| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
5. жуул̣агаммавибхан̇г̇асуд̇д̇аван̣н̣анаа
5. Cūḷakammavibhaṅgasuttavaṇṇanā
289. ан̇г̇асубхад̇ааяаад̇и ан̇г̇аанам̣ хад̇т̇абаад̣̇аад̣̇исарийрааваяаваанам̣ сунд̣̇арабхаавзна. яам̣ абажжам̣ гужчид̇ам̣ муд̣̇д̇хам̣ ваа, д̇ад̇т̇а логз маан̣ававохааро, язбхуяязна сад̇д̇аа д̣̇ахарагаалз суд̣̇д̇хад̇хаад̇угаа хонд̇ийд̇и вуд̇д̇ам̣, ‘‘д̇арун̣агаалз вохарим̣суу’’д̇и. ад̇хибад̇ид̇д̇аад̇и иссарабхаавад̇о.
289.Aṅgasubhatāyāti aṅgānaṃ hatthapādādisarīrāvayavānaṃ sundarabhāvena. Yaṃ apaccaṃ kucchitaṃ muddhaṃ vā, tattha loke māṇavavohāro, yebhuyyena sattā daharakāle suddhadhātukā hontīti vuttaṃ, ‘‘taruṇakāle vohariṃsū’’ti. Adhipatittāti issarabhāvato.
самаахааранд̇и саннижаяам̣. бан̣д̣ид̇о гхарамаавасзд̇и яасмаа аббад̇арзби б̣яаяамаанз бхог̇аа кийяанд̇и, аббад̇арзби сан̃жаяамаанз вад̣дханд̇и, д̇асмаа вин̃н̃уж̇аад̇иго гин̃жи б̣яаяам̣ агад̇ваа аяамзва уббаад̣̇знд̇о гхарааваасам̣ ануд̇идтзяяаад̇и лобхаад̣̇зсид̇амад̇т̇ам̣ вад̣̇ад̇и.
Samāhāranti sannicayaṃ. Paṇḍito gharamāvaseti yasmā appatarepi byayamāne bhogā khīyanti, appatarepi sañcayamāne vaḍḍhanti, tasmā viññujātiko kiñci byayaṃ akatvā ayameva uppādento gharāvāsaṃ anutiṭṭheyyāti lobhādesitamatthaṃ vadati.
д̇ханалобхзна…бз… ниб̣б̣ад̇д̇о. лобхавасигасса хи г̇ад̇и нираяо ваа д̇иражчаанаяони ваа. вуд̇д̇ан̃хзд̇ам̣ – ‘‘нимид̇д̇ассаад̣̇аг̇ат̇ид̇ам̣ ваа, бхигкавз, вин̃н̃аан̣ам̣ д̇идтамаанам̣ д̇идтад̇и ануб̣яан̃ж̇анассаад̣̇аг̇ат̇ид̇ам̣ ваа. д̇асмим̣ самаяз гаалан̇гарзяяа, д̣̇виннам̣ г̇ад̇ийнам̣ ан̃н̃ад̇арам̣ г̇ад̇им̣ вад̣̇аами – нираяам̣ ваа д̇иражчаанаяоним̣ ваа’’д̇и (сам̣. ни. 4.235). нираяз ниб̣б̣ад̇д̇иссад̇и гад̇огаасасса гаммасса бадиб̣аахид̇ум̣ асаггун̣зяяабхаавад̇о.
Dhanalobhena…pe… nibbatto. Lobhavasikassa hi gati nirayo vā tiracchānayoni vā. Vuttañhetaṃ – ‘‘nimittassādagathitaṃ vā, bhikkhave, viññāṇaṃ tiṭṭhamānaṃ tiṭṭhati anubyañjanassādagathitaṃ vā. Tasmiṃ samaye kālaṅkareyya, dvinnaṃ gatīnaṃ aññataraṃ gatiṃ vadāmi – nirayaṃ vā tiracchānayoniṃ vā’’ti (saṃ. ni. 4.235). Niraye nibbattissati katokāsassa kammassa paṭibāhituṃ asakkuṇeyyabhāvato.
бад̇д̇агканд̇хаад̇хомукабхаавам̣ санд̇хааяа ‘‘онаамзд̇ваа’’д̇и вуд̇д̇ам̣. б̣раахман̣ажаарид̇д̇асса бхаавид̇ад̇ам̣ санд̇хааяааха ‘‘б̣рахмалогз ниб̣б̣ад̇д̇о’’д̇и. д̇ам̣ бавад̇д̇им̣ бужчийд̇и суд̇амзд̇ам̣ маяаа, ‘‘маяхам̣ бид̇аа сунако худ̇ваа ниб̣б̣ад̇д̇о’’д̇и, зд̇ам̣ бход̇аа г̇од̇амзна вуд̇д̇анд̇и. гимид̣̇ам̣ вуд̇д̇анд̇и имам̣ бавад̇д̇им̣ бужчи.
Pattakkhandhaadhomukhabhāvaṃ sandhāya ‘‘onāmetvā’’ti vuttaṃ. Brāhmaṇacārittassa bhāvitataṃ sandhāyāha ‘‘brahmaloke nibbatto’’ti. Taṃ pavattiṃ pucchīti sutametaṃ mayā, ‘‘mayhaṃ pitā sunakho hutvā nibbatto’’ti, etaṃ bhotā gotamena vuttanti. Kimidaṃ vuttanti imaṃ pavattiṃ pucchi.
