| Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā |
10. жуул̣абант̇агасуд̇д̇аван̣н̣анаа
10. Cūḷapanthakasuttavaṇṇanā
50. д̣̇асамз жуул̣абант̇агод̇и махаабант̇агад̇т̇зрасса ганидтабхаад̇игад̇д̇аа бант̇з ж̇аад̇ад̇д̇аа жа д̣̇ахарагаалз лад̣̇д̇хавохаарзна абарабхааг̇зби аяамааяасмаа ‘‘жуул̣абант̇аго’’д̇взва бан̃н̃ааяид̇т̇а. г̇ун̣ависзсзхи бана чал̣абхин̃н̃о бабхиннабадисамбхид̣̇о ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ маномаяам̣ гааяам̣ абхинимминанд̇аанам̣ яад̣̇ид̣̇ам̣ жуул̣абант̇аго, жзд̇овиваддагусалаанам̣ яад̣̇ид̣̇ам̣ жуул̣абант̇аго’’д̇и д̣̇вийсу (а. ни. 1.199) таанзсу бхаг̇авад̇аа зд̇ад̣̇аг̇г̇з табид̇о асийд̇ияаа махаасаавагзсу аб̣бханд̇аро.
50. Dasame cūḷapanthakoti mahāpanthakattherassa kaniṭṭhabhātikattā panthe jātattā ca daharakāle laddhavohārena aparabhāgepi ayamāyasmā ‘‘cūḷapanthako’’tveva paññāyittha. Guṇavisesehi pana chaḷabhiñño pabhinnapaṭisambhido ‘‘etadaggaṃ, bhikkhave, mama sāvakānaṃ bhikkhūnaṃ manomayaṃ kāyaṃ abhinimminantānaṃ yadidaṃ cūḷapanthako, cetovivaṭṭakusalānaṃ yadidaṃ cūḷapanthako’’ti dvīsu (a. ni. 1.199) ṭhānesu bhagavatā etadagge ṭhapito asītiyā mahāsāvakesu abbhantaro.
со згад̣̇ивасам̣ бажчаабхад̇д̇ам̣ бин̣д̣абаад̇аббадигганд̇о ад̇д̇ано д̣̇иваадтаанз д̣̇иваавихаарам̣ нисинно самаабад̇д̇ийхи д̣̇ивасабхааг̇ам̣ вийд̇инаамзд̇ваа сааяанхасамаяам̣ убаасагзсу д̇хаммассаванад̇т̇ам̣ анааг̇ад̇зсу зва вихаарамаж̇жхам̣ бависид̇ваа бхаг̇авад̇и г̇анд̇хагудияам̣ нисиннз ‘‘агаало д̇аава бхаг̇авад̇о убадтаанам̣ убасан̇гамид̇у’’нд̇и г̇анд̇хагудибамукз згаманд̇ам̣ нисийд̣̇и баллан̇гам̣ аабхуж̇ид̇ваа. д̇зна вуд̇д̇ам̣ – ‘‘д̇зна ко бана самаязна ааяасмаа жуул̣абант̇аго бхаг̇авад̇о авид̣̇уурз нисинно ход̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа’’д̇и. со хи д̇ад̣̇аа гаалабарижчзд̣̇ам̣ гад̇ваа самаабад̇д̇им̣ самаабаж̇ж̇ид̇ваа нисийд̣̇и.
So ekadivasaṃ pacchābhattaṃ piṇḍapātappaṭikkanto attano divāṭṭhāne divāvihāraṃ nisinno samāpattīhi divasabhāgaṃ vītināmetvā sāyanhasamayaṃ upāsakesu dhammassavanatthaṃ anāgatesu eva vihāramajjhaṃ pavisitvā bhagavati gandhakuṭiyaṃ nisinne ‘‘akālo tāva bhagavato upaṭṭhānaṃ upasaṅkamitu’’nti gandhakuṭipamukhe ekamantaṃ nisīdi pallaṅkaṃ ābhujitvā. Tena vuttaṃ – ‘‘tena kho pana samayena āyasmā cūḷapanthako bhagavato avidūre nisinno hoti pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā’’ti. So hi tadā kālaparicchedaṃ katvā samāpattiṃ samāpajjitvā nisīdi.
зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о жуул̣абант̇агасса гааяажид̇д̇аанам̣ саммаабан̣ихид̇абхаавасан̇каад̇ам̣ ад̇т̇ам̣ ж̇аанид̇ваа. имам̣ уд̣̇аананд̇и ан̃н̃оби яо бассад̣̇д̇хагааяо саб̣б̣ирияаабат̇зсу убадтид̇ассад̇и самаахид̇о, д̇асса бхигкуно анубаад̣̇аа бариниб̣б̣аанабарияосаанасса висзсаад̇хиг̇амасса д̇ад̇т̇а баад̇убхаававибхааванам̣ имам̣ уд̣̇аанам̣ уд̣̇аанзси.
Etamatthaṃ viditvāti etaṃ āyasmato cūḷapanthakassa kāyacittānaṃ sammāpaṇihitabhāvasaṅkhātaṃ atthaṃ jānitvā. Imaṃ udānanti aññopi yo passaddhakāyo sabbiriyāpathesu upaṭṭhitassati samāhito, tassa bhikkhuno anupādā parinibbānapariyosānassa visesādhigamassa tattha pātubhāvavibhāvanaṃ imaṃ udānaṃ udānesi.
д̇ад̇т̇а тид̇зна гааязнаад̇и гааяад̣̇вааригасса асам̣варасса бахаанзна агаран̣зна саммаа табид̇зна жобанагааязна, д̇ат̇аа жагкаад̣̇ийнам̣ инд̣̇рияаанам̣ ниб̣б̣исзванабхаавагаран̣зна судту табид̇зна бан̃жад̣̇вааригагааязна, сам̣яад̇ахад̇т̇абаад̣̇ад̇ааяа хад̇т̇агуггужжаад̣̇ийнам̣ абхаавад̇о абарипанд̣̇анзна тид̇зна гараж̇агааязна жаад̇и сан̇кзбад̇о саб̣б̣знаби гааязна ниб̣б̣игаарад̇аасан̇каад̇зна нижжалабхаавзна тид̇зна. зд̇знасса сийлабаарисуд̣̇д̇хи д̣̇ассид̇аа. ид̇т̇амбхууд̇алагкан̣з жа ид̣̇ам̣ гаран̣аважанам̣. тид̇зна жзд̇асаад̇и жид̇д̇асса тид̇ибарид̣̇ийбанзна самаад̇хисамбад̣̇ам̣ д̣̇ассзд̇и. самаад̇хи хи жид̇д̇асса ‘тид̇ий’д̇и вужжад̇и. д̇асмаа самат̇авасзна вибассанаавасзнзва ваа згаг̇г̇ад̇ааяа сад̇и жид̇д̇ам̣ аарамман̣з згод̣̇ибхаавуубаг̇аманзна тид̇ам̣ наама ход̇и, на ан̃н̃ат̇аа. ид̣̇ан̃жа яат̇аавуд̇д̇агааяажид̇д̇аанам̣ табанам̣ самаад̣̇аханам̣ саб̣б̣асмим̣ гаалз саб̣б̣зсу жа ирияаабат̇зсу ижчид̇аб̣б̣анд̇и д̣̇ассзнд̇о ааха – ‘‘д̇идтам̣ нисинно уд̣̇а ваа саяаано’’д̇и . д̇ад̇т̇а ваа-сад̣̇д̣̇о анияамад̇т̇о. д̇зна д̇идтанд̇о ваа нисинно ваа саяаано ваа д̇ад̣̇ан̃н̃ирияаабат̇о ваад̇и аяамад̇т̇о д̣̇ийбид̇о ход̇ийд̇и жан̇гаманассааби ид̇ха сан̇г̇ахо взд̣̇ид̇аб̣б̣о.
