| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. жуул̣агад̇т̇зраг̇аат̇ааван̣н̣анаа
6. Cūḷakattheragāthāvaṇṇanā
над̣̇анд̇и мораа сусикаа субзкун̣аад̇и ааяасмад̇о жуул̣агад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о ид̇о згад̇им̣сз габбз сикисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ сад̇т̇аарам̣ д̣̇исваа басаннамаанасо чад̇д̇абан̣н̣ипалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з рааж̇аг̇ахз б̣раахман̣агулз ниб̣б̣ад̇д̇ид̇ваа жуул̣агод̇и лад̣̇д̇ханаамо ваяаббад̇д̇о д̇ханабаалад̣̇аманз сад̇т̇ари лад̣̇д̇хаббасаад̣̇о баб̣б̣аж̇ид̇ваа саман̣ад̇хаммам̣ гаронд̇о инд̣̇асаалаг̇ухааяам̣ васад̇и, со згад̣̇ивасам̣ г̇ухаад̣̇ваарз нисинно маг̇ад̇хагкзд̇д̇ам̣ ологзси. д̇асмим̣ кан̣з баавусагааламзгхо г̇амбхийрамад̇хураниг̇гхосо сад̇абадаласахассабадало ан̃ж̇ана сикарасаннигаасо набхам̣ буурзд̇ваа бавассад̇и, маяуурасан̇гхаа жа мзгхаг̇аж̇ж̇ид̇ам̣ суд̇ваа хадтад̇удтаа гзгаасад̣̇д̣̇ам̣ мун̃жид̇ваа д̇ад̇т̇а д̇ад̇т̇а бад̣̇зсз нажжанд̇аа вижаранд̇и. т̇зрассаби ааваасаг̇аб̣бхз мзгхаваад̇апассзхи абаг̇ад̇ад̇хаммад̇д̇аа бассад̣̇д̇хагараж̇агааяз галлад̇ам̣ бад̇д̇з уд̇усаббааяалаабхзна жид̇д̇ам̣ згаг̇г̇ам̣ ахоси, гаммадтаанавийт̇им̣ од̇ари, со д̇ам̣ н̃ад̇ваа гааласамбад̣̇аад̣̇игид̇д̇анамукзна ад̇д̇аанам̣ бхааванааяа уссаахзнд̇о –
Nadanti morā susikhā supekhuṇāti āyasmato cūḷakattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto ito ekatiṃse kappe sikhissa bhagavato kāle kulagehe nibbattitvā viññutaṃ patto ekadivasaṃ satthāraṃ disvā pasannamānaso chattapaṇṇiphalaṃ adāsi. So tena puññakammena devamanussesu saṃsaranto imasmiṃ buddhuppāde rājagahe brāhmaṇakule nibbattitvā cūḷakoti laddhanāmo vayappatto dhanapāladamane satthari laddhappasādo pabbajitvā samaṇadhammaṃ karonto indasālaguhāyaṃ vasati, so ekadivasaṃ guhādvāre nisinno magadhakkhettaṃ olokesi. Tasmiṃ khaṇe pāvusakālamegho gambhīramadhuranigghoso satapaṭalasahassapaṭalo añjana sikharasannikāso nabhaṃ pūretvā pavassati, mayūrasaṅghā ca meghagajjitaṃ sutvā haṭṭhatuṭṭhā kekāsaddaṃ muñcitvā tattha tattha padese naccantā vicaranti. Therassapi āvāsagabbhe meghavātaphassehi apagatadhammattā passaddhakarajakāye kallataṃ patte utusappāyalābhena cittaṃ ekaggaṃ ahosi, kammaṭṭhānavīthiṃ otari, so taṃ ñatvā kālasampadādikittanamukhena attānaṃ bhāvanāya ussāhento –
211.
211.
‘‘над̣̇анд̇и мораа сусикаа субзкун̣аа, сунийлаг̇ийваа сумукаа суг̇аж̇ж̇ино;
‘‘Nadanti morā susikhā supekhuṇā, sunīlagīvā sumukhā sugajjino;
сусад̣̇д̣̇алаа жааби махаамахий аяам̣, суб̣яаабид̇амб̣у сувалаахагам̣ набхам̣.
Susaddalā cāpi mahāmahī ayaṃ, subyāpitambu suvalāhakaṃ nabhaṃ.
212.
212.
‘‘сугалларуубо суманасса жхааяад̇ам̣, суниггамо саад̇ху суб̣уд̣̇д̇хасаасанз;
‘‘Sukallarūpo sumanassa jhāyataṃ, sunikkamo sādhu subuddhasāsane;
сусуггасуггам̣ нибун̣ам̣ суд̣̇уд̣̇д̣̇асам̣, пусаахи д̇ам̣ уд̇д̇амамажжуд̇ам̣ бад̣̇а’’нд̇и. –
Susukkasukkaṃ nipuṇaṃ sududdasaṃ, phusāhi taṃ uttamamaccutaṃ pada’’nti. –
д̣̇вз г̇аат̇аа абхааси.
Dve gāthā abhāsi.
д̇ад̇т̇а над̣̇анд̇и мораа сусикаа субзкун̣аа, сунийлаг̇ийваа сумукаа суг̇аж̇ж̇инод̇и зд̇з мад̇т̇агз удтид̇аахи сунд̣̇араахи сикаахи саманнааг̇ад̇ад̇д̇аа сусикаа, наанааван̣н̣зхи анзгзхи собханзхи бхад̣̇д̣̇агабин̃чзхи саманнааг̇ад̇ад̇д̇аа субзкун̣аа, рааж̇ийваван̣н̣асан̇гаасааяа сунд̣̇арааяа нийлаван̣н̣ааяа г̇ийвааяа саманнааг̇ад̇ад̇д̇аа сунийлаг̇ийваа, сунд̣̇арамукад̇ааяа сумукаа, манун̃н̃аваад̣̇ид̇ааяа суг̇аж̇ж̇ино, мораа сикан̣д̣ино чаж̇ж̇асам̣ваад̣̇ий гзгаасад̣̇д̣̇ам̣ мун̃жанд̇аа над̣̇анд̇и раванд̇и. сусад̣̇д̣̇алаа жааби махаамахий аяанд̇и аяан̃жа махаабат̇авий сусад̣̇д̣̇алаа сунд̣̇арахарид̇ад̇ин̣аа. суб̣яаабид̇амб̣ууд̇и абхинававудтияаа д̇ахам̣ д̇ахам̣ виссанд̣̇амаанасалилад̇ааяа судту б̣яаабид̇аж̇алаа вид̇ад̇аж̇алаа. ‘‘сусуггад̇амб̣уу’’д̇иби баато, сувисуд̣̇д̇хаж̇алаад̇и ад̇т̇о. сувалаахагам̣ набханд̇и ид̣̇ан̃жа набхам̣ аагаасам̣ нийлуббалад̣̇аласаннибхзхи саманд̇ад̇о буурзд̇ваа тид̇зхи сунд̣̇арзхи валаахагзхи мзгхзхи сувалаахагам̣.
Tattha nadanti morā susikhā supekhuṇā, sunīlagīvā sumukhā sugajjinoti ete matthake uṭṭhitāhi sundarāhi sikhāhi samannāgatattā susikhā, nānāvaṇṇehi anekehi sobhanehi bhaddakapiñchehi samannāgatattā supekhuṇā, rājīvavaṇṇasaṅkāsāya sundarāya nīlavaṇṇāya gīvāya samannāgatattā sunīlagīvā, sundaramukhatāya sumukhā, manuññavāditāya sugajjino, morā sikhaṇḍino chajjasaṃvādī kekāsaddaṃ muñcantā nadanti ravanti. Susaddalā cāpi mahāmahī ayanti ayañca mahāpathavī susaddalā sundaraharitatiṇā. Subyāpitambūti abhinavavuṭṭhiyā tahaṃ tahaṃ vissandamānasalilatāya suṭṭhu byāpitajalā vitatajalā. ‘‘Susukkatambū’’tipi pāṭho, suvisuddhajalāti attho. Suvalāhakaṃ nabhanti idañca nabhaṃ ākāsaṃ nīluppaladalasannibhehi samantato pūretvā ṭhitehi sundarehi valāhakehi meghehi suvalāhakaṃ.
сугалларуубо суманасса жхааяад̇анд̇и ид̣̇аани уд̇усаббааяалаабхзна судту галларуубо гамманияасабхааво д̇вам̣, нийваран̣зхи анаж̇жхааруул̣хажид̇д̇ад̇ааяа сунд̣̇араманасса яог̇ааважарасса яам̣ аарамман̣уубаниж̇жхаанавасзна лагкан̣уубаниж̇жхаанавасзна жа жхааяад̇ам̣. суниггамо…бз… ажжуд̇ам̣ бад̣̇анд̇и звам̣ жхааяанд̇о жа саад̇ху суб̣уд̣̇д̇хасса саммаасамб̣уд̣̇д̇хасса саасанз сунд̣̇араниггамо худ̇ваа субарисуд̣̇д̇хасийлад̇ааяа сусуггам̣, висуд̣̇д̇хасабхаавад̇ааяа саб̣б̣ассаби сам̣гилзсасса г̇ожарабхааваанубаг̇аманад̇о суггам̣, нибун̣ан̃аан̣аг̇ожарад̇ааяа нибун̣ам̣, барамаг̇амбхийрад̇ааяа суд̣̇уд̣̇д̣̇асам̣, бан̣ийд̇абхаавзна сздтабхаавзна жа уд̇д̇амам̣, нижжасабхаавад̇ааяа ажжуд̇ам̣ бад̣̇ам̣ д̇ам̣ ниб̣б̣аанам̣ пусаахи ад̇д̇абажжагкагаран̣зна саммаабадибад̇д̇ияаа сажчигарохийд̇и.
Sukallarūposumanassa jhāyatanti idāni utusappāyalābhena suṭṭhu kallarūpo kammaniyasabhāvo tvaṃ, nīvaraṇehi anajjhārūḷhacittatāya sundaramanassa yogāvacarassa yaṃ ārammaṇūpanijjhānavasena lakkhaṇūpanijjhānavasena ca jhāyataṃ. Sunikkamo…pe… accutaṃ padanti evaṃ jhāyanto ca sādhu subuddhassa sammāsambuddhassa sāsane sundaranikkamo hutvā suparisuddhasīlatāya susukkaṃ, visuddhasabhāvatāya sabbassapi saṃkilesassa gocarabhāvānupagamanato sukkaṃ, nipuṇañāṇagocaratāya nipuṇaṃ, paramagambhīratāya sududdasaṃ, paṇītabhāvena seṭṭhabhāvena ca uttamaṃ, niccasabhāvatāya accutaṃ padaṃ taṃ nibbānaṃ phusāhi attapaccakkhakaraṇena sammāpaṭipattiyā sacchikarohīti.
звам̣ т̇зро ад̇д̇аанам̣ овад̣̇анд̇ова уд̇усаббааяалаабхзна самаахид̇ажид̇д̇о вибассанам̣ уссуггаабзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.39.37-42) –
Evaṃ thero attānaṃ ovadantova utusappāyalābhena samāhitacitto vipassanaṃ ussukkāpetvā arahattaṃ pāpuṇi. Tena vuttaṃ apadāne (apa. thera 1.39.37-42) –
‘‘ган̣игаарам̣ва ж̇алид̇ам̣, бун̣н̣амааязва жанд̣̇имам̣;
‘‘Kaṇikāraṃva jalitaṃ, puṇṇamāyeva candimaṃ;
ж̇аланд̇ам̣ д̣̇ийбаругкам̣ва, ад̣̇д̣̇асам̣ логанааяагам̣.
Jalantaṃ dīparukkhaṃva, addasaṃ lokanāyakaṃ.
‘‘гад̣̇алипалам̣ баг̇г̇аяха, ад̣̇аасим̣ сад̇т̇уно ахам̣;
‘‘Kadaliphalaṃ paggayha, adāsiṃ satthuno ahaṃ;
басаннажид̇д̇о сумано, ванд̣̇ид̇ваана абаггамим̣.
Pasannacitto sumano, vanditvāna apakkamiṃ.
‘‘згад̇им̣сз ид̇о габбз, яам̣ паламад̣̇ад̣̇им̣ д̇ад̣̇аа;
‘‘Ekatiṃse ito kappe, yaṃ phalamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа т̇зро ад̇д̇ано бадибад̇д̇им̣ бажжавзгкид̇ваа бийд̇исоманассаж̇аад̇о ‘‘над̣̇анд̇и мораа’’д̇иаад̣̇инаа д̇ааязва г̇аат̇аа бажжуд̣̇аахааси. д̇знасса ид̣̇амзва ан̃н̃ааб̣яаагаран̣ам̣ ахосийд̇и.
Arahattaṃ pana patvā thero attano paṭipattiṃ paccavekkhitvā pītisomanassajāto ‘‘nadanti morā’’tiādinā tāyeva gāthā paccudāhāsi. Tenassa idameva aññābyākaraṇaṃ ahosīti.
жуул̣агад̇т̇зраг̇аат̇ааван̣н̣анаа нидтид̇аа.
Cūḷakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. жуул̣агад̇т̇зраг̇аат̇аа • 6. Cūḷakattheragāthā
