Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    7. жуул̣ахад̇т̇ибад̣̇обамасуд̇д̇аван̣н̣анаа

    7. Cūḷahatthipadopamasuttavaṇṇanā

    288. звам̣ мз суд̇анд̇и жуул̣ахад̇т̇ибад̣̇обамасуд̇д̇ам̣. д̇ад̇т̇а саб̣б̣асзд̇зна вал̣аваабхират̇знаад̇и, ‘‘сзд̇аа суд̣̇ам̣ ассаа яуд̇д̇аа хонд̇и сзд̇аалан̇гаараа. сзд̇о рат̇о сзд̇аалан̇гааро сзд̇абаривааро, сзд̇аа расмияо, сзд̇аа бад̇од̣̇аладти, сзд̇ам̣ чад̇д̇ам̣, сзд̇ам̣ ун̣хийсам̣, сзд̇аани вад̇т̇аани, сзд̇аа убааханаа, сзд̇ааяа суд̣̇ам̣ ваалаб̣ийж̇анияаа б̣ийж̇ияад̇ий’’д̇и (сам̣. ни. 5.4) звам̣ вуд̇д̇зна сагаласзд̇зна жад̇уухи вал̣аваахи яуд̇д̇арат̇зна.

    288.Evaṃme sutanti cūḷahatthipadopamasuttaṃ. Tattha sabbasetena vaḷavābhirathenāti, ‘‘setā sudaṃ assā yuttā honti setālaṅkārā. Seto ratho setālaṅkāro setaparivāro, setā rasmiyo, setā patodalaṭṭhi, setaṃ chattaṃ, setaṃ uṇhīsaṃ, setāni vatthāni, setā upāhanā, setāya sudaṃ vālabījaniyā bījiyatī’’ti (saṃ. ni. 5.4) evaṃ vuttena sakalasetena catūhi vaḷavāhi yuttarathena.

    рат̇о жа наамзсо д̣̇увид̇хо ход̇и – яод̇харат̇о, алан̇гаарарат̇од̇и. д̇ад̇т̇а яод̇харат̇о жад̇урассасан̣таано ход̇и наад̇имахаа, д̣̇виннам̣ д̇ин̣н̣ам̣ ваа ж̇анаанам̣ г̇ахан̣асамад̇т̇о. алан̇гаарарат̇о махаа ход̇и, д̣̇ийгхад̇о д̣̇ийгхо, бут̇улад̇о бут̇уло. д̇ад̇т̇а чад̇д̇аг̇г̇аахаго ваалаб̣ийж̇аниг̇г̇аахаго д̇аалаван̣даг̇г̇аахагод̇и звам̣ адта ваа д̣̇аса ваа сукзна таад̇ум̣ ваа нисийд̣̇ид̇ум̣ ваа нибаж̇ж̇ид̇ум̣ ваа саггонд̇и, аяамби алан̇гаарарат̇оязва. со саб̣б̣о сажаггабан̃ж̇арагуб̣б̣аро раж̇ад̇абаригкид̇д̇о ахоси. вал̣аваа багад̇ияаа сзд̇аван̣н̣аава. басаад̇ханамби д̇аад̣̇исам̣ раж̇ад̇амаяам̣ ахоси. расмияоби раж̇ад̇абанаал̣и субаригкид̇д̇аа. бад̇од̣̇аладтиби раж̇ад̇абаригкид̇д̇аа. б̣раахман̣оби сзд̇авад̇т̇ам̣ ниваасзд̇ваа сзд̇ам̣язва уд̇д̇араасан̇г̇амагааси, сзд̇авилзбанам̣ вилимби, сзд̇амаалам̣ биланд̇хи, д̣̇асасу ан̇г̇улийсу ан̇г̇улимуд̣̇д̣̇игаа, ган̣н̣зсу гун̣д̣алаанийд̇и звамаад̣̇иалан̇гааробисса раж̇ад̇амаяова ахоси. бариваараб̣раахман̣аабисса д̣̇асасахассамад̇д̇аа д̇ат̇зва сзд̇авад̇т̇авилзбанамаалаалан̇гаараа ахзсум̣. д̇зна вуд̇д̇ам̣ ‘‘саб̣б̣асзд̇зна вал̣аваабхират̇знаа’’д̇и.

    Ratho ca nāmeso duvidho hoti – yodharatho, alaṅkārarathoti. Tattha yodharatho caturassasaṇṭhāno hoti nātimahā, dvinnaṃ tiṇṇaṃ vā janānaṃ gahaṇasamattho. Alaṅkāraratho mahā hoti, dīghato dīgho, puthulato puthulo. Tattha chattaggāhako vālabījaniggāhako tālavaṇṭaggāhakoti evaṃ aṭṭha vā dasa vā sukhena ṭhātuṃ vā nisīdituṃ vā nipajjituṃ vā sakkonti, ayampi alaṅkārarathoyeva. So sabbo sacakkapañjarakubbaro rajataparikkhitto ahosi. Vaḷavā pakatiyā setavaṇṇāva. Pasādhanampi tādisaṃ rajatamayaṃ ahosi. Rasmiyopi rajatapanāḷi suparikkhittā. Patodalaṭṭhipi rajataparikkhittā. Brāhmaṇopi setavatthaṃ nivāsetvā setaṃyeva uttarāsaṅgamakāsi, setavilepanaṃ vilimpi, setamālaṃ pilandhi, dasasu aṅgulīsu aṅgulimuddikā, kaṇṇesu kuṇḍalānīti evamādialaṅkāropissa rajatamayova ahosi. Parivārabrāhmaṇāpissa dasasahassamattā tatheva setavatthavilepanamālālaṅkārā ahesuṃ. Tena vuttaṃ ‘‘sabbasetena vaḷavābhirathenā’’ti.

    саавад̇т̇ияаа нияяаад̇ийд̇и со гира чаннам̣ чаннам̣ маасаанам̣ згаваарам̣ наг̇арам̣ бад̣̇агкин̣ам̣ гарод̇и. ид̇о зд̇д̇агзхи д̣̇ивасзхи наг̇арам̣ бад̣̇агкин̣ам̣ гариссад̇ийд̇и бурзд̇арамзва гхосанаа гарийяад̇и; д̇ам̣ суд̇ваа яз наг̇арад̇о на багганд̇аа, д̇з на баггаманд̇и. яз багганд̇аа, д̇зби, ‘‘бун̃н̃авад̇о сирисамбад̇д̇им̣ бассиссаамаа’’д̇и ааг̇ажчанд̇и. яам̣ д̣̇ивасам̣ б̣раахман̣о наг̇арам̣ анувижарад̇и, д̇ад̣̇аа баад̇ова наг̇аравийт̇ияо саммаж̇ж̇ид̇ваа ваалигам̣ огирид̇ваа лааж̇абан̃жамзхи бубпзхи абхиббагирид̇ваа бун̣н̣агхадз табзд̇ваа гад̣̇алияо жа д̇хаж̇з жа уссаабзд̇ваа сагаланаг̇арам̣ д̇хуубид̇аваасид̇ам̣ гаронд̇и. б̣раахман̣о баад̇ова сийсам̣ нхааяид̇ваа бурзбхад̇д̇ам̣ бхун̃ж̇ид̇ваа вуд̇д̇анаязнзва сзд̇авад̇т̇аад̣̇ийхи ад̇д̇аанам̣ алан̇гарид̇ваа баасаад̣̇аа оруяха рат̇ам̣ абхирухад̇и. ат̇а нам̣ д̇з б̣раахман̣аа саб̣б̣асзд̇авад̇т̇авилзбанамаалаалан̇гаараа сзд̇ажчад̇д̇аани г̇ахзд̇ваа бариваарзнд̇и; д̇ад̇о махааж̇анасса саннибаад̇анад̇т̇ам̣ батамам̣язва д̇арун̣ад̣̇аарагаанам̣ палаапалаани вигирид̇ваа д̇ад̣̇ананд̇арам̣ маасагаруубаани; д̇ад̣̇ананд̇арам̣ гахаабан̣з вигиранд̇и; махааж̇анаа саннибад̇анд̇и. уггудтияо жзва жзлугкзбаа жа бавад̇д̇анд̇и. ат̇а б̣раахман̣о ман̇г̇алигасовад̇т̇игаад̣̇ийсу ман̇г̇алаани жзва сувад̇т̇ияо жа гаронд̇зсу махаасамбад̇д̇ияаа наг̇арам̣ анувижарад̇и. бун̃н̃аванд̇аа мануссаа згабхуумагаад̣̇ибаасаад̣̇з ааруяха сугабад̇д̇асад̣̇исаани ваад̇абаанагаваадаани виварид̇ваа ологзнд̇и. б̣раахман̣оби ад̇д̇ано яасасирисамбад̇д̇ияаа наг̇арам̣ аж̇жход̇т̇аранд̇о вияа д̣̇агкин̣ад̣̇ваараабхимуко ход̇и. д̇зна вуд̇д̇ам̣ ‘‘саавад̇т̇ияаа нияяаад̇ий’’д̇и.

    Sāvatthiyā niyyātīti so kira channaṃ channaṃ māsānaṃ ekavāraṃ nagaraṃ padakkhiṇaṃ karoti. Ito ettakehi divasehi nagaraṃ padakkhiṇaṃ karissatīti puretarameva ghosanā karīyati; taṃ sutvā ye nagarato na pakkantā, te na pakkamanti. Ye pakkantā, tepi, ‘‘puññavato sirisampattiṃ passissāmā’’ti āgacchanti. Yaṃ divasaṃ brāhmaṇo nagaraṃ anuvicarati, tadā pātova nagaravīthiyo sammajjitvā vālikaṃ okiritvā lājapañcamehi pupphehi abhippakiritvā puṇṇaghaṭe ṭhapetvā kadaliyo ca dhaje ca ussāpetvā sakalanagaraṃ dhūpitavāsitaṃ karonti. Brāhmaṇo pātova sīsaṃ nhāyitvā purebhattaṃ bhuñjitvā vuttanayeneva setavatthādīhi attānaṃ alaṅkaritvā pāsādā oruyha rathaṃ abhiruhati. Atha naṃ te brāhmaṇā sabbasetavatthavilepanamālālaṅkārā setacchattāni gahetvā parivārenti; tato mahājanassa sannipātanatthaṃ paṭhamaṃyeva taruṇadārakānaṃ phalāphalāni vikiritvā tadanantaraṃ māsakarūpāni; tadanantaraṃ kahāpaṇe vikiranti; mahājanā sannipatanti. Ukkuṭṭhiyo ceva celukkhepā ca pavattanti. Atha brāhmaṇo maṅgalikasovatthikādīsu maṅgalāni ceva suvatthiyo ca karontesu mahāsampattiyā nagaraṃ anuvicarati. Puññavantā manussā ekabhūmakādipāsāde āruyha sukapattasadisāni vātapānakavāṭāni vivaritvā olokenti. Brāhmaṇopi attano yasasirisampattiyā nagaraṃ ajjhottharanto viya dakkhiṇadvārābhimukho hoti. Tena vuttaṃ ‘‘sāvatthiyā niyyātī’’ti.

    д̣̇иваа д̣̇ивассаад̇и д̣̇ивасасса д̣̇иваа, маж̇жханхагаалзд̇и ад̇т̇о. билод̇игам̣ бариб̣б̣ааж̇аганд̇и билод̇игаад̇и звам̣ ид̇т̇илин̇г̇авохааравасзна лад̣̇д̇ханаамам̣ бариб̣б̣ааж̇агам̣. со гира бариб̣б̣ааж̇аго д̣̇ахаро батамаваяз тид̇о суван̣н̣аван̣н̣о б̣уд̣̇д̇хубадтааго, баад̇ова д̇ат̇ааг̇ад̇асса жзва махаат̇зраанан̃жа убадтаанам̣ гад̇ваа д̇ид̣̇ан̣д̣агун̣д̣игаад̣̇ибаригкаарам̣ аад̣̇ааяа ж̇зд̇аванаа нигкамид̇ваа наг̇араабхимуко бааяааси. д̇ам̣ зса д̣̇уурад̇ова ааг̇ажчанд̇ам̣ ад̣̇д̣̇аса. зд̇ад̣̇авожаад̇и ануггамзна санд̇игам̣ ааг̇ад̇ам̣ сан̃ж̇аанид̇ваа зд̇ам̣, ‘‘ханд̣̇а гуд̇о ну бхавам̣ важчааяано ааг̇ажчад̇ий’’д̇и г̇од̇д̇ам̣ гид̇д̇знд̇о важанам̣ авожа. бан̣д̣ид̇о ман̃н̃зд̇и бхавам̣ важчааяано саман̣ам̣ г̇од̇амам̣ бан̣д̣ид̇од̇и ман̃н̃ад̇и, уд̣̇ааху нод̇и аяамзд̇т̇а ад̇т̇о.

    Divā divassāti divasassa divā, majjhanhakāleti attho. Pilotikaṃ paribbājakanti pilotikāti evaṃ itthiliṅgavohāravasena laddhanāmaṃ paribbājakaṃ. So kira paribbājako daharo paṭhamavaye ṭhito suvaṇṇavaṇṇo buddhupaṭṭhāko, pātova tathāgatassa ceva mahātherānañca upaṭṭhānaṃ katvā tidaṇḍakuṇḍikādiparikkhāraṃ ādāya jetavanā nikkhamitvā nagarābhimukho pāyāsi. Taṃ esa dūratova āgacchantaṃ addasa. Etadavocāti anukkamena santikaṃ āgataṃ sañjānitvā etaṃ, ‘‘handa kuto nu bhavaṃ vacchāyano āgacchatī’’ti gottaṃ kittento vacanaṃ avoca. Paṇḍito maññeti bhavaṃ vacchāyano samaṇaṃ gotamaṃ paṇḍitoti maññati, udāhu noti ayamettha attho.

    го жаахам̣, бход̇и, бхо, саман̣асса г̇од̇амасса бан̃н̃аавзяяад̇д̇ияам̣ ж̇аананз ахам̣ го наама? го жа саман̣асса г̇од̇амасса бан̃н̃аавзяяад̇д̇ияам̣ ж̇ааниссаамийд̇и гуд̇о жаахам̣ саман̣асса г̇од̇амасса бан̃н̃аавзяяад̇д̇ияам̣ ж̇ааниссаами, гзна гааран̣зна ж̇ааниссаамийд̇и? звам̣ саб̣б̣ат̇ааби ад̇д̇ано аж̇аананабхаавам̣ д̣̇ийбзд̇и . соби нуунасса д̇аад̣̇исоваад̇и яо саман̣асса г̇од̇амасса бан̃н̃аавзяяад̇д̇ияам̣ ж̇аанзяяа, соби нууна д̣̇аса баарамияо буурзд̇ваа саб̣б̣ан̃н̃уд̇ам̣ бад̇д̇о д̇аад̣̇исо б̣уд̣̇д̇хоязва бхавзяяа. синзрум̣ ваа химаванд̇ам̣ ваа бат̇авим̣ ваа аагаасам̣ ваа бамзд̇угаамзна д̇аббамаан̣ова д̣̇ан̣д̣о ваа раж̇ж̇у ваа лад̣̇д̇хум̣ ваддад̇и. саман̣асса г̇од̇амасса бан̃н̃ам̣ ж̇аананд̇знаби д̇асса н̃аан̣асад̣̇исамзва саб̣б̣ан̃н̃уд̇ан̃н̃аан̣ам̣ лад̣̇д̇хум̣ ваддад̇ийд̇и д̣̇ийбзд̇и. аад̣̇аравасзна банзд̇т̇а аамзд̣ид̇ам̣ гад̇ам̣. ул̣аарааяаад̇и уд̇д̇арааяа сздтааяа. го жаахам̣, бход̇и, бхо, ахам̣ саман̣асса г̇од̇амасса басам̣санз го наама? го жа саман̣ам̣ г̇од̇амам̣ басам̣сиссаамийд̇и гзна гааран̣зна басам̣сиссаами? басад̇т̇абасад̇т̇од̇и саб̣б̣аг̇ун̣аанам̣ уд̇д̇арид̇арзхи саб̣б̣алогабасад̇т̇зхи ад̇д̇ано г̇ун̣зхзва басад̇т̇о, на д̇асса ан̃н̃зхи басам̣санагижжам̣ ад̇т̇и. яат̇аа хи жамбагабубпам̣ ваа нийлуббалам̣ ваа бад̣̇умам̣ ваа лохид̇ажанд̣̇анам̣ ваа ад̇д̇ано ван̣н̣аг̇анд̇хасирияаава баасаад̣̇иган̃жзва суг̇анд̇хан̃жа, на д̇асса ааг̇анд̇угзхи ван̣н̣аг̇анд̇хзхи т̇оманагижжам̣ ад̇т̇и. яат̇аа жа ман̣ирад̇анам̣ ваа жанд̣̇аман̣д̣алам̣ ваа ад̇д̇ано аалогзнзва обхаасад̇и, на д̇асса ан̃н̃зна обхаасанагижжам̣ ад̇т̇и. звам̣ саман̣о г̇од̇амо саб̣б̣алогабасад̇т̇зхи ад̇д̇ано г̇ун̣зхзва басад̇т̇о т̇омид̇о саб̣б̣алогасса сздтад̇ам̣ баабид̇о, на д̇асса ан̃н̃зна басам̣санагижжам̣ ад̇т̇и. басад̇т̇зхи ваа басад̇т̇од̇иби басад̇т̇абасад̇т̇о.

    Ko cāhaṃ, bhoti, bho, samaṇassa gotamassa paññāveyyattiyaṃ jānane ahaṃ ko nāma? Ko ca samaṇassa gotamassa paññāveyyattiyaṃ jānissāmīti kuto cāhaṃ samaṇassa gotamassa paññāveyyattiyaṃ jānissāmi, kena kāraṇena jānissāmīti? Evaṃ sabbathāpi attano ajānanabhāvaṃ dīpeti . Sopi nūnassa tādisovāti yo samaṇassa gotamassa paññāveyyattiyaṃ jāneyya, sopi nūna dasa pāramiyo pūretvā sabbaññutaṃ patto tādiso buddhoyeva bhaveyya. Sineruṃ vā himavantaṃ vā pathaviṃ vā ākāsaṃ vā pametukāmena tappamāṇova daṇḍo vā rajju vā laddhuṃ vaṭṭati. Samaṇassa gotamassa paññaṃ jānantenapi tassa ñāṇasadisameva sabbaññutaññāṇaṃ laddhuṃ vaṭṭatīti dīpeti. Ādaravasena panettha āmeḍitaṃ kataṃ. Uḷārāyāti uttarāya seṭṭhāya. Ko cāhaṃ, bhoti, bho, ahaṃ samaṇassa gotamassa pasaṃsane ko nāma? Ko ca samaṇaṃ gotamaṃ pasaṃsissāmīti kena kāraṇena pasaṃsissāmi? Pasatthapasatthoti sabbaguṇānaṃ uttaritarehi sabbalokapasatthehi attano guṇeheva pasattho, na tassa aññehi pasaṃsanakiccaṃ atthi. Yathā hi campakapupphaṃ vā nīluppalaṃ vā padumaṃ vā lohitacandanaṃ vā attano vaṇṇagandhasiriyāva pāsādikañceva sugandhañca, na tassa āgantukehi vaṇṇagandhehi thomanakiccaṃ atthi. Yathā ca maṇiratanaṃ vā candamaṇḍalaṃ vā attano ālokeneva obhāsati, na tassa aññena obhāsanakiccaṃ atthi. Evaṃ samaṇo gotamo sabbalokapasatthehi attano guṇeheva pasattho thomito sabbalokassa seṭṭhataṃ pāpito, na tassa aññena pasaṃsanakiccaṃ atthi. Pasatthehi vā pasatthotipi pasatthapasattho.

    гз басад̇т̇аа наама? рааж̇аа басзнад̣̇и госало гаасигосалаваасигзхи басад̇т̇о, б̣имб̣исааро ан̇г̇амаг̇ад̇хаваасийхи. взсаалигаа лижчавий важ̇ж̇ирадтаваасийхи басад̇т̇аа. баавзяяагаа маллаа, госинаарагаа маллаа, ан̃н̃зби д̇з д̇з кад̇д̇ияаа д̇зхи д̇зхи ж̇аанабад̣̇зхи басад̇т̇аа. жан̇гийаад̣̇аяо б̣раахман̣аа б̣раахман̣аг̇ан̣зхи, анаат̇абин̣д̣игаад̣̇аяо убаасагаа анзгасад̇зхи убаасагаг̇ан̣зхи, висаакаад̣̇аяо убаасигаа анзгасад̇аахи убаасигаахи, сагулуд̣̇ааяиаад̣̇аяо бариб̣б̣ааж̇агаа анзгзхи бариб̣б̣ааж̇агасад̇зхи, уббалаван̣н̣аат̇зриаад̣̇игаа махаасаавигаа анзгзхи бхигкунисад̇зхи, саарибуд̇д̇ад̇т̇зраад̣̇аяо махаасаавагаа анзгасад̇зхи бхигкуухи, саггаад̣̇аяо д̣̇зваа анзгасахассзхи д̣̇звзхи, махааб̣рахмаад̣̇аяо б̣рахмаано анзгасахассзхи б̣рахмзхи басад̇т̇аа. д̇з саб̣б̣зби д̣̇асаб̣алам̣ т̇омзнд̇и ван̣н̣знд̇и, басам̣санд̇ийд̇и бхаг̇аваа ‘‘басад̇т̇абасад̇т̇о’’д̇и вужжад̇и.

    Ke pasatthā nāma? Rājā pasenadi kosalo kāsikosalavāsikehi pasattho, bimbisāro aṅgamagadhavāsīhi. Vesālikā licchavī vajjiraṭṭhavāsīhi pasatthā. Pāveyyakā mallā, kosinārakā mallā, aññepi te te khattiyā tehi tehi jānapadehi pasatthā. Caṅkīādayo brāhmaṇā brāhmaṇagaṇehi, anāthapiṇḍikādayo upāsakā anekasatehi upāsakagaṇehi, visākhādayo upāsikā anekasatāhi upāsikāhi, sakuludāyiādayo paribbājakā anekehi paribbājakasatehi, uppalavaṇṇātheriādikā mahāsāvikā anekehi bhikkhunisatehi, sāriputtattherādayo mahāsāvakā anekasatehi bhikkhūhi, sakkādayo devā anekasahassehi devehi, mahābrahmādayo brahmāno anekasahassehi brahmehi pasatthā. Te sabbepi dasabalaṃ thomenti vaṇṇenti, pasaṃsantīti bhagavā ‘‘pasatthapasattho’’ti vuccati.

