| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. жуул̣анигаасуд̇д̇ам̣
10. Cūḷanikāsuttaṃ
81. ат̇а ко ааяасмаа аананд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и . згаманд̇ам̣ нисинно ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саммукаамзд̇ам̣, бханд̇з, бхаг̇авад̇о суд̇ам̣ саммукаа бадиг̇г̇ахид̇ам̣ – ‘бхаг̇авад̇о, аананд̣̇а, сикисса абхибхуу наама сааваго б̣рахмалогз тид̇о сахассилогад̇хаад̇ум̣ 1 сарзна вин̃н̃аабзсий’д̇и. бхаг̇аваа бана, бханд̇з, арахам̣ саммаасамб̣уд̣̇д̇хо гийвад̇агам̣ баход̇и сарзна вин̃н̃аабзд̇у’’нд̇и? ‘‘сааваго со, аананд̣̇а, аббамзяяаа д̇ат̇ааг̇ад̇аа’’д̇и.
81. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi . Ekamantaṃ nisinno kho āyasmā ānando bhagavantaṃ etadavoca – ‘‘sammukhāmetaṃ, bhante, bhagavato sutaṃ sammukhā paṭiggahitaṃ – ‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṃ 2 sarena viññāpesī’ti. Bhagavā pana, bhante, arahaṃ sammāsambuddho kīvatakaṃ pahoti sarena viññāpetu’’nti? ‘‘Sāvako so, ānanda, appameyyā tathāgatā’’ti.
д̣̇уд̇ияамби ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саммукаа мзд̇ам̣, бханд̇з, бхаг̇авад̇о суд̇ам̣ саммукаа бадиг̇г̇ахид̇ам̣ – ‘бхаг̇авад̇о, аананд̣̇а, сикисса абхибхуу наама сааваго б̣рахмалогз тид̇о сахассилогад̇хаад̇ум̣ сарзна вин̃н̃аабзсий’д̇и. бхаг̇аваа бана, бханд̇з, арахам̣ саммаасамб̣уд̣̇д̇хо гийвад̇агам̣ баход̇и сарзна вин̃н̃аабзд̇у’’нд̇и? ‘‘сааваго со, аананд̣̇а, аббамзяяаа д̇ат̇ааг̇ад̇аа’’д̇и.
Dutiyampi kho āyasmā ānando bhagavantaṃ etadavoca – ‘‘sammukhā metaṃ, bhante, bhagavato sutaṃ sammukhā paṭiggahitaṃ – ‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṃ sarena viññāpesī’ti. Bhagavā pana, bhante, arahaṃ sammāsambuddho kīvatakaṃ pahoti sarena viññāpetu’’nti? ‘‘Sāvako so, ānanda, appameyyā tathāgatā’’ti.
д̇ад̇ияамби ко ааяасмаа аананд̣̇о бхаг̇аванд̇ам̣ зд̇ад̣̇авожа – ‘‘саммукаамзд̇ам̣, бханд̇з, бхаг̇авад̇о суд̇ам̣ саммукаа бадиг̇г̇ахид̇ам̣ – ‘бхаг̇авад̇о, аананд̣̇а, сикисса абхибхуу наама сааваго б̣рахмалогз тид̇о сахассилогад̇хаад̇ум̣ сарзна вин̃н̃аабзсий’д̇и. бхаг̇аваа бана, бханд̇з, арахам̣ саммаасамб̣уд̣̇д̇хо гийвад̇агам̣ баход̇и сарзна вин̃н̃аабзд̇у’’нд̇и? ‘‘суд̇аа д̇з, аананд̣̇а, сахассий жуул̣анигаа логад̇хаад̇уу’’д̇и? ‘‘зд̇асса, бхаг̇аваа, гаало; зд̇асса, суг̇ад̇а, гаало! яам̣ бхаг̇аваа бхаасзяяа. бхаг̇авад̇о суд̇ваа бхигкуу д̇хаарзссанд̇ий’’д̇и. ‘‘д̇знахаананд̣̇а, сун̣аахи саад̇хугам̣ манаси гарохи, бхаасиссаамий’’д̇и. ‘‘звам̣, бханд̇з’’д̇и ко ааяасмаа аананд̣̇о бхаг̇авад̇о бажжассоси. бхаг̇аваа зд̇ад̣̇авожа –
