| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
7. жуул̣ахад̇т̇ибад̣̇обамасуд̇д̇ам̣
7. Cūḷahatthipadopamasuttaṃ
288. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ж̇аан̣уссон̣и б̣раахман̣о саб̣б̣асзд̇зна вал̣аваабхират̇зна 1 саавад̇т̇ияаа нияяаад̇и д̣̇иваад̣̇ивасса. ад̣̇д̣̇асаа ко ж̇аан̣уссон̣и б̣раахман̣о билод̇игам̣ бариб̣б̣ааж̇агам̣ д̣̇уурад̇ова ааг̇ажчанд̇ам̣. д̣̇исваана билод̇игам̣ бариб̣б̣ааж̇агам̣ зд̇ад̣̇авожа –
288. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena jāṇussoṇi brāhmaṇo sabbasetena vaḷavābhirathena 2 sāvatthiyā niyyāti divādivassa. Addasā kho jāṇussoṇi brāhmaṇo pilotikaṃ paribbājakaṃ dūratova āgacchantaṃ. Disvāna pilotikaṃ paribbājakaṃ etadavoca –
‘‘ханд̣̇а, гуд̇о ну бхавам̣ важчааяано ааг̇ажчад̇и д̣̇иваад̣̇ивассаа’’д̇и?
‘‘Handa, kuto nu bhavaṃ vacchāyano āgacchati divādivassā’’ti?
‘‘ид̇о хи ко ахам̣ , бхо, ааг̇ажчаами саман̣асса г̇од̇амасса санд̇игаа’’д̇и.
‘‘Ito hi kho ahaṃ , bho, āgacchāmi samaṇassa gotamassa santikā’’ti.
‘‘д̇ам̣ гим̣ ман̃н̃ад̇и, бхавам̣ важчааяано, саман̣асса г̇од̇амасса бан̃н̃аавзяяад̇д̇ияам̣?
‘‘Taṃ kiṃ maññati, bhavaṃ vacchāyano, samaṇassa gotamassa paññāveyyattiyaṃ?
‘‘бан̣д̣ид̇о ман̃н̃з’’д̇и.
‘‘Paṇḍito maññe’’ti.
‘‘го жаахам̣, бхо, го жа саман̣асса г̇од̇амасса бан̃н̃аавзяяад̇д̇ияам̣ ж̇ааниссаами! соби нуунасса д̇аад̣̇исова яо саман̣асса г̇од̇амасса бан̃н̃аавзяяад̇д̇ияам̣ ж̇аанзяяаа’’д̇и.
‘‘Ko cāhaṃ, bho, ko ca samaṇassa gotamassa paññāveyyattiyaṃ jānissāmi! Sopi nūnassa tādisova yo samaṇassa gotamassa paññāveyyattiyaṃ jāneyyā’’ti.
‘‘ул̣аарааяа калу бхавам̣ важчааяано саман̣ам̣ г̇од̇амам̣ басам̣сааяа басам̣сад̇ий’’д̇и.
‘‘Uḷārāya khalu bhavaṃ vacchāyano samaṇaṃ gotamaṃ pasaṃsāya pasaṃsatī’’ti.
‘‘го жаахам̣, бхо, го жа саман̣ам̣ г̇од̇амам̣ басам̣сиссаами?
‘‘Ko cāhaṃ, bho, ko ca samaṇaṃ gotamaṃ pasaṃsissāmi?
‘‘басад̇т̇абасад̇т̇ова со бхавам̣ г̇од̇амо сздто д̣̇звамануссаана’’нд̇и.
‘‘Pasatthapasatthova so bhavaṃ gotamo seṭṭho devamanussāna’’nti.
‘‘гам̣ бана бхавам̣ важчааяано ад̇т̇авасам̣ самбассамаано саман̣з г̇од̇амз звам̣ абхиббасанно’’д̇и 3?
‘‘Kaṃ pana bhavaṃ vacchāyano atthavasaṃ sampassamāno samaṇe gotame evaṃ abhippasanno’’ti 4?
