| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[263] 3. жуул̣абалобханаж̇аад̇агаван̣н̣анаа
[263] 3. Cūḷapalobhanajātakavaṇṇanā
абхиж̇ж̇амаанз ваарисминд̇и ид̣̇ам̣ сад̇т̇аа ж̇зд̇аванз вихаранд̇о згам̣ угган̣тид̇абхигкумзва аараб̣бха гат̇зси. д̇ан̃хи сад̇т̇аа д̇хаммасабхам̣ аанийд̇ам̣ ‘‘сажжам̣ гира, д̇вам̣ бхигку, угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘бхигку, ид̇т̇ияо наамзд̇аа бораан̣агз суд̣̇д̇хасад̇д̇зби сам̣гилзсзсу’’нд̇и вад̇ваа ад̇ийд̇ам̣ аахари.
Abhijjamānevārisminti idaṃ satthā jetavane viharanto ekaṃ ukkaṇṭhitabhikkhumeva ārabbha kathesi. Tañhi satthā dhammasabhaṃ ānītaṃ ‘‘saccaṃ kira, tvaṃ bhikkhu, ukkaṇṭhitosī’’ti pucchitvā ‘‘saccaṃ, bhante’’ti vutte ‘‘bhikkhu, itthiyo nāmetā porāṇake suddhasattepi saṃkilesesu’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇о рааж̇аа абуд̇д̇аго худ̇ваа ад̇д̇ано ид̇т̇ияо ‘‘буд̇д̇абад̇т̇анам̣ гарот̇аа’’д̇и ааха. д̇аа буд̇д̇з бад̇т̇знд̇и. звам̣ ад̣̇д̇хаанз г̇ад̇з б̣од̇хисад̇д̇о б̣рахмалогаа жавид̇ваа аг̇г̇амахзсияаа гужчисмим̣ ниб̣б̣ад̇д̇и. д̇ам̣ ж̇аад̇амад̇д̇ам̣ нхаабзд̇ваа т̇ан̃н̃абааяанад̇т̇ааяа д̇хаад̇ияаа ад̣̇ам̣су. со бааяамаано род̣̇ад̇и, ат̇а нам̣ ан̃н̃иссаа ад̣̇ам̣су. маад̇уг̇аамахад̇т̇аг̇ад̇о нзва д̇ун̣хий ход̇и. ат̇а нам̣ згасса баад̣̇амуулигасса ад̣̇ам̣су, д̇зна г̇ахид̇амад̇д̇оязва д̇ун̣хий ахоси. д̇ад̇о бадтааяа бурисаава д̇ам̣ г̇ахзд̇ваа жаранд̇и. т̇ан̃н̃ам̣ бааязнд̇аа д̣̇ухид̇ваа ваа бааязнд̇и, саан̣ианд̇арзна ваа т̇анам̣ мукз табзнд̇и. д̇знасса анид̇т̇иг̇анд̇хагумаарод̇и наамам̣ гарим̣су. д̇асса абараабарам̣ вад̣̇д̇хамаанассаби маад̇уг̇аамам̣ наама д̣̇ассзд̇ум̣ на саггаа. д̇знасса рааж̇аа висум̣язва нисаж̇ж̇аад̣̇идтаанаани жхаанааг̇ааран̃жа гаарзси.
Atīte bārāṇasiyaṃ brahmadatto rājā aputtako hutvā attano itthiyo ‘‘puttapatthanaṃ karothā’’ti āha. Tā putte patthenti. Evaṃ addhāne gate bodhisatto brahmalokā cavitvā aggamahesiyā kucchismiṃ nibbatti. Taṃ jātamattaṃ nhāpetvā thaññapāyanatthāya dhātiyā adaṃsu. So pāyamāno rodati, atha naṃ aññissā adaṃsu. Mātugāmahatthagato neva tuṇhī hoti. Atha naṃ ekassa pādamūlikassa adaṃsu, tena gahitamattoyeva tuṇhī ahosi. Tato paṭṭhāya purisāva taṃ gahetvā caranti. Thaññaṃ pāyentā duhitvā vā pāyenti, sāṇiantarena vā thanaṃ mukhe ṭhapenti. Tenassa anitthigandhakumāroti nāmaṃ kariṃsu. Tassa aparāparaṃ vaddhamānassapi mātugāmaṃ nāma dassetuṃ na sakkā. Tenassa rājā visuṃyeva nisajjādiṭṭhānāni jhānāgārañca kāresi.
