| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
289. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз, анаат̇абин̣д̣игасса аараамз. ат̇а ко субхо маан̣аво д̇од̣̇зяяабуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко субхо маан̣аво д̇од̣̇зяяабуд̇д̇о бхаг̇аванд̇ам̣ зд̇ад̣̇авожа –
289. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane, anāthapiṇḍikassa ārāme. Atha kho subho māṇavo todeyyaputto yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho subho māṇavo todeyyaputto bhagavantaṃ etadavoca –
‘‘го ну ко, бхо г̇од̇ама, хзд̇у го бажжаяо язна мануссаанам̣язва сад̇ам̣ мануссабхууд̇аанам̣ д̣̇иссанд̇и хийнаббан̣ийд̇ад̇аа? д̣̇иссанд̇и хи, бхо г̇од̇ама, мануссаа аббааяугаа, д̣̇иссанд̇и д̣̇ийгхааяугаа; д̣̇иссанд̇и б̣авхааб̣аад̇хаа 3, д̣̇иссанд̇и аббааб̣аад̇хаа; д̣̇иссанд̇и д̣̇уб̣б̣ан̣н̣аа, д̣̇иссанд̇и ван̣н̣аванд̇о; д̣̇иссанд̇и аббзсагкаа, д̣̇иссанд̇и махзсагкаа; д̣̇иссанд̇и аббабхог̇аа, д̣̇иссанд̇и махаабхог̇аа; д̣̇иссанд̇и нийжагулийнаа, д̣̇иссанд̇и ужжаагулийнаа; д̣̇иссанд̇и д̣̇уббан̃н̃аа, д̣̇иссанд̇и бан̃н̃аванд̇о 4 . го ну ко, бхо г̇од̇ама, хзд̇у го бажжаяо язна мануссаанам̣язва сад̇ам̣ мануссабхууд̇аанам̣ д̣̇иссанд̇и хийнаббан̣ийд̇ад̇аа’’д̇и?
‘‘Ko nu kho, bho gotama, hetu ko paccayo yena manussānaṃyeva sataṃ manussabhūtānaṃ dissanti hīnappaṇītatā? Dissanti hi, bho gotama, manussā appāyukā, dissanti dīghāyukā; dissanti bavhābādhā 5, dissanti appābādhā; dissanti dubbaṇṇā, dissanti vaṇṇavanto; dissanti appesakkhā, dissanti mahesakkhā; dissanti appabhogā, dissanti mahābhogā; dissanti nīcakulīnā, dissanti uccākulīnā; dissanti duppaññā, dissanti paññavanto 6. Ko nu kho, bho gotama, hetu ko paccayo yena manussānaṃyeva sataṃ manussabhūtānaṃ dissanti hīnappaṇītatā’’ti?
‘‘гаммассагаа , маан̣ава, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу 7 гаммаббадисаран̣аа. гаммам̣ сад̇д̇з вибхаж̇ад̇и яад̣̇ид̣̇ам̣ – хийнаббан̣ийд̇ад̇ааяаад̇и. на ко ахам̣ имасса бход̇о г̇од̇амасса сам̣кид̇д̇зна бхаасид̇асса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ ааж̇аанаами. саад̇ху мз бхавам̣ г̇од̇амо д̇ат̇аа д̇хаммам̣ д̣̇зсзд̇у яат̇аа ахам̣ имасса бход̇о г̇од̇амасса сам̣кид̇д̇зна бхаасид̇асса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ ааж̇аанзяяа’’нд̇и.
‘‘Kammassakā , māṇava, sattā kammadāyādā kammayonī kammabandhū 8 kammappaṭisaraṇā. Kammaṃ satte vibhajati yadidaṃ – hīnappaṇītatāyāti. Na kho ahaṃ imassa bhoto gotamassa saṃkhittena bhāsitassa vitthārena atthaṃ avibhattassa vitthārena atthaṃ ājānāmi. Sādhu me bhavaṃ gotamo tathā dhammaṃ desetu yathā ahaṃ imassa bhoto gotamassa saṃkhittena bhāsitassa vitthārena atthaṃ avibhattassa vitthārena atthaṃ ājāneyya’’nti.