Tattha ṭhitena kāyenāti kāyadvārikassa asaṃvarassa pahānena akaraṇena sammā ṭhapitena copanakāyena, tathā cakkhādīnaṃ indriyānaṃ nibbisevanabhāvakaraṇena suṭṭhu ṭhapitena pañcadvārikakāyena, saṃyatahatthapādatāya hatthakukkuccādīnaṃ abhāvato apariphandanena ṭhitena karajakāyena cāti saṅkhepato sabbenapi kāyena nibbikāratāsaṅkhātena niccalabhāvena ṭhitena. Etenassa sīlapārisuddhi dassitā. Itthambhūtalakkhaṇe ca idaṃ karaṇavacanaṃ. Ṭhitena cetasāti cittassa ṭhitiparidīpanena samādhisampadaṃ dasseti. Samādhi hi cittassa ‘ṭhitī’ti vuccati. Tasmā samathavasena vipassanāvaseneva vā ekaggatāya sati cittaṃ ārammaṇe ekodibhāvūpagamanena ṭhitaṃ nāma hoti, na aññathā. Idañca yathāvuttakāyacittānaṃ ṭhapanaṃ samādahanaṃ sabbasmiṃ kāle sabbesu ca iriyāpathesu icchitabbanti dassento āha – ‘‘tiṭṭhaṃ nisinno uda vā sayāno’’ti . Tattha vā-saddo aniyamattho. Tena tiṭṭhanto vā nisinno vā sayāno vā tadaññiriyāpatho vāti ayamattho dīpito hotīti caṅkamanassāpi idha saṅgaho veditabbo.
зд̇ам̣ сад̇им̣ бхигку ад̇хидтахаанод̇и яааяа баг̇зва барисуд̣̇д̇хасамаажааро гааяажид̇д̇ад̣̇удтуллабхаавуубасаманзна гааяам̣ жид̇д̇ан̃жа асаарад̣̇д̇хам̣ гад̇ваа бадилад̣̇д̇хааяа анаваж̇ж̇асукаад̇хидтааяа гааяажид̇д̇абассад̣̇д̇хивасзна жид̇д̇ам̣ лахум̣ муд̣̇ум̣ гамман̃н̃ан̃жа гад̇ваа саммаа табзнд̇о самаад̣̇аханд̇о гаммадтаанам̣ бариб̣руухзд̇и мад̇т̇аган̃жа баабзд̇и, д̇ам̣ зва гаммадтаанаануяог̇асса аад̣̇имаж̇жхабарияосаанзсу б̣ахуубагаарам̣ сад̇им̣ бхигку ад̇хидтахаано сийлависод̇ханам̣ аад̣̇им̣ гад̇ваа яаава висзсаад̇хиг̇амаа д̇ад̇т̇а д̇ад̇т̇а ад̇хидтаханд̇од̇и ад̇т̇о. лабхзт̇а буб̣б̣аабарияам̣ висзсанд̇и со звам̣ сад̇иаарагкзна жзд̇асаа гаммадтаанам̣ убаруубари вад̣дхзнд̇о б̣руухзнд̇о паад̇им̣ гаронд̇о буб̣б̣аабарияам̣ буб̣б̣аабарияаванд̇ам̣ буб̣б̣аабарабхааг̇зна бавад̇д̇ам̣ ул̣аарул̣аарад̇араад̣̇ибхзд̣̇ависзсам̣ лабхзяяа.
