ наал̣ааг̇ири жан̣д̣о парусо мануссагхаад̇аго б̣уд̣̇д̇хаад̣̇ийнам̣ г̇ун̣ам̣ на ж̇аанаад̇и, со аж̇ж̇а саман̣асса г̇од̇амасса суван̣н̣аван̣н̣ам̣ сарийрам̣ вид̣̇д̇хам̣сзд̇ваа ж̇ийвид̇агкаяам̣ баабзссад̇и, аж̇ж̇а бажжаамид̇д̇асса бидтим̣ бассиссаамаа’’д̇и баасаад̣̇аад̣̇ийсу адтам̣су.

Satthāpi paṭhamayāme dhammaṃ desetvā majjhimayāme devatānaṃ pañhaṃ vissajjetvā pacchimayāmassa paṭhamakoṭṭhāse sīhaseyyaṃ kappetvā dutiyakoṭṭhāse phalasamāpattiyā vītināmetvā tatiyakoṭṭhāse mahākaruṇāsamāpattiṃ samāpajjitvā vuṭṭhāya bodhaneyyabandhave olokento nāḷāgiridamane caturāsītiyā pāṇasahassānaṃ dhammābhisamayaṃ disvā vibhātāya rattiyā katasarīrapaṭijaggano hutvā āyasmantaṃ ānandaṃ āmantetvā , ‘‘ānanda, ajja rājagahaparivattakesu aṭṭhārasasu mahāvihāresu sabbesampi bhikkhūnaṃ mayāsaddhiṃ rājagahaṃ pavisituṃ ārocehī’’ti āha. Thero tathā akāsi. Sabbepi bhikkhū veḷuvane sannipatiṃsu. Satthā mahābhikkhusaṅghaparivuto rājagahaṃ pāvisi. Atha hatthimeṇḍā yathānusiṭṭhaṃ paṭipajjiṃsu, mahanto samāgamo ahosi. Saddhāsampannā manussā ‘‘ajja kira buddhanāgassa tiracchānanāgena saṅgāmo bhavissati, anūpamāya buddhalīlāya nāḷāgiridamanaṃ passissāmā’’ti pāsādahammiyagehacchadanādīni abhiruhitvā aṭṭhaṃsu. Asaddhā pana micchādiṭṭhikā ‘‘ayaṃ nāḷāgiri caṇḍo pharuso manussaghātako buddhādīnaṃ guṇaṃ na jānāti, so ajja samaṇassa gotamassa suvaṇṇavaṇṇaṃ sarīraṃ viddhaṃsetvā jīvitakkhayaṃ pāpessati, ajja paccāmittassa piṭṭhiṃ passissāmā’’ti pāsādādīsu aṭṭhaṃsu.

хад̇т̇ийби бхаг̇аванд̇ам̣ ааг̇ажчанд̇ам̣ д̣̇исваа мануссз д̇аасзнд̇о г̇зхаани вид̣̇д̇хам̣сзнд̇о сагадаани сам̣жун̣н̣знд̇о сон̣д̣ам̣ уссаабзд̇ваа бахадтаган̣н̣аваало баб̣б̣ад̇о вияа аж̇жход̇т̇аранд̇о язна бхаг̇аваа д̇знаабхид̇хаави. д̇ам̣ ааг̇ажчанд̇ам̣ д̣̇исваа бхигкуу бхаг̇аванд̇ам̣ зд̇ад̣̇авожум̣ – ‘‘аяам̣, бханд̇з, наал̣ааг̇ири жан̣д̣о парусо мануссагхаад̇аго имам̣ ражчам̣ бадибанно, на ко банааяам̣ б̣уд̣̇д̇хаад̣̇иг̇ун̣ам̣ ж̇аанаад̇и, бадиггамад̇у, бханд̇з, бхаг̇аваа, бадиггамад̇у суг̇ад̇о’’д̇и. маа, бхигкавз, бхааяид̇т̇а, бадиб̣ало ахам̣ наал̣ааг̇ирим̣ д̣̇амзд̇унд̇и. ат̇ааяасмаа саарибуд̇д̇о сад̇т̇аарам̣ яаажи – ‘‘бханд̇з, бид̇у уббаннагижжам̣ наама ж̇здтабуд̇д̇асса бхааро, ахамзва д̇ам̣ д̣̇амзмий’’д̇и. ат̇а нам̣ сад̇т̇аа, ‘‘саарибуд̇д̇а, б̣уд̣̇д̇хаб̣алам̣ наама ан̃н̃ам̣, саавагаб̣алам̣ ан̃н̃ам̣, д̇идта д̇ва’’нд̇и бадиб̣аахи. звам̣ язбхуяязна асийд̇и махаат̇зраа яаажим̣су. сад̇т̇аа саб̣б̣зби бадиб̣аахи. ат̇а ааяасмаа аананд̣̇о сад̇т̇ари б̣алавасинзхзна ад̇хиваасзд̇ум̣ асаггонд̇о ‘‘аяам̣ хад̇т̇ий батамам̣ мам̣ маарзд̇уу’’д̇и д̇ат̇ааг̇ад̇ассад̇т̇ааяа ж̇ийвид̇ам̣ барижжаж̇ид̇ваа г̇анд̇ваа сад̇т̇у бурад̇о адтааси. ат̇а нам̣ сад̇т̇аа ‘‘абзхи, аананд̣̇а, маа мз бурад̇о адтаасий’’д̇и ааха. ‘‘бханд̇з, аяам̣ хад̇т̇ий жан̣д̣о парусо мануссагхаад̇аго габбудтаанаг̇г̇исад̣̇исо батамам̣ мам̣ маарзд̇ваа бажчаа д̇умхаагам̣ санд̇игам̣ ааг̇ажчад̇уу’’д̇и т̇зро аважа. яаавад̇ад̇ияам̣ вужжамааноби д̇ат̇зва адтааси на бадиггами. ат̇а нам̣ бхаг̇аваа ид̣̇д̇хиб̣алзна бадиггамаабзд̇ваа бхигкуунам̣ анд̇арз табзси.

Hatthīpi bhagavantaṃ āgacchantaṃ disvā manusse tāsento gehāni viddhaṃsento sakaṭāni saṃcuṇṇento soṇḍaṃ ussāpetvā pahaṭṭhakaṇṇavālo pabbato viya ajjhottharanto yena bhagavā tenābhidhāvi. Taṃ āgacchantaṃ disvā bhikkhū bhagavantaṃ etadavocuṃ – ‘‘ayaṃ, bhante, nāḷāgiri caṇḍo pharuso manussaghātako imaṃ racchaṃ paṭipanno, na kho panāyaṃ buddhādiguṇaṃ jānāti, paṭikkamatu, bhante, bhagavā, paṭikkamatu sugato’’ti. Mā, bhikkhave, bhāyittha, paṭibalo ahaṃ nāḷāgiriṃ dametunti. Athāyasmā sāriputto satthāraṃ yāci – ‘‘bhante, pitu uppannakiccaṃ nāma jeṭṭhaputtassa bhāro, ahameva taṃ damemī’’ti. Atha naṃ satthā, ‘‘sāriputta, buddhabalaṃ nāma aññaṃ, sāvakabalaṃ aññaṃ, tiṭṭha tva’’nti paṭibāhi. Evaṃ yebhuyyena asīti mahātherā yāciṃsu. Satthā sabbepi paṭibāhi. Atha āyasmā ānando satthari balavasinehena adhivāsetuṃ asakkonto ‘‘ayaṃ hatthī paṭhamaṃ maṃ māretū’’ti tathāgatassatthāya jīvitaṃ pariccajitvā gantvā satthu purato aṭṭhāsi. Atha naṃ satthā ‘‘apehi, ānanda, mā me purato aṭṭhāsī’’ti āha. ‘‘Bhante, ayaṃ hatthī caṇḍo pharuso manussaghātako kappuṭṭhānaggisadiso paṭhamaṃ maṃ māretvā pacchā tumhākaṃ santikaṃ āgacchatū’’ti thero avaca. Yāvatatiyaṃ vuccamānopi tatheva aṭṭhāsi na paṭikkami. Atha naṃ bhagavā iddhibalena paṭikkamāpetvā bhikkhūnaṃ antare ṭhapesi.

д̇асмим̣ кан̣з згаа ид̇т̇ий наал̣ааг̇ирим̣ д̣̇исваа маран̣абхаяабхийд̇аа балааяамаанаа ан̇гзна г̇ахид̇ам̣ д̣̇аарагам̣ хад̇т̇ино жа д̇ат̇ааг̇ад̇асса жа анд̇арз чад̣д̣зд̇ваа балааяи. хад̇т̇ий д̇ам̣ ануб̣анд̇хид̇ваа нивад̇д̇ид̇ваа д̣̇аарагасса санд̇игам̣ аг̇амааси. д̇ад̣̇аа д̣̇аараго махааравам̣ рави. сад̇т̇аа наал̣ааг̇ирим̣ од̣̇иссагамзд̇д̇ааяа парид̇ваа сумад̇хурам̣ б̣рахмассарам̣ нижчаарзд̇ваа ‘‘амбхо наал̣ааг̇ири д̇ам̣ сол̣аса сураагхадз бааязд̇ваа мад̇д̇ам̣ гаронд̇аа на ‘ан̃н̃ам̣ г̇ан̣хиссад̇ий’д̇и гарим̣су, ‘мам̣ г̇ан̣хиссад̇ий’д̇и бана гарим̣су, маа агааран̣зна ж̇ан̇гхааяо гиламзнд̇о вижари, ид̇о зхий’’д̇и баггоси. со сад̇т̇у важанам̣ суд̇ваа агкийни уммийлзд̇ваа бхаг̇авад̇о руубасирим̣ ологзд̇ваа бадилад̣̇д̇хасам̣взг̇о б̣уд̣̇д̇хад̇зж̇зна бажчиннасураамад̣̇о сон̣д̣ам̣ оламб̣знд̇о ган̣н̣з жаалзнд̇о ааг̇анд̇ваа д̇ат̇ааг̇ад̇асса баад̣̇зсу бад̇и. ат̇а нам̣ сад̇т̇аа, ‘‘наал̣ааг̇ири, д̇вам̣ д̇иражчаанахад̇т̇ий, ахам̣ б̣уд̣̇д̇хавааран̣о, ид̇о бадтааяа маа жан̣д̣о парусо мануссагхаад̇аго бхава, саб̣б̣асад̇д̇зсу мзд̇д̇ажид̇д̇ам̣ бадилабхаа’’д̇и вад̇ваа д̣̇агкин̣ахад̇т̇ам̣ басаарзд̇ваа гумбхз бараамасид̇ваа –

Tasmiṃ khaṇe ekā itthī nāḷāgiriṃ disvā maraṇabhayabhītā palāyamānā aṅkena gahitaṃ dārakaṃ hatthino ca tathāgatassa ca antare chaḍḍetvā palāyi. Hatthī taṃ anubandhitvā nivattitvā dārakassa santikaṃ agamāsi. Tadā dārako mahāravaṃ ravi. Satthā nāḷāgiriṃ odissakamettāya pharitvā sumadhuraṃ brahmassaraṃ nicchāretvā ‘‘ambho nāḷāgiri taṃ soḷasa surāghaṭe pāyetvā mattaṃ karontā na ‘aññaṃ gaṇhissatī’ti kariṃsu, ‘maṃ gaṇhissatī’ti pana kariṃsu, mā akāraṇena jaṅghāyo kilamento vicari, ito ehī’’ti pakkosi. So satthu vacanaṃ sutvā akkhīni ummīletvā bhagavato rūpasiriṃ oloketvā paṭiladdhasaṃvego buddhatejena pacchinnasurāmado soṇḍaṃ olambento kaṇṇe cālento āgantvā tathāgatassa pādesu pati. Atha naṃ satthā, ‘‘nāḷāgiri, tvaṃ tiracchānahatthī, ahaṃ buddhavāraṇo, ito paṭṭhāya mā caṇḍo pharuso manussaghātako bhava, sabbasattesu mettacittaṃ paṭilabhā’’ti vatvā dakkhiṇahatthaṃ pasāretvā kumbhe parāmasitvā –

‘‘маа гун̃ж̇ара нааг̇амаасад̣̇о, д̣̇угко хи гун̃ж̇ара нааг̇амаасад̣̇о;

‘‘Mā kuñjara nāgamāsado, dukkho hi kuñjara nāgamāsado;

на хи нааг̇ахад̇асса гун̃ж̇ара, суг̇ад̇и ход̇и ид̇о барам̣ яад̇о.

Na hi nāgahatassa kuñjara, sugati hoti ito paraṃ yato.

‘‘маа жа мад̣̇о маа жа бамаад̣̇о, на хи бамад̇д̇аа суг̇ад̇им̣ важ̇анд̇и д̇з;

‘‘Mā ca mado mā ca pamādo, na hi pamattā sugatiṃ vajanti te;

д̇ван̃н̃зва д̇ат̇аа гариссаси, язна д̇вам̣ суг̇ад̇им̣ г̇амиссасий’’д̇и. (жуул̣ава. 342) –

Tvaññeva tathā karissasi, yena tvaṃ sugatiṃ gamissasī’’ti. (cūḷava. 342) –

д̇хаммам̣ д̣̇зсзси.

Dhammaṃ desesi.

д̇асса сагаласарийрам̣ бийд̇ияаа ниранд̇арам̣ пудам̣ ахоси. сажз гира д̇иражчаанаг̇ад̇о наабхависсаа, сод̇аабад̇д̇ипалам̣ ад̇хиг̇амиссаа. мануссаа д̇ам̣ баадихаарияам̣ д̣̇исваа уннад̣̇им̣су абподим̣су, сан̃ж̇аад̇асоманассаа наанаабхаран̣аани кибим̣су, д̇аани хад̇т̇исса сарийрам̣ бадижчаад̣̇аяим̣су. д̇ад̇о бадтааяа наал̣ааг̇ири д̇ханабаалаго наама ж̇аад̇о. д̇асмим̣ ко бана д̇ханабаалагасамааг̇амз жад̇ураасийд̇и баан̣асахассаани амад̇ам̣ бивим̣су. сад̇т̇аа д̇ханабаалагам̣ бан̃жасу сийлзсу бад̇идтаабзси. со сон̣д̣ааяа бхаг̇авад̇о баад̣̇з бам̣сууни г̇ахзд̇ваа убари муд̣̇д̇хани аагирид̇ваа бадигудид̇ова бадиггамид̇ваа д̣̇ассануубажаарз тид̇о д̣̇асаб̣алам̣ ванд̣̇ид̇ваа нивад̇д̇ид̇ваа хад̇т̇исаалам̣ баависи. д̇ад̇о бадтааяа д̣̇анд̇асуд̣̇анд̇о худ̇ваа на ган̃жи вихзтзд̇и. сад̇т̇аа нибпаннаманорат̇о ‘‘язхи яам̣ д̇ханам̣ кид̇д̇ам̣, д̇зсан̃н̃зва д̇ам̣ ход̇уу’’д̇и ад̇хидтааяа ‘‘аж̇ж̇а маяаа маханд̇ам̣ баадихаарияам̣ гад̇ам̣, имасмим̣ наг̇арз бин̣д̣ааяа жаран̣ам̣ аббадирууба’’нд̇и д̇ид̇т̇ияз мад̣̇д̣̇ид̇ваа бхигкусан̇гхабаривуд̇о ж̇аяаббад̇д̇о вияа кад̇д̇ияо наг̇араа нигкамид̇ваа взл̣уванамзва г̇ад̇о. наг̇араваасино б̣ахум̣ аннабаанакаад̣̇анийяам̣ аад̣̇ааяа вихаарам̣ г̇анд̇ваа махаад̣̇аанам̣ бавад̇д̇аяим̣су.

Tassa sakalasarīraṃ pītiyā nirantaraṃ phuṭaṃ ahosi. Sace kira tiracchānagato nābhavissā, sotāpattiphalaṃ adhigamissā. Manussā taṃ pāṭihāriyaṃ disvā unnadiṃsu apphoṭiṃsu, sañjātasomanassā nānābharaṇāni khipiṃsu, tāni hatthissa sarīraṃ paṭicchādayiṃsu. Tato paṭṭhāya nāḷāgiri dhanapālako nāma jāto. Tasmiṃ kho pana dhanapālakasamāgame caturāsīti pāṇasahassāni amataṃ piviṃsu. Satthā dhanapālakaṃ pañcasu sīlesu patiṭṭhāpesi. So soṇḍāya bhagavato pāde paṃsūni gahetvā upari muddhani ākiritvā paṭikuṭitova paṭikkamitvā dassanūpacāre ṭhito dasabalaṃ vanditvā nivattitvā hatthisālaṃ pāvisi. Tato paṭṭhāya dantasudanto hutvā na kañci viheṭheti. Satthā nipphannamanoratho ‘‘yehi yaṃ dhanaṃ khittaṃ, tesaññeva taṃ hotū’’ti adhiṭṭhāya ‘‘ajja mayā mahantaṃ pāṭihāriyaṃ kataṃ, imasmiṃ nagare piṇḍāya caraṇaṃ appaṭirūpa’’nti titthiye madditvā bhikkhusaṅghaparivuto jayappatto viya khattiyo nagarā nikkhamitvā veḷuvanameva gato. Nagaravāsino bahuṃ annapānakhādanīyaṃ ādāya vihāraṃ gantvā mahādānaṃ pavattayiṃsu.

