| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
4. жуул̣абант̇агад̇т̇зраабад̣̇аанаван̣н̣анаа
4. Cūḷapanthakattheraapadānavaṇṇanā
бад̣̇умуд̇д̇аро наама ж̇инод̇иаад̣̇игам̣ ааяасмад̇о жуул̣абант̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз яад̣̇зд̇т̇а адтуббад̇д̇ивасзна вад̇д̇аб̣б̣ам̣, д̇ам̣ адтаганибаад̇з махаабант̇агавад̇т̇усмим̣ (т̇зраг̇аа. 510 аад̣̇аяо) вуд̇д̇амзва. аяам̣ бана висзсо – махаабант̇агад̇т̇зро арахад̇д̇ам̣ бад̇ваа паласамаабад̇д̇исукзна вийд̇инаамзнд̇о жинд̇зси – ‘‘гат̇ам̣ ну ко саггаа жуул̣абант̇агамби имасмим̣ сукз бад̇идтаабзд̇у’’нд̇и. со ад̇д̇ано аяяагам̣ д̇ханасздтим̣ убасан̇гамид̇ваа ааха – ‘‘сажз, махаасздти , ануж̇аанаат̇а, ахам̣ жуул̣абант̇агам̣ баб̣б̣ааж̇зяяа’’нд̇и. ‘‘баб̣б̣ааж̇зт̇а, бханд̇з’’д̇и. т̇зро д̇ам̣ баб̣б̣ааж̇зси. со д̣̇асасу сийлзсу бад̇идтид̇о бхаад̇у санд̇игз –
Padumuttaronāma jinotiādikaṃ āyasmato cūḷapanthakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle yadettha aṭṭhuppattivasena vattabbaṃ, taṃ aṭṭhakanipāte mahāpanthakavatthusmiṃ (theragā. 510 ādayo) vuttameva. Ayaṃ pana viseso – mahāpanthakatthero arahattaṃ patvā phalasamāpattisukhena vītināmento cintesi – ‘‘kathaṃ nu kho sakkā cūḷapanthakampi imasmiṃ sukhe patiṭṭhāpetu’’nti. So attano ayyakaṃ dhanaseṭṭhiṃ upasaṅkamitvā āha – ‘‘sace, mahāseṭṭhi , anujānātha, ahaṃ cūḷapanthakaṃ pabbājeyya’’nti. ‘‘Pabbājetha, bhante’’ti. Thero taṃ pabbājesi. So dasasu sīlesu patiṭṭhito bhātu santike –
‘‘бад̣̇умам̣ яат̇аа гоганад̣̇ам̣ суг̇анд̇хам̣, баад̇о сияаа пулламавийд̇аг̇анд̇хам̣;
‘‘Padumaṃ yathā kokanadaṃ sugandhaṃ, pāto siyā phullamavītagandhaṃ;
ан̇г̇ийрасам̣ басса вирожамаанам̣, д̇абанд̇амаад̣̇ижжамиванд̇алигкз’’д̇и. (сам̣. ни. 1.123; а. ни. 5.195) –
Aṅgīrasaṃ passa virocamānaṃ, tapantamādiccamivantalikkhe’’ti. (saṃ. ni. 1.123; a. ni. 5.195) –
г̇аат̇ам̣ уг̇г̇ан̣ханд̇о жад̇уухи маасзхи уг̇г̇ахзд̇ум̣ наасагки, г̇ахид̇амби хад̣̇аяз на д̇идтад̇и. ат̇а нам̣ махаабант̇аго, ‘‘жуул̣абант̇ага, д̇вам̣ имасмим̣ саасанз абхаб̣б̣о, жад̇уухи маасзхи згам̣ г̇аат̇амби г̇ахзд̇ум̣ на саггоси, баб̣б̣аж̇ид̇агижжам̣ бана д̇вам̣ гат̇ам̣ мад̇т̇агам̣ баабзссаси, нигкама ид̇о’’д̇и со т̇зрзна бан̣аамиго д̣̇ваарагодтагасамийбз род̣̇амаано адтааси.
Gāthaṃ uggaṇhanto catūhi māsehi uggahetuṃ nāsakkhi, gahitampi hadaye na tiṭṭhati. Atha naṃ mahāpanthako, ‘‘cūḷapanthaka, tvaṃ imasmiṃ sāsane abhabbo, catūhi māsehi ekaṃ gāthampi gahetuṃ na sakkosi, pabbajitakiccaṃ pana tvaṃ kathaṃ matthakaṃ pāpessasi, nikkhama ito’’ti so therena paṇāmiko dvārakoṭṭhakasamīpe rodamāno aṭṭhāsi.