Tatiyampi kho āyasmā ānando bhagavantaṃ etadavoca – ‘‘sammukhāmetaṃ, bhante, bhagavato sutaṃ sammukhā paṭiggahitaṃ – ‘bhagavato, ānanda, sikhissa abhibhū nāma sāvako brahmaloke ṭhito sahassilokadhātuṃ sarena viññāpesī’ti. Bhagavā pana, bhante, arahaṃ sammāsambuddho kīvatakaṃ pahoti sarena viññāpetu’’nti? ‘‘Sutā te, ānanda, sahassī cūḷanikā lokadhātū’’ti? ‘‘Etassa, bhagavā, kālo; etassa, sugata, kālo! Yaṃ bhagavā bhāseyya. Bhagavato sutvā bhikkhū dhāressantī’’ti. ‘‘Tenahānanda, suṇāhi sādhukaṃ manasi karohi, bhāsissāmī’’ti. ‘‘Evaṃ, bhante’’ti kho āyasmā ānando bhagavato paccassosi. Bhagavā etadavoca –
‘‘яаавад̇аа, аананд̣̇а, жанд̣̇имасуурияаа 3 барихаранд̇и, д̣̇исаа бханд̇и вирожанаа, д̇аава сахассад̇хаа лого. д̇асмим̣ сахассад̇хаа логз сахассам̣ 4 жанд̣̇аанам̣, сахассам̣ суурияаанам̣, сахассам̣ синзрубаб̣б̣ад̇арааж̇аанам̣, сахассам̣ ж̇амб̣уд̣̇ийбаанам̣, сахассам̣ абараг̇ояаанаанам̣, сахассам̣ уд̇д̇арагуруунам̣, сахассам̣ буб̣б̣авид̣̇зхаанам̣, жад̇д̇аари махаасамуд̣̇д̣̇асахассаани, жад̇д̇аари махаарааж̇асахассаани, сахассам̣ жаад̇умахаарааж̇игаанам̣, сахассам̣ д̇аавад̇им̣саанам̣ , сахассам̣ яаамаанам̣ , сахассам̣ д̇усид̇аанам̣, сахассам̣ ниммаанарад̇ийнам̣, сахассам̣ бараниммид̇авасавад̇д̇ийнам̣, сахассам̣ б̣рахмалогаанам̣ – аяам̣ вужжад̇аананд̣̇а, сахассий жуул̣анигаа логад̇хаад̇у.
‘‘Yāvatā, ānanda, candimasūriyā 5 pariharanti, disā bhanti virocanā, tāva sahassadhā loko. Tasmiṃ sahassadhā loke sahassaṃ 6 candānaṃ, sahassaṃ sūriyānaṃ, sahassaṃ sinerupabbatarājānaṃ, sahassaṃ jambudīpānaṃ, sahassaṃ aparagoyānānaṃ, sahassaṃ uttarakurūnaṃ, sahassaṃ pubbavidehānaṃ, cattāri mahāsamuddasahassāni, cattāri mahārājasahassāni, sahassaṃ cātumahārājikānaṃ, sahassaṃ tāvatiṃsānaṃ , sahassaṃ yāmānaṃ , sahassaṃ tusitānaṃ, sahassaṃ nimmānaratīnaṃ, sahassaṃ paranimmitavasavattīnaṃ, sahassaṃ brahmalokānaṃ – ayaṃ vuccatānanda, sahassī cūḷanikā lokadhātu.
‘‘яаавад̇аананд̣̇а , сахассий жуул̣анигаа логад̇хаад̇у д̇аава сахассад̇хаа лого. аяам̣ вужжад̇аананд̣̇а, д̣̇висахассий маж̇жхимигаа логад̇хаад̇у.
‘‘Yāvatānanda , sahassī cūḷanikā lokadhātu tāva sahassadhā loko. Ayaṃ vuccatānanda, dvisahassī majjhimikā lokadhātu.
‘‘яаавад̇аананд̣̇а, д̣̇висахассий маж̇жхимигаа логад̇хаад̇у д̇аава сахассад̇хаа лого. аяам̣ вужжад̇аананд̣̇а, д̇исахассий махаасахассий логад̇хаад̇у.
‘‘Yāvatānanda, dvisahassī majjhimikā lokadhātu tāva sahassadhā loko. Ayaṃ vuccatānanda, tisahassī mahāsahassī lokadhātu.
‘‘ааган̇камаано, аананд̣̇а, д̇ат̇ааг̇ад̇о д̇исахассимахаасахассилогад̇хаад̇ум̣ 7 сарзна вин̃н̃аабзяяа, яаавад̇аа бана ааган̇кзяяаа’’д̇и.
‘‘Ākaṅkhamāno, ānanda, tathāgato tisahassimahāsahassilokadhātuṃ 8 sarena viññāpeyya, yāvatā pana ākaṅkheyyā’’ti.