290. ‘‘д̇зна хи, маан̣ава, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бхо’’д̇и ко субхо маан̣аво д̇од̣̇зяяабуд̇д̇о бхаг̇авад̇о бажжассоси. бхаг̇аваа зд̇ад̣̇авожа –
290. ‘‘Tena hi, māṇava, suṇāhi, sādhukaṃ manasi karohi; bhāsissāmī’’ti. ‘‘Evaṃ, bho’’ti kho subho māṇavo todeyyaputto bhagavato paccassosi. Bhagavā etadavoca –
‘‘ид̇ха, маан̣ава, згажжо ид̇т̇ий ваа бурисо ваа баан̣аад̇ибаад̇ий ход̇и луд̣̇д̣̇о лохид̇абаан̣и хад̇абахад̇з нивидто ад̣̇аяаабанно баан̣абхууд̇зсу 9. со д̇зна гаммзна звам̣ самад̇д̇зна звам̣ самаад̣̇иннзна 10 гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и аббааяуго ход̇и. аббааяугасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – баан̣аад̇ибаад̇ий ход̇и луд̣̇д̣̇о лохид̇абаан̣и хад̇абахад̇з нивидто ад̣̇аяаабанно баан̣абхууд̇зсу.
‘‘Idha, māṇava, ekacco itthī vā puriso vā pāṇātipātī hoti luddo lohitapāṇi hatapahate niviṭṭho adayāpanno pāṇabhūtesu 11. So tena kammena evaṃ samattena evaṃ samādinnena 12 kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati appāyuko hoti. Appāyukasaṃvattanikā esā, māṇava, paṭipadā yadidaṃ – pāṇātipātī hoti luddo lohitapāṇi hatapahate niviṭṭho adayāpanno pāṇabhūtesu.
‘‘ид̇ха бана, маан̣ава, згажжо ид̇т̇ий ваа бурисо ваа баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и д̣̇ийгхааяуго ход̇и. д̣̇ийгхааяугасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и.
‘‘Idha pana, māṇava, ekacco itthī vā puriso vā pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati dīghāyuko hoti. Dīghāyukasaṃvattanikā esā, māṇava, paṭipadā yadidaṃ – pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati.
291. ‘‘ид̇ха , маан̣ава, згажжо ид̇т̇ий ваа бурисо ваа сад̇д̇аанам̣ вихзтагаж̇аад̇иго ход̇и, баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и б̣авхааб̣аад̇хо ход̇и. б̣авхааб̣аад̇хасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – сад̇д̇аанам̣ вихзтагаж̇аад̇иго ход̇и баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа.
291. ‘‘Idha , māṇava, ekacco itthī vā puriso vā sattānaṃ viheṭhakajātiko hoti, pāṇinā vā leḍḍunā vā daṇḍena vā satthena vā. So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati bavhābādho hoti. Bavhābādhasaṃvattanikā esā, māṇava, paṭipadā yadidaṃ – sattānaṃ viheṭhakajātiko hoti pāṇinā vā leḍḍunā vā daṇḍena vā satthena vā.
‘‘ид̇ха бана, маан̣ава, згажжо ид̇т̇ий ваа бурисо ваа сад̇д̇аанам̣ авихзтагаж̇аад̇иго ход̇и баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и аббааб̣аад̇хо ход̇и. аббааб̣аад̇хасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – сад̇д̇аанам̣ авихзтагаж̇аад̇иго ход̇и баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа.
‘‘Idha pana, māṇava, ekacco itthī vā puriso vā sattānaṃ aviheṭhakajātiko hoti pāṇinā vā leḍḍunā vā daṇḍena vā satthena vā. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati appābādho hoti. Appābādhasaṃvattanikā esā, māṇava, paṭipadā yadidaṃ – sattānaṃ aviheṭhakajātiko hoti pāṇinā vā leḍḍunā vā daṇḍena vā satthena vā.