д̇зна жа самаязна сад̇т̇аа ж̇ийвагамб̣аванз вихарад̇и. ат̇а ж̇ийваго бурисам̣ бзсзси – ‘‘г̇ажча, бан̃жахи бхигкусад̇зхи сад̣̇д̇хим̣ сад̇т̇аарам̣ ниманд̇зхий’’д̇и. д̇зна жа самаязна ааяасмаа махаабант̇аго бхад̇д̇уд̣̇д̣̇зсаго ход̇и. со ‘‘бан̃жаннам̣ бхигкусад̇аанам̣ бхигкам̣ бадижчат̇аа’’д̇и вуд̇д̇о ‘‘жуул̣абант̇агам̣ табзд̇ваа сзсаанам̣ бадижчаамий’’д̇и ааха. д̇ам̣ суд̇ваа жуул̣абант̇аго бхияяосомад̇д̇ааяа д̣̇оманассаббад̇д̇о ахоси. сад̇т̇аа д̇асса жид̇д̇агкзд̣̇ам̣ н̃ад̇ваа ‘‘жуул̣абант̇аго маяаа гад̇зна убааязна б̣уж̇жхиссад̇ий’’д̇и д̇асса авид̣̇уурадтаанз ад̇д̇аанам̣ д̣̇ассзд̇ваа ‘‘гим̣, бант̇ага, род̣̇асий’’д̇и бужчи. ‘‘бхаад̇аа мам̣, бханд̇з, бан̣аамзд̇ий’’д̇и ааха. ‘‘бант̇ага, маа жинд̇аяи, мама саасанз д̇уяхам̣ баб̣б̣аж̇ж̇аа, зхи имам̣ г̇ахзд̇ваа ‘раж̇охаран̣ам̣, раж̇охаран̣а’нд̇и манаси гарохий’’д̇и ид̣̇д̇хияаа суд̣̇д̇хам̣ жол̣агкан̣д̣ам̣ абхисан̇карид̇ваа ад̣̇ааси. со сад̇т̇аараа д̣̇иннам̣ жол̣агкан̣д̣ам̣ ‘‘раж̇охаран̣ам̣, раж̇охаран̣а’’нд̇и хад̇т̇зна баримаж̇ж̇анд̇о нисийд̣̇и. д̇асса д̇ам̣ баримаж̇ж̇анд̇асса гилидтад̇хаад̇угам̣ ж̇аад̇ам̣, буна баримаж̇ж̇анд̇асса угкалибарибун̃чанасад̣̇исам̣ ж̇аад̇ам̣. со н̃аан̣абарибаагад̇д̇аа звам̣ жинд̇зси – ‘‘ид̣̇ам̣ жол̣агкан̣д̣ам̣ багад̇ияаа барисуд̣̇д̇хам̣, имам̣ убаад̣̇ин̣н̣агасарийрам̣ ниссааяа гилидтам̣ ан̃н̃ат̇аа ж̇аад̇ам̣, д̇асмаа анижжам̣ яат̇аабзд̇ам̣, звам̣ жид̇д̇амбий’’д̇и каяаваяам̣ бадтабзд̇ваа д̇асмим̣язва нимид̇д̇з жхаанаани ниб̣б̣ад̇д̇зд̇ваа жхаанабаад̣̇агам̣ гад̇ваа вибассанам̣ бадтабзд̇ваа саха бадисамбхид̣̇аахи арахад̇д̇ам̣ баабун̣и. арахад̇д̇абад̇д̇ассзвасса д̇збидагам̣ бан̃жаабхин̃н̃аа жа ааг̇амим̣су.