со д̇асса сол̣асавассигагаалз жинд̇зси – ‘‘маяхам̣ ан̃н̃о буд̇д̇о над̇т̇и, аяам̣ бана гумааро гаамз на барибхун̃ж̇ад̇и, раж̇ж̇амби на ижчиссад̇и, д̣̇уллад̣̇д̇хо вад̇а мз буд̇д̇о’’д̇и. ат̇а нам̣ згаа нажжаг̇ийд̇аваад̣̇ид̇агусалаа бурисз барижарид̇ваа ад̇д̇ано васз гаад̇ум̣ бадиб̣алаа д̇арун̣анаадагид̇т̇ий убасан̇гамид̇ваа ‘‘д̣̇зва, гим̣ ну жинд̇зсий’’д̇и ааха, рааж̇аа д̇ам̣ гааран̣ам̣ аажигки. ‘‘ход̇у, д̣̇зва , ахам̣ д̇ам̣ балобхзд̇ваа гаамарасам̣ ж̇аанаабзссаамий’’д̇и. ‘‘сажз мз буд̇д̇ам̣ анид̇т̇иг̇анд̇хагумаарам̣ балобхзд̇ум̣ саггиссаси, со рааж̇аа бхависсад̇и, д̇вам̣ аг̇г̇амахзсий’’д̇и. саа ‘‘мамзсо бхааро, д̇умхз маа жинд̇аяид̇т̇аа’’д̇и вад̇ваа аарагкамануссз убасан̇гамид̇ваа ааха – ‘‘ахам̣ бажжуусасамаяз ааг̇анд̇ваа аяяабуд̇д̇асса саяанадтаанз б̣ахижхаанааг̇аарз тад̇ваа г̇ааяиссаами. сажз со гуж̇жхад̇и, маяхам̣ гат̇зяяаат̇а, ахам̣ абаг̇ажчиссаами. сажз сун̣аад̇и, ван̣н̣ам̣ мз гат̇зяяаат̇аа’’д̇и. д̇з ‘‘саад̇хуу’’д̇и самбадижчим̣су.
So tassa soḷasavassikakāle cintesi – ‘‘mayhaṃ añño putto natthi, ayaṃ pana kumāro kāme na paribhuñjati, rajjampi na icchissati, dulladdho vata me putto’’ti. Atha naṃ ekā naccagītavāditakusalā purise paricaritvā attano vase kātuṃ paṭibalā taruṇanāṭakitthī upasaṅkamitvā ‘‘deva, kiṃ nu cintesī’’ti āha, rājā taṃ kāraṇaṃ ācikkhi. ‘‘Hotu, deva , ahaṃ taṃ palobhetvā kāmarasaṃ jānāpessāmī’’ti. ‘‘Sace me puttaṃ anitthigandhakumāraṃ palobhetuṃ sakkissasi, so rājā bhavissati, tvaṃ aggamahesī’’ti. Sā ‘‘mameso bhāro, tumhe mā cintayitthā’’ti vatvā ārakkhamanusse upasaṅkamitvā āha – ‘‘ahaṃ paccūsasamaye āgantvā ayyaputtassa sayanaṭṭhāne bahijhānāgāre ṭhatvā gāyissāmi. Sace so kujjhati, mayhaṃ katheyyātha, ahaṃ apagacchissāmi. Sace suṇāti, vaṇṇaṃ me katheyyāthā’’ti. Te ‘‘sādhū’’ti sampaṭicchiṃsu.
