| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
4. жуул̣абант̇агад̇т̇зраг̇аат̇ааван̣н̣анаа
4. Cūḷapanthakattheragāthāvaṇṇanā
д̣̇анд̇хаа маяхам̣ г̇ад̇ийд̇иаад̣̇игаа ааяасмад̇о жуул̣абант̇агад̇т̇зрасса г̇аат̇аа. гаа уббад̇д̇и? яад̣̇зд̇т̇а адтуббад̇д̇ивасзна вад̇д̇аб̣б̣ам̣, д̇ам̣ адтаганибаад̇з махаабант̇агавад̇т̇усмим̣ (т̇зраг̇аа. адта. 2.махаабант̇агад̇т̇зраг̇аат̇ааван̣н̣анаа) вуд̇д̇амзва. аяам̣ бана висзсо – махаабант̇агад̇т̇зро арахад̇д̇ам̣ бад̇ваа аг̇г̇апаласукзна вийд̇инаамзнд̇о жинд̇зси – ‘‘гат̇ам̣ ну ко саггаа жуул̣абант̇агамби имасмим̣ сукз бад̇идтабзд̇у’’нд̇и? со ад̇д̇ано аяяагам̣ д̇ханасздтим̣ убасан̇гамид̇ваа ааха – ‘‘сажз, махаасздти, ануж̇аанаат̇а , ахам̣ жуул̣абант̇агам̣ баб̣б̣ааж̇зяяа’’нд̇и. ‘‘баб̣б̣ааж̇зт̇а, бханд̇з’’д̇и. т̇зро д̇ам̣ баб̣б̣ааж̇зси. со д̣̇асасу сийлзсу бад̇идтид̇о бхаад̇у санд̇игз –
Dandhāmayhaṃ gatītiādikā āyasmato cūḷapanthakattherassa gāthā. Kā uppatti? Yadettha aṭṭhuppattivasena vattabbaṃ, taṃ aṭṭhakanipāte mahāpanthakavatthusmiṃ (theragā. aṭṭha. 2.mahāpanthakattheragāthāvaṇṇanā) vuttameva. Ayaṃ pana viseso – mahāpanthakatthero arahattaṃ patvā aggaphalasukhena vītināmento cintesi – ‘‘kathaṃ nu kho sakkā cūḷapanthakampi imasmiṃ sukhe patiṭṭhapetu’’nti? So attano ayyakaṃ dhanaseṭṭhiṃ upasaṅkamitvā āha – ‘‘sace, mahāseṭṭhi, anujānātha , ahaṃ cūḷapanthakaṃ pabbājeyya’’nti. ‘‘Pabbājetha, bhante’’ti. Thero taṃ pabbājesi. So dasasu sīlesu patiṭṭhito bhātu santike –
‘‘бад̣̇умам̣ яат̇аа гоганад̣̇ам̣ суг̇анд̇хам̣, баад̇о сияаа пулламавийд̇аг̇анд̇хам̣;
‘‘Padumaṃ yathā kokanadaṃ sugandhaṃ, pāto siyā phullamavītagandhaṃ;
ан̇г̇ийрасам̣ басса вирожамаанам̣, д̇абанд̇амаад̣̇ижжамиванд̇алигкз’’д̇и. (сам̣. ни. 1.123; а. ни. 5.195) –
Aṅgīrasaṃ passa virocamānaṃ, tapantamādiccamivantalikkhe’’ti. (saṃ. ni. 1.123; a. ni. 5.195) –
г̇аат̇ам̣ уг̇г̇ан̣ханд̇о жад̇уухи маасзхи г̇ахзд̇ум̣ наасагки, г̇ахид̇аг̇ахид̇ам̣ бад̣̇ам̣ хад̣̇аяз на д̇идтад̇и. ат̇а нам̣ махаабант̇аго ааха – ‘‘бант̇ага, д̇вам̣ имасмим̣ саасанз абхаб̣б̣о, жад̇уухи маасзхи згаг̇аат̇амби г̇ахзд̇ум̣ на саггоси. баб̣б̣аж̇ид̇агижжам̣ бана д̇вам̣ гат̇ам̣ мад̇т̇агам̣ баабзссаси? нигкама ид̇о’’д̇и. со т̇зрзна бан̣аамид̇о д̣̇ваарагодтагасамийбз род̣̇амаано адтааси.
Gāthaṃ uggaṇhanto catūhi māsehi gahetuṃ nāsakkhi, gahitagahitaṃ padaṃ hadaye na tiṭṭhati. Atha naṃ mahāpanthako āha – ‘‘panthaka, tvaṃ imasmiṃ sāsane abhabbo, catūhi māsehi ekagāthampi gahetuṃ na sakkosi. Pabbajitakiccaṃ pana tvaṃ kathaṃ matthakaṃ pāpessasi? Nikkhama ito’’ti. So therena paṇāmito dvārakoṭṭhakasamīpe rodamāno aṭṭhāsi.
д̇зна жа самаязна сад̇т̇аа ж̇ийвагамб̣аванз вихарад̇и. ат̇а ж̇ийваго бурисам̣ бзсзси, ‘‘бан̃жахи бхигкусад̇зхи сад̣̇д̇хим̣ сад̇т̇аарам̣ ниманд̇зхий’’д̇и. д̇зна жа самаязна ааяасмаа махаабант̇аго бхад̇д̇уд̣̇д̣̇зсаго ход̇и. со ‘‘бан̃жаннам̣ бхигкусад̇аанам̣ бхигкам̣ бадижчат̇а, бханд̇з’’д̇и вуд̇д̇о ‘‘жуул̣абант̇агам̣ табзд̇ваа сзсаанам̣ бадижчаамий’’д̇и ааха. д̇ам̣ суд̇ваа жуул̣абант̇аго бхияяосомад̇д̇ааяа д̣̇оманассаббад̇д̇о ахоси. сад̇т̇аа д̇асса жид̇д̇агкзд̣̇ам̣ н̃ад̇ваа, ‘‘жуул̣абант̇аго маяаа гад̇зна убааязна б̣уж̇жхиссад̇ий’’д̇и д̇асса авид̣̇уурз таанз ад̇д̇аанам̣ д̣̇ассзд̇ваа ‘‘гим̣, бант̇ага, род̣̇асий’’д̇и бужчи. ‘‘бхаад̇аа мам̣, бханд̇з, бан̣аамзд̇ий’’д̇и ааха. ‘‘бант̇ага, маа жинд̇аяи, мама саасанз д̇уяхам̣ баб̣б̣аж̇ж̇аа, зхи, имам̣ г̇ахзд̇ваа ‘раж̇охаран̣ам̣, раж̇охаран̣а’нд̇и манаси гарохий’’д̇и ид̣̇д̇хияаа суд̣̇д̇хам̣ жол̣агкан̣д̣ам̣ абхисан̇карид̇ваа ад̣̇ааси. со сад̇т̇аараа д̣̇иннам̣ жол̣агкан̣д̣ам̣ ‘‘раж̇охаран̣ам̣, раж̇охаран̣а’’нд̇и хад̇т̇зна баримаж̇ж̇анд̇о нисийд̣̇и. д̇асса д̇ам̣ баримаж̇ж̇анд̇асса гилидтад̇хаад̇угам̣ ж̇аад̇ам̣, буна баримаж̇ж̇анд̇асса угкалибарибун̃чанасад̣̇исам̣ ж̇аад̇ам̣. со н̃аан̣асса барибаггад̇д̇аа звам̣ жинд̇зси – ‘‘ид̣̇ам̣ жол̣агкан̣д̣ам̣ багад̇ияаа барисуд̣̇д̇хам̣, имам̣ убаад̣̇ин̣н̣агасарийрам̣ ниссааяа гилидтам̣ ан̃н̃ат̇аа ж̇аад̇ам̣, д̇асмаа анижжам̣ яат̇аабзд̇ам̣, звам̣ жид̇д̇амбий’’д̇и каяаваяам̣ бадтабзд̇ваа д̇асмим̣язва нимид̇д̇з жхаанаани ниб̣б̣ад̇д̇зд̇ваа жхаанабаад̣̇агам̣ вибассанам̣ бадтабзд̇ваа саха бадисамбхид̣̇аахи арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.2.35-54) –