Tena ca samayena satthā jīvakambavane viharati. Atha jīvako purisaṃ pesesi – ‘‘gaccha, pañcahi bhikkhusatehi saddhiṃ satthāraṃ nimantehī’’ti. Tena ca samayena āyasmā mahāpanthako bhattuddesako hoti. So ‘‘pañcannaṃ bhikkhusatānaṃ bhikkhaṃ paṭicchathā’’ti vutto ‘‘cūḷapanthakaṃ ṭhapetvā sesānaṃ paṭicchāmī’’ti āha. Taṃ sutvā cūḷapanthako bhiyyosomattāya domanassappatto ahosi. Satthā tassa cittakkhedaṃ ñatvā ‘‘cūḷapanthako mayā katena upāyena bujjhissatī’’ti tassa avidūraṭṭhāne attānaṃ dassetvā ‘‘kiṃ, panthaka, rodasī’’ti pucchi. ‘‘Bhātā maṃ, bhante, paṇāmetī’’ti āha. ‘‘Panthaka, mā cintayi, mama sāsane tuyhaṃ pabbajjā, ehi imaṃ gahetvā ‘rajoharaṇaṃ, rajoharaṇa’nti manasi karohī’’ti iddhiyā suddhaṃ coḷakkhaṇḍaṃ abhisaṅkharitvā adāsi. So satthārā dinnaṃ coḷakkhaṇḍaṃ ‘‘rajoharaṇaṃ, rajoharaṇa’’nti hatthena parimajjanto nisīdi. Tassa taṃ parimajjantassa kiliṭṭhadhātukaṃ jātaṃ, puna parimajjantassa ukkhaliparipuñchanasadisaṃ jātaṃ. So ñāṇaparipākattā evaṃ cintesi – ‘‘idaṃ coḷakkhaṇḍaṃ pakatiyā parisuddhaṃ, imaṃ upādiṇṇakasarīraṃ nissāya kiliṭṭhaṃ aññathā jātaṃ, tasmā aniccaṃ yathāpetaṃ, evaṃ cittampī’’ti khayavayaṃ paṭṭhapetvā tasmiṃyeva nimitte jhānāni nibbattetvā jhānapādakaṃ katvā vipassanaṃ paṭṭhapetvā saha paṭisambhidāhi arahattaṃ pāpuṇi. Arahattapattassevassa tepiṭakaṃ pañcābhiññā ca āgamiṃsu.
сад̇т̇аа згуунзхи бан̃жабхигкусад̇зхи сад̣̇д̇хим̣ г̇анд̇ваа ж̇ийвагасса нивзсанз бан̃н̃ад̇д̇з аасанз нисийд̣̇и. жуул̣абант̇аго бана ад̇д̇ано бхигкааяа аббадижчид̇ад̇д̇аа зва на г̇ад̇о. ж̇ийваго яааг̇ум̣ д̣̇аад̇ум̣ аарабхи. сад̇т̇аа хад̇т̇зна бад̇д̇ам̣ бид̣̇ахи. ‘‘гасмаа, бханд̇з, на г̇ан̣хат̇аа’’д̇и вуд̇д̇з ‘‘вихаарз зго бхигку ад̇т̇и, ж̇ийвагаа’’д̇и. со бурисам̣ бзсзси – ‘‘г̇ажча, бхан̣з, вихаарз нисиннам̣ аяяам̣ г̇ахзд̇ваа зхий’’д̇и. жуул̣абант̇агад̇т̇зроби руубзна гирияааяа жа згамби згзна асад̣̇исам̣ бхигкусахассам̣ нимминид̇ваа нисийд̣̇и. со бурисо вихаарз бхигкуунам̣ б̣ахубхаавам̣ д̣̇исваа г̇анд̇ваа ж̇ийвагасса гат̇зси – ‘‘имасмаа бхигкусан̇гхаа вихаарз бхигкусан̇гхо б̣ахуд̇аро, баггосид̇аб̣б̣ам̣ аяяам̣ на ж̇аанаамий’’д̇и. ж̇ийваго сад̇т̇аарам̣ бужчи – ‘‘го наамо, бханд̇з, вихаарз нисинно бхигкуу’’д̇и? ‘‘жуул̣абант̇аго наама, ж̇ийвагаа’’д̇и. ‘‘г̇ажча, бхан̣з, ‘жуул̣абант̇аго наама гад̇аро’д̇и бужчид̇ваа д̇ам̣ аанзхий’’д̇и. со вихаарам̣ г̇анд̇ваа ‘‘жуул̣абант̇аго наама гад̇аро, бханд̇з’’д̇и бужчи. ‘‘ахам̣ жуул̣абант̇аго, ахам̣ жуул̣абант̇аго’’д̇и згаббахаарзна бхигкусахассамби гат̇зси. со бунааг̇анд̇ваа д̇ам̣ бавад̇д̇им̣ ж̇ийвагасса аарожзси ж̇ийваго бадивид̣̇д̇хасажжад̇д̇аа ‘‘ид̣̇д̇химаа ман̃н̃з, аяяо’’д̇и наяад̇о н̃ад̇ваа ‘‘г̇ажча, бхан̣з, батамам̣ гат̇знд̇ам̣ аяяамзва ‘д̇умхз сад̇т̇аа баггосад̇ий’д̇и вад̇ваа жийвараган̣н̣з г̇ан̣хаахий’’д̇и ааха. со вихаарам̣ г̇анд̇ваа д̇ат̇аа агааси. д̇аавад̣̇зва ниммид̇абхигкуу анд̇арад̇хааяим̣су. со т̇зрам̣ г̇ахзд̇ваа аг̇амааси.
