| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. жуул̣анигаасуд̇д̇аван̣н̣анаа
10. Cūḷanikāsuttavaṇṇanā
81. д̣̇асамз арун̣авад̇исуд̇д̇анд̇аадтуббад̇д̇ияанд̇и ‘‘бхууд̇абуб̣б̣ам̣, бхигкавз, рааж̇аа ахоси арун̣аваа наама. ран̃н̃о ко бана, бхигкавз, арун̣авад̇о арун̣авад̇ий наама рааж̇ад̇хааний ахоси. арун̣авад̇им̣ ко бана, бхигкавз, рааж̇ад̇хааним̣ сикий бхаг̇аваа арахам̣ саммаасамб̣уд̣̇д̇хо убаниссааяа вихааси. сикисса ко бана, бхигкавз, бхаг̇авад̇о арахад̇о саммаасамб̣уд̣̇д̇хасса абхибхуусамбхавам̣ наама саавагаяуг̇ам̣ ахоси аг̇г̇ам̣ бхад̣̇д̣̇аяуг̇ам̣. ат̇а ко, бхигкавз, сикий бхаг̇аваа арахам̣ саммаасамб̣уд̣̇д̇хо абхибхум̣ бхигкум̣ ааманд̇зсий’’д̇иаад̣̇инаа б̣рахмасам̣яуд̇д̇з (сам̣. ни. 1.185) ааг̇ад̇асса арун̣авад̇исуд̇д̇анд̇асса адтуббад̇д̇ияам̣. ад̇иббаг̇од̇и ад̇ивияа баг̇о, ад̇ивияа баад̇од̇и ад̇т̇о, на д̇аава гулзсу бхад̇д̇ам̣ нидтаад̇ийд̇и вуд̇д̇ам̣ ход̇и.
81. Dasame aruṇavatisuttantaaṭṭhuppattiyanti ‘‘bhūtapubbaṃ, bhikkhave, rājā ahosi aruṇavā nāma. Rañño kho pana, bhikkhave, aruṇavato aruṇavatī nāma rājadhānī ahosi. Aruṇavatiṃ kho pana, bhikkhave, rājadhāniṃ sikhī bhagavā arahaṃ sammāsambuddho upanissāya vihāsi. Sikhissa kho pana, bhikkhave, bhagavato arahato sammāsambuddhassa abhibhūsambhavaṃ nāma sāvakayugaṃ ahosi aggaṃ bhaddayugaṃ. Atha kho, bhikkhave, sikhī bhagavā arahaṃ sammāsambuddho abhibhuṃ bhikkhuṃ āmantesī’’tiādinā brahmasaṃyutte (saṃ. ni. 1.185) āgatassa aruṇavatisuttantassa aṭṭhuppattiyaṃ. Atippagoti ativiya pago, ativiya pātoti attho, na tāva kulesu bhattaṃ niṭṭhātīti vuttaṃ hoti.
уж̇жхааяанд̇ийд̇и аважхааяанд̇и, хздтаа гад̇ваа жинд̇знд̇и, лаамагад̇о жинд̇знд̇и. анзгавихид̇ам̣ ид̣̇д̇хивигуб̣б̣анам̣ гад̇ваад̇и ‘‘багад̇иван̣н̣ам̣ виж̇ахид̇ваа нааг̇аван̣н̣ам̣ ваа д̣̇ассзд̇и, субан̣н̣аван̣н̣ам̣ ваа д̣̇ассзд̇ий’’д̇иаад̣̇инаа (бади. ма. 3.13) наязна ааг̇ад̇ам̣ анзгаббагаарам̣ ид̣̇д̇хивигуб̣б̣анам̣ гад̇ваа. сахассилогад̇хаад̇унд̇и жаггаваал̣асахассам̣. г̇аат̇аад̣̇ваяам̣ абхаасийд̇и т̇зро гира ‘‘гат̇ам̣ д̣̇зсид̇аа ко д̇хаммад̣̇зсанаа саб̣б̣зсам̣ бияаа манаабаа’’д̇и жинд̇зд̇ваа ‘‘саб̣б̣зби баасан̣д̣аа саб̣б̣з д̣̇звамануссаа ад̇д̇ано ад̇д̇ано самаяз бурисагаарам̣ ван̣н̣аяанд̇и, вийрияасса аван̣н̣аваад̣̇ий наама над̇т̇и, вийрияаббадисам̣яуд̇д̇ам̣ гад̇ваа д̣̇зсзссаами. звамасса д̇хаммад̣̇зсанаа саб̣б̣зсам̣ бияаа бхависсад̇и манаабаа’’д̇и н̃ад̇ваа д̇ийсу бидагзсу вижинид̇ваа ‘‘аарамбхат̇а ниггамат̇аа’’д̇и (сам̣. ни. 1.186) ид̣̇ам̣ г̇аат̇аад̣̇ваяам̣ абхааси.