д̇ам̣ д̣̇ивасам̣ сааяанхасамаяз д̇хаммасабхам̣ буурзд̇ваа саннисиннаа бхигкуу гат̇ам̣ самудтаабзсум̣ – ‘‘аавусо, ааяасмад̇аа аананд̣̇зна д̇ат̇ааг̇ад̇ассад̇т̇ааяа ад̇д̇ано ж̇ийвид̇ам̣ барижжаж̇анд̇зна д̣̇уггарам̣ гад̇ам̣, наал̣ааг̇ирим̣ д̣̇исваа сад̇т̇аараа д̇игкад̇д̇ум̣ бадиб̣аахияамааноби наабаг̇ад̇о, ахо д̣̇уггарагаараго, аавусо, ааяасмаа аананд̣̇о’’д̇и. сад̇т̇аа ‘‘аананд̣̇асса г̇ун̣агат̇аа бавад̇д̇ад̇и, г̇анд̇аб̣б̣ам̣ маяаа зд̇т̇аа’’д̇и г̇анд̇хагудид̇о нигкамид̇ваа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби аананд̣̇о д̇иражчаанаяонияам̣ ниб̣б̣ад̇д̇оби мамад̇т̇ааяа ж̇ийвид̇ам̣ барижжаж̇иязваа’’д̇и вад̇ваа д̇зхи яаажид̇о ад̇ийд̇ам̣ аахари.

Taṃ divasaṃ sāyanhasamaye dhammasabhaṃ pūretvā sannisinnā bhikkhū kathaṃ samuṭṭhāpesuṃ – ‘‘āvuso, āyasmatā ānandena tathāgatassatthāya attano jīvitaṃ pariccajantena dukkaraṃ kataṃ, nāḷāgiriṃ disvā satthārā tikkhattuṃ paṭibāhiyamānopi nāpagato, aho dukkarakārako, āvuso, āyasmā ānando’’ti. Satthā ‘‘ānandassa guṇakathā pavattati, gantabbaṃ mayā etthā’’ti gandhakuṭito nikkhamitvā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi ānando tiracchānayoniyaṃ nibbattopi mamatthāya jīvitaṃ pariccajiyevā’’ti vatvā tehi yācito atītaṃ āhari.

ад̇ийд̇з махим̣сагарадтз сааг̇аланаг̇арз сааг̇ало наама рааж̇аа д̇хаммзна раж̇ж̇ам̣ гаарзси. д̇ад̣̇аа наг̇арад̇о авид̣̇уурз згасмим̣ нзсаад̣̇аг̇аамагз ан̃н̃ад̇аро нзсаад̣̇о баасзхи сагун̣з б̣анд̇хид̇ваа наг̇арз виггин̣анд̇о ж̇ийвигам̣ габбзси. наг̇арад̇о жа авид̣̇уурз ааваддад̇о д̣̇ваад̣̇асаяож̇ано маанусияо наама бад̣̇умасаро ахоси бан̃жаван̣н̣абад̣̇умасан̃чанно. д̇ад̇т̇а наанаббагааро сагун̣асан̇гхо од̇ари. со нзсаад̣̇о д̇ад̇т̇а анияаамзна баасз од̣д̣зси. д̇асмим̣ гаалз д̇хад̇арадто хам̣сарааж̇аа чаннавуд̇ихам̣сасахассабаривааро жид̇д̇агуудабаб̣б̣ад̇з суван̣н̣аг̇ухааяам̣ васад̇и, сумуко наамасса сзнаабад̇и ахоси. ат̇згад̣̇ивасам̣ д̇ад̇о хам̣саяуут̇аа гад̇ибаяаа суван̣н̣ахам̣саа маанусияам̣ сарам̣ г̇анд̇ваа бахууд̇аг̇ожарз д̇асмим̣ яат̇аасукам̣ вижарид̇ваа сухид̇аа жид̇д̇агуудам̣ ааг̇анд̇ваа д̇хад̇арадтасса аарожзсум̣ – ‘‘махаарааж̇а, мануссабат̇з маанусияо наама бад̣̇умасаро самбаннаг̇ожаро, д̇ад̇т̇а г̇ожарам̣ г̇ан̣хид̇ум̣ г̇ажчаамаа’’д̇и. со ‘‘мануссабат̇о наама саасан̇го саббадибхаяо, маа во ружжид̇т̇аа’’д̇и бадигкибид̇вааби д̇зхи бунаббунам̣ вужжамаано ‘‘сажз д̇умхаагам̣ ружжад̇и, г̇ажчаамаа’’д̇и сабаривааро д̇ам̣ сарам̣ аг̇амааси. со аагаасаа од̇аранд̇о баад̣̇ам̣ баасз бавзсзнд̇оязва од̇ари. ат̇асса баасо баад̣̇ам̣ аяабаддагзна гад̣дханд̇о вияа ааб̣анд̇хид̇ваа г̇ан̣хи. ат̇асса ‘‘чинд̣̇иссаами на’’нд̇и аагад̣дханд̇асса батамаваарз жаммам̣ чиж̇ж̇и, д̣̇уд̇ияаваарз мам̣сам̣ чиж̇ж̇и, д̇ад̇ияаваарз нхаару чиж̇ж̇и, баасо адтим̣ аахажжа адтааси, лохид̇ам̣ баг̇гхари, б̣алававзд̣̇анаа бавад̇д̇им̣су.

Atīte mahiṃsakaraṭṭhe sāgalanagare sāgalo nāma rājā dhammena rajjaṃ kāresi. Tadā nagarato avidūre ekasmiṃ nesādagāmake aññataro nesādo pāsehi sakuṇe bandhitvā nagare vikkiṇanto jīvikaṃ kappesi. Nagarato ca avidūre āvaṭṭato dvādasayojano mānusiyo nāma padumasaro ahosi pañcavaṇṇapadumasañchanno. Tattha nānappakāro sakuṇasaṅgho otari. So nesādo tattha aniyāmena pāse oḍḍesi. Tasmiṃ kāle dhataraṭṭho haṃsarājā channavutihaṃsasahassaparivāro cittakūṭapabbate suvaṇṇaguhāyaṃ vasati, sumukho nāmassa senāpati ahosi. Athekadivasaṃ tato haṃsayūthā katipayā suvaṇṇahaṃsā mānusiyaṃ saraṃ gantvā pahūtagocare tasmiṃ yathāsukhaṃ vicaritvā suhitā cittakūṭaṃ āgantvā dhataraṭṭhassa ārocesuṃ – ‘‘mahārāja, manussapathe mānusiyo nāma padumasaro sampannagocaro, tattha gocaraṃ gaṇhituṃ gacchāmā’’ti. So ‘‘manussapatho nāma sāsaṅko sappaṭibhayo, mā vo ruccitthā’’ti paṭikkhipitvāpi tehi punappunaṃ vuccamāno ‘‘sace tumhākaṃ ruccati, gacchāmā’’ti saparivāro taṃ saraṃ agamāsi. So ākāsā otaranto pādaṃ pāse pavesentoyeva otari. Athassa pāso pādaṃ ayapaṭṭakena kaḍḍhanto viya ābandhitvā gaṇhi. Athassa ‘‘chindissāmi na’’nti ākaḍḍhantassa paṭhamavāre cammaṃ chijji, dutiyavāre maṃsaṃ chijji, tatiyavāre nhāru chijji, pāso aṭṭhiṃ āhacca aṭṭhāsi, lohitaṃ pagghari, balavavedanā pavattiṃsu.

со жинд̇зси – ‘‘сажаахам̣ б̣ад̣̇д̇харавам̣ рависсаами, н̃аад̇агаа мз уд̇расд̇аа худ̇ваа г̇ожарам̣ аг̇г̇ан̣хид̇ваа чаад̇аж̇жхад̇д̇аава балааяанд̇аа д̣̇уб̣б̣алад̇ааяа махаасамуд̣̇д̣̇з бад̇иссанд̇ий’’д̇и. со взд̣̇анам̣ ад̇хиваасзд̇ваа н̃аад̇ийнам̣ яаавад̣̇ад̇т̇ам̣ жарид̇ваа хам̣саанам̣ гийл̣анагаалз маханд̇зна сад̣̇д̣̇зна б̣ад̣̇д̇харавам̣ рави. д̇ам̣ суд̇ваа д̇з хам̣саа маран̣абхаяад̇аж̇ж̇ид̇аа ваг̇г̇аваг̇г̇аа худ̇ваа жид̇д̇агуудаабхимукаа баггамим̣су. д̇зсу багганд̇зсу сумуко хам̣сасзнаабад̇и ‘‘гажжи ну ко ид̣̇ам̣ бхаяам̣ махаарааж̇асса уббаннам̣, ж̇ааниссаами на’’нд̇и взг̇зна багканд̣̇ид̇ваа бурад̇о г̇ажчанд̇асса хам̣саг̇ан̣асса анд̇арз махаасад̇д̇ам̣ ад̣̇исваа маж̇жхимахам̣саг̇ан̣ам̣ вижини, д̇ад̇т̇аби ад̣̇исваа бажчимахам̣саг̇ан̣ам̣ вижини, д̇ад̇т̇аби ад̣̇исваа ‘‘ниссам̣саяам̣ д̇ассзвзд̣̇ам̣ бхаяам̣ уббанна’’нд̇и нивад̇д̇ид̇ваа ааг̇ажчанд̇о махаасад̇д̇ам̣ баасз б̣ад̣̇д̇хам̣ лохид̇амагкид̇ам̣ д̣̇угкаад̇урам̣ бан̇габидтз нибаннам̣ д̣̇исваа ‘‘маа бхааяи, махаарааж̇а, ахам̣ мама ж̇ийвид̇ам̣ барижжаж̇ид̇ваа д̇умхз баасад̇о можзссаамий’’д̇и вад̣̇анд̇о од̇арид̇ваа махаасад̇д̇ам̣ ассаасзнд̇ова бан̇габидтз нисийд̣̇и. ат̇а нам̣ виймам̣санд̇о махаасад̇д̇о батамам̣ г̇аат̇амааха –

So cintesi – ‘‘sacāhaṃ baddharavaṃ ravissāmi, ñātakā me utrastā hutvā gocaraṃ aggaṇhitvā chātajjhattāva palāyantā dubbalatāya mahāsamudde patissantī’’ti. So vedanaṃ adhivāsetvā ñātīnaṃ yāvadatthaṃ caritvā haṃsānaṃ kīḷanakāle mahantena saddena baddharavaṃ ravi. Taṃ sutvā te haṃsā maraṇabhayatajjitā vaggavaggā hutvā cittakūṭābhimukhā pakkamiṃsu. Tesu pakkantesu sumukho haṃsasenāpati ‘‘kacci nu kho idaṃ bhayaṃ mahārājassa uppannaṃ, jānissāmi na’’nti vegena pakkhanditvā purato gacchantassa haṃsagaṇassa antare mahāsattaṃ adisvā majjhimahaṃsagaṇaṃ vicini, tatthapi adisvā pacchimahaṃsagaṇaṃ vicini, tatthapi adisvā ‘‘nissaṃsayaṃ tassevedaṃ bhayaṃ uppanna’’nti nivattitvā āgacchanto mahāsattaṃ pāse baddhaṃ lohitamakkhitaṃ dukkhāturaṃ paṅkapiṭṭhe nipannaṃ disvā ‘‘mā bhāyi, mahārāja, ahaṃ mama jīvitaṃ pariccajitvā tumhe pāsato mocessāmī’’ti vadanto otaritvā mahāsattaṃ assāsentova paṅkapiṭṭhe nisīdi. Atha naṃ vīmaṃsanto mahāsatto paṭhamaṃ gāthamāha –

‘‘сумука анубажинанд̇аа, баггаманд̇и вихан̇г̇амаа;

‘‘Sumukha anupacinantā, pakkamanti vihaṅgamā;

г̇ажча д̇увамби маа ган̇ки, над̇т̇и б̣ад̣̇д̇хз сахааяад̇аа’’д̇и.

Gaccha tuvampi mā kaṅkhi, natthi baddhe sahāyatā’’ti.

д̇ад̇т̇а анубажинанд̇аад̇и синзхзна аалаяавасзна анологзнд̇аа. баггаманд̇ийд̇и зд̇з чаннавуд̇и хам̣сасахассаа н̃аад̇ивихан̇г̇амаа мам̣ чад̣д̣зд̇ваа г̇ажчанд̇и, д̇вамби г̇ажча, маа ид̇ха ваасам̣ ааган̇ки, зван̃хи баасзна б̣ад̣̇д̇хз маяи сахааяад̇аа наама над̇т̇и, на хи д̇з ахам̣ ид̣̇аани гин̃жи сахааяагижжам̣ гаад̇ум̣ сагкиссаами, гим̣ д̇з маяаа нируубагаарзна, бабан̃жам̣ агад̇ваа г̇ажчзваад̇и вад̣̇ад̇и.

Tattha anupacinantāti sinehena ālayavasena anolokentā. Pakkamantīti ete channavuti haṃsasahassā ñātivihaṅgamā maṃ chaḍḍetvā gacchanti, tvampi gaccha, mā idha vāsaṃ ākaṅkhi, evañhi pāsena baddhe mayi sahāyatā nāma natthi, na hi te ahaṃ idāni kiñci sahāyakiccaṃ kātuṃ sakkhissāmi, kiṃ te mayā nirūpakārena, papañcaṃ akatvā gacchevāti vadati.

ид̇о барам̣ –

Ito paraṃ –

‘‘г̇ажчз ваахам̣ на ваа г̇ажчз, на д̇зна амаро сияам̣;

‘‘Gacche vāhaṃ na vā gacche, na tena amaro siyaṃ;

сукид̇ам̣ д̇ам̣ убаасид̇ваа, д̣̇угкид̇ам̣ д̇ам̣ гат̇ам̣ ж̇ахз.

Sukhitaṃ taṃ upāsitvā, dukkhitaṃ taṃ kathaṃ jahe.

‘‘маран̣ам̣ ваа д̇аяаа сад̣̇д̇хим̣, ж̇ийвид̇ам̣ ваа д̇аяаа винаа;

‘‘Maraṇaṃ vā tayā saddhiṃ, jīvitaṃ vā tayā vinā;

д̇ад̣̇зва маран̣ам̣ сзяяо, яан̃жз ж̇ийвз д̇аяаа винаа.

Tadeva maraṇaṃ seyyo, yañce jīve tayā vinā.

‘‘нзса д̇хаммо махаарааж̇а, яам̣ д̇ам̣ звам̣ г̇ад̇ам̣ ж̇ахз;

‘‘Nesa dhammo mahārāja, yaṃ taṃ evaṃ gataṃ jahe;

яаа г̇ад̇и д̇уяхам̣ саа маяхам̣, ружжад̇з вихаг̇аад̇хиба.

Yā gati tuyhaṃ sā mayhaṃ, ruccate vihagādhipa.

‘‘гаа ну баасзна б̣ад̣̇д̇хасса, г̇ад̇и ан̃н̃аа махаанасаа;

‘‘Kā nu pāsena baddhassa, gati aññā mahānasā;

саа гат̇ам̣ жзд̇аяаанасса, муд̇д̇асса д̇ава ружжад̇и.

Sā kathaṃ cetayānassa, muttassa tava ruccati.

‘‘гам̣ ваа д̇вам̣ бассасз ад̇т̇ам̣, мама д̇уяхан̃жа багкима;

‘‘Kaṃ vā tvaṃ passase atthaṃ, mama tuyhañca pakkhima;

н̃аад̇ийнам̣ ваавасидтаанам̣, убхиннам̣ ж̇ийвид̇агкаяз.

Ñātīnaṃ vāvasiṭṭhānaṃ, ubhinnaṃ jīvitakkhaye.

‘‘яам̣ на ган̃жанад̣̇збин̃ча, анд̇хзна д̇амасаа г̇ад̇ам̣;

‘‘Yaṃ na kañcanadepiñcha, andhena tamasā gataṃ;

д̇аад̣̇исз сан̃жаж̇ам̣ баан̣ам̣, гамад̇т̇амабхиж̇од̇аяз.

Tādise sañcajaṃ pāṇaṃ, kamatthamabhijotaye.

‘‘гат̇ам̣ ну бад̇ад̇ам̣ сздта, д̇хаммз ад̇т̇ам̣ на б̣уж̇жхаси;

‘‘Kathaṃ nu patataṃ seṭṭha, dhamme atthaṃ na bujjhasi;

д̇хаммо абажид̇о санд̇о, ад̇т̇ам̣ д̣̇ассзд̇и баан̣инам̣.

Dhammo apacito santo, atthaṃ dasseti pāṇinaṃ.

