| Library / Tipiṭaka / तिपिटक • Tipiṭaka / जातक-अट्ठकथा • Jātaka-aṭṭhakathā |
[५२] २. चूळजनकजातकवण्णना
[52] 2. Cūḷajanakajātakavaṇṇanā
वायमेथेव पुरिसोति इदं सत्था जेतवने विहरन्तो ओस्सट्ठवीरियमेवारब्भ कथेसि। तत्थ यं वत्तब्बं, तं सब्बं महाजनकजातके (जा॰ २.२२.१२३ आदयो) आवि भविस्सति। जनकराजा पन सेतच्छत्तस्स हेट्ठा निसिन्नो इमं गाथमाह –
Vāyametheva purisoti idaṃ satthā jetavane viharanto ossaṭṭhavīriyamevārabbha kathesi. Tattha yaṃ vattabbaṃ, taṃ sabbaṃ mahājanakajātake (jā. 2.22.123 ādayo) āvi bhavissati. Janakarājā pana setacchattassa heṭṭhā nisinno imaṃ gāthamāha –
५२.
52.
‘‘वायमेथेव पुरिसो, न निब्बिन्देय्य पण्डितो।
‘‘Vāyametheva puriso, na nibbindeyya paṇḍito;
पस्सामि वोहं अत्तानं, उदका थलमुब्भत’’न्ति॥
Passāmi vohaṃ attānaṃ, udakā thalamubbhata’’nti.
तत्थ वायमेथेवाति वायामं करोथेव। उदका थलमुब्भतन्ति उदकतो थलमुत्तिण्णं थले पतिट्ठितं अत्तानं पस्सामीति। इधापि ओस्सट्ठवीरियो भिक्खु अरहत्तं पत्तो, जनकराजा सम्मासम्बुद्धोव अहोसीति।
Tattha vāyamethevāti vāyāmaṃ karotheva. Udakā thalamubbhatanti udakato thalamuttiṇṇaṃ thale patiṭṭhitaṃ attānaṃ passāmīti. Idhāpi ossaṭṭhavīriyo bhikkhu arahattaṃ patto, janakarājā sammāsambuddhova ahosīti.
चूळजनकजातकवण्णना दुतिया।
Cūḷajanakajātakavaṇṇanā dutiyā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / खुद्दकनिकाय • Khuddakanikāya / जातकपाळि • Jātakapāḷi / ५२. चूळजनकजातकं • 52. Cūḷajanakajātakaṃ