‘‘сзяяат̇ааби, бхо, гусало нааг̇аваниго нааг̇аванам̣ бависзяяа. со бассзяяа нааг̇аванз маханд̇ам̣ хад̇т̇ибад̣̇ам̣, д̣̇ийгхад̇о жа ааяад̇ам̣, д̇ирияан̃жа вид̇т̇ад̇ам̣. со нидтам̣ г̇ажчзяяа – ‘махаа вад̇а, бхо, нааг̇о’д̇и. звамзва ко ахам̣, бхо, яад̇о ад̣̇д̣̇асам̣ саман̣з г̇од̇амз жад̇д̇аари бад̣̇аани ат̇аахам̣ нидтамаг̇амам̣ – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
‘‘Seyyathāpi, bho, kusalo nāgavaniko nāgavanaṃ paviseyya. So passeyya nāgavane mahantaṃ hatthipadaṃ, dīghato ca āyataṃ, tiriyañca vitthataṃ. So niṭṭhaṃ gaccheyya – ‘mahā vata, bho, nāgo’ti. Evameva kho ahaṃ, bho, yato addasaṃ samaṇe gotame cattāri padāni athāhaṃ niṭṭhamagamaṃ – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
289. ‘‘гад̇амаани жад̇д̇аари? ид̇хаахам̣, бхо, бассаами згажжз кад̇д̇ияабан̣д̣ид̇з нибун̣з гад̇абараббаваад̣̇з ваалавзд̇хируубз, д̇з бхинд̣̇анд̇аа 5 ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осариссад̇ий’д̇и. д̇з бан̃хам̣ абхисан̇каронд̇и – ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама. звам̣ жз но будто звам̣ б̣яаагариссад̇и, звамасса маяам̣ ваад̣̇ам̣ ааробзссаама. звам̣ жзби но будто звам̣ б̣яаагариссад̇и, звамбисса маяам̣ ваад̣̇ам̣ ааробзссаамаа’д̇и. д̇з сун̣анд̇и – ‘саман̣о калу, бхо, г̇од̇амо амугам̣ наама г̇аамам̣ ваа ниг̇амам̣ ваа осадо’д̇и. д̇з язна саман̣о г̇од̇амо д̇знубасан̇гаманд̇и. д̇з саман̣о г̇од̇амо д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з саман̣зна г̇од̇амзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва саман̣ам̣ г̇од̇амам̣ бан̃хам̣ бужчанд̇и, гуд̇осса 6 ваад̣̇ам̣ ааробзссанд̇и? ан̃н̃ад̣̇ад̇т̇у саман̣ассзва г̇од̇амасса саавагаа самбаж̇ж̇анд̇и. яад̣̇аахам̣, бхо, саман̣з г̇од̇амз имам̣ батамам̣ бад̣̇ам̣ ад̣̇д̣̇асам̣ ат̇аахам̣ нидтамаг̇амам̣ – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
289. ‘‘Katamāni cattāri? Idhāhaṃ, bho, passāmi ekacce khattiyapaṇḍite nipuṇe kataparappavāde vālavedhirūpe, te bhindantā 7 maññe caranti paññāgatena diṭṭhigatāni. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osarissatī’ti. Te pañhaṃ abhisaṅkharonti – ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma. Evaṃ ce no puṭṭho evaṃ byākarissati, evamassa mayaṃ vādaṃ āropessāma. Evaṃ cepi no puṭṭho evaṃ byākarissati, evampissa mayaṃ vādaṃ āropessāmā’ti. Te suṇanti – ‘samaṇo khalu, bho, gotamo amukaṃ nāma gāmaṃ vā nigamaṃ vā osaṭo’ti. Te yena samaṇo gotamo tenupasaṅkamanti. Te samaṇo gotamo dhammiyā kathāya sandasseti samādapeti samuttejeti sampahaṃseti. Te samaṇena gotamena dhammiyā kathāya sandassitā samādapitā samuttejitā sampahaṃsitā na ceva samaṇaṃ gotamaṃ pañhaṃ pucchanti, kutossa 8 vādaṃ āropessanti? Aññadatthu samaṇasseva gotamassa sāvakā sampajjanti. Yadāhaṃ, bho, samaṇe gotame imaṃ paṭhamaṃ padaṃ addasaṃ athāhaṃ niṭṭhamagamaṃ – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