‘‘сохам̣ д̇хаммам̣ абзгкаано, д̇хаммаа жад̇т̇ам̣ самудтид̇ам̣;

‘‘Sohaṃ dhammaṃ apekkhāno, dhammā catthaṃ samuṭṭhitaṃ;

бхад̇д̇ин̃жа д̇аяи самбассам̣, нааваган̇каами ж̇ийвид̇ам̣.

Bhattiñca tayi sampassaṃ, nāvakaṅkhāmi jīvitaṃ.

10. ‘‘ад̣̇д̇хаа зсо сад̇ам̣ д̇хаммо, яо мид̇д̇о мид̇д̇амаабад̣̇з.

10. ‘‘Addhā eso sataṃ dhammo, yo mitto mittamāpade.

на жаж̇з ж̇ийвид̇ассааби, хзд̇уд̇хаммамануссарам̣.

Na caje jīvitassāpi, hetudhammamanussaraṃ.

11.

‘‘свааяам̣ д̇хаммо жа д̇з жин̣н̣о, бхад̇д̇и жа вид̣̇ид̇аа маяи;

‘‘Svāyaṃ dhammo ca te ciṇṇo, bhatti ca viditā mayi;

гаамам̣ гарассу маяхзд̇ам̣, г̇ажчзваанумад̇о маяаа.

Kāmaṃ karassu mayhetaṃ, gacchevānumato mayā.

12.

‘‘аби д̇взвам̣ г̇ад̇з гаалз, яам̣ кан̣д̣ам̣ н̃аад̇инам̣ маяаа;

‘‘Api tvevaṃ gate kāle, yaṃ khaṇḍaṃ ñātinaṃ mayā;

д̇аяаа д̇ам̣ б̣уд̣̇д̇хисамбаннам̣, асса барамасам̣вуд̇ам̣.

Tayā taṃ buddhisampannaṃ, assa paramasaṃvutaṃ.

13.

‘‘ижжзвам̣ манд̇аяанд̇аанам̣, арияаанам̣ арияавуд̇д̇инам̣;

‘‘Iccevaṃ mantayantānaṃ, ariyānaṃ ariyavuttinaṃ;

бажжад̣̇иссат̇а нзсаад̣̇о, аад̇ураанамиванд̇аго.

Paccadissatha nesādo, āturānamivantako.

14.

‘‘д̇з сад̇д̇умабхисан̃жигка, д̣̇ийгхарад̇д̇ам̣ хид̇аа д̣̇иж̇аа;

‘‘Te sattumabhisañcikkha, dīgharattaṃ hitā dijā;

д̇ун̣хиймаасид̇т̇а убхаяо, на сан̃жалзсумаасанаа.

Tuṇhīmāsittha ubhayo, na sañcalesumāsanā.

15.

‘‘д̇хад̇арадтз жа д̣̇исваана, самуд̣д̣знд̇з д̇ад̇о д̇ад̇о;

‘‘Dhataraṭṭhe ca disvāna, samuḍḍente tato tato;

абхигкамат̇а взг̇зна, д̣̇иж̇асад̇д̇у д̣̇иж̇аад̇хибз.

Abhikkhamatha vegena, dijasattu dijādhipe.

16.

‘‘со жа взг̇знабхиггамма, аасаж̇ж̇а барамз д̣̇иж̇з;

‘‘So ca vegenabhikkamma, āsajja parame dije;

бажжагамид̇т̇а нзсаад̣̇о, б̣ад̣̇д̇хаа ид̇и вижинд̇аяам̣.

Paccakamittha nesādo, baddhā iti vicintayaṃ.

17.

‘‘згам̣ва б̣ад̣̇д̇хамаасийнам̣, аб̣ад̣̇д̇хан̃жа бунаабарам̣;

‘‘Ekaṃva baddhamāsīnaṃ, abaddhañca punāparaṃ;

аасаж̇ж̇а б̣ад̣̇д̇хамаасийнам̣, бзгкамаанамад̣̇ийнавам̣.

Āsajja baddhamāsīnaṃ, pekkhamānamadīnavaṃ.

18.

‘‘д̇ад̇о со вимад̇оязва, бан̣д̣арз аж̇жхабхаасат̇а;

‘‘Tato so vimatoyeva, paṇḍare ajjhabhāsatha;

бавад̣дхагааяз аасийнз, д̣̇иж̇асан̇гхаг̇ан̣аад̇хибз.

Pavaḍḍhakāye āsīne, dijasaṅghagaṇādhipe.

19.

‘‘яам̣ ну баасзна махад̇аа, б̣ад̣̇д̇хо на гуруд̇з д̣̇исам̣;

‘‘Yaṃ nu pāsena mahatā, baddho na kurute disaṃ;

ат̇а гасмаа аб̣ад̣̇д̇хо д̇вам̣, б̣алий багки на г̇ажчаси.

Atha kasmā abaddho tvaṃ, balī pakkhi na gacchasi.

20.

‘‘гим̣ ну д̇яааяам̣ д̣̇иж̇о ход̇и, муд̇д̇о б̣ад̣̇д̇хам̣ убаасаси;

‘‘Kiṃ nu tyāyaṃ dijo hoti, mutto baddhaṃ upāsasi;

охааяа сагун̣аа яанд̇и, гим̣ зго авахийяаси.

Ohāya sakuṇā yanti, kiṃ eko avahīyasi.

21.

‘‘рааж̇аа мз со д̣̇иж̇аамид̇д̇а, сакаа баан̣асамо жа мз;

‘‘Rājā me so dijāmitta, sakhā pāṇasamo ca me;

нзва нам̣ виж̇ахиссаами, яаава гааласса барияааяам̣.

Neva naṃ vijahissāmi, yāva kālassa pariyāyaṃ.

22.

‘‘гат̇ам̣ банааяам̣ вихан̇г̇о, наад̣̇д̣̇аса баасамод̣д̣ид̇ам̣;

‘‘Kathaṃ panāyaṃ vihaṅgo, nāddasa pāsamoḍḍitaṃ;

бад̣̇ан̃хзд̇ам̣ маханд̇аанам̣, б̣од̣̇д̇хумараханд̇и аабад̣̇ам̣.

Padañhetaṃ mahantānaṃ, boddhumarahanti āpadaṃ.

23.

‘‘яад̣̇аа бараабхаво ход̇и, босо ж̇ийвид̇асан̇каяз;

‘‘Yadā parābhavo hoti, poso jīvitasaṅkhaye;

ат̇а ж̇аалан̃жа баасан̃жа, аасаж̇ж̇ааби на б̣уж̇жхад̇и.

Atha jālañca pāsañca, āsajjāpi na bujjhati.

24.

‘‘аби д̇взва махаабан̃н̃а, баасаа б̣ахувид̇хаа д̇ад̇аа;

‘‘Api tveva mahāpañña, pāsā bahuvidhā tatā;

г̇уяхамаасаж̇ж̇а б̣аж̇жханд̇и, ат̇звам̣ ж̇ийвид̇агкаяз’’д̇и. –

Guyhamāsajja bajjhanti, athevaṃ jīvitakkhaye’’ti. –

имаасам̣ г̇аат̇аанам̣ самб̣анд̇хо баал̣инаязнзва взд̣̇ид̇аб̣б̣о.

Imāsaṃ gāthānaṃ sambandho pāḷinayeneva veditabbo.

д̇ад̇т̇а г̇ажчз ваад̇и, махаарааж̇а, ахам̣ ид̇о г̇ажчзяяам̣ ваа на ваа, наахам̣ д̇зна г̇аманзна ваа аг̇аманзна ваа амаро сияам̣, ахан̃хи ид̇о г̇ад̇оби аг̇ад̇оби маран̣ад̇о амуд̇д̇ова, ид̇о буб̣б̣з бана сукид̇ам̣ д̇ам̣ убаасид̇ваа ид̣̇аани д̣̇угкид̇ам̣ д̇ам̣ гат̇ам̣ ж̇ахзяяанд̇и вад̣̇ад̇и. маран̣ам̣ ваад̇и мама аг̇ажчанд̇асса ваа д̇аяаа сад̣̇д̇хим̣ маран̣ам̣ бхавзяяа, г̇ажчанд̇асса ваа д̇аяаа винаа ж̇ийвид̇ам̣. д̇зсу д̣̇вийсу яам̣ д̇аяаа сад̣̇д̇хим̣ маран̣ам̣, д̇ад̣̇зва мз варам̣, яам̣ д̇аяаа винаа ж̇ийвзяяам̣, на мз д̇ам̣ варанд̇и ад̇т̇о. ружжад̇зд̇и яаа д̇ава г̇ад̇и нибпад̇д̇и, саава маяхам̣ ружжад̇и. саа гат̇анд̇и самма сумука мама д̇аава д̣̇ал̣хзна ваалабаасзна б̣ад̣̇д̇хасса барахад̇т̇ам̣ г̇ад̇асса саа г̇ад̇и ружжад̇у, д̇ава бана жзд̇аяаанасса сажзд̇анасса бан̃н̃авад̇о муд̇д̇асса гат̇ам̣ ружжад̇и.

Tattha gacche vāti, mahārāja, ahaṃ ito gaccheyyaṃ vā na vā, nāhaṃ tena gamanena vā agamanena vā amaro siyaṃ, ahañhi ito gatopi agatopi maraṇato amuttova, ito pubbe pana sukhitaṃ taṃ upāsitvā idāni dukkhitaṃ taṃ kathaṃ jaheyyanti vadati. Maraṇaṃ vāti mama agacchantassa vā tayā saddhiṃ maraṇaṃ bhaveyya, gacchantassa vā tayā vinā jīvitaṃ. Tesu dvīsu yaṃ tayā saddhiṃ maraṇaṃ, tadeva me varaṃ, yaṃ tayā vinā jīveyyaṃ, na me taṃ varanti attho. Ruccateti yā tava gati nipphatti, sāva mayhaṃ ruccati. Sā kathanti samma sumukha mama tāva daḷhena vālapāsena baddhassa parahatthaṃ gatassa sā gati ruccatu, tava pana cetayānassa sacetanassa paññavato muttassa kathaṃ ruccati.

багкимаад̇и багкасамбанна. убхиннанд̇и амхаагам̣ д̣̇виннам̣ ж̇ийвид̇агкаяз сад̇и д̇вам̣ мама ваа д̇ава ваа авасидтан̃аад̇ийнам̣ ваа гам̣ ад̇т̇ам̣ бассаси. яам̣ наад̇и зд̇т̇а на-гааро убамаанз. ган̃жанад̣̇збин̃чаад̇и ган̃жанад̣̇взбин̃ча, аяамзва ваа баато, ган̃жанасад̣̇исаубхаяабагкаад̇и ад̇т̇о. д̇амасаад̇и д̇амаси. г̇ад̇анд̇и гад̇ам̣, аяамзва ваа баато. буримасса на-гаарасса иминаа самб̣анд̇хо, ‘‘на гад̇а’’нд̇и гад̇ам̣ вияаад̇и ад̇т̇о. ид̣̇ам̣ вуд̇д̇ам̣ ход̇и – д̇аяи баан̣ам̣ жаж̇анд̇зби ажаж̇анд̇зби мама ж̇ийвид̇асса абхааваа яам̣ д̇ава баан̣асан̃жаж̇анам̣, д̇ам̣ анд̇хзна д̇амаси гад̇ам̣ вияа гин̃жид̣̇зва руубагаммам̣ абажжагкаг̇ун̣ам̣, д̇аад̣̇исз д̇ава абажжагкаг̇ун̣з баан̣асан̃жаж̇анз д̇вам̣ баан̣ам̣ сан̃жаж̇анд̇о гамад̇т̇ам̣ ж̇од̇зяяаасийд̇и.

Pakkhimāti pakkhasampanna. Ubhinnanti amhākaṃ dvinnaṃ jīvitakkhaye sati tvaṃ mama vā tava vā avasiṭṭhañātīnaṃ vā kaṃ atthaṃ passasi. Yaṃ nāti ettha na-kāro upamāne. Kañcanadepiñchāti kañcanadvepiñcha, ayameva vā pāṭho, kañcanasadisaubhayapakkhāti attho. Tamasāti tamasi. Gatanti kataṃ, ayameva vā pāṭho. Purimassa na-kārassa iminā sambandho, ‘‘na kata’’nti kataṃ viyāti attho. Idaṃ vuttaṃ hoti – tayi pāṇaṃ cajantepi acajantepi mama jīvitassa abhāvā yaṃ tava pāṇasañcajanaṃ, taṃ andhena tamasi kataṃ viya kiñcideva rūpakammaṃ apaccakkhaguṇaṃ, tādise tava apaccakkhaguṇe pāṇasañcajane tvaṃ pāṇaṃ sañcajanto kamatthaṃ joteyyāsīti.

д̇хаммо абажид̇о санд̇од̇и д̇хаммо бууж̇ид̇о маанид̇о самаано. ад̇т̇ам̣ д̣̇ассзд̇ийд̇и вуд̣̇д̇хим̣ д̣̇ассзд̇и. абзгкаанод̇и абзгканд̇о. д̇хаммаа жад̇т̇анд̇и д̇хаммад̇о жа ад̇т̇ам̣ самудтид̇ам̣ бассанд̇о . бхад̇д̇инд̇и синзхам̣. сад̇ам̣ д̇хаммод̇и бан̣д̣ид̇аанам̣ сабхааво. яо мид̇д̇од̇и яо мид̇д̇о аабад̣̇аасу мид̇д̇ам̣ на жаж̇з, д̇асса ажаж̇анд̇асса мид̇д̇асса зса сабхааво наама ад̣̇д̇хаа сад̇ам̣ д̇хаммо. вид̣̇ид̇аад̇и баагадаа ж̇аад̇аа. гаамам̣ гарассууд̇и зд̇ам̣ мама гаамам̣ маяаа ижчид̇ам̣ мама важанам̣ гарассу. аби д̇взвам̣ г̇ад̇з гаалзд̇и аби д̇у звам̣ г̇ад̇з гаалз маяи имасмим̣ таанз баасзна б̣ад̣̇д̇хз. барамасам̣вуд̇анд̇и барамабарибун̣н̣ам̣.

Dhammo apacito santoti dhammo pūjito mānito samāno. Atthaṃ dassetīti vuddhiṃ dasseti. Apekkhānoti apekkhanto. Dhammā catthanti dhammato ca atthaṃ samuṭṭhitaṃ passanto . Bhattinti sinehaṃ. Sataṃ dhammoti paṇḍitānaṃ sabhāvo. Yo mittoti yo mitto āpadāsu mittaṃ na caje, tassa acajantassa mittassa esa sabhāvo nāma addhā sataṃ dhammo. Viditāti pākaṭā jātā. Kāmaṃ karassūti etaṃ mama kāmaṃ mayā icchitaṃ mama vacanaṃ karassu. Api tvevaṃ gate kāleti api tu evaṃ gate kāle mayi imasmiṃ ṭhāne pāsena baddhe. Paramasaṃvutanti paramaparipuṇṇaṃ.

ижжзвам̣ манд̇аяанд̇аананд̇и ‘‘г̇ажча, на г̇ажчаамий’’д̇и звам̣ гат̇знд̇аанам̣ арияаананд̇и аажаараарияаанам̣. бажжад̣̇иссат̇аад̇и гаасааяаани ниваасзд̇ваа рад̇д̇амаалам̣ бил̣анд̇хид̇ваа муг̇г̇арам̣ аад̣̇ааяа ааг̇ажчанд̇о ад̣̇иссат̇а. аад̇ураананд̇и г̇илаанаанам̣ мажжу вияа. абхисан̃жигкаад̇и, бхигкавз, д̇з убхоби сад̇д̇ум̣ ааяанд̇ам̣ бассид̇ваа. хид̇аад̇и д̣̇ийгхарад̇д̇ам̣ ан̃н̃аман̃н̃асса хид̇аа муд̣̇ужид̇д̇аа. на сан̃жалзсумаасанаад̇и аасанад̇о на жалим̣су, яат̇аанисиннаава ахзсум̣. сумуко бана ‘‘аяам̣ нзсаад̣̇о ааг̇анд̇ваа бахаранд̇о мам̣ батамам̣ бахарад̇уу’’д̇и жинд̇зд̇ваа махаасад̇д̇ам̣ бажчад̇о гад̇ваа нисийд̣̇и.

Iccevaṃ mantayantānanti ‘‘gaccha, na gacchāmī’’ti evaṃ kathentānaṃ ariyānanti ācāraariyānaṃ. Paccadissathāti kāsāyāni nivāsetvā rattamālaṃ piḷandhitvā muggaraṃ ādāya āgacchanto adissatha. Āturānanti gilānānaṃ maccu viya. Abhisañcikkhāti, bhikkhave, te ubhopi sattuṃ āyantaṃ passitvā. Hitāti dīgharattaṃ aññamaññassa hitā muducittā. Na sañcalesumāsanāti āsanato na caliṃsu, yathānisinnāva ahesuṃ. Sumukho pana ‘‘ayaṃ nesādo āgantvā paharanto maṃ paṭhamaṃ paharatū’’ti cintetvā mahāsattaṃ pacchato katvā nisīdi.