Satthā ekūnehi pañcabhikkhusatehi saddhiṃ gantvā jīvakassa nivesane paññatte āsane nisīdi. Cūḷapanthako pana attano bhikkhāya appaṭicchitattā eva na gato. Jīvako yāguṃ dātuṃ ārabhi. Satthā hatthena pattaṃ pidahi. ‘‘Kasmā, bhante, na gaṇhathā’’ti vutte ‘‘vihāre eko bhikkhu atthi, jīvakā’’ti. So purisaṃ pesesi – ‘‘gaccha, bhaṇe, vihāre nisinnaṃ ayyaṃ gahetvā ehī’’ti. Cūḷapanthakattheropi rūpena kiriyāya ca ekampi ekena asadisaṃ bhikkhusahassaṃ nimminitvā nisīdi. So puriso vihāre bhikkhūnaṃ bahubhāvaṃ disvā gantvā jīvakassa kathesi – ‘‘imasmā bhikkhusaṅghā vihāre bhikkhusaṅgho bahutaro, pakkositabbaṃ ayyaṃ na jānāmī’’ti. Jīvako satthāraṃ pucchi – ‘‘ko nāmo, bhante, vihāre nisinno bhikkhū’’ti? ‘‘Cūḷapanthako nāma, jīvakā’’ti. ‘‘Gaccha, bhaṇe, ‘cūḷapanthako nāma kataro’ti pucchitvā taṃ ānehī’’ti. So vihāraṃ gantvā ‘‘cūḷapanthako nāma kataro, bhante’’ti pucchi. ‘‘Ahaṃ cūḷapanthako, ahaṃ cūḷapanthako’’ti ekappahārena bhikkhusahassampi kathesi. So punāgantvā taṃ pavattiṃ jīvakassa ārocesi jīvako paṭividdhasaccattā ‘‘iddhimā maññe, ayyo’’ti nayato ñatvā ‘‘gaccha, bhaṇe, paṭhamaṃ kathentaṃ ayyameva ‘tumhe satthā pakkosatī’ti vatvā cīvarakaṇṇe gaṇhāhī’’ti āha. So vihāraṃ gantvā tathā akāsi. Tāvadeva nimmitabhikkhū antaradhāyiṃsu. So theraṃ gahetvā agamāsi.
сад̇т̇аа д̇асмим̣ кан̣з яааг̇ун̃жа каж̇ж̇агаад̣̇ибхзд̣̇ан̃жа бадиг̇г̇ан̣хи. гад̇абхад̇д̇агижжо бхаг̇аваа ааяасманд̇ам̣ жуул̣абант̇агам̣ аан̣аабзси ‘‘анумод̣̇анам̣ гарохий’’д̇и. со бабхиннабадисамбхид̣̇о синзрум̣ г̇ахзд̇ваа махаасамуд̣̇д̣̇ам̣ мант̇знд̇о вияа д̇збидагам̣ б̣уд̣̇д̇хаважанам̣ сан̇кобхзнд̇о сад̇т̇у аж̇жхаасаяам̣ г̇ан̣ханд̇о анумод̣̇анам̣ агааси. д̣̇асаб̣алз бхад̇д̇агижжам̣ гад̇ваа вихаарам̣ г̇ад̇з д̇хаммасабхааяам̣ гат̇аа уд̣̇абаад̣̇и ‘ахо б̣уд̣̇д̇хаанам̣ аанубхааво, яад̇ра хи наама жад̇д̇ааро маасз згаг̇аат̇ам̣ г̇ахзд̇ум̣ асаггонд̇амби лахугзна кан̣знзва звам̣ махид̣̇д̇хигам̣ агам̣суу’д̇и, д̇ат̇аа хи ж̇ийвагасса нивзсанз нисинно бхаг̇аваа ‘звам̣ жуул̣абант̇агасса жид̇д̇ам̣ самаахид̇ам̣, вийт̇ибадибаннаа вибассанаа’д̇и н̃ад̇ваа яат̇аанисинноязва ад̇д̇аанам̣ д̣̇ассзд̇ваа, ‘бант̇ага, нзвааяам̣ билод̇игаа гилидтаа раж̇аанугин̣н̣аа, ид̇о бана ан̃н̃оби арияасса винаяз сам̣гилзсо раж̇о’д̇и д̣̇ассзнд̇о –