сааби бажжуусагаалз д̇асмим̣ бад̣̇зсз тад̇ваа д̇анд̇иссарзна г̇ийд̇ассарам̣, г̇ийд̇ассарзна д̇анд̇иссарам̣ анад̇иггамид̇ваа мад̇хурзна сад̣̇д̣̇зна г̇ааяи, гумааро сун̣анд̇ова нибаж̇ж̇и, бунад̣̇ивасз жа аасаннадтаанз тад̇ваа г̇ааяид̇ум̣ аан̣аабзси, бунад̣̇ивасз жхаанааг̇аарз тад̇ваа г̇ааяид̇ум̣ аан̣аабзси, бунад̣̇ивасз ад̇д̇ано самийбз тад̇ваад̇и звам̣ ануггамзнзва д̇ан̣хам̣ уббаад̣̇зд̇ваа логад̇хаммам̣ сзвид̇ваа гаамарасам̣ н̃ад̇ваа ‘‘маад̇уг̇аамам̣ наама ан̃н̃зсам̣ на д̣̇ассаамий’’д̇и асим̣ г̇ахзд̇ваа анд̇аравийт̇им̣ од̇арид̇ваа бурисз ануб̣анд̇ханд̇о вижари. ат̇а нам̣ рааж̇аа г̇аахаабзд̇ваа д̇ааяа гумааригааяа сад̣̇д̇хим̣ наг̇араа нийхараабзси. убхоби аран̃н̃ам̣ бависид̇ваа ад̇хог̇ан̇г̇ам̣ г̇анд̇ваа згасмим̣ бассз г̇ан̇г̇ам̣, згасмим̣ самуд̣̇д̣̇ам̣ гад̇ваа убхиннаманд̇арз ассамабад̣̇ам̣ маабзд̇ваа ваасам̣ габбаяим̣су. гумааригаа бан̣н̣асаалааяам̣ нисийд̣̇ид̇ваа ганд̣̇амуулаад̣̇ийни бажад̇и, б̣од̇хисад̇д̇о аран̃н̃ад̇о палаапалам̣ аахарад̇и.
Sāpi paccūsakāle tasmiṃ padese ṭhatvā tantissarena gītassaraṃ, gītassarena tantissaraṃ anatikkamitvā madhurena saddena gāyi, kumāro suṇantova nipajji, punadivase ca āsannaṭṭhāne ṭhatvā gāyituṃ āṇāpesi, punadivase jhānāgāre ṭhatvā gāyituṃ āṇāpesi, punadivase attano samīpe ṭhatvāti evaṃ anukkameneva taṇhaṃ uppādetvā lokadhammaṃ sevitvā kāmarasaṃ ñatvā ‘‘mātugāmaṃ nāma aññesaṃ na dassāmī’’ti asiṃ gahetvā antaravīthiṃ otaritvā purise anubandhanto vicari. Atha naṃ rājā gāhāpetvā tāya kumārikāya saddhiṃ nagarā nīharāpesi. Ubhopi araññaṃ pavisitvā adhogaṅgaṃ gantvā ekasmiṃ passe gaṅgaṃ, ekasmiṃ samuddaṃ katvā ubhinnamantare assamapadaṃ māpetvā vāsaṃ kappayiṃsu. Kumārikā paṇṇasālāyaṃ nisīditvā kandamūlādīni pacati, bodhisatto araññato phalāphalaṃ āharati.