    ад̇т̇авасанд̇и ад̇т̇аанисам̣сам̣. ат̇асса бариб̣б̣ааж̇аго ад̇д̇ано басаад̣̇агааран̣ам̣ аажигканд̇о сзяяат̇ааби, бхо, гусало нааг̇аванигод̇иаад̣̇имааха. д̇ад̇т̇а нааг̇аванигод̇и нааг̇аванаваасиго ануг̇г̇ахид̇асиббо бурисо. барад̇о бана уг̇г̇ахид̇асиббо бурисо нааг̇аванигод̇и ааг̇ад̇о. жад̇д̇аари бад̣̇аанийд̇и жад̇д̇аари н̃аан̣абад̣̇аани н̃аан̣авалан̃ж̇аани, н̃аан̣зна агганд̇адтаанаанийд̇и ад̇т̇о.

    Atthavasanti atthānisaṃsaṃ. Athassa paribbājako attano pasādakāraṇaṃ ācikkhanto seyyathāpi, bho, kusalo nāgavanikotiādimāha. Tattha nāgavanikoti nāgavanavāsiko anuggahitasippo puriso. Parato pana uggahitasippo puriso nāgavanikoti āgato. Cattāri padānīti cattāri ñāṇapadāni ñāṇavalañjāni, ñāṇena akkantaṭṭhānānīti attho.

    289. кад̇д̇ияабан̣д̣ид̇зд̇иаад̣̇ийсу бан̣д̣ид̇зд̇и бан̣д̣ижжзна саманнааг̇ад̇з. нибун̣зд̇и сан̣хз сукумаб̣уд̣̇д̇хино, сукумаад̇т̇анд̇арабадивиж̇жханасамад̇т̇з. гад̇абараббаваад̣̇зд̇и вин̃н̃аад̇абараббаваад̣̇з жзва барзхи сад̣̇д̇хим̣ гад̇аваад̣̇абарижаяз жа. ваалавзд̇хируубзд̇и ваалавзд̇хид̇хануг̇г̇ахасад̣̇исз. д̇з бхинд̣̇анд̇аа ман̃н̃з жаранд̇ийд̇и ваалавзд̇хи вияа ваалам̣ сукумааниби барзсам̣ д̣̇идтиг̇ад̇аани ад̇д̇ано бан̃н̃ааг̇ад̇зна бхинд̣̇анд̇аа вияа жаранд̇ийд̇и ад̇т̇о. бан̃хам̣ абхисан̇каронд̇ийд̇и д̣̇убад̣̇амби д̇ибад̣̇амби жад̇уббад̣̇амби бан̃хам̣ гаронд̇и. ваад̣̇ам̣ ааробзссаамаад̇и д̣̇осам̣ ааробзссаама. на жзва саман̣ам̣ г̇од̇амам̣ бан̃хам̣ бужчанд̇ийд̇и; гасмаа на бужчанд̇и? бхаг̇аваа гира барисамаж̇жхз д̇хаммам̣ д̣̇зсзнд̇о барисааяа аж̇жхаасаяам̣ ологзд̇и, д̇ад̇о бассад̇и – ‘‘имз кад̇д̇ияабан̣д̣ид̇аа г̇ул̣хам̣ рахассам̣ бан̃хам̣ оваддигасаарам̣ гад̇ваа ааг̇ад̇аа’’д̇и. со д̇зхи абудтоязва зваруубз бан̃хз бужчааяа зд̇д̇агаа д̣̇осаа, виссаж̇ж̇анз зд̇д̇агаа, ад̇т̇з бад̣̇з агкарз зд̇д̇агаад̇и имз бан̃хз бужчанд̇о звам̣ бужчзяяа, виссаж̇ж̇знд̇о звам̣ виссаж̇ж̇зяяаад̇и, ид̇и оваддигасаарам̣ гад̇ваа аанийд̇з бан̃хз д̇хаммагат̇ааяа анд̇арз багкибид̇ваа вид̣̇д̇хам̣сзд̇и. кад̇д̇ияабан̣д̣ид̇аа ‘‘сзяяо вад̇а но, яз маяам̣ имз бан̃хз на бужчимхаа, сажз хи маяам̣ бужчзяяаама, аббад̇идтзва но гад̇ваа саман̣о г̇од̇амо кибзяяаа’’д̇и ад̇д̇аманаа бхаванд̇и.

    289.Khattiyapaṇḍitetiādīsu paṇḍiteti paṇḍiccena samannāgate. Nipuṇeti saṇhe sukhumabuddhino, sukhumaatthantarapaṭivijjhanasamatthe. Kataparappavādeti viññātaparappavāde ceva parehi saddhiṃ katavādaparicaye ca. Vālavedhirūpeti vālavedhidhanuggahasadise. Te bhindantā maññe carantīti vālavedhi viya vālaṃ sukhumānipi paresaṃ diṭṭhigatāni attano paññāgatena bhindantā viya carantīti attho. Pañhaṃ abhisaṅkharontīti dupadampi tipadampi catuppadampi pañhaṃ karonti. Vādaṃ āropessāmāti dosaṃ āropessāma. Na ceva samaṇaṃ gotamaṃ pañhaṃ pucchantīti; kasmā na pucchanti? Bhagavā kira parisamajjhe dhammaṃ desento parisāya ajjhāsayaṃ oloketi, tato passati – ‘‘ime khattiyapaṇḍitā guḷhaṃ rahassaṃ pañhaṃ ovaṭṭikasāraṃ katvā āgatā’’ti. So tehi apuṭṭhoyeva evarūpe pañhe pucchāya ettakā dosā, vissajjane ettakā, atthe pade akkhare ettakāti ime pañhe pucchanto evaṃ puccheyya, vissajjento evaṃ vissajjeyyāti, iti ovaṭṭikasāraṃ katvā ānīte pañhe dhammakathāya antare pakkhipitvā viddhaṃseti. Khattiyapaṇḍitā ‘‘seyyo vata no, ye mayaṃ ime pañhe na pucchimhā, sace hi mayaṃ puccheyyāma, appatiṭṭheva no katvā samaṇo gotamo khipeyyā’’ti attamanā bhavanti.

    абижа б̣уд̣̇д̇хаа наама д̇хаммам̣ д̣̇зсзнд̇аа барисам̣ мзд̇д̇ааяа паранд̇и, мзд̇д̇аапаран̣зна д̣̇асаб̣алз махааж̇анасса жид̇д̇ам̣ басийд̣̇ад̇и, б̣уд̣̇д̇хаа жа наама руубаг̇г̇аббад̇д̇аа хонд̇и д̣̇ассанасамбаннаа мад̇хурассараа муд̣̇уж̇ивхаа супусид̇ад̣̇анд̇ааваран̣аа амад̇зна хад̣̇аяам̣ син̃жанд̇аа вияа д̇хаммам̣ гат̇знд̇и. д̇ад̇ра нзсам̣ мзд̇д̇аапаран̣зна басаннажид̇д̇аанам̣ звам̣ ход̇и – ‘‘зваруубам̣ ад̣̇взж̇жхагат̇ам̣ амогхагат̇ам̣ нияяаанигагат̇ам̣ гат̇знд̇зна бхаг̇авад̇аа сад̣̇д̇хим̣ на сагкиссаама бажжанийгаг̇г̇аахам̣ г̇ан̣хид̇у’’нд̇и ад̇д̇ано басаннабхаавзнзва на бужчанд̇и.

    Apica buddhā nāma dhammaṃ desentā parisaṃ mettāya pharanti, mettāpharaṇena dasabale mahājanassa cittaṃ pasīdati, buddhā ca nāma rūpaggappattā honti dassanasampannā madhurassarā mudujivhā suphusitadantāvaraṇā amatena hadayaṃ siñcantā viya dhammaṃ kathenti. Tatra nesaṃ mettāpharaṇena pasannacittānaṃ evaṃ hoti – ‘‘evarūpaṃ advejjhakathaṃ amoghakathaṃ niyyānikakathaṃ kathentena bhagavatā saddhiṃ na sakkhissāma paccanīkaggāhaṃ gaṇhitu’’nti attano pasannabhāveneva na pucchanti.

    ан̃н̃ад̣̇ад̇т̇ууд̇и згам̣сзна. саавагаа самбаж̇ж̇анд̇ийд̇и саран̣аг̇аманавасзна саавагаа хонд̇и. д̇ад̣̇ануд̇д̇аранд̇и д̇ам̣ ануд̇д̇арам̣. б̣рахмажарияабарияосаананд̇и маг̇г̇аб̣рахмажарияасса барияосаанабхууд̇ам̣ арахад̇д̇апалам̣, д̇ад̣̇ад̇т̇ааяа хи д̇з баб̣б̣аж̇анд̇и. манам̣ вад̇а, бхо, анассаамаад̇и, бхо, сажз маяам̣ на убасан̇гамзяяаама, иминаа т̇огзна анубасан̇гаманамад̇д̇зна абаяирубаасанамад̇д̇знзва надтаа бхавзяяаама. убасан̇гаманамад̇д̇агзна банамхаа на надтаад̇и ад̇т̇о. д̣̇уд̇ияабад̣̇ам̣ буримассзва взважанам̣. ассаман̣аава самаанаад̇иаад̣̇ийсу баабаанам̣ асамид̇ад̇д̇аа ассаман̣аава. аб̣аахид̇ад̇д̇аа жа бана аб̣раахман̣аава. гилзсаарийнам̣ ахад̇ад̇д̇аа анараханд̇оязва самаанаад̇и ад̇т̇о.

    Aññadatthūti ekaṃsena. Sāvakā sampajjantīti saraṇagamanavasena sāvakā honti. Tadanuttaranti taṃ anuttaraṃ. Brahmacariyapariyosānanti maggabrahmacariyassa pariyosānabhūtaṃ arahattaphalaṃ, tadatthāya hi te pabbajanti. Manaṃ vata, bho, anassāmāti, bho, sace mayaṃ na upasaṅkameyyāma, iminā thokena anupasaṅkamanamattena apayirupāsanamatteneva naṭṭhā bhaveyyāma. Upasaṅkamanamattakena panamhā na naṭṭhāti attho. Dutiyapadaṃ purimasseva vevacanaṃ. Assamaṇāva samānātiādīsu pāpānaṃ asamitattā assamaṇāva. Abāhitattā ca pana abrāhmaṇāva. Kilesārīnaṃ ahatattā anarahantoyeva samānāti attho.

    290. уд̣̇аанам̣ уд̣̇аанзсийд̇и уд̣̇аахаарам̣ уд̣̇аахари. яат̇аа хи яам̣ д̇злам̣ маанам̣ г̇ахзд̇ум̣ на саггод̇и, виссанд̣̇ид̇ваа г̇ажчад̇и, д̇ам̣ авасзгод̇и вужжад̇и, яан̃жа ж̇алам̣ д̇ал̣аагам̣ г̇ахзд̇ум̣ на саггод̇и, аж̇жход̇т̇арид̇ваа г̇ажчад̇и, д̇ам̣ огход̇и вужжад̇и. звамзва яам̣ бийд̇имаяам̣ важанам̣ хад̣̇аяам̣ г̇ахзд̇ум̣ на саггод̇и, ад̇хигам̣ худ̇ваа анд̇о асан̣тахид̇ваа б̣ахи нигкамад̇и, д̇ам̣ уд̣̇аананд̇и вужжад̇и. зваруубам̣ бийд̇имаяам̣ важанам̣ нижчаарзсийд̇и ад̇т̇о. хад̇т̇ибад̣̇обамод̇и хад̇т̇ибад̣̇ам̣ убамаа асса д̇хаммассаад̇и хад̇т̇ибад̣̇обамо. со на зд̇д̇аавад̇аа вид̇т̇аарзна барибууро ход̇ийд̇и д̣̇ассзд̇и. нааг̇аванигод̇и уг̇г̇ахид̇ахад̇т̇исиббо хад̇т̇иванажаариго. ат̇а гасмаа ид̇ха гусалод̇и на вуд̇д̇од̇и? барад̇о ‘‘яо ход̇и гусало’’д̇и вибхааг̇ад̣̇ассанад̇о. яо хи гожи бависад̇и, яо бана гусало ход̇и, со нзва д̇аава нидтам̣ г̇ажчад̇и. д̇асмаа ид̇ха гусалод̇и авад̇ваа барад̇о вуд̇д̇о.

    290.Udānaṃ udānesīti udāhāraṃ udāhari. Yathā hi yaṃ telaṃ mānaṃ gahetuṃ na sakkoti, vissanditvā gacchati, taṃ avasekoti vuccati, yañca jalaṃ taḷākaṃ gahetuṃ na sakkoti, ajjhottharitvā gacchati, taṃ oghoti vuccati. Evameva yaṃ pītimayaṃ vacanaṃ hadayaṃ gahetuṃ na sakkoti, adhikaṃ hutvā anto asaṇṭhahitvā bahi nikkhamati, taṃ udānanti vuccati. Evarūpaṃ pītimayaṃ vacanaṃ nicchāresīti attho. Hatthipadopamoti hatthipadaṃ upamā assa dhammassāti hatthipadopamo. So na ettāvatā vitthārena paripūro hotīti dasseti. Nāgavanikoti uggahitahatthisippo hatthivanacāriko. Atha kasmā idha kusaloti na vuttoti? Parato ‘‘yo hoti kusalo’’ti vibhāgadassanato. Yo hi koci pavisati, yo pana kusalo hoti, so neva tāva niṭṭhaṃ gacchati. Tasmā idha kusaloti avatvā parato vutto.

    291. вааманигаад̇и рассаа ааяаамад̇оби на д̣̇ийгхаа махаагужчихад̇т̇инияо. ужжаа жа нисзвид̇анд̇и сад̇д̇адтарад̇ануб̣б̣зд̇хз вадаругкаад̣̇ийнам̣ канд̇хаббад̣̇зсз гхам̣сид̇адтаанам̣. ужжаа гаал̣ааригаад̇и ужжаа жа яадтисад̣̇исабаад̣̇аа худ̇ваа, гаал̣ааригаа жа д̣̇анд̇аанам̣ гал̣аарад̇ааяа. д̇аасам̣ гира зго д̣̇анд̇о уннад̇о ход̇и, зго онад̇о. убхоби жа вирал̣аа хонд̇и, на аасаннаа. ужжаа жа д̣̇анд̇зхи ааран̃ж̇ид̇аанийд̇и сад̇д̇адтарад̇ануб̣б̣зд̇хз вадаругкаад̣̇ийнам̣ канд̇хаббад̣̇зсз парасунаа бахад̇адтаанам̣ вияа д̣̇аадтаахи чиннадтаанам̣. ужжаа ган̣зругаа наамаад̇и ужжаа жа яадтисад̣̇исад̣̇ийгхабаад̣̇аа худ̇ваа, ган̣зругаа жа д̣̇анд̇аанам̣ ган̣зруд̇ааяа, д̇аа гира магул̣ад̣̇аатаа хонд̇и. д̇асмаа ган̣зругаад̇и вужжанд̇и. со нидтам̣ г̇ажчад̇ийд̇и со нааг̇аваниго яасса вад̇аахам̣ нааг̇асса анубад̣̇ам̣ ааг̇ад̇о, аяамзва со, на ан̃н̃о. яан̃хи ахам̣ батамам̣ бад̣̇ам̣ д̣̇исваа вааманигаанам̣ бад̣̇ам̣ ид̣̇ам̣ бхависсад̇ийд̇и нидтам̣ на г̇ад̇о, яамби д̇ад̇о орабхааг̇з д̣̇исваа гаал̣ааригаанам̣ бхависсад̇и, ган̣зругаанам̣ бхависсад̇ийд̇и нидтам̣ на г̇ад̇о, саб̣б̣ам̣ д̇ам̣ имассзва махаахад̇т̇ино бад̣̇анд̇и махаахад̇т̇им̣ д̣̇исваава нидтам̣ г̇ажчад̇и.

    291.Vāmanikāti rassā āyāmatopi na dīghā mahākucchihatthiniyo. Uccā ca nisevitanti sattaṭṭharatanubbedhe vaṭarukkhādīnaṃ khandhappadese ghaṃsitaṭṭhānaṃ. Uccā kāḷārikāti uccā ca yaṭṭhisadisapādā hutvā, kāḷārikā ca dantānaṃ kaḷāratāya. Tāsaṃ kira eko danto unnato hoti, eko onato. Ubhopi ca viraḷā honti, na āsannā. Uccāca dantehi ārañjitānīti sattaṭṭharatanubbedhe vaṭarukkhādīnaṃ khandhappadese pharasunā pahataṭṭhānaṃ viya dāṭṭhāhi chinnaṭṭhānaṃ. Uccā kaṇerukā nāmāti uccā ca yaṭṭhisadisadīghapādā hutvā, kaṇerukā ca dantānaṃ kaṇerutāya, tā kira makuḷadāṭhā honti. Tasmā kaṇerukāti vuccanti. So niṭṭhaṃ gacchatīti so nāgavaniko yassa vatāhaṃ nāgassa anupadaṃ āgato, ayameva so, na añño. Yañhi ahaṃ paṭhamaṃ padaṃ disvā vāmanikānaṃ padaṃ idaṃ bhavissatīti niṭṭhaṃ na gato, yampi tato orabhāge disvā kāḷārikānaṃ bhavissati, kaṇerukānaṃ bhavissatīti niṭṭhaṃ na gato, sabbaṃ taṃ imasseva mahāhatthino padanti mahāhatthiṃ disvāva niṭṭhaṃ gacchati.

    звамзва код̇и зд̇т̇а ид̣̇ам̣ обаммасам̣санд̣̇анам̣ – нааг̇аванам̣ вияа хи аад̣̇ид̇о бадтааяа яаава нийваран̣аббахаанаа д̇хаммад̣̇зсанаа взд̣̇ид̇аб̣б̣аа. гусало нааг̇аваниго вияа яог̇ааважаро; махаанааг̇о вияа саммаасамб̣уд̣̇д̇хо; маханд̇ам̣ хад̇т̇ибад̣̇ам̣ вияа жхаанаабхин̃н̃аа. нааг̇аванигасса д̇ад̇т̇а д̇ад̇т̇а хад̇т̇ибад̣̇ам̣ д̣̇исвааби вааманигаанам̣ бад̣̇ам̣ бхависсад̇и, гаал̣ааригаанам̣ ган̣зругаанам̣ бад̣̇ам̣ бхависсад̇ийд̇и анидтан̇г̇ад̇абхааво вияа яог̇ино, имаа жхаанаабхин̃н̃аа наама б̣аахирагабариб̣б̣ааж̇агаанамби санд̇ийд̇и анидтан̇г̇ад̇абхааво. нааг̇аванигасса, д̇ад̇т̇а д̇ад̇т̇а маяаа д̣̇идтам̣ бад̣̇ам̣ имассзва махаахад̇т̇ино, на ан̃н̃ассаад̇и махаахад̇т̇им̣ д̣̇исваа нидтан̇г̇аманам̣ вияа арияасаавагасса арахад̇д̇ам̣ бад̇ваава нидтан̇г̇аманам̣. ид̣̇ан̃жа бана обаммасам̣санд̣̇анам̣ мад̇т̇агз тад̇вааби гаад̇ум̣ ваддад̇и. имасмимби таанз ваддад̇иязва. ануггамааг̇ад̇ам̣ бана баал̣ибад̣̇ам̣ г̇ахзд̇ваа ид̇хзва гад̇ам̣. д̇ад̇т̇а ид̇хаад̇и д̣̇зсаабад̣̇зсз нибаад̇о. свааяам̣ гад̇т̇ажи логам̣ убаад̣̇ааяа вужжад̇и. яат̇ааха – ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇и (д̣̇ий. ни. 1.279). гад̇т̇ажи саасанам̣. яат̇ааха – ‘‘ид̇хзва, бхигкавз, саман̣о, ид̇ха д̣̇уд̇ияо саман̣о’’д̇и (а. ни. 4.241). гад̇т̇ажи огаасам̣. яат̇ааха –

    Evameva khoti ettha idaṃ opammasaṃsandanaṃ – nāgavanaṃ viya hi ādito paṭṭhāya yāva nīvaraṇappahānā dhammadesanā veditabbā. Kusalo nāgavaniko viya yogāvacaro; mahānāgo viya sammāsambuddho; mahantaṃ hatthipadaṃ viya jhānābhiññā. Nāgavanikassa tattha tattha hatthipadaṃ disvāpi vāmanikānaṃ padaṃ bhavissati, kāḷārikānaṃ kaṇerukānaṃ padaṃ bhavissatīti aniṭṭhaṅgatabhāvo viya yogino, imā jhānābhiññā nāma bāhirakaparibbājakānampi santīti aniṭṭhaṅgatabhāvo. Nāgavanikassa, tattha tattha mayā diṭṭhaṃ padaṃ imasseva mahāhatthino, na aññassāti mahāhatthiṃ disvā niṭṭhaṅgamanaṃ viya ariyasāvakassa arahattaṃ patvāva niṭṭhaṅgamanaṃ. Idañca pana opammasaṃsandanaṃ matthake ṭhatvāpi kātuṃ vaṭṭati. Imasmimpi ṭhāne vaṭṭatiyeva. Anukkamāgataṃ pana pāḷipadaṃ gahetvā idheva kataṃ. Tattha idhāti desāpadese nipāto. Svāyaṃ katthaci lokaṃ upādāya vuccati. Yathāha – ‘‘idha tathāgato loke uppajjatī’’ti (dī. ni. 1.279). Katthaci sāsanaṃ. Yathāha – ‘‘idheva, bhikkhave, samaṇo, idha dutiyo samaṇo’’ti (a. ni. 4.241). Katthaci okāsaṃ. Yathāha –

    ‘‘ид̇хзва д̇идтамаанасса, д̣̇звабхууд̇асса мз сад̇о;

    ‘‘Idheva tiṭṭhamānassa, devabhūtassa me sato;

    бунарааяу жа мз лад̣̇д̇хо, звам̣ ж̇аанаахи маарисаа’’д̇и. (д̣̇ий. ни. 2.369; д̣̇ий. ни. адта. 1.190);

    Punarāyu ca me laddho, evaṃ jānāhi mārisā’’ti. (dī. ni. 2.369; dī. ni. aṭṭha. 1.190);

    гад̇т̇ажи бад̣̇абууран̣амад̇д̇амзва. яат̇ааха – ‘‘ид̇хаахам̣, бхигкавз, бхуд̇д̇аавий ассам̣ баваарид̇о’’д̇и (ма. ни. 1.30). ид̇ха бана логам̣ убаад̣̇ааяа вуд̇д̇од̇и взд̣̇ид̇аб̣б̣о. ид̣̇ам̣ вуд̇д̇ам̣ ход̇и ‘‘б̣раахман̣а имасмим̣ логз д̇ат̇ааг̇ад̇о уббаж̇ж̇ад̇и арахам̣…бз… б̣уд̣̇д̇хо бхаг̇аваа’’д̇и.

