| Library / Tipiṭaka / តិបិដក • Tipiṭaka / ជាតក-អដ្ឋកថា • Jātaka-aṭṭhakathā |
[៥២] ២. ចូឡជនកជាតកវណ្ណនា
[52] 2. Cūḷajanakajātakavaṇṇanā
វាយមេថេវ បុរិសោតិ ឥទំ សត្ថា ជេតវនេ វិហរន្តោ ឱស្សដ្ឋវីរិយមេវារព្ភ កថេសិ។ តត្ថ យំ វត្តព្ពំ, តំ សព្ពំ មហាជនកជាតកេ (ជា. ២.២២.១២៣ អាទយោ) អាវិ ភវិស្សតិ។ ជនករាជា បន សេតច្ឆត្តស្ស ហេដ្ឋា និសិន្នោ ឥមំ គាថមាហ –
Vāyametheva purisoti idaṃ satthā jetavane viharanto ossaṭṭhavīriyamevārabbha kathesi. Tattha yaṃ vattabbaṃ, taṃ sabbaṃ mahājanakajātake (jā. 2.22.123 ādayo) āvi bhavissati. Janakarājā pana setacchattassa heṭṭhā nisinno imaṃ gāthamāha –
៥២.
52.
‘‘វាយមេថេវ បុរិសោ, ន និព្ពិន្ទេយ្យ បណ្ឌិតោ;
‘‘Vāyametheva puriso, na nibbindeyya paṇḍito;
បស្សាមិ វោហំ អត្តានំ, ឧទកា ថលមុព្ភត’’ន្តិ។
Passāmi vohaṃ attānaṃ, udakā thalamubbhata’’nti.
តត្ថ វាយមេថេវាតិ វាយាមំ ករោថេវ។ ឧទកា ថលមុព្ភតន្តិ ឧទកតោ ថលមុត្តិណ្ណំ ថលេ បតិដ្ឋិតំ អត្តានំ បស្សាមីតិ។ ឥធាបិ ឱស្សដ្ឋវីរិយោ ភិក្ខុ អរហត្តំ បត្តោ, ជនករាជា សម្មាសម្ពុទ្ធោវ អហោសីតិ។
Tattha vāyamethevāti vāyāmaṃ karotheva. Udakā thalamubbhatanti udakato thalamuttiṇṇaṃ thale patiṭṭhitaṃ attānaṃ passāmīti. Idhāpi ossaṭṭhavīriyo bhikkhu arahattaṃ patto, janakarājā sammāsambuddhova ahosīti.
ចូឡជនកជាតកវណ្ណនា ទុតិយា។
Cūḷajanakajātakavaṇṇanā dutiyā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / ខុទ្ទកនិកាយ • Khuddakanikāya / ជាតកបាឡិ • Jātakapāḷi / ៥២. ចូឡជនកជាតកំ • 52. Cūḷajanakajātakaṃ