Tena ca samayena satthā jīvakambavane viharati. Atha jīvako purisaṃ pesesi, ‘‘pañcahi bhikkhusatehi saddhiṃ satthāraṃ nimantehī’’ti. Tena ca samayena āyasmā mahāpanthako bhattuddesako hoti. So ‘‘pañcannaṃ bhikkhusatānaṃ bhikkhaṃ paṭicchatha, bhante’’ti vutto ‘‘cūḷapanthakaṃ ṭhapetvā sesānaṃ paṭicchāmī’’ti āha. Taṃ sutvā cūḷapanthako bhiyyosomattāya domanassappatto ahosi. Satthā tassa cittakkhedaṃ ñatvā, ‘‘cūḷapanthako mayā katena upāyena bujjhissatī’’ti tassa avidūre ṭhāne attānaṃ dassetvā ‘‘kiṃ, panthaka, rodasī’’ti pucchi. ‘‘Bhātā maṃ, bhante, paṇāmetī’’ti āha. ‘‘Panthaka, mā cintayi, mama sāsane tuyhaṃ pabbajjā, ehi, imaṃ gahetvā ‘rajoharaṇaṃ, rajoharaṇa’nti manasi karohī’’ti iddhiyā suddhaṃ coḷakkhaṇḍaṃ abhisaṅkharitvā adāsi. So satthārā dinnaṃ coḷakkhaṇḍaṃ ‘‘rajoharaṇaṃ, rajoharaṇa’’nti hatthena parimajjanto nisīdi. Tassa taṃ parimajjantassa kiliṭṭhadhātukaṃ jātaṃ, puna parimajjantassa ukkhaliparipuñchanasadisaṃ jātaṃ. So ñāṇassa paripakkattā evaṃ cintesi – ‘‘idaṃ coḷakkhaṇḍaṃ pakatiyā parisuddhaṃ, imaṃ upādiṇṇakasarīraṃ nissāya kiliṭṭhaṃ aññathā jātaṃ, tasmā aniccaṃ yathāpetaṃ, evaṃ cittampī’’ti khayavayaṃ paṭṭhapetvā tasmiṃyeva nimitte jhānāni nibbattetvā jhānapādakaṃ vipassanaṃ paṭṭhapetvā saha paṭisambhidāhi arahattaṃ pāpuṇi. Tena vuttaṃ apadāne (apa. thera 1.2.35-54) –
‘‘бад̣̇умуд̇д̇аро наама ж̇ино, аахуд̇ийнам̣ бадиг̇г̇ахо;
‘‘Padumuttaro nāma jino, āhutīnaṃ paṭiggaho;
г̇ан̣амхаа вуубагадто со, химаванд̇з васий д̇ад̣̇аа.
Gaṇamhā vūpakaṭṭho so, himavante vasī tadā.
‘‘ахамби химаванд̇амхи, васаами ассамз д̇ад̣̇аа;
‘‘Ahampi himavantamhi, vasāmi assame tadā;
ажирааг̇ад̇ам̣ махаавийрам̣, убзсим̣ логанааяагам̣.
Acirāgataṃ mahāvīraṃ, upesiṃ lokanāyakaṃ.
‘‘бубпажчад̇д̇ам̣ г̇ахзд̇ваана, убаг̇ажчим̣ нараасабхам̣;
‘‘Pupphacchattaṃ gahetvāna, upagacchiṃ narāsabhaṃ;
самаад̇хим̣ самаабаж̇ж̇анд̇ам̣, анд̇арааяамагаасахам̣.
Samādhiṃ samāpajjantaṃ, antarāyamakāsahaṃ.
‘‘убхо хад̇т̇зхи баг̇г̇аяха, бубпажчад̇д̇ам̣ ад̣̇аасахам̣;
‘‘Ubho hatthehi paggayha, pupphacchattaṃ adāsahaṃ;
бадиг̇г̇ахзси бхаг̇аваа, бад̣̇умуд̇д̇аро махаамуни.
Paṭiggahesi bhagavā, padumuttaro mahāmuni.
‘‘саб̣б̣з д̣̇зваа ад̇д̇аманаа, химаванд̇ам̣ убзнд̇и д̇з;
‘‘Sabbe devā attamanā, himavantaṃ upenti te;
саад̇хугаарам̣ бавад̇д̇зсум̣, анумод̣̇иссад̇и жагкумаа.
Sādhukāraṃ pavattesuṃ, anumodissati cakkhumā.
‘‘ид̣̇ам̣ вад̇ваана д̇з д̣̇зваа, убаг̇ажчум̣ наруд̇д̇амам̣;
‘‘Idaṃ vatvāna te devā, upagacchuṃ naruttamaṃ;
аагаасз д̇хаараяанд̇асса, бад̣̇умажчад̇д̇амуд̇д̇амам̣.
Ākāse dhārayantassa, padumacchattamuttamaṃ.
‘‘сад̇абад̇д̇ачад̇д̇ам̣ баг̇г̇аяха, ад̣̇ааси д̇аабасо мама;
‘‘Satapattachattaṃ paggayha, adāsi tāpaso mama;
д̇амахам̣ гид̇д̇аяиссаами, сун̣аат̇а мама бхаасад̇о.
Tamahaṃ kittayissāmi, suṇātha mama bhāsato.
‘‘бан̃жавийсад̇игаббаани, д̣̇звараж̇ж̇ам̣ гариссад̇и;
‘‘Pañcavīsatikappāni, devarajjaṃ karissati;
жад̇уд̇д̇им̣сад̇игкад̇д̇ун̃жа, жаггавад̇д̇ий бхависсад̇и.
Catuttiṃsatikkhattuñca, cakkavattī bhavissati.
‘‘яам̣ яам̣ яоним̣ сам̣сарад̇и, д̣̇звад̇д̇ам̣ ат̇а маанусам̣;
‘‘Yaṃ yaṃ yoniṃ saṃsarati, devattaṃ atha mānusaṃ;
аб̣бхогаасз бад̇идтанд̇ам̣, бад̣̇умам̣ д̇хаараяиссад̇и.