ат̇згад̣̇ивасам̣ д̇асмим̣ палаапалад̇т̇ааяа г̇ад̇з самуд̣̇д̣̇ад̣̇ийбагаа зго д̇аабасо бхигкаажаарад̇т̇ааяа аагаасзна г̇ажчанд̇о д̇хуумам̣ д̣̇исваа ассамабад̣̇з од̇ари. ат̇а нам̣ саа ‘‘нисийд̣̇а, яаава бажжад̇ий’’д̇и нисийд̣̇аабзд̇ваа ид̇т̇игуд̇д̇зна балобхзд̇ваа жхаанаа жаавзд̇ваа б̣рахмажарияамасса анд̇арад̇хаабзси. со багкажчиннагааго вияа худ̇ваа д̇ам̣ ж̇ахид̇ум̣ асаггонд̇о саб̣б̣ад̣̇ивасам̣ д̇ад̇т̇зва тад̇ваа б̣од̇хисад̇д̇ам̣ ааг̇ажчанд̇ам̣ д̣̇исваа взг̇зна самуд̣̇д̣̇аабхимуко балааяи. ат̇а нам̣ со ‘‘бажжаамид̇д̇о мз аяам̣ бхависсад̇ий’’д̇и асим̣ г̇ахзд̇ваа ануб̣анд̇хи. д̇аабасо аагаасз уббад̇анаагаарам̣ д̣̇ассзд̇ваа самуд̣̇д̣̇з бад̇и. б̣од̇хисад̇д̇о ‘‘зса д̇аабасо аагаасзнааг̇ад̇о бхависсад̇и, жхаанасса барихийнад̇д̇аа самуд̣̇д̣̇з бад̇ид̇о, маяаа д̣̇аанисса авассаязна бхавид̇ум̣ ваддад̇ий’’д̇и жинд̇зд̇ваа взланд̇з тад̇ваа имаа г̇аат̇аа авожа –
Athekadivasaṃ tasmiṃ phalāphalatthāya gate samuddadīpakā eko tāpaso bhikkhācāratthāya ākāsena gacchanto dhūmaṃ disvā assamapade otari. Atha naṃ sā ‘‘nisīda, yāva paccatī’’ti nisīdāpetvā itthikuttena palobhetvā jhānā cāvetvā brahmacariyamassa antaradhāpesi. So pakkhacchinnakāko viya hutvā taṃ jahituṃ asakkonto sabbadivasaṃ tattheva ṭhatvā bodhisattaṃ āgacchantaṃ disvā vegena samuddābhimukho palāyi. Atha naṃ so ‘‘paccāmitto me ayaṃ bhavissatī’’ti asiṃ gahetvā anubandhi. Tāpaso ākāse uppatanākāraṃ dassetvā samudde pati. Bodhisatto ‘‘esa tāpaso ākāsenāgato bhavissati, jhānassa parihīnattā samudde patito, mayā dānissa avassayena bhavituṃ vaṭṭatī’’ti cintetvā velante ṭhatvā imā gāthā avoca –
37.
37.
‘‘абхиж̇ж̇амаанз ваарисмим̣, саяам̣ ааг̇амма ид̣̇д̇хияаа;
‘‘Abhijjamāne vārismiṃ, sayaṃ āgamma iddhiyā;
миссийбхаавид̇т̇ияаа г̇анд̇ваа, сам̣сийд̣̇аси махан̣н̣авз.
Missībhāvitthiyā gantvā, saṃsīdasi mahaṇṇave.
38.
38.
‘‘аавадданий махаамааяаа, б̣рахмажарияавигобанаа;
‘‘Āvaṭṭanī mahāmāyā, brahmacariyavikopanā;
сийд̣̇анд̇и нам̣ вид̣̇ид̇ваана, аарагаа бариваж̇ж̇аяз.
Sīdanti naṃ viditvāna, ārakā parivajjaye.
39.
39.
‘‘яам̣ зд̇аа убасзванд̇и, чанд̣̇асаа ваа д̇ханзна ваа;
‘‘Yaṃ etā upasevanti, chandasā vā dhanena vā;
ж̇аад̇авзд̣̇ова сам̣ таанам̣, киббам̣ ануд̣̇аханд̇и на’’нд̇и.
Jātavedova saṃ ṭhānaṃ, khippaṃ anudahanti na’’nti.
д̇ад̇т̇а абхиж̇ж̇амаанз ваарисминд̇и имасмим̣ уд̣̇агз ажаламаанз агамбамаанз уд̣̇агам̣ анаамасид̇ваа саяам̣ аагаасзнзва ид̣̇д̇хияаа ааг̇анд̇ваа. миссийбхаавид̇т̇ияаад̇и логад̇хаммавасзна ид̇т̇ияаа сад̣̇д̇хим̣ миссийбхаавам̣. аавадданий махаамааяаад̇и ид̇т̇ияо наамзд̇аа гаамааваддзна аавадданад̇о аавадданий, ананд̇аахи ид̇т̇имааяаахи саманнааг̇ад̇ад̇д̇аа махаамааяаа наама. вуд̇д̇ан̃хзд̇ам̣ –
Tattha abhijjamāne vārisminti imasmiṃ udake acalamāne akampamāne udakaṃ anāmasitvā sayaṃ ākāseneva iddhiyā āgantvā. Missībhāvitthiyāti lokadhammavasena itthiyā saddhiṃ missībhāvaṃ. Āvaṭṭanī mahāmāyāti itthiyo nāmetā kāmāvaṭṭena āvaṭṭanato āvaṭṭanī, anantāhi itthimāyāhi samannāgatattā mahāmāyā nāma. Vuttañhetaṃ –
‘‘мааяаа жзд̇аа марийжий жа, сого рог̇о жубад̣̇д̣̇аво;
‘‘Māyā cetā marīcī ca, soko rogo cupaddavo;
караа жа б̣анд̇ханаа жзд̇аа, мажжубаасо г̇ухаасаяо;
Kharā ca bandhanā cetā, maccupāso guhāsayo;
д̇аасу яо виссасз босо, со нарзсу нараад̇хамо’’д̇и. (ж̇аа. 2.21.118);
Tāsu yo vissase poso, so naresu narādhamo’’ti. (jā. 2.21.118);
б̣рахмажарияавигобанаад̇и сздтажарияасса мзт̇унавирад̇иб̣рахмажарияасса вигобанаа. сийд̣̇анд̇ийд̇и ид̇т̇ияо наамзд̇аа исийнам̣ б̣рахмажарияавигобанзна абааязсу сийд̣̇анд̇и. сзсам̣ буриманаязнзва яож̇зд̇аб̣б̣ам̣.
Brahmacariyavikopanāti seṭṭhacariyassa methunaviratibrahmacariyassa vikopanā. Sīdantīti itthiyo nāmetā isīnaṃ brahmacariyavikopanena apāyesu sīdanti. Sesaṃ purimanayeneva yojetabbaṃ.
зд̇ам̣ бана б̣од̇хисад̇д̇асса важанам̣ суд̇ваа д̇аабасо самуд̣̇д̣̇амаж̇жхз тид̇оязва надтаж̇жхаанам̣ буна уббаад̣̇зд̇ваа аагаасзна ад̇д̇ано васанадтаанамзва г̇ад̇о. б̣од̇хисад̇д̇о жинд̇зси – ‘‘аяам̣ д̇аабасо звам̣ бхаариго самаано симб̣алид̇уулам̣ вияа аагаасзна г̇ад̇о, маяааби иминаа вияа жхаанам̣ уббаад̣̇зд̇ваа аагаасзна жарид̇ум̣ ваддад̇ий’’д̇и. со ассамам̣ г̇анд̇ваа д̇ам̣ ид̇т̇им̣ мануссабат̇ам̣ нзд̇ваа ‘‘г̇ажча, д̇ва’’нд̇и уяяож̇зд̇ваа аран̃н̃ам̣ бависид̇ваа манун̃н̃з бхуумибхааг̇з ассамам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа гасин̣абаригаммам̣ гад̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣о ахоси.
Etaṃ pana bodhisattassa vacanaṃ sutvā tāpaso samuddamajjhe ṭhitoyeva naṭṭhajjhānaṃ puna uppādetvā ākāsena attano vasanaṭṭhānameva gato. Bodhisatto cintesi – ‘‘ayaṃ tāpaso evaṃ bhāriko samāno simbalitūlaṃ viya ākāsena gato, mayāpi iminā viya jhānaṃ uppādetvā ākāsena carituṃ vaṭṭatī’’ti. So assamaṃ gantvā taṃ itthiṃ manussapathaṃ netvā ‘‘gaccha, tva’’nti uyyojetvā araññaṃ pavisitvā manuññe bhūmibhāge assamaṃ māpetvā isipabbajjaṃ pabbajitvā kasiṇaparikammaṃ katvā abhiññā ca samāpattiyo ca nibbattetvā brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа анид̇т̇иг̇анд̇хагумааро ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā anitthigandhakumāro ahameva ahosi’’nti.
жуул̣абалобханаж̇аад̇агаван̣н̣анаа д̇ад̇ияаа.
Cūḷapalobhanajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 263. жуул̣абалобханаж̇аад̇агам̣ • 263. Cūḷapalobhanajātakaṃ