    Katthaci padapūraṇamattameva. Yathāha – ‘‘idhāhaṃ, bhikkhave, bhuttāvī assaṃ pavārito’’ti (ma. ni. 1.30). Idha pana lokaṃ upādāya vuttoti veditabbo. Idaṃ vuttaṃ hoti ‘‘brāhmaṇa imasmiṃ loke tathāgato uppajjati arahaṃ…pe… buddho bhagavā’’ti.

    д̇ад̇т̇а д̇ат̇ааг̇ад̇асад̣̇д̣̇о муулабарияааяз, араханд̇иаад̣̇аяо висуд̣̇д̇химаг̇г̇з вид̇т̇аарид̇аа. логз уббаж̇ж̇ад̇ийд̇и зд̇т̇а бана логод̇и огаасалого сад̇д̇алого сан̇кааралогод̇и д̇ивид̇хо. ид̇ха бана сад̇д̇алого ад̇хиббзд̇о. сад̇д̇алогз уббаж̇ж̇амааноби жа д̇ат̇ааг̇ад̇о на д̣̇звалогз, на б̣рахмалогз, мануссалогзязва уббаж̇ж̇ад̇и. мануссалогзби на ан̃н̃асмим̣ жаггаваал̣з, имасмим̣язва жаггаваал̣з. д̇ад̇рааби на саб̣б̣адтаанзсу, ‘‘бурад̇т̇имааяа д̣̇исааяа г̇аж̇ан̇г̇алам̣ наама ниг̇амо. д̇ассаабарзна махаасаало, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бурад̇т̇имад̣̇агкин̣ааяа д̣̇исааяа саллавад̇ий наама над̣̇ий, д̇ад̇о бараа бажжанд̇имаа ж̇анабад̣̇аа, орад̇о маж̇жхз. д̣̇агкин̣ааяа д̣̇исааяа сзд̇аган̣н̣игам̣ наама ниг̇амо, д̇ад̇о бараа бажжанд̇имаа ж̇анабад̣̇аа, орад̇о маж̇жхз. бажчимааяа д̣̇исааяа т̇уун̣ам̣ наама б̣раахман̣аг̇аамо , д̇ад̇о бараа бажжанд̇имаа ж̇анабад̣̇аа, орад̇о маж̇жхз. уд̇д̇арааяа д̣̇исааяа усирад̣̇д̇хаж̇о наама баб̣б̣ад̇о, д̇ад̇о бараа бажжанд̇имаа ж̇анабад̣̇аа, орад̇о маж̇жхз’’д̇и (махаава. 259) звам̣ барижчиннз ааяаамад̇о д̇ияож̇анасад̇з вид̇т̇аарад̇о ад̣дхад̇зяяаяож̇анасад̇з баригкзбад̇о наваяож̇анасад̇з маж̇жхимабад̣̇зсз уббаж̇ж̇ад̇и. на гзвалан̃жа д̇ат̇ааг̇ад̇ова, бажжзгаб̣уд̣̇д̇хаа аг̇г̇асаавагаа асийд̇и махаат̇зраа б̣уд̣̇д̇хамаад̇аа б̣уд̣̇д̇хабид̇аа жаггавад̇д̇ий рааж̇аа ан̃н̃з жа саараббад̇д̇аа б̣раахман̣аг̇ахабад̇игаа зд̇т̇зва уббаж̇ж̇анд̇и. д̇ад̇т̇а д̇ат̇ааг̇ад̇о суж̇аад̇ааяа д̣̇иннамад̇хубааяасабхож̇анад̇о бадтааяа яаава арахад̇д̇амаг̇г̇о, д̇аава уббаж̇ж̇ад̇и наама. арахад̇д̇апалз уббанно наама. махаабхинигкаманад̇о ваа яаава арахад̇д̇амаг̇г̇о. д̇усид̇абхаванад̇о ваа яаава арахад̇д̇амаг̇г̇о. д̣̇ийбан̇гарабаад̣̇амуулад̇о ваа яаава арахад̇д̇амаг̇г̇о, д̇аава уббаж̇ж̇ад̇и наама. арахад̇д̇апалз уббанно наама. ид̇ха саб̣б̣абатамам̣ уббаннабхаавам̣ санд̇хааяа уббаж̇ж̇ад̇ийд̇и вуд̇д̇ам̣ , д̇ат̇ааг̇ад̇о логз уббанно ход̇ийд̇и аяан̃хзд̇т̇а ад̇т̇о.

    Tattha tathāgatasaddo mūlapariyāye, arahantiādayo visuddhimagge vitthāritā. Loke uppajjatīti ettha pana lokoti okāsaloko sattaloko saṅkhāralokoti tividho. Idha pana sattaloko adhippeto. Sattaloke uppajjamānopi ca tathāgato na devaloke, na brahmaloke, manussalokeyeva uppajjati. Manussalokepi na aññasmiṃ cakkavāḷe, imasmiṃyeva cakkavāḷe. Tatrāpi na sabbaṭṭhānesu, ‘‘puratthimāya disāya gajaṅgalaṃ nāma nigamo. Tassāparena mahāsālo, tato parā paccantimā janapadā, orato majjhe. Puratthimadakkhiṇāya disāya sallavatī nāma nadī, tato parā paccantimā janapadā, orato majjhe. Dakkhiṇāya disāya setakaṇṇikaṃ nāma nigamo, tato parā paccantimā janapadā, orato majjhe. Pacchimāya disāya thūṇaṃ nāma brāhmaṇagāmo , tato parā paccantimā janapadā, orato majjhe. Uttarāya disāya usiraddhajo nāma pabbato, tato parā paccantimā janapadā, orato majjhe’’ti (mahāva. 259) evaṃ paricchinne āyāmato tiyojanasate vitthārato aḍḍhateyyayojanasate parikkhepato navayojanasate majjhimapadese uppajjati. Na kevalañca tathāgatova, paccekabuddhā aggasāvakā asīti mahātherā buddhamātā buddhapitā cakkavattī rājā aññe ca sārappattā brāhmaṇagahapatikā ettheva uppajjanti. Tattha tathāgato sujātāya dinnamadhupāyasabhojanato paṭṭhāya yāva arahattamaggo, tāva uppajjati nāma. Arahattaphale uppanno nāma. Mahābhinikkhamanato vā yāva arahattamaggo. Tusitabhavanato vā yāva arahattamaggo. Dīpaṅkarapādamūlato vā yāva arahattamaggo, tāva uppajjati nāma. Arahattaphale uppanno nāma. Idha sabbapaṭhamaṃ uppannabhāvaṃ sandhāya uppajjatīti vuttaṃ , tathāgato loke uppanno hotīti ayañhettha attho.

    со имам̣ логанд̇и со бхаг̇аваа имам̣ логам̣, ид̣̇аани вад̇д̇аб̣б̣ам̣ нид̣̇ассзд̇и. сад̣̇зваганд̇и саха д̣̇звзхи сад̣̇звагам̣. звам̣ саха маарзна самаарагам̣. саха б̣рахмунаа саб̣рахмагам̣. саха саман̣аб̣раахман̣зхи сассаман̣аб̣раахман̣им̣. баж̇аад̇ад̇д̇аа баж̇аа, д̇ам̣ баж̇ам̣. саха д̣̇звамануссзхи сад̣̇звамануссам̣. д̇ад̇т̇а сад̣̇звагаважанзна бан̃жагаамааважарад̣̇зваг̇г̇ахан̣ам̣ взд̣̇ид̇аб̣б̣ам̣. самаарагаважанзна чадтагаамааважарад̣̇зваг̇г̇ахан̣ам̣. саб̣рахмагаважанзна б̣рахмагааяигаад̣̇иб̣рахмаг̇г̇ахан̣ам̣. сассаман̣аб̣раахман̣иважанзна саасанасса бажжад̇т̇ибажжаамид̇д̇асаман̣аб̣раахман̣аг̇г̇ахан̣ам̣ самид̇абаабаб̣аахид̇абаабасаман̣аб̣раахман̣аг̇г̇ахан̣ан̃жа. баж̇ааважанзна сад̇д̇алогаг̇г̇ахан̣ам̣. сад̣̇звамануссаважанзна саммуд̇ид̣̇зваавасзсамануссаг̇г̇ахан̣ам̣. звамзд̇т̇а д̇ийхи бад̣̇зхи огаасалогзна сад̣̇д̇хим̣ сад̇д̇алого, д̣̇вийхи баж̇аавасзна сад̇д̇алогова г̇ахид̇од̇и взд̣̇ид̇аб̣б̣о.

    So imaṃ lokanti so bhagavā imaṃ lokaṃ, idāni vattabbaṃ nidasseti. Sadevakanti saha devehi sadevakaṃ. Evaṃ saha mārena samārakaṃ. Saha brahmunā sabrahmakaṃ. Saha samaṇabrāhmaṇehi sassamaṇabrāhmaṇiṃ. Pajātattā pajā, taṃ pajaṃ. Saha devamanussehi sadevamanussaṃ. Tattha sadevakavacanena pañcakāmāvacaradevaggahaṇaṃ veditabbaṃ. Samārakavacanena chaṭṭhakāmāvacaradevaggahaṇaṃ. Sabrahmakavacanena brahmakāyikādibrahmaggahaṇaṃ. Sassamaṇabrāhmaṇivacanena sāsanassa paccatthipaccāmittasamaṇabrāhmaṇaggahaṇaṃ samitapāpabāhitapāpasamaṇabrāhmaṇaggahaṇañca. Pajāvacanena sattalokaggahaṇaṃ. Sadevamanussavacanena sammutidevaavasesamanussaggahaṇaṃ. Evamettha tīhi padehi okāsalokena saddhiṃ sattaloko, dvīhi pajāvasena sattalokova gahitoti veditabbo.

    абаро наяо – сад̣̇звагаг̇г̇ахан̣зна аруубааважарад̣̇звалого г̇ахид̇о. самаарагаг̇г̇ахан̣зна чагаамааважарад̣̇звалого. саб̣рахмагаг̇г̇ахан̣зна руубий б̣рахмалого. сассаман̣аб̣раахман̣аад̣̇иг̇г̇ахан̣зна жад̇убарисавасзна саммуд̇ид̣̇звзхи ваа саха мануссалого авасзсасаб̣б̣асад̇д̇алого ваа.

    Aparo nayo – sadevakaggahaṇena arūpāvacaradevaloko gahito. Samārakaggahaṇena chakāmāvacaradevaloko. Sabrahmakaggahaṇena rūpī brahmaloko. Sassamaṇabrāhmaṇādiggahaṇena catuparisavasena sammutidevehi vā saha manussaloko avasesasabbasattaloko vā.

    абижзд̇т̇а сад̣̇звагаважанзна уггадтабарижчзд̣̇ад̇о саб̣б̣асса логасса сажчигад̇абхаавамааха. д̇ад̇о язсам̣ ахоси – ‘‘мааро махаанубхааво чагаамааважариссаро васавад̇д̇ий. гим̣ соби зд̇зна сажчигад̇о’’д̇и? д̇зсам̣ вимад̇им̣ вид̇хаманд̇о самаараганд̇и ааха. язсам̣ бана ахоси – ‘‘б̣рахмаа махаанубхааво , зган̇г̇улияаа згасмим̣ жаггаваал̣асахассз аалогам̣ парад̇и, д̣̇вийхи…бз… д̣̇асахи ан̇г̇улийхи д̣̇асасу жаггаваал̣асахассзсу аалогам̣ парад̇и, ануд̇д̇аран̃жа жхаанасамаабад̇д̇исукам̣ бадисам̣взд̣̇зд̇и. гим̣ соби сажчигад̇о’’д̇и? д̇зсам̣ вимад̇им̣ вид̇хаманд̇о саб̣рахмаганд̇и ааха. д̇ад̇о яз жинд̇зсум̣ – ‘‘бут̇уу саман̣аб̣раахман̣аа саасанасса бажжад̇т̇игаа, гим̣ д̇зби сажчигад̇аа’’д̇и? д̇зсам̣ вимад̇им̣ вид̇хаманд̇о сассаман̣аб̣раахман̣им̣ баж̇анд̇и ааха. звам̣ уггадтуггадтаанам̣ сажчигад̇абхаавам̣ багаасзд̇ваа ат̇а саммуд̇ид̣̇звз авасзсамануссз жа убаад̣̇ааяа уггадтабарижчзд̣̇авасзна сзсасад̇д̇алогасса сажчигад̇абхаавам̣ багаасзнд̇о сад̣̇звамануссанд̇и ааха. аяамзд̇т̇а бхааваануггамо. бораан̣аа банааху – сад̣̇зваганд̇и д̣̇звад̇аахи сад̣̇д̇хим̣ авасзсалогам̣. самаараганд̇и маарзна сад̣̇д̇хим̣ авасзсалогам̣. саб̣рахмаганд̇и б̣рахмзхи сад̣̇д̇хим̣ авасзсалогам̣. звам̣ саб̣б̣зби д̇ибхавуубаг̇з сад̇д̇з д̇ийхаагаарзхи д̇ийсу бад̣̇зсу багкибзд̇ваа буна д̣̇вийхи бад̣̇зхи барияаад̣̇ияанд̇о ‘‘сассаман̣аб̣раахман̣им̣ баж̇ам̣ сад̣̇зваманусса’’нд̇и ааха. звам̣ бан̃жахи бад̣̇зхи д̇зна д̇знаагаарзна д̇зд̇хаад̇угамзва барияаад̣̇иннанд̇и.

    Apicettha sadevakavacanena ukkaṭṭhaparicchedato sabbassa lokassa sacchikatabhāvamāha. Tato yesaṃ ahosi – ‘‘māro mahānubhāvo chakāmāvacarissaro vasavattī. Kiṃ sopi etena sacchikato’’ti? Tesaṃ vimatiṃ vidhamanto samārakanti āha. Yesaṃ pana ahosi – ‘‘brahmā mahānubhāvo , ekaṅguliyā ekasmiṃ cakkavāḷasahasse ālokaṃ pharati, dvīhi…pe… dasahi aṅgulīhi dasasu cakkavāḷasahassesu ālokaṃ pharati, anuttarañca jhānasamāpattisukhaṃ paṭisaṃvedeti. Kiṃ sopi sacchikato’’ti? Tesaṃ vimatiṃ vidhamanto sabrahmakanti āha. Tato ye cintesuṃ – ‘‘puthū samaṇabrāhmaṇā sāsanassa paccatthikā, kiṃ tepi sacchikatā’’ti? Tesaṃ vimatiṃ vidhamanto sassamaṇabrāhmaṇiṃ pajanti āha. Evaṃ ukkaṭṭhukkaṭṭhānaṃ sacchikatabhāvaṃ pakāsetvā atha sammutideve avasesamanusse ca upādāya ukkaṭṭhaparicchedavasena sesasattalokassa sacchikatabhāvaṃ pakāsento sadevamanussanti āha. Ayamettha bhāvānukkamo. Porāṇā panāhu – sadevakanti devatāhi saddhiṃ avasesalokaṃ. Samārakanti mārena saddhiṃ avasesalokaṃ. Sabrahmakanti brahmehi saddhiṃ avasesalokaṃ. Evaṃ sabbepi tibhavūpage satte tīhākārehi tīsu padesu pakkhipetvā puna dvīhi padehi pariyādiyanto ‘‘sassamaṇabrāhmaṇiṃ pajaṃ sadevamanussa’’nti āha. Evaṃ pañcahi padehi tena tenākārena tedhātukameva pariyādinnanti.

    саяам̣ абхин̃н̃аа сажчигад̇ваа бавзд̣̇зд̇ийд̇и саяанд̇и саамам̣ абаранзяяо худ̇ваа. абхин̃н̃аад̇и абхин̃н̃ааяа, ад̇хигзна н̃аан̣зна н̃ад̇ваад̇и ад̇т̇о. сажчигад̇ваад̇и бажжагкам̣ гад̇ваа. зд̇зна анумаанаад̣̇ибадигкзбо гад̇о ход̇и. бавзд̣̇зд̇ийд̇и б̣од̇хзд̇и вин̃н̃аабзд̇и багаасзд̇и. со д̇хаммам̣ д̣̇зсзд̇и аад̣̇игаляаан̣ам̣…бз… барияосаанагаляаан̣анд̇и со бхаг̇аваа сад̇д̇зсу гаарун̃н̃ад̇ам̣ бадижжа хид̇вааби ануд̇д̇арам̣ вивзгасукам̣ д̇хаммам̣ д̣̇зсзд̇и. д̇ан̃жа ко аббам̣ ваа б̣ахум̣ ваа д̣̇зсзнд̇о аад̣̇игаляаан̣аад̣̇иббагаарамзва д̣̇зсзд̇и. аад̣̇имхиби галяаан̣ам̣ бхад̣̇д̣̇агам̣ анаваж̇ж̇амзва гад̇ваа д̣̇зсзд̇и. маж̇жхзби… барияосаанзби галяаан̣ам̣ бхад̣̇д̣̇агам̣ анаваж̇ж̇амзва гад̇ваа д̣̇зсзд̇ийд̇и вуд̇д̇ам̣ ход̇и.

    Sayaṃ abhiññā sacchikatvā pavedetīti sayanti sāmaṃ aparaneyyo hutvā. Abhiññāti abhiññāya, adhikena ñāṇena ñatvāti attho. Sacchikatvāti paccakkhaṃ katvā. Etena anumānādipaṭikkhepo kato hoti. Pavedetīti bodheti viññāpeti pakāseti. So dhammaṃ deseti ādikalyāṇaṃ…pe… pariyosānakalyāṇanti so bhagavā sattesu kāruññataṃ paṭicca hitvāpi anuttaraṃ vivekasukhaṃ dhammaṃ deseti. Tañca kho appaṃ vā bahuṃ vā desento ādikalyāṇādippakārameva deseti. Ādimhipi kalyāṇaṃ bhaddakaṃ anavajjameva katvā deseti. Majjhepi… pariyosānepi kalyāṇaṃ bhaddakaṃ anavajjameva katvā desetīti vuttaṃ hoti.

    д̇ад̇т̇а ад̇т̇и д̣̇зсанааяа аад̣̇имаж̇жхабарияосаанам̣, ад̇т̇и саасанасса. д̣̇зсанааяа д̇аава жад̇уббад̣̇игааяаби г̇аат̇ааяа батамабаад̣̇о аад̣̇и наама, д̇ад̇о д̣̇вз маж̇жхам̣ наама, анд̇з зго барияосаанам̣ наама. згаанусанд̇хигасса суд̇д̇асса нид̣̇аанамаад̣̇и, ид̣̇амавожаад̇и барияосаанам̣, убхиннам̣ анд̇араа маж̇жхам̣. анзгаанусанд̇хигасса суд̇д̇асса батамаанусанд̇хи аад̣̇и, анд̇з анусанд̇хи барияосаанам̣, маж̇жхз зго ваа д̣̇вз ваа б̣ахуу ваа маж̇жхамзва. саасанасса бана сийласамаад̇хивибассанаа аад̣̇и наама. вуд̇д̇амби жзд̇ам̣ – ‘‘го жаад̣̇и гусалаанам̣ д̇хаммаанам̣, сийлан̃жа сувисуд̣̇д̇хам̣, д̣̇идти жа уж̇угаа’’д̇и (сам̣. ни. 5.369). ‘‘ад̇т̇и, бхигкавз, маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа’’д̇и звам̣ вуд̇д̇о бана арияамаг̇г̇о маж̇жхам̣ наама, палан̃жзва ниб̣б̣аанан̃жа барияосаанам̣ наама. ‘‘зд̇ад̣̇ад̇т̇амид̣̇ам̣, б̣раахман̣а, б̣рахмажарияамзд̇ам̣ саарам̣, зд̇ам̣ барияосаана’’нд̇и (ма. ни. 1.324) хи зд̇т̇а палам̣ барияосаананд̇и вуд̇д̇ам̣. ‘‘ниб̣б̣ааног̇ад̇хан̃хи , аавусо висаака, б̣рахмажарияам̣ вуссад̇и ниб̣б̣аанабарааяан̣ам̣ ниб̣б̣аанабарияосаана’’нд̇и (ма. ни. 1.466) зд̇т̇а ниб̣б̣аанам̣ барияосаананд̇и вуд̇д̇ам̣. ид̇ха д̣̇зсанааяа аад̣̇имаж̇жхабарияосаанам̣ ад̇хиббзд̇ам̣. бхаг̇аваа хи д̇хаммам̣ д̣̇зсзнд̇о аад̣̇имхи сийлам̣ д̣̇ассзд̇ваа маж̇жхз маг̇г̇ам̣ барияосаанз ниб̣б̣аанам̣ д̣̇ассзд̇и. д̇зна вуд̇д̇ам̣ – ‘‘со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣а’’нд̇и. д̇асмаа ан̃н̃оби д̇хаммагат̇иго д̇хаммам̣ гат̇знд̇о –

    Tattha atthi desanāya ādimajjhapariyosānaṃ, atthi sāsanassa. Desanāya tāva catuppadikāyapi gāthāya paṭhamapādo ādi nāma, tato dve majjhaṃ nāma, ante eko pariyosānaṃ nāma. Ekānusandhikassa suttassa nidānamādi, idamavocāti pariyosānaṃ, ubhinnaṃ antarā majjhaṃ. Anekānusandhikassa suttassa paṭhamānusandhi ādi, ante anusandhi pariyosānaṃ, majjhe eko vā dve vā bahū vā majjhameva. Sāsanassa pana sīlasamādhivipassanā ādi nāma. Vuttampi cetaṃ – ‘‘ko cādi kusalānaṃ dhammānaṃ, sīlañca suvisuddhaṃ, diṭṭhi ca ujukā’’ti (saṃ. ni. 5.369). ‘‘Atthi, bhikkhave, majjhimā paṭipadā tathāgatena abhisambuddhā’’ti evaṃ vutto pana ariyamaggo majjhaṃ nāma, phalañceva nibbānañca pariyosānaṃ nāma. ‘‘Etadatthamidaṃ, brāhmaṇa, brahmacariyametaṃ sāraṃ, etaṃ pariyosāna’’nti (ma. ni. 1.324) hi ettha phalaṃ pariyosānanti vuttaṃ. ‘‘Nibbānogadhañhi , āvuso visākha, brahmacariyaṃ vussati nibbānaparāyaṇaṃ nibbānapariyosāna’’nti (ma. ni. 1.466) ettha nibbānaṃ pariyosānanti vuttaṃ. Idha desanāya ādimajjhapariyosānaṃ adhippetaṃ. Bhagavā hi dhammaṃ desento ādimhi sīlaṃ dassetvā majjhe maggaṃ pariyosāne nibbānaṃ dasseti. Tena vuttaṃ – ‘‘so dhammaṃ deseti ādikalyāṇaṃ majjhekalyāṇaṃ pariyosānakalyāṇa’’nti. Tasmā aññopi dhammakathiko dhammaṃ kathento –