д̇хад̇арадтзд̇и хам̣сз. самуд̣д̣знд̇зд̇и маран̣абхаязна ид̇о жид̇о жа уббад̇анд̇з д̣̇исваа. аасаж̇ж̇аад̇и ид̇арз д̣̇вз ж̇анз убаг̇анд̇ваа. бажжагамид̇т̇аад̇и ‘‘б̣ад̣̇д̇хаа, на б̣ад̣̇д̇хаа’’д̇и жинд̇знд̇о убад̇хаарзнд̇о агамид̇т̇а, взг̇ам̣ хаабзд̇ваа сан̣игам̣ аг̇амааси. аасаж̇ж̇а б̣ад̣̇д̇хамаасийнанд̇и б̣ад̣̇д̇хам̣ махаасад̇д̇ам̣ убаг̇анд̇ваа нисиннам̣ сумукам̣. ад̣̇ийнаванд̇иаад̣̇ийнавамзва худ̇ваа махаасад̇д̇ам̣ ологзнд̇ам̣ д̣̇исваа. вимад̇од̇и гим̣ ну ко аб̣ад̣̇д̇хо б̣ад̣̇д̇хасса санд̇игз нисинно, гааран̣ам̣ бужчиссаамийд̇и вимад̇иж̇аад̇о худ̇ваад̇и ад̇т̇о. бан̣д̣арзд̇и хам̣сз, ат̇а ваа барисуд̣̇д̇хз ниммалз, самбахадтаган̃жанаван̣н̣зд̇и ад̇т̇о. бавад̣дхагааязд̇и вад̣дхид̇агааяз махаасарийрз. яам̣ нууд̇и яам̣ д̇аава зсо махаабаасзна б̣ад̣̇д̇хо. на гуруд̇з д̣̇исанд̇и балааяанад̇т̇ааяа згам̣ д̣̇исам̣ на бхаж̇ад̇и, д̇ам̣ яуд̇д̇анд̇и ад̇хиббааяо. б̣алийд̇и б̣аласамбанно худ̇вааби. багкийд̇и д̇ам̣ аалабад̇и. охааяаад̇и чад̣д̣зд̇ваа. яанд̇ийд̇и сзсасагун̣аа г̇ажчанд̇и. авахийяасийд̇и охийяаси.

Dhataraṭṭheti haṃse. Samuḍḍenteti maraṇabhayena ito cito ca uppatante disvā. Āsajjāti itare dve jane upagantvā. Paccakamitthāti ‘‘baddhā, na baddhā’’ti cintento upadhārento akamittha, vegaṃ hāpetvā saṇikaṃ agamāsi. Āsajja baddhamāsīnanti baddhaṃ mahāsattaṃ upagantvā nisinnaṃ sumukhaṃ. Adīnavantiādīnavameva hutvā mahāsattaṃ olokentaṃ disvā. Vimatoti kiṃ nu kho abaddho baddhassa santike nisinno, kāraṇaṃ pucchissāmīti vimatijāto hutvāti attho. Paṇḍareti haṃse, atha vā parisuddhe nimmale, sampahaṭṭhakañcanavaṇṇeti attho. Pavaḍḍhakāyeti vaḍḍhitakāye mahāsarīre. Yaṃ nūti yaṃ tāva eso mahāpāsena baddho. Na kurute disanti palāyanatthāya ekaṃ disaṃ na bhajati, taṃ yuttanti adhippāyo. Balīti balasampanno hutvāpi. Pakkhīti taṃ ālapati. Ohāyāti chaḍḍetvā. Yantīti sesasakuṇā gacchanti. Avahīyasīti ohīyasi.

д̣̇иж̇аамид̇д̇аад̇и д̣̇иж̇аанам̣ амид̇д̇а. яаава гааласса барияааяанд̇и яаава маран̣асса вааро ааг̇ажчад̇и. гат̇ам̣ банааяанд̇и д̇вам̣ рааж̇аа мз сод̇и вад̣̇аси, рааж̇аано жа наама бан̣д̣ид̇аа хонд̇и, ид̇иби бан̣д̣ид̇о самаано гзна гааран̣зна од̣д̣ид̇ам̣ баасам̣ на ад̣̇д̣̇аса. бад̣̇ам̣ хзд̇анд̇и яасамахад̇д̇ам̣ ваа н̃аан̣амахад̇д̇ам̣ ваа бад̇д̇аанам̣ ад̇д̇ано аабад̣̇аб̣уж̇жханам̣ наама бад̣̇ам̣ гааран̣ам̣, д̇асмаа д̇з аабад̣̇ам̣ б̣од̣̇д̇хумараханд̇и. бараабхавод̇и авад̣дхи. аасаж̇ж̇аабийд̇и убаг̇анд̇вааби на б̣уж̇жхад̇и. д̇ад̇аад̇и вид̇ад̇аа од̣д̣ид̇аа. г̇уяхамаасаж̇ж̇аад̇и д̇зсу баасзсу яо г̇ул̣хо бадижчанно баасо, д̇ам̣ аасаж̇ж̇а б̣аж̇жханд̇и. ат̇званд̇и ат̇а звам̣ ж̇ийвид̇агкаяз б̣аж̇жханд̇зваад̇и ад̇т̇о.

Dijāmittāti dijānaṃ amitta. Yāva kālassa pariyāyanti yāva maraṇassa vāro āgacchati. Kathaṃ panāyanti tvaṃ rājā me soti vadasi, rājāno ca nāma paṇḍitā honti, itipi paṇḍito samāno kena kāraṇena oḍḍitaṃ pāsaṃ na addasa. Padaṃ hetanti yasamahattaṃ vā ñāṇamahattaṃ vā pattānaṃ attano āpadabujjhanaṃ nāma padaṃ kāraṇaṃ, tasmā te āpadaṃ boddhumarahanti. Parābhavoti avaḍḍhi. Āsajjāpīti upagantvāpi na bujjhati. Tatāti vitatā oḍḍitā. Guyhamāsajjāti tesu pāsesu yo guḷho paṭicchanno pāso, taṃ āsajja bajjhanti. Athevanti atha evaṃ jīvitakkhaye bajjhantevāti attho.

ид̇и нам̣ со гат̇аасаллаабзна муд̣̇ухад̣̇аяам̣ гад̇ваа махаасад̇д̇асса ж̇ийвид̇ам̣ яаажанд̇о г̇аат̇амааха –

Iti naṃ so kathāsallāpena muduhadayaṃ katvā mahāsattassa jīvitaṃ yācanto gāthamāha –

25.

‘‘аби нааяам̣ д̇аяаа сад̣̇д̇хим̣, сам̣ваасасса сукуд̣̇раяо;

‘‘Api nāyaṃ tayā saddhiṃ, saṃvāsassa sukhudrayo;

аби но ануман̃н̃ааси, аби но ж̇ийвид̇ам̣ д̣̇ад̣̇з’’д̇и.

Api no anumaññāsi, api no jīvitaṃ dade’’ti.

д̇ад̇т̇а аби нааяанд̇и аби ну аяам̣. сукуд̣̇раяод̇и сукапало. аби но ануман̃н̃аасийд̇и жид̇д̇агуудам̣ г̇анд̇ваа н̃аад̇агз бассид̇ум̣ д̇вам̣ аби но ануж̇аанзяяааси. аби но ж̇ийвид̇ам̣ д̣̇ад̣̇зд̇и аби но имааяа гат̇ааяа уббаннависсаасо на маарзяяаасийд̇и.

Tattha api nāyanti api nu ayaṃ. Sukhudrayoti sukhaphalo. Api no anumaññāsīti cittakūṭaṃ gantvā ñātake passituṃ tvaṃ api no anujāneyyāsi. Api no jīvitaṃ dadeti api no imāya kathāya uppannavissāso na māreyyāsīti.

со д̇асса мад̇хурагат̇ааяа б̣аж̇жхид̇ваа г̇аат̇амааха –

So tassa madhurakathāya bajjhitvā gāthamāha –

26.

‘‘на жзва мз д̇вам̣ б̣ад̣̇д̇хоси, наби ижчаами д̇з вад̇хам̣;

‘‘Na ceva me tvaṃ baddhosi, napi icchāmi te vadhaṃ;

гаамам̣ киббамид̇о г̇анд̇ваа, ж̇ийва д̇вам̣ анигхо жира’’нд̇и.

Kāmaṃ khippamito gantvā, jīva tvaṃ anigho cira’’nti.

д̇ад̇о сумуко жад̇ассо г̇аат̇аа абхааси –

Tato sumukho catasso gāthā abhāsi –

27.

‘‘нзваахамзд̇амижчаами , ан̃н̃ад̇рзд̇асса ж̇ийвид̇аа;

‘‘Nevāhametamicchāmi , aññatretassa jīvitā;

сажз згзна д̇удтоси, мун̃жзд̇ам̣ ман̃жа бхагкаяа.

Sace ekena tuṭṭhosi, muñcetaṃ mañca bhakkhaya.

28.

‘‘аарохабарин̣аахзна, д̇уляаасмаа ваяасаа убхо;

‘‘Ārohapariṇāhena, tulyāsmā vayasā ubho;

на д̇з лаабхзна ж̇ийвад̇т̇и, зд̇зна ниминаа д̇увам̣.

Na te lābhena jīvatthi, etena niminā tuvaṃ.

29.

‘‘д̇ад̣̇ин̇гха самабзгкассу, ход̇у г̇ид̣̇д̇хи д̇авамхасу;

‘‘Tadiṅgha samapekkhassu, hotu giddhi tavamhasu;

мам̣ буб̣б̣з б̣анд̇ха баасзна, бажчаа мун̃жа д̣̇иж̇аад̇хибам̣.

Maṃ pubbe bandha pāsena, pacchā muñca dijādhipaṃ.

30.

‘‘д̇аавад̣̇зва жа д̇з лаабхо, гад̇аасса яаажанааяа жа;

‘‘Tāvadeva ca te lābho, katāssa yācanāya ca;

мид̇д̇и жа д̇хад̇арадтзхи, яааваж̇ийвааяа д̇з сияаа’’д̇и.

Mitti ca dhataraṭṭhehi, yāvajīvāya te siyā’’ti.

д̇ад̇т̇а зд̇анд̇и яам̣ ан̃н̃ад̇ра зд̇асса ж̇ийвид̇аа мама ж̇ийвид̇ам̣, зд̇ам̣ ахам̣ нзва ижчаами. д̇уляаасмаад̇и самаанаа хома. ниминаа д̇уванд̇и баривад̇д̇зхи д̇вам̣. д̇авамхасууд̇и д̇ава амхзсу г̇ид̣̇д̇хи ход̇у, гим̣ д̇з зд̇зна, маяи лобхам̣ уббаад̣̇зхийд̇и вад̣̇ад̇и. д̇аавад̣̇зваад̇и д̇ад̇д̇агоязва. яаажанааяа жаад̇и яаа мама яаажанаа, саава гад̇аа ассаад̇и ад̇т̇о.

Tattha etanti yaṃ aññatra etassa jīvitā mama jīvitaṃ, etaṃ ahaṃ neva icchāmi. Tulyāsmāti samānā homa. Niminā tuvanti parivattehi tvaṃ. Tavamhasūti tava amhesu giddhi hotu, kiṃ te etena, mayi lobhaṃ uppādehīti vadati. Tāvadevāti tattakoyeva. Yācanāya cāti yā mama yācanā, sāva katā assāti attho.

ид̇и со д̇ааяа д̇хаммад̣̇зсанааяа д̇злз багкид̇д̇агаббаасабижу вияа муд̣̇уг̇ад̇ахад̣̇аяо махаасад̇д̇ам̣ д̇асса д̣̇ааяам̣ гад̇ваа д̣̇ад̣̇анд̇о ааха –

Iti so tāya dhammadesanāya tele pakkhittakappāsapicu viya mudugatahadayo mahāsattaṃ tassa dāyaṃ katvā dadanto āha –

31.

‘‘бассанд̇у но махаасан̇гхаа, д̇аяаа муд̇д̇ам̣ ид̇о г̇ад̇ам̣;

‘‘Passantu no mahāsaṅghā, tayā muttaṃ ito gataṃ;

мид̇д̇аамажжаа жа бхажжаа жа, буд̇д̇ад̣̇аараа жа б̣анд̇хаваа.

Mittāmaccā ca bhaccā ca, puttadārā ca bandhavā.

32.

‘‘на жа д̇з д̇аад̣̇исаа мид̇д̇аа, б̣ахуунам̣ ид̇ха виж̇ж̇ад̇и;

‘‘Na ca te tādisā mittā, bahūnaṃ idha vijjati;

яат̇аа д̇вам̣ д̇хад̇арадтасса, баан̣асаад̇хааран̣о сакаа.

Yathā tvaṃ dhataraṭṭhassa, pāṇasādhāraṇo sakhā.

33.

‘‘со д̇з сахааяам̣ мун̃жаами, ход̇у рааж̇аа д̇аваануг̇о;

‘‘So te sahāyaṃ muñcāmi, hotu rājā tavānugo;

гаамам̣ киббамид̇о г̇анд̇ваа, н̃аад̇имаж̇жхз вирожат̇аа’’д̇и.

Kāmaṃ khippamito gantvā, ñātimajjhe virocathā’’ti.

д̇ад̇т̇а нод̇и нибаад̇амад̇д̇ам̣. д̇аяаа муд̇д̇анд̇и иман̃хи д̇ван̃н̃зва мун̃жаси наама, д̇асмаа имам̣ д̇аяаа муд̇д̇ам̣ ид̇о жид̇д̇агуудабаб̣б̣ад̇ам̣ г̇ад̇ам̣ маханд̇аа н̃аад̇исан̇гхаа зд̇з жа мид̇д̇аад̣̇аяо бассанд̇у. зд̇т̇а жа б̣анд̇хаваад̇и згалохид̇асамб̣анд̇хаа. виж̇ж̇ад̇ийд̇и виж̇ж̇анд̇и. баан̣асаад̇хааран̣од̇и саад̇хааран̣абаан̣о авибхад̇д̇аж̇ийвиго, яат̇аа д̇вам̣ зд̇асса сакаа, зд̇аад̣̇исаа ан̃н̃зсам̣ б̣ахуунам̣ мид̇д̇аа наама на виж̇ж̇анд̇и. д̇аваануг̇од̇и зд̇ам̣ д̣̇угкид̇ам̣ аад̣̇ааяа бурад̇о г̇ажчанд̇асса д̇ава аяам̣ ануг̇о ход̇ууд̇и.

Tattha noti nipātamattaṃ. Tayā muttanti imañhi tvaññeva muñcasi nāma, tasmā imaṃ tayā muttaṃ ito cittakūṭapabbataṃ gataṃ mahantā ñātisaṅghā ete ca mittādayo passantu. Ettha ca bandhavāti ekalohitasambandhā. Vijjatīti vijjanti. Pāṇasādhāraṇoti sādhāraṇapāṇo avibhattajīviko, yathā tvaṃ etassa sakhā, etādisā aññesaṃ bahūnaṃ mittā nāma na vijjanti. Tavānugoti etaṃ dukkhitaṃ ādāya purato gacchantassa tava ayaṃ anugo hotūti.

звам̣ вад̇ваа бана нзсаад̣̇абуд̇д̇о мзд̇д̇ажид̇д̇зна махаасад̇д̇ам̣ убасан̇гамид̇ваа б̣анд̇ханам̣ чинд̣̇ид̇ваа аалин̇г̇ид̇ваа сарад̇о нигкаамзд̇ваа сарад̇ийрз д̇арун̣ад̣̇аб̣б̣ад̇ин̣абидтз нисийд̣̇аабзд̇ваа баад̣̇з б̣анд̇ханабаасам̣ муд̣̇ужид̇д̇зна сан̣игам̣ можзд̇ваа д̣̇уурз кибид̇ваа махаасад̇д̇з б̣алавасинзхам̣ бажжубадтаабзд̇ваа мзд̇д̇ажид̇д̇зна уд̣̇агам̣ аад̣̇ааяа лохид̇ам̣ д̇ховид̇ваа бунаббунам̣ баримаж̇ж̇и. д̇асса мзд̇д̇ажид̇д̇аанубхаавзна б̣од̇хисад̇д̇асса баад̣̇з сираа сираахи, мам̣сам̣ мам̣сзна, жаммам̣ жаммзна гхадид̇ам̣, д̇аавад̣̇зва баад̣̇о сам̣рул̣хо сан̃ж̇аад̇ачависан̃ж̇аад̇аломо ахоси аб̣ад̣̇д̇хабаад̣̇зна ниб̣б̣исзсо. б̣од̇хисад̇д̇о сукид̇о багад̇ибхаавзнзва нисийд̣̇и. ат̇а сумуко ад̇д̇аанам̣ ниссааяа махаасад̇д̇асса сукид̇абхаавам̣ д̣̇исваа сан̃ж̇аад̇асоманассо нзсаад̣̇асса т̇уд̇имагааси. д̇амад̇т̇ам̣ багаасзнд̇о сад̇т̇аа ааха –

Evaṃ vatvā pana nesādaputto mettacittena mahāsattaṃ upasaṅkamitvā bandhanaṃ chinditvā āliṅgitvā sarato nikkhāmetvā saratīre taruṇadabbatiṇapiṭṭhe nisīdāpetvā pāde bandhanapāsaṃ muducittena saṇikaṃ mocetvā dūre khipitvā mahāsatte balavasinehaṃ paccupaṭṭhāpetvā mettacittena udakaṃ ādāya lohitaṃ dhovitvā punappunaṃ parimajji. Tassa mettacittānubhāvena bodhisattassa pāde sirā sirāhi, maṃsaṃ maṃsena, cammaṃ cammena ghaṭitaṃ, tāvadeva pādo saṃruḷho sañjātachavisañjātalomo ahosi abaddhapādena nibbiseso. Bodhisatto sukhito pakatibhāveneva nisīdi. Atha sumukho attānaṃ nissāya mahāsattassa sukhitabhāvaṃ disvā sañjātasomanasso nesādassa thutimakāsi. Tamatthaṃ pakāsento satthā āha –

34.