292. ‘‘ид̇ха, маан̣ава, згажжо ид̇т̇ий ваа бурисо ваа год̇хано ход̇и убааяаасаб̣ахуло. аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇идтийяад̇и гобан̃жа д̣̇осан̃жа аббажжаяан̃жа баад̇угарод̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и д̣̇уб̣б̣ан̣н̣о ход̇и. д̣̇уб̣б̣ан̣н̣асам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – год̇хано ход̇и убааяаасаб̣ахуло; аббамби вуд̇д̇о самаано абхисаж̇ж̇ад̇и губбад̇и б̣яаабаж̇ж̇ад̇и бад̇идтийяад̇и гобан̃жа д̣̇осан̃жа аббажжаяан̃жа баад̇угарод̇и.
292. ‘‘Idha, māṇava, ekacco itthī vā puriso vā kodhano hoti upāyāsabahulo. Appampi vutto samāno abhisajjati kuppati byāpajjati patiṭṭhīyati kopañca dosañca appaccayañca pātukaroti. So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati dubbaṇṇo hoti. Dubbaṇṇasaṃvattanikā esā, māṇava, paṭipadā yadidaṃ – kodhano hoti upāyāsabahulo; appampi vutto samāno abhisajjati kuppati byāpajjati patiṭṭhīyati kopañca dosañca appaccayañca pātukaroti.
‘‘ид̇ха бана, маан̣ава, згажжо ид̇т̇ий ваа бурисо ваа аггод̇хано ход̇и анубааяаасаб̣ахуло; б̣ахумби вуд̇д̇о самаано наабхисаж̇ж̇ад̇и на губбад̇и на б̣яаабаж̇ж̇ад̇и на бад̇идтийяад̇и на гобан̃жа д̣̇осан̃жа аббажжаяан̃жа баад̇угарод̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и баасаад̣̇иго ход̇и. баасаад̣̇игасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – аггод̇хано ход̇и анубааяаасаб̣ахуло; б̣ахумби вуд̇д̇о самаано наабхисаж̇ж̇ад̇и на губбад̇и на б̣яаабаж̇ж̇ад̇и на бад̇идтийяад̇и на гобан̃жа д̣̇осан̃жа аббажжаяан̃жа баад̇угарод̇и.
‘‘Idha pana, māṇava, ekacco itthī vā puriso vā akkodhano hoti anupāyāsabahulo; bahumpi vutto samāno nābhisajjati na kuppati na byāpajjati na patiṭṭhīyati na kopañca dosañca appaccayañca pātukaroti. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati pāsādiko hoti. Pāsādikasaṃvattanikā esā, māṇava, paṭipadā yadidaṃ – akkodhano hoti anupāyāsabahulo; bahumpi vutto samāno nābhisajjati na kuppati na byāpajjati na patiṭṭhīyati na kopañca dosañca appaccayañca pātukaroti.
293. ‘‘ид̇ха, маан̣ава, згажжо ид̇т̇ий ваа бурисо ваа иссааманаго ход̇и; баралаабхасаггаараг̇аругаарамаананаванд̣̇анабууж̇анаасу иссад̇и убад̣̇уссад̇и иссам̣ б̣анд̇хад̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и аббзсагко ход̇и. аббзсагкасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – иссааманаго ход̇и; баралаабхасаггаараг̇аругаарамаананаванд̣̇анабууж̇анаасу иссад̇и убад̣̇уссад̇и иссам̣ б̣анд̇хад̇и.
293. ‘‘Idha, māṇava, ekacco itthī vā puriso vā issāmanako hoti; paralābhasakkāragarukāramānanavandanapūjanāsu issati upadussati issaṃ bandhati. So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati appesakkho hoti. Appesakkhasaṃvattanikā esā, māṇava, paṭipadā yadidaṃ – issāmanako hoti; paralābhasakkāragarukāramānanavandanapūjanāsu issati upadussati issaṃ bandhati.