    ‘‘аад̣̇имхи сийлам̣ д̣̇ассзяяа, маж̇жхз маг̇г̇ам̣ вибхааваяз;

    ‘‘Ādimhi sīlaṃ dasseyya, majjhe maggaṃ vibhāvaye;

    барияосаанамхи ниб̣б̣аанам̣, зсаа гат̇игасан̣тид̇ий’’д̇и. (д̣̇ий. ни. адта. 1.190);

    Pariyosānamhi nibbānaṃ, esā kathikasaṇṭhitī’’ti. (dī. ni. aṭṭha. 1.190);

    саад̇т̇ам̣ саб̣яан̃ж̇ананд̇и яасса хи яааг̇убхад̇д̇аид̇т̇ибурисаад̣̇иван̣н̣анаа ниссид̇аа д̣̇зсанаа ход̇и, на со саад̇т̇ам̣ д̣̇зсзд̇и. бхаг̇аваа бана д̇ат̇ааруубам̣ д̣̇зсанам̣ бахааяа жад̇усад̇ибадтаанаад̣̇иниссид̇ам̣ д̣̇зсанам̣ д̣̇зсзд̇и. д̇асмаа ‘‘саад̇т̇ам̣ д̣̇зсзд̇ий’’д̇и вужжад̇и. яасса бана д̣̇зсанаа згаб̣яан̃ж̇анаад̣̇ияуд̇д̇аа ваа саб̣б̣аниродтаб̣яан̃ж̇анаа ваа саб̣б̣ависсадтасаб̣б̣аниг̇г̇ахийд̇аб̣яан̃ж̇анаа ваа, д̇асса д̣̇амил̣агираасавараад̣̇имилагкуунам̣ бхаасаа вияа б̣яан̃ж̇анабаарибуурияаа абхаавад̇о аб̣яан̃ж̇анаа наама д̣̇зсанаа ход̇и. бхаг̇аваа бана –

    Sātthaṃ sabyañjananti yassa hi yāgubhattaitthipurisādivaṇṇanā nissitā desanā hoti, na so sātthaṃ deseti. Bhagavā pana tathārūpaṃ desanaṃ pahāya catusatipaṭṭhānādinissitaṃ desanaṃ deseti. Tasmā ‘‘sātthaṃ desetī’’ti vuccati. Yassa pana desanā ekabyañjanādiyuttā vā sabbaniroṭṭhabyañjanā vā sabbavissaṭṭhasabbaniggahītabyañjanā vā, tassa damiḷakirāsavarādimilakkhūnaṃ bhāsā viya byañjanapāripūriyā abhāvato abyañjanā nāma desanā hoti. Bhagavā pana –

    ‘‘сит̇илам̣ д̇ханид̇ан̃жа д̣̇ийгхарассам̣, г̇аругам̣ лахуган̃жа ниг̇г̇ахийд̇ам̣;

    ‘‘Sithilaṃ dhanitañca dīgharassaṃ, garukaṃ lahukañca niggahītaṃ;

    самб̣анд̇хам̣ вавад̇т̇ид̇ам̣ вимуд̇д̇ам̣, д̣̇асад̇хаа б̣яан̃ж̇анаб̣уд̣̇д̇хияаа бабхзд̣̇о’’д̇и. (д̣̇ий. ни. адта. 1.190) –

    Sambandhaṃ vavatthitaṃ vimuttaṃ, dasadhā byañjanabuddhiyā pabhedo’’ti. (dī. ni. aṭṭha. 1.190) –

    звам̣ вуд̇д̇ам̣ д̣̇асавид̇хам̣ б̣яан̃ж̇анам̣ амагкзд̇ваа барибун̣н̣аб̣яан̃ж̇анамзва гад̇ваа д̇хаммам̣ д̣̇зсзд̇и. д̇асмаа ‘‘саб̣яан̃ж̇анам̣ д̇хаммам̣ д̣̇зсзд̇ий’’д̇и вужжад̇и.

    Evaṃ vuttaṃ dasavidhaṃ byañjanaṃ amakkhetvā paripuṇṇabyañjanameva katvā dhammaṃ deseti. Tasmā ‘‘sabyañjanaṃ dhammaṃ desetī’’ti vuccati.

    гзвалабарибун̣н̣анд̇и зд̇т̇а гзваланд̇и сагалаад̇хиважанам̣. барибун̣н̣анд̇и ануунаад̇хигаважанам̣. ид̣̇ам̣ вуд̇д̇ам̣ ход̇и – ‘‘сагалабарибун̣н̣амзва д̣̇зсзд̇и, згад̣̇зсанааби абарибун̣н̣аа над̇т̇ий’’д̇и. барисуд̣̇д̇ханд̇и нирубаггилзсам̣. яо хи ид̣̇ам̣ д̇хаммад̣̇зсанам̣ ниссааяа лаабхам̣ ваа саггаарам̣ ваа лабхиссаамийд̇и д̣̇зсзд̇и, д̇асса абарисуд̣̇д̇хаа д̣̇зсанаа ход̇и. бхаг̇аваа бана логаамисанирабзгко хид̇апаран̣зна мзд̇д̇аабхааванааяа муд̣̇ухад̣̇аяо уллумбанасабхаавасан̣тид̇зна жид̇д̇зна д̣̇зсзд̇и. д̇асмаа ‘‘барисуд̣̇д̇хам̣ д̇хаммам̣ д̣̇зсзд̇ий’’д̇и вужжад̇и. б̣рахмажарияам̣ багаасзд̇ийд̇и зд̇т̇а б̣рахмажарияанд̇и сигкад̇д̇аяасан̇г̇ахам̣ сагаласаасанам̣. д̇асмаа б̣рахмажарияам̣ багаасзд̇ийд̇и со д̇хаммам̣ д̣̇зсзд̇и аад̣̇игаляаан̣ам̣…бз… барисуд̣̇д̇хам̣, звам̣ д̣̇зсзнд̇о жа сигкад̇д̇аяасан̇г̇ахид̇ам̣ сагаласаасанам̣ б̣рахмажарияам̣ багаасзд̇ийд̇и звамзд̇т̇а ад̇т̇о д̣̇адтаб̣б̣о. б̣рахмажарияанд̇и сздтадтзна б̣рахмабхууд̇ам̣ жарияам̣. б̣рахмабхууд̇аанам̣ ваа б̣уд̣̇д̇хаад̣̇ийнам̣ жарияанд̇и вуд̇д̇ам̣ ход̇и.

    Kevalaparipuṇṇanti ettha kevalanti sakalādhivacanaṃ. Paripuṇṇanti anūnādhikavacanaṃ. Idaṃ vuttaṃ hoti – ‘‘sakalaparipuṇṇameva deseti, ekadesanāpi aparipuṇṇā natthī’’ti. Parisuddhanti nirupakkilesaṃ. Yo hi idaṃ dhammadesanaṃ nissāya lābhaṃ vā sakkāraṃ vā labhissāmīti deseti, tassa aparisuddhā desanā hoti. Bhagavā pana lokāmisanirapekkho hitapharaṇena mettābhāvanāya muduhadayo ullumpanasabhāvasaṇṭhitena cittena deseti. Tasmā ‘‘parisuddhaṃ dhammaṃ desetī’’ti vuccati. Brahmacariyaṃ pakāsetīti ettha brahmacariyanti sikkhattayasaṅgahaṃ sakalasāsanaṃ. Tasmā brahmacariyaṃ pakāsetīti so dhammaṃ deseti ādikalyāṇaṃ…pe… parisuddhaṃ, evaṃ desento ca sikkhattayasaṅgahitaṃ sakalasāsanaṃ brahmacariyaṃ pakāsetīti evamettha attho daṭṭhabbo. Brahmacariyanti seṭṭhaṭṭhena brahmabhūtaṃ cariyaṃ. Brahmabhūtānaṃ vā buddhādīnaṃ cariyanti vuttaṃ hoti.

    д̇ам̣ д̇хамманд̇и д̇ам̣ вуд̇д̇аббагаарасамбад̣̇ам̣ д̇хаммам̣. сун̣аад̇и г̇ахабад̇и ваад̇и гасмаа батамам̣ г̇ахабад̇им̣ нид̣̇д̣̇исад̇ийд̇и? нихад̇амаанад̇д̇аа уссаннад̇д̇аа жа. язбхуяязна хи кад̇д̇ияагулад̇о баб̣б̣аж̇ид̇аа ж̇аад̇им̣ ниссааяа маанам̣ гаронд̇и. б̣раахман̣агулаа баб̣б̣аж̇ид̇аа манд̇з ниссааяа маанам̣ гаронд̇и. хийнаж̇ажжагулаа баб̣б̣аж̇ид̇аа ад̇д̇ано виж̇аад̇ид̇ааяа бад̇идтаад̇ум̣ на саггонд̇и. г̇ахабад̇ид̣̇аарагаа бана гажчзхи сзд̣̇ам̣ мун̃жанд̇зхи бидтияаа лон̣ам̣ бубпамаанааяа бхуумим̣ гасид̇ваа нихад̇амаанад̣̇аббаа хонд̇и. д̇з баб̣б̣аж̇ид̇ваа маанам̣ ваа д̣̇аббам̣ ваа агад̇ваа яат̇ааб̣алам̣ б̣уд̣̇д̇хаважанам̣ уг̇г̇ахзд̇ваа вибассанааяа гаммам̣ гаронд̇аа саггонд̇и арахад̇д̇з бад̇идтаад̇ум̣. ид̇арзхи жа гулзхи нигкамид̇ваа баб̣б̣аж̇ид̇аа наама на б̣ахугаа, г̇ахабад̇игаава б̣ахугаа, ид̇и нихад̇амаанад̇д̇аа уссаннад̇д̇аа жа батамам̣ г̇ахабад̇им̣ нид̣̇д̣̇исад̇ийд̇и.

    Taṃ dhammanti taṃ vuttappakārasampadaṃ dhammaṃ. Suṇāti gahapati vāti kasmā paṭhamaṃ gahapatiṃ niddisatīti? Nihatamānattā ussannattā ca. Yebhuyyena hi khattiyakulato pabbajitā jātiṃ nissāya mānaṃ karonti. Brāhmaṇakulā pabbajitā mante nissāya mānaṃ karonti. Hīnajaccakulā pabbajitā attano vijātitāya patiṭṭhātuṃ na sakkonti. Gahapatidārakā pana kacchehi sedaṃ muñcantehi piṭṭhiyā loṇaṃ pupphamānāya bhūmiṃ kasitvā nihatamānadappā honti. Te pabbajitvā mānaṃ vā dappaṃ vā akatvā yathābalaṃ buddhavacanaṃ uggahetvā vipassanāya kammaṃ karontā sakkonti arahatte patiṭṭhātuṃ. Itarehi ca kulehi nikkhamitvā pabbajitā nāma na bahukā, gahapatikāva bahukā, iti nihatamānattā ussannattā ca paṭhamaṃ gahapatiṃ niddisatīti.

    ан̃н̃ад̇арасмим̣ ваад̇и ид̇арзсам̣ ваа гулаанам̣ ан̃н̃ад̇арасмим̣. бажжааж̇аад̇од̇и бад̇иж̇аад̇о. д̇ат̇ааг̇ад̇з сад̣̇д̇хам̣ бадилабхад̇ийд̇и барисуд̣̇д̇хам̣ д̇хаммам̣ суд̇ваа д̇хаммассаамимхи д̇ат̇ааг̇ад̇з ‘‘саммаасамб̣уд̣̇д̇хо вад̇а бхаг̇аваа’’д̇и сад̣̇д̇хам̣ бадилабхад̇и. ид̇и бадисан̃жигкад̇ийд̇и звам̣ бажжавзгкад̇и. самб̣аад̇хо гхарааваасод̇и сажзби садтихад̇т̇з гхарз яож̇анасад̇анд̇арзби ваа д̣̇вз ж̇ааяамбад̇игаа васанд̇и, д̇ат̇ааби нзсам̣ сагин̃жанасабалиб̣од̇хадтзна гхарааваасо самб̣аад̇хоязва. раж̇обат̇од̇и рааг̇араж̇аад̣̇ийнам̣ удтаанадтаананд̇и махааадтагат̇ааяам̣ вуд̇д̇ам̣. ааг̇аманабат̇од̇иби ваддад̇и. алаг̇г̇анадтзна аб̣бхогаасо вияаад̇и аб̣бхогаасо. баб̣б̣аж̇ид̇о хи гуудааг̇аарарад̇анабаасаад̣̇ад̣̇звавимаанаад̣̇ийсу бихид̇ад̣̇ваараваад̇абаанзсу бадижчаннзсу васанд̇оби нзва лаг̇г̇ад̇и на саж̇ж̇ад̇и на б̣аж̇жхад̇и. д̇зна вуд̇д̇ам̣ – ‘‘аб̣бхогаасо баб̣б̣аж̇ж̇аа’’д̇и. абижа самб̣аад̇хо гхарааваасо гусалагирияааяа огаасаабхаавад̇о. раж̇обат̇о асам̣вуд̇асан̇гаарадтаанам̣ вияа раж̇аанам̣ гилзсараж̇аанам̣ саннибаад̇адтаанад̇о. аб̣бхогаасо баб̣б̣аж̇ж̇аа гусалагирияааяа яат̇аасукам̣ огаасасаб̣бхаавад̇о.

    Aññatarasmiṃ vāti itaresaṃ vā kulānaṃ aññatarasmiṃ. Paccājātoti patijāto. Tathāgate saddhaṃ paṭilabhatīti parisuddhaṃ dhammaṃ sutvā dhammassāmimhi tathāgate ‘‘sammāsambuddho vata bhagavā’’ti saddhaṃ paṭilabhati. Iti paṭisañcikkhatīti evaṃ paccavekkhati. Sambādho gharāvāsoti sacepi saṭṭhihatthe ghare yojanasatantarepi vā dve jāyampatikā vasanti, tathāpi nesaṃ sakiñcanasapalibodhaṭṭhena gharāvāso sambādhoyeva. Rajopathoti rāgarajādīnaṃ uṭṭhānaṭṭhānanti mahāaṭṭhakathāyaṃ vuttaṃ. Āgamanapathotipi vaṭṭati. Alagganaṭṭhena abbhokāso viyāti abbhokāso. Pabbajito hi kūṭāgāraratanapāsādadevavimānādīsu pihitadvāravātapānesu paṭicchannesu vasantopi neva laggati na sajjati na bajjhati. Tena vuttaṃ – ‘‘abbhokāso pabbajjā’’ti. Apica sambādho gharāvāso kusalakiriyāya okāsābhāvato. Rajopatho asaṃvutasaṅkāraṭṭhānaṃ viya rajānaṃ kilesarajānaṃ sannipātaṭṭhānato. Abbhokāso pabbajjā kusalakiriyāya yathāsukhaṃ okāsasabbhāvato.

    наяид̣̇ам̣ сугарам̣…бз… баб̣б̣аж̇зяяанд̇и зд̇т̇а аяам̣ сан̇кзбагат̇аа – яад̣̇зд̇ам̣ сигкад̇д̇аяаб̣рахмажарияам̣ згамби д̣̇ивасам̣ акан̣д̣ам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарибун̣н̣ам̣. згад̣̇ивасамби жа гилзсамалзна амалинам̣ гад̇ваа жаримагажид̇д̇ам̣ баабзд̇аб̣б̣ад̇ааяа зганд̇абарисуд̣̇д̇хам̣, сан̇каликид̇ам̣ ликид̇асан̇касад̣̇исам̣ д̇ход̇асан̇касаббадибхааг̇ам̣ жарид̇аб̣б̣ам̣, ид̣̇ам̣ на сугарам̣ аг̇аарам̣ аж̇жхаавасад̇аа аг̇аарамаж̇жхз васанд̇зна зганд̇абарибун̣н̣ам̣…бз… жарид̇ум̣. яам̣нуунаахам̣ гзсз жа массун̃жа охаарзд̇ваа гаасааяарасабийд̇ад̇ааяа гаасааяаани б̣рахмажарияам̣ жаранд̇аанам̣ анужчавигаани вад̇т̇аани ажчаад̣̇зд̇ваа барид̣̇ахид̇ваа аг̇аарасмаа нигкамид̇ваа анаг̇аарияам̣ баб̣б̣аж̇зяяанд̇и. зд̇т̇а жа яасмаа аг̇аарасса хид̇ам̣ гасиваан̣иж̇ж̇аад̣̇игаммам̣ аг̇аарияанд̇и вужжад̇и, д̇ан̃жа баб̣б̣аж̇ж̇ааяа над̇т̇и. д̇асмаа баб̣б̣аж̇ж̇аа анаг̇аарияаад̇и н̃аад̇аб̣б̣аа, д̇ам̣ анаг̇аарияам̣. баб̣б̣аж̇зяяанд̇и бадибаж̇ж̇зяяам̣. аббам̣ ваад̇и сахассад̇о хздтаа бхог̇агканд̇хо аббо наама ход̇и, сахассад̇о бадтааяа махаа. ааб̣анд̇ханадтзна н̃аад̇и зва бариваддо н̃аад̇ибариваддо. со вийсад̇ияаа хздтаа аббо ход̇и, вийсад̇ияаа бадтааяа махаа.

    Nayidaṃ sukaraṃ…pe… pabbajeyyanti ettha ayaṃ saṅkhepakathā – yadetaṃ sikkhattayabrahmacariyaṃ ekampi divasaṃ akhaṇḍaṃ katvā carimakacittaṃ pāpetabbatāya ekantaparipuṇṇaṃ. Ekadivasampi ca kilesamalena amalinaṃ katvā carimakacittaṃ pāpetabbatāya ekantaparisuddhaṃ, saṅkhalikhitaṃ likhitasaṅkhasadisaṃ dhotasaṅkhasappaṭibhāgaṃ caritabbaṃ, idaṃ na sukaraṃ agāraṃ ajjhāvasatā agāramajjhe vasantena ekantaparipuṇṇaṃ…pe… carituṃ. Yaṃnūnāhaṃ kese ca massuñca ohāretvā kāsāyarasapītatāya kāsāyāni brahmacariyaṃ carantānaṃ anucchavikāni vatthāni acchādetvā paridahitvā agārasmā nikkhamitvā anagāriyaṃ pabbajeyyanti. Ettha ca yasmā agārassa hitaṃ kasivāṇijjādikammaṃ agāriyanti vuccati, tañca pabbajjāya natthi. Tasmā pabbajjā anagāriyāti ñātabbā, taṃ anagāriyaṃ. Pabbajeyyanti paṭipajjeyyaṃ. Appaṃ vāti sahassato heṭṭhā bhogakkhandho appo nāma hoti, sahassato paṭṭhāya mahā. Ābandhanaṭṭhena ñāti eva parivaṭṭo ñātiparivaṭṭo. So vīsatiyā heṭṭhā appo hoti, vīsatiyā paṭṭhāya mahā.

    292. бхигкуунам̣ сигкаасааж̇ийвасамаабаннод̇и яаа бхигкуунам̣ ад̇хисийласан̇каад̇аа сигкаа, д̇ан̃жа, яад̇т̇а жзд̇з саха ж̇ийванд̇и згаж̇ийвигаа сабхааг̇авуд̇д̇ино хонд̇и, д̇ам̣ бхаг̇авад̇аа бан̃н̃ад̇д̇асигкаабад̣̇асан̇каад̇ам̣ сааж̇ийван̃жа д̇ад̇т̇а сигканабхаавзна самаабаннод̇и бхигкуунам̣ сигкаасааж̇ийвасамаабанно. самаабаннод̇и сигкам̣ барибуурзнд̇о, сааж̇ийван̃жа авийд̇иггаманд̇о худ̇ваа д̇ад̣̇убхаяам̣ убаг̇ад̇од̇и ад̇т̇о. баан̣аад̇ибаад̇ам̣ бахааяаад̇иаад̣̇ийсу баан̣аад̇ибаад̇аад̣̇игат̇аа хздтаа вид̇т̇аарид̇аа зва. бахааяаад̇и имам̣ баан̣аад̇ибаад̇ажзд̇анаасан̇каад̇ам̣ д̣̇уссийляам̣ баж̇ахид̇ваа. бадивирад̇о ход̇ийд̇и бахийнагаалад̇о бадтааяа д̇ад̇о д̣̇уссийляад̇о орад̇о вирад̇ова ход̇и. нихид̇ад̣̇ан̣д̣о нихид̇асад̇т̇од̇и баруубагхаад̇ад̇т̇ааяа д̣̇ан̣д̣ам̣ ваа сад̇т̇ам̣ ваа аад̣̇ааяа авад̇д̇анад̇о нигкид̇д̇ад̣̇ан̣д̣о жзва нигкид̇д̇асад̇т̇о жаад̇и ад̇т̇о. зд̇т̇а жа табзд̇ваа д̣̇ан̣д̣ам̣ саб̣б̣амби авасзсам̣ убагаран̣ам̣ сад̇д̇аанам̣ вихим̣санабхаавад̇о сад̇т̇анд̇и взд̣̇ид̇аб̣б̣ам̣. яам̣ бана бхигкуу гад̇д̇арад̣̇ан̣д̣ам̣ ваа д̣̇анд̇агадтаваасим̣ ваа бибпалагам̣ ваа г̇ахзд̇ваа вижаранд̇и, на д̇ам̣ баруубагхаад̇ад̇т̇ааяа. д̇асмаа нихид̇ад̣̇ан̣д̣о нихид̇асад̇т̇од̇взва сан̇кам̣ г̇ажчад̇и. лаж̇ж̇ийд̇и баабаж̇иг̇ужчаналагкан̣ааяа лаж̇ж̇ааяа саманнааг̇ад̇о. д̣̇аяаабаннод̇и д̣̇аяам̣ мзд̇д̇ажид̇д̇ад̇ам̣ аабанно. саб̣б̣абаан̣абхууд̇ахид̇аанугамбийд̇и саб̣б̣з баан̣абхууд̇з хид̇зна анугамбаго. д̇ааяа д̣̇аяаабаннад̇ааяа саб̣б̣зсам̣ баан̣абхууд̇аанам̣ хид̇ажид̇д̇агод̇и ад̇т̇о. вихарад̇ийд̇и ирияад̇и баалзд̇и.

    292.Bhikkhūnaṃ sikkhāsājīvasamāpannoti yā bhikkhūnaṃ adhisīlasaṅkhātā sikkhā, tañca, yattha cete saha jīvanti ekajīvikā sabhāgavuttino honti, taṃ bhagavatā paññattasikkhāpadasaṅkhātaṃ sājīvañca tattha sikkhanabhāvena samāpannoti bhikkhūnaṃ sikkhāsājīvasamāpanno. Samāpannoti sikkhaṃ paripūrento, sājīvañca avītikkamanto hutvā tadubhayaṃ upagatoti attho. Pāṇātipātaṃ pahāyātiādīsu pāṇātipātādikathā heṭṭhā vitthāritā eva. Pahāyāti imaṃ pāṇātipātacetanāsaṅkhātaṃ dussīlyaṃ pajahitvā. Paṭivirato hotīti pahīnakālato paṭṭhāya tato dussīlyato orato viratova hoti. Nihitadaṇḍo nihitasatthoti parūpaghātatthāya daṇḍaṃ vā satthaṃ vā ādāya avattanato nikkhittadaṇḍo ceva nikkhittasattho cāti attho. Ettha ca ṭhapetvā daṇḍaṃ sabbampi avasesaṃ upakaraṇaṃ sattānaṃ vihiṃsanabhāvato satthanti veditabbaṃ. Yaṃ pana bhikkhū kattaradaṇḍaṃ vā dantakaṭṭhavāsiṃ vā pipphalakaṃ vā gahetvā vicaranti, na taṃ parūpaghātatthāya. Tasmā nihitadaṇḍo nihitasatthotveva saṅkhaṃ gacchati. Lajjīti pāpajigucchanalakkhaṇāya lajjāya samannāgato. Dayāpannoti dayaṃ mettacittataṃ āpanno. Sabbapāṇabhūtahitānukampīti sabbe pāṇabhūte hitena anukampako. Tāya dayāpannatāya sabbesaṃ pāṇabhūtānaṃ hitacittakoti attho. Viharatīti iriyati pāleti.

    д̣̇иннамзва аад̣̇ияад̇ийд̇и д̣̇иннаад̣̇ааяий. жид̇д̇знаби д̣̇иннамзва бадиган̇кад̇ийд̇и д̣̇иннабаадиган̇кий. т̇знзд̇ийд̇и т̇зно. на т̇знзна ат̇знзна. ат̇знад̇д̇ааязва сужибхууд̇зна. ад̇д̇анаад̇и ад̇д̇абхаавзна, ат̇знам̣ сужибхууд̇ам̣ ад̇д̇абхаавам̣ гад̇ваа вихарад̇ийд̇и вуд̇д̇ам̣ ход̇и.

    Dinnameva ādiyatīti dinnādāyī. Cittenapi dinnameva paṭikaṅkhatīti dinnapāṭikaṅkhī. Thenetīti theno. Na thenena athenena. Athenattāyeva sucibhūtena. Attanāti attabhāvena, athenaṃ sucibhūtaṃ attabhāvaṃ katvā viharatīti vuttaṃ hoti.

    аб̣рахмажарияанд̇и асздтажарияам̣. б̣рахмам̣ сздтам̣ аажаарам̣ жарад̇ийд̇и б̣рахмажаарий. аараажаарийд̇и аб̣рахмажарияад̇о д̣̇ууражаарий. мзт̇унаад̇и рааг̇абарияудтаанавасзна сад̣̇исад̇д̇аа мзт̇унагаад̇и лад̣̇д̇хавохаарзхи бадисзвид̇аб̣б̣ад̇о мзт̇унаад̇и сан̇кам̣ г̇ад̇аа асад̣̇д̇хаммаа. г̇аамад̇хаммаад̇и г̇аамаваасийнам̣ д̇хаммаа.

    Abrahmacariyanti aseṭṭhacariyaṃ. Brahmaṃ seṭṭhaṃ ācāraṃ caratīti brahmacārī. Ārācārīti abrahmacariyato dūracārī. Methunāti rāgapariyuṭṭhānavasena sadisattā methunakāti laddhavohārehi paṭisevitabbato methunāti saṅkhaṃ gatā asaddhammā. Gāmadhammāti gāmavāsīnaṃ dhammā.

    сажжам̣ вад̣̇ад̇ийд̇и сажжаваад̣̇ий. сажжзна сажжам̣ санд̣̇ахад̇и гхадзд̇ийд̇и сажжасанд̇хо, на анд̇аранд̇араа мусаа вад̣̇ад̇ийд̇и ад̇т̇о. яо хи бурисо гад̣̇аажи мусаа вад̣̇ад̇и, гад̣̇аажи сажжам̣, д̇асса мусааваад̣̇зна анд̇арид̇ад̇д̇аа сажжам̣ сажжзна на гхадийяад̇и . д̇асмаа на со сажжасанд̇хо, аяам̣ бана на д̇аад̣̇исо, ж̇ийвид̇ахзд̇уби мусааваад̣̇ам̣ авад̇ваа сажжзна сажжам̣ санд̣̇ахад̇иязваад̇и сажжасанд̇хо. т̇зд̇од̇и т̇иро, т̇ирагат̇од̇и ад̇т̇о. зго хи буг̇г̇ало халид̣̇д̣̇ирааг̇о вияа, т̇усараасимхи никаад̇акаан̣у вияа, ассабидтз табид̇агумбхан̣д̣амива жа на т̇ирагат̇о ход̇и. зго баасаан̣алзкаа вияа инд̣̇акило вияа жа т̇ирагат̇о ход̇и; асинаа сийсз чиж̇ж̇анд̇зби д̣̇вз гат̇аа на гат̇зд̇и; аяам̣ вужжад̇и т̇зд̇о . бажжаяигод̇и бад̇д̇ияааяид̇аб̣б̣аго, сад̣̇д̇хааяигод̇и ад̇т̇о. згажжо хи буг̇г̇ало на бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з ‘‘маа д̇асса важанам̣ сад̣̇д̣̇ахат̇аа’’д̇и вад̇д̇аб̣б̣ад̇ам̣ аабаж̇ж̇ад̇и. зго бажжаяиго ход̇и, ‘‘ид̣̇ам̣ гзна вуд̇д̇ам̣, асугзнаа’’д̇и вуд̇д̇з, ‘‘яад̣̇и д̇зна вуд̇д̇ам̣, ид̣̇амзва бамаан̣ам̣, ид̣̇аани убабаригкид̇аб̣б̣ам̣ над̇т̇и, звамзва ид̣̇а’’нд̇и вад̇д̇аб̣б̣ад̇ам̣ аабаж̇ж̇ад̇и, аяам̣ вужжад̇и бажжаяиго. ависам̣ваад̣̇аго логассаад̇и д̇ааяа сажжаваад̣̇ид̇ааяа логам̣ на висам̣ваад̣̇зд̇ийд̇и ад̇т̇о.

    Saccaṃ vadatīti saccavādī. Saccena saccaṃ sandahati ghaṭetīti saccasandho, na antarantarā musā vadatīti attho. Yo hi puriso kadāci musā vadati, kadāci saccaṃ, tassa musāvādena antaritattā saccaṃ saccena na ghaṭīyati . Tasmā na so saccasandho, ayaṃ pana na tādiso, jīvitahetupi musāvādaṃ avatvā saccena saccaṃ sandahatiyevāti saccasandho. Thetoti thiro, thirakathoti attho. Eko hi puggalo haliddirāgo viya, thusarāsimhi nikhātakhāṇu viya, assapiṭṭhe ṭhapitakumbhaṇḍamiva ca na thirakatho hoti. Eko pāsāṇalekhā viya indakhilo viya ca thirakatho hoti; asinā sīse chijjantepi dve kathā na katheti; ayaṃ vuccati theto . Paccayikoti pattiyāyitabbako, saddhāyikoti attho. Ekacco hi puggalo na paccayiko hoti, ‘‘idaṃ kena vuttaṃ, asukenā’’ti vutte ‘‘mā tassa vacanaṃ saddahathā’’ti vattabbataṃ āpajjati. Eko paccayiko hoti, ‘‘idaṃ kena vuttaṃ, asukenā’’ti vutte, ‘‘yadi tena vuttaṃ, idameva pamāṇaṃ, idāni upaparikkhitabbaṃ natthi, evameva ida’’nti vattabbataṃ āpajjati, ayaṃ vuccati paccayiko. Avisaṃvādako lokassāti tāya saccavāditāya lokaṃ na visaṃvādetīti attho.

    имзсам̣ бхзд̣̇ааяаад̇и язсам̣ ид̇о суд̇ваад̇и вуд̇д̇аанам̣ санд̇игз суд̇ам̣, д̇зсам̣ бхзд̣̇ааяа. бхиннаанам̣ ваа санд̇хаад̇аад̇и д̣̇виннамби мид̇д̇аанам̣ ваа самаанубаж̇жхааяагаад̣̇ийнам̣ ваа гзнажид̣̇зва гааран̣зна бхиннаанам̣ згамзгам̣ убасан̇гамид̇ваа ‘‘д̇умхаагам̣ ийд̣̇исз гулз ж̇аад̇аанам̣ звам̣ б̣ахуссуд̇аанам̣ ид̣̇ам̣ на яуд̇д̇а’’нд̇иаад̣̇ийни вад̇ваа санд̇хаанам̣ гад̇д̇аа. ануббад̣̇аад̇аад̇и санд̇хаанаануббад̣̇аад̇аа, д̣̇вз ж̇анз самаг̇г̇з д̣̇исваа, ‘‘д̇умхаагам̣ зваруубз гулз ж̇аад̇аанам̣ зваруубзхи г̇ун̣зхи саманнааг̇ад̇аанам̣ анужчавигамзд̇а’’нд̇иаад̣̇ийни вад̇ваа д̣̇ал̣хийгаммам̣ гад̇д̇аад̇и ад̇т̇о. самаг̇г̇о аараамо ассаад̇и самаг̇г̇аараамо. яад̇т̇а самаг̇г̇аа над̇т̇и, д̇ад̇т̇а васид̇умби на ижчад̇ийд̇и ад̇т̇о. ‘‘самаг̇г̇араамо’’д̇иби баал̣и, аяамзвзд̇т̇а ад̇т̇о. самаг̇г̇арад̇од̇и самаг̇г̇зсу рад̇о, д̇з бахааяа ан̃н̃ад̇ра г̇анд̇умби на ижчад̇ийд̇и ад̇т̇о. самаг̇г̇з д̣̇исвааби суд̇вааби нанд̣̇ад̇ийд̇и самаг̇г̇ананд̣̇ий. самаг̇г̇агаран̣им̣ ваажам̣ бхаасид̇аад̇и яаа ваажаа сад̇д̇з самаг̇г̇зязва гарод̇и, д̇ам̣ саамаг̇г̇иг̇ун̣абарид̣̇ийбагамзва ваажам̣ бхаасад̇и, на ид̇аранд̇и.

    Imesaṃ bhedāyāti yesaṃ ito sutvāti vuttānaṃ santike sutaṃ, tesaṃ bhedāya. Bhinnānaṃ vā sandhātāti dvinnampi mittānaṃ vā samānupajjhāyakādīnaṃ vā kenacideva kāraṇena bhinnānaṃ ekamekaṃ upasaṅkamitvā ‘‘tumhākaṃ īdise kule jātānaṃ evaṃ bahussutānaṃ idaṃ na yutta’’ntiādīni vatvā sandhānaṃ kattā. Anuppadātāti sandhānānuppadātā, dve jane samagge disvā, ‘‘tumhākaṃ evarūpe kule jātānaṃ evarūpehi guṇehi samannāgatānaṃ anucchavikameta’’ntiādīni vatvā daḷhīkammaṃ kattāti attho. Samaggo ārāmo assāti samaggārāmo. Yattha samaggā natthi, tattha vasitumpi na icchatīti attho. ‘‘Samaggarāmo’’tipi pāḷi, ayamevettha attho. Samaggaratoti samaggesu rato, te pahāya aññatra gantumpi na icchatīti attho. Samagge disvāpi sutvāpi nandatīti samagganandī. Samaggakaraṇiṃ vācaṃ bhāsitāti yā vācā satte samaggeyeva karoti, taṃ sāmaggiguṇaparidīpakameva vācaṃ bhāsati, na itaranti.

    нзлаад̇и злам̣ вужжад̇и д̣̇осо, наассаа зланд̇и нзлаа, нид̣̇д̣̇осаад̇и ад̇т̇о. ‘‘нзлан̇г̇о сзд̇абажчаад̣̇о’’д̇и зд̇т̇а вуд̇д̇анзлам̣ вияа. ган̣н̣асукаад̇и б̣яан̃ж̇анамад̇хурад̇ааяа ган̣н̣аанам̣ сукаа, сууживиж̇жханам̣ вияа ган̣н̣асуулам̣ на ж̇анзд̇и. ад̇т̇амад̇хурад̇ааяа сагаласарийрз гобам̣ аж̇анзд̇ваа бзмам̣ ж̇анзд̇ийд̇и бзманийяаа. хад̣̇аяам̣ г̇ажчад̇и, абадихан̃н̃амаанаа сукзна жид̇д̇ам̣ бависад̇ийд̇и хад̣̇аяан̇г̇амаа. г̇ун̣абарибун̣н̣ад̇ааяа бурз бхаваад̇и борий, бурз сам̣вад̣̇д̇ханаарий вияа сугумаараад̇иби борий, бурасса зсаад̇иби борий, наг̇араваасийнам̣ гат̇аад̇и ад̇т̇о . наг̇араваасино хи яуд̇д̇агат̇аа хонд̇и, бид̇имад̇д̇ам̣ бид̇аад̇и, маад̇имад̇д̇ам̣ маад̇аад̇и, бхаад̇имад̇д̇ам̣ бхаад̇аад̇и вад̣̇анд̇и. зваруубий гат̇аа б̣ахуно ж̇анасса ганд̇аа ход̇ийд̇и б̣ахуж̇анаганд̇аа. ганд̇абхаавзнзва б̣ахуно ж̇анасса манаабаа жид̇д̇авуд̣̇д̇хигараад̇и б̣ахуж̇анаманаабаа.

    Nelāti elaṃ vuccati doso, nāssā elanti nelā, niddosāti attho. ‘‘Nelaṅgo setapacchādo’’ti ettha vuttanelaṃ viya. Kaṇṇasukhāti byañjanamadhuratāya kaṇṇānaṃ sukhā, sūcivijjhanaṃ viya kaṇṇasūlaṃ na janeti. Atthamadhuratāya sakalasarīre kopaṃ ajanetvā pemaṃ janetīti pemanīyā. Hadayaṃ gacchati, apaṭihaññamānā sukhena cittaṃ pavisatīti hadayaṅgamā. Guṇaparipuṇṇatāya pure bhavāti porī, pure saṃvaddhanārī viya sukumārātipi porī, purassa esātipi porī, nagaravāsīnaṃ kathāti attho . Nagaravāsino hi yuttakathā honti, pitimattaṃ pitāti, mātimattaṃ mātāti, bhātimattaṃ bhātāti vadanti. Evarūpī kathā bahuno janassa kantā hotīti bahujanakantā. Kantabhāveneva bahuno janassa manāpā cittavuddhikarāti bahujanamanāpā.

    гаалзна вад̣̇ад̇ийд̇и гаалаваад̣̇ий, вад̇д̇аб̣б̣аяуд̇д̇агаалам̣ саллагкзд̇ваа вад̣̇ад̇ийд̇и ад̇т̇о. бхууд̇ам̣ д̇ажчам̣ сабхаавамзва вад̣̇ад̇ийд̇и бхууд̇аваад̣̇ий. д̣̇идтад̇хаммигасамбарааяигад̇т̇асанниссид̇амзва гад̇ваа вад̣̇ад̇ийд̇и ад̇т̇аваад̣̇ий . навалогуд̇д̇арад̇хаммасанниссид̇ам̣ гад̇ваа вад̣̇ад̇ийд̇и д̇хаммаваад̣̇ий. сам̣варавинаяабахаанавинаяасанниссид̇ам̣ гад̇ваа вад̣̇ад̇ийд̇и винаяаваад̣̇ий. нид̇хаанам̣ вужжад̇и табаногаасо, нид̇хаанамассаа ад̇т̇ийд̇и нид̇хаанавад̇ий, хад̣̇аяз нид̇хаад̇аб̣б̣а яуд̇д̇аваажам̣ бхаасид̇аад̇и ад̇т̇о. гаалзнаад̇и зваруубим̣ бхаасамааноби жа ‘‘ахам̣ нид̇хаанавад̇им̣ ваажам̣ бхаасиссаамий’’д̇и на агаалзна бхаасад̇и, яуд̇д̇агаалам̣ бана авзгкид̇ваа бхаасад̇ийд̇и ад̇т̇о. саабад̣̇зсанд̇и саубамам̣, сагааран̣анд̇и ад̇т̇о. барияанд̇авад̇инд̇и барижчзд̣̇ам̣ д̣̇ассзд̇ваа яат̇аассаа барижчзд̣̇о бан̃н̃ааяад̇и, звам̣ бхаасад̇ийд̇и ад̇т̇о. ад̇т̇асам̣хид̇анд̇и анзгзхиби наязхи вибхаж̇анд̇зна барияаад̣̇аад̇ум̣ асаггун̣зяяад̇ааяа ад̇т̇асамбаннам̣, яам̣ ваа со ад̇т̇аваад̣̇ий ад̇т̇ам̣ вад̣̇ад̇и, д̇зна ад̇т̇зна сам̣хид̇ад̇д̇аа ад̇т̇асам̣хид̇ам̣ ваажам̣ бхаасад̇и, на ан̃н̃ам̣ нигкибид̇ваа ан̃н̃ам̣ бхаасад̇ийд̇и вуд̇д̇ам̣ ход̇и.

    Kālena vadatīti kālavādī, vattabbayuttakālaṃ sallakkhetvā vadatīti attho. Bhūtaṃ tacchaṃ sabhāvameva vadatīti bhūtavādī. Diṭṭhadhammikasamparāyikatthasannissitameva katvā vadatīti atthavādī. Navalokuttaradhammasannissitaṃ katvā vadatīti dhammavādī. Saṃvaravinayapahānavinayasannissitaṃ katvā vadatīti vinayavādī. Nidhānaṃ vuccati ṭhapanokāso, nidhānamassā atthīti nidhānavatī, hadaye nidhātabba yuttavācaṃ bhāsitāti attho. Kālenāti evarūpiṃ bhāsamānopi ca ‘‘ahaṃ nidhānavatiṃ vācaṃ bhāsissāmī’’ti na akālena bhāsati, yuttakālaṃ pana avekkhitvā bhāsatīti attho. Sāpadesanti saupamaṃ, sakāraṇanti attho. Pariyantavatinti paricchedaṃ dassetvā yathāssā paricchedo paññāyati, evaṃ bhāsatīti attho. Atthasaṃhitanti anekehipi nayehi vibhajantena pariyādātuṃ asakkuṇeyyatāya atthasampannaṃ, yaṃ vā so atthavādī atthaṃ vadati, tena atthena saṃhitattā atthasaṃhitaṃ vācaṃ bhāsati, na aññaṃ nikkhipitvā aññaṃ bhāsatīti vuttaṃ hoti.

    293. б̣ийж̇аг̇аамабхууд̇аг̇аамасамаарамбхаад̇и муулаб̣ийж̇ам̣ канд̇хаб̣ийж̇ам̣ пал̣уб̣ийж̇ам̣ аг̇г̇аб̣ийж̇ам̣ б̣ийж̇аб̣ийж̇анд̇и бан̃жавид̇хасса б̣ийж̇аг̇аамасса жзва яасса гассажи нийлад̇ин̣аругкаад̣̇игасса бхууд̇аг̇аамасса жа самаарамбхаа, чзд̣̇анабхзд̣̇анабажанаад̣̇ибхаавзна вигобанаа бадивирад̇од̇и ад̇т̇о. згабхад̇д̇игод̇и баад̇араасабхад̇д̇ам̣ сааяамаасабхад̇д̇анд̇и д̣̇вз бхад̇д̇аани. д̇зсу баад̇араасабхад̇д̇ам̣ анд̇омаж̇жханхигзна барижчиннам̣, ид̇арам̣ маж̇жханхигад̇о уд̣̇д̇хам̣ анд̇оарун̣зна. д̇асмаа анд̇омаж̇жханхигз д̣̇асагкад̇д̇ум̣ бхун̃ж̇амааноби згабхад̇д̇игова ход̇и, д̇ам̣ санд̇хааяа вуд̇д̇ам̣ ‘‘згабхад̇д̇иго’’д̇и. рад̇д̇ияаа бхож̇анам̣ рад̇д̇и, д̇ад̇о убарад̇од̇и рад̇д̇уубарад̇о. ад̇игганд̇з маж̇жханхигз яаава суурияад̇т̇ам̣г̇аманаа бхож̇анам̣ вигаалабхож̇анам̣ наама. д̇ад̇о вирад̇ад̇д̇аа вирад̇о вигаалабхож̇анаа. саасанасса анануломад̇д̇аа висуугам̣ бадаан̣ийбхууд̇ам̣ д̣̇ассананд̇и висуугад̣̇ассанам̣. ад̇д̇анаа нажжананажжаабанаад̣̇ивасзна нажжаа жа г̇ийд̇аа жа ваад̣̇ид̇аа жа, анд̇амасо маяууранажжанаад̣̇ивасзнааби бавад̇д̇аанам̣ нажжаад̣̇ийнам̣ висуугабхууд̇аа д̣̇ассанаа жаад̇и нажжаг̇ийд̇аваад̣̇ид̇ависуугад̣̇ассанаа. нажжаад̣̇ийни хи ад̇д̇анаа баяож̇зд̇ум̣ ваа барзхи баяож̇аабзд̇ум̣ ваа баяуд̇д̇аани бассид̇ум̣ ваа нзва бхигкуунам̣ на бхигкунийнам̣ вадданд̇и. маалаад̣̇ийсу маалаад̇и яам̣гин̃жи бубпам̣. г̇анд̇ханд̇и яам̣гин̃жи г̇анд̇хаж̇аад̇ам̣. вилзбананд̇и чавирааг̇агаран̣ам̣. д̇ад̇т̇а бил̣анд̇ханд̇о д̇хаарзд̇и наама. уунадтаанам̣ буурзнд̇о ман̣д̣зд̇и наама. г̇анд̇хавасзна чавирааг̇авасзна жа саад̣̇ияанд̇о вибхуусзд̇и наама. таанам̣ вужжад̇и гааран̣ам̣. д̇асмаа яааяа д̣̇уссийляажзд̇анааяа д̇аани маалаад̇хааран̣аад̣̇ийни махааж̇ано гарод̇и, д̇ад̇о бадивирад̇од̇и ад̇т̇о.