‘‘со бад̇ийд̇о бамуд̇д̇зна, бхад̇д̇унаа бхад̇д̇уг̇аараво;

‘‘So patīto pamuttena, bhattunā bhattugāravo;

аж̇жхабхаасат̇а вагган̇г̇о, ваажам̣ ган̣н̣асукам̣ бхан̣ам̣.

Ajjhabhāsatha vakkaṅgo, vācaṃ kaṇṇasukhaṃ bhaṇaṃ.

35.

‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;

‘‘Evaṃ luddaka nandassu, saha sabbehi ñātibhi;

яат̇аахамаж̇ж̇а нанд̣̇аами, муд̇д̇ам̣ д̣̇исваа д̣̇иж̇аад̇хиба’’нд̇и.

Yathāhamajja nandāmi, muttaṃ disvā dijādhipa’’nti.

д̇ад̇т̇а вагган̇г̇од̇и ван̇гаг̇ийво.

Tattha vakkaṅgoti vaṅkagīvo.

звам̣ луд̣̇д̣̇асса т̇уд̇им̣ гад̇ваа сумуко б̣од̇хисад̇д̇ам̣ ааха – ‘‘махаарааж̇а, иминаа амхаагам̣ махааубагааро гад̇о, аяан̃хи амхаагам̣ важанам̣ агад̇ваа гийл̣аахам̣сз но гад̇ваа иссараанам̣ д̣̇знд̇о б̣ахум̣ д̇ханам̣ лабхзяяа, маарзд̇ваа мам̣сам̣ виггин̣анд̇о мууламби лабхзт̇а, ад̇д̇ано бана ж̇ийвид̇ам̣ анологзд̇ваа амхаагам̣ важанам̣ агари , имам̣ ран̃н̃о санд̇игам̣ нзд̇ваа сукаж̇ийвид̇ам̣ гаромаа’’д̇и. махаасад̇д̇о самбадижчи. сумуко ад̇д̇ано бхаасааяа махаасад̇д̇зна сад̣̇д̇хим̣ гат̇зд̇ваа буна мануссабхаасааяа луд̣̇д̣̇абуд̇д̇ам̣ ааманд̇зд̇ваа ‘‘самма, д̇вам̣ гимад̇т̇ам̣ баасз од̣д̣зсий’’д̇и бужчид̇ваа ‘‘д̇ханад̇т̇а’’нд̇и вуд̇д̇з ‘‘звам̣ санд̇з амхз аад̣̇ааяа наг̇арам̣ бависид̇ваа ран̃н̃о д̣̇ассзхи, б̣ахум̣ д̇з д̇ханам̣ д̣̇аабзссаамий’’д̇и вад̇ваа ааха –

Evaṃ luddassa thutiṃ katvā sumukho bodhisattaṃ āha – ‘‘mahārāja, iminā amhākaṃ mahāupakāro kato, ayañhi amhākaṃ vacanaṃ akatvā kīḷāhaṃse no katvā issarānaṃ dento bahuṃ dhanaṃ labheyya, māretvā maṃsaṃ vikkiṇanto mūlampi labhetha, attano pana jīvitaṃ anoloketvā amhākaṃ vacanaṃ akari , imaṃ rañño santikaṃ netvā sukhajīvitaṃ karomā’’ti. Mahāsatto sampaṭicchi. Sumukho attano bhāsāya mahāsattena saddhiṃ kathetvā puna manussabhāsāya luddaputtaṃ āmantetvā ‘‘samma, tvaṃ kimatthaṃ pāse oḍḍesī’’ti pucchitvā ‘‘dhanattha’’nti vutte ‘‘evaṃ sante amhe ādāya nagaraṃ pavisitvā rañño dassehi, bahuṃ te dhanaṃ dāpessāmī’’ti vatvā āha –

36.

‘‘зхи д̇ам̣ анусигкаами, яат̇аа д̇вамаби лажчасз;

‘‘Ehi taṃ anusikkhāmi, yathā tvamapi lacchase;

лаабхам̣ д̇авааяам̣ д̇хад̇арадто, баабам̣ гин̃жи на д̣̇агкад̇и.

Lābhaṃ tavāyaṃ dhataraṭṭho, pāpaṃ kiñci na dakkhati.

37.

‘‘киббаманд̇збурам̣ нзд̇ваа, ран̃н̃о д̣̇ассзхи но убхо;

‘‘Khippamantepuraṃ netvā, rañño dassehi no ubho;

аб̣ад̣̇д̇хз багад̇ибхууд̇з, гааж̇з убхаяад̇о тид̇з.

Abaddhe pakatibhūte, kāje ubhayato ṭhite.

38.

‘‘д̇хад̇арадтаа махаарааж̇а, хам̣саад̇хибад̇ино имз;

‘‘Dhataraṭṭhā mahārāja, haṃsādhipatino ime;

аяан̃хи рааж̇аа хам̣саанам̣, аяам̣ сзнаабад̇ийд̇аро.

Ayañhi rājā haṃsānaṃ, ayaṃ senāpatītaro.

39. ‘‘асам̣саяам̣ имам̣ д̣̇исваа, хам̣сарааж̇ам̣ нараад̇хибо.

39. ‘‘Asaṃsayaṃ imaṃ disvā, haṃsarājaṃ narādhipo.

бад̇ийд̇о сумано вид̇д̇о, б̣ахум̣ д̣̇ассад̇и д̇з д̇хана’’нд̇и.

Patīto sumano vitto, bahuṃ dassati te dhana’’nti.

д̇ад̇т̇а анусигкаамийд̇и анусаасаами. баабанд̇и лаамагам̣. ран̃н̃о д̣̇ассзхи но убход̇и амхз убхоби ран̃н̃о д̣̇ассзхи. аяам̣ б̣од̇хисад̇д̇асса бан̃н̃аабабхаавад̣̇ассанад̇т̇ам̣, ад̇д̇ано мид̇д̇ад̇хаммасса аавибхааванад̇т̇ам̣, луд̣̇д̣̇асса д̇ханалаабхад̇т̇ам̣, ран̃н̃о сийлзсу бад̇идтаабанад̇т̇ан̃жаад̇и жад̇уухи гааран̣зхи звамааха. д̇хад̇арадтаад̇и нзд̇ваа жа бана ран̃н̃о звам̣ аажигкзяяааси, ‘‘махаарааж̇а, имз д̇хад̇арадтагулз ж̇аад̇аа д̣̇вз хам̣саад̇хибад̇ино, зд̇зсу аяам̣ рааж̇аа, ид̇аро сзнаабад̇ий’’д̇и. ид̇и нам̣ сигкаабзси. ‘‘бад̇ийд̇о’’д̇иаад̣̇ийни д̇ийн̣иби д̇удтаагааравзважанаанзва.

Tattha anusikkhāmīti anusāsāmi. Pāpanti lāmakaṃ. Rañño dassehi no ubhoti amhe ubhopi rañño dassehi. Ayaṃ bodhisattassa paññāpabhāvadassanatthaṃ, attano mittadhammassa āvibhāvanatthaṃ, luddassa dhanalābhatthaṃ, rañño sīlesu patiṭṭhāpanatthañcāti catūhi kāraṇehi evamāha. Dhataraṭṭhāti netvā ca pana rañño evaṃ ācikkheyyāsi, ‘‘mahārāja, ime dhataraṭṭhakule jātā dve haṃsādhipatino, etesu ayaṃ rājā, itaro senāpatī’’ti. Iti naṃ sikkhāpesi. ‘‘Patīto’’tiādīni tīṇipi tuṭṭhākāravevacanāneva.

звам̣ вуд̇д̇з луд̣̇д̣̇о, ‘‘саами, маа во рааж̇ад̣̇ассанам̣ ружжи, рааж̇аано наама жалажид̇д̇аа, гийл̣аахам̣сз ваа во гарзяяум̣ маараабзяяум̣ ваа’’д̇и вад̇ваа, ‘‘самма, маа бхааяи, ахам̣ д̇аад̣̇исам̣ гагкал̣ам̣ луд̣̇д̣̇ам̣ лохид̇абаан̣им̣ д̇хаммагат̇ааяа муд̣̇угам̣ гад̇ваа мама баад̣̇зсу баад̇зсим̣, рааж̇аано наама бун̃н̃аванд̇о бан̃н̃аванд̇о жа субхаасид̇ад̣̇уб̣бхаасид̇ан̃н̃уу жа, киббам̣ амхз ран̃н̃о д̣̇ассзхий’’д̇и вуд̇д̇з ‘‘д̇зна хи маа маяхам̣ гуж̇жхид̇т̇а, ахам̣ авассам̣ д̇умхаагам̣ ружияаа нзмий’’д̇и вад̇ваа убхоби гааж̇ам̣ ааробзд̇ваа рааж̇агулам̣ г̇анд̇ваа ран̃н̃о д̣̇ассзд̇ваа ран̃н̃аа будто яат̇аабхууд̇ам̣ аарожзси. д̇амад̇т̇ам̣ багаасзнд̇о сад̇т̇аа ааха –

Evaṃ vutte luddo, ‘‘sāmi, mā vo rājadassanaṃ rucci, rājāno nāma calacittā, kīḷāhaṃse vā vo kareyyuṃ mārāpeyyuṃ vā’’ti vatvā, ‘‘samma, mā bhāyi, ahaṃ tādisaṃ kakkhaḷaṃ luddaṃ lohitapāṇiṃ dhammakathāya mudukaṃ katvā mama pādesu pātesiṃ, rājāno nāma puññavanto paññavanto ca subhāsitadubbhāsitaññū ca, khippaṃ amhe rañño dassehī’’ti vutte ‘‘tena hi mā mayhaṃ kujjhittha, ahaṃ avassaṃ tumhākaṃ ruciyā nemī’’ti vatvā ubhopi kājaṃ āropetvā rājakulaṃ gantvā rañño dassetvā raññā puṭṭho yathābhūtaṃ ārocesi. Tamatthaṃ pakāsento satthā āha –

40.

‘‘д̇асса д̇ам̣ важанам̣ суд̇ваа, гаммунаа убабаад̣̇аяи;

‘‘Tassa taṃ vacanaṃ sutvā, kammunā upapādayi;

киббаманд̇збурам̣ г̇анд̇ваа, ран̃н̃о хам̣сз ад̣̇ассаяи;

Khippamantepuraṃ gantvā, rañño haṃse adassayi;

аб̣ад̣̇д̇хз багад̇ибхууд̇з, гааж̇з убхаяад̇о тид̇з.

Abaddhe pakatibhūte, kāje ubhayato ṭhite.

41.

‘‘д̇хад̇арадтаа махаарааж̇а, хам̣саад̇хибад̇ино имз;

‘‘Dhataraṭṭhā mahārāja, haṃsādhipatino ime;

аяан̃хи рааж̇аа хам̣саанам̣, аяам̣ сзнаабад̇ийд̇аро;

Ayañhi rājā haṃsānaṃ, ayaṃ senāpatītaro;

42.

‘‘гат̇ам̣ банимз вихан̇г̇аа, д̇ава хад̇т̇ад̇д̇амааг̇ад̇аа;

‘‘Kathaṃ panime vihaṅgā, tava hatthattamāgatā;

гат̇ам̣ луд̣̇д̣̇о маханд̇аанам̣, иссарз ид̇ха аж̇жхаг̇аа.

Kathaṃ luddo mahantānaṃ, issare idha ajjhagā.

43.

‘‘вихид̇аа санд̇имз баасаа, баллалзсу ж̇анаад̇хиба;

‘‘Vihitā santime pāsā, pallalesu janādhipa;

яам̣ яад̣̇ааяад̇анам̣ ман̃н̃з, д̣̇иж̇аанам̣ баан̣арод̇ханам̣.

Yaṃ yadāyatanaṃ maññe, dijānaṃ pāṇarodhanaṃ.

44.

‘‘д̇аад̣̇исам̣ баасамаасаж̇ж̇а, хам̣сарааж̇аа аб̣аж̇жхат̇а;

‘‘Tādisaṃ pāsamāsajja, haṃsarājā abajjhatha;

д̇ам̣ аб̣ад̣̇д̇хо убаасино, мамааяам̣ аж̇жхабхаасат̇а.

Taṃ abaddho upāsino, mamāyaṃ ajjhabhāsatha.

45.

‘‘суд̣̇уггарам̣ анариязбхи, д̣̇ахад̇з бхаавамуд̇д̇амам̣;

‘‘Sudukkaraṃ anariyebhi, dahate bhāvamuttamaṃ;

бхад̇д̇урад̇т̇з барагганд̇о, д̇хаммаяуд̇д̇о вихан̇г̇амо.

Bhatturatthe parakkanto, dhammayutto vihaṅgamo.

46.

‘‘ад̇д̇анааяам̣ жаж̇ид̇ваана, ж̇ийвид̇ам̣ ж̇ийвид̇аарахо;

‘‘Attanāyaṃ cajitvāna, jīvitaṃ jīvitāraho;

ануд̇т̇унанд̇о аасийно, бхад̇д̇у яаажид̇т̇а ж̇ийвид̇ам̣.

Anutthunanto āsīno, bhattu yācittha jīvitaṃ.

47.

‘‘д̇асса д̇ам̣ важанам̣ суд̇ваа, басаад̣̇амахамаж̇жхаг̇аа;

‘‘Tassa taṃ vacanaṃ sutvā, pasādamahamajjhagā;

д̇ад̇о нам̣ баамужим̣ баасаа, анун̃н̃аасим̣ сукзна жа.

Tato naṃ pāmuciṃ pāsā, anuññāsiṃ sukhena ca.

48.

‘‘со бад̇ийд̇о бамуд̇д̇зна, бхад̇д̇унаа бхад̇д̇уг̇аараво;

‘‘So patīto pamuttena, bhattunā bhattugāravo;

аж̇жхабхаасат̇а вагган̇г̇о, ваажам̣ ган̣н̣асукам̣ бхан̣ам̣.

Ajjhabhāsatha vakkaṅgo, vācaṃ kaṇṇasukhaṃ bhaṇaṃ.

49.

‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;

‘‘Evaṃ luddaka nandassu, saha sabbehi ñātibhi;

яат̇аахамаж̇ж̇а нанд̣̇аами, муд̇д̇ам̣ д̣̇исваа д̣̇иж̇аад̇хибам̣.

Yathāhamajja nandāmi, muttaṃ disvā dijādhipaṃ.

50.

‘‘зхи д̇ам̣ анусигкаами, яат̇аа д̇вамаби лажчасз;

‘‘Ehi taṃ anusikkhāmi, yathā tvamapi lacchase;

лаабхам̣ д̇авааяам̣ д̇хад̇арадто, баабам̣ гин̃жи на д̣̇агкад̇и.

Lābhaṃ tavāyaṃ dhataraṭṭho, pāpaṃ kiñci na dakkhati.

51.

‘‘киббаманд̇збурам̣ нзд̇ваа, ран̃н̃о д̣̇ассзхи но убхо;

‘‘Khippamantepuraṃ netvā, rañño dassehi no ubho;

аб̣ад̣̇д̇хз багад̇ибхууд̇з, гааж̇з убхаяад̇о тид̇з.

Abaddhe pakatibhūte, kāje ubhayato ṭhite.

52.

‘‘д̇хад̇арадтаа махаарааж̇а, хам̣саад̇хибад̇ино имз;

‘‘Dhataraṭṭhā mahārāja, haṃsādhipatino ime;

аяан̃хи рааж̇аа хам̣саанам̣, аяам̣ сзнаабад̇ийд̇аро.

Ayañhi rājā haṃsānaṃ, ayaṃ senāpatītaro.

53.

‘‘асам̣саяам̣ имам̣ д̣̇исваа, хам̣сарааж̇ам̣ нараад̇хибо;

‘‘Asaṃsayaṃ imaṃ disvā, haṃsarājaṃ narādhipo;

бад̇ийд̇о сумано вид̇д̇о, б̣ахум̣ д̣̇ассад̇и д̇з д̇ханам̣.

Patīto sumano vitto, bahuṃ dassati te dhanaṃ.

54.

‘‘звамзд̇асса важанаа, аанийд̇аамз убхо маяаа;

‘‘Evametassa vacanā, ānītāme ubho mayā;

зд̇т̇зва хи имз аасум̣, убхо анумад̇аа маяаа.