‘‘яат̇аа гат̇ам̣ бана, бханд̇з, бхаг̇аваа д̇исахассимахаасахассилогад̇хаад̇ум̣ сарзна вин̃н̃аабзяяа, яаавад̇аа бана ааган̇кзяяаа’’д̇и? ‘‘ид̇хаананд̣̇а, д̇ат̇ааг̇ад̇о д̇исахассимахаасахассилогад̇хаад̇ум̣ обхаасзна парзяяа. яад̣̇аа д̇з сад̇д̇аа д̇ам̣ аалогам̣ сан̃ж̇аанзяяум̣, ат̇а д̇ат̇ааг̇ад̇о гхосам̣ гарзяяа сад̣̇д̣̇амануссаавзяяа. звам̣ ко, аананд̣̇а, д̇ат̇ааг̇ад̇о д̇исахассимахаасахассилогад̇хаад̇ум̣ сарзна вин̃н̃аабзяяа, яаавад̇аа бана ааган̇кзяяаа’’д̇и.
‘‘Yathā kathaṃ pana, bhante, bhagavā tisahassimahāsahassilokadhātuṃ sarena viññāpeyya, yāvatā pana ākaṅkheyyā’’ti? ‘‘Idhānanda, tathāgato tisahassimahāsahassilokadhātuṃ obhāsena phareyya. Yadā te sattā taṃ ālokaṃ sañjāneyyuṃ, atha tathāgato ghosaṃ kareyya saddamanussāveyya. Evaṃ kho, ānanda, tathāgato tisahassimahāsahassilokadhātuṃ sarena viññāpeyya, yāvatā pana ākaṅkheyyā’’ti.
звам̣ вуд̇д̇з ааяасмаа аананд̣̇о (ааяасманд̇ам̣ уд̣̇ааяим̣) 9 зд̇ад̣̇авожа – ‘‘лаабхаа вад̇а мз, сулад̣̇д̇хам̣ вад̇а мз, яасса мз сад̇т̇аа звам̣махид̣̇д̇хиго звам̣махаанубхааво’’д̇и. звам̣ вуд̇д̇з ааяасмаа уд̣̇ааяий ааяасманд̇ам̣ аананд̣̇ам̣ зд̇ад̣̇авожа – ‘‘гим̣ д̇уяхзд̇т̇а, аавусо аананд̣̇а, яад̣̇и д̇з сад̇т̇аа звам̣махид̣̇д̇хиго звам̣махаанубхааво’’д̇и? звам̣ вуд̇д̇з бхаг̇аваа ааяасманд̇ам̣ уд̣̇ааяим̣ зд̇ад̣̇авожа – ‘‘маа хзвам̣, уд̣̇ааяи, маа хзвам̣, уд̣̇ааяи. сажз, уд̣̇ааяи, аананд̣̇о авийд̇арааг̇о гаалам̣ гарзяяа, д̇зна жид̇д̇аббасаад̣̇зна сад̇д̇агкад̇д̇ум̣ д̣̇звзсу д̣̇звараж̇ж̇ам̣ гаарзяяа, сад̇д̇агкад̇д̇ум̣ имасмим̣язва ж̇амб̣уд̣̇ийбз махаараж̇ж̇ам̣ гаарзяяа. аби жа, уд̣̇ааяи, аананд̣̇о д̣̇идтзва д̇хаммз бариниб̣б̣ааяиссад̇ий’’д̇и. д̣̇асамам̣.
Evaṃ vutte āyasmā ānando (āyasmantaṃ udāyiṃ) 10 etadavoca – ‘‘lābhā vata me, suladdhaṃ vata me, yassa me satthā evaṃmahiddhiko evaṃmahānubhāvo’’ti. Evaṃ vutte āyasmā udāyī āyasmantaṃ ānandaṃ etadavoca – ‘‘kiṃ tuyhettha, āvuso ānanda, yadi te satthā evaṃmahiddhiko evaṃmahānubhāvo’’ti? Evaṃ vutte bhagavā āyasmantaṃ udāyiṃ etadavoca – ‘‘mā hevaṃ, udāyi, mā hevaṃ, udāyi. Sace, udāyi, ānando avītarāgo kālaṃ kareyya, tena cittappasādena sattakkhattuṃ devesu devarajjaṃ kāreyya, sattakkhattuṃ imasmiṃyeva jambudīpe mahārajjaṃ kāreyya. Api ca, udāyi, ānando diṭṭheva dhamme parinibbāyissatī’’ti. Dasamaṃ.
аананд̣̇аваг̇г̇о д̇ад̇ияо.
Ānandavaggo tatiyo.
д̇ассуд̣̇д̣̇аанам̣ –
Tassuddānaṃ –
чанно ааж̇ийваго сагго, ниг̇ан̣то жа нивзсаго;
Channo ājīvako sakko, nigaṇṭho ca nivesako;
д̣̇увз бхаваа сийлаб̣б̣ад̇ам̣, г̇анд̇хаж̇аад̇ан̃жа жуул̣анийд̇и.
Duve bhavā sīlabbataṃ, gandhajātañca cūḷanīti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. жуул̣анигаасуд̇д̇аван̣н̣анаа • 10. Cūḷanikāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. жуул̣анигаасуд̇д̇аван̣н̣анаа • 10. Cūḷanikāsuttavaṇṇanā