Abbhokāse patiṭṭhantaṃ, padumaṃ dhārayissati.
‘‘габбасад̇асахассамхи , оггаагагуласамбхаво;
‘‘Kappasatasahassamhi , okkākakulasambhavo;
г̇од̇амо наама г̇од̇д̇зна, сад̇т̇аа логз бхависсад̇и.
Gotamo nāma gottena, satthā loke bhavissati.
‘‘багаасид̇з бааважанз, мануссад̇д̇ам̣ лабхиссад̇и;
‘‘Pakāsite pāvacane, manussattaṃ labhissati;
маномаяамхи гааяамхи, уд̇д̇амо со бхависсад̇и.
Manomayamhi kāyamhi, uttamo so bhavissati.
‘‘д̣̇вз бхаад̇аро бхависсанд̇и, убхоби бант̇агавхаяаа;
‘‘Dve bhātaro bhavissanti, ubhopi panthakavhayā;
анубход̇ваа уд̇д̇амад̇т̇ам̣, ж̇од̇аяиссанд̇и саасанам̣.
Anubhotvā uttamatthaṃ, jotayissanti sāsanaṃ.
‘‘сохам̣ адтаарасавассо, баб̣б̣аж̇им̣ анаг̇аарияам̣;
‘‘Sohaṃ aṭṭhārasavasso, pabbajiṃ anagāriyaṃ;
висзсаахам̣ на винд̣̇аами, сагяабуд̇д̇асса саасанз.
Visesāhaṃ na vindāmi, sakyaputtassa sāsane.
‘‘д̣̇анд̇хаа маяхам̣ г̇ад̇ий ааси, барибхууд̇о бурз ахум̣;
‘‘Dandhā mayhaṃ gatī āsi, paribhūto pure ahuṃ;
бхаад̇аа жа мам̣ бан̣аамзси, г̇ажча д̣̇аани сагам̣ гхарам̣.
Bhātā ca maṃ paṇāmesi, gaccha dāni sakaṃ gharaṃ.
‘‘сохам̣ бан̣аамид̇о санд̇о, сан̇гхаараамасса годтагз;
‘‘Sohaṃ paṇāmito santo, saṅghārāmassa koṭṭhake;
д̣̇уммано д̇ад̇т̇а адтаасим̣, сааман̃н̃асмим̣ абзгкаваа.
Dummano tattha aṭṭhāsiṃ, sāmaññasmiṃ apekkhavā.
‘‘бхаг̇аваа д̇ад̇т̇а ааг̇ажчи, сийсам̣ маяхам̣ бараамаси;
‘‘Bhagavā tattha āgacchi, sīsaṃ mayhaṃ parāmasi;
б̣аахааяа мам̣ г̇ахзд̇ваана, сан̇гхаараамам̣ бавзсаяи.
Bāhāya maṃ gahetvāna, saṅghārāmaṃ pavesayi.
‘‘анугамбааяа мз сад̇т̇аа, ад̣̇ааси баад̣̇абун̃чаним̣;
‘‘Anukampāya me satthā, adāsi pādapuñchaniṃ;
звам̣ суд̣̇д̇хам̣ ад̇хидтзхи, згаманд̇амад̇хидтахам̣.
Evaṃ suddhaṃ adhiṭṭhehi, ekamantamadhiṭṭhahaṃ.
‘‘хад̇т̇зхи д̇амахам̣ г̇аяха, сарим̣ гоганад̣̇ам̣ ахам̣;
‘‘Hatthehi tamahaṃ gayha, sariṃ kokanadaṃ ahaṃ;
д̇ад̇т̇а жид̇д̇ам̣ вимужжи мз, арахад̇д̇ам̣ абаабун̣им̣.
Tattha cittaṃ vimucci me, arahattaṃ apāpuṇiṃ.
‘‘маномаязсу гааязсу, саб̣б̣ад̇т̇а баарамим̣ г̇ад̇о;
‘‘Manomayesu kāyesu, sabbattha pāramiṃ gato;
саб̣б̣аасавз барин̃н̃ааяа, вихараами анаасаво.
Sabbāsave pariññāya, viharāmi anāsavo.
‘‘бадисамбхид̣̇аа жад̇ассо…бз… гад̇ам̣ б̣уд̣̇д̇хасса саасана’’нд̇и.
‘‘Paṭisambhidā catasso…pe… kataṃ buddhassa sāsana’’nti.
арахад̇д̇амаг̇г̇знзвасса д̇збидагам̣ бан̃жаабхин̃н̃аа жа ааг̇амим̣су. сад̇т̇аа згзна уунзхи бан̃жахи бхигкусад̇зхи сад̣̇д̇хим̣ г̇анд̇ваа ж̇ийвагасса нивзсанз бан̃н̃ад̇д̇з аасанз нисийд̣̇и. жуул̣абант̇аго бана ад̇д̇ано бхигкааяа аббадижчид̇ад̇д̇аа зва на г̇ад̇о. ж̇ийваго яааг̇ум̣ д̣̇аад̇ум̣ аарабхи, сад̇т̇аа бад̇д̇ам̣ хад̇т̇зна бид̣̇ахи. ‘‘гасмаа, бханд̇з, на г̇ан̣хат̇аа’’д̇и вуд̇д̇з – ‘‘вихаарз зго бхигку ад̇т̇и, ж̇ийвагаа’’д̇и. со бурисам̣ бахин̣и, ‘‘г̇ажча, бхан̣з, вихаарз нисиннам̣ аяяам̣ г̇ахзд̇ваа зхий’’д̇и. жуул̣абант̇агад̇т̇зроби руубзна гирияааяа жа згамби згзна асад̣̇исам̣ бхигкусахассам̣ нимминид̇ваа нисийд̣̇и. со бурисо вихаарз бхигкуунам̣ б̣ахубхаавам̣ д̣̇исваа г̇анд̇ваа ж̇ийвагасса гат̇зси – ‘‘имасмаа бхигкусан̇гхаа вихаарз бхигкусан̇гхо б̣ахуд̇аро, баггосид̇аб̣б̣ам̣ аяяам̣ на ж̇аанаамий’’д̇и. ж̇ийваго сад̇т̇аарам̣ бадибужчи – ‘‘гонаамо, бханд̇з, вихаарз нисинно бхигкуу’’д̇и? ‘‘жуул̣абант̇аго наама, ж̇ийвагаа’’д̇и. ‘‘г̇ажча , бхан̣з, ‘жуул̣абант̇аго наама гад̇аро’д̇и бужчид̇ваа д̇ам̣ аанзхий’’д̇и. со вихаарам̣ г̇анд̇ваа ‘‘жуул̣абант̇аго наама гад̇аро, бханд̇з’’д̇и бужчи. ‘‘ахам̣ жуул̣абант̇аго’’,‘‘ахам̣ жуул̣абант̇аго’’д̇и згабахаарзнзва бхигкусахассамби гат̇зси. со бунааг̇анд̇ваа д̇ам̣ бавад̇д̇им̣ ж̇ийвагасса аарожзси. ж̇ийваго бадивид̣̇д̇хасажжад̇д̇аа ‘‘ид̣̇д̇химаа ман̃н̃з, аяяо’’д̇и наяад̇о н̃ад̇ваа ‘‘г̇ажча, бхан̣з, батамам̣ гат̇анагамаяяамзва ‘д̇умхз сад̇т̇аа баггосад̇ий’д̇и вад̇ваа жийвараган̣н̣з г̇ан̣хаа’’д̇и ааха. со вихаарам̣ г̇анд̇ваа д̇ат̇аа агааси, д̇аавад̣̇зва ниммид̇абхигкуу анд̇арад̇хааяим̣су. со т̇зрам̣ г̇ахзд̇ваа аг̇амааси.