    293.Bījagāmabhūtagāmasamārambhāti mūlabījaṃ khandhabījaṃ phaḷubījaṃ aggabījaṃ bījabījanti pañcavidhassa bījagāmassa ceva yassa kassaci nīlatiṇarukkhādikassa bhūtagāmassa ca samārambhā, chedanabhedanapacanādibhāvena vikopanā paṭiviratoti attho. Ekabhattikoti pātarāsabhattaṃ sāyamāsabhattanti dve bhattāni. Tesu pātarāsabhattaṃ antomajjhanhikena paricchinnaṃ, itaraṃ majjhanhikato uddhaṃ antoaruṇena. Tasmā antomajjhanhike dasakkhattuṃ bhuñjamānopi ekabhattikova hoti, taṃ sandhāya vuttaṃ ‘‘ekabhattiko’’ti. Rattiyā bhojanaṃ ratti, tato uparatoti rattūparato. Atikkante majjhanhike yāva sūriyatthaṃgamanā bhojanaṃ vikālabhojanaṃ nāma. Tato viratattā virato vikālabhojanā. Sāsanassa ananulomattā visūkaṃ paṭāṇībhūtaṃ dassananti visūkadassanaṃ. Attanā naccananaccāpanādivasena naccā ca gītā ca vāditā ca, antamaso mayūranaccanādivasenāpi pavattānaṃ naccādīnaṃ visūkabhūtā dassanā cāti naccagītavāditavisūkadassanā. Naccādīni hi attanā payojetuṃ vā parehi payojāpetuṃ vā payuttāni passituṃ vā neva bhikkhūnaṃ na bhikkhunīnaṃ vaṭṭanti. Mālādīsu mālāti yaṃkiñci pupphaṃ. Gandhanti yaṃkiñci gandhajātaṃ. Vilepananti chavirāgakaraṇaṃ. Tattha piḷandhanto dhāreti nāma. Ūnaṭṭhānaṃ pūrento maṇḍeti nāma. Gandhavasena chavirāgavasena ca sādiyanto vibhūseti nāma. Ṭhānaṃ vuccati kāraṇaṃ. Tasmā yāya dussīlyacetanāya tāni mālādhāraṇādīni mahājano karoti, tato paṭiviratoti attho.

    ужжаасаяанам̣ вужжад̇и бамаан̣аад̇игганд̇ам̣. махаасаяанам̣ агаббияад̇т̇аран̣ам̣. д̇ад̇о бадивирад̇од̇и ад̇т̇о. ж̇аад̇аруубанд̇и суван̣н̣ам̣. раж̇ад̇анд̇и гахаабан̣о лохамаасаго ж̇ад̇умаасаго д̣̇аарумаасагод̇и яз вохаарам̣ г̇ажчанд̇и, д̇асса убхаяассаби бадиг̇г̇ахан̣аа бадивирад̇о, нзва нам̣ уг̇г̇ан̣хаад̇и, на уг̇г̇ан̣хаабзд̇и, на убанигкид̇д̇ам̣ саад̣̇ияад̇ийд̇и ад̇т̇о. аамагад̇хан̃н̃абадиг̇г̇ахан̣аад̇и сааливийхияаваг̇од̇хуумаган̇г̇уварагагуд̣̇руусагасан̇каад̇асса сад̇д̇авид̇хассааби аамагад̇хан̃н̃асса бадиг̇г̇ахан̣аа. на гзвалан̃жа зд̇зсам̣ бадиг̇г̇ахан̣амзва, аамасанамби бхигкуунам̣ на ваддад̇иязва. аамагамам̣сабадиг̇г̇ахан̣аад̇и зд̇т̇а ан̃н̃ад̇ра од̣̇исса анун̃н̃аад̇аа аамагамам̣самажчаанам̣ бадиг̇г̇ахан̣амзва бхигкуунам̣ на ваддад̇и, но аамасанам̣.

    Uccāsayanaṃ vuccati pamāṇātikkantaṃ. Mahāsayanaṃ akappiyattharaṇaṃ. Tato paṭiviratoti attho. Jātarūpanti suvaṇṇaṃ. Rajatanti kahāpaṇo lohamāsako jatumāsako dārumāsakoti ye vohāraṃ gacchanti, tassa ubhayassapi paṭiggahaṇā paṭivirato, neva naṃ uggaṇhāti, na uggaṇhāpeti, na upanikkhittaṃ sādiyatīti attho. Āmakadhaññapaṭiggahaṇāti sālivīhiyavagodhūmakaṅguvarakakudrūsakasaṅkhātassa sattavidhassāpi āmakadhaññassa paṭiggahaṇā. Na kevalañca etesaṃ paṭiggahaṇameva, āmasanampi bhikkhūnaṃ na vaṭṭatiyeva. Āmakamaṃsapaṭiggahaṇāti ettha aññatra odissa anuññātā āmakamaṃsamacchānaṃ paṭiggahaṇameva bhikkhūnaṃ na vaṭṭati, no āmasanaṃ.

    ид̇т̇игумааригабадиг̇г̇ахан̣аад̇и зд̇т̇а ид̇т̇ийд̇и бурисанд̇араг̇ад̇аа, ид̇араа гумааригаа наама. д̇аасам̣ бадиг̇г̇ахан̣амби аамасанамби агаббияамзва. д̣̇аасид̣̇аасабадиг̇г̇ахан̣аад̇и зд̇т̇а д̣̇аасид̣̇аасавасзнзва д̇зсам̣ бадиг̇г̇ахан̣ам̣ на ваддад̇и, ‘‘габбияагаарагам̣ д̣̇амми, аараамигам̣ д̣̇аммий’’д̇и звам̣ вуд̇д̇з бана ваддад̇и. аж̇зл̣агаад̣̇ийсу кзд̇д̇авад̇т̇убарияосаанзсу габбияаагаббияанаяо винаяавасзна убабаригкид̇аб̣б̣о. д̇ад̇т̇а кзд̇д̇ам̣ наама яасмим̣ буб̣б̣ан̣н̣ам̣ рухад̇и. вад̇т̇у наама яасмим̣ абаран̣н̣ам̣ рухад̇и. яад̇т̇а ваа убхаяамби рухад̇и, д̇ам̣ кзд̇д̇ам̣. д̇ад̣̇ад̇т̇ааяа агад̇абхуумибхааг̇о вад̇т̇у. кзд̇д̇авад̇т̇усийсзна жзд̇т̇а ваабид̇ал̣аагаад̣̇ийниби сан̇г̇ахид̇аанзва. д̣̇ууд̇зяяам̣ вужжад̇и д̣̇ууд̇агаммам̣, г̇ихийнам̣ бан̣н̣ам̣ ваа саасанам̣ ваа г̇ахзд̇ваа д̇ад̇т̇а д̇ад̇т̇а г̇аманам̣. бахин̣аг̇аманам̣ вужжад̇и гхараа гхарам̣ бзсид̇асса куд̣̇д̣̇агаг̇аманам̣. ануяог̇о наама д̇ад̣̇убхаяагаран̣ам̣, д̇асмаа д̣̇ууд̇зяяабахин̣аг̇аманаанам̣ ануяог̇аад̇и звамзд̇т̇а ад̇т̇о взд̣̇ид̇аб̣б̣о.

    Itthikumārikapaṭiggahaṇāti ettha itthīti purisantaragatā, itarā kumārikā nāma. Tāsaṃ paṭiggahaṇampi āmasanampi akappiyameva. Dāsidāsapaṭiggahaṇāti ettha dāsidāsavaseneva tesaṃ paṭiggahaṇaṃ na vaṭṭati, ‘‘kappiyakārakaṃ dammi, ārāmikaṃ dammī’’ti evaṃ vutte pana vaṭṭati. Ajeḷakādīsu khettavatthupariyosānesu kappiyākappiyanayo vinayavasena upaparikkhitabbo. Tattha khettaṃ nāma yasmiṃ pubbaṇṇaṃ ruhati. Vatthu nāma yasmiṃ aparaṇṇaṃ ruhati. Yattha vā ubhayampi ruhati, taṃ khettaṃ. Tadatthāya akatabhūmibhāgo vatthu. Khettavatthusīsena cettha vāpitaḷākādīnipi saṅgahitāneva. Dūteyyaṃ vuccati dūtakammaṃ, gihīnaṃ paṇṇaṃ vā sāsanaṃ vā gahetvā tattha tattha gamanaṃ. Pahiṇagamanaṃ vuccati gharā gharaṃ pesitassa khuddakagamanaṃ. Anuyogo nāma tadubhayakaraṇaṃ, tasmā dūteyyapahiṇagamanānaṃ anuyogāti evamettha attho veditabbo.

    гаяавиггаяаад̇и гаяаа жа виггаяаа жа. д̇улаагуудаад̣̇ийсу гууданд̇и ван̃жанам̣. д̇ад̇т̇а д̇улаагуудам̣ д̇аава руубагуудам̣ ан̇г̇агуудам̣ г̇ахан̣агуудам̣ бадижчаннагууданд̇и жад̇уб̣б̣ид̇хам̣ ход̇и. д̇ад̇т̇а руубагуудам̣ наама д̣̇вз д̇улаа саруубаа гад̇ваа г̇ан̣ханд̇о махад̇ияаа г̇ан̣хаад̇и, д̣̇ад̣̇анд̇о куд̣̇д̣̇игааяа д̣̇зд̇и. ан̇г̇агуудам̣ наама г̇ан̣ханд̇о бажчаабхааг̇з хад̇т̇зна д̇улам̣ аггамад̇и, д̣̇ад̣̇анд̇о буб̣б̣абхааг̇з. г̇ахан̣агуудам̣ наама г̇ан̣ханд̇о муулз раж̇ж̇ум̣ г̇ан̣хаад̇и, д̣̇ад̣̇анд̇о аг̇г̇з. бадижчаннагуудам̣ наама д̇улам̣ сусирам̣ гад̇ваа анд̇о аяажун̣н̣ам̣ багкибид̇ваа г̇ан̣ханд̇о д̇ам̣ бажчаабхааг̇з гарод̇и, д̣̇ад̣̇анд̇о аг̇г̇абхааг̇з. гам̣со вужжад̇и суван̣н̣абаад̇и, д̇ааяа ван̃жанам̣ гам̣сагуудам̣. гат̇ам̣? згам̣ суван̣н̣абаад̇им̣ гад̇ваа ан̃н̃аа д̣̇вз д̇иссо лохабаад̇ияо суван̣н̣аван̣н̣аа гарод̇и, д̇ад̇о ж̇анабад̣̇ам̣ г̇анд̇ваа гин̃жид̣̇зва ад̣̇д̇хагулам̣ бависид̇ваа, ‘‘суван̣н̣абхааж̇анаани гин̣ат̇аа’’д̇и вад̇ваа аг̇гхз бужчид̇з самаг̇гхад̇арам̣ д̣̇аад̇угаамаа хонд̇и. д̇ад̇о д̇зхи ‘‘гат̇ам̣ имзсам̣ суван̣н̣абхааво ж̇аанид̇аб̣б̣о’’д̇и вуд̇д̇з – ‘‘виймам̣сид̇ваа г̇ан̣хат̇аа’’д̇и суван̣н̣абаад̇им̣ баасаан̣з гхам̣сид̇ваа саб̣б̣аа баад̇ияо д̣̇ад̇ваа г̇ажчад̇и.

    Kayavikkayāti kayā ca vikkayā ca. Tulākūṭādīsu kūṭanti vañcanaṃ. Tattha tulākūṭaṃ tāva rūpakūṭaṃ aṅgakūṭaṃ gahaṇakūṭaṃ paṭicchannakūṭanti catubbidhaṃ hoti. Tattha rūpakūṭaṃ nāma dve tulā sarūpā katvā gaṇhanto mahatiyā gaṇhāti, dadanto khuddikāya deti. Aṅgakūṭaṃ nāma gaṇhanto pacchābhāge hatthena tulaṃ akkamati, dadanto pubbabhāge. Gahaṇakūṭaṃ nāma gaṇhanto mūle rajjuṃ gaṇhāti, dadanto agge. Paṭicchannakūṭaṃ nāma tulaṃ susiraṃ katvā anto ayacuṇṇaṃ pakkhipitvā gaṇhanto taṃ pacchābhāge karoti, dadanto aggabhāge. Kaṃso vuccati suvaṇṇapāti, tāya vañcanaṃ kaṃsakūṭaṃ. Kathaṃ? Ekaṃ suvaṇṇapātiṃ katvā aññā dve tisso lohapātiyo suvaṇṇavaṇṇā karoti, tato janapadaṃ gantvā kiñcideva addhakulaṃ pavisitvā, ‘‘suvaṇṇabhājanāni kiṇathā’’ti vatvā agghe pucchite samagghataraṃ dātukāmā honti. Tato tehi ‘‘kathaṃ imesaṃ suvaṇṇabhāvo jānitabbo’’ti vutte – ‘‘vīmaṃsitvā gaṇhathā’’ti suvaṇṇapātiṃ pāsāṇe ghaṃsitvā sabbā pātiyo datvā gacchati.

    маанагуудам̣ наама хад̣̇аяабхзд̣̇асикаабхзд̣̇араж̇ж̇убхзд̣̇авасзна д̇ивид̇хам̣ ход̇и. д̇ад̇т̇а хад̣̇аяабхзд̣̇о саббид̇злаад̣̇иминанагаалз лаб̣бхад̇и. д̇аани хи г̇ан̣ханд̇о хздтаа чид̣̇д̣̇зна маанзна, ‘‘сан̣игам̣ аасин̃жаа’’д̇и вад̇ваа анд̇обхааж̇анз б̣ахум̣ баг̇гхараабзд̇ваа г̇ан̣хаад̇и; д̣̇ад̣̇анд̇о чид̣̇д̣̇ам̣ бид̇хааяа сийгхам̣ буурзд̇ваа д̣̇зд̇и. сикаабхзд̣̇о д̇илад̇ан̣д̣улаад̣̇иминанагаалз лаб̣бхад̇и. д̇аани хи г̇ан̣ханд̇о сан̣игам̣ сикам̣ уссаабзд̇ваа г̇ан̣хаад̇и, д̣̇ад̣̇анд̇о взг̇зна буурзд̇ваа сикам̣ чинд̣̇анд̇о д̣̇зд̇и. раж̇ж̇убхзд̣̇о кзд̇д̇авад̇т̇уминанагаалз лаб̣бхад̇и. лан̃ж̇ам̣ алабханд̇аа хи кзд̇д̇ам̣ амаханд̇амби маханд̇ам̣ гад̇ваа минанд̇и.

    Mānakūṭaṃ nāma hadayabhedasikhābhedarajjubhedavasena tividhaṃ hoti. Tattha hadayabhedo sappitelādiminanakāle labbhati. Tāni hi gaṇhanto heṭṭhā chiddena mānena, ‘‘saṇikaṃ āsiñcā’’ti vatvā antobhājane bahuṃ paggharāpetvā gaṇhāti; dadanto chiddaṃ pidhāya sīghaṃ pūretvā deti. Sikhābhedo tilataṇḍulādiminanakāle labbhati. Tāni hi gaṇhanto saṇikaṃ sikhaṃ ussāpetvā gaṇhāti, dadanto vegena pūretvā sikhaṃ chindanto deti. Rajjubhedo khettavatthuminanakāle labbhati. Lañjaṃ alabhantā hi khettaṃ amahantampi mahantaṃ katvā minanti.

    уггоданаад̣̇ийсу уггодананд̇и саамигз ассаамигз гаад̇ум̣ лан̃ж̇аг̇г̇ахан̣ам̣. ван̃жананд̇и д̇зхи д̇зхи убааязхи барзсам̣ ван̃жанам̣. д̇ад̇рид̣̇амзгам̣ вад̇т̇у – зго гира луд̣̇д̣̇аго миг̇ан̃жа миг̇абод̇аган̃жа г̇ахзд̇ваа ааг̇ажчад̇и. д̇амзго д̇худ̇д̇о, ‘‘гим̣, бхо, миг̇о аг̇гхад̇и, гим̣ миг̇абод̇аго’’д̇и ааха. ‘‘миг̇о д̣̇вз гахаабан̣з миг̇абод̇аго зга’’нд̇и жа вуд̇д̇з гахаабан̣ам̣ д̣̇ад̇ваа миг̇абод̇агам̣ г̇ахзд̇ваа т̇огам̣ г̇анд̇ваа нивад̇д̇о, ‘‘на мз, бхо, миг̇абод̇агзна ад̇т̇о, миг̇ам̣ мз д̣̇зхий’’д̇и ааха. д̇зна хи ‘‘д̣̇вз гахаабан̣з д̣̇зхий’’д̇и. со ааха – ‘‘нану д̇з, бхо, маяаа батамам̣ зго гахаабан̣о д̣̇инно’’д̇и. аама д̣̇иннод̇и. ‘‘имамби миг̇абод̇агам̣ г̇ан̣ха, звам̣ со жа гахаабан̣о аяан̃жа гахаабан̣аг̇гханаго миг̇абод̇агод̇и д̣̇вз гахаабан̣аа бхависсанд̇ий’’д̇и. со гааран̣ам̣ вад̣̇ад̇ийд̇и саллагкзд̇ваа миг̇абод̇агам̣ г̇ахзд̇ваа миг̇ам̣ ад̣̇аасийд̇и.

    Ukkoṭanādīsu ukkoṭananti sāmike assāmike kātuṃ lañjaggahaṇaṃ. Vañcananti tehi tehi upāyehi paresaṃ vañcanaṃ. Tatridamekaṃ vatthu – eko kira luddako migañca migapotakañca gahetvā āgacchati. Tameko dhutto, ‘‘kiṃ, bho, migo agghati, kiṃ migapotako’’ti āha. ‘‘Migo dve kahāpaṇe migapotako eka’’nti ca vutte kahāpaṇaṃ datvā migapotakaṃ gahetvā thokaṃ gantvā nivatto, ‘‘na me, bho, migapotakena attho, migaṃ me dehī’’ti āha. Tena hi ‘‘dve kahāpaṇe dehī’’ti. So āha – ‘‘nanu te, bho, mayā paṭhamaṃ eko kahāpaṇo dinno’’ti. Āma dinnoti. ‘‘Imampi migapotakaṃ gaṇha, evaṃ so ca kahāpaṇo ayañca kahāpaṇagghanako migapotakoti dve kahāpaṇā bhavissantī’’ti. So kāraṇaṃ vadatīti sallakkhetvā migapotakaṃ gahetvā migaṃ adāsīti.

    нигад̇ийд̇и яог̇авасзна ваа мааяаавасзна ваа абааман̇г̇ам̣ бааман̇г̇анд̇и, аман̣им̣ ман̣инд̇и, асуван̣н̣ам̣ суван̣н̣анд̇и гад̇ваа бадируубагзна ван̃жанам̣. саажияог̇од̇и гудилаяог̇о, зд̇зсам̣язва уггоданаад̣̇ийнамзд̇ам̣ наамам̣, д̇асмаа уггоданасаажияог̇о ван̃жанасаажияог̇о нигад̇исаажияог̇од̇и звамзд̇т̇а ад̇т̇о д̣̇адтаб̣б̣о. гзжи ан̃н̃ам̣ д̣̇ассзд̇ваа ан̃н̃асса баривад̇д̇анам̣ саажияог̇од̇и вад̣̇анд̇и. д̇ам̣ бана ван̃жанзнзва сан̇г̇ахид̇ам̣. чзд̣̇анаад̣̇ийсу чзд̣̇ананд̇и хад̇т̇ажчзд̣̇анаад̣̇и. вад̇ход̇и мааран̣ам̣. б̣анд̇ход̇и раж̇ж̇уб̣анд̇ханаад̣̇ийхи б̣анд̇ханам̣. вибараамосод̇и химавибараамосо г̇умб̣авибараамосод̇и д̣̇увид̇хо. яам̣ химабаад̇асамаяз химзна бадижчаннаа худ̇ваа маг̇г̇абадибаннам̣ ж̇анам̣ мусанд̇и, аяам̣ химавибараамосо. яам̣ г̇умб̣аад̣̇ийхи бадижчаннаа мусанд̇и, аяам̣ г̇умб̣авибараамосо. аалобо вужжад̇и г̇ааманиг̇амаад̣̇ийнам̣ вилобагаран̣ам̣. сахасаагаарод̇и саахасигагирияаа, г̇зхам̣ бависид̇ваа мануссаанам̣ урз сад̇т̇ам̣ табзд̇ваа ижчид̇абхан̣д̣аг̇г̇ахан̣ам̣. звамзд̇асмаа чзд̣̇ана…бз… сахасаагаараа бадивирад̇о ход̇и.

    Nikatīti yogavasena vā māyāvasena vā apāmaṅgaṃ pāmaṅganti, amaṇiṃ maṇinti, asuvaṇṇaṃ suvaṇṇanti katvā paṭirūpakena vañcanaṃ. Sāciyogoti kuṭilayogo, etesaṃyeva ukkoṭanādīnametaṃ nāmaṃ, tasmā ukkoṭanasāciyogo vañcanasāciyogo nikatisāciyogoti evamettha attho daṭṭhabbo. Keci aññaṃ dassetvā aññassa parivattanaṃ sāciyogoti vadanti. Taṃ pana vañcaneneva saṅgahitaṃ. Chedanādīsuchedananti hatthacchedanādi. Vadhoti māraṇaṃ. Bandhoti rajjubandhanādīhi bandhanaṃ. Viparāmosoti himaviparāmoso gumbaviparāmosoti duvidho. Yaṃ himapātasamaye himena paṭicchannā hutvā maggapaṭipannaṃ janaṃ musanti, ayaṃ himaviparāmoso. Yaṃ gumbādīhi paṭicchannā musanti, ayaṃ gumbaviparāmoso. Ālopo vuccati gāmanigamādīnaṃ vilopakaraṇaṃ. Sahasākāroti sāhasikakiriyā, gehaṃ pavisitvā manussānaṃ ure satthaṃ ṭhapetvā icchitabhaṇḍaggahaṇaṃ. Evametasmā chedana…pe… sahasākārā paṭivirato hoti.