д̇ат̇зва вад̇ваад̇и яат̇аа сунакасса вуд̇д̇ам̣, д̇ат̇зва вад̇ваа. ависам̣ваад̣̇анад̇т̇анд̇и, ‘‘д̇од̣̇зяяаб̣раахман̣о сунако ж̇аад̇о’’д̇и ад̇д̇ано важанасса ависам̣ваад̣̇анад̇т̇ам̣, висам̣ваад̣̇анаабхаавад̣̇ассанад̇т̇анд̇и ад̇хиббааяо. н̃аад̇омхи иминаад̇и иминаа мама буд̇д̇зна маяхам̣ буримаж̇аад̇ияам̣ бид̇аад̇и звам̣ н̃аад̇о амхийд̇и ж̇аанид̇ваа. б̣уд̣̇д̇хаанубхаавзна гира сунако д̇ат̇аа д̣̇ассзд̇и, на ж̇аад̇иссарад̇ааяа. бхаг̇аванд̇ам̣ д̣̇исваа бхуггаран̣ам̣ бана буримаж̇аад̇исид̣̇д̇хаваасанааяа. бхавабадижчаннанд̇и бхаванд̇арабхаавзна бадижчаннам̣. наама-сад̣̇д̣̇о самбхааванз. бадисанд̇хианд̇аранд̇и ан̃н̃аж̇аад̇ибадисанд̇хиг̇г̇ахан̣зна хздтимаж̇аад̇ам̣ г̇ад̇им̣. ан̇г̇авиж̇ж̇аабаатаго гирзса, д̇зна аббааяугад̣̇ийгхааяугад̇аад̣̇ивасзна жуд̣̇д̣̇аса бан̃хз абхисан̇кари; звам̣ гирасса ахоси, ‘‘имзсам̣ сад̇д̇аанам̣ аббааяугад̇аад̣̇аяо висзсаа ан̇г̇абажжан̇г̇авасзна саллагкияанд̇и. на ко банзд̇ам̣ яуд̇д̇ам̣ ‘ан̇г̇абажжан̇г̇аани яаава д̇зсам̣ д̇зсам̣ гааран̣а’нд̇и; д̇асмаа бхавид̇аб̣б̣амзд̇т̇а ан̃н̃знзва гааран̣зна. саман̣о г̇од̇амо д̇ам̣ гааран̣ам̣ вибхаж̇ид̇ваа гат̇зссад̇и, звааяам̣ саб̣б̣ан̃н̃ууд̇и нижчаяо мз абан̣н̣аго бхависсад̇ий’’д̇и. абарз бана бхан̣анд̇и, ‘‘д̇иражчаанаг̇ад̇ам̣ мануссам̣ ваа аависид̇ваа ижчид̇ад̇т̇агасааванам̣ наама махааманд̇авиж̇ж̇аавасзна ход̇и; д̇асмаа на зд̇д̇аавад̇аа саман̣асса г̇од̇амасса саб̣б̣ан̃н̃уд̇аа сунижчид̇аа ход̇и. яам̣ нуунаахам̣ гаммапаламасса уд̣̇д̣̇исса бан̃хам̣ бужчзяяам̣, д̇ад̇т̇а жа мз жид̇д̇ам̣ аараад̇хзнд̇о бан̃хам̣ б̣яаагариссад̇и. звааяам̣ саб̣б̣ан̃н̃ууд̇и винижчаяо мз бхависсад̇ийд̇и д̇з бан̃хз бужчад̇ий’’д̇и.
Tatheva vatvāti yathā sunakhassa vuttaṃ, tatheva vatvā. Avisaṃvādanatthanti, ‘‘todeyyabrāhmaṇo sunakho jāto’’ti attano vacanassa avisaṃvādanatthaṃ, visaṃvādanābhāvadassanatthanti adhippāyo. Ñātomhiimināti iminā mama puttena mayhaṃ purimajātiyaṃ pitāti evaṃ ñāto amhīti jānitvā. Buddhānubhāvena kira sunakho tathā dasseti, na jātissaratāya. Bhagavantaṃ disvā bhukkaraṇaṃ pana purimajātisiddhavāsanāya. Bhavapaṭicchannanti bhavantarabhāvena paṭicchannaṃ. Nāma-saddo sambhāvane. Paṭisandhiantaranti aññajātipaṭisandhiggahaṇena heṭṭhimajātaṃ gatiṃ. Aṅgavijjāpāṭhako kiresa, tena appāyukadīghāyukatādivasena cuddasa pañhe abhisaṅkhari; evaṃ kirassa ahosi, ‘‘imesaṃ sattānaṃ appāyukatādayo visesā aṅgapaccaṅgavasena sallakkhiyanti. Na kho panetaṃ yuttaṃ ‘aṅgapaccaṅgāni yāva tesaṃ tesaṃ kāraṇa’nti; tasmā bhavitabbamettha aññeneva kāraṇena. Samaṇo gotamo taṃ kāraṇaṃ vibhajitvā kathessati, evāyaṃ sabbaññūti nicchayo me apaṇṇako bhavissatī’’ti. Apare pana bhaṇanti, ‘‘tiracchānagataṃ manussaṃ vā āvisitvā icchitatthakasāvanaṃ nāma mahāmantavijjāvasena hoti; tasmā na ettāvatā samaṇassa gotamassa sabbaññutā sunicchitā hoti. Yaṃ nūnāhaṃ kammaphalamassa uddissa pañhaṃ puccheyyaṃ, tattha ca me cittaṃ ārādhento pañhaṃ byākarissati. Evāyaṃ sabbaññūti vinicchayo me bhavissatīti te pañhe pucchatī’’ti.