Arahattamaggenevassa tepiṭakaṃ pañcābhiññā ca āgamiṃsu. Satthā ekena ūnehi pañcahi bhikkhusatehi saddhiṃ gantvā jīvakassa nivesane paññatte āsane nisīdi. Cūḷapanthako pana attano bhikkhāya appaṭicchitattā eva na gato. Jīvako yāguṃ dātuṃ ārabhi, satthā pattaṃ hatthena pidahi. ‘‘Kasmā, bhante, na gaṇhathā’’ti vutte – ‘‘vihāre eko bhikkhu atthi, jīvakā’’ti. So purisaṃ pahiṇi, ‘‘gaccha, bhaṇe, vihāre nisinnaṃ ayyaṃ gahetvā ehī’’ti. Cūḷapanthakattheropi rūpena kiriyāya ca ekampi ekena asadisaṃ bhikkhusahassaṃ nimminitvā nisīdi. So puriso vihāre bhikkhūnaṃ bahubhāvaṃ disvā gantvā jīvakassa kathesi – ‘‘imasmā bhikkhusaṅghā vihāre bhikkhusaṅgho bahutaro, pakkositabbaṃ ayyaṃ na jānāmī’’ti. Jīvako satthāraṃ paṭipucchi – ‘‘konāmo, bhante, vihāre nisinno bhikkhū’’ti? ‘‘Cūḷapanthako nāma, jīvakā’’ti. ‘‘Gaccha , bhaṇe, ‘cūḷapanthako nāma kataro’ti pucchitvā taṃ ānehī’’ti. So vihāraṃ gantvā ‘‘cūḷapanthako nāma kataro, bhante’’ti pucchi. ‘‘Ahaṃ cūḷapanthako’’,‘‘ahaṃ cūḷapanthako’’ti ekapahāreneva bhikkhusahassampi kathesi. So punāgantvā taṃ pavattiṃ jīvakassa ārocesi. Jīvako paṭividdhasaccattā ‘‘iddhimā maññe, ayyo’’ti nayato ñatvā ‘‘gaccha, bhaṇe, paṭhamaṃ kathanakamayyameva ‘tumhe satthā pakkosatī’ti vatvā cīvarakaṇṇe gaṇhā’’ti āha. So vihāraṃ gantvā tathā akāsi, tāvadeva nimmitabhikkhū antaradhāyiṃsu. So theraṃ gahetvā agamāsi.
сад̇т̇аа д̇асмим̣ кан̣з яааг̇ун̃жа каж̇ж̇агаад̣̇ибхзд̣̇ан̃жа бадиг̇г̇ан̣хи. д̣̇асаб̣алз бхад̇д̇агижжам̣ гад̇ваа вихаарам̣ г̇ад̇з д̇хаммасабхааяам̣ гат̇аа уд̣̇абаад̣̇и – ‘‘ахо б̣уд̣̇д̇хаанам̣ аанубхааво, яад̇ра хи наама жад̇д̇ааро маасз згаг̇аат̇ам̣ г̇ахзд̇ум̣ асаггонд̇амби лахугзна кан̣знзва звам̣ махид̣̇д̇хигам̣ агам̣суу’’д̇и. сад̇т̇аа д̇зсам̣ бхигкуунам̣ гат̇аасаллаабам̣ суд̇ваа ааг̇анд̇ваа б̣уд̣̇д̇хаасанз нисаж̇ж̇а, ‘‘гим̣ вад̣̇зт̇а, бхигкавз’’д̇и бужчид̇ваа, ‘‘имам̣ наама, бханд̇з’’д̇и вуд̇д̇з, ‘‘бхигкавз, жуул̣абант̇агзна ид̣̇аани маяхам̣ оваад̣̇з тад̇ваа логуд̇д̇арад̣̇ааяаж̇ж̇ам̣ лад̣̇д̇хам̣, буб̣б̣з бана логияад̣̇ааяаж̇ж̇а’’нд̇и вад̇ваа д̇зхи яаажид̇о жуул̣асздтиж̇аад̇агам̣ (ж̇аа. 1.1.4) гат̇зси. абарабхааг̇з д̇ам̣ сад̇т̇аа арияаг̇ан̣абаривуд̇о д̇хаммаасанз нисинно маномаяам̣ гааяам̣ абхинимминанд̇аанам̣ бхигкуунам̣ жзд̇овиваддагусалаанан̃жа аг̇г̇адтаанз табзси. со абарзна самаязна бхигкуухи ‘‘д̇ат̇аа д̣̇анд̇хад̇хаад̇угзна гат̇ам̣ д̇аяаа сажжаани бадивид̣̇д̇хааний’’д̇и будто бхаад̇у бан̣ааманад̇о бадтааяа ад̇д̇ано бадибад̇д̇им̣ багаасзнд̇о –
Satthā tasmiṃ khaṇe yāguñca khajjakādibhedañca paṭiggaṇhi. Dasabale bhattakiccaṃ katvā vihāraṃ gate dhammasabhāyaṃ kathā udapādi – ‘‘aho buddhānaṃ ānubhāvo, yatra hi nāma cattāro māse ekagāthaṃ gahetuṃ asakkontampi lahukena khaṇeneva evaṃ mahiddhikaṃ akaṃsū’’ti. Satthā tesaṃ bhikkhūnaṃ kathāsallāpaṃ sutvā āgantvā buddhāsane nisajja, ‘‘kiṃ vadetha, bhikkhave’’ti pucchitvā, ‘‘imaṃ nāma, bhante’’ti vutte, ‘‘bhikkhave, cūḷapanthakena idāni mayhaṃ ovāde ṭhatvā lokuttaradāyajjaṃ laddhaṃ, pubbe pana lokiyadāyajja’’nti vatvā tehi yācito cūḷaseṭṭhijātakaṃ (jā. 1.1.4) kathesi. Aparabhāge taṃ satthā ariyagaṇaparivuto dhammāsane nisinno manomayaṃ kāyaṃ abhinimminantānaṃ bhikkhūnaṃ cetovivaṭṭakusalānañca aggaṭṭhāne ṭhapesi. So aparena samayena bhikkhūhi ‘‘tathā dandhadhātukena kathaṃ tayā saccāni paṭividdhānī’’ti puṭṭho bhātu paṇāmanato paṭṭhāya attano paṭipattiṃ pakāsento –
557.
557.
‘‘д̣̇анд̇хаа маяхам̣ г̇ад̇ий ааси, барибхууд̇о бурз ахам̣;
‘‘Dandhā mayhaṃ gatī āsi, paribhūto pure ahaṃ;
бхаад̇аа жа мам̣ бан̣аамзси, г̇ажча д̣̇аани д̇увам̣ гхарам̣.