‘‘ид̇ха бана, маан̣ава, згажжо ид̇т̇ий ваа бурисо ваа аниссааманаго ход̇и; баралаабхасаггаараг̇аругаарамаананаванд̣̇анабууж̇анаасу на иссад̇и на убад̣̇уссад̇и на иссам̣ б̣анд̇хад̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и махзсагко ход̇и. махзсагкасам̣вад̇д̇анигаа зсаа, маан̣ава , бадибад̣̇аа яад̣̇ид̣̇ам̣ – аниссааманаго ход̇и; баралаабхасаггаараг̇аругаарамаананаванд̣̇анабууж̇анаасу на иссад̇и на убад̣̇уссад̇и на иссам̣ б̣анд̇хад̇и.
‘‘Idha pana, māṇava, ekacco itthī vā puriso vā anissāmanako hoti; paralābhasakkāragarukāramānanavandanapūjanāsu na issati na upadussati na issaṃ bandhati. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati mahesakkho hoti. Mahesakkhasaṃvattanikā esā, māṇava , paṭipadā yadidaṃ – anissāmanako hoti; paralābhasakkāragarukāramānanavandanapūjanāsu na issati na upadussati na issaṃ bandhati.
294. ‘‘ид̇ха, маан̣ава, згажжо ид̇т̇ий ваа бурисо ваа на д̣̇аад̇аа ход̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и аббабхог̇о ход̇и. аббабхог̇асам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – на д̣̇аад̇аа ход̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣.
294. ‘‘Idha, māṇava, ekacco itthī vā puriso vā na dātā hoti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati appabhogo hoti. Appabhogasaṃvattanikā esā, māṇava, paṭipadā yadidaṃ – na dātā hoti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ.
‘‘ид̇ха бана, маан̣ава, згажжо ид̇т̇ий ваа бурисо ваа д̣̇аад̇аа ход̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и махаабхог̇о ход̇и. махаабхог̇асам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – д̣̇аад̇аа ход̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣.
‘‘Idha pana, māṇava, ekacco itthī vā puriso vā dātā hoti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati mahābhogo hoti. Mahābhogasaṃvattanikā esā, māṇava, paṭipadā yadidaṃ – dātā hoti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ.
295. ‘‘ид̇ха, маан̣ава, згажжо ид̇т̇ий ваа бурисо ваа т̇ад̣̇д̇хо ход̇и ад̇имааний – абхиваад̣̇зд̇аб̣б̣ам̣ на абхиваад̣̇зд̇и, бажжудтаад̇аб̣б̣ам̣ на бажжудтзд̇и, аасанаарахасса на аасанам̣ д̣̇зд̇и, маг̇г̇аарахасса на маг̇г̇ам̣ д̣̇зд̇и, саггаад̇аб̣б̣ам̣ на саггарод̇и, г̇аругаад̇аб̣б̣ам̣ на г̇аругарод̇и, маанзд̇аб̣б̣ам̣ на маанзд̇и, бууж̇зд̇аб̣б̣ам̣ на бууж̇зд̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и нийжагулийно ход̇и. нийжагулийнасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – т̇ад̣̇д̇хо ход̇и ад̇имааний; абхиваад̣̇зд̇аб̣б̣ам̣ на абхиваад̣̇зд̇и, бажжудтаад̇аб̣б̣ам̣ на бажжудтзд̇и, аасанаарахасса на аасанам̣ д̣̇зд̇и, маг̇г̇аарахасса на маг̇г̇ам̣ д̣̇зд̇и, саггаад̇аб̣б̣ам̣ на саггарод̇и, г̇аругаад̇аб̣б̣ам̣ на г̇аругарод̇и, маанзд̇аб̣б̣ам̣ на маанзд̇и, бууж̇зд̇аб̣б̣ам̣ на бууж̇зд̇и.