Satthā tasmiṃ khaṇe yāguñca khajjakādibhedañca paṭiggaṇhi. Katabhattakicco bhagavā āyasmantaṃ cūḷapanthakaṃ āṇāpesi ‘‘anumodanaṃ karohī’’ti. So pabhinnapaṭisambhido sineruṃ gahetvā mahāsamuddaṃ manthento viya tepiṭakaṃ buddhavacanaṃ saṅkhobhento satthu ajjhāsayaṃ gaṇhanto anumodanaṃ akāsi. Dasabale bhattakiccaṃ katvā vihāraṃ gate dhammasabhāyaṃ kathā udapādi ‘aho buddhānaṃ ānubhāvo, yatra hi nāma cattāro māse ekagāthaṃ gahetuṃ asakkontampi lahukena khaṇeneva evaṃ mahiddhikaṃ akaṃsū’ti, tathā hi jīvakassa nivesane nisinno bhagavā ‘evaṃ cūḷapanthakassa cittaṃ samāhitaṃ, vīthipaṭipannā vipassanā’ti ñatvā yathānisinnoyeva attānaṃ dassetvā, ‘panthaka, nevāyaṃ pilotikā kiliṭṭhā rajānukiṇṇā, ito pana aññopi ariyassa vinaye saṃkileso rajo’ti dassento –
‘‘рааг̇о раж̇о на жа бана рзн̣у вужжад̇и, рааг̇ассзд̇ам̣ ад̇хиважанам̣ раж̇од̇и;
‘‘Rāgo rajo na ca pana reṇu vuccati, rāgassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа бхигкаво, вихаранд̇и д̇з виг̇ад̇араж̇асса саасанз.
Etaṃ rajaṃ vippajahitvā bhikkhavo, viharanti te vigatarajassa sāsane.
‘‘д̣̇осо раж̇о…бз… виг̇ад̇араж̇асса саасанз.
‘‘Doso rajo…pe… vigatarajassa sāsane.
‘‘мохо раж̇о…бз… виг̇ад̇араж̇асса саасанз’’д̇и. (махаани. 209; жуул̣ани. уд̣̇аяамаан̣авабужчаанид̣̇д̣̇зса 74) –
‘‘Moho rajo…pe… vigatarajassa sāsane’’ti. (mahāni. 209; cūḷani. udayamāṇavapucchāniddesa 74) –
имаа д̇иссо г̇аат̇ааяо абхааси. г̇аат̇аабарияосаанз жуул̣абант̇аго сахабадисамбхид̣̇аахи арахад̇д̇ам̣ баабун̣ийд̇и. сад̇т̇аа д̇зсам̣ бхигкуунам̣ гат̇аасаллаабам̣ суд̇ваа ааг̇анд̇ваа б̣уд̣̇д̇хаасанз нисийд̣̇ид̇ваа ‘‘гим̣ вад̣̇зт̇а, бхигкавз’’д̇и бужчид̇ваа ‘‘имам̣ наама, бханд̇з’’д̇и вуд̇д̇з ‘‘бхигкавз, жуул̣абант̇агзна ид̣̇аани маяхам̣ оваад̣̇з тад̇ваа логуд̇т̇арад̣̇ааяаж̇ж̇ам̣ лад̣̇д̇хам̣, буб̣б̣з бана логияад̣̇ааяаж̇ж̇ам̣ лад̣̇д̇ха’’нд̇и вад̇ваа д̇зхи яаажид̇о жуул̣асздтиж̇аад̇агам̣ (ж̇аа. 1.1.4) гат̇зси. абарабхааг̇з нам̣ сад̇т̇аа арияаг̇ан̣абаривуд̇о д̇хаммаасанз нисинно маномаяам̣ гааяам̣ абхинимминанд̇аанам̣ бхигкуунам̣ жзд̇овиваддагусалаанан̃жа аг̇г̇адтаанз табзси.
Imā tisso gāthāyo abhāsi. Gāthāpariyosāne cūḷapanthako sahapaṭisambhidāhi arahattaṃ pāpuṇīti. Satthā tesaṃ bhikkhūnaṃ kathāsallāpaṃ sutvā āgantvā buddhāsane nisīditvā ‘‘kiṃ vadetha, bhikkhave’’ti pucchitvā ‘‘imaṃ nāma, bhante’’ti vutte ‘‘bhikkhave, cūḷapanthakena idāni mayhaṃ ovāde ṭhatvā lokuttharadāyajjaṃ laddhaṃ, pubbe pana lokiyadāyajjaṃ laddha’’nti vatvā tehi yācito cūḷaseṭṭhijātakaṃ (jā. 1.1.4) kathesi. Aparabhāge naṃ satthā ariyagaṇaparivuto dhammāsane nisinno manomayaṃ kāyaṃ abhinimminantānaṃ bhikkhūnaṃ cetovivaṭṭakusalānañca aggaṭṭhāne ṭhapesi.
35. звам̣ со бад̇д̇азд̇ад̣̇аг̇г̇адтаано ад̇д̇ано буб̣б̣агаммам̣ сарид̇ваа бийд̇исоманассавасзна буб̣б̣ажарид̇аабад̣̇аанам̣ багаасзнд̇о бад̣̇умуд̇д̇аро наама ж̇инод̇иаад̣̇имааха. д̇ад̇т̇а буримабад̣̇ад̣̇ваяам̣ вуд̇д̇ад̇т̇амзва. г̇ан̣амхаа вуубагадто сод̇и со бад̣̇умуд̇д̇аро наама сад̇т̇аа г̇ан̣амхаа махад̇аа бхигкусамуухад̇о вуубагадто висум̣ бхууд̇о вивзгам̣ убаг̇ад̇о. д̇ад̣̇аа мама д̇аабасагаалз химаванд̇з химаалаяабаб̣б̣ад̇асамийбз васи ваасам̣ габбзси, жад̇уухи ирияаабат̇зхи вихаасийд̇и ад̇т̇о.
35. Evaṃ so pattaetadaggaṭṭhāno attano pubbakammaṃ saritvā pītisomanassavasena pubbacaritāpadānaṃ pakāsento padumuttaro nāma jinotiādimāha. Tattha purimapadadvayaṃ vuttatthameva. Gaṇamhā vūpakaṭṭhosoti so padumuttaro nāma satthā gaṇamhā mahatā bhikkhusamūhato vūpakaṭṭho visuṃ bhūto vivekaṃ upagato. Tadā mama tāpasakāle himavante himālayapabbatasamīpe vasi vāsaṃ kappesi, catūhi iriyāpathehi vihāsīti attho.
36. ахамби…бз… д̇ад̣̇аад̇и яад̣̇аа со бхаг̇аваа химаванд̇ам̣ убаг̇анд̇ваа васи, д̇ад̣̇аа ахамби химаванд̇асамийбз гад̇аассамз аа саманд̇ад̇о гааяажид̇д̇абийл̣аасан̇каад̇аа бариссаяаа саманд̇и зд̇т̇аад̇и ассамод̇и лад̣̇д̇ханаамз аран̃н̃ааваасз васаамийд̇и самб̣анд̇хо. ажирааг̇ад̇ам̣ махаавийранд̇и ажирам̣ ааг̇ад̇ам̣ махаавийрияаванд̇ам̣ логанааяагам̣ бад̇хаанам̣ д̇ам̣ бхаг̇аванд̇ам̣ убзсинд̇и самб̣анд̇хо, ааг̇ад̇агкан̣зязва убааг̇аминд̇и ад̇т̇о.
36.Ahampi…pe… tadāti yadā so bhagavā himavantaṃ upagantvā vasi, tadā ahampi himavantasamīpe kataassame ā samantato kāyacittapīḷāsaṅkhātā parissayā samanti etthāti assamoti laddhanāme araññāvāse vasāmīti sambandho. Acirāgataṃ mahāvīranti aciraṃ āgataṃ mahāvīriyavantaṃ lokanāyakaṃ padhānaṃ taṃ bhagavantaṃ upesinti sambandho, āgatakkhaṇeyeva upāgaminti attho.
37. бубпажчад̇д̇ам̣ г̇ахзд̇ваанаад̇и звам̣ убаг̇ажчанд̇о жа бад̣̇умуббалабубпаад̣̇ийхи чаад̣̇ид̇ам̣ бубпамаяам̣ чад̇д̇ам̣ г̇ахзд̇ваа нараасабхам̣ нараанам̣ сздтам̣ бхаг̇аванд̇ам̣ чаад̣̇знд̇о убаг̇ажчим̣ самийбам̣ г̇ад̇осмийд̇и ад̇т̇о. самаад̇хим̣ самаабаж̇ж̇анд̇анд̇и руубааважарасамаад̇хиж̇жхаанам̣ самаабаж̇ж̇анд̇ам̣ аббзд̇ваа нисиннасса анд̇арааяам̣ ахам̣ агаасинд̇и самб̣анд̇хо.
37.Pupphacchattaṃ gahetvānāti evaṃ upagacchanto ca padumuppalapupphādīhi chāditaṃ pupphamayaṃ chattaṃ gahetvā narāsabhaṃ narānaṃ seṭṭhaṃ bhagavantaṃ chādento upagacchiṃ samīpaṃ gatosmīti attho. Samādhiṃ samāpajjantanti rūpāvacarasamādhijjhānaṃ samāpajjantaṃ appetvā nisinnassa antarāyaṃ ahaṃ akāsinti sambandho.
38. убхо хад̇т̇зхи баг̇г̇аяхаад̇и д̇ам̣ сусаж̇ж̇ид̇ам̣ бубпажчад̇д̇ам̣ д̣̇вийхи хад̇т̇зхи угкибид̇ваа ахам̣ бхаг̇авад̇о ад̣̇аасинд̇и самб̣анд̇хо. бадиг̇г̇ахзсийд̇и д̇ам̣ маяаа д̣̇иннам̣ бубпажчад̇д̇ам̣ бад̣̇умуд̇д̇аро бхаг̇аваа самбадижчи, саад̣̇арам̣ саад̣̇ияийд̇и ад̇т̇о.
38.Ubho hatthehi paggayhāti taṃ susajjitaṃ pupphacchattaṃ dvīhi hatthehi ukkhipitvā ahaṃ bhagavato adāsinti sambandho. Paṭiggahesīti taṃ mayā dinnaṃ pupphacchattaṃ padumuttaro bhagavā sampaṭicchi, sādaraṃ sādiyīti attho.
41. сад̇абад̇д̇ачад̇д̇ам̣ баг̇г̇аяхаад̇и згзгасмим̣ бад̣̇умабубпз сад̇асад̇абад̇д̇аанам̣ васзна сад̇абад̇д̇зхи бад̣̇умабубпзхи чаад̣̇ид̇ам̣ бубпажчад̇д̇ам̣ багаарзна аад̣̇арзна г̇ахзд̇ваа д̇аабасо мама ад̣̇аасийд̇и ад̇т̇о. д̇амахам̣ гид̇д̇аяиссаамийд̇и д̇ам̣ д̇аабасам̣ ахам̣ гид̇д̇аяиссаами баагадам̣ гариссаамийд̇и ад̇т̇о. мама бхаасад̇о бхаасамаанасса важанам̣ сун̣от̇а манаси гарот̇а.
41.Satapattachattaṃ paggayhāti ekekasmiṃ padumapupphe satasatapattānaṃ vasena satapattehi padumapupphehi chāditaṃ pupphacchattaṃ pakārena ādarena gahetvā tāpaso mama adāsīti attho. Tamahaṃ kittayissāmīti taṃ tāpasaṃ ahaṃ kittayissāmi pākaṭaṃ karissāmīti attho. Mama bhāsato bhāsamānassa vacanaṃ suṇotha manasi karotha.
42. бан̃жавийсад̇игаббаанийд̇и иминаа бубпажчад̇д̇ад̣̇аанзна бан̃жавийсад̇иваарз д̇аавад̇им̣сабхаванз сагго худ̇ваа д̣̇звараж̇ж̇ам̣ гариссад̇ийд̇и самб̣анд̇хо. жад̇уд̇д̇им̣сад̇игкад̇д̇ун̃жаад̇и жад̇уд̇д̇им̣сад̇иваарз мануссалогз жаггавад̇д̇ий рааж̇аа бхависсад̇и.
42.Pañcavīsatikappānīti iminā pupphacchattadānena pañcavīsativāre tāvatiṃsabhavane sakko hutvā devarajjaṃ karissatīti sambandho. Catuttiṃsatikkhattuñcāti catuttiṃsativāre manussaloke cakkavattī rājā bhavissati.
43. яам̣ яам̣ яонинд̇и мануссаяониаад̣̇ийсу яам̣ яам̣ ж̇аад̇им̣ сам̣сарад̇и г̇ажчад̇и убабаж̇ж̇ад̇и. д̇ад̇т̇а д̇ад̇т̇а яонияам̣ аб̣бхогаасз сун̃н̃адтаанз бад̇идтанд̇ам̣ нисиннам̣ тид̇ам̣ ваа бад̣̇умам̣ д̇хаараяиссад̇и убари чаад̣̇аяиссад̇ийд̇и ад̇т̇о.
43.Yaṃyaṃ yoninti manussayoniādīsu yaṃ yaṃ jātiṃ saṃsarati gacchati upapajjati. Tattha tattha yoniyaṃ abbhokāse suññaṭṭhāne patiṭṭhantaṃ nisinnaṃ ṭhitaṃ vā padumaṃ dhārayissati upari chādayissatīti attho.
45. багаасид̇з бааважанзд̇и д̇зна бхаг̇авад̇о сагалабидагад̇д̇аяз багаасид̇з д̣̇ийбид̇з мануссад̇д̇ам̣ мануссаж̇аад̇им̣ лабхиссад̇и убабаж̇ж̇иссад̇и. маномаяамхи гааяамхийд̇и манзна жхаанажид̇д̇зна ниб̣б̣ад̇д̇од̇и маномаяо, яат̇аа жид̇д̇ам̣ бавад̇д̇ад̇и, д̇ат̇аа гааяам̣ бавад̇д̇зд̇и жид̇д̇аг̇ад̇игам̣ гарод̇ийд̇и ад̇т̇о. д̇амхи маномаяз гааяамхи со д̇аабасо жуул̣абант̇аго наама худ̇ваа уд̇д̇амо аг̇г̇о бхависсад̇ийд̇и ад̇т̇о. сзсам̣ хздтаа вуд̇д̇ад̇д̇аа уд̇д̇аанад̇д̇аа жа сувин̃н̃зяяамзва.
45.Pakāsite pāvacaneti tena bhagavato sakalapiṭakattaye pakāsite dīpite manussattaṃ manussajātiṃ labhissati upapajjissati. Manomayamhi kāyamhīti manena jhānacittena nibbattoti manomayo, yathā cittaṃ pavattati, tathā kāyaṃ pavatteti cittagatikaṃ karotīti attho. Tamhi manomaye kāyamhi so tāpaso cūḷapanthako nāma hutvā uttamo aggo bhavissatīti attho. Sesaṃ heṭṭhā vuttattā uttānattā ca suviññeyyameva.
52. сарим̣ гоганад̣̇ам̣ аханд̇и ахам̣ бхаг̇авад̇о ниммид̇ажол̣агам̣ баримаж̇ж̇анд̇о гоганад̣̇ам̣ бад̣̇умам̣ саринд̇и ад̇т̇о. д̇ад̇т̇а жид̇д̇ам̣ вимужжи мзд̇и д̇асмим̣ гоганад̣̇з бад̣̇умз маяхам̣ жид̇д̇ам̣ ад̇химужжи аллийно, д̇ад̇о ахам̣ арахад̇д̇ам̣ баабун̣инд̇и самб̣анд̇хо.
52.Sariṃ kokanadaṃ ahanti ahaṃ bhagavato nimmitacoḷakaṃ parimajjanto kokanadaṃ padumaṃ sarinti attho. Tattha cittaṃ vimucci meti tasmiṃ kokanade padume mayhaṃ cittaṃ adhimucci allīno, tato ahaṃ arahattaṃ pāpuṇinti sambandho.
53. ахам̣ маномаязсу жид̇д̇аг̇ад̇игзсу гааязсу саб̣б̣ад̇т̇а саб̣б̣зсу баарамим̣ барияосаанам̣ г̇ад̇о бад̇д̇од̇и самб̣анд̇хо. сзсам̣ вуд̇д̇анаяамзваад̇и.
53. Ahaṃ manomayesu cittagatikesu kāyesu sabbattha sabbesu pāramiṃ pariyosānaṃ gato pattoti sambandho. Sesaṃ vuttanayamevāti.
жуул̣абант̇агад̇т̇зраабад̣̇аанаван̣н̣анаа самад̇д̇аа.
Cūḷapanthakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 4. жуул̣абант̇агад̇т̇зраабад̣̇аанам̣ • 4. Cūḷapanthakattheraapadānaṃ