Etaṃsatiṃ bhikkhu adhiṭṭhahānoti yāya pageva parisuddhasamācāro kāyacittaduṭṭhullabhāvūpasamanena kāyaṃ cittañca asāraddhaṃ katvā paṭiladdhāya anavajjasukhādhiṭṭhāya kāyacittapassaddhivasena cittaṃ lahuṃ muduṃ kammaññañca katvā sammā ṭhapento samādahanto kammaṭṭhānaṃ paribrūheti matthakañca pāpeti, taṃ eva kammaṭṭhānānuyogassa ādimajjhapariyosānesu bahūpakāraṃ satiṃ bhikkhu adhiṭṭhahāno sīlavisodhanaṃ ādiṃ katvā yāva visesādhigamā tattha tattha adhiṭṭhahantoti attho. Labhetha pubbāpariyaṃ visesanti so evaṃ satiārakkhena cetasā kammaṭṭhānaṃ uparūpari vaḍḍhento brūhento phātiṃ karonto pubbāpariyaṃ pubbāpariyavantaṃ pubbāparabhāgena pavattaṃ uḷāruḷāratarādibhedavisesaṃ labheyya.
д̇ад̇т̇а д̣̇увид̇хо буб̣б̣аабарияависзсо самат̇авасзна вибассанаавасзна жаад̇и. д̇зсу самат̇авасзна д̇аава нимид̇д̇уббад̇д̇ид̇о бадтааяа яаава нзвасан̃н̃аанаасан̃н̃ааяад̇анавасийбхааво, д̇аава бавад̇д̇о бхааванаависзсо буб̣б̣аабарияависзсо. вибассанаавасзна бана руубамукзна абхинивисанд̇асса руубад̇хаммабариг̇г̇ахад̇о, ид̇арасса наамад̇хаммабариг̇г̇ахад̇о бадтааяа яаава арахад̇д̇аад̇хиг̇амо, д̇аава бавад̇д̇о бхааванаависзсо буб̣б̣аабарияависзсо. аяамзва жа ид̇хаад̇хиббзд̇о.
Tattha duvidho pubbāpariyaviseso samathavasena vipassanāvasena cāti. Tesu samathavasena tāva nimittuppattito paṭṭhāya yāva nevasaññānāsaññāyatanavasībhāvo, tāva pavatto bhāvanāviseso pubbāpariyaviseso. Vipassanāvasena pana rūpamukhena abhinivisantassa rūpadhammapariggahato, itarassa nāmadhammapariggahato paṭṭhāya yāva arahattādhigamo, tāva pavatto bhāvanāviseso pubbāpariyaviseso. Ayameva ca idhādhippeto.
лад̣̇д̇хаана буб̣б̣аабарияам̣ висзсанд̇и буб̣б̣аабарияависзсам̣ уггам̣сабаарамиббад̇д̇ам̣ арахад̇д̇ам̣ лабхид̇ваа. ад̣̇ассанам̣ мажжурааж̇асса г̇ажчзд̇и ж̇ийвид̇убажчзд̣̇авасзна саб̣б̣зсам̣ сад̇д̇аанам̣ абхибхаванад̇о мажжурааж̇асан̇каад̇асса маран̣асса висаяабхууд̇ам̣ бхавад̇д̇аяам̣ самад̇игганд̇ад̇д̇аа ад̣̇ассанам̣ аг̇ожарам̣ г̇ажчзяяа. имасмим̣ ваг̇г̇з яам̣ авуд̇д̇ам̣, д̇ам̣ хздтаа вуд̇д̇анаяамзваад̇и.
Laddhāna pubbāpariyaṃ visesanti pubbāpariyavisesaṃ ukkaṃsapāramippattaṃ arahattaṃ labhitvā. Adassanaṃ maccurājassa gaccheti jīvitupacchedavasena sabbesaṃ sattānaṃ abhibhavanato maccurājasaṅkhātassa maraṇassa visayabhūtaṃ bhavattayaṃ samatikkantattā adassanaṃ agocaraṃ gaccheyya. Imasmiṃ vagge yaṃ avuttaṃ, taṃ heṭṭhā vuttanayamevāti.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
нидтид̇аа жа махааваг̇г̇аван̣н̣анаа.
Niṭṭhitā ca mahāvaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 10. жуул̣абант̇агасуд̇д̇ам̣ • 10. Cūḷapanthakasuttaṃ