295. ‘‘Idha, māṇava, ekacco itthī vā puriso vā thaddho hoti atimānī – abhivādetabbaṃ na abhivādeti, paccuṭṭhātabbaṃ na paccuṭṭheti, āsanārahassa na āsanaṃ deti, maggārahassa na maggaṃ deti, sakkātabbaṃ na sakkaroti, garukātabbaṃ na garukaroti, mānetabbaṃ na māneti, pūjetabbaṃ na pūjeti. So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati nīcakulīno hoti. Nīcakulīnasaṃvattanikā esā, māṇava, paṭipadā yadidaṃ – thaddho hoti atimānī; abhivādetabbaṃ na abhivādeti, paccuṭṭhātabbaṃ na paccuṭṭheti, āsanārahassa na āsanaṃ deti, maggārahassa na maggaṃ deti, sakkātabbaṃ na sakkaroti, garukātabbaṃ na garukaroti, mānetabbaṃ na māneti, pūjetabbaṃ na pūjeti.
‘‘ид̇ха бана, маан̣ава, згажжо ид̇т̇ий ваа бурисо ваа ад̇т̇ад̣̇д̇хо ход̇и анад̇имааний; абхиваад̣̇зд̇аб̣б̣ам̣ абхиваад̣̇зд̇и, бажжудтаад̇аб̣б̣ам̣ бажжудтзд̇и, аасанаарахасса аасанам̣ д̣̇зд̇и, маг̇г̇аарахасса маг̇г̇ам̣ д̣̇зд̇и, саггаад̇аб̣б̣ам̣ саггарод̇и, г̇аругаад̇аб̣б̣ам̣ г̇аругарод̇и, маанзд̇аб̣б̣ам̣ маанзд̇и, бууж̇зд̇аб̣б̣ам̣ бууж̇зд̇и. со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и ужжаагулийно ход̇и. ужжаагулийнасам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – ад̇т̇ад̣̇д̇хо ход̇и анад̇имааний; абхиваад̣̇зд̇аб̣б̣ам̣ абхиваад̣̇зд̇и, бажжудтаад̇аб̣б̣ам̣ бажжудтзд̇и, аасанаарахасса аасанам̣ д̣̇зд̇и, маг̇г̇аарахасса маг̇г̇ам̣ д̣̇зд̇и, саггаад̇аб̣б̣ам̣ саггарод̇и, г̇аругаад̇аб̣б̣ам̣ г̇аругарод̇и, маанзд̇аб̣б̣ам̣ маанзд̇и, бууж̇зд̇аб̣б̣ам̣ бууж̇зд̇и.
‘‘Idha pana, māṇava, ekacco itthī vā puriso vā atthaddho hoti anatimānī; abhivādetabbaṃ abhivādeti, paccuṭṭhātabbaṃ paccuṭṭheti, āsanārahassa āsanaṃ deti, maggārahassa maggaṃ deti, sakkātabbaṃ sakkaroti, garukātabbaṃ garukaroti, mānetabbaṃ māneti, pūjetabbaṃ pūjeti. So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati uccākulīno hoti. Uccākulīnasaṃvattanikā esā, māṇava, paṭipadā yadidaṃ – atthaddho hoti anatimānī; abhivādetabbaṃ abhivādeti, paccuṭṭhātabbaṃ paccuṭṭheti, āsanārahassa āsanaṃ deti, maggārahassa maggaṃ deti, sakkātabbaṃ sakkaroti, garukātabbaṃ garukaroti, mānetabbaṃ māneti, pūjetabbaṃ pūjeti.