Bhātā ca maṃ paṇāmesi, gaccha dāni tuvaṃ gharaṃ.
558.
558.
‘‘сохам̣ бан̣аамид̇о санд̇о, сан̇гхаараамасса годтагз;
‘‘Sohaṃ paṇāmito santo, saṅghārāmassa koṭṭhake;
д̣̇уммано д̇ад̇т̇а адтаасим̣, саасанасмим̣ абзгкаваа.
Dummano tattha aṭṭhāsiṃ, sāsanasmiṃ apekkhavā.
559.
559.
‘‘бхаг̇аваа д̇ад̇т̇а ааг̇ажчи, сийсам̣ маяхам̣ бараамаси;
‘‘Bhagavā tattha āgacchi, sīsaṃ mayhaṃ parāmasi;
б̣аахааяа мам̣ г̇ахзд̇ваана, сан̇гхаараамам̣ бавзсаяи.
Bāhāya maṃ gahetvāna, saṅghārāmaṃ pavesayi.
560.
560.
‘‘анугамбааяа мз сад̇т̇аа, баад̣̇ааси баад̣̇абун̃чаним̣;
‘‘Anukampāya me satthā, pādāsi pādapuñchaniṃ;
зд̇ам̣ суд̣̇д̇хам̣ ад̇хидтзхи, згаманд̇ам̣ свад̇хидтид̇ам̣.
Etaṃ suddhaṃ adhiṭṭhehi, ekamantaṃ svadhiṭṭhitaṃ.
561.
561.
‘‘д̇ассаахам̣ важанам̣ суд̇ваа, вихаасим̣ саасанз рад̇о;
‘‘Tassāhaṃ vacanaṃ sutvā, vihāsiṃ sāsane rato;
самаад̇хим̣ бадибаад̣̇зсим̣, уд̇д̇амад̇т̇асса бад̇д̇ияаа.
Samādhiṃ paṭipādesiṃ, uttamatthassa pattiyā.
562.
562.
‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇ам̣;
‘‘Pubbenivāsaṃ jānāmi, dibbacakkhu visodhitaṃ;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасанам̣.
Tisso vijjā anuppattā, kataṃ buddhassa sāsanaṃ.
563.
563.
‘‘сахассагкад̇д̇умад̇д̇аанам̣, нимминид̇ваана бант̇аго;
‘‘Sahassakkhattumattānaṃ, nimminitvāna panthako;
нисийд̣̇амб̣аванз раммз, яаава гаалаббавзд̣̇анаа.
Nisīdambavane ramme, yāva kālappavedanā.
564.
564.
‘‘д̇ад̇о мз сад̇т̇аа баахзси, д̣̇ууд̇ам̣ гаалаббавзд̣̇агам̣;
‘‘Tato me satthā pāhesi, dūtaṃ kālappavedakaṃ;
бавзд̣̇ид̇амхи гааламхи, взхаасаад̣̇убасан̇гамим̣.
Paveditamhi kālamhi, vehāsādupasaṅkamiṃ.
565.
565.
‘‘ванд̣̇ид̇ваа сад̇т̇уно баад̣̇з, згаманд̇ам̣ нисийд̣̇ахам̣;
‘‘Vanditvā satthuno pāde, ekamantaṃ nisīdahaṃ;
нисиннам̣ мам̣ вид̣̇ид̇ваана, ад̇т̇а сад̇т̇аа бадиг̇г̇ахи.
Nisinnaṃ maṃ viditvāna, attha satthā paṭiggahi.
566.
566.
‘‘ааяааг̇о саб̣б̣алогасса, аахуд̇ийнам̣ бадиг̇г̇ахо;
‘‘Āyāgo sabbalokassa, āhutīnaṃ paṭiggaho;
бун̃н̃агкзд̇д̇ам̣ мануссаанам̣, бадиг̇г̇ан̣хид̇т̇а д̣̇агкин̣а’’нд̇и. –
Puññakkhettaṃ manussānaṃ, paṭiggaṇhittha dakkhiṇa’’nti. –
имаа г̇аат̇аа абхааси.
Imā gāthā abhāsi.
д̇ад̇т̇а д̣̇анд̇хаад̇и, манд̣̇аа, жад̇уббад̣̇игам̣ г̇аат̇ам̣ жад̇уухи маасзхи г̇ахзд̇ум̣ асамад̇т̇абхаавзна д̣̇уб̣б̣алаа. г̇ад̇ийд̇и н̃аан̣аг̇ад̇и. аасийд̇и, ахоси. барибхууд̇од̇и, д̇ад̇о зва ‘‘мудтассад̇и асамбаж̇аано’’д̇и хийл̣ид̇о. бурзд̇и, буб̣б̣з бут̇уж̇ж̇анагаалз. бхаад̇аа жаад̇и самужжаяад̇т̇о жа-сад̣̇д̣̇о, на гзвалам̣ барибхууд̇ова, ат̇а ко бхаад̇ааби мам̣ бан̣аамзси, ‘‘бант̇ага, д̇вам̣ д̣̇уббан̃н̃о ахзд̇уго ман̃н̃з, д̇асмаа баб̣б̣аж̇ид̇агижжам̣ мад̇т̇агам̣ баабзд̇ум̣ асамад̇т̇о , на имасса саасанасса анужчавиго, г̇ажча д̣̇аани д̇уяхам̣ аяяагагхара’’нд̇и ниггад̣дхзси. бхаад̇аад̇и, бхаад̇араа.
Tattha dandhāti, mandā, catuppadikaṃ gāthaṃ catūhi māsehi gahetuṃ asamatthabhāvena dubbalā. Gatīti ñāṇagati. Āsīti, ahosi. Paribhūtoti, tato eva ‘‘muṭṭhassati asampajāno’’ti hīḷito. Pureti, pubbe puthujjanakāle. Bhātā cāti samuccayattho ca-saddo, na kevalaṃ paribhūtova, atha kho bhātāpi maṃ paṇāmesi, ‘‘panthaka, tvaṃ duppañño ahetuko maññe, tasmā pabbajitakiccaṃ matthakaṃ pāpetuṃ asamattho , na imassa sāsanassa anucchaviko, gaccha dāni tuyhaṃ ayyakaghara’’nti nikkaḍḍhesi. Bhātāti, bhātarā.
годтагзд̇и, д̣̇ваарагодтагасамийбз. д̣̇умманод̇и, д̣̇оманассид̇о. саасанасмим̣ абзгкаваад̇и, саммаасамб̣уд̣̇д̇хасса саасанз саабзгко авиб̣бхамид̇угаамо.
Koṭṭhaketi, dvārakoṭṭhakasamīpe. Dummanoti, domanassito. Sāsanasmiṃ apekkhavāti, sammāsambuddhassa sāsane sāpekkho avibbhamitukāmo.