Ujjhāyantīti avajhāyanti, heṭṭhā katvā cintenti, lāmakato cintenti. Anekavihitaṃ iddhivikubbanaṃ katvāti ‘‘pakativaṇṇaṃ vijahitvā nāgavaṇṇaṃ vā dasseti, supaṇṇavaṇṇaṃ vā dassetī’’tiādinā (paṭi. ma. 3.13) nayena āgataṃ anekappakāraṃ iddhivikubbanaṃ katvā. Sahassilokadhātunti cakkavāḷasahassaṃ. Gāthādvayaṃ abhāsīti thero kira ‘‘kathaṃ desitā kho dhammadesanā sabbesaṃ piyā manāpā’’ti cintetvā ‘‘sabbepi pāsaṇḍā sabbe devamanussā attano attano samaye purisakāraṃ vaṇṇayanti, vīriyassa avaṇṇavādī nāma natthi, vīriyappaṭisaṃyuttaṃ katvā desessāmi. Evamassa dhammadesanā sabbesaṃ piyā bhavissati manāpā’’ti ñatvā tīsu piṭakesu vicinitvā ‘‘ārambhatha nikkamathā’’ti (saṃ. ni. 1.186) idaṃ gāthādvayaṃ abhāsi.
гим̣ аалого аяанд̇и гасса ну ко аяам̣ аалогод̇и. вижинанд̇аананд̇и жинд̇знд̇аанам̣. саб̣б̣зд̇и логад̇хаад̇уяам̣ саб̣б̣з д̣̇зваа жа мануссаа жа. осадааяа барисааяаад̇и д̇хаммассаванад̇т̇ам̣ самосадааяа баримид̇абарижчиннааяа барисааяа. ад̇т̇оби нзсам̣ баагадо ахосийд̇и на гзвалам̣ д̇з сад̣̇д̣̇амзва ассосум̣, ат̇а ко ад̇т̇оби д̇зсам̣ багад̇исавануубажаарз вияа баагадо ахоси. д̇зна сахассам̣ логад̇хаад̇ум̣ вин̃н̃аабзд̇ийд̇и ад̇хиббааяо.
Kiṃ āloko ayanti kassa nu kho ayaṃ ālokoti. Vicinantānanti cintentānaṃ. Sabbeti lokadhātuyaṃ sabbe devā ca manussā ca. Osaṭāya parisāyāti dhammassavanatthaṃ samosaṭāya parimitaparicchinnāya parisāya. Atthopi nesaṃ pākaṭo ahosīti na kevalaṃ te saddameva assosuṃ, atha kho atthopi tesaṃ pakatisavanūpacāre viya pākaṭo ahosi. Tena sahassaṃ lokadhātuṃ viññāpetīti adhippāyo.
барихаранд̇ийд̇и синзрум̣ д̣̇агкин̣ад̇о гад̇ваа баривад̇д̇знд̇и. вирожамаанаад̇и ад̇д̇ано ж̇уд̇ияаа д̣̇иб̣б̣амаанаа, собхамаанаа ваа. д̇аава сахассад̇хаа логод̇и яад̇д̇аго жанд̣̇имасууриязхи обхаасияамаано логад̇хаад̇усан̇каад̇о згзго лого, д̇ад̇д̇агзна бамаан̣зна сахассад̇хаа лого, иминаа жаггаваал̣зна сад̣̇д̇хим̣ жаггаваал̣асахассанд̇и ад̇т̇о. гасмаа банзсаа аанийд̇аад̇и зсаа жуул̣анигаа логад̇хаад̇у гасмаа бхаг̇авад̇аа аанийд̇аа, д̣̇зсид̇аад̇и ад̇т̇о. маж̇жхимигааяа логад̇хаад̇уяаа барижчзд̣̇ад̣̇ассанад̇т̇анд̇и д̣̇висахассилогад̇хаад̇уяаа баримаан̣ад̣̇ассанад̇т̇ам̣.
Pariharantīti sineruṃ dakkhiṇato katvā parivattenti. Virocamānāti attano jutiyā dibbamānā, sobhamānā vā. Tāva sahassadhā lokoti yattako candimasūriyehi obhāsiyamāno lokadhātusaṅkhāto ekeko loko, tattakena pamāṇena sahassadhā loko, iminā cakkavāḷena saddhiṃ cakkavāḷasahassanti attho. Kasmā panesā ānītāti esā cūḷanikā lokadhātu kasmā bhagavatā ānītā, desitāti attho. Majjhimikāya lokadhātuyā paricchedadassanatthanti dvisahassilokadhātuyā parimāṇadassanatthaṃ.
сахассилогад̇хаад̇уяаа сахассий д̣̇висахассилогад̇хаад̇у, саа жаггаваал̣аг̇ан̣анааяа д̣̇асасад̇асахассажаггаваал̣абаримаан̣аа. д̇знааха ‘‘сахассажаггаваал̣аани сахассабхааг̇зна г̇ан̣зд̇ваа’’д̇иаад̣̇и. гамбанад̣̇звад̇уубасан̇гаманаад̣̇инаа ж̇аад̇ажаггаваал̣зна саха яог̇агкзмам̣ таанам̣ ж̇аад̇игкзд̇д̇ам̣. д̇ад̇д̇агааяа зва ж̇аад̇игкзд̇д̇абхааво д̇хаммад̇аавасзнзва взд̣̇ид̇аб̣б̣о, ‘‘бариг̇г̇ахавасзнаа’’д̇и гзжи. саб̣б̣зсамби б̣уд̣̇д̇хаанам̣ звам̣ ж̇аад̇игкзд̇д̇ам̣ д̇анниваасийнам̣язва жа д̣̇звад̇аанам̣ д̇хаммаабхисамаяод̇и вад̣̇анд̇и. бадисанд̇хиг̇г̇ахан̣аад̣̇ийнам̣ сад̇д̇аннам̣язва г̇ахан̣ам̣ нид̣̇ассанамад̇д̇ам̣ махаабхинийхаараад̣̇игаалзби д̇асса багамбанасса лаб̣бханад̇о.
Sahassilokadhātuyā sahassī dvisahassilokadhātu, sā cakkavāḷagaṇanāya dasasatasahassacakkavāḷaparimāṇā. Tenāha ‘‘sahassacakkavāḷāni sahassabhāgena gaṇetvā’’tiādi. Kampanadevatūpasaṅkamanādinā jātacakkavāḷena saha yogakkhemaṃ ṭhānaṃ jātikkhettaṃ. Tattakāya eva jātikkhettabhāvo dhammatāvaseneva veditabbo, ‘‘pariggahavasenā’’ti keci. Sabbesampi buddhānaṃ evaṃ jātikkhettaṃ tannivāsīnaṃyeva ca devatānaṃ dhammābhisamayoti vadanti. Paṭisandhiggahaṇādīnaṃ sattannaṃyeva gahaṇaṃ nidassanamattaṃ mahābhinīhārādikālepi tassa pakampanassa labbhanato.
сахассам̣ сахассад̇хаа гад̇ваа г̇ан̣ид̇ам̣ маж̇жхимиганд̇иаад̣̇инаа маж̇жхимигааяа логад̇хаад̇уяаа сахассам̣ д̇исахассилогад̇хаад̇у, сааязва жа махаасахассилогад̇хаад̇ууд̇и д̣̇ассзд̇и. сарасзнзва аан̣аабавад̇д̇анам̣ аан̣аагкзд̇д̇ам̣, яам̣ згаж̇жхам̣ сам̣ваддад̇и виваддад̇и жа. аан̣аа парад̇ийд̇и д̇анниваасид̣̇звад̇аанам̣ сирасаа самбадижчанзна вад̇д̇ад̇и, д̇ан̃жа ко гзвалам̣ б̣уд̣̇д̇хаанубхаавзнзва, ад̇хиббааяавасзна жа бана ‘‘яаавад̇аа бана ааган̇кзяяаа’’д̇и (а. ни. 3.81) важанад̇о б̣уд̣̇д̇хаанам̣ ависаяо наама над̇т̇и, висаяагкзд̇д̇асса бамаан̣абарижчзд̣̇о наама над̇т̇и. висамод̇и суурияуг̇г̇аманаад̣̇ийнам̣ висамабхаавад̇о висамо. д̇знзвааха ‘‘згасмим̣ таанз суурияо уг̇г̇ад̇о ход̇ий’’д̇иаад̣̇и. сзсамзд̇т̇а сувин̃н̃зяяамзва.
Sahassaṃ sahassadhā katvā gaṇitaṃ majjhimikantiādinā majjhimikāya lokadhātuyā sahassaṃ tisahassilokadhātu, sāyeva ca mahāsahassilokadhātūti dasseti. Saraseneva āṇāpavattanaṃ āṇākkhettaṃ, yaṃ ekajjhaṃ saṃvaṭṭati vivaṭṭati ca. Āṇā pharatīti tannivāsidevatānaṃ sirasā sampaṭicchanena vattati, tañca kho kevalaṃ buddhānubhāveneva, adhippāyavasena ca pana ‘‘yāvatā pana ākaṅkheyyā’’ti (a. ni. 3.81) vacanato buddhānaṃ avisayo nāma natthi, visayakkhettassa pamāṇaparicchedo nāma natthi. Visamoti sūriyuggamanādīnaṃ visamabhāvato visamo. Tenevāha ‘‘ekasmiṃ ṭhāne sūriyo uggato hotī’’tiādi. Sesamettha suviññeyyameva.
жуул̣анигаасуд̇д̇аван̣н̣анаа нидтид̇аа.
Cūḷanikāsuttavaṇṇanā niṭṭhitā.
аананд̣̇аваг̇г̇аван̣н̣анаа нидтид̇аа.
Ānandavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. жуул̣анигаасуд̇д̇ам̣ • 10. Cūḷanikāsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. жуул̣анигаасуд̇д̇аван̣н̣анаа • 10. Cūḷanikāsuttavaṇṇanā