‘‘буна жабараахам̣, бхо, бассаами ид̇хзгажжз б̣раахман̣абан̣д̣ид̇з…бз… г̇ахабад̇ибан̣д̣ид̇з…бз… саман̣абан̣д̣ид̇з нибун̣з гад̇абараббаваад̣̇з ваалавзд̇хируубз д̇з бхинд̣̇анд̇аа ман̃н̃з жаранд̇и бан̃н̃ааг̇ад̇зна д̣̇идтиг̇ад̇аани. д̇з сун̣анд̇и – ‘саман̣о калу бхо г̇од̇амо амугам̣ наама г̇аамам̣ ваа ниг̇амам̣ ваа осариссад̇ий’д̇и. д̇з бан̃хам̣ абхисан̇каронд̇и ‘имам̣ маяам̣ бан̃хам̣ саман̣ам̣ г̇од̇амам̣ убасан̇гамид̇ваа бужчиссаама. звам̣ жз но будто звам̣ б̣яаагариссад̇и, звамасса маяам̣ ваад̣̇ам̣ ааробзссаама. звам̣ жзби но будто звам̣ б̣яаагариссад̇и, звам̣бисса маяам̣ ваад̣̇ам̣ ааробзссаамаа’д̇и. д̇з сун̣анд̇и ‘саман̣о калу бхо г̇од̇амо амугам̣ наама г̇аамам̣ ваа ниг̇амам̣ ваа осадо’д̇и. д̇з язна саман̣о г̇од̇амо д̇знубасан̇гаманд̇и. д̇з саман̣о г̇од̇амо д̇хаммияаа гат̇ааяа санд̣̇ассзд̇и самаад̣̇абзд̇и самуд̇д̇зж̇зд̇и самбахам̣сзд̇и. д̇з саман̣зна г̇од̇амзна д̇хаммияаа гат̇ааяа санд̣̇ассид̇аа самаад̣̇абид̇аа самуд̇д̇зж̇ид̇аа самбахам̣сид̇аа на жзва саман̣ам̣ г̇од̇амам̣ бан̃хам̣ бужчанд̇и, гуд̇осса ваад̣̇ам̣ ааробзссанд̇и? ан̃н̃ад̣̇ад̇т̇у саман̣ам̣язва г̇од̇амам̣ огаасам̣ яаажанд̇и аг̇аарасмаа анаг̇аарияам̣ баб̣б̣аж̇ж̇ааяа. д̇з саман̣о г̇од̇амо баб̣б̣ааж̇зд̇и 9. д̇з д̇ад̇т̇а баб̣б̣аж̇ид̇аа самаанаа вуубагадтаа аббамад̇д̇аа аад̇аабино бахид̇ад̇д̇аа вихаранд̇аа нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихаранд̇и. д̇з звамаахам̣су – ‘манам̣ вад̇а, бхо, анассаама, манам̣ вад̇а, бхо, банассаама; маяан̃хи буб̣б̣з ассаман̣аава самаанаа саман̣амхаад̇и бадиж̇аанимха, аб̣раахман̣аава самаанаа б̣раахман̣амхаад̇и бадиж̇аанимха, анараханд̇ова самаанаа араханд̇амхаад̇и бадиж̇аанимха. ид̣̇аани комха саман̣аа, ид̣̇аани комха б̣раахман̣аа, ид̣̇аани комха араханд̇о’д̇и. яад̣̇аахам̣, бхо, саман̣з г̇од̇амз имам̣ жад̇уд̇т̇ам̣ бад̣̇ам̣ ад̣̇д̣̇асам̣ ат̇аахам̣ нидтамаг̇амам̣ – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’’’д̇и.
‘‘Puna caparāhaṃ, bho, passāmi idhekacce brāhmaṇapaṇḍite…pe… gahapatipaṇḍite…pe… samaṇapaṇḍite nipuṇe kataparappavāde vālavedhirūpe te bhindantā maññe caranti paññāgatena diṭṭhigatāni. Te suṇanti – ‘samaṇo khalu bho gotamo amukaṃ nāma gāmaṃ vā nigamaṃ vā osarissatī’ti. Te pañhaṃ abhisaṅkharonti ‘imaṃ mayaṃ pañhaṃ samaṇaṃ gotamaṃ upasaṅkamitvā pucchissāma. Evaṃ ce no puṭṭho evaṃ byākarissati, evamassa mayaṃ vādaṃ āropessāma. Evaṃ cepi no puṭṭho evaṃ byākarissati, evaṃpissa mayaṃ vādaṃ āropessāmā’ti. Te suṇanti ‘samaṇo khalu bho gotamo amukaṃ nāma gāmaṃ vā nigamaṃ vā osaṭo’ti. Te yena samaṇo gotamo tenupasaṅkamanti. Te samaṇo gotamo dhammiyā kathāya sandasseti samādapeti samuttejeti sampahaṃseti. Te samaṇena gotamena dhammiyā kathāya sandassitā samādapitā samuttejitā sampahaṃsitā na ceva samaṇaṃ gotamaṃ pañhaṃ pucchanti, kutossa vādaṃ āropessanti? Aññadatthu samaṇaṃyeva gotamaṃ okāsaṃ yācanti agārasmā anagāriyaṃ pabbajjāya. Te samaṇo gotamo pabbājeti 10. Te tattha pabbajitā samānā vūpakaṭṭhā appamattā ātāpino pahitattā viharantā nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharanti. Te evamāhaṃsu – ‘manaṃ vata, bho, anassāma, manaṃ vata, bho, panassāma; mayañhi pubbe assamaṇāva samānā samaṇamhāti paṭijānimha, abrāhmaṇāva samānā brāhmaṇamhāti paṭijānimha, anarahantova samānā arahantamhāti paṭijānimha. Idāni khomha samaṇā, idāni khomha brāhmaṇā, idāni khomha arahanto’ti. Yadāhaṃ, bho, samaṇe gotame imaṃ catutthaṃ padaṃ addasaṃ athāhaṃ niṭṭhamagamaṃ – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’’’ti.