бхаг̇аваа д̇ад̇т̇а ааг̇ажчийд̇и, махаагарун̣аасан̃жод̣̇ид̇амаанасо мам̣ ануг̇г̇ан̣ханд̇о бхаг̇аваа яад̇т̇аахам̣ тид̇о, д̇ад̇т̇а ааг̇ажчи. ааг̇анд̇ваа жа, ‘‘бант̇ага, ахам̣ д̇з сад̇т̇аа, на махаабант̇аго, мам̣ уд̣̇д̣̇исса д̇ава баб̣б̣аж̇ж̇аа’’д̇и самассаасзнд̇о сийсам̣ маяхам̣ бараамаси ж̇аалааб̣анд̇ханамуд̣̇уд̇алунабийн̣аварааяад̇ан̇г̇улисамубасобхид̇зна вигасид̇абад̣̇умасассирийгзна жагган̇гид̇зна хад̇т̇ад̇алзна ‘‘ид̣̇ааниязва мама буд̇д̇о бхависсад̇ий’’д̇и д̣̇ийбзнд̇о маяхам̣ сийсам̣ бараамаси. б̣аахааяа мам̣ г̇ахзд̇ваанаад̇и, ‘‘гасмаа д̇вам̣, ид̇ха д̇идтасий’’д̇и жанд̣̇анаг̇анд̇хаг̇анд̇хинаа ад̇д̇ано хад̇т̇зна мам̣ бхуж̇з г̇ахзд̇ваа анд̇осан̇гхаараамам̣ бавзсзси. баад̣̇ааси баад̣̇абун̃чанинд̇и баад̣̇абун̃чаним̣ гад̇ваа баад̣̇ааси ‘‘раж̇охаран̣анд̇и манаси гарохий’’д̇и ад̣̇аасийд̇и ад̇т̇о. ‘‘ад̣̇аасий’’д̇и ‘‘баад̣̇абун̃чани’’нд̇и жа батанд̇и. гзжи бана ‘‘баад̣̇абун̃чани’’нд̇и баад̣̇абун̃чанажол̣агкан̣д̣ам̣ баад̣̇аасий’’д̇и вад̣̇анд̇и. д̇ад̣̇аяуд̇д̇ам̣ ид̣̇д̇хияаа абхисан̇карид̇ваа жол̣агкан̣д̣асса д̣̇иннад̇д̇аа. зд̇ам̣ суд̣̇д̇хам̣ ад̇хидтзхи, згаманд̇ам̣ свад̇хидтид̇анд̇и, зд̇ам̣ суд̣̇д̇хам̣ жол̣агкан̣д̣ам̣ ‘‘раж̇охаран̣ам̣, раж̇охаран̣а’’нд̇и манасигаарзна свад̇хидтид̇ам̣ гад̇ваа згаманд̇ам̣ згаманд̇з вивид̇д̇з г̇анд̇хагудибамукз нисинно ад̇хидтзхи д̇ат̇аа жид̇д̇ам̣ самаахид̇ам̣ гад̇ваа бавад̇д̇зхи.
Bhagavā tattha āgacchīti, mahākaruṇāsañcoditamānaso maṃ anuggaṇhanto bhagavā yatthāhaṃ ṭhito, tattha āgacchi. Āgantvā ca, ‘‘panthaka, ahaṃ te satthā, na mahāpanthako, maṃ uddissa tava pabbajjā’’ti samassāsento sīsaṃ mayhaṃ parāmasi jālābandhanamudutalunapīṇavarāyataṅgulisamupasobhitena vikasitapadumasassirīkena cakkaṅkitena hatthatalena ‘‘idāniyeva mama putto bhavissatī’’ti dīpento mayhaṃ sīsaṃ parāmasi. Bāhāya maṃ gahetvānāti, ‘‘kasmā tvaṃ, idha tiṭṭhasī’’ti candanagandhagandhinā attano hatthena maṃ bhuje gahetvā antosaṅghārāmaṃ pavesesi. Pādāsipādapuñchaninti pādapuñchaniṃ katvā pādāsi ‘‘rajoharaṇanti manasi karohī’’ti adāsīti attho. ‘‘Adāsī’’ti ‘‘pādapuñchani’’nti ca paṭhanti. Keci pana ‘‘pādapuñchani’’nti pādapuñchanacoḷakkhaṇḍaṃ pādāsī’’ti vadanti. Tadayuttaṃ iddhiyā abhisaṅkharitvā coḷakkhaṇḍassa dinnattā. Etaṃ suddhaṃ adhiṭṭhehi, ekamantaṃ svadhiṭṭhitanti, etaṃ suddhaṃ coḷakkhaṇḍaṃ ‘‘rajoharaṇaṃ, rajoharaṇa’’nti manasikārena svadhiṭṭhitaṃ katvā ekamantaṃ ekamante vivitte gandhakuṭipamukhe nisinno adhiṭṭhehi tathā cittaṃ samāhitaṃ katvā pavattehi.
д̇ассаахам̣ важанам̣ суд̇ваад̇и, д̇асса бхаг̇авад̇о важанам̣ оваад̣̇ам̣ ахам̣ суд̇ваа д̇асмим̣ саасанз оваад̣̇з рад̇о абхирад̇о худ̇ваа вихаасим̣ яат̇аанусидтам̣ бадибаж̇ж̇им̣. бадибаж̇ж̇анд̇о жа самаад̇хим̣ бадибаад̣̇зсим̣, уд̇д̇амад̇т̇асса бад̇д̇ияаад̇и, уд̇д̇амад̇т̇о наама арахад̇д̇ам̣, д̇асса ад̇хиг̇амааяа гасин̣абаригаммавасзна руубаж̇жхаанаани ниб̣б̣ад̇д̇зд̇ваа жхаанабаад̣̇агам̣ вибассанам̣ бадтабзд̇ваа маг̇г̇абадибаадияаа аг̇г̇амаг̇г̇асамаад̇хим̣ самбаад̣̇зсинд̇и ад̇т̇о. зд̇т̇а хи самаад̇хийд̇и убажаарасамаад̇хид̇о бадтааяа яаава жад̇уд̇т̇амаг̇г̇асамаад̇хи, д̇аава самаад̇хисааман̃н̃зна г̇ахид̇о, аг̇г̇апаласамаад̇хи бана уд̇д̇амад̇т̇аг̇г̇ахан̣зна, саад̇исаяам̣ жзвааяам̣ самаад̇хигусало, д̇асмаа ‘‘самаад̇хим̣ бадибаад̣̇зси’’нд̇и ааха. самаад̇хигусалад̇ааяа хи аяамааяасмаа жзд̇овиваддагусало наама ж̇аад̇о, махаабант̇агад̇т̇зро бана вибассанаагусалад̇ааяа сан̃н̃аавиваддагусало наама. зго жзд̇т̇а самаад̇хилагкан̣з чзго, зго вибассанаалагкан̣з, зго самаад̇хиг̇аал̣хо, зго вибассанааг̇аал̣хо зго ан̇г̇асам̣кид̇д̇з чзго, зго аарамман̣асам̣кид̇д̇з, зго ан̇г̇ававад̇т̇аанз, зго аарамман̣ававад̇т̇аанзд̇и ван̣н̣знд̇и. абижа жуул̣абант̇агад̇т̇зро саад̇исаяам̣ жад̇уннам̣ руубааважараж̇жхаанаанам̣ лаабхид̇ааяа жзд̇овиваддагусало вуд̇д̇о, махаабант̇агад̇т̇зро саад̇исаяам̣ жад̇уннам̣ аруубааважараж̇жхаанаанам̣ лаабхид̇ааяа сан̃н̃аавиваддагусало. батамо ваа руубааважараж̇жхааналаабхий худ̇ваа жхаанан̇г̇зхи вудтааяа арахад̇д̇ам̣ бад̇д̇од̇и жзд̇овиваддагусало, ид̇аро аруубааважараж̇жхааналаабхий худ̇ваа жхаанан̇г̇зхи вудтааяа арахад̇д̇ам̣ бад̇д̇од̇и сан̃н̃аавиваддагусало. маномаяам̣ бана гааяам̣ ниб̣б̣ад̇д̇знд̇о ан̃н̃з д̇аяо ваа жад̇д̇ааро ваа ниб̣б̣ад̇д̇анд̇и, на б̣ахугз, згасад̣̇исзязва жа гад̇ваа ниб̣б̣ад̇д̇знд̇и, згавид̇хамзва гаммам̣ гурумаанз. аяам̣ бана т̇зро згааваж̇ж̇анзна саман̣асахассам̣ маабзси, д̣̇взби на гааязна згасад̣̇исз агааси, на згавид̇хам̣ гаммам̣ гурумаанз. д̇асмаа маномаяам̣ гааяам̣ абхинимминанд̇аанам̣ аг̇г̇о наама ж̇аад̇о.
Tassāhaṃ vacanaṃ sutvāti, tassa bhagavato vacanaṃ ovādaṃ ahaṃ sutvā tasmiṃ sāsane ovāde rato abhirato hutvā vihāsiṃ yathānusiṭṭhaṃ paṭipajjiṃ. Paṭipajjanto ca samādhiṃ paṭipādesiṃ, uttamatthassa pattiyāti, uttamattho nāma arahattaṃ, tassa adhigamāya kasiṇaparikammavasena rūpajjhānāni nibbattetvā jhānapādakaṃ vipassanaṃ paṭṭhapetvā maggapaṭipāṭiyā aggamaggasamādhiṃ sampādesinti attho. Ettha hi samādhīti upacārasamādhito paṭṭhāya yāva catutthamaggasamādhi, tāva samādhisāmaññena gahito, aggaphalasamādhi pana uttamatthaggahaṇena, sātisayaṃ cevāyaṃ samādhikusalo, tasmā ‘‘samādhiṃ paṭipādesi’’nti āha. Samādhikusalatāya hi ayamāyasmā cetovivaṭṭakusalo nāma jāto, mahāpanthakatthero pana vipassanākusalatāya saññāvivaṭṭakusalo nāma. Eko cettha samādhilakkhaṇe cheko, eko vipassanālakkhaṇe, eko samādhigāḷho, eko vipassanāgāḷho eko aṅgasaṃkhitte cheko, eko ārammaṇasaṃkhitte, eko aṅgavavatthāne, eko ārammaṇavavatthāneti vaṇṇenti. Apica cūḷapanthakatthero sātisayaṃ catunnaṃ rūpāvacarajjhānānaṃ lābhitāya cetovivaṭṭakusalo vutto, mahāpanthakatthero sātisayaṃ catunnaṃ arūpāvacarajjhānānaṃ lābhitāya saññāvivaṭṭakusalo. Paṭhamo vā rūpāvacarajjhānalābhī hutvā jhānaṅgehi vuṭṭhāya arahattaṃ pattoti cetovivaṭṭakusalo, itaro arūpāvacarajjhānalābhī hutvā jhānaṅgehi vuṭṭhāya arahattaṃ pattoti saññāvivaṭṭakusalo. Manomayaṃ pana kāyaṃ nibbattento aññe tayo vā cattāro vā nibbattanti, na bahuke, ekasadiseyeva ca katvā nibbattenti, ekavidhameva kammaṃ kurumāne. Ayaṃ pana thero ekāvajjanena samaṇasahassaṃ māpesi, dvepi na kāyena ekasadise akāsi, na ekavidhaṃ kammaṃ kurumāne. Tasmā manomayaṃ kāyaṃ abhinimminantānaṃ aggo nāma jāto.
ид̣̇аани ад̇д̇ано ад̇хиг̇ад̇ависзсам̣ д̣̇ассзд̇ум̣ ‘‘буб̣б̣зниваасам̣ ж̇аанаамий’’д̇иаад̣̇имааха. гааман̃жааяам̣ т̇зро чал̣абхин̃н̃о, яаа бана абхин̃н̃аа аасавагкаяан̃аан̣аад̇хиг̇амасса б̣ахуубагаараа, д̇ам̣ д̣̇ассанад̇т̇ам̣ ‘‘буб̣б̣зниваасам̣ ж̇аанаами, д̣̇иб̣б̣ажагку висод̇хид̇а’’нд̇и вад̇ваа ‘‘д̇иссо виж̇ж̇аа ануббад̇д̇аа’’д̇и вуд̇д̇ам̣. буб̣б̣зниваасаяат̇аагаммубаг̇аанааг̇ад̇ам̣сан̃аан̣аани хи вибассанаажаарасса б̣ахуубагаараани, на д̇ат̇аа ид̇аран̃аан̣аани.
Idāni attano adhigatavisesaṃ dassetuṃ ‘‘pubbenivāsaṃ jānāmī’’tiādimāha. Kāmañcāyaṃ thero chaḷabhiñño, yā pana abhiññā āsavakkhayañāṇādhigamassa bahūpakārā, taṃ dassanatthaṃ ‘‘pubbenivāsaṃ jānāmi, dibbacakkhu visodhita’’nti vatvā ‘‘tisso vijjā anuppattā’’ti vuttaṃ. Pubbenivāsayathākammupagaanāgataṃsañāṇāni hi vipassanācārassa bahūpakārāni, na tathā itarañāṇāni.
сахассагкад̇д̇унд̇и сахассам̣. ‘‘сахассаваара’’нд̇и гзжи вад̣̇анд̇и. згааваж̇ж̇анзна бана т̇зро сахассз маномаяз гааяз ниммини, на ваарзна. д̇з жа ко ан̃н̃аман̃н̃амасад̣̇исз вивид̇хан̃жа гаммам̣ гаронд̇з. ‘‘гим̣ бана саавагаанамби зваруубам̣ ид̣̇д̇хиниммаанам̣ самбхавад̇ий’’д̇и? на самбхавад̇и саб̣б̣зсам̣, абхинийхаарасамбад̇д̇ияаа бана аяамзва т̇зро звамагааси, д̇ат̇аа хзса иминаа ан̇г̇зна зд̇ад̣̇аг̇г̇з табид̇о. бант̇аго нисийд̣̇ийд̇и ад̇д̇аанамзва барам̣ вияа вад̣̇ад̇и. амб̣аванзд̇и, амб̣аванз ж̇ийвагзна гад̇авихаарз. взхаасаад̣̇убасан̇гаминд̇и взхаасаад̇и гаран̣з ниссаггаважанам̣, взхаасзнаад̇и ад̇т̇о, д̣̇а-гааро бад̣̇асанд̇хигаро. ат̇аад̇и, мама нисаж̇ж̇ааяа бажчаа. бадиг̇г̇ахийд̇и д̣̇агкин̣од̣̇агам̣ бадиг̇г̇ан̣хи. ааяааг̇о саб̣б̣алогассаад̇и, саб̣б̣асса сад̣̇звагасса логасса аг̇г̇ад̣̇агкин̣зяяад̇ааяа д̣̇зяяад̇хаммам̣ аанзд̇ваа яаж̇ид̇аб̣б̣адтаанабхууд̇о. аахуд̇ийнам̣ бадиг̇г̇аход̇и, махаапалабхаавагаран̣зна д̣̇агкин̣аахуд̇ийнам̣ бадиг̇г̇ан̣хаго. бадиг̇г̇ан̣хид̇т̇а д̣̇агкин̣анд̇и ж̇ийвагзна убанийд̇ам̣ яааг̇укаж̇ж̇аад̣̇ибхзд̣̇ам̣ д̣̇агкин̣ам̣ бадиг̇г̇ахзси.
Sahassakkhattunti sahassaṃ. ‘‘Sahassavāra’’nti keci vadanti. Ekāvajjanena pana thero sahasse manomaye kāye nimmini, na vārena. Te ca kho aññamaññamasadise vividhañca kammaṃ karonte. ‘‘Kiṃ pana sāvakānampi evarūpaṃ iddhinimmānaṃ sambhavatī’’ti? Na sambhavati sabbesaṃ, abhinīhārasampattiyā pana ayameva thero evamakāsi, tathā hesa iminā aṅgena etadagge ṭhapito. Panthako nisīdīti attānameva paraṃ viya vadati. Ambavaneti, ambavane jīvakena katavihāre. Vehāsādupasaṅkaminti vehāsāti karaṇe nissakkavacanaṃ, vehāsenāti attho, da-kāro padasandhikaro. Athāti, mama nisajjāya pacchā. Paṭiggahīti dakkhiṇodakaṃ paṭiggaṇhi. Āyāgo sabbalokassāti, sabbassa sadevakassa lokassa aggadakkhiṇeyyatāya deyyadhammaṃ ānetvā yajitabbaṭṭhānabhūto. Āhutīnaṃ paṭiggahoti, mahāphalabhāvakaraṇena dakkhiṇāhutīnaṃ paṭiggaṇhako. Paṭiggaṇhittha dakkhiṇanti jīvakena upanītaṃ yāgukhajjādibhedaṃ dakkhiṇaṃ paṭiggahesi.
ат̇а ко бхаг̇аваа гад̇абхад̇д̇агижжо ааяасманд̇ам̣ жуул̣абант̇агам̣ аан̣аабзси – ‘‘анумод̣̇анам̣ гарохий’’д̇и. со синзрум̣ г̇ахзд̇ваа махаасамуд̣̇д̣̇ам̣ мант̇знд̇о вияа бабхиннабадисамбхид̣̇ааббад̇д̇ад̇ааяа д̇збидагам̣ б̣уд̣̇д̇хаважанам̣ сан̇кобхзнд̇о сад̇т̇у аж̇жхаасаяам̣ г̇ан̣ханд̇о анумод̣̇анам̣ агааси. д̇ат̇аа убаниссаяасамбанноби жааяамааяасмаа д̇ат̇ааруубааяа гаммабилод̇игааяа бариб̣аад̇хид̇о жад̇уббад̣̇игам̣ г̇аат̇ам̣ жад̇уухиби маасзхи г̇ахзд̇ум̣ наасагки. д̇ам̣ банасса убаниссаяасамбад̇д̇им̣ ологзд̇ваа сад̇т̇аа буб̣б̣ажарияаануруубам̣ яонисоманасигаарз нияож̇зси. д̇ат̇аа хи бхаг̇аваа д̇ад̣̇аа ж̇ийвагасса нивзсанз нисинно зва ‘‘жуул̣абант̇агасса жид̇д̇ам̣ самаахид̇ам̣, вийт̇ибадибаннаа вибассанаа’’д̇и н̃ад̇ваа яат̇аанисиннова ад̇д̇аанам̣ д̣̇ассзд̇ваа, ‘‘бант̇ага, яад̣̇ибааяам̣ билод̇игаа сам̣гилидтаа раж̇аанугин̣н̣аа, ид̇о бана ан̃н̃о зва арияасса винаяз сам̣гилзсо раж̇о жаад̇и д̣̇ассзнд̇о –
Atha kho bhagavā katabhattakicco āyasmantaṃ cūḷapanthakaṃ āṇāpesi – ‘‘anumodanaṃ karohī’’ti. So sineruṃ gahetvā mahāsamuddaṃ manthento viya pabhinnapaṭisambhidāppattatāya tepiṭakaṃ buddhavacanaṃ saṅkhobhento satthu ajjhāsayaṃ gaṇhanto anumodanaṃ akāsi. Tathā upanissayasampannopi cāyamāyasmā tathārūpāya kammapilotikāya paribādhito catuppadikaṃ gāthaṃ catūhipi māsehi gahetuṃ nāsakkhi. Taṃ panassa upanissayasampattiṃ oloketvā satthā pubbacariyānurūpaṃ yonisomanasikāre niyojesi. Tathā hi bhagavā tadā jīvakassa nivesane nisinno eva ‘‘cūḷapanthakassa cittaṃ samāhitaṃ, vīthipaṭipannā vipassanā’’ti ñatvā yathānisinnova attānaṃ dassetvā, ‘‘panthaka, yadipāyaṃ pilotikā saṃkiliṭṭhā rajānukiṇṇā, ito pana añño eva ariyassa vinaye saṃkileso rajo cāti dassento –
‘‘рааг̇о раж̇о на жа бана рзн̣у вужжад̇и, рааг̇ассзд̇ам̣ ад̇хиважанам̣ раж̇од̇и;
‘‘Rāgo rajo na ca pana reṇu vuccati, rāgassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ваа бхигкаво, вихаранд̇и д̇з вийд̇араж̇асса саасанз.
Etaṃ rajaṃ vippajahitvā bhikkhavo, viharanti te vītarajassa sāsane.
‘‘д̣̇осо раж̇о…бз… саасанз.
‘‘Doso rajo…pe… sāsane.
‘‘мохо раж̇о…бз… вийд̇араж̇асса саасанз’’д̇и. –
‘‘Moho rajo…pe… vītarajassa sāsane’’ti. –
имаа д̇иссо обхаасаг̇аат̇аа абхааси. г̇аат̇аабарияосаанз жуул̣абант̇аго абхин̃н̃аабадисамбхид̣̇аабариваарам̣ арахад̇д̇ам̣ баабун̣ийд̇и.
Imā tisso obhāsagāthā abhāsi. Gāthāpariyosāne cūḷapanthako abhiññāpaṭisambhidāparivāraṃ arahattaṃ pāpuṇīti.
жуул̣абант̇агад̇т̇зраг̇аат̇ааван̣н̣анаа нидтид̇аа.
Cūḷapanthakattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 4. жуул̣абант̇агад̇т̇зраг̇аат̇аа • 4. Cūḷapanthakattheragāthā