бхан̣д̣аганд̇и саабад̇зяяам̣, санд̇аганд̇и ад̇т̇о. гаммунаа д̣̇аад̇аб̣б̣ам̣ аад̣̇ияанд̇ийд̇и гаммад̣̇ааяаад̣̇аа, ад̇д̇анаа гад̇уубажид̇агаммапалабхааг̇ийд̇и ад̇т̇о. д̇ам̣ бана гаммад̣̇ааяаж̇ж̇ам̣ гааран̣обажаарзна вад̣̇анд̇о, ‘‘гаммам̣ зд̇зсам̣ д̣̇ааяаж̇ж̇ам̣ бхан̣д̣аганд̇и ад̇т̇о’’д̇и ааха – яат̇аа ‘‘гусалаанам̣, бхигкавз, д̇хаммаанам̣ самаад̣̇аанахзд̇у звамид̣̇ам̣ бун̃н̃ам̣ бавад̣дхад̇ий’’д̇и (д̣̇ий. ни. 3.80). яавад̇и палам̣ сабхаавад̇о бхиннамби абхиннам̣ вияа миссид̇ам̣ ход̇и, зд̇знаад̇и яонийд̇и ааха – ‘‘гаммам̣ зд̇зсам̣ яони гааран̣а’’нд̇и. мамад̇д̇авасзна б̣аж̇жхад̇и сам̣б̣аж̇жхад̇ийд̇и б̣анд̇ху, н̃аад̇и саалохид̇о жа. гаммам̣ бана зганд̇асамб̣анд̇хамзваад̇и ааха – ‘‘гаммам̣ зд̇зсам̣ б̣анд̇хуу’’д̇и. бад̇идтаад̇и авассаяо. гаммасад̣̇исо хи сад̇д̇аанам̣ авассаяо над̇т̇и, ан̃н̃о гожи иссаро б̣рахмаа ваа на гарод̇и д̇аад̣̇исам̣ гад̇д̇ум̣ саж̇ж̇ид̇ум̣ асамад̇т̇абхаавад̇о. яам̣ банзд̇т̇а вад̇д̇аб̣б̣ам̣, д̇ам̣ висуд̣̇д̇химаг̇г̇асам̣ван̣н̣анааяам̣ вуд̇д̇анаязна взд̣̇ид̇аб̣б̣ам̣. гаммамзваад̇и гасмаа авад̇хаарид̇ам̣, нану гилзсааби сад̇д̇аанам̣ хийнабан̣ийд̇абхаавагааран̣ам̣, на гзваланд̇и ? сажжамзд̇ам̣, гилзсабаяог̇зна вибаагаваддам̣ ниб̣б̣ад̇д̇ам̣ гаммабавад̇д̇ид̇амзваад̇и гад̇ваа вуд̇д̇ам̣. ‘‘гат̇ид̇асса ад̇т̇ам̣ на сан̃ж̇аанаасий’’д̇и сан̇кзбад̇о вад̇ваа нану бхаг̇аваа махаагаарун̣иго барзсам̣ н̃аабанад̇т̇амзва д̇хаммам̣ д̣̇зсзд̇ийд̇и ааха – ‘‘маананиссид̇о гирзсаа’’д̇иаад̣̇и.
Bhaṇḍakanti sāpateyyaṃ, santakanti attho. Kammunā dātabbaṃ ādiyantīti kammadāyādā, attanā katūpacitakammaphalabhāgīti attho. Taṃ pana kammadāyajjaṃ kāraṇopacārena vadanto, ‘‘kammaṃ etesaṃ dāyajjaṃ bhaṇḍakanti attho’’ti āha – yathā ‘‘kusalānaṃ, bhikkhave, dhammānaṃ samādānahetu evamidaṃ puññaṃ pavaḍḍhatī’’ti (dī. ni. 3.80). Yavati phalaṃ sabhāvato bhinnampi abhinnaṃ viya missitaṃ hoti, etenāti yonīti āha – ‘‘kammaṃ etesaṃ yoni kāraṇa’’nti. Mamattavasena bajjhati saṃbajjhatīti bandhu, ñāti sālohito ca. Kammaṃ pana ekantasambandhamevāti āha – ‘‘kammaṃ etesaṃ bandhū’’ti. Patiṭṭhāti avassayo. Kammasadiso hi sattānaṃ avassayo natthi, añño koci issaro brahmā vā na karoti tādisaṃ kattuṃ sajjituṃ asamatthabhāvato. Yaṃ panettha vattabbaṃ, taṃ visuddhimaggasaṃvaṇṇanāyaṃ vuttanayena veditabbaṃ. Kammamevāti kasmā avadhāritaṃ, nanu kilesāpi sattānaṃ hīnapaṇītabhāvakāraṇaṃ, na kevalanti ? Saccametaṃ, kilesapayogena vipākavaṭṭaṃ nibbattaṃ kammapavattitamevāti katvā vuttaṃ. ‘‘Kathitassa atthaṃ na sañjānāsī’’ti saṅkhepato vatvā nanu bhagavā mahākāruṇiko paresaṃ ñāpanatthameva dhammaṃ desetīti āha – ‘‘mānanissito kiresā’’tiādi.
290. самад̇д̇знаад̇и барияад̇д̇зна, яат̇аа д̇ам̣ палам̣ д̣̇аад̇ум̣ самад̇т̇ам̣ ход̇и, звам̣ гад̇зна, убажид̇знаад̇и ад̇т̇о. д̇аад̣̇исам̣ бана ад̇д̇ано гижжз ануунам̣ наама ход̇ийд̇и ааха ‘‘барибун̣н̣знаа’’д̇и. самаад̣̇иннзнаад̇и зд̇т̇а самаад̣̇аанам̣ наама д̇ан̣хаад̣̇идтийхи г̇ахан̣ам̣ бараамасананд̇и ааха – ‘‘г̇ахид̇зна бараамадтзнаа’’д̇и. бадибаж̇ж̇ад̇и зд̇ааяа суг̇ад̇ид̣̇уг̇г̇ад̇ийд̇и бадибад̣̇аа, гаммам̣. д̇ат̇аа хи д̇ам̣ ‘‘гаммабат̇о’’д̇и вужжад̇и.
290.Samattenāti pariyattena, yathā taṃ phalaṃ dātuṃ samatthaṃ hoti, evaṃ katena, upacitenāti attho. Tādisaṃ pana attano kicce anūnaṃ nāma hotīti āha ‘‘paripuṇṇenā’’ti. Samādinnenāti ettha samādānaṃ nāma taṇhādiṭṭhīhi gahaṇaṃ parāmasananti āha – ‘‘gahitena parāmaṭṭhenā’’ti. Paṭipajjati etāya sugatiduggatīti paṭipadā, kammaṃ. Tathā hi taṃ ‘‘kammapatho’’ti vuccati.
зсаад̇и бадибад̣̇аа. д̣̇уб̣б̣алам̣ убагхаад̇агамзва сияаад̇и убабийл̣агасса висаяам̣ д̣̇ассзд̇ум̣, ‘‘б̣алавагаммзнаа’’д̇иаад̣̇и вуд̇д̇ам̣. б̣алавагаммзнаад̇и бун̃н̃агаммзна. вад̣̇ад̇и наамаад̇и вад̣̇анд̇о вияа ход̇и . ниб̣б̣ад̇д̇аабзяяанд̇и гасмаа вуд̇д̇ам̣, нану убабийл̣агасабхаавам̣ гаммам̣ ж̇анагасабхаавам̣ на ход̇ийд̇и? саб̣б̣амзд̇ам̣ баригаббанаважанам̣, яат̇аа мануссаа бажжад̇т̇игам̣ бадибагкам̣ гин̃жи гаад̇ум̣ асамад̇т̇ааби гзжи ааламб̣анавасзна самад̇т̇аа вияа ад̇д̇аанам̣ д̣̇ассзнд̇и, звам̣самбад̣̇амид̣̇анд̇и гзжи. абарз бана бхан̣анд̇и – яассид̣̇ам̣ гаммассавибаагам̣ бийл̣зд̇и, сажз д̇асмим̣ аногаасз зва саяам̣ вибажжид̇ум̣ огаасам̣ лабхзяяа, абааязсу зва д̇ам̣саман̇г̇ибуг̇г̇алам̣ ниб̣б̣ад̇д̇аабзяяа, яасмаа д̇ам̣ гаммам̣ б̣алавам̣ худ̇ваа авасзсабажжаяасамавааязна вибажжид̇ум̣ аарад̣̇д̇хам̣, д̇асмаа ид̇арам̣ д̇асса вибаагам̣ виб̣аад̇хзнд̇ам̣ убабийл̣агам̣ наама ж̇аад̇ам̣. зд̇ад̣̇ад̇т̇амзва жзд̇т̇а ‘‘б̣алавагаммзна ниб̣б̣ад̇д̇а’’нд̇и б̣алаваг̇г̇ахан̣ам̣ гад̇ам̣. гижжавасзна хи нзсам̣ гаммаанам̣ зд̇аа саман̃н̃аа, яад̣̇ид̣̇ам̣ убабийл̣агам̣ убажчзд̣̇агам̣ ж̇анагам̣ убад̇т̇амбхаганд̇и, на гусалаани вияа убад̇т̇амбхаани хонд̇и ниб̣б̣ад̇д̇ад̇т̇ааяа. бийл̣зд̇ваад̇и вихзтзд̇ваа бадигхааданаад̣̇ивасзна ужчуд̇злаяанд̇аад̣̇аяо вияа ужчуд̇илаад̣̇игз виб̣аад̇хзд̇ваа. нирож̇анд̇и нид̇д̇зж̇ам̣. нияуусанд̇и нирасам̣. гасаданд̇и ниссаарам̣. бариссаяанд̇и убад̣̇д̣̇авам̣.
Esāti paṭipadā. Dubbalaṃ upaghātakameva siyāti upapīḷakassa visayaṃ dassetuṃ, ‘‘balavakammenā’’tiādi vuttaṃ. Balavakammenāti puññakammena. Vadati nāmāti vadanto viya hoti . Nibbattāpeyyanti kasmā vuttaṃ, nanu upapīḷakasabhāvaṃ kammaṃ janakasabhāvaṃ na hotīti? Sabbametaṃ parikappanavacanaṃ, yathā manussā paccatthikaṃ paṭipakkhaṃ kiñci kātuṃ asamatthāpi keci ālambanavasena samatthā viya attānaṃ dassenti, evaṃsampadamidanti keci. Apare pana bhaṇanti – yassidaṃ kammassavipākaṃ pīḷeti, sace tasmiṃ anokāse eva sayaṃ vipaccituṃ okāsaṃ labheyya, apāyesu eva taṃsamaṅgipuggalaṃ nibbattāpeyya, yasmā taṃ kammaṃ balavaṃ hutvā avasesapaccayasamavāyena vipaccituṃ āraddhaṃ, tasmā itaraṃ tassa vipākaṃ vibādhentaṃ upapīḷakaṃ nāma jātaṃ. Etadatthameva cettha ‘‘balavakammena nibbatta’’nti balavaggahaṇaṃ kataṃ. Kiccavasena hi nesaṃ kammānaṃ etā samaññā, yadidaṃ upapīḷakaṃ upacchedakaṃ janakaṃ upatthambhakanti, na kusalāni viya upatthambhāni honti nibbattatthāya. Pīḷetvāti viheṭhetvā paṭighāṭanādivasena ucchutelayantādayo viya ucchutilādike vibādhetvā. Nirojanti nittejaṃ. Niyūsanti nirasaṃ. Kasaṭanti nissāraṃ. Parissayanti upaddavaṃ.
ид̣̇аани бариссаяасса убанаяанаагаарам̣ д̣̇ассзнд̇зна д̇ад̇т̇а, ‘‘д̣̇аарагассаа’’д̇иаад̣̇им̣ вад̇ваа бхог̇аанам̣ винаасанаагаарам̣ д̣̇ассзд̇ум̣, буна ‘‘д̣̇аарагассаа’’д̇иаад̣̇и вуд̇д̇ам̣. гумбхад̣̇оханаад̇и гумбхабууракийраа. г̇оман̣д̣алзд̇и г̇ояуут̇з.
Idāni parissayassa upanayanākāraṃ dassentena tattha, ‘‘dārakassā’’tiādiṃ vatvā bhogānaṃ vināsanākāraṃ dassetuṃ, puna ‘‘dārakassā’’tiādi vuttaṃ. Kumbhadohanāti kumbhapūrakhīrā. Gomaṇḍaleti goyūthe.
адтусабхаг̇аманам̣ гад̇ваад̇и адтаусабхаббамаан̣ам̣ бад̣̇зсам̣ бажжад̇т̇игам̣ уд̣̇д̣̇исса д̇хануг̇г̇ахо ануяааяим̣ гад̇ваа. д̇анд̇и сарам̣. ан̃н̃од̇и бажжад̇т̇иго. д̇ад̇т̇зва баад̇зяяа ажжаасаннам̣ гад̇ваа сарасса кид̇д̇ад̇д̇аа. ваал̣амажчод̣̇аганд̇и магараад̣̇иваал̣амажчаванд̇ам̣ уд̣̇агам̣.
Aṭṭhusabhagamanaṃkatvāti aṭṭhausabhappamāṇaṃ padesaṃ paccatthikaṃ uddissa dhanuggaho anuyāyiṃ katvā. Tanti saraṃ. Aññoti paccatthiko. Tattheva pāteyya accāsannaṃ katvā sarassa khittattā. Vāḷamacchodakanti makarādivāḷamacchavantaṃ udakaṃ.
бадисанд̇хиниб̣б̣ад̇д̇агам̣ гаммам̣ ж̇анагагаммам̣ наама барибун̣н̣авибаагад̣̇ааяибхаавад̇о, на бавад̇д̇ивибаагамад̇д̇аниб̣б̣ад̇д̇агам̣. бхог̇асамбад̣̇аад̣̇ийд̇и аад̣̇и-сад̣̇д̣̇зна аарог̇яасамбад̣̇аад̣̇и-бариваарасамбад̣̇аад̣̇ийни г̇ан̣хаад̇и. на д̣̇ийгхааяугад̇аад̣̇ийни хи аббааяугад̇аасам̣вад̇д̇анигзна гаммунаа ниб̣б̣ад̇д̇аани; ан̃н̃ам̣ д̣̇ийгхааяугад̇аагаран̣зна убад̇т̇амбхзд̇ум̣ саггод̇и; на ад̇ид̣̇уб̣б̣ан̣н̣ам̣ аббзсагкам̣ нийжагулийнам̣ д̣̇уббан̃н̃ам̣ ваа ван̣н̣аванд̇ад̇аад̣̇ивасзна. д̇ат̇аа хи вагкад̇и, ‘‘имасмим̣ бана бан̃хависсаж̇ж̇анз’’д̇иаад̣̇и, д̇ам̣ бана нид̣̇ассанавасзна вуд̇д̇анд̇и д̣̇адтаб̣б̣ам̣.
Paṭisandhinibbattakaṃ kammaṃ janakakammaṃ nāma paripuṇṇavipākadāyibhāvato, na pavattivipākamattanibbattakaṃ. Bhogasampadādīti ādi-saddena ārogyasampadādi-parivārasampadādīni gaṇhāti. Na dīghāyukatādīni hi appāyukatāsaṃvattanikena kammunā nibbattāni; aññaṃ dīghāyukatākaraṇena upatthambhetuṃ sakkoti; na atidubbaṇṇaṃ appesakkhaṃ nīcakulīnaṃ duppaññaṃ vā vaṇṇavantatādivasena. Tathā hi vakkhati, ‘‘imasmiṃ pana pañhavissajjane’’tiādi, taṃ pana nidassanavasena vuttanti daṭṭhabbaṃ.
буримаанийд̇и убабийл̣агобажчзд̣̇агаани. убабийл̣агубагхаад̇аа наама гусалавибаагабадиб̣аахагаад̇и ад̇хиббааязна ‘‘д̣̇вз агусалаанзваа’’д̇и вуд̇д̇ам̣. убад̇т̇амбхагам̣ гусаламзваад̇и зд̇т̇а яат̇аа ж̇анагам̣ убхаяасабхаавам̣, звам̣ ид̇арзсамби убхаяасабхаавад̇ааяа вужжамаанааяа на гожи вирод̇хо. д̣̇звад̣̇ад̇д̇аад̣̇ийнан̃хи нааг̇аад̣̇ийнам̣ ид̇о ануббаважчид̇аанам̣ бзд̇аад̣̇ийнан̃жа нарагаад̣̇ийсу агусалагаммавибаагасса убад̇т̇амбханубабийл̣анубагхаад̇анаани на на самбхаванд̇и. зван̃жа гад̇ваа яаа хздтаа б̣ахуусу аананд̇ариязсу згзна г̇ахид̇абадисанд̇хигасса ид̇арзсам̣ д̇асса ануб̣алаббад̣̇ааяид̇аа вуд̇д̇аа, сааби самад̇т̇ид̇аа ход̇и. яасмин̃хи гаммз гад̇з ж̇анаганиб̣б̣ад̇д̇ам̣ гусалапалам̣ ваа агусалапалам̣ ваа б̣яаад̇хид̇хаад̇усамад̇аад̣̇инимид̇д̇ам̣ виб̣аад̇хийяад̇и, д̇амубад̇т̇амбхагам̣. яасмим̣ бана гад̇з ж̇аад̇исамад̇т̇асса бадисанд̇хияам̣ бавад̇д̇ияан̃жа вибаагагадад̇д̇ааруубаанам̣ уббад̇д̇и ход̇и, д̇ам̣ ж̇анагам̣. яасмим̣ бана гад̇з ан̃н̃зна ж̇анид̇асса идтасса ваа анидтасса ваа паласса виб̣аад̇хаавижчзд̣̇абажжаяаануббад̇д̇ияаа убаб̣рууханабажжаяуббад̇д̇ияаа жа ж̇анагасаамад̇т̇ияаануруубам̣ баривуд̇д̇ижирад̇арабаб̣анд̇хаа ход̇и, зд̇ам̣ убад̇т̇амбхагам̣. д̇ат̇аа яасмим̣ гад̇з ж̇анаганиб̣б̣ад̇д̇ам̣ гусалапалам̣ агусалапалам̣ ваа б̣яаад̇хид̇хаад̇усамад̇аад̣̇инимид̇д̇ам̣ виб̣аад̇хийяад̇и, д̇ам̣ убабийл̣агам̣. яасмим̣ бана гад̇з ж̇анагасаамад̇т̇ияавасзна жирад̇арабаб̣анд̇хаарахамби самаанам̣ палам̣ вижчзд̣̇агабажжаяуббад̇д̇ияаа вижчиж̇ж̇ад̇и, д̇ам̣ убагхаад̇аганд̇и аяамзд̇т̇а сааро.
Purimānīti upapīḷakopacchedakāni. Upapīḷakupaghātā nāma kusalavipākapaṭibāhakāti adhippāyena ‘‘dve akusalānevā’’ti vuttaṃ. Upatthambhakaṃ kusalamevāti ettha yathā janakaṃ ubhayasabhāvaṃ, evaṃ itaresampi ubhayasabhāvatāya vuccamānāya na koci virodho. Devadattādīnañhi nāgādīnaṃ ito anuppavacchitānaṃ petādīnañca narakādīsu akusalakammavipākassa upatthambhanupapīḷanupaghātanāni na na sambhavanti. Evañca katvā yā heṭṭhā bahūsu ānantariyesu ekena gahitapaṭisandhikassa itaresaṃ tassa anubalappadāyitā vuttā, sāpi samatthitā hoti. Yasmiñhi kamme kate janakanibbattaṃ kusalaphalaṃ vā akusalaphalaṃ vā byādhidhātusamatādinimittaṃ vibādhīyati, tamupatthambhakaṃ. Yasmiṃ pana kate jātisamatthassa paṭisandhiyaṃ pavattiyañca vipākakaṭattārūpānaṃ uppatti hoti, taṃ janakaṃ. Yasmiṃ pana kate aññena janitassa iṭṭhassa vā aniṭṭhassa vā phalassa vibādhāvicchedapaccayānuppattiyā upabrūhanapaccayuppattiyā ca janakasāmatthiyānurūpaṃ parivutticiratarapabandhā hoti, etaṃ upatthambhakaṃ. Tathā yasmiṃ kate janakanibbattaṃ kusalaphalaṃ akusalaphalaṃ vā byādhidhātusamatādinimittaṃ vibādhīyati, taṃ upapīḷakaṃ. Yasmiṃ pana kate janakasāmatthiyavasena ciratarapabandhārahampi samānaṃ phalaṃ vicchedakapaccayuppattiyā vicchijjati, taṃ upaghātakanti ayamettha sāro.
д̇ад̇т̇аад̇и д̇зсу гаммзсу. убажчзд̣̇агагаммзнаад̇и ааяуно убагхаад̇агагаммзна. свааяамубагхаад̇агабхааво д̣̇вид̇хаа ижчид̇аб̣б̣од̇и д̇ам̣ д̣̇ассзд̇ум̣ ‘‘баан̣аад̇ибаад̇инаа’’д̇иаад̣̇и вуд̇д̇ам̣. на саггод̇и баан̣аад̇ибаад̇агаммунаа санд̇аанасса д̇ат̇аабхисан̇кад̇ад̇д̇аа. яасмин̃хи санд̇аанз ниб̣б̣ад̇д̇ам̣, д̇асса д̇зна абхисан̇кад̇ад̇аа авассам̣ ижчид̇аб̣б̣аа д̇ад̇т̇зва д̇асса вибаагасса виниб̣анд̇ханад̇о. зд̇зна гусаласса гаммасса ааяууханагкан̣зязва баан̣аад̇ибаад̇о д̇аад̣̇исам̣ саамад̇т̇ияубагхаад̇ам̣ гарод̇ийд̇и д̣̇ассзд̇и, д̇ад̇о гаммам̣ аббапалам̣ ход̇и. ‘‘д̣̇ийгхааяугаа’’д̇иаад̣̇инаа убагхаад̇асаамад̇т̇иязна кзд̇д̇з уббаннасассам̣ вияа убабад̇д̇инияаамагаа д̇хаммаад̇и д̣̇ассзд̇и. убабад̇д̇и нияад̇ависзсз вибажжид̇ум̣ огаасз гаронд̇з зва гусалагаммз аагад̣дхияамаанабадисанд̇хигам̣ баан̣аад̇ибаад̇агаммам̣ аббааяугад̇т̇ааяа нияамзд̇ийд̇и ааха – ‘‘бадисанд̇химзва ваа нияаамзд̇ваа аббааяугам̣ гарод̇ий’’д̇и. баан̣аад̇ибаад̇ажзд̇анааяа ажжанд̇агадугавибаагад̇д̇аа саннидтаанажзд̇анааяа нираяз ниб̣б̣ад̇д̇ад̇и д̇ассаа ад̇т̇асса кийн̣аабхаавад̇о; ид̇арз бана на д̇ат̇аа бхаарияаад̇и ааха – ‘‘буб̣б̣аа…бз… ход̇ий’’д̇и. ид̇ха бана яам̣ хздтаа вуд̇д̇асад̣̇исам̣, д̇ам̣ вуд̇д̇анаязна взд̣̇ид̇аб̣б̣ам̣.
Tatthāti tesu kammesu. Upacchedakakammenāti āyuno upaghātakakammena. Svāyamupaghātakabhāvo dvidhā icchitabboti taṃ dassetuṃ ‘‘pāṇātipātinā’’tiādi vuttaṃ. Na sakkoti pāṇātipātakammunā santānassa tathābhisaṅkhatattā. Yasmiñhi santāne nibbattaṃ, tassa tena abhisaṅkhatatā avassaṃ icchitabbā tattheva tassa vipākassa vinibandhanato. Etena kusalassa kammassa āyūhanakkhaṇeyeva pāṇātipāto tādisaṃ sāmatthiyupaghātaṃ karotīti dasseti, tato kammaṃ appaphalaṃ hoti. ‘‘Dīghāyukā’’tiādinā upaghātasāmatthiyena khette uppannasassaṃ viya upapattiniyāmakā dhammāti dasseti. Upapatti niyatavisese vipaccituṃ okāse karonte eva kusalakamme ākaḍḍhiyamānapaṭisandhikaṃ pāṇātipātakammaṃ appāyukatthāya niyametīti āha – ‘‘paṭisandhimeva vā niyāmetvā appāyukaṃ karotī’’ti. Pāṇātipātacetanāya accantakaṭukavipākattā sanniṭṭhānacetanāya niraye nibbattati tassā atthassa khīṇābhāvato; itare pana na tathā bhāriyāti āha – ‘‘pubbā…pe… hotī’’ti. Idha pana yaṃ heṭṭhā vuttasadisaṃ, taṃ vuttanayena veditabbaṃ.
мануссаамануссабариссаяаад̇и маанусагаа амаанусагаа жа убад̣̇д̣̇аваа. бурад̇од̇и буб̣б̣ад̣̇ваарад̇о. бажчад̇од̇и бажчимавад̇т̇уд̇о. баваддамаанаад̇и бариж̇анасса, д̣̇звад̇аанам̣ ваа д̣̇зсзна баваддамаанаа. барзхийд̇и бураад̇анзхи барзхи. саммукийбхааванд̇и саамибхаававасзна бажжагкад̇д̇ам̣. аахарид̇ваа д̣̇знд̇и ин̣ааяигаа. гамманд̇аад̇и ван̣иж̇ж̇аад̣̇игаммаани. абаан̣аад̇ибаад̇агамманд̇и баан̣аад̇ибаад̇асса бадибагкабхууд̇ам̣ гаммам̣; баан̣аад̇ибаад̇аа вирад̇ивасзна бавад̇д̇ид̇агамманд̇и ад̇т̇о. д̣̇ийгхааяугасам̣вад̇д̇анигам̣ ход̇и вибаагасса гаммасаригкабхаавад̇о . иминаа наязнаад̇и иминаа аббааяугад̣̇ийгхааяугасам̣вад̇д̇анигзсу гаммзсу яат̇аавуд̇д̇зна д̇ам̣ сам̣вад̇д̇анигавибхаавананаязна.
Manussāmanussaparissayāti mānusakā amānusakā ca upaddavā. Puratoti pubbadvārato. Pacchatoti pacchimavatthuto. Pavaṭṭamānāti parijanassa, devatānaṃ vā desena pavaṭṭamānā. Parehīti purātanehi parehi. Sammukhībhāvanti sāmibhāvavasena paccakkhattaṃ. Āharitvā denti iṇāyikā. Kammantāti vaṇijjādikammāni. Apāṇātipātakammanti pāṇātipātassa paṭipakkhabhūtaṃ kammaṃ; pāṇātipātā virativasena pavattitakammanti attho. Dīghāyukasaṃvattanikaṃ hoti vipākassa kammasarikkhabhāvato . Iminā nayenāti iminā appāyukadīghāyukasaṃvattanikesu kammesu yathāvuttena taṃ saṃvattanikavibhāvananayena.
вихзтанагаммаад̣̇ийнибийд̇и би-сад̣̇д̣̇зна год̇хаиссааманагамажчзрат̇ад̣̇д̇хаавид̣̇д̣̇асубхаававасзна бавад̇д̇ид̇агаммаани сан̇г̇ан̣хаад̇и. д̇ат̇зваад̇и яат̇аа баан̣аад̇ибаад̇агаммам̣ ад̇т̇ад̇о звам̣ вад̣̇ад̇и наамаад̇и вуд̇д̇ам̣, д̇ат̇зва вад̣̇амаанаани вияа. ‘‘яам̣ яад̣̇зваад̇ибад̇т̇знд̇и, саб̣б̣амзд̇зна лаб̣бхад̇ий’’д̇и (ку. баа. 8.10) важанад̇о яат̇аа саб̣б̣агусалам̣ саб̣б̣аасам̣ самбад̇д̇ийнам̣ убаниссаяо, звам̣ саб̣б̣ам̣ агусалам̣ саб̣б̣аасам̣ вибад̇д̇ийнам̣ убаниссаяод̇и, ‘‘убабийл̣анзна ниб̣бхог̇ад̇ам̣ аабаад̣̇зд̇ваа’’д̇иаад̣̇и вуд̇д̇ам̣ . д̇ат̇аа хи баан̣аад̇ибаад̇агаммавасзнаби аяам̣ наяо д̣̇ассид̇о. авихзтанаад̣̇ийнийд̇и зд̇т̇а аад̣̇и-сад̣̇д̣̇зна аггод̇хана-аниссаамана-д̣̇аана-анад̇имаана-вид̣̇д̣̇асубхаавзна бавад̇д̇агаммаани сан̇г̇ан̣хаад̇и.
Viheṭhanakammādīnipīti pi-saddena kodhaissāmanakamaccherathaddhaaviddasubhāvavasena pavattitakammāni saṅgaṇhāti. Tathevāti yathā pāṇātipātakammaṃ atthato evaṃ vadati nāmāti vuttaṃ, tatheva vadamānāni viya. ‘‘Yaṃ yadevātipatthenti, sabbametena labbhatī’’ti (khu. pā. 8.10) vacanato yathā sabbakusalaṃ sabbāsaṃ sampattīnaṃ upanissayo, evaṃ sabbaṃ akusalaṃ sabbāsaṃ vipattīnaṃ upanissayoti, ‘‘upapīḷanena nibbhogataṃ āpādetvā’’tiādi vuttaṃ . Tathā hi pāṇātipātakammavasenapi ayaṃ nayo dassito. Aviheṭhanādīnīti ettha ādi-saddena akkodhana-anissāmana-dāna-anatimāna-viddasubhāvena pavattakammāni saṅgaṇhāti.
293. иссаа мано зд̇ассаад̇и иссааманагод̇и ааха ‘‘иссаасамбаяуд̇д̇ажид̇д̇о’’д̇и. убаггосанд̇од̇и аггосавад̇т̇уухи аггосанд̇о. иссам̣ б̣анд̇хад̇ийд̇и иссам̣ ануб̣анд̇хад̇и иссаасахид̇амзва жид̇д̇ам̣ анубавад̇д̇зд̇и. аббзсагкод̇и аббаанубхааво аббан̃н̃аад̇о. д̇знааха ‘‘на бан̃н̃ааяад̇ий’’д̇и. саа банасса аббаанубхаавад̇аа бариваараабхаавзна баагадаа ход̇ийд̇и ааха ‘‘аббабаривааро’’д̇и.
293. Issā mano etassāti issāmanakoti āha ‘‘issāsampayuttacitto’’ti. Upakkosantoti akkosavatthūhi akkosanto. Issaṃ bandhatīti issaṃ anubandhati issāsahitameva cittaṃ anupavatteti. Appesakkhoti appānubhāvo appaññāto. Tenāha ‘‘na paññāyatī’’ti. Sā panassa appānubhāvatā parivārābhāvena pākaṭā hotīti āha ‘‘appaparivāro’’ti.
294. мажчарияавасзна на д̣̇аад̇аа ход̇ийд̇и саб̣б̣асо д̣̇зяяад̇хаммасса абхаавзна на д̣̇аад̇аа на ход̇и. амажчарий хи буг̇г̇ало сад̇и д̣̇зяяад̇хаммз яат̇аарахам̣ д̣̇зд̇иязва.
294.Macchariyavasena na dātā hotīti sabbaso deyyadhammassa abhāvena na dātā na hoti. Amaccharī hi puggalo sati deyyadhamme yathārahaṃ detiyeva.
295. абхиваад̣̇зд̇аб̣б̣ам̣ кзд̇д̇авасзна мад̇т̇агаббад̇д̇ам̣ д̣̇ассзд̇ум̣, ‘‘б̣уд̣̇д̇хам̣ ваа’’д̇иаад̣̇и вуд̇д̇ам̣. ан̃н̃зби маад̇убид̇уж̇здтабхаад̇араад̣̇аяо абхиваад̣̇анаад̣̇иарахаа санд̇и, д̇зсу т̇ад̣̇д̇хаад̣̇ивасзна гаран̣ам̣ нийжагуласам̣вад̇д̇анигамзва. на хи бавад̇д̇з саггаа гаад̇унд̇и самб̣анд̇хо. д̇зна бавад̇д̇ивибаагад̣̇ааяино гаммасса висаяо зсод̇и д̣̇ассзд̇и. д̇знааха ‘‘бадисанд̇химзва банаа’’д̇иаад̣̇и.
295. Abhivādetabbaṃ khettavasena matthakappattaṃ dassetuṃ, ‘‘buddhaṃ vā’’tiādi vuttaṃ. Aññepi mātupitujeṭṭhabhātarādayo abhivādanādiarahā santi, tesu thaddhādivasena karaṇaṃ nīcakulasaṃvattanikameva. Na hi pavatte sakkā kātunti sambandho. Tena pavattivipākadāyino kammassa visayo esoti dasseti. Tenāha ‘‘paṭisandhimeva panā’’tiādi.
296. абарибужчанзнаад̇и абарибужчаамад̇д̇зна нираяз на ниб̣б̣ад̇д̇ад̇и; абарибужчаахзд̇у бана гад̇д̇аб̣б̣аагаран̣аад̣̇ийхи сияаа нираяаниб̣б̣ад̇д̇ийд̇и баал̣ияам̣, ‘‘на барибужчид̇аа ход̇ий’’д̇иаад̣̇и вуд̇д̇анд̇и д̣̇ассзнд̇о, ‘‘абарибужчаго банаа’’д̇иаад̣̇имааха. яат̇аанусанд̇хим̣ баабзсийд̇и д̣̇зсанам̣ яат̇аанусанд̇хинидтаанам̣ баабзси. сзсам̣ вуд̇д̇анаяад̇д̇аа сувин̃н̃зяяамзва.
296.Aparipucchanenāti aparipucchāmattena niraye na nibbattati; aparipucchāhetu pana kattabbākaraṇādīhi siyā nirayanibbattīti pāḷiyaṃ, ‘‘na paripucchitā hotī’’tiādi vuttanti dassento, ‘‘aparipucchako panā’’tiādimāha. Yathānusandhiṃ pāpesīti desanaṃ yathānusandhiniṭṭhānaṃ pāpesi. Sesaṃ vuttanayattā suviññeyyameva.
жуул̣агаммавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷakammavibhaṅgasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жуул̣агаммавибхан̇г̇асуд̇д̇ам̣ • 5. Cūḷakammavibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жуул̣агаммавибхан̇г̇асуд̇д̇аван̣н̣анаа • 5. Cūḷakammavibhaṅgasuttavaṇṇanā