    294. со санд̇удто ход̇ийд̇и свааяам̣ бхигку хздтаа вуд̇д̇зна жад̇уусу бажжаязсу д̣̇ваад̣̇асавид̇хзна ид̇арийд̇арабажжаяасанд̇осзна саманнааг̇ад̇о ход̇и. иминаа бана д̣̇ваад̣̇асавид̇хзна ид̇арийд̇арабажжаяасанд̇осзна саманнааг̇ад̇асса бхигкуно адта баригкаараа вадданд̇и д̇ийн̣и жийвараани бад̇д̇о д̣̇анд̇агадтажчзд̣̇анавааси згаа суужи гааяаб̣анд̇ханам̣ бариссаавананд̇и. вуд̇д̇амби жзд̇ам̣ –

    294.So santuṭṭho hotīti svāyaṃ bhikkhu heṭṭhā vuttena catūsu paccayesu dvādasavidhena itarītarapaccayasantosena samannāgato hoti. Iminā pana dvādasavidhena itarītarapaccayasantosena samannāgatassa bhikkhuno aṭṭha parikkhārā vaṭṭanti tīṇi cīvarāni patto dantakaṭṭhacchedanavāsi ekā sūci kāyabandhanaṃ parissāvananti. Vuttampi cetaṃ –

    ‘‘д̇ижийваран̃жа бад̇д̇о жа, вааси суужи жа б̣анд̇ханам̣;

    ‘‘Ticīvarañca patto ca, vāsi sūci ca bandhanaṃ;

    бариссааванзна адтзд̇з, яуд̇д̇аяог̇асса бхигкуно’’д̇и.

    Parissāvanena aṭṭhete, yuttayogassa bhikkhuno’’ti.

    д̇з саб̣б̣зби гааяабарихааригааби хонд̇и гужчибарихааригааби. гат̇ам̣? д̇ижийварам̣ д̇аава ниваасзд̇ваа баарубид̇ваа жа вижаран̣агаалз гааяам̣ барихарад̇и босзд̇ийд̇и гааяабарихааригам̣ ход̇и, жийвараган̣н̣зна уд̣̇агам̣ бариссаавзд̇ваа биванагаалз каад̣̇ид̇аб̣б̣апалаапалаг̇г̇ахан̣агаалз жа гужчим̣ барихарад̇и босзд̇ийд̇и гужчибарихааригам̣ ход̇и. бад̇д̇оби д̇зна уд̣̇агам̣ уд̣̇д̇харид̇ваа нахаанагаалз гудибарибхан̣д̣агаран̣агаалз жа гааяабарихаариго ход̇и, аахаарам̣ г̇ахзд̇ваа бхун̃ж̇анагаалз гужчибарихаариго ход̇и. ваасиби д̇ааяа д̣̇анд̇агадтажчзд̣̇анагаалз ман̃жабийтаанам̣ ан̇г̇абаад̣̇ажийварагудид̣̇ан̣д̣агасаж̇ж̇анагаалз жа гааяабарихааригаа ход̇и, ужчужчзд̣̇ананаал̣игзраад̣̇ид̇ажчанагаалз гужчибарихааригаа. суужиби жийварасиб̣б̣анагаалз гааяабарихааригаа ход̇и, буувам̣ ваа палам̣ ваа виж̇жхид̇ваа каад̣̇анагаалз гужчибарихааригаа. гааяаб̣анд̇ханам̣ б̣анд̇хид̇ваа вижаран̣агаалз гааяабарихааригам̣, ужчуаад̣̇ийни б̣анд̇хид̇ваа г̇ахан̣агаалз гужчибарихааригам̣. бариссааванам̣ д̇зна уд̣̇агам̣ бариссаавзд̇ваа нахаанагаалз, сзнаасанабарибхан̣д̣агаран̣агаалз жа гааяабарихааригам̣, баанийяабариссааванагаалз д̇знзва д̇илад̇ан̣д̣улабут̇угаад̣̇ийни г̇ахзд̇ваа каад̣̇анагаалз жа гужчибарихааригам̣. аяам̣ д̇аава адтабаригкааригасса баригкаарамад̇д̇аа.

    Te sabbepi kāyaparihārikāpi honti kucchiparihārikāpi. Kathaṃ? Ticīvaraṃ tāva nivāsetvā pārupitvā ca vicaraṇakāle kāyaṃ pariharati posetīti kāyaparihārikaṃ hoti, cīvarakaṇṇena udakaṃ parissāvetvā pivanakāle khāditabbaphalāphalaggahaṇakāle ca kucchiṃ pariharati posetīti kucchiparihārikaṃ hoti. Pattopi tena udakaṃ uddharitvā nahānakāle kuṭiparibhaṇḍakaraṇakāle ca kāyaparihāriko hoti, āhāraṃ gahetvā bhuñjanakāle kucchiparihāriko hoti. Vāsipi tāya dantakaṭṭhacchedanakāle mañcapīṭhānaṃ aṅgapādacīvarakuṭidaṇḍakasajjanakāle ca kāyaparihārikā hoti, ucchucchedananāḷikerāditacchanakāle kucchiparihārikā. Sūcipi cīvarasibbanakāle kāyaparihārikā hoti, pūvaṃ vā phalaṃ vā vijjhitvā khādanakāle kucchiparihārikā. Kāyabandhanaṃ bandhitvā vicaraṇakāle kāyaparihārikaṃ, ucchuādīni bandhitvā gahaṇakāle kucchiparihārikaṃ. Parissāvanaṃ tena udakaṃ parissāvetvā nahānakāle, senāsanaparibhaṇḍakaraṇakāle ca kāyaparihārikaṃ, pānīyaparissāvanakāle teneva tilataṇḍulaputhukādīni gahetvā khādanakāle ca kucchiparihārikaṃ. Ayaṃ tāva aṭṭhaparikkhārikassa parikkhāramattā.

    навабаригкааригасса бана сзяяам̣ бависанд̇асса д̇ад̇радтагабажжад̇т̇аран̣ам̣ ваа гун̃жигаа ваа ваддад̇и. д̣̇асабаригкааригасса нисийд̣̇анам̣ ваа жаммакан̣д̣ам̣ ваа ваддад̇и. згаад̣̇асабаригкааригасса гад̇д̇араяадти ваа д̇зланаал̣игаа ваа ваддад̇и. д̣̇ваад̣̇асабаригкааригасса чад̇д̇ам̣ ваа убааханаа ваа ваддад̇и. зд̇зсу жа адтабаригкааригова санд̇удто, ид̇арз асанд̇удтаа, махижчаа махаабхаараад̇и на вад̇д̇аб̣б̣аа. зд̇зби хи аббижчаава санд̇удтаава субхараава саллахугавуд̇д̇инова. бхаг̇аваа бана наяимам̣ суд̇д̇ам̣ д̇зсам̣ васзна гат̇зси, адтабаригкааригасса васзна гат̇зси. со хи куд̣̇д̣̇агаваасин̃жа суужин̃жа бариссааванз багкибид̇ваа бад̇д̇асса анд̇о табзд̇ваа бад̇д̇ам̣ ам̣сагуудз лаг̇г̇зд̇ваа д̇ижийварам̣ гааяабадиб̣ад̣̇д̇хам̣ гад̇ваа язнижчагам̣ сукам̣ баггамад̇и. бадинивад̇д̇зд̇ваа г̇ахзд̇аб̣б̣ам̣ наамасса на ход̇и, ид̇и имасса бхигкуно саллахугавуд̇д̇ид̇ам̣ д̣̇ассзнд̇о бхаг̇аваа, санд̇удто ход̇и гааяабарихааригзна жийварзнаад̇иаад̣̇имааха.

    Navaparikkhārikassa pana seyyaṃ pavisantassa tatraṭṭhakapaccattharaṇaṃ vā kuñcikā vā vaṭṭati. Dasaparikkhārikassa nisīdanaṃ vā cammakhaṇḍaṃ vā vaṭṭati. Ekādasaparikkhārikassa kattarayaṭṭhi vā telanāḷikā vā vaṭṭati. Dvādasaparikkhārikassa chattaṃ vā upāhanā vā vaṭṭati. Etesu ca aṭṭhaparikkhārikova santuṭṭho, itare asantuṭṭhā, mahicchā mahābhārāti na vattabbā. Etepi hi appicchāva santuṭṭhāva subharāva sallahukavuttinova. Bhagavā pana nayimaṃ suttaṃ tesaṃ vasena kathesi, aṭṭhaparikkhārikassa vasena kathesi. So hi khuddakavāsiñca sūciñca parissāvane pakkhipitvā pattassa anto ṭhapetvā pattaṃ aṃsakūṭe laggetvā ticīvaraṃ kāyapaṭibaddhaṃ katvā yenicchakaṃ sukhaṃ pakkamati. Paṭinivattetvā gahetabbaṃ nāmassa na hoti, iti imassa bhikkhuno sallahukavuttitaṃ dassento bhagavā, santuṭṭho hoti kāyaparihārikena cīvarenātiādimāha.

    д̇ад̇т̇а гааяабарихааригзнаад̇и гааяабарихаран̣амад̇д̇агзна. гужчибарихааригзнаад̇и гужчибарихаран̣амад̇д̇агзна. самаад̣̇ааязва баггамад̇ийд̇и д̇ам̣ адтабаригкаарамад̇д̇агам̣ саб̣б̣ам̣ г̇ахзд̇ваа гааяабадиб̣ад̣̇д̇хам̣ гад̇ваава г̇ажчад̇и, ‘‘мама вихааро баривзн̣ам̣ убадтааго’’д̇исса сан̇г̇о ваа б̣ад̣̇д̇хо ваа на ход̇и, со ж̇ияаа муд̇д̇о саро вияа, яуут̇аа абагганд̇о мад̇д̇ахад̇т̇ий вияа ижчид̇ижчид̇ам̣ сзнаасанам̣ ванасан̣д̣ам̣ ругкамуулам̣ ванабаб̣бхаарам̣ барибхун̃ж̇анд̇о згова д̇идтад̇и, згова нисийд̣̇ад̇и, саб̣б̣ирияаабат̇зсу згова ад̣̇уд̇ияо.

    Tattha kāyaparihārikenāti kāyapariharaṇamattakena. Kucchiparihārikenāti kucchipariharaṇamattakena. Samādāyeva pakkamatīti taṃ aṭṭhaparikkhāramattakaṃ sabbaṃ gahetvā kāyapaṭibaddhaṃ katvāva gacchati, ‘‘mama vihāro pariveṇaṃ upaṭṭhāko’’tissa saṅgo vā baddho vā na hoti, so jiyā mutto saro viya, yūthā apakkanto mattahatthī viya icchiticchitaṃ senāsanaṃ vanasaṇḍaṃ rukkhamūlaṃ vanapabbhāraṃ paribhuñjanto ekova tiṭṭhati, ekova nisīdati, sabbiriyāpathesu ekova adutiyo.

    ‘‘жаад̇уд̣̇д̣̇исо аббадигхо жа ход̇и,

    ‘‘Cātuddiso appaṭigho ca hoti,

    санд̇уссамаано ид̇арийд̇арзна;

    Santussamāno itarītarena;

    бариссаяаанам̣ сахид̇аа ачамбхий,

    Parissayānaṃ sahitā achambhī,

    зго жарз каг̇г̇ависаан̣агаббо’’д̇и. (су. ни. 42);

    Eko care khaggavisāṇakappo’’ti. (su. ni. 42);

    звам̣ ван̣н̣ид̇ам̣ каг̇г̇ависаан̣агаббад̇ам̣ аабаж̇ж̇ад̇и.

    Evaṃ vaṇṇitaṃ khaggavisāṇakappataṃ āpajjati.

    ид̣̇аани д̇амад̇т̇ам̣ убамааяа саад̇хзнд̇о сзяяат̇аабийд̇иаад̣̇имааха. д̇ад̇т̇а багкий сагун̣од̇и багкаяуд̇д̇о сагун̣о. д̣зд̇ийд̇и уббад̇ад̇и. аяам̣ банзд̇т̇а сан̇кзбад̇т̇о – сагун̣аа наама ‘‘асугасмим̣ бад̣̇зсз ругко барибаггапало’’д̇и н̃ад̇ваа наанаад̣̇исаахи ааг̇анд̇ваа накабагкад̇ун̣д̣аад̣̇ийхи д̇асса палаани виж̇жханд̇аа вид̇хунанд̇аа каад̣̇анд̇и. ‘‘ид̣̇ам̣ аж̇ж̇ад̇анааяа ид̣̇ам̣ сваад̇анааяа бхависсад̇ий’’д̇и нзсам̣ на ход̇и. палз бана кийн̣з нзва ругкасса аарагкам̣ табзнд̇и, на д̇ад̇т̇а бад̇д̇ам̣ ваа накам̣ ваа д̇ун̣д̣ам̣ ваа табзнд̇и, ат̇а ко д̇асмим̣ ругкз анабзгко худ̇ваа яо яам̣ д̣̇исаабхааг̇ам̣ ижчад̇и, со д̇зна сабад̇д̇абхаарова – уббад̇ид̇ваа г̇ажчад̇и. звамзва аяам̣ бхигку ниссан̇г̇о нирабзгкоязва баггамад̇и. д̇зна вуд̇д̇ам̣ ‘‘самаад̣̇ааязва баггамад̇ий’’д̇и. ариязнаад̇и нид̣̇д̣̇осзна. аж̇жхад̇д̇анд̇и сагз ад̇д̇абхаавз. анаваж̇ж̇асуканд̇и нид̣̇д̣̇осасукам̣.

    Idāni tamatthaṃ upamāya sādhento seyyathāpītiādimāha. Tattha pakkhī sakuṇoti pakkhayutto sakuṇo. Ḍetīti uppatati. Ayaṃ panettha saṅkhepattho – sakuṇā nāma ‘‘asukasmiṃ padese rukkho paripakkaphalo’’ti ñatvā nānādisāhi āgantvā nakhapakkhatuṇḍādīhi tassa phalāni vijjhantā vidhunantā khādanti. ‘‘Idaṃ ajjatanāya idaṃ svātanāya bhavissatī’’ti nesaṃ na hoti. Phale pana khīṇe neva rukkhassa ārakkhaṃ ṭhapenti, na tattha pattaṃ vā nakhaṃ vā tuṇḍaṃ vā ṭhapenti, atha kho tasmiṃ rukkhe anapekkho hutvā yo yaṃ disābhāgaṃ icchati, so tena sapattabhārova – uppatitvā gacchati. Evameva ayaṃ bhikkhu nissaṅgo nirapekkhoyeva pakkamati. Tena vuttaṃ ‘‘samādāyeva pakkamatī’’ti. Ariyenāti niddosena. Ajjhattanti sake attabhāve. Anavajjasukhanti niddosasukhaṃ.

    295. со жагкунаа руубам̣ д̣̇исваад̇и со иминаа ариязна сийлагканд̇хзна саманнааг̇ад̇о бхигку жагкувин̃н̃аан̣зна руубам̣ бассид̇ваад̇и ад̇т̇о. сзсабад̣̇зсу яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з вуд̇д̇ам̣. аб̣яаасзгасуканд̇и гилзсзхи анавасид̇д̇асукам̣, авигин̣н̣асуканд̇иби вуд̇д̇ам̣. инд̣̇рияасам̣варасукан̃хи д̣̇идтаад̣̇ийсу д̣̇идтамад̇д̇аад̣̇ивасзна бавад̇д̇ад̇ааяа авигин̣н̣ам̣ ход̇и. со абхигганд̇з бадигганд̇зд̇и со манажчадтаанам̣ инд̣̇рияаанам̣ сам̣варзна саманнааг̇ад̇о бхигку имзсу абхигганд̇абадигганд̇аад̣̇ийсу сад̇д̇асу таанзсу сад̇исамбаж̇ан̃н̃авасзна самбаж̇аанагаарий ход̇и. д̇ад̇т̇а яам̣ вад̇д̇аб̣б̣ам̣ сияаа, д̇ам̣ сад̇ибадтаанз вуд̇д̇амзва.

    295.So cakkhunā rūpaṃ disvāti so iminā ariyena sīlakkhandhena samannāgato bhikkhu cakkhuviññāṇena rūpaṃ passitvāti attho. Sesapadesu yaṃ vattabbaṃ siyā, taṃ sabbaṃ visuddhimagge vuttaṃ. Abyāsekasukhanti kilesehi anavasittasukhaṃ, avikiṇṇasukhantipi vuttaṃ. Indriyasaṃvarasukhañhi diṭṭhādīsu diṭṭhamattādivasena pavattatāya avikiṇṇaṃ hoti. So abhikkante paṭikkanteti so manacchaṭṭhānaṃ indriyānaṃ saṃvarena samannāgato bhikkhu imesu abhikkantapaṭikkantādīsu sattasu ṭhānesu satisampajaññavasena sampajānakārī hoti. Tattha yaṃ vattabbaṃ siyā, taṃ satipaṭṭhāne vuttameva.

    296. со иминаа жаад̇иаад̣̇инаа гим̣ д̣̇ассзд̇и? аран̃н̃аваасасса бажжаяасамбад̇д̇им̣ д̣̇ассзд̇и. яасса хи имз жад̇д̇ааро бажжаяаа над̇т̇и, д̇асса аран̃н̃аваасо на иж̇жхад̇и, д̇иражчаанаг̇ад̇зхи ваа ванажарагзхи ваа сад̣̇д̇хим̣ вад̇д̇аб̣б̣ад̇ам̣ аабаж̇ж̇ад̇и, аран̃н̃з ад̇хивад̇т̇аа д̣̇звад̇аа, ‘‘гим̣ зваруубасса баабабхигкуно аран̃н̃аваасзнаа’’д̇и бхзравасад̣̇д̣̇ам̣ саавзнд̇и, хад̇т̇зхи сийсам̣ бахарид̇ваа балааяанаагаарам̣ гаронд̇и. ‘‘асуго бхигку аран̃н̃ам̣ бависид̇ваа ид̣̇ан̃жид̣̇ан̃жа баабагаммам̣ агаасий’’д̇и аяасо бад̇т̇арад̇и. яасса банзд̇з жад̇д̇ааро бажжаяаа ад̇т̇и, д̇асса аран̃н̃аваасо иж̇жхад̇и, со хи ад̇д̇ано сийлам̣ бажжавзгканд̇о гин̃жи гаал̣агам̣ ваа д̇илагам̣ ваа абассанд̇о бийд̇им̣ уббаад̣̇зд̇ваа д̇ам̣ каяад̇о ваяад̇о саммасанд̇о арияабхуумим̣ оггамад̇и, аран̃н̃з ад̇хивад̇т̇аа д̣̇звад̇аа ад̇д̇аманаа ван̣н̣ам̣ бхаасанд̇и, ид̇исса уд̣̇агз багкид̇д̇ад̇злаб̣инд̣̇у вияа яасо вид̇т̇аариго ход̇и.

    296.So iminā cātiādinā kiṃ dasseti? Araññavāsassa paccayasampattiṃ dasseti. Yassa hi ime cattāro paccayā natthi, tassa araññavāso na ijjhati, tiracchānagatehi vā vanacarakehi vā saddhiṃ vattabbataṃ āpajjati, araññe adhivatthā devatā, ‘‘kiṃ evarūpassa pāpabhikkhuno araññavāsenā’’ti bheravasaddaṃ sāventi, hatthehi sīsaṃ paharitvā palāyanākāraṃ karonti. ‘‘Asuko bhikkhu araññaṃ pavisitvā idañcidañca pāpakammaṃ akāsī’’ti ayaso pattharati. Yassa panete cattāro paccayā atthi, tassa araññavāso ijjhati, so hi attano sīlaṃ paccavekkhanto kiñci kāḷakaṃ vā tilakaṃ vā apassanto pītiṃ uppādetvā taṃ khayato vayato sammasanto ariyabhūmiṃ okkamati, araññe adhivatthā devatā attamanā vaṇṇaṃ bhāsanti, itissa udake pakkhittatelabindu viya yaso vitthāriko hoti.

    д̇ад̇т̇а вивид̇д̇анд̇и сун̃н̃ам̣ аббасад̣̇д̣̇ам̣, аббаниг̇гхосанд̇и ад̇т̇о. зд̇ад̣̇зва хи санд̇хааяа вибхан̇г̇з, ‘‘вивид̇д̇анд̇и санд̇игз жзби сзнаасанам̣ ход̇и, д̇ан̃жа анаагин̣н̣ам̣ г̇ахадтзхи баб̣б̣аж̇ид̇зхи, д̇зна д̇ам̣ вивид̇д̇а’’нд̇и (вибха. 526) вуд̇д̇ам̣. сзд̇и жзва аасад̇и жа зд̇т̇аад̇и сзнаасанам̣, ман̃жабийтаад̣̇ийнамзд̇ам̣ ад̇хиважанам̣. д̇знааха – ‘‘сзнаасананд̇и ман̃жоби сзнаасанам̣, бийтамби бхисиби б̣имб̣оханамби, вихаароби ад̣дхаяог̇оби, баасаад̣̇оби, хаммияамби, г̇ухааби, аддоби, маал̣оби, лзн̣амби, взл̣уг̇умб̣оби , ругкамууламби, ман̣д̣абоби сзнаасанам̣, яад̇т̇а ваа бана бхигкуу бадиггаманд̇и, саб̣б̣амзд̇ам̣ сзнаасана’’нд̇и. абижа ‘‘вихааро ад̣дхаяог̇о баасаад̣̇о хаммияам̣ г̇ухаа’’д̇и ид̣̇ам̣ вихаарасзнаасанам̣ наама. ‘‘ман̃жо бийтам̣, бхиси б̣имб̣охана’’нд̇и ид̣̇ам̣ ман̃жабийтасзнаасанам̣ наама. ‘‘жимилигаа, жаммакан̣д̣о, д̇ин̣асант̇ааро, бан̣н̣асант̇ааро’’д̇и ид̣̇ам̣ сант̇ад̇асзнаасанам̣ наама. ‘‘яад̇т̇а ваа бана бхигкуу бадиггаманд̇ий’’д̇и ид̣̇ам̣ огаасасзнаасанам̣ наамаад̇и звам̣ жад̇уб̣б̣ид̇хам̣ сзнаасанам̣ ход̇и, д̇ам̣ саб̣б̣амби сзнаасанаг̇г̇ахан̣зна г̇ахид̇амзва. имасса бана сагун̣асад̣̇исасса жаад̇уд̣̇д̣̇исасса бхигкуно анужчавигам̣ д̣̇ассзнд̇о аран̃н̃ам̣ ругкамууланд̇иаад̣̇имааха.