296. ‘‘ид̇ха, маан̣ава, згажжо ид̇т̇ий ваа бурисо ваа саман̣ам̣ ваа б̣раахман̣ам̣ ваа убасан̇гамид̇ваа на барибужчид̇аа ход̇и – ‘гим̣, бханд̇з, гусалам̣, гим̣ агусалам̣; гим̣ сааваж̇ж̇ам̣, гим̣ анаваж̇ж̇ам̣; гим̣ сзвид̇аб̣б̣ам̣, гим̣ на сзвид̇аб̣б̣ам̣; гим̣ мз гарийяамаанам̣ д̣̇ийгхарад̇д̇ам̣ ахид̇ааяа д̣̇угкааяа ход̇и, гим̣ ваа бана мз гарийяамаанам̣ д̣̇ийгхарад̇д̇ам̣ хид̇ааяа сукааяа ход̇ий’д̇и? со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и. но жз гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и д̣̇уббан̃н̃о ход̇и. д̣̇уббан̃н̃асам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – саман̣ам̣ ваа б̣раахман̣ам̣ ваа убасан̇гамид̇ваа на барибужчид̇аа ход̇и – ‘гим̣, бханд̇з, гусалам̣, гим̣ агусалам̣; гим̣ сааваж̇ж̇ам̣, гим̣ анаваж̇ж̇ам̣; гим̣ сзвид̇аб̣б̣ам̣, гим̣ на сзвид̇аб̣б̣ам̣ ; гим̣ мз гарийяамаанам̣ д̣̇ийгхарад̇д̇ам̣ ахид̇ааяа д̣̇угкааяа ход̇и, гим̣ ваа бана мз гарийяамаанам̣ д̣̇ийгхарад̇д̇ам̣ хид̇ааяа сукааяа ход̇ий’’’д̇и?
296. ‘‘Idha, māṇava, ekacco itthī vā puriso vā samaṇaṃ vā brāhmaṇaṃ vā upasaṅkamitvā na paripucchitā hoti – ‘kiṃ, bhante, kusalaṃ, kiṃ akusalaṃ; kiṃ sāvajjaṃ, kiṃ anavajjaṃ; kiṃ sevitabbaṃ, kiṃ na sevitabbaṃ; kiṃ me karīyamānaṃ dīgharattaṃ ahitāya dukkhāya hoti, kiṃ vā pana me karīyamānaṃ dīgharattaṃ hitāya sukhāya hotī’ti? So tena kammena evaṃ samattena evaṃ samādinnena kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati. No ce kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjati, sace manussattaṃ āgacchati yattha yattha paccājāyati duppañño hoti. Duppaññasaṃvattanikā esā, māṇava, paṭipadā yadidaṃ – samaṇaṃ vā brāhmaṇaṃ vā upasaṅkamitvā na paripucchitā hoti – ‘kiṃ, bhante, kusalaṃ, kiṃ akusalaṃ; kiṃ sāvajjaṃ, kiṃ anavajjaṃ; kiṃ sevitabbaṃ, kiṃ na sevitabbaṃ ; kiṃ me karīyamānaṃ dīgharattaṃ ahitāya dukkhāya hoti, kiṃ vā pana me karīyamānaṃ dīgharattaṃ hitāya sukhāya hotī’’’ti?
‘‘ид̇ха бана, маан̣ава, згажжо ид̇т̇ий ваа бурисо ваа саман̣ам̣ ваа б̣раахман̣ам̣ ваа убасан̇гамид̇ваа барибужчид̇аа ход̇и – ‘гим̣, бханд̇з, гусалам̣, гим̣ агусалам̣; гим̣ сааваж̇ж̇ам̣, гим̣ анаваж̇ж̇ам̣; гим̣ сзвид̇аб̣б̣ам̣, гим̣ на сзвид̇аб̣б̣ам̣; гим̣ мз гарийяамаанам̣ д̣̇ийгхарад̇д̇ам̣ ахид̇ааяа д̣̇угкааяа ход̇и, гим̣ ваа бана мз гарийяамаанам̣ д̣̇ийгхарад̇д̇ам̣ хид̇ааяа сукааяа ход̇ий’д̇и? со д̇зна гаммзна звам̣ самад̇д̇зна звам̣ самаад̣̇иннзна гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и. но жз гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаж̇ж̇ад̇и, сажз мануссад̇д̇ам̣ ааг̇ажчад̇и яад̇т̇а яад̇т̇а бажжааж̇ааяад̇и махаабан̃н̃о ход̇и. махаабан̃н̃асам̣вад̇д̇анигаа зсаа, маан̣ава, бадибад̣̇аа яад̣̇ид̣̇ам̣ – саман̣ам̣ ваа б̣раахман̣ам̣ ваа убасан̇гамид̇ваа барибужчид̇аа ход̇и – ‘гим̣, бханд̇з, гусалам̣, гим̣ агусалам̣; гим̣ сааваж̇ж̇ам̣, гим̣ анаваж̇ж̇ам̣; гим̣ сзвид̇аб̣б̣ам̣ , гим̣ на сзвид̇аб̣б̣ам̣; гим̣ мз гарийяамаанам̣ д̣̇ийгхарад̇д̇ам̣ ахид̇ааяа д̣̇угкааяа ход̇и, гим̣ ваа бана мз гарийяамаанам̣ д̣̇ийгхарад̇д̇ам̣ хид̇ааяа сукааяа ход̇ий’’’д̇и?