‘‘яад̇о ко ахам̣, бхо, саман̣з г̇од̇амз имаани жад̇д̇аари бад̣̇аани ад̣̇д̣̇асам̣ ат̇аахам̣ нидтамаг̇амам̣ – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’’’д̇и.
‘‘Yato kho ahaṃ, bho, samaṇe gotame imāni cattāri padāni addasaṃ athāhaṃ niṭṭhamagamaṃ – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’’’ti.
290. звам̣ вуд̇д̇з, ж̇аан̣уссон̣и б̣раахман̣о саб̣б̣асзд̇аа вал̣аваабхират̇аа орохид̇ваа згам̣сам̣ уд̇д̇араасан̇г̇ам̣ гарид̇ваа язна бхаг̇аваа д̇знан̃ж̇алим̣ бан̣аамзд̇ваа д̇игкад̇д̇ум̣ уд̣̇аанам̣ уд̣̇аанзси – ‘‘намо д̇асса бхаг̇авад̇о арахад̇о саммаасамб̣уд̣̇д̇хасса; намо д̇асса бхаг̇авад̇о арахад̇о саммаасамб̣уд̣̇д̇хасса; намо д̇асса бхаг̇авад̇о арахад̇о саммаасамб̣уд̣̇д̇хасса. аббзва наама маяамби гад̣̇аажи гарахажи д̇зна бход̇аа г̇од̇амзна сад̣̇д̇хим̣ самааг̇ажчзяяаама, аббзва наама сияаа гожид̣̇зва гат̇аасаллаабо’’д̇и! ат̇а ко ж̇аан̣уссон̣и б̣раахман̣о язна бхаг̇аваа д̇знубасан̇гами ; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о яаавад̇аго ахоси билод̇игзна бариб̣б̣ааж̇агзна сад̣̇д̇хим̣ гат̇аасаллаабо д̇ам̣ саб̣б̣ам̣ бхаг̇авад̇о аарожзси. звам̣ вуд̇д̇з, бхаг̇аваа ж̇аан̣уссон̣им̣ б̣раахман̣ам̣ зд̇ад̣̇авожа – ‘‘на ко, б̣раахман̣а, зд̇д̇аавад̇аа хад̇т̇ибад̣̇обамо вид̇т̇аарзна барибууро ход̇и. аби жа, б̣раахман̣а, яат̇аа хад̇т̇ибад̣̇обамо вид̇т̇аарзна барибууро ход̇и д̇ам̣ сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бхо’’д̇и ко ж̇аан̣уссон̣и б̣раахман̣о бхаг̇авад̇о бажжассоси. бхаг̇аваа зд̇ад̣̇авожа –
290. Evaṃ vutte, jāṇussoṇi brāhmaṇo sabbasetā vaḷavābhirathā orohitvā ekaṃsaṃ uttarāsaṅgaṃ karitvā yena bhagavā tenañjaliṃ paṇāmetvā tikkhattuṃ udānaṃ udānesi – ‘‘namo tassa bhagavato arahato sammāsambuddhassa; namo tassa bhagavato arahato sammāsambuddhassa; namo tassa bhagavato arahato sammāsambuddhassa. Appeva nāma mayampi kadāci karahaci tena bhotā gotamena saddhiṃ samāgaccheyyāma, appeva nāma siyā kocideva kathāsallāpo’’ti! Atha kho jāṇussoṇi brāhmaṇo yena bhagavā tenupasaṅkami ; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jāṇussoṇi brāhmaṇo yāvatako ahosi pilotikena paribbājakena saddhiṃ kathāsallāpo taṃ sabbaṃ bhagavato ārocesi. Evaṃ vutte, bhagavā jāṇussoṇiṃ brāhmaṇaṃ etadavoca – ‘‘na kho, brāhmaṇa, ettāvatā hatthipadopamo vitthārena paripūro hoti. Api ca, brāhmaṇa, yathā hatthipadopamo vitthārena paripūro hoti taṃ suṇāhi, sādhukaṃ manasi karohi, bhāsissāmī’’ti. ‘‘Evaṃ, bho’’ti kho jāṇussoṇi brāhmaṇo bhagavato paccassosi. Bhagavā etadavoca –
291. ‘‘сзяяат̇ааби, б̣раахман̣а, нааг̇аваниго нааг̇аванам̣ бависзяяа. со бассзяяа нааг̇аванз маханд̇ам̣ хад̇т̇ибад̣̇ам̣, д̣̇ийгхад̇о жа ааяад̇ам̣, д̇ирияан̃жа вид̇т̇ад̇ам̣. яо ход̇и гусало нааг̇аваниго нзва д̇аава нидтам̣ г̇ажчад̇и – ‘махаа вад̇а, бхо, нааг̇о’д̇и. д̇ам̣ гисса хзд̇у? санд̇и хи, б̣раахман̣а, нааг̇аванз вааманигаа наама хад̇т̇инияо махаабад̣̇аа, д̇аасам̣ бзд̇ам̣ бад̣̇ам̣ ассаад̇и.
291. ‘‘Seyyathāpi, brāhmaṇa, nāgavaniko nāgavanaṃ paviseyya. So passeyya nāgavane mahantaṃ hatthipadaṃ, dīghato ca āyataṃ, tiriyañca vitthataṃ. Yo hoti kusalo nāgavaniko neva tāva niṭṭhaṃ gacchati – ‘mahā vata, bho, nāgo’ti. Taṃ kissa hetu? Santi hi, brāhmaṇa, nāgavane vāmanikā nāma hatthiniyo mahāpadā, tāsaṃ petaṃ padaṃ assāti.
‘‘со д̇амануг̇ажчад̇и. д̇амануг̇ажчанд̇о бассад̇и нааг̇аванз маханд̇ам̣ хад̇т̇ибад̣̇ам̣, д̣̇ийгхад̇о жа ааяад̇ам̣, д̇ирияан̃жа вид̇т̇ад̇ам̣, ужжаа жа нисзвид̇ам̣. яо ход̇и гусало нааг̇аваниго нзва д̇аава нидтам̣ г̇ажчад̇и – ‘махаа вад̇а, бхо, нааг̇о’д̇и. д̇ам̣ гисса хзд̇у? санд̇и хи, б̣раахман̣а, нааг̇аванз ужжаа гаал̣ааригаа наама хад̇т̇инияо махаабад̣̇аа, д̇аасам̣ бзд̇ам̣ бад̣̇ам̣ ассаад̇и.
‘‘So tamanugacchati. Tamanugacchanto passati nāgavane mahantaṃ hatthipadaṃ, dīghato ca āyataṃ, tiriyañca vitthataṃ, uccā ca nisevitaṃ. Yo hoti kusalo nāgavaniko neva tāva niṭṭhaṃ gacchati – ‘mahā vata, bho, nāgo’ti. Taṃ kissa hetu? Santi hi, brāhmaṇa, nāgavane uccā kāḷārikā nāma hatthiniyo mahāpadā, tāsaṃ petaṃ padaṃ assāti.
‘‘со д̇амануг̇ажчад̇и. д̇амануг̇ажчанд̇о бассад̇и нааг̇аванз маханд̇ам̣ хад̇т̇ибад̣̇ам̣, д̣̇ийгхад̇о жа ааяад̇ам̣, д̇ирияан̃жа вид̇т̇ад̇ам̣, ужжаа жа нисзвид̇ам̣, ужжаа жа д̣̇анд̇зхи ааран̃ж̇ид̇аани. яо ход̇и гусало нааг̇аваниго нзва д̇аава нидтам̣ г̇ажчад̇и – ‘махаа вад̇а, бхо, нааг̇о’д̇и. д̇ам̣ гисса хзд̇у? санд̇и хи, б̣раахман̣а, нааг̇аванз ужжаа ган̣зругаа наама хад̇т̇инияо махаабад̣̇аа, д̇аасам̣ бзд̇ам̣ бад̣̇ам̣ ассаад̇и.
‘‘So tamanugacchati. Tamanugacchanto passati nāgavane mahantaṃ hatthipadaṃ, dīghato ca āyataṃ, tiriyañca vitthataṃ, uccā ca nisevitaṃ, uccā ca dantehi ārañjitāni. Yo hoti kusalo nāgavaniko neva tāva niṭṭhaṃ gacchati – ‘mahā vata, bho, nāgo’ti. Taṃ kissa hetu? Santi hi, brāhmaṇa, nāgavane uccā kaṇerukā nāma hatthiniyo mahāpadā, tāsaṃ petaṃ padaṃ assāti.
‘‘со д̇амануг̇ажчад̇и. д̇амануг̇ажчанд̇о бассад̇и нааг̇аванз маханд̇ам̣ хад̇т̇ибад̣̇ам̣, д̣̇ийгхад̇о жа ааяад̇ам̣, д̇ирияан̃жа вид̇т̇ад̇ам̣, ужжаа жа нисзвид̇ам̣, ужжаа жа д̣̇анд̇зхи ааран̃ж̇ид̇аани, ужжаа жа саакаабхан̇г̇ам̣. д̇ан̃жа нааг̇ам̣ бассад̇и ругкамуулаг̇ад̇ам̣ ваа аб̣бхогаасаг̇ад̇ам̣ ваа г̇ажчанд̇ам̣ ваа д̇идтанд̇ам̣ ваа нисиннам̣ ваа нибаннам̣ ваа. со нидтам̣ г̇ажчад̇и – ‘аяамзва со махаанааг̇о’д̇и.
‘‘So tamanugacchati. Tamanugacchanto passati nāgavane mahantaṃ hatthipadaṃ, dīghato ca āyataṃ, tiriyañca vitthataṃ, uccā ca nisevitaṃ, uccā ca dantehi ārañjitāni, uccā ca sākhābhaṅgaṃ. Tañca nāgaṃ passati rukkhamūlagataṃ vā abbhokāsagataṃ vā gacchantaṃ vā tiṭṭhantaṃ vā nisinnaṃ vā nipannaṃ vā. So niṭṭhaṃ gacchati – ‘ayameva so mahānāgo’ti.
‘‘звамзва ко , б̣раахман̣а, ид̇ха д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣; гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇обат̇о , аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и.
‘‘Evameva kho , brāhmaṇa, idha tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ; kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajopatho , abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati.
292. ‘‘со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, нихид̇ад̣̇ан̣д̣о нихид̇асад̇т̇о лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.
292. ‘‘So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato hoti, nihitadaṇḍo nihitasattho lajjī dayāpanno sabbapāṇabhūtahitānukampī viharati.
‘‘ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий. ат̇знзна сужибхууд̇зна ад̇д̇анаа вихарад̇и.
‘‘Adinnādānaṃ pahāya adinnādānā paṭivirato hoti dinnādāyī dinnapāṭikaṅkhī. Athenena sucibhūtena attanā viharati.
‘‘аб̣рахмажарияам̣ бахааяа б̣рахмажаарий ход̇и аараажаарий вирад̇о мзт̇унаа г̇аамад̇хаммаа.
‘‘Abrahmacariyaṃ pahāya brahmacārī hoti ārācārī virato methunā gāmadhammā.
‘‘мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о 11 бажжаяиго ависам̣ваад̣̇аго логасса.
‘‘Musāvādaṃ pahāya musāvādā paṭivirato hoti saccavādī saccasandho theto 12 paccayiko avisaṃvādako lokassa.
‘‘бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и, ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа. ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа, самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и .
‘‘Pisuṇaṃ vācaṃ pahāya pisuṇāya vācāya paṭivirato hoti, ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya. Iti bhinnānaṃ vā sandhātā sahitānaṃ vā anuppadātā, samaggārāmo samaggarato samagganandī samaggakaraṇiṃ vācaṃ bhāsitā hoti .
‘‘парусам̣ ваажам̣ бахааяа парусааяа ваажааяа бадивирад̇о ход̇и. яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и.
‘‘Pharusaṃ vācaṃ pahāya pharusāya vācāya paṭivirato hoti. Yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti.
‘‘сампаббалаабам̣ бахааяа сампаббалаабаа бадивирад̇о ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣.
‘‘Samphappalāpaṃ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā kālena sāpadesaṃ pariyantavatiṃ atthasaṃhitaṃ.
293. ‘‘со б̣ийж̇аг̇аамабхууд̇аг̇аамасамаарамбхаа бадивирад̇о ход̇и, згабхад̇д̇иго ход̇и рад̇д̇уубарад̇о, вирад̇о вигаалабхож̇анаа, нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и, маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и, ужжаасаяанамахаасаяанаа бадивирад̇о ход̇и, ж̇аад̇аруубараж̇ад̇абадиг̇г̇ахан̣аа бадивирад̇о ход̇и, аамагад̇хан̃н̃абадиг̇г̇ахан̣аа бадивирад̇о ход̇и, аамагамам̣сабадиг̇г̇ахан̣аа бадивирад̇о ход̇и, ид̇т̇игумааригабадиг̇г̇ахан̣аа бадивирад̇о ход̇и, д̣̇аасид̣̇аасабадиг̇г̇ахан̣аа бадивирад̇о ход̇и, аж̇зл̣агабадиг̇г̇ахан̣аа бадивирад̇о ход̇и, гуггудасуугарабадиг̇г̇ахан̣аа бадивирад̇о ход̇и, хад̇т̇иг̇аваассавал̣аваабадиг̇г̇ахан̣аа бадивирад̇о ход̇и, кзд̇д̇авад̇т̇убадиг̇г̇ахан̣аа бадивирад̇о ход̇и, д̣̇ууд̇зяяабахин̣аг̇аманаануяог̇аа бадивирад̇о ход̇и, гаяавиггаяаа бадивирад̇о ход̇и, д̇улаагуудагам̣сагуудамаанагуудаа бадивирад̇о ход̇и, уггоданаван̃жананигад̇исаажияог̇аа бадивирад̇о ход̇и, чзд̣̇анавад̇хаб̣анд̇ханавибараамосааалобасахасаагаараа 13 бадивирад̇о ход̇и 14.
293. ‘‘So bījagāmabhūtagāmasamārambhā paṭivirato hoti, ekabhattiko hoti rattūparato, virato vikālabhojanā, naccagītavāditavisūkadassanā paṭivirato hoti, mālāgandhavilepanadhāraṇamaṇḍanavibhūsanaṭṭhānā paṭivirato hoti, uccāsayanamahāsayanā paṭivirato hoti, jātarūparajatapaṭiggahaṇā paṭivirato hoti, āmakadhaññapaṭiggahaṇā paṭivirato hoti, āmakamaṃsapaṭiggahaṇā paṭivirato hoti, itthikumārikapaṭiggahaṇā paṭivirato hoti, dāsidāsapaṭiggahaṇā paṭivirato hoti, ajeḷakapaṭiggahaṇā paṭivirato hoti, kukkuṭasūkarapaṭiggahaṇā paṭivirato hoti, hatthigavāssavaḷavāpaṭiggahaṇā paṭivirato hoti, khettavatthupaṭiggahaṇā paṭivirato hoti, dūteyyapahiṇagamanānuyogā paṭivirato hoti, kayavikkayā paṭivirato hoti, tulākūṭakaṃsakūṭamānakūṭā paṭivirato hoti, ukkoṭanavañcananikatisāciyogā paṭivirato hoti, chedanavadhabandhanaviparāmosaālopasahasākārā 15 paṭivirato hoti 16.
294. ‘‘со санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и, звамзва бхигку санд̇удто ход̇и гааяабарихааригзна жийварзна гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и.
294. ‘‘So santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati samādāyeva pakkamati. Seyyathāpi nāma pakkhī sakuṇo yena yeneva ḍeti sapattabhārova ḍeti, evameva bhikkhu santuṭṭho hoti kāyaparihārikena cīvarena kucchiparihārikena piṇḍapātena. So yena yeneva pakkamati samādāyeva pakkamati. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
295. ‘‘со жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и.
295. ‘‘So cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti.
‘‘со абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и , самин̃ж̇ид̇з басаарид̇з самбаж̇аанагаарий ход̇и, сам̣гхаадибад̇д̇ажийварад̇хааран̣з самбаж̇аанагаарий ход̇и, асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и.
‘‘So abhikkante paṭikkante sampajānakārī hoti, ālokite vilokite sampajānakārī hoti , samiñjite pasārite sampajānakārī hoti, saṃghāṭipattacīvaradhāraṇe sampajānakārī hoti, asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
296. ‘‘со иминаа жа ариязна сийлагканд̇хзна саманнааг̇ад̇о, (имааяа жа арияааяа санд̇удтияаа саманнааг̇ад̇о) 17 иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇аббад̣̇осам̣ бахааяа аб̣яаабаннажид̇д̇о вихарад̇и, саб̣б̣абаан̣абхууд̇ахид̇аанугамбий б̣яаабаад̣̇аббад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и, аж̇жхад̇д̇ам̣ вуубасанд̇ажид̇д̇о уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
296. ‘‘So iminā ca ariyena sīlakkhandhena samannāgato, (imāya ca ariyāya santuṭṭhiyā samannāgato) 18 iminā ca ariyena indriyasaṃvarena samannāgato, iminā ca ariyena satisampajaññena samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti. Byāpādappadosaṃ pahāya abyāpannacitto viharati, sabbapāṇabhūtahitānukampī byāpādappadosā cittaṃ parisodheti. Thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati, ajjhattaṃ vūpasantacitto uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
297. ‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з, вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. на д̇взва д̇аава арияасааваго нидтам̣ г̇ажчад̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
297. ‘‘So ime pañca nīvaraṇe pahāya cetaso upakkilese paññāya dubbalīkaraṇe, vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Na tveva tāva ariyasāvako niṭṭhaṃ gacchati – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
‘‘буна жабарам̣, б̣раахман̣а, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. ид̣̇амби вужжад̇и, б̣раахман̣а…бз… суббадибанно бхаг̇авад̇о саавагасан̇гхо’д̇и.