    Tattha vivittanti suññaṃ appasaddaṃ, appanigghosanti attho. Etadeva hi sandhāya vibhaṅge, ‘‘vivittanti santike cepi senāsanaṃ hoti, tañca anākiṇṇaṃ gahaṭṭhehi pabbajitehi, tena taṃ vivitta’’nti (vibha. 526) vuttaṃ. Seti ceva āsati ca etthāti senāsanaṃ, mañcapīṭhādīnametaṃ adhivacanaṃ. Tenāha – ‘‘senāsananti mañcopi senāsanaṃ, pīṭhampi bhisipi bimbohanampi, vihāropi aḍḍhayogopi, pāsādopi, hammiyampi, guhāpi, aṭṭopi, māḷopi, leṇampi, veḷugumbopi , rukkhamūlampi, maṇḍapopi senāsanaṃ, yattha vā pana bhikkhū paṭikkamanti, sabbametaṃ senāsana’’nti. Apica ‘‘vihāro aḍḍhayogo pāsādo hammiyaṃ guhā’’ti idaṃ vihārasenāsanaṃ nāma. ‘‘Mañco pīṭhaṃ, bhisi bimbohana’’nti idaṃ mañcapīṭhasenāsanaṃ nāma. ‘‘Cimilikā, cammakhaṇḍo, tiṇasanthāro, paṇṇasanthāro’’ti idaṃ santhatasenāsanaṃ nāma. ‘‘Yattha vā pana bhikkhū paṭikkamantī’’ti idaṃ okāsasenāsanaṃ nāmāti evaṃ catubbidhaṃ senāsanaṃ hoti, taṃ sabbampi senāsanaggahaṇena gahitameva. Imassa pana sakuṇasadisassa cātuddisassa bhikkhuno anucchavikaṃ dassento araññaṃ rukkhamūlantiādimāha.

    д̇ад̇т̇а аран̃н̃анд̇и ‘‘нигкамид̇ваа б̣ахи инд̣̇акийлаа, саб̣б̣амзд̇ам̣ аран̃н̃а’’нд̇и ид̣̇ам̣ бхигкунийнам̣ васзна ааг̇ад̇ам̣ аран̃н̃ам̣. ‘‘ааран̃н̃агам̣ наама сзнаасанам̣ бан̃жад̇ханусад̇игам̣ бажчима’’нд̇и (баараа. 654) ид̣̇ам̣ бана имасса бхигкуно ануруубам̣, д̇асса лагкан̣ам̣ висуд̣̇д̇химаг̇г̇з д̇худ̇ан̇г̇анид̣̇д̣̇зсз вуд̇д̇ам̣. ругкамууланд̇и яам̣гин̃жи санд̣̇ажчааяам̣ вивид̇д̇ам̣ рагкамуулам̣. баб̣б̣ад̇анд̇и сзлам̣. д̇ад̇т̇а хи уд̣̇агасон̣д̣ийсу уд̣̇агагижжам̣ гад̇ваа сийд̇ааяа ругкажчааяааяа нисиннасса наанаад̣̇исаасу кааяамаанаасу сийд̇зна ваад̇зна вийж̇ияамаанасса жид̇д̇ам̣ згаг̇г̇ам̣ ход̇и. ганд̣̇аранд̇и гам̣ вужжад̇и уд̣̇агам̣, д̇зна д̣̇аарид̇ам̣, уд̣̇агзна бхиннам̣ баб̣б̣ад̇аббад̣̇зсам̣, яам̣ над̣̇ийд̇умб̣анд̇иби над̣̇ийгун̃ж̇анд̇иби вад̣̇анд̇и. д̇ад̇т̇а хи раж̇ад̇абаддасад̣̇исаа ваалигаа хонд̇и, мад̇т̇агз ман̣ивид̇аанам̣ вияа ванаг̇аханам̣, ман̣игканд̇хасад̣̇исам̣ уд̣̇агам̣ санд̣̇ад̇и. зваруубам̣ ганд̣̇арам̣ оруяха баанийяам̣ бивид̇ваа г̇ад̇д̇аани сийд̇аани гад̇ваа ваалигам̣ уссаабзд̇ваа бам̣сугуулажийварам̣ бан̃н̃аабзд̇ваа нисиннасса саман̣ад̇хаммам̣ гарод̇о жид̇д̇ам̣ згаг̇г̇ам̣ ход̇и. г̇ириг̇уханд̇и д̣̇виннам̣ баб̣б̣ад̇аанам̣ анд̇араа, згасмим̣язва ваа уман̇г̇асад̣̇исам̣ махаавиварам̣. сусааналагкан̣ам̣ висуд̣̇д̇химаг̇г̇з вуд̇д̇ам̣. ванабад̇т̇анд̇и ад̇иггамид̇ваа мануссаанам̣ убажаарадтаанам̣, яад̇т̇а на гасанд̇и на вабанд̇и. д̇знзвааха – ‘‘ванабад̇т̇анд̇и д̣̇уураанамзд̇ам̣ сзнаасанаанам̣ ад̇хиважана’’нд̇иаад̣̇и (вибха. 531). аб̣бхогаасанд̇и ажчаннам̣, ааган̇камаано банзд̇т̇а жийварагудим̣ гад̇ваа васад̇и. балаалабун̃ж̇анд̇и балаалараасим̣ . махаабалаалабун̃ж̇ад̇о хи балаалам̣ ниггад̣дхид̇ваа баб̣бхааралзн̣асад̣̇исз аалаяз гаронд̇и, г̇ажчаг̇умб̣аад̣̇ийнамби убари балаалам̣ багкибид̇ваа хздтаа нисиннаа саман̣ад̇хаммам̣ гаронд̇и, д̇ам̣ санд̇хааязд̇ам̣ вуд̇д̇ам̣.

    Tattha araññanti ‘‘nikkhamitvā bahi indakhīlā, sabbametaṃ arañña’’nti idaṃ bhikkhunīnaṃ vasena āgataṃ araññaṃ. ‘‘Āraññakaṃ nāma senāsanaṃ pañcadhanusatikaṃ pacchima’’nti (pārā. 654) idaṃ pana imassa bhikkhuno anurūpaṃ, tassa lakkhaṇaṃ visuddhimagge dhutaṅganiddese vuttaṃ. Rukkhamūlanti yaṃkiñci sandacchāyaṃ vivittaṃ rakkhamūlaṃ. Pabbatanti selaṃ. Tattha hi udakasoṇḍīsu udakakiccaṃ katvā sītāya rukkhacchāyāya nisinnassa nānādisāsu khāyamānāsu sītena vātena vījiyamānassa cittaṃ ekaggaṃ hoti. Kandaranti kaṃ vuccati udakaṃ, tena dāritaṃ, udakena bhinnaṃ pabbatappadesaṃ, yaṃ nadītumbantipi nadīkuñjantipi vadanti. Tattha hi rajatapaṭṭasadisā vālikā honti, matthake maṇivitānaṃ viya vanagahanaṃ, maṇikkhandhasadisaṃ udakaṃ sandati. Evarūpaṃ kandaraṃ oruyha pānīyaṃ pivitvā gattāni sītāni katvā vālikaṃ ussāpetvā paṃsukūlacīvaraṃ paññāpetvā nisinnassa samaṇadhammaṃ karoto cittaṃ ekaggaṃ hoti. Giriguhanti dvinnaṃ pabbatānaṃ antarā, ekasmiṃyeva vā umaṅgasadisaṃ mahāvivaraṃ. Susānalakkhaṇaṃ visuddhimagge vuttaṃ. Vanapatthanti atikkamitvā manussānaṃ upacāraṭṭhānaṃ, yattha na kasanti na vapanti. Tenevāha – ‘‘vanapatthanti dūrānametaṃ senāsanānaṃ adhivacana’’ntiādi (vibha. 531). Abbhokāsanti acchannaṃ, ākaṅkhamāno panettha cīvarakuṭiṃ katvā vasati. Palālapuñjanti palālarāsiṃ . Mahāpalālapuñjato hi palālaṃ nikkaḍḍhitvā pabbhāraleṇasadise ālaye karonti, gacchagumbādīnampi upari palālaṃ pakkhipitvā heṭṭhā nisinnā samaṇadhammaṃ karonti, taṃ sandhāyetaṃ vuttaṃ.

    бажчаабхад̇д̇анд̇и бхад̇д̇асса бажчад̇о. бин̣д̣абаад̇абадигганд̇од̇и бин̣д̣абаад̇абариязсанад̇о бадигганд̇о. баллан̇ганд̇и саманд̇ад̇о ууруб̣ад̣̇д̇хаасанам̣. аабхуж̇ид̇ваад̇и б̣анд̇хид̇ваа. уж̇ум̣ гааяам̣ бан̣ид̇хааяаад̇и убаримам̣ сарийрам̣ уж̇угам̣ табзд̇ваа адтаараса бидтиган̣дагз годияаа годим̣ бадибаад̣̇зд̇ваа. зван̃хи нисиннасса жаммамам̣санахаарууни на бан̣аманд̇и. ат̇асса яаа д̇зсам̣ бан̣аманабажжаяаа кан̣з кан̣з взд̣̇анаа уббаж̇ж̇зяяум̣, д̇аа на уббаж̇ж̇анд̇и. д̇аасу ануббаж̇ж̇амаанаасу жид̇д̇ам̣ згаг̇г̇ам̣ ход̇и, гаммадтаанам̣ на барибад̇ад̇и, вуд̣̇д̇хим̣ паад̇им̣ убаг̇ажчад̇и. баримукам̣ сад̇им̣ убадтабзд̇ваад̇и гаммадтаанаабхимукам̣ сад̇им̣ табаяид̇ваа, мукасамийбз ваа гад̇ваад̇и ад̇т̇о. д̇знзва вибхан̇г̇з вуд̇д̇ам̣ – ‘‘аяам̣ сад̇и убадтид̇аа ход̇и суубадтид̇аа наасигаг̇г̇з ваа муканимид̇д̇з ваа, д̇зна вужжад̇и баримукам̣ сад̇им̣ убадтабзд̇ваа’’д̇и (вибха. 537). ат̇а ваа ‘‘барийд̇и бариг̇г̇ахадто, муканд̇и нияяаанад̇т̇о, сад̇ийд̇и убадтаанад̇т̇о, д̇зна вужжад̇и баримукам̣ сад̇и’’нд̇и (бади. ма. 1.164) звам̣ бадисамбхид̣̇ааяам̣ вуд̇д̇анаязнабзд̇т̇а ад̇т̇о д̣̇адтаб̣б̣о. д̇ад̇рааяам̣ сан̇кзбо ‘‘бариг̇г̇ахид̇анияяаанасад̇им̣ гад̇ваа’’д̇и.

    Pacchābhattanti bhattassa pacchato. Piṇḍapātapaṭikkantoti piṇḍapātapariyesanato paṭikkanto. Pallaṅkanti samantato ūrubaddhāsanaṃ. Ābhujitvāti bandhitvā. Ujuṃ kāyaṃ paṇidhāyāti uparimaṃ sarīraṃ ujukaṃ ṭhapetvā aṭṭhārasa piṭṭhikaṇṭake koṭiyā koṭiṃ paṭipādetvā. Evañhi nisinnassa cammamaṃsanahārūni na paṇamanti. Athassa yā tesaṃ paṇamanapaccayā khaṇe khaṇe vedanā uppajjeyyuṃ, tā na uppajjanti. Tāsu anuppajjamānāsu cittaṃ ekaggaṃ hoti, kammaṭṭhānaṃ na paripatati, vuddhiṃ phātiṃ upagacchati. Parimukhaṃ satiṃ upaṭṭhapetvāti kammaṭṭhānābhimukhaṃ satiṃ ṭhapayitvā, mukhasamīpe vā katvāti attho. Teneva vibhaṅge vuttaṃ – ‘‘ayaṃ sati upaṭṭhitā hoti sūpaṭṭhitā nāsikagge vā mukhanimitte vā, tena vuccati parimukhaṃ satiṃ upaṭṭhapetvā’’ti (vibha. 537). Atha vā ‘‘parīti pariggahaṭṭho, mukhanti niyyānattho, satīti upaṭṭhānattho, tena vuccati parimukhaṃ sati’’nti (paṭi. ma. 1.164) evaṃ paṭisambhidāyaṃ vuttanayenapettha attho daṭṭhabbo. Tatrāyaṃ saṅkhepo ‘‘pariggahitaniyyānasatiṃ katvā’’ti.

    абхиж̇жхам̣ логзд̇и зд̇т̇а луж̇ж̇анабалуж̇ж̇анадтзна бан̃жубаад̣̇аанагканд̇хаа лого, д̇асмаа бан̃жасу убаад̣̇аанагканд̇хзсу рааг̇ам̣ бахааяа гаамажчанд̣̇ам̣ вигкамбхзд̇ваад̇и аяамзд̇т̇а ад̇т̇о. виг̇ад̇аабхиж̇жхзнаад̇и вигкамбханавасзна бахийнад̇д̇аа виг̇ад̇аабхиж̇жхзна, на жагкувин̃н̃аан̣асад̣̇исзнаад̇и ад̇т̇о. абхиж̇жхааяа жид̇д̇ам̣ барисод̇хзд̇ийд̇и абхиж̇жхаад̇о жид̇д̇ам̣ бариможзд̇и. яат̇аа нам̣ саа мун̃жад̇и жзва, мун̃жид̇ваа жа на буна г̇ан̣хаад̇и, звам̣ гарод̇ийд̇и ад̇т̇о. б̣яаабаад̣̇абад̣̇осам̣ бахааяаад̇иаад̣̇ийсуби зсзва наяо. б̣яаабаж̇ж̇ад̇и иминаа жид̇д̇ам̣ бууд̇игаммаасаад̣̇аяо вияа буримабагад̇им̣ баж̇ахад̇ийд̇и б̣яаабаад̣̇о. вигаараабад̇д̇ияаа бад̣̇уссад̇и, барам̣ ваа бад̣̇уусзд̇и винаасзд̇ийд̇и бад̣̇осо. убхаяамзд̇ам̣ год̇хассзваад̇хиважанам̣. т̇инам̣ жид̇д̇аг̇злан̃н̃ам̣. мид̣̇д̇хам̣ жзд̇асигаг̇злан̃н̃ам̣. т̇инан̃жа мид̣̇д̇хан̃жа т̇инамид̣̇д̇хам̣. аалогасан̃н̃ийд̇и рад̇д̇имби д̣̇иваа д̣̇идтааалогасан̃ж̇аананасамад̇т̇ад̇ааяа виг̇ад̇анийваран̣ааяа барисуд̣̇д̇хааяа сан̃н̃ааяа саманнааг̇ад̇о. сад̇о самбаж̇аанод̇и сад̇ияаа жа н̃аан̣зна жа саманнааг̇ад̇о. ид̣̇ам̣ убхаяам̣ аалогасан̃н̃ааяа убагаарад̇д̇аа вуд̇д̇ам̣. уд̣̇д̇хажжан̃жа гуггужжан̃жа уд̣̇д̇хажжагуггужжам̣. д̇ин̣н̣авижигижчод̇и вижигижчам̣ д̇арид̇ваа ад̇иггамид̇ваа тид̇о. ‘‘гат̇амид̣̇ам̣ гат̇амид̣̇а’’нд̇и звам̣ наббавад̇д̇ад̇ийд̇и агат̇ам̣гат̇ий. гусалзсу д̇хаммзсууд̇и анаваж̇ж̇зсу д̇хаммзсу. ‘‘имз ну ко гусалаа, гат̇амимз гусалаа’’д̇и звам̣ на вижигижчад̇и на ган̇кад̇ийд̇и ад̇т̇о. аяамзд̇т̇а сан̇кзбо, имзсу бана нийваран̣зсу важанад̇т̇алагкан̣аад̣̇ибхзд̣̇ад̇о яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з вуд̇д̇ам̣.

    Abhijjhaṃ loketi ettha lujjanapalujjanaṭṭhena pañcupādānakkhandhā loko, tasmā pañcasu upādānakkhandhesu rāgaṃ pahāya kāmacchandaṃ vikkhambhetvāti ayamettha attho. Vigatābhijjhenāti vikkhambhanavasena pahīnattā vigatābhijjhena, na cakkhuviññāṇasadisenāti attho. Abhijjhāya cittaṃ parisodhetīti abhijjhāto cittaṃ parimoceti. Yathā naṃ sā muñcati ceva, muñcitvā ca na puna gaṇhāti, evaṃ karotīti attho. Byāpādapadosaṃ pahāyātiādīsupi eseva nayo. Byāpajjati iminā cittaṃ pūtikammāsādayo viya purimapakatiṃ pajahatīti byāpādo. Vikārāpattiyā padussati, paraṃ vā padūseti vināsetīti padoso. Ubhayametaṃ kodhassevādhivacanaṃ. Thinaṃ cittagelaññaṃ. Middhaṃ cetasikagelaññaṃ. Thinañca middhañca thinamiddhaṃ. Ālokasaññīti rattimpi divā diṭṭhaālokasañjānanasamatthatāya vigatanīvaraṇāya parisuddhāya saññāya samannāgato. Sato sampajānoti satiyā ca ñāṇena ca samannāgato. Idaṃ ubhayaṃ ālokasaññāya upakārattā vuttaṃ. Uddhaccañca kukkuccañca uddhaccakukkuccaṃ. Tiṇṇavicikicchoti vicikicchaṃ taritvā atikkamitvā ṭhito. ‘‘Kathamidaṃ kathamida’’nti evaṃ nappavattatīti akathaṃkathī. Kusalesu dhammesūti anavajjesu dhammesu. ‘‘Ime nu kho kusalā, kathamime kusalā’’ti evaṃ na vicikicchati na kaṅkhatīti attho. Ayamettha saṅkhepo, imesu pana nīvaraṇesu vacanatthalakkhaṇādibhedato yaṃ vattabbaṃ siyā, taṃ sabbaṃ visuddhimagge vuttaṃ.

    297. бан̃н̃ааяа д̣̇уб̣б̣алийгаран̣зд̇и имз бан̃жа нийваран̣аа уббаж̇ж̇амаанаа ануббаннааяа логияалогуд̇д̇арааяа бан̃н̃ааяа уббаж̇ж̇ид̇ум̣ на д̣̇знд̇и, уббаннаа аби адта самаабад̇д̇ияо бан̃жа ваа абхин̃н̃аа ужчинд̣̇ид̇ваа баад̇знд̇и; д̇асмаа ‘‘бан̃н̃ааяа д̣̇уб̣б̣алийгаран̣аа’’д̇и вужжанд̇и. д̇ат̇ааг̇ад̇абад̣̇ам̣ ид̇ибийд̇и ид̣̇амби д̇ат̇ааг̇ад̇асса н̃аан̣абад̣̇ам̣ н̃аан̣авал̣ан̃ж̇ам̣ н̃аан̣зна агганд̇адтаананд̇и вужжад̇и. д̇ат̇ааг̇ад̇анисзвид̇анд̇и д̇ат̇ааг̇ад̇асса н̃аан̣апаасугааяа нигхам̣сид̇адтаанам̣. д̇ат̇ааг̇ад̇ааран̃ж̇ид̇анд̇и д̇ат̇ааг̇ад̇асса н̃аан̣ад̣̇аатааяа ааран̃ж̇ид̇адтаанам̣.

    297.Paññāya dubbalīkaraṇeti ime pañca nīvaraṇā uppajjamānā anuppannāya lokiyalokuttarāya paññāya uppajjituṃ na denti, uppannā api aṭṭha samāpattiyo pañca vā abhiññā ucchinditvā pātenti; tasmā ‘‘paññāya dubbalīkaraṇā’’ti vuccanti. Tathāgatapadaṃ itipīti idampi tathāgatassa ñāṇapadaṃ ñāṇavaḷañjaṃ ñāṇena akkantaṭṭhānanti vuccati. Tathāgatanisevitanti tathāgatassa ñāṇaphāsukāya nighaṃsitaṭṭhānaṃ. Tathāgatārañjitanti tathāgatassa ñāṇadāṭhāya ārañjitaṭṭhānaṃ.

    299. яат̇аабхууд̇ам̣ баж̇аанаад̇ийд̇и яат̇аасабхаавам̣ баж̇аанаад̇и. над̇взва д̇аава арияасааваго нидтам̣ г̇ад̇о ход̇ийд̇и имаа жхаанаабхин̃н̃аа б̣аахирагзхиби саад̇хааран̣аад̇и на д̇аава нидтам̣ г̇ад̇о ход̇и. маг̇г̇агкан̣зби абарияосид̇агижжад̇ааяа на д̇аава нидтам̣ г̇ад̇о ход̇и. абижа ко нидтам̣ г̇ажчад̇ийд̇и абижа ко бана маг̇г̇агкан̣з махаахад̇т̇им̣ бассанд̇о нааг̇аваниго вияа саммаасамб̣уд̣̇д̇хо бхаг̇аваад̇и иминаа аагаарзна д̇ийсу рад̇анзсу нидтам̣ г̇ажчад̇и. нидтам̣ г̇ад̇о ход̇ийд̇и звам̣ маг̇г̇агкан̣з нидтам̣ г̇ажчанд̇о арахад̇д̇апалагкан̣з барияосид̇асаб̣б̣агижжад̇ааяа саб̣б̣аагаарзна д̇ийсу рад̇анзсу нидтам̣ г̇ад̇о ход̇и. сзсам̣ уд̇д̇аанад̇т̇амзваад̇и.

    299.Yathābhūtaṃ pajānātīti yathāsabhāvaṃ pajānāti. Natveva tāva ariyasāvako niṭṭhaṃ gato hotīti imā jhānābhiññā bāhirakehipi sādhāraṇāti na tāva niṭṭhaṃ gato hoti. Maggakkhaṇepi apariyositakiccatāya na tāva niṭṭhaṃ gato hoti. Apica kho niṭṭhaṃ gacchatīti apica kho pana maggakkhaṇe mahāhatthiṃ passanto nāgavaniko viya sammāsambuddho bhagavāti iminā ākārena tīsu ratanesu niṭṭhaṃ gacchati. Niṭṭhaṃ gato hotīti evaṃ maggakkhaṇe niṭṭhaṃ gacchanto arahattaphalakkhaṇe pariyositasabbakiccatāya sabbākārena tīsu ratanesu niṭṭhaṃ gato hoti. Sesaṃ uttānatthamevāti.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    жуул̣ахад̇т̇ибад̣̇обамасуд̇д̇аван̣н̣анаа нидтид̇аа.

    Cūḷahatthipadopamasuttavaṇṇanā niṭṭhitā.




    Next: 8. махаахад̇т̇ибад̣̇обамасуд̇д̇аван̣н̣анаа • 8. Mahāhatthipadopamasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. жуул̣ахад̇т̇ибад̣̇обамасуд̇д̇ам̣ • 7. Cūḷahatthipadopamasuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. жуул̣ахад̇т̇ибад̣̇обамасуд̇д̇аван̣н̣анаа • 7. Cūḷahatthipadopamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact