| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[222] 2. жуул̣ананд̣̇ияаж̇аад̇агаван̣н̣анаа
[222] 2. Cūḷanandiyajātakavaṇṇanā
ид̣̇ам̣ д̇ад̣̇аажарияаважод̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, д̣̇звад̣̇ад̇д̇о наама гагкал̣о парусо саахасиго саммаасамб̣уд̣̇д̇хз абхимаарз баяож̇зси, силам̣ бавиж̇жхи, наал̣ааг̇ирим̣ баяож̇зси, канд̇имзд̇д̇аануд̣̇д̣̇аяамад̇д̇амбисса д̇ат̇ааг̇ад̇з над̇т̇ий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о гагкал̣о парусо ниггаарун̣игоязваа’’д̇и вад̇ваа ад̇ийд̇ам̣ аахари.
Idaṃtadācariyavacoti idaṃ satthā veḷuvane viharanto devadattaṃ ārabbha kathesi. Ekadivasañhi bhikkhū dhammasabhāyaṃ kathaṃ samuṭṭhāpesuṃ – ‘‘āvuso, devadatto nāma kakkhaḷo pharuso sāhasiko sammāsambuddhe abhimāre payojesi, silaṃ pavijjhi, nāḷāgiriṃ payojesi, khantimettānuddayamattampissa tathāgate natthī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepi devadatto kakkhaḷo pharuso nikkāruṇikoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз махаананд̣̇ияо наама ваанаро ахоси, ганидтабхаад̇иго банасса жуул̣ананд̣̇ияо наама. д̇з убхоби асийд̇исахассаваанарабариваараа химаванд̇абад̣̇зсз анд̇хамаад̇арам̣ бадиж̇аг̇г̇анд̇аа ваасам̣ габбзсум̣. д̇з маад̇арам̣ саяанаг̇умб̣з табзд̇ваа аран̃н̃ам̣ бависид̇ваа мад̇хураани палаапалаани маад̇уяаа бзсзнд̇и. аахаран̣агаваанараа д̇ассаа на д̣̇знд̇и, саа куд̣̇аабийл̣ид̇аа адтижаммаавасзсаа гисаа ахоси. ат̇а нам̣ б̣од̇хисад̇д̇о ааха – ‘‘маяам̣, амма, д̇умхаагам̣ мад̇хурапалаапалаани бзсзма, д̇умхз гасмаа милааяат̇аа’’д̇и. ‘‘д̇аад̇а, наахам̣ лабхаамий’’д̇и. б̣од̇хисад̇д̇о жинд̇зси – ‘‘маяи яуут̇ам̣ барихаранд̇з маад̇аа мз нассиссад̇и, яуут̇ам̣ бахааяа маад̇арам̣язва бадиж̇аг̇г̇иссаамий’’д̇и. со жуул̣ананд̣̇ияам̣ баггосид̇ваа ‘‘д̇аад̇а, д̇вам̣ яуут̇ам̣ барихара, ахам̣ маад̇арам̣ бадиж̇аг̇г̇иссаамий’’д̇и ааха. соби нам̣ ‘‘бхаад̇ига, маяхам̣ яуут̇абарихаран̣зна гаммам̣ над̇т̇и, ахамби маад̇арамзва бадиж̇аг̇г̇иссаамий’’д̇и ааха. ид̇и д̇з убхоби згажчанд̣̇аа худ̇ваа яуут̇ам̣ бахааяа маад̇арам̣ г̇ахзд̇ваа химаванд̇аа оруяха бажжанд̇з ниг̇род̇харугкз ваасам̣ габбзд̇ваа маад̇арам̣ бадиж̇аг̇г̇им̣су.
Atīte bārāṇasiyaṃ brahmadatte rajjaṃ kārente bodhisatto himavantapadese mahānandiyo nāma vānaro ahosi, kaniṭṭhabhātiko panassa cūḷanandiyo nāma. Te ubhopi asītisahassavānaraparivārā himavantapadese andhamātaraṃ paṭijaggantā vāsaṃ kappesuṃ. Te mātaraṃ sayanagumbe ṭhapetvā araññaṃ pavisitvā madhurāni phalāphalāni mātuyā pesenti. Āharaṇakavānarā tassā na denti, sā khudāpīḷitā aṭṭhicammāvasesā kisā ahosi. Atha naṃ bodhisatto āha – ‘‘mayaṃ, amma, tumhākaṃ madhuraphalāphalāni pesema, tumhe kasmā milāyathā’’ti. ‘‘Tāta, nāhaṃ labhāmī’’ti. Bodhisatto cintesi – ‘‘mayi yūthaṃ pariharante mātā me nassissati, yūthaṃ pahāya mātaraṃyeva paṭijaggissāmī’’ti. So cūḷanandiyaṃ pakkositvā ‘‘tāta, tvaṃ yūthaṃ parihara, ahaṃ mātaraṃ paṭijaggissāmī’’ti āha. Sopi naṃ ‘‘bhātika, mayhaṃ yūthapariharaṇena kammaṃ natthi, ahampi mātarameva paṭijaggissāmī’’ti āha. Iti te ubhopi ekacchandā hutvā yūthaṃ pahāya mātaraṃ gahetvā himavantā oruyha paccante nigrodharukkhe vāsaṃ kappetvā mātaraṃ paṭijaggiṃsu.
ат̇зго б̣аараан̣асиваасий б̣раахман̣амаан̣аво д̇аггасилааяам̣ д̣̇исаабаамогкасса аажарияасса санд̇игз саб̣б̣асиббаани уг̇г̇ан̣хид̇ваа ‘‘г̇амиссаамий’’д̇и аажарияам̣ аабужчи. аажарияо ан̇г̇авиж̇ж̇аанубхаавзна д̇асса гагкал̣апарусасаахасигабхаавам̣ н̃ад̇ваа ‘‘д̇аад̇а, д̇вам̣ гагкал̣о парусо саахасиго, зваруубаанам̣ на саб̣б̣агаалам̣ згасад̣̇исамзва иж̇жхад̇и, махаавинаасам̣ махаад̣̇угкам̣ баабун̣иссаси, маа д̇вам̣ гагкал̣о хохи, бажчаануд̇аабанагааран̣ам̣ гаммам̣ маа гарий’’д̇и овад̣̇ид̇ваа уяяож̇зси. со аажарияам̣ ванд̣̇ид̇ваа б̣аараан̣асим̣ г̇анд̇ваа гхарааваасам̣ г̇ахзд̇ваа ан̃н̃зхи сиббзхи ж̇ийвигам̣ габбзд̇ум̣ асаггонд̇о ‘‘д̇ханугодим̣ ниссааяа ж̇ийвиссаами, луд̣̇д̣̇агаммам̣ гад̇ваа ж̇ийвигам̣ габбзссаамий’’д̇и б̣аараан̣асид̇о нигкамид̇ваа бажжанд̇аг̇аамагз васанд̇о д̇ханугалаабасаннад̣̇д̇хо аран̃н̃ам̣ бависид̇ваа наанаамиг̇з маарзд̇ваа мам̣савиггаязна ж̇ийвигам̣ габбзси. со згад̣̇ивасам̣ аран̃н̃з гин̃жи алабхид̇ваа ааг̇ажчанд̇о ан̇г̇ан̣абарияанд̇з тид̇ам̣ ниг̇род̇харугкам̣ д̣̇исваа ‘‘аби наамзд̇т̇а гин̃жи бхавзяяаа’’д̇и ниг̇род̇харугкаабхимуко бааяааси.
Atheko bārāṇasivāsī brāhmaṇamāṇavo takkasilāyaṃ disāpāmokkhassa ācariyassa santike sabbasippāni uggaṇhitvā ‘‘gamissāmī’’ti ācariyaṃ āpucchi. Ācariyo aṅgavijjānubhāvena tassa kakkhaḷapharusasāhasikabhāvaṃ ñatvā ‘‘tāta, tvaṃ kakkhaḷo pharuso sāhasiko, evarūpānaṃ na sabbakālaṃ ekasadisameva ijjhati, mahāvināsaṃ mahādukkhaṃ pāpuṇissasi, mā tvaṃ kakkhaḷo hohi, pacchānutāpanakāraṇaṃ kammaṃ mā karī’’ti ovaditvā uyyojesi. So ācariyaṃ vanditvā bārāṇasiṃ gantvā gharāvāsaṃ gahetvā aññehi sippehi jīvikaṃ kappetuṃ asakkonto ‘‘dhanukoṭiṃ nissāya jīvissāmi, luddakammaṃ katvā jīvikaṃ kappessāmī’’ti bārāṇasito nikkhamitvā paccantagāmake vasanto dhanukalāpasannaddho araññaṃ pavisitvā nānāmige māretvā maṃsavikkayena jīvikaṃ kappesi. So ekadivasaṃ araññe kiñci alabhitvā āgacchanto aṅgaṇapariyante ṭhitaṃ nigrodharukkhaṃ disvā ‘‘api nāmettha kiñci bhaveyyā’’ti nigrodharukkhābhimukho pāyāsi.
д̇асмим̣ кан̣з убхоби д̇з бхаад̇аро маад̇арам̣ палаани каад̣̇аабзд̇ваа бурад̇о гад̇ваа видабаб̣бханд̇арз нисиннаа д̇ам̣ ааг̇ажчанд̇ам̣ д̣̇исваа ‘‘гим̣ но маад̇арам̣ гариссад̇ий’’д̇и сааканд̇арз нилийяим̣су. соби ко саахасигабурисо ругкамуулам̣ ааг̇анд̇ваа д̇ам̣ д̇зсам̣ маад̇арам̣ ж̇араад̣̇уб̣б̣алам̣ анд̇хам̣ д̣̇исваа жинд̇зси – ‘‘гим̣ мз д̇ужчахад̇т̇аг̇аманзна имам̣ маггадим̣ виж̇жхид̇ваа г̇ахзд̇ваа г̇амиссаамий’’д̇и. со д̇ассаа виж̇жханад̇т̇ааяа д̇ханум̣ г̇ан̣хи. д̇ам̣ д̣̇исваа б̣од̇хисад̇д̇о ‘‘д̇аад̇а жуул̣ананд̣̇ияа, зсо мз бурисо маад̇арам̣ виж̇жхид̇угаамо, ахамассаа ж̇ийвид̇ад̣̇аанам̣ д̣̇ассаами, д̇вам̣ мамажжаязна маад̇арам̣ бадиж̇аг̇г̇зяяаасий’’д̇и вад̇ваа сааканд̇араа нигкамид̇ваа ‘‘бхо буриса, маа мз маад̇арам̣ виж̇жхи, зсаа анд̇хаа ж̇араад̣̇уб̣б̣алаа, ахамассаа ж̇ийвид̇ад̣̇аанам̣ д̣̇зми, д̇вам̣ зд̇ам̣ амаарзд̇ваа мам̣ маарзхий’’д̇и д̇асса бадин̃н̃ам̣ г̇ахзд̇ваа сарасса аасаннадтаанз нисийд̣̇и. со ниггарун̣о б̣од̇хисад̇д̇ам̣ виж̇жхид̇ваа баад̇зд̇ваа маад̇арамбисса виж̇жхид̇ум̣ буна д̇ханум̣ саннаяхи. д̇ам̣ д̣̇исваа жуул̣ананд̣̇ияо ‘‘аяам̣ мз маад̇арам̣ виж̇жхид̇угаамо, згад̣̇ивасамби ко мз маад̇аа ж̇ийвамаанаа лад̣̇д̇хаж̇ийвид̇ааязва наама ход̇и, ж̇ийвид̇ад̣̇аанамассаа д̣̇ассаамий’’д̇и сааканд̇араа нигкамид̇ваа ‘‘бхо буриса, маа мз маад̇арам̣ виж̇жхи, ахамассаа ж̇ийвид̇ад̣̇аанам̣ д̣̇амми, д̇вам̣ мам̣ виж̇жхид̇ваа амхз д̣̇вз бхаад̇игз г̇ахзд̇ваа амхаагам̣ маад̇у ж̇ийвид̇ад̣̇аанам̣ д̣̇зхий’’д̇и д̇асса бадин̃н̃ам̣ г̇ахзд̇ваа сарасса аасаннадтаанз нисийд̣̇и. со д̇амби виж̇жхид̇ваа баад̇зд̇ваа ‘‘аяам̣ маггадий гхарз д̣̇аарагаанам̣ бхависсад̇ий’’д̇и маад̇арамби д̇зсам̣ виж̇жхид̇ваа баад̇зд̇ваа д̇аяоби гааж̇знаад̣̇ааяа г̇зхаабхимуко бааяааси.
Tasmiṃ khaṇe ubhopi te bhātaro mātaraṃ phalāni khādāpetvā purato katvā viṭapabbhantare nisinnā taṃ āgacchantaṃ disvā ‘‘kiṃ no mātaraṃ karissatī’’ti sākhantare nilīyiṃsu. Sopi kho sāhasikapuriso rukkhamūlaṃ āgantvā taṃ tesaṃ mātaraṃ jarādubbalaṃ andhaṃ disvā cintesi – ‘‘kiṃ me tucchahatthagamanena imaṃ makkaṭiṃ vijjhitvā gahetvā gamissāmī’’ti. So tassā vijjhanatthāya dhanuṃ gaṇhi. Taṃ disvā bodhisatto ‘‘tāta cūḷanandiya, eso me puriso mātaraṃ vijjhitukāmo, ahamassā jīvitadānaṃ dassāmi, tvaṃ mamaccayena mātaraṃ paṭijaggeyyāsī’’ti vatvā sākhantarā nikkhamitvā ‘‘bho purisa, mā me mātaraṃ vijjhi, esā andhā jarādubbalā, ahamassā jīvitadānaṃ demi, tvaṃ etaṃ amāretvā maṃ mārehī’’ti tassa paṭiññaṃ gahetvā sarassa āsannaṭṭhāne nisīdi. So nikkaruṇo bodhisattaṃ vijjhitvā pātetvā mātarampissa vijjhituṃ puna dhanuṃ sannayhi. Taṃ disvā cūḷanandiyo ‘‘ayaṃ me mātaraṃ vijjhitukāmo, ekadivasampi kho me mātā jīvamānā laddhajīvitāyeva nāma hoti, jīvitadānamassā dassāmī’’ti sākhantarā nikkhamitvā ‘‘bho purisa, mā me mātaraṃ vijjhi, ahamassā jīvitadānaṃ dammi, tvaṃ maṃ vijjhitvā amhe dve bhātike gahetvā amhākaṃ mātu jīvitadānaṃ dehī’’ti tassa paṭiññaṃ gahetvā sarassa āsannaṭṭhāne nisīdi. So tampi vijjhitvā pātetvā ‘‘ayaṃ makkaṭī ghare dārakānaṃ bhavissatī’’ti mātarampi tesaṃ vijjhitvā pātetvā tayopi kājenādāya gehābhimukho pāyāsi.
ат̇асса баабабурисасса г̇зхз асани бад̇ид̇ваа бхарияан̃жа д̣̇вз д̣̇аарагз жа г̇зхзнзва сад̣̇д̇хим̣ жхаабзси, бидтивам̣сат̇уун̣амад̇д̇ам̣ авасисси. ат̇асса нам̣ г̇аамад̣̇ваарзязва зго бурисо д̣̇исваа д̇ам̣ бавад̇д̇им̣ аарожзси. со буд̇д̇ад̣̇аарасогзна абхибхууд̇о д̇асмим̣язва таанз мам̣сагааж̇ан̃ж̇а д̇ханун̃жа чад̣д̣зд̇ваа вад̇т̇ам̣ бахааяа наг̇г̇о б̣аахаа баг̇г̇аяха барид̣̇звамаано г̇анд̇ваа гхарам̣ баависи. ат̇асса саа т̇уун̣аа бхиж̇ж̇ид̇ваа сийсз бад̇ид̇ваа сийсам̣ бхинд̣̇и, бат̇авий виварам̣ ад̣̇ааси, авийжид̇о ж̇аалаа удтахи. со бат̇авияаа г̇илияамаано аажарияасса оваад̣̇ам̣ сарид̇ваа ‘‘имам̣ вад̇а гааран̣ам̣ д̣̇исваа баараасарияаб̣раахман̣о маяхам̣ оваад̣̇амад̣̇аасий’’д̇и барид̣̇звамаано имам̣ г̇аат̇аад̣̇ваяамааха –
Athassa pāpapurisassa gehe asani patitvā bhariyañca dve dārake ca geheneva saddhiṃ jhāpesi, piṭṭhivaṃsathūṇamattaṃ avasissi. Athassa naṃ gāmadvāreyeva eko puriso disvā taṃ pavattiṃ ārocesi. So puttadārasokena abhibhūto tasmiṃyeva ṭhāne maṃsakājañja dhanuñca chaḍḍetvā vatthaṃ pahāya naggo bāhā paggayha paridevamāno gantvā gharaṃ pāvisi. Athassa sā thūṇā bhijjitvā sīse patitvā sīsaṃ bhindi, pathavī vivaraṃ adāsi, avīcito jālā uṭṭhahi. So pathaviyā giliyamāno ācariyassa ovādaṃ saritvā ‘‘imaṃ vata kāraṇaṃ disvā pārāsariyabrāhmaṇo mayhaṃ ovādamadāsī’’ti paridevamāno imaṃ gāthādvayamāha –
143.
143.
‘‘ид̣̇ам̣ д̇ад̣̇аажарияаважо, баараасарияо яад̣̇аб̣рави;
‘‘Idaṃ tadācariyavaco, pārāsariyo yadabravi;
маасу д̇вам̣ агари баабам̣, яам̣ д̇вам̣ бажчаа гад̇ам̣ д̇абз.
Māsu tvaṃ akari pāpaṃ, yaṃ tvaṃ pacchā kataṃ tape.
144.
144.
‘‘яаани гарод̇и бурисо, д̇аани ад̇д̇ани бассад̇и;
‘‘Yāni karoti puriso, tāni attani passati;
галяаан̣агаарий галяаан̣ам̣, баабагаарий жа баабагам̣;
Kalyāṇakārī kalyāṇaṃ, pāpakārī ca pāpakaṃ;
яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з пала’’нд̇и.
Yādisaṃ vapate bījaṃ, tādisaṃ harate phala’’nti.
д̇ассад̇т̇о – яам̣ баараасарияо б̣раахман̣о аб̣рави – ‘‘маасу д̇вам̣ баабам̣ агарий, яам̣ гад̇ам̣ бажчаа д̇ван̃н̃зва д̇абзяяаа’’д̇и, ид̣̇ам̣ д̇ам̣ аажарияасса важанам̣. яаани гааяаважийманод̣̇ваарзхи гаммаани бурисо гарод̇и, д̇зсам̣ вибаагам̣ бадилабханд̇о д̇ааниязва ад̇д̇ани бассад̇и. галяаан̣агаммагаарий галяаан̣ам̣ паламанубход̇и, баабагаарий жа баабагамзва хийнам̣ лаамагам̣ анидтапалам̣ анубход̇и. логасмимби хи яаад̣̇исам̣ вабад̇з б̣ийж̇ам̣, д̇аад̣̇исам̣ харад̇з палам̣, б̣ийж̇аануруубам̣ б̣ийж̇аанужчавигамзва палам̣ харад̇и г̇ан̣хаад̇и анубхавад̇ийд̇и. ид̇и со барид̣̇званд̇о бат̇авим̣ бависид̇ваа авийжимахаанираяз ниб̣б̣ад̇д̇и.
Tassattho – yaṃ pārāsariyo brāhmaṇo abravi – ‘‘māsu tvaṃ pāpaṃ akarī, yaṃ kataṃ pacchā tvaññeva tapeyyā’’ti, idaṃ taṃ ācariyassa vacanaṃ. Yāni kāyavacīmanodvārehi kammāni puriso karoti, tesaṃ vipākaṃ paṭilabhanto tāniyeva attani passati. Kalyāṇakammakārī kalyāṇaṃ phalamanubhoti, pāpakārī ca pāpakameva hīnaṃ lāmakaṃ aniṭṭhaphalaṃ anubhoti. Lokasmimpi hi yādisaṃ vapate bījaṃ, tādisaṃ harate phalaṃ, bījānurūpaṃ bījānucchavikameva phalaṃ harati gaṇhāti anubhavatīti. Iti so paridevanto pathaviṃ pavisitvā avīcimahāniraye nibbatti.
сад̇т̇аа ‘‘на, бхигкавз, д̣̇звад̣̇ад̇д̇о ид̣̇аанзва, буб̣б̣зби гагкал̣о парусо ниггаарун̣игоязваа’’д̇и вад̇ваа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа луд̣̇д̣̇агабурисо д̣̇звад̣̇ад̇д̇о ахоси, д̣̇исаабаамогко аажарияо саарибуд̇д̇о, жуул̣ананд̣̇ияо аананд̣̇о, маад̇аа махаабаж̇аабад̇иг̇од̇амий, махаананд̣̇ияо бана ахамзва ахоси’’нд̇и.
Satthā ‘‘na, bhikkhave, devadatto idāneva, pubbepi kakkhaḷo pharuso nikkāruṇikoyevā’’ti vatvā imaṃ dhammadesanaṃ āharitvā jātakaṃ samodhānesi – ‘‘tadā luddakapuriso devadatto ahosi, disāpāmokkho ācariyo sāriputto, cūḷanandiyo ānando, mātā mahāpajāpatigotamī, mahānandiyo pana ahameva ahosi’’nti.
жуул̣ананд̣̇ияаж̇аад̇агаван̣н̣анаа д̣̇уд̇ияаа.
Cūḷanandiyajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 222. жуул̣ананд̣̇ияаж̇аад̇агам̣ • 222. Cūḷanandiyajātakaṃ