‘‘Puna caparaṃ, brāhmaṇa, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Idampi vuccati, brāhmaṇa…pe… suppaṭipanno bhagavato sāvakasaṅgho’ti.
‘‘буна жабарам̣, б̣раахман̣а, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. ид̣̇амби вужжад̇и, б̣раахман̣а…бз… суббадибанно бхаг̇авад̇о саавагасан̇гхо’д̇и.
‘‘Puna caparaṃ, brāhmaṇa, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti, yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati. Idampi vuccati, brāhmaṇa…pe… suppaṭipanno bhagavato sāvakasaṅgho’ti.
‘‘буна жабарам̣, б̣раахман̣а, бхигку сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. на д̇взва д̇аава арияасааваго нидтам̣ г̇ажчад̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
‘‘Puna caparaṃ, brāhmaṇa, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Na tveva tāva ariyasāvako niṭṭhaṃ gacchati – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
298. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣, д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. на д̇взва д̇аава арияасааваго нидтам̣ г̇ажчад̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
298. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ, dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Na tveva tāva ariyasāvako niṭṭhaṃ gacchati – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанаад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. на д̇взва д̇аава арияасааваго нидтам̣ г̇ажчад̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena…pe… yathākammūpage satte pajānāti. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Na tveva tāva ariyasāvako niṭṭhaṃ gacchati – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
299. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. на д̇взва д̇аава арияасааваго нидтам̣ г̇ад̇о ход̇и, аби жа ко нидтам̣ г̇ажчад̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и.
299. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti. ‘Ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Na tveva tāva ariyasāvako niṭṭhaṃ gato hoti, api ca kho niṭṭhaṃ gacchati – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti.
‘‘д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и , бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. ид̣̇амби вужжад̇и, б̣раахман̣а, д̇ат̇ааг̇ад̇абад̣̇ам̣ ид̇иби, д̇ат̇ааг̇ад̇анисзвид̇ам̣ ид̇иби, д̇ат̇ааг̇ад̇ааран̃ж̇ид̇ам̣ ид̇иби. зд̇д̇аавад̇аа ко, б̣раахман̣а, арияасааваго нидтам̣ г̇ад̇о ход̇и – ‘саммаасамб̣уд̣̇д̇хо бхаг̇аваа, сваагкаад̇о бхаг̇авад̇аа д̇хаммо, суббадибанно бхаг̇авад̇о саавагасан̇гхо’д̇и. зд̇д̇аавад̇аа ко, б̣раахман̣а, хад̇т̇ибад̣̇обамо вид̇т̇аарзна барибууро ход̇ий’’д̇и.
‘‘Tassa evaṃ jānato evaṃ passato kāmāsavāpi cittaṃ vimuccati , bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Idampi vuccati, brāhmaṇa, tathāgatapadaṃ itipi, tathāgatanisevitaṃ itipi, tathāgatārañjitaṃ itipi. Ettāvatā kho, brāhmaṇa, ariyasāvako niṭṭhaṃ gato hoti – ‘sammāsambuddho bhagavā, svākkhāto bhagavatā dhammo, suppaṭipanno bhagavato sāvakasaṅgho’ti. Ettāvatā kho, brāhmaṇa, hatthipadopamo vitthārena paripūro hotī’’ti.
звам̣ вуд̇д̇з, ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – жагкуманд̇о руубаани д̣̇агканд̇ийд̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами, д̇хамман̃жа, бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, jāṇussoṇi brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – cakkhumanto rūpāni dakkhantīti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi, dhammañca, bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
жуул̣ахад̇т̇ибад̣̇обамасуд̇д̇ам̣ нидтид̇ам̣ сад̇д̇амам̣.
Cūḷahatthipadopamasuttaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. жуул̣ахад̇т̇ибад̣̇обамасуд̇д̇аван̣н̣анаа • 7. Cūḷahatthipadopamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. жуул̣ахад̇т̇ибад̣̇обамасуд̇д̇аван̣н̣анаа • 7. Cūḷahatthipadopamasuttavaṇṇanā