Ettheva hi ime āsuṃ, ubho anumatā mayā.

55.

‘‘сояам̣ звам̣ г̇ад̇о багкий, д̣̇иж̇о барамад̇хаммиго;

‘‘Soyaṃ evaṃ gato pakkhī, dijo paramadhammiko;

маад̣̇исасса хи луд̣̇д̣̇асса, ж̇анаязяяаат̇а мад̣̇д̣̇авам̣.

Mādisassa hi luddassa, janayeyyātha maddavaṃ.

56.

‘‘убааяанан̃жа д̇з д̣̇зва, наан̃н̃ам̣ бассаами зд̣̇исам̣;

‘‘Upāyanañca te deva, nāññaṃ passāmi edisaṃ;

саб̣б̣асаагун̣игааг̇аамз, д̇ам̣ басса мануж̇аад̇хибаа’’д̇и.

Sabbasākuṇikāgāme, taṃ passa manujādhipā’’ti.

д̇ад̇т̇а гаммунаа убабаад̣̇аяийд̇и яам̣ со аважа, д̇ам̣ гаронд̇о гааяагаммзна самбаад̣̇зси. г̇анд̇ваад̇и хам̣сарааж̇зна нисиннагааж̇агодим̣ ужжад̇арам̣, сзнаабад̇инаа нисиннагааж̇агодим̣ т̇огам̣ нийжам̣ гад̇ваа убхоби д̇з угкибид̇ваа ‘‘хам̣сарааж̇аа жа сзнаабад̇и жа рааж̇аанам̣ бассид̇ум̣ г̇ажчанд̇и, уссарат̇а уссарат̇аа’’д̇и ж̇анам̣ уссаарзнд̇о ‘‘зваруубаа наама собхаг̇г̇аббад̇д̇аа суван̣н̣аван̣н̣аа хам̣сарааж̇аано на д̣̇идтабуб̣б̣аа’’д̇и муд̣̇ухад̣̇аязсу мануссзсу басам̣санд̇зсу киббаманд̇збурам̣ г̇анд̇ваа. ад̣̇ассаяийд̇и ‘‘хам̣сарааж̇аано д̇умхз д̣̇адтум̣ ааг̇ад̇аа’’д̇и ран̃н̃о аарожаабзд̇ваа д̇зна д̇удтажид̇д̇зна ‘‘ааг̇ажчанд̇уу’’д̇и баггосаабид̇о абхихарид̇ваа д̣̇ассзси. хад̇т̇ад̇д̇анд̇и хад̇т̇зсу ааг̇ад̇ам̣, бад̇д̇анд̇и вуд̇д̇ам̣ ход̇и. маханд̇аананд̇и яасамаханд̇аббад̇д̇аанам̣ суван̣н̣аван̣н̣аанам̣ д̇хад̇арадтахам̣саанам̣ иссарз саамино гат̇ам̣ д̇вам̣ луд̣̇д̣̇о худ̇ваа ад̇хиг̇ад̇од̇и бужчад̇и. ‘‘иссарамид̇хамаж̇жхаг̇аа’’д̇иби баато, зд̇зсам̣ иссарияам̣ д̇вам̣ гат̇ам̣ аж̇жхаг̇аад̇и ад̇т̇о.

Tattha kammunā upapādayīti yaṃ so avaca, taṃ karonto kāyakammena sampādesi. Gantvāti haṃsarājena nisinnakājakoṭiṃ uccataraṃ, senāpatinā nisinnakājakoṭiṃ thokaṃ nīcaṃ katvā ubhopi te ukkhipitvā ‘‘haṃsarājā ca senāpati ca rājānaṃ passituṃ gacchanti, ussaratha ussarathā’’ti janaṃ ussārento ‘‘evarūpā nāma sobhaggappattā suvaṇṇavaṇṇā haṃsarājāno na diṭṭhapubbā’’ti muduhadayesu manussesu pasaṃsantesu khippamantepuraṃ gantvā. Adassayīti ‘‘haṃsarājāno tumhe daṭṭhuṃ āgatā’’ti rañño ārocāpetvā tena tuṭṭhacittena ‘‘āgacchantū’’ti pakkosāpito abhiharitvā dassesi. Hatthattanti hatthesu āgataṃ, pattanti vuttaṃ hoti. Mahantānanti yasamahantappattānaṃ suvaṇṇavaṇṇānaṃ dhataraṭṭhahaṃsānaṃ issare sāmino kathaṃ tvaṃ luddo hutvā adhigatoti pucchati. ‘‘Issaramidhamajjhagā’’tipi pāṭho, etesaṃ issariyaṃ tvaṃ kathaṃ ajjhagāti attho.

вихид̇аад̇и яож̇ид̇аа. яам̣ яад̣̇ааяад̇анам̣ ман̃н̃зд̇и, махаарааж̇а, яам̣ яам̣ самосаран̣адтаанам̣ д̣̇иж̇аанам̣ баан̣арод̇ханам̣ ж̇ийвид̇агкаяагарам̣ ман̃н̃аами, д̇ад̇т̇а д̇ад̇т̇а маяаа баллалзсу баасаа вихид̇аа. д̇аад̣̇исанд̇и маанусияасарз д̇ат̇аавид̇хам̣ баан̣арод̇ханам̣ маяаа вихид̇ам̣ баасам̣. д̇анд̇и д̇ам̣ зд̇ам̣ д̇ад̇т̇а б̣ад̣̇д̇хам̣. убаасинод̇и ад̇д̇ано ж̇ийвид̇ам̣ аг̇ан̣зд̇ваа убаг̇анд̇ваа нисинно. мамааяанд̇и мам̣ аяам̣ сзнаабад̇и аж̇жхабхаасат̇а, маяаа сад̣̇д̇хим̣ гат̇зси. суд̣̇уггаранд̇и д̇асмим̣ кан̣з зса амхаад̣̇исзхи анариязхи суд̣̇уггарам̣ агааси. гим̣ д̇анд̇и? д̣̇ахад̇з бхаавамуд̇д̇амам̣, ад̇д̇ано уд̇д̇амам̣ аж̇жхаасаяам̣ д̣̇ахад̇и вид̣̇ахад̇и багаасзд̇и. ад̇д̇анааяанд̇и ад̇д̇ано аяам̣. ануд̇т̇унанд̇од̇и бхад̇д̇уг̇ун̣з ван̣н̣знд̇о д̇асса ж̇ийвид̇ам̣ мун̃жаад̇и мам̣ яаажи.

Vihitāti yojitā. Yaṃ yadāyatanaṃ maññeti, mahārāja, yaṃ yaṃ samosaraṇaṭṭhānaṃ dijānaṃ pāṇarodhanaṃ jīvitakkhayakaraṃ maññāmi, tattha tattha mayā pallalesu pāsā vihitā. Tādisanti mānusiyasare tathāvidhaṃ pāṇarodhanaṃ mayā vihitaṃ pāsaṃ. Tanti taṃ etaṃ tattha baddhaṃ. Upāsinoti attano jīvitaṃ agaṇetvā upagantvā nisinno. Mamāyanti maṃ ayaṃ senāpati ajjhabhāsatha, mayā saddhiṃ kathesi. Sudukkaranti tasmiṃ khaṇe esa amhādisehi anariyehi sudukkaraṃ akāsi. Kiṃ tanti? Dahate bhāvamuttamaṃ, attano uttamaṃ ajjhāsayaṃ dahati vidahati pakāseti. Attanāyanti attano ayaṃ. Anutthunantoti bhattuguṇe vaṇṇento tassa jīvitaṃ muñcāti maṃ yāci.

д̇ассаад̇и д̇асса д̇ат̇аа яаажанд̇асса. сукзна жаад̇и яат̇аасукзна жид̇д̇агуудам̣ г̇анд̇ваа н̃аад̇исан̇гхам̣ бассат̇аад̇и жа ануж̇ааним̣. зд̇т̇зва хийд̇и маяаа бана имз д̣̇вз зд̇т̇а маанусияасарзязва жид̇д̇агуудаг̇аманааяа анумад̇аа ахзсум̣. звам̣ г̇ад̇од̇и звам̣ сад̇д̇у хад̇т̇аг̇ад̇о. ж̇анаязяяаат̇а мад̣̇д̣̇аванд̇и ад̇д̇ани мзд̇д̇ажид̇д̇ам̣ ж̇анзси. убааяананд̇и бан̣н̣аагаарам̣. саб̣б̣асаагун̣игааг̇аамзд̇и саб̣б̣асмимби саагун̣игаг̇аамз наахам̣ ан̃н̃ам̣ д̇ава зваруубам̣ гзнажи саагун̣игзна аабхад̇абуб̣б̣ам̣ убааяанам̣ бассаами. д̇ам̣ бассаад̇и д̇ам̣ маяаа аабхад̇ам̣ убааяанам̣ басса мануж̇аад̇хибаад̇и.

Tassāti tassa tathā yācantassa. Sukhena cāti yathāsukhena cittakūṭaṃ gantvā ñātisaṅghaṃ passathāti ca anujāniṃ. Ettheva hīti mayā pana ime dve ettha mānusiyasareyeva cittakūṭagamanāya anumatā ahesuṃ. Evaṃ gatoti evaṃ sattu hatthagato. Janayeyyātha maddavanti attani mettacittaṃ janesi. Upāyananti paṇṇākāraṃ. Sabbasākuṇikāgāmeti sabbasmimpi sākuṇikagāme nāhaṃ aññaṃ tava evarūpaṃ kenaci sākuṇikena ābhatapubbaṃ upāyanaṃ passāmi. Taṃ passāti taṃ mayā ābhataṃ upāyanaṃ passa manujādhipāti.

звам̣ со тид̇агова сумукасса г̇ун̣ам̣ гат̇зси. д̇ад̇о рааж̇аа хам̣саран̃н̃о махаарахам̣ аасанам̣, сумукасса жа суван̣н̣абхад̣̇д̣̇абийтагам̣ д̣̇аабзд̇ваа д̇зсам̣ д̇ад̇т̇а нисиннаанам̣ суван̣н̣абхааж̇анзхи лааж̇амад̇хупаан̣ид̇аад̣̇ийни д̣̇аабзд̇ваа нидтид̇з баанабхож̇анагижжз ан̃ж̇алим̣ баг̇г̇аяха махаасад̇д̇ам̣ д̇хаммагат̇ам̣ яаажид̇ваа суван̣н̣абийтагз нисийд̣̇и. со д̇зна яаажид̇о бадисант̇аарам̣ д̇аава агааси. д̇амад̇т̇ам̣ багаасзнд̇о сад̇т̇аа ааха –

Evaṃ so ṭhitakova sumukhassa guṇaṃ kathesi. Tato rājā haṃsarañño mahārahaṃ āsanaṃ, sumukhassa ca suvaṇṇabhaddapīṭhakaṃ dāpetvā tesaṃ tattha nisinnānaṃ suvaṇṇabhājanehi lājamadhuphāṇitādīni dāpetvā niṭṭhite pānabhojanakicce añjaliṃ paggayha mahāsattaṃ dhammakathaṃ yācitvā suvaṇṇapīṭhake nisīdi. So tena yācito paṭisanthāraṃ tāva akāsi. Tamatthaṃ pakāsento satthā āha –

57.

‘‘д̣̇исваа нисиннам̣ рааж̇аанам̣, бийтз сован̣н̣аяз субхз;

‘‘Disvā nisinnaṃ rājānaṃ, pīṭhe sovaṇṇaye subhe;

аж̇жхабхаасат̇а вагган̇г̇о, ваажам̣ ган̣н̣асукам̣ бхан̣ам̣.

Ajjhabhāsatha vakkaṅgo, vācaṃ kaṇṇasukhaṃ bhaṇaṃ.

58.

‘‘гажжи ну бход̇о гусалам̣, гажжи бход̇о анаамаяам̣;

‘‘Kacci nu bhoto kusalaṃ, kacci bhoto anāmayaṃ;

гажжи радтамид̣̇ам̣ пийд̇ам̣, д̇хаммзна манусаасаси.

Kacci raṭṭhamidaṃ phītaṃ, dhammena manusāsasi.

59.

‘‘гусалан̃жзва мз хам̣са, ат̇о хам̣са анаамаяам̣;

‘‘Kusalañceva me haṃsa, atho haṃsa anāmayaṃ;

ат̇о радтамид̣̇ам̣ пийд̇ам̣, д̇хаммзна манусаасахам̣.

Atho raṭṭhamidaṃ phītaṃ, dhammena manusāsahaṃ.

60.

‘‘гажжи бход̇о амажжзсу, д̣̇осо гожи на виж̇ж̇ад̇и;

‘‘Kacci bhoto amaccesu, doso koci na vijjati;

гажжи жа д̇з д̇авад̇т̇зсу, нааваган̇канд̇и ж̇ийвид̇ам̣.

Kacci ca te tavatthesu, nāvakaṅkhanti jīvitaṃ.

61.

‘‘ат̇оби мз амажжзсу, д̣̇осо гожи на виж̇ж̇ад̇и;

‘‘Athopi me amaccesu, doso koci na vijjati;

ат̇оби д̇з мамад̇т̇зсу, нааваган̇канд̇и ж̇ийвид̇ам̣.

Athopi te mamatthesu, nāvakaṅkhanti jīvitaṃ.

62.

‘‘гажжи д̇з саад̣̇исий бхарияаа, ассаваа бияабхаан̣иний;

‘‘Kacci te sādisī bhariyā, assavā piyabhāṇinī;

буд̇д̇аруубаяасуубзд̇аа, д̇ава чанд̣̇авасаануг̇аа.

Puttarūpayasūpetā, tava chandavasānugā.

63.

‘‘ат̇о мз саад̣̇исий бхарияаа, ассаваа бияабхаан̣иний;

‘‘Atho me sādisī bhariyā, assavā piyabhāṇinī;

буд̇д̇аруубаяасуубзд̇аа, мама чанд̣̇авасаануг̇аа’’д̇и.

Puttarūpayasūpetā, mama chandavasānugā’’ti.

д̇ад̇т̇а рааж̇аананд̇и сааг̇аларааж̇аанам̣. вагган̇г̇од̇и хам̣сарааж̇аа. д̇хаммзна манусаасасийд̇и д̇хаммзна анусаасаси. д̣̇осод̇и абараад̇хо. д̇авад̇т̇зсууд̇и уббаннзсу д̇ава яуд̣̇д̇хаад̣̇ийсу ад̇т̇зсу. нааваган̇канд̇ийд̇и урам̣ д̣̇ад̇ваа барижжаж̇анд̇аа гижжи ад̇д̇ано ж̇ийвид̇ам̣ на бад̇т̇знд̇и, ж̇ийвид̇ан̃жа жаж̇ид̇ваа д̇авзвад̇т̇ам̣ гаронд̇и. саад̣̇исийд̇и самаанаж̇аад̇игаа. ассаваад̇и важанасамбадижчигаа. буд̇д̇аруубаяасуубзд̇аад̇и буд̇д̇зхи жа руубзна жа яасзна жа убзд̇аа. д̇ава чанд̣̇авасаануг̇аад̇и гажжи д̇ава аж̇жхаасаяам̣ д̇ава васам̣ анувад̇д̇ад̇и, на ад̇д̇ано жид̇д̇авасзна вад̇д̇ад̇ийд̇и бужчад̇и.

Tattha rājānanti sāgalarājānaṃ. Vakkaṅgoti haṃsarājā. Dhammena manusāsasīti dhammena anusāsasi. Dosoti aparādho. Tavatthesūti uppannesu tava yuddhādīsu atthesu. Nāvakaṅkhantīti uraṃ datvā pariccajantā kicci attano jīvitaṃ na patthenti, jīvitañca cajitvā tavevatthaṃ karonti. Sādisīti samānajātikā. Assavāti vacanasampaṭicchikā. Puttarūpayasūpetāti puttehi ca rūpena ca yasena ca upetā. Tava chandavasānugāti kacci tava ajjhāsayaṃ tava vasaṃ anuvattati, na attano cittavasena vattatīti pucchati.

звам̣ б̣од̇хисад̇д̇зна бадисант̇аарз гад̇з буна рааж̇аа д̇зна сад̣̇д̇хим̣ гат̇знд̇о ааха –

Evaṃ bodhisattena paṭisanthāre kate puna rājā tena saddhiṃ kathento āha –

64.

‘‘бхаванд̇ам̣ гажжи ну махаа-сад̇д̇ухад̇т̇ад̇д̇ад̇ам̣ г̇ад̇о;

‘‘Bhavantaṃ kacci nu mahā-sattuhatthattataṃ gato;

д̣̇угкамаабаж̇ж̇и вибулам̣, д̇асмим̣ батамамаабад̣̇з.

Dukkhamāpajji vipulaṃ, tasmiṃ paṭhamamāpade.

65.

‘‘гажжи яанд̇аабад̇ид̇ваана, д̣̇ан̣д̣зна самабот̇аяи;

‘‘Kacci yantāpatitvāna, daṇḍena samapothayi;

звамзд̇зсам̣ ж̇аммаанам̣, баад̇игам̣ бхавад̇и д̇аавад̣̇з.

