| Library / Tipiṭaka / तिपिटक • Tipiṭaka / अपदानपाळि • Apadānapāḷi |
४. चूळपन्थकत्थेरअपदानं
4. Cūḷapanthakattheraapadānaṃ
३५.
35.
‘‘पदुमुत्तरो नाम जिनो, आहुतीनं पटिग्गहो।
‘‘Padumuttaro nāma jino, āhutīnaṃ paṭiggaho;
गणम्हा वूपकट्ठो सो, हिमवन्ते वसी तदा॥
Gaṇamhā vūpakaṭṭho so, himavante vasī tadā.
३६.
36.
‘‘अहम्पि हिमवन्तम्हि, वसामि अस्समे तदा।
‘‘Ahampi himavantamhi, vasāmi assame tadā;
अचिरागतं महावीरं, उपेसिं लोकनायकं॥
Acirāgataṃ mahāvīraṃ, upesiṃ lokanāyakaṃ.
३७.
37.
‘‘पुप्फच्छत्तं गहेत्वान, उपगच्छिं नरासभं।
‘‘Pupphacchattaṃ gahetvāna, upagacchiṃ narāsabhaṃ;
समाधिं समापज्जन्तं, अन्तरायमकासहं॥
Samādhiṃ samāpajjantaṃ, antarāyamakāsahaṃ.
३८.
38.
‘‘उभो हत्थेहि पग्गय्ह, पुप्फच्छत्तं अदासहं।
‘‘Ubho hatthehi paggayha, pupphacchattaṃ adāsahaṃ;
पटिग्गहेसि भगवा, पदुमुत्तरो महामुनि॥
Paṭiggahesi bhagavā, padumuttaro mahāmuni.
३९.
39.
‘‘सब्बे देवा अत्तमना, हिमवन्तं उपेन्ति ते।
‘‘Sabbe devā attamanā, himavantaṃ upenti te;
साधुकारं पवत्तेसुं, अनुमोदिस्सति चक्खुमा॥
Sādhukāraṃ pavattesuṃ, anumodissati cakkhumā.
४०.
40.
‘‘इदं वत्वान ते देवा, उपगच्छुं नरुत्तमं।
‘‘Idaṃ vatvāna te devā, upagacchuṃ naruttamaṃ;
४१.
41.
‘‘सतपत्तछत्तं पग्गय्ह, अदासि तापसो मम।
‘‘Satapattachattaṃ paggayha, adāsi tāpaso mama;
‘तमहं कित्तयिस्सामि, सुणाथ मम भासतो॥
‘Tamahaṃ kittayissāmi, suṇātha mama bhāsato.
४२.
42.
‘‘‘पञ्चवीसतिकप्पानि, देवरज्जं करिस्सति।
‘‘‘Pañcavīsatikappāni, devarajjaṃ karissati;
चतुत्तिंसतिक्खत्तुञ्च, चक्कवत्ती भविस्सति॥
Catuttiṃsatikkhattuñca, cakkavattī bhavissati.
४३.
43.
‘‘‘यं यं योनिं संसरति, देवत्तं अथ मानुसं।
‘‘‘Yaṃ yaṃ yoniṃ saṃsarati, devattaṃ atha mānusaṃ;
अब्भोकासे पतिट्ठन्तं, पदुमं धारयिस्सति’॥
Abbhokāse patiṭṭhantaṃ, padumaṃ dhārayissati’.
४४.
44.
‘‘कप्पसतसहस्सम्हि, ओक्काककुलसम्भवो।
‘‘Kappasatasahassamhi, okkākakulasambhavo;
४५.
45.
‘‘‘पकासिते पावचने, मनुस्सत्तं लभिस्सति।
‘‘‘Pakāsite pāvacane, manussattaṃ labhissati;
मनोमयम्हि कायम्हि, उत्तमो सो भविस्सति॥
Manomayamhi kāyamhi, uttamo so bhavissati.
४६.
46.
‘‘‘द्वे भातरो भविस्सन्ति, उभोपि पन्थकव्हया।
‘‘‘Dve bhātaro bhavissanti, ubhopi panthakavhayā;
अनुभोत्वा उत्तमत्थं, जोतयिस्सन्ति सासनं’॥
Anubhotvā uttamatthaṃ, jotayissanti sāsanaṃ’.
४७.
47.
विसेसाहं न विन्दामि, सक्यपुत्तस्स सासने॥
Visesāhaṃ na vindāmi, sakyaputtassa sāsane.
४८.
48.
भाता च मं पणामेसि, गच्छ दानि सकं घरं॥
Bhātā ca maṃ paṇāmesi, gaccha dāni sakaṃ gharaṃ.
४९.
49.
‘‘सोहं पणामितो सन्तो, सङ्घारामस्स कोट्ठके।
‘‘Sohaṃ paṇāmito santo, saṅghārāmassa koṭṭhake;
दुम्मनो तत्थ अट्ठासिं, सामञ्ञस्मिं अपेक्खवा॥
Dummano tattha aṭṭhāsiṃ, sāmaññasmiṃ apekkhavā.
५०.
50.
बाहाय मं गहेत्वान, सङ्घारामं पवेसयि॥
Bāhāya maṃ gahetvāna, saṅghārāmaṃ pavesayi.
५१.
51.
‘‘अनुकम्पाय मे सत्था, अदासि पादपुञ्छनिं।
‘‘Anukampāya me satthā, adāsi pādapuñchaniṃ;
एवं सुद्धं अधिट्ठेहि, एकमन्तमधिट्ठहं॥
Evaṃ suddhaṃ adhiṭṭhehi, ekamantamadhiṭṭhahaṃ.
५२.
52.
‘‘हत्थेहि तमहं गय्ह, सरिं कोकनदं अहं।
‘‘Hatthehi tamahaṃ gayha, sariṃ kokanadaṃ ahaṃ;
तत्थ चित्तं विमुच्चि मे, अरहत्तं अपापुणिं॥
Tattha cittaṃ vimucci me, arahattaṃ apāpuṇiṃ.
५३.
53.
‘‘मनोमयेसु कायेसु, सब्बत्थ पारमिं गतो।
‘‘Manomayesu kāyesu, sabbattha pāramiṃ gato;
सब्बासवे परिञ्ञाय, विहरामि अनासवो॥
Sabbāsave pariññāya, viharāmi anāsavo.
५४.
54.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा चूळपन्थको 11 थेरो इमा गाथायो अभासित्थाति।
Itthaṃ sudaṃ āyasmā cūḷapanthako 12 thero imā gāthāyo abhāsitthāti.
चूळपन्थकत्थेरस्सापदानं चतुत्थं।
Cūḷapanthakattherassāpadānaṃ catutthaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ४. चूळपन्थकत्थेरअपदानवण्णना • 4. Cūḷapanthakattheraapadānavaṇṇanā