‘‘Idha pana, māṇava, ekacco itthī vā puriso vā samaṇaṃ vā brāhmaṇaṃ vā upasaṅkamitvā paripucchitā hoti – ‘kiṃ, bhante, kusalaṃ, kiṃ akusalaṃ; kiṃ sāvajjaṃ, kiṃ anavajjaṃ; kiṃ sevitabbaṃ, kiṃ na sevitabbaṃ; kiṃ me karīyamānaṃ dīgharattaṃ ahitāya dukkhāya hoti, kiṃ vā pana me karīyamānaṃ dīgharattaṃ hitāya sukhāya hotī’ti? So tena kammena evaṃ samattena evaṃ samādinnena kāyassa bhedā paraṃ maraṇā sugatiṃ saggaṃ lokaṃ upapajjati. No ce kāyassa bhedā paraṃ maraṇā sugatiṃ saggaṃ lokaṃ upapajjati, sace manussattaṃ āgacchati yattha yattha paccājāyati mahāpañño hoti. Mahāpaññasaṃvattanikā esā, māṇava, paṭipadā yadidaṃ – samaṇaṃ vā brāhmaṇaṃ vā upasaṅkamitvā paripucchitā hoti – ‘kiṃ, bhante, kusalaṃ, kiṃ akusalaṃ; kiṃ sāvajjaṃ, kiṃ anavajjaṃ; kiṃ sevitabbaṃ , kiṃ na sevitabbaṃ; kiṃ me karīyamānaṃ dīgharattaṃ ahitāya dukkhāya hoti, kiṃ vā pana me karīyamānaṃ dīgharattaṃ hitāya sukhāya hotī’’’ti?
297. ‘‘ид̇и ко, маан̣ава, аббааяугасам̣вад̇д̇анигаа бадибад̣̇аа аббааяугад̇д̇ам̣ убанзд̇и, д̣̇ийгхааяугасам̣вад̇д̇анигаа бадибад̣̇аа д̣̇ийгхааяугад̇д̇ам̣ убанзд̇и; б̣авхааб̣аад̇хасам̣вад̇д̇анигаа бадибад̣̇аа б̣авхааб̣аад̇хад̇д̇ам̣ убанзд̇и, аббааб̣аад̇хасам̣вад̇д̇анигаа бадибад̣̇аа аббааб̣аад̇хад̇д̇ам̣ убанзд̇и; д̣̇уб̣б̣ан̣н̣асам̣вад̇д̇анигаа бадибад̣̇аа д̣̇уб̣б̣ан̣н̣ад̇д̇ам̣ убанзд̇и, баасаад̣̇игасам̣вад̇д̇анигаа бадибад̣̇аа баасаад̣̇игад̇д̇ам̣ убанзд̇и; аббзсагкасам̣вад̇д̇анигаа бадибад̣̇аа аббзсагкад̇д̇ам̣ убанзд̇и, махзсагкасам̣вад̇д̇анигаа бадибад̣̇аа махзсагкад̇д̇ам̣ убанзд̇и; аббабхог̇асам̣вад̇д̇анигаа бадибад̣̇аа аббабхог̇ад̇д̇ам̣ убанзд̇и, махаабхог̇асам̣вад̇д̇анигаа бадибад̣̇аа махаабхог̇ад̇д̇ам̣ убанзд̇и; нийжагулийнасам̣вад̇д̇анигаа бадибад̣̇аа нийжагулийнад̇д̇ам̣ убанзд̇и, ужжаагулийнасам̣вад̇д̇анигаа бадибад̣̇аа ужжаагулийнад̇д̇ам̣ убанзд̇и; д̣̇уббан̃н̃асам̣вад̇д̇анигаа бадибад̣̇аа д̣̇уббан̃н̃ад̇д̇ам̣ убанзд̇и, махаабан̃н̃асам̣вад̇д̇анигаа бадибад̣̇аа махаабан̃н̃ад̇д̇ам̣ убанзд̇и. гаммассагаа, маан̣ава, сад̇д̇аа гаммад̣̇ааяаад̣̇аа гаммаяоний гаммаб̣анд̇хуу гаммаббадисаран̣аа. гаммам̣ сад̇д̇з вибхаж̇ад̇и яад̣̇ид̣̇ам̣ – хийнаббан̣ийд̇ад̇ааяаа’’д̇и.
297. ‘‘Iti kho, māṇava, appāyukasaṃvattanikā paṭipadā appāyukattaṃ upaneti, dīghāyukasaṃvattanikā paṭipadā dīghāyukattaṃ upaneti; bavhābādhasaṃvattanikā paṭipadā bavhābādhattaṃ upaneti, appābādhasaṃvattanikā paṭipadā appābādhattaṃ upaneti; dubbaṇṇasaṃvattanikā paṭipadā dubbaṇṇattaṃ upaneti, pāsādikasaṃvattanikā paṭipadā pāsādikattaṃ upaneti; appesakkhasaṃvattanikā paṭipadā appesakkhattaṃ upaneti, mahesakkhasaṃvattanikā paṭipadā mahesakkhattaṃ upaneti; appabhogasaṃvattanikā paṭipadā appabhogattaṃ upaneti, mahābhogasaṃvattanikā paṭipadā mahābhogattaṃ upaneti; nīcakulīnasaṃvattanikā paṭipadā nīcakulīnattaṃ upaneti, uccākulīnasaṃvattanikā paṭipadā uccākulīnattaṃ upaneti; duppaññasaṃvattanikā paṭipadā duppaññattaṃ upaneti, mahāpaññasaṃvattanikā paṭipadā mahāpaññattaṃ upaneti. Kammassakā, māṇava, sattā kammadāyādā kammayonī kammabandhū kammappaṭisaraṇā. Kammaṃ satte vibhajati yadidaṃ – hīnappaṇītatāyā’’ti.
звам̣ вуд̇д̇з, субхо маан̣аво д̇од̣̇зяяабуд̇д̇о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама! сзяяат̇ааби, бхо г̇од̇ама, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бход̇аа г̇од̇амзна анзгабарияааязна д̇хаммо багаасид̇о. зсаахам̣ бхаванд̇ам̣ г̇од̇амам̣ саран̣ам̣ г̇ажчаами д̇хамман̃жа бхигкусан̇гхан̃жа. убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, subho māṇavo todeyyaputto bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama! Seyyathāpi, bho gotama, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā gotamena anekapariyāyena dhammo pakāsito. Esāhaṃ bhavantaṃ gotamaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
жуул̣агаммавибхан̇г̇асуд̇д̇ам̣ нидтид̇ам̣ бан̃жамам̣.
Cūḷakammavibhaṅgasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жуул̣агаммавибхан̇г̇асуд̇д̇аван̣н̣анаа • 5. Cūḷakammavibhaṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жуул̣агаммавибхан̇г̇асуд̇д̇аван̣н̣анаа • 5. Cūḷakammavibhaṅgasuttavaṇṇanā