Evametesaṃ jammānaṃ, pātikaṃ bhavati tāvade.

66.

‘‘кзмамааси махаарааж̇а, звамаабад̣̇ияаа сад̇и;

‘‘Khemamāsi mahārāja, evamāpadiyā sati;

на жааяам̣ гин̃жи расмаасу, сад̇д̇уува самабаж̇ж̇ат̇а.

Na cāyaṃ kiñci rasmāsu, sattūva samapajjatha.

67.

‘‘бажжаг̇амид̇т̇а нзсаад̣̇о, буб̣б̣зва аж̇жхабхаасат̇а;

‘‘Paccagamittha nesādo, pubbeva ajjhabhāsatha;

д̇ад̣̇ааяам̣ сумукоязва, бан̣д̣ид̇о бажжабхаасат̇а.

Tadāyaṃ sumukhoyeva, paṇḍito paccabhāsatha.

68.

‘‘д̇асса д̇ам̣ важанам̣ суд̇ваа, басаад̣̇амаяамаж̇жхаг̇аа;

‘‘Tassa taṃ vacanaṃ sutvā, pasādamayamajjhagā;

д̇ад̇о мам̣ баамужий баасаа, анун̃н̃ааси сукзна жа.

Tato maṃ pāmucī pāsā, anuññāsi sukhena ca.

69.

‘‘ид̣̇ан̃жа сумукзнзва, зд̇ад̣̇ад̇т̇ааяа жинд̇ид̇ам̣;

‘‘Idañca sumukheneva, etadatthāya cintitaṃ;

бход̇о сагаасзг̇аманам̣, зд̇асса д̇ханамижчад̇аа.

Bhoto sakāsegamanaṃ, etassa dhanamicchatā.

70.

‘‘свааг̇ад̇ан̃жзвид̣̇ам̣ бхавад̇ам̣, бад̇ийд̇о жасми д̣̇ассанаа;

‘‘Svāgatañcevidaṃ bhavataṃ, patīto casmi dassanā;

зсо жааби б̣ахум̣ вид̇д̇ам̣, лабхад̇ам̣ яаавад̣̇ижчад̇ий’’д̇и.

Eso cāpi bahuṃ vittaṃ, labhataṃ yāvadicchatī’’ti.

д̇ад̇т̇а махаасад̇д̇ухад̇т̇ад̇д̇ад̇ам̣ г̇ад̇од̇и маханд̇асса сад̇д̇уно хад̇т̇ад̇д̇ам̣ г̇ад̇о. аабад̇ид̇ваанаад̇и убад̇хаавид̇ваа. баад̇иганд̇и баагад̇игам̣, аяамзва ваа баато. ид̣̇ам̣ вуд̇д̇ам̣ ход̇и – зд̇зсан̃хи ж̇аммаанам̣ д̇аавад̣̇зва звам̣ баагад̇игам̣ ход̇и, сагун̣з д̣̇ан̣д̣зна бот̇зд̇ваа ж̇ийвид̇агкаяам̣ баабзнд̇о д̇ханавзд̇анам̣ лабхад̇ийд̇и. гин̃жи расмаасууд̇и гин̃жи амхзсу. сад̇д̇ууваад̇и сад̇д̇у вияа. бажжаг̇амид̇т̇аад̇и, махаарааж̇а, зса амхз д̣̇исваа б̣ад̣̇д̇хаад̇и сан̃н̃ааяа т̇огам̣ осаггид̇т̇а. буб̣б̣зваад̇и аяамзва батамам̣ аж̇жхабхааси. д̇ад̣̇аад̇и д̇асмим̣ гаалз. зд̇ад̣̇ад̇т̇ааяаад̇и зд̇асса нзсаад̣̇абуд̇д̇асса ад̇т̇ааяа жинд̇ид̇ам̣. д̇ханамижчад̇аад̇и зд̇асса д̇ханам̣ ижчанд̇зна д̇ава санд̇игам̣ амхаагам̣ ааг̇аманам̣ жинд̇ид̇ам̣. свааг̇ад̇ан̃жзвид̣̇анд̇и маа бхонд̇о жинд̇аяанд̇у, бхавад̇ам̣ ид̣̇ам̣ ид̇хааг̇аманам̣ свааг̇ад̇амзва. лабхад̇анд̇и лабхад̇у.

Tattha mahāsattuhatthattataṃ gatoti mahantassa sattuno hatthattaṃ gato. Āpatitvānāti upadhāvitvā. Pātikanti pākatikaṃ, ayameva vā pāṭho. Idaṃ vuttaṃ hoti – etesañhi jammānaṃ tāvadeva evaṃ pākatikaṃ hoti, sakuṇe daṇḍena pothetvā jīvitakkhayaṃ pāpento dhanavetanaṃ labhatīti. Kiñci rasmāsūti kiñci amhesu. Sattūvāti sattu viya. Paccagamitthāti, mahārāja, esa amhe disvā baddhāti saññāya thokaṃ osakkittha. Pubbevāti ayameva paṭhamaṃ ajjhabhāsi. Tadāti tasmiṃ kāle. Etadatthāyāti etassa nesādaputtassa atthāya cintitaṃ. Dhanamicchatāti etassa dhanaṃ icchantena tava santikaṃ amhākaṃ āgamanaṃ cintitaṃ. Svāgatañcevidanti mā bhonto cintayantu, bhavataṃ idaṃ idhāgamanaṃ svāgatameva. Labhatanti labhatu.

зван̃жа бана вад̇ваа рааж̇аа ан̃н̃ад̇арам̣ амажжам̣ ологзд̇ваа ‘‘гим̣ гароми д̣̇зваа’’д̇и вуд̇д̇з ‘‘имам̣ нзсаад̣̇ам̣ габбид̇агзсамассум̣ нхаад̇аанулид̇д̇ам̣ саб̣б̣аалан̇гаарабадиман̣д̣ид̇ам̣ гаарзд̇ваа аанзхий’’д̇и вад̇ваа д̇зна д̇ат̇аа гад̇ваа аанийд̇асса д̇асса сам̣важчарз сам̣важчарз сад̇асахассудтаанагам̣ г̇аамам̣, д̣̇вз вийт̇ияо г̇ахзд̇ваа тид̇ам̣ маханд̇ам̣ г̇зхам̣, рат̇аваран̃жа, ан̃н̃ан̃жа б̣ахум̣ хиран̃н̃асуван̣н̣ам̣ ад̣̇ааси. д̇амад̇т̇ам̣ аавигаронд̇о сад̇т̇аа ааха –

Evañca pana vatvā rājā aññataraṃ amaccaṃ oloketvā ‘‘kiṃ karomi devā’’ti vutte ‘‘imaṃ nesādaṃ kappitakesamassuṃ nhātānulittaṃ sabbālaṅkārapaṭimaṇḍitaṃ kāretvā ānehī’’ti vatvā tena tathā katvā ānītassa tassa saṃvacchare saṃvacchare satasahassuṭṭhānakaṃ gāmaṃ, dve vīthiyo gahetvā ṭhitaṃ mahantaṃ gehaṃ, rathavarañca, aññañca bahuṃ hiraññasuvaṇṇaṃ adāsi. Tamatthaṃ āvikaronto satthā āha –

71.

‘‘санд̇аббаяид̇ваа нзсаад̣̇ам̣, бхог̇зхи мануж̇аад̇хибо;

‘‘Santappayitvā nesādaṃ, bhogehi manujādhipo;

аж̇жхабхаасат̇а вагган̇г̇ам̣, ваажам̣ ган̣н̣асукам̣ бхан̣а’’нд̇и.

Ajjhabhāsatha vakkaṅgaṃ, vācaṃ kaṇṇasukhaṃ bhaṇa’’nti.

ат̇а махаасад̇д̇о ран̃н̃о д̇хаммам̣ д̣̇зсзси. со д̇асса д̇хаммагат̇ам̣ суд̇ваа д̇удтахад̣̇аяо ‘‘д̇хаммагат̇игасса саггаарам̣ гариссаамий’’д̇и сзд̇ажчад̇д̇ам̣ д̣̇ад̇ваа раж̇ж̇ам̣ бадижчаабзнд̇о ааха –

Atha mahāsatto rañño dhammaṃ desesi. So tassa dhammakathaṃ sutvā tuṭṭhahadayo ‘‘dhammakathikassa sakkāraṃ karissāmī’’ti setacchattaṃ datvā rajjaṃ paṭicchāpento āha –

72.

‘‘яам̣ калу д̇хаммамаад̇хийнам̣, васо вад̇д̇ад̇и гин̃жанам̣;

‘‘Yaṃ khalu dhammamādhīnaṃ, vaso vattati kiñcanaṃ;

саб̣б̣ад̇т̇иссарияам̣ бхавад̇ам̣, басаасат̇а яад̣̇ижчат̇а.

Sabbatthissariyaṃ bhavataṃ, pasāsatha yadicchatha.

73.

‘‘д̣̇аанад̇т̇ам̣ убабход̇д̇ум̣ ваа, яам̣ жан̃н̃ам̣ убагаббад̇и;

‘‘Dānatthaṃ upabhottuṃ vā, yaṃ caññaṃ upakappati;

зд̇ам̣ д̣̇ад̣̇аами во вид̇д̇ам̣, иссарияам̣ виссаж̇аами во’’д̇и.

Etaṃ dadāmi vo vittaṃ, issariyaṃ vissajāmi vo’’ti.

д̇ад̇т̇а васо вад̇д̇ад̇ийд̇и яад̇т̇а мама васо вад̇д̇ад̇и. гин̃жананд̇и д̇ам̣ аббамад̇д̇агамби. саб̣б̣ад̇т̇иссарияанд̇и саб̣б̣ам̣ бхавад̇ам̣язва иссарияам̣ ад̇т̇у. яам̣ жан̃н̃ам̣ убагаббад̇ийд̇и бун̃н̃агаамад̇ааяа д̣̇аанад̇т̇ам̣ ваа чад̇д̇ам̣ уссаабзд̇ваа раж̇ж̇амзва убабход̇д̇ум̣ ваа яам̣ ваа ан̃н̃ам̣ д̇умхаагам̣ ружжад̇и, д̇ам̣ гарот̇а, зд̇ам̣ д̣̇ад̣̇аами во вид̇д̇ам̣, сад̣̇д̇хим̣язва сзд̇ажчад̇д̇зна мама санд̇агам̣ иссарияам̣ виссаж̇ж̇аами вод̇и.

Tattha vaso vattatīti yattha mama vaso vattati. Kiñcananti taṃ appamattakampi. Sabbatthissariyanti sabbaṃ bhavataṃyeva issariyaṃ atthu. Yaṃ caññaṃ upakappatīti puññakāmatāya dānatthaṃ vā chattaṃ ussāpetvā rajjameva upabhottuṃ vā yaṃ vā aññaṃ tumhākaṃ ruccati, taṃ karotha, etaṃ dadāmi vo vittaṃ, saddhiṃyeva setacchattena mama santakaṃ issariyaṃ vissajjāmi voti.

ат̇а махаасад̇д̇о ран̃н̃аа д̣̇иннам̣ сзд̇ажчад̇д̇ам̣ буна д̇ассзва ад̣̇ааси. рааж̇ааби жинд̇зси – ‘‘хам̣саран̃н̃о д̇аава мз д̇хаммагат̇аа суд̇аа, луд̣̇д̣̇абуд̇д̇зна бана ‘аяам̣ сумуко муд̇хурагат̇о’д̇и ад̇ивияа ван̣н̣ид̇о, имассаби д̇хаммагат̇ам̣ соссаамий’’д̇и. со д̇зна сад̣̇д̇хим̣ саллабанд̇о ананд̇арам̣ г̇аат̇амааха –

Atha mahāsatto raññā dinnaṃ setacchattaṃ puna tasseva adāsi. Rājāpi cintesi – ‘‘haṃsarañño tāva me dhammakathā sutā, luddaputtena pana ‘ayaṃ sumukho mudhurakatho’ti ativiya vaṇṇito, imassapi dhammakathaṃ sossāmī’’ti. So tena saddhiṃ sallapanto anantaraṃ gāthamāha –

74.

‘‘яат̇аа жа мяааяам̣ сумуко, аж̇жхабхаасзяяа бан̣д̣ид̇о;

‘‘Yathā ca myāyaṃ sumukho, ajjhabhāseyya paṇḍito;

гаамасаа б̣уд̣̇д̇хисамбанно, д̇ам̣ мяаасса барамаббияа’’нд̇и.

Kāmasā buddhisampanno, taṃ myāssa paramappiya’’nti.

д̇ад̇т̇а яат̇аад̇и яад̣̇и. ид̣̇ам̣ вуд̇д̇ам̣ ход̇и – яад̣̇и жа мз аяам̣ сумуко бан̣д̣ид̇о б̣уд̣̇д̇хисамбанно гаамасаа ад̇д̇ано ружияаа аж̇жхабхаасзяяа, д̇ам̣ мз барамаббияам̣ ассаад̇и.

Tattha yathāti yadi. Idaṃ vuttaṃ hoti – yadi ca me ayaṃ sumukho paṇḍito buddhisampanno kāmasā attano ruciyā ajjhabhāseyya, taṃ me paramappiyaṃ assāti.

д̇ад̇о сумуко ааха –

Tato sumukho āha –

75.

‘‘ахам̣ калу махаарааж̇а, нааг̇арааж̇аариванд̇арам̣;

‘‘Ahaṃ khalu mahārāja, nāgarājārivantaraṃ;

бадивад̇д̇ум̣ на саггоми, на мз со винаяо сияаа.

Paṭivattuṃ na sakkomi, na me so vinayo siyā.

76.

‘‘амхааган̃жзва со сздто, д̇ван̃жа уд̇д̇амасад̇д̇аво;

‘‘Amhākañceva so seṭṭho, tvañca uttamasattavo;

бхуумибаало мануссинд̣̇о, бууж̇аа б̣ахуухи хзд̇убхи.

Bhūmipālo manussindo, pūjā bahūhi hetubhi.

77.

‘‘д̇зсам̣ убхиннам̣ бхан̣ад̇ам̣, вад̇д̇амаанз винижчаяз;

‘‘Tesaṃ ubhinnaṃ bhaṇataṃ, vattamāne vinicchaye;

нанд̇арам̣ бад̇ивад̇д̇аб̣б̣ам̣, бзссзна мануж̇аад̇хибаа’’д̇и.

Nantaraṃ pativattabbaṃ, pessena manujādhipā’’ti.

д̇ад̇т̇а нааг̇арааж̇аариванд̇аранд̇и бзл̣ааяа аб̣бханд̇арам̣ бавидто нааг̇арааж̇аа вияа. бадивад̇д̇унд̇и д̇умхаагам̣ д̣̇виннам̣ анд̇арз вад̇д̇ум̣ на саггоми. на мз сод̇и сажз вад̣̇зяяам̣, на мз со винаяо бхавзяяа. амхааган̃жзваад̇и чаннавуд̇ияаа хам̣сасахассаанам̣. уд̇д̇амасад̇д̇авод̇и уд̇д̇амасад̇д̇о. бууж̇аад̇и убхо д̇умхз маяхам̣ б̣ахуухи гааран̣зхи бууж̇аарахаа жзва басам̣саарахаа жа. бзссзнаад̇и взяяааважжагарзна сзвагзна.

Tattha nāgarājārivantaranti peḷāya abbhantaraṃ paviṭṭho nāgarājā viya. Paṭivattunti tumhākaṃ dvinnaṃ antare vattuṃ na sakkomi. Na me soti sace vadeyyaṃ, na me so vinayo bhaveyya. Amhākañcevāti channavutiyā haṃsasahassānaṃ. Uttamasattavoti uttamasatto. Pūjāti ubho tumhe mayhaṃ bahūhi kāraṇehi pūjārahā ceva pasaṃsārahā ca. Pessenāti veyyāvaccakarena sevakena.

рааж̇аа д̇асса важанам̣ суд̇ваа д̇удтахад̣̇аяо ‘‘нзсаад̣̇абуд̇д̇о д̇ам̣ ван̣н̣зд̇и, на ан̃н̃зна д̇умхаад̣̇исзна мад̇хурад̇хаммагат̇игзна наама бхавид̇аб̣б̣а’’нд̇и вад̇ваа ааха –

Rājā tassa vacanaṃ sutvā tuṭṭhahadayo ‘‘nesādaputto taṃ vaṇṇeti, na aññena tumhādisena madhuradhammakathikena nāma bhavitabba’’nti vatvā āha –

78.

‘‘д̇хаммзна гира нзсаад̣̇о, бан̣д̣ид̇о ан̣д̣аж̇о ид̇и;

‘‘Dhammena kira nesādo, paṇḍito aṇḍajo iti;

нахзва агад̇ад̇д̇асса, наяо зд̇аад̣̇исо сияаа.

Naheva akatattassa, nayo etādiso siyā.

79.

‘‘звам̣ аг̇г̇абагад̇имаа, звам̣ уд̇д̇амасад̇д̇аво;

‘‘Evaṃ aggapakatimā, evaṃ uttamasattavo;

яаавад̇ад̇т̇и маяаа д̣̇идтаа, наан̃н̃ам̣ бассаами зд̣̇исам̣.

Yāvatatthi mayā diṭṭhā, nāññaṃ passāmi edisaṃ.

80.

‘‘д̇удтосми во багад̇ияаа, ваагязна мад̇хурзна жа;

‘‘Tuṭṭhosmi vo pakatiyā, vākyena madhurena ca;

зсо жааби мамажчанд̣̇о, жирам̣ бассзяяа во убхо’’д̇и.

Eso cāpi mamacchando, ciraṃ passeyya vo ubho’’ti.

д̇ад̇т̇а д̇хаммзнаад̇и сабхаавзна гааран̣зна. агад̇ад̇д̇ассаад̇и асамбаад̣̇ид̇аад̇д̇абхаавасса мид̇д̇ад̣̇уб̣бхисса. наяод̇и бан̃н̃аа. аг̇г̇абагад̇имаад̇и аг̇г̇асабхааво. уд̇д̇амасад̇д̇авод̇и уд̇д̇амасад̇д̇о. яаавад̇ад̇т̇ийд̇и яаавад̇аа маяаа д̣̇идтаа наама ад̇т̇и. наан̃н̃анд̇и д̇асмим̣ маяаа д̣̇идтадтаанз ан̃н̃ам̣ зваруубам̣ на бассаами. д̇удтосми во багад̇ияаад̇и самма хам̣сарааж̇а ахам̣ багад̇ияаа батамамзва д̇умхаагам̣ д̣̇ассанзна д̇удто. ваагязнаад̇и ид̣̇аани бана во мад̇хураважанзна д̇удтосми. жирам̣ бассзяяа вод̇и ид̇хзва васаабзд̇ваа мухуд̇д̇амби авиббаваасанд̇о жирам̣ д̇умхз бассзяяанд̇и зса мз чанд̣̇од̇и вад̣̇ад̇и.

Tattha dhammenāti sabhāvena kāraṇena. Akatattassāti asampāditaattabhāvassa mittadubbhissa. Nayoti paññā. Aggapakatimāti aggasabhāvo. Uttamasattavoti uttamasatto. Yāvatatthīti yāvatā mayā diṭṭhā nāma atthi. Nāññanti tasmiṃ mayā diṭṭhaṭṭhāne aññaṃ evarūpaṃ na passāmi. Tuṭṭhosmi vo pakatiyāti samma haṃsarāja ahaṃ pakatiyā paṭhamameva tumhākaṃ dassanena tuṭṭho. Vākyenāti idāni pana vo madhuravacanena tuṭṭhosmi. Ciraṃ passeyya voti idheva vasāpetvā muhuttampi avippavāsanto ciraṃ tumhe passeyyanti esa me chandoti vadati.

д̇ад̇о махаасад̇д̇о рааж̇аанам̣ басам̣санд̇о ааха –

Tato mahāsatto rājānaṃ pasaṃsanto āha –

81.

‘‘яам̣ гижжам̣ барамз мид̇д̇з, гад̇амасмаасу д̇ам̣ д̇аяаа;

‘‘Yaṃ kiccaṃ parame mitte, katamasmāsu taṃ tayā;

бад̇д̇аа ниссам̣саяам̣ д̇яаамхаа, бхад̇д̇ирасмаасу яаа д̇ава.

Pattā nissaṃsayaṃ tyāmhā, bhattirasmāsu yā tava.

82.

‘‘ад̣̇ун̃жа нууна сумахаа, н̃аад̇исан̇гхасса манд̇арам̣;

‘‘Aduñca nūna sumahā, ñātisaṅghassa mantaraṃ;

ад̣̇ассанзна асмаагам̣, д̣̇угкам̣ б̣ахуусу багкису.

Adassanena asmākaṃ, dukkhaṃ bahūsu pakkhisu.

83.

‘‘д̇зсам̣ согавигхаад̇ааяа, д̇аяаа анумад̇аа маяам̣;

‘‘Tesaṃ sokavighātāya, tayā anumatā mayaṃ;

д̇ам̣ бад̣̇агкин̣ад̇о гад̇ваа, н̃аад̇им̣ бассзмуринд̣̇ама.

Taṃ padakkhiṇato katvā, ñātiṃ passemurindama.

84.

‘‘ад̣̇д̇хаахам̣ вибулам̣ бийд̇им̣, бхавад̇ам̣ винд̣̇аами д̣̇ассанаа;

‘‘Addhāhaṃ vipulaṃ pītiṃ, bhavataṃ vindāmi dassanā;

зсо жааби махаа ад̇т̇о, н̃аад̇ивиссаасанаа сияаа’’д̇и.

Eso cāpi mahā attho, ñātivissāsanā siyā’’ti.

д̇ад̇т̇а гад̇амасмаасууд̇и гад̇ам̣ амхзсу. бад̇д̇аа ниссам̣саяам̣ д̇яаамхаад̇и маяам̣ ниссам̣саязна д̇аяаа бад̇д̇ааязва. бхад̇д̇ирасмаасу яаа д̇аваад̇и яаа д̇ава амхзсу бхад̇д̇и, д̇ааяа бхад̇д̇ияаа маяам̣ д̇аяаа асам̣саязна бад̇д̇ааязва, на жа виббаяуд̇д̇аа, виббавудтааби сахаваасиноязва наама маяанд̇и д̣̇ийбзд̇и. ад̣̇ун̃жа нууна сумахаад̇и зд̇ан̃жа згам̣сзнзва сумаханд̇ам̣. н̃аад̇исан̇гхасса манд̇аранд̇и амхзхи д̣̇вийхи ж̇анзхи вирахид̇асса мама н̃аад̇исан̇гхасса анд̇арам̣ чид̣̇д̣̇ам̣. асмааганд̇и амхаагам̣ д̣̇виннам̣ ад̣̇ассанзна б̣ахуусу багкийсу д̣̇угкам̣ уббаннам̣. бассзмуринд̣̇амаад̇и бассзяяаама аринд̣̇ама. бхавад̇анд̇и бход̇о д̣̇ассанзна. зсо жааби махаа ад̇т̇од̇и яаа зсаа н̃аад̇исан̇гхасан̇каад̇аа н̃аад̇ивиссаасанаа сияаа, зсо жааби маханд̇о ад̇т̇оби.

Tattha katamasmāsūti kataṃ amhesu. Pattā nissaṃsayaṃ tyāmhāti mayaṃ nissaṃsayena tayā pattāyeva. Bhattirasmāsu yā tavāti yā tava amhesu bhatti, tāya bhattiyā mayaṃ tayā asaṃsayena pattāyeva, na ca vippayuttā, vippavuṭṭhāpi sahavāsinoyeva nāma mayanti dīpeti. Aduñca nūna sumahāti etañca ekaṃseneva sumahantaṃ. Ñātisaṅghassa mantaranti amhehi dvīhi janehi virahitassa mama ñātisaṅghassa antaraṃ chiddaṃ. Asmākanti amhākaṃ dvinnaṃ adassanena bahūsu pakkhīsu dukkhaṃ uppannaṃ. Passemurindamāti passeyyāma arindama. Bhavatanti bhoto dassanena. Eso cāpi mahā atthoti yā esā ñātisaṅghasaṅkhātā ñātivissāsanā siyā, eso cāpi mahanto atthopi.

звам̣ вуд̇д̇з рааж̇аа д̇зсам̣ г̇аманам̣ ануж̇аани. махаасад̇д̇оби ран̃н̃о бан̃жавид̇хз д̣̇уссийляз аад̣̇ийнавам̣, сийлз жа аанисам̣сам̣ гат̇зд̇ваа ‘‘имам̣ сийлам̣ рагка, д̇хаммзна раж̇ж̇ам̣ гаарзхи, жад̇уухи сан̇г̇ахавад̇т̇уухи ж̇анам̣ сан̇г̇ан̣хаахий’’д̇и овад̣̇ид̇ваа жид̇д̇агуудам̣ аг̇амааси. д̇амад̇т̇ам̣ багаасзнд̇о сад̇т̇аа ааха –

Evaṃ vutte rājā tesaṃ gamanaṃ anujāni. Mahāsattopi rañño pañcavidhe dussīlye ādīnavaṃ, sīle ca ānisaṃsaṃ kathetvā ‘‘imaṃ sīlaṃ rakkha, dhammena rajjaṃ kārehi, catūhi saṅgahavatthūhi janaṃ saṅgaṇhāhī’’ti ovaditvā cittakūṭaṃ agamāsi. Tamatthaṃ pakāsento satthā āha –

85.

‘‘ид̣̇ам̣ вад̇ваа д̇хад̇арадто, хам̣сарааж̇аа нараад̇хибам̣;

‘‘Idaṃ vatvā dhataraṭṭho, haṃsarājā narādhipaṃ;

уд̇д̇амам̣ ж̇аваманвааяа, н̃аад̇исан̇гхам̣ убааг̇амум̣.

Uttamaṃ javamanvāya, ñātisaṅghaṃ upāgamuṃ.

86.

‘‘д̇з арог̇з ануббад̇д̇з, д̣̇исваана барамз д̣̇иж̇з;

‘‘Te aroge anuppatte, disvāna parame dije;

гзгаад̇и магарум̣ хам̣саа, бут̇усад̣̇д̣̇о аж̇ааяат̇а.

Kekāti makaruṃ haṃsā, puthusaddo ajāyatha.

87.

‘‘д̇з бад̇ийд̇аа бамуд̇д̇зна, бхад̇д̇унаа бхад̇д̇уг̇аараваа;

‘‘Te patītā pamuttena, bhattunā bhattugāravā;

саманд̇аа баригирим̣су, ан̣д̣аж̇аа лад̣̇д̇хабажжаяаа’’д̇и.

Samantā parikiriṃsu, aṇḍajā laddhapaccayā’’ti.

д̇ад̇т̇а убааг̇амунд̇и арун̣уг̇г̇аманавзлааяамзва лааж̇амад̇хупаан̣ид̇аад̣̇ийни барибхун̃ж̇ид̇ваа ран̃н̃аа жа д̣̇звияаа жа д̣̇вийхи суван̣н̣ад̇аалаван̣дзхи угкибид̇ваа г̇анд̇хамаалаад̣̇ийхи гад̇асаггаараа д̇аалаван̣дзхи од̇арид̇ваа рааж̇аанам̣ бад̣̇агкин̣ам̣ гад̇ваа взхаасам̣ уббад̇ид̇ваа ран̃н̃аа ан̃ж̇алим̣ баг̇г̇аяха ‘‘г̇ажчат̇а саамино’’д̇и вуд̇д̇з сийхабан̃ж̇арзна нигканд̇аа уд̇д̇амзна ж̇авзна г̇анд̇ваа н̃аад̇иг̇ан̣ам̣ убааг̇амим̣су. барамзд̇и уд̇д̇амз. гзгаад̇и ад̇д̇ано сабхаавзна ‘‘гзгаа’’д̇и сад̣̇д̣̇амагам̣су. бхад̇д̇уг̇аараваад̇и бхад̇д̇ари саг̇аараваа. баригирим̣сууд̇и бхад̇д̇уно муд̇д̇абхаавзна д̇удтаа д̇ам̣ бхад̇д̇аарам̣ саманд̇аа бариваараяим̣су. лад̣̇д̇хабажжаяаад̇и лад̣̇д̇хабад̇идтаа.

Tattha upāgamunti aruṇuggamanavelāyameva lājamadhuphāṇitādīni paribhuñjitvā raññā ca deviyā ca dvīhi suvaṇṇatālavaṇṭehi ukkhipitvā gandhamālādīhi katasakkārā tālavaṇṭehi otaritvā rājānaṃ padakkhiṇaṃ katvā vehāsaṃ uppatitvā raññā añjaliṃ paggayha ‘‘gacchatha sāmino’’ti vutte sīhapañjarena nikkhantā uttamena javena gantvā ñātigaṇaṃ upāgamiṃsu. Parameti uttame. Kekāti attano sabhāvena ‘‘kekā’’ti saddamakaṃsu. Bhattugāravāti bhattari sagāravā. Parikiriṃsūti bhattuno muttabhāvena tuṭṭhā taṃ bhattāraṃ samantā parivārayiṃsu. Laddhapaccayāti laddhapatiṭṭhā.

звам̣ бариваарзд̇ваа бана д̇з хам̣саа ‘‘гат̇ам̣ муд̇д̇оси, махаарааж̇аа’’д̇и бужчим̣су. махаасад̇д̇о сумукам̣ ниссааяа муд̇д̇абхаавам̣, сааг̇аларааж̇алуд̣̇д̣̇абуд̇д̇зхи гад̇агамман̃жа гат̇зси. д̇ам̣ суд̇ваа д̇удто хам̣саг̇ан̣о ‘‘сумукасзнаабад̇и жа рааж̇аа жа луд̣̇д̣̇абуд̇д̇о жа сукид̇аа нид̣̇д̣̇угкаа жирам̣ ж̇ийванд̇уу’’д̇и т̇уд̇имагааси. д̇амад̇т̇ам̣ багаасзнд̇о сад̇т̇аа осаанаг̇аат̇амааха –

Evaṃ parivāretvā pana te haṃsā ‘‘kathaṃ muttosi, mahārājā’’ti pucchiṃsu. Mahāsatto sumukhaṃ nissāya muttabhāvaṃ, sāgalarājaluddaputtehi katakammañca kathesi. Taṃ sutvā tuṭṭho haṃsagaṇo ‘‘sumukhasenāpati ca rājā ca luddaputto ca sukhitā niddukkhā ciraṃ jīvantū’’ti thutimakāsi. Tamatthaṃ pakāsento satthā osānagāthamāha –

88.

‘‘звам̣ мид̇д̇авад̇ам̣ ад̇т̇аа, саб̣б̣з хонд̇и бад̣̇агкин̣аа;

‘‘Evaṃ mittavataṃ atthā, sabbe honti padakkhiṇā;

хам̣саа яат̇аа д̇хад̇арадтаа, н̃аад̇исан̇гхам̣ убааг̇аму’’нд̇и.

Haṃsā yathā dhataraṭṭhā, ñātisaṅghaṃ upāgamu’’nti.

д̇ад̇т̇а мид̇д̇авад̇анд̇и галяаан̣амид̇д̇асамбаннаанам̣. бад̣̇агкин̣аад̇и суканибпад̇д̇ино вуд̣дхияуд̇д̇аа. д̇хад̇арадтаад̇и хам̣сарааж̇аа сумуко ран̃н̃аа жзва луд̣̇д̣̇абуд̇д̇зна жаад̇и д̣̇вийхи звам̣ убхоби д̇з д̇хад̇арадтаа галяаан̣амид̇д̇асамбаннаа яат̇аа н̃аад̇исан̇гхам̣ убааг̇амум̣ , н̃аад̇исан̇гхаубаг̇аманасан̇каад̇о нзсам̣ ад̇т̇о бад̣̇агкин̣о ж̇аад̇о, звам̣ ан̃н̃зсамби мид̇д̇авад̇ам̣ ад̇т̇аа бад̣̇агкин̣аа хонд̇ийд̇и.

Tattha mittavatanti kalyāṇamittasampannānaṃ. Padakkhiṇāti sukhanipphattino vuḍḍhiyuttā. Dhataraṭṭhāti haṃsarājā sumukho raññā ceva luddaputtena cāti dvīhi evaṃ ubhopi te dhataraṭṭhā kalyāṇamittasampannā yathā ñātisaṅghaṃ upāgamuṃ , ñātisaṅghaupagamanasaṅkhāto nesaṃ attho padakkhiṇo jāto, evaṃ aññesampi mittavataṃ atthā padakkhiṇā hontīti.

сад̇т̇аа имам̣ д̇хаммад̣̇зсанам̣ аахарид̇ваа ‘‘на бхигкавз ид̣̇аанзва, буб̣б̣збаананд̣̇о мамад̇т̇ааяа ж̇ийвид̇ам̣ барижжаж̇ий’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа нзсаад̣̇о чанно ахоси, рааж̇аа саарибуд̇д̇о , сумуко аананд̣̇о, чаннавуд̇и хам̣сасахассаа б̣уд̣̇д̇хабарисаа, хам̣сарааж̇аа бана ахамзва ахоси’’нд̇и.

Satthā imaṃ dhammadesanaṃ āharitvā ‘‘na bhikkhave idāneva, pubbepānando mamatthāya jīvitaṃ pariccajī’’ti vatvā jātakaṃ samodhānesi ‘‘tadā nesādo channo ahosi, rājā sāriputto , sumukho ānando, channavuti haṃsasahassā buddhaparisā, haṃsarājā pana ahameva ahosi’’nti.

жуул̣ахам̣саж̇аад̇агаван̣н̣анаа батамаа.

Cūḷahaṃsajātakavaṇṇanā paṭhamā.

Next: [534] 2. махаахам̣саж̇аад̇агаван̣н̣анаа • [534] 2. Mahāhaṃsajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 533. жуул̣ахам̣саж̇аад̇агам̣ • 533. Cūḷahaṃsajātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact