| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. жуул̣абун̣н̣амасуд̇д̇ам̣
10. Cūḷapuṇṇamasuttaṃ
91. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и буб̣б̣аараамз миг̇аарамаад̇убаасаад̣̇з. д̇зна ко бана самаязна бхаг̇аваа д̇ад̣̇ахубосат̇з баннарасз бун̣н̣ааяа бун̣н̣амааяа рад̇д̇ияаа бхигкусан̇гхабаривуд̇о аб̣бхогаасз нисинно ход̇и. ат̇а ко бхаг̇аваа д̇ун̣хийбхууд̇ам̣ д̇ун̣хийбхууд̇ам̣ бхигкусан̇гхам̣ анувилогзд̇ваа бхигкуу ааманд̇зси – ‘‘ж̇аанзяяа ну ко, бхигкавз, асаббурисо асаббурисам̣ – ‘асаббурисо аяам̣ бхава’’’нд̇и? ‘‘но хзд̇ам̣, бханд̇з’’. ‘‘саад̇ху, бхигкавз; адтаанамзд̇ам̣, бхигкавз, анавагаасо яам̣ асаббурисо асаббурисам̣ ж̇аанзяяа – ‘асаббурисо аяам̣ бхава’нд̇и. ж̇аанзяяа бана, бхигкавз, асаббурисо саббурисам̣ – ‘саббурисо аяам̣ бхава’’’нд̇и? ‘‘но хзд̇ам̣, бханд̇з’’. ‘‘саад̇ху, бхигкавз; зд̇амби ко, бхигкавз, адтаанам̣ анавагаасо яам̣ асаббурисо саббурисам̣ ж̇аанзяяа – ‘саббурисо аяам̣ бхава’нд̇и. асаббурисо, бхигкавз, ассад̣̇д̇хаммасаманнааг̇ад̇о ход̇и, асаббурисабхад̇д̇и 1 ход̇и, асаббурисажинд̇ий ход̇и, асаббурисаманд̇ий ход̇и, асаббурисаваажо ход̇и, асаббурисагамманд̇о ход̇и, асаббурисад̣̇идти 2 ход̇и; асаббурисад̣̇аанам̣ д̣̇зд̇и’’.
91. Evaṃ me sutaṃ – ekaṃ samayaṃ bhagavā sāvatthiyaṃ viharati pubbārāme migāramātupāsāde. Tena kho pana samayena bhagavā tadahuposathe pannarase puṇṇāya puṇṇamāya rattiyā bhikkhusaṅghaparivuto abbhokāse nisinno hoti. Atha kho bhagavā tuṇhībhūtaṃ tuṇhībhūtaṃ bhikkhusaṅghaṃ anuviloketvā bhikkhū āmantesi – ‘‘jāneyya nu kho, bhikkhave, asappuriso asappurisaṃ – ‘asappuriso ayaṃ bhava’’’nti? ‘‘No hetaṃ, bhante’’. ‘‘Sādhu, bhikkhave; aṭṭhānametaṃ, bhikkhave, anavakāso yaṃ asappuriso asappurisaṃ jāneyya – ‘asappuriso ayaṃ bhava’nti. Jāneyya pana, bhikkhave, asappuriso sappurisaṃ – ‘sappuriso ayaṃ bhava’’’nti? ‘‘No hetaṃ, bhante’’. ‘‘Sādhu, bhikkhave; etampi kho, bhikkhave, aṭṭhānaṃ anavakāso yaṃ asappuriso sappurisaṃ jāneyya – ‘sappuriso ayaṃ bhava’nti. Asappuriso, bhikkhave, assaddhammasamannāgato hoti, asappurisabhatti 3 hoti, asappurisacintī hoti, asappurisamantī hoti, asappurisavāco hoti, asappurisakammanto hoti, asappurisadiṭṭhi 4 hoti; asappurisadānaṃ deti’’.
‘‘гат̇ан̃жа, бхигкавз, асаббурисо ассад̣̇д̇хаммасаманнааг̇ад̇о ход̇и? ид̇ха, бхигкавз, асаббурисо ассад̣̇д̇хо ход̇и, ахириго ход̇и, анод̇д̇аббий ход̇и, аббассуд̇о ход̇и , гусийд̇о ход̇и, мудтассад̇и ход̇и, д̣̇уббан̃н̃о ход̇и. звам̣ ко, бхигкавз, асаббурисо ассад̣̇д̇хаммасаманнааг̇ад̇о ход̇и.
‘‘Kathañca, bhikkhave, asappuriso assaddhammasamannāgato hoti? Idha, bhikkhave, asappuriso assaddho hoti, ahiriko hoti, anottappī hoti, appassuto hoti , kusīto hoti, muṭṭhassati hoti, duppañño hoti. Evaṃ kho, bhikkhave, asappuriso assaddhammasamannāgato hoti.
‘‘гат̇ан̃жа, бхигкавз, асаббурисо асаббурисабхад̇д̇и ход̇и? ид̇ха, бхигкавз, асаббурисасса яз д̇з саман̣аб̣раахман̣аа ассад̣̇д̇хаа ахиригаа анод̇д̇аббино аббассуд̇аа гусийд̇аа мудтассад̇ино д̣̇уббан̃н̃аа д̇яаасса мид̇д̇аа хонд̇и д̇з сахааяаа. звам̣ ко, бхигкавз, асаббурисо асаббурисабхад̇д̇и ход̇и.
‘‘Kathañca, bhikkhave, asappuriso asappurisabhatti hoti? Idha, bhikkhave, asappurisassa ye te samaṇabrāhmaṇā assaddhā ahirikā anottappino appassutā kusītā muṭṭhassatino duppaññā tyāssa mittā honti te sahāyā. Evaṃ kho, bhikkhave, asappuriso asappurisabhatti hoti.
‘‘гат̇ан̃жа, бхигкавз, асаббурисо асаббурисажинд̇ий ход̇и? ид̇ха, бхигкавз, асаббурисо ад̇д̇аб̣яааб̣аад̇хааяаби жзд̇зд̇и, бараб̣яааб̣аад̇хааяаби жзд̇зд̇и, убхаяаб̣яааб̣аад̇хааяаби жзд̇зд̇и. звам̣ ко, бхигкавз, асаббурисо асаббурисажинд̇ий ход̇и.
‘‘Kathañca, bhikkhave, asappuriso asappurisacintī hoti? Idha, bhikkhave, asappuriso attabyābādhāyapi ceteti, parabyābādhāyapi ceteti, ubhayabyābādhāyapi ceteti. Evaṃ kho, bhikkhave, asappuriso asappurisacintī hoti.
‘‘гат̇ан̃жа, бхигкавз, асаббурисо асаббурисаманд̇ий ход̇и? ид̇ха, бхигкавз, асаббурисо ад̇д̇аб̣яааб̣аад̇хааяаби манд̇зд̇и, бараб̣яааб̣аад̇хааяаби манд̇зд̇и, убхаяаб̣яааб̣аад̇хааяаби манд̇зд̇и. звам̣ ко, бхигкавз, асаббурисо асаббурисаманд̇ий ход̇и.
‘‘Kathañca, bhikkhave, asappuriso asappurisamantī hoti? Idha, bhikkhave, asappuriso attabyābādhāyapi manteti, parabyābādhāyapi manteti, ubhayabyābādhāyapi manteti. Evaṃ kho, bhikkhave, asappuriso asappurisamantī hoti.
‘‘гат̇ан̃жа, бхигкавз, асаббурисо асаббурисаваажо ход̇и? ид̇ха, бхигкавз, асаббурисо мусааваад̣̇ий ход̇и, бисун̣аваажо ход̇и, парусаваажо ход̇и , сампаббалаабий ход̇и. звам̣ ко, бхигкавз, асаббурисо асаббурисаваажо ход̇и.
‘‘Kathañca, bhikkhave, asappuriso asappurisavāco hoti? Idha, bhikkhave, asappuriso musāvādī hoti, pisuṇavāco hoti, pharusavāco hoti , samphappalāpī hoti. Evaṃ kho, bhikkhave, asappuriso asappurisavāco hoti.
‘‘гат̇ан̃жа, бхигкавз, асаббурисо асаббурисагамманд̇о ход̇и? ид̇ха , бхигкавз, асаббурисо баан̣аад̇ибаад̇ий ход̇и, ад̣̇иннаад̣̇ааяий ход̇и, гаамзсумижчаажаарий ход̇и. звам̣ ко, бхигкавз, асаббурисо асаббурисагамманд̇о ход̇и.
‘‘Kathañca, bhikkhave, asappuriso asappurisakammanto hoti? Idha , bhikkhave, asappuriso pāṇātipātī hoti, adinnādāyī hoti, kāmesumicchācārī hoti. Evaṃ kho, bhikkhave, asappuriso asappurisakammanto hoti.
‘‘гат̇ан̃жа, бхигкавз, асаббурисо асаббурисад̣̇идти ход̇и? ид̇ха, бхигкавз, асаббурисо звам̣д̣̇идти 5 ход̇и – ‘над̇т̇и д̣̇иннам̣, над̇т̇и яидтам̣, над̇т̇и худ̇ам̣, над̇т̇и сугад̇ад̣̇уггадаанам̣ 6 гаммаанам̣ палам̣ вибааго, над̇т̇и аяам̣ лого, над̇т̇и баро лого, над̇т̇и маад̇аа, над̇т̇и бид̇аа, над̇т̇и сад̇д̇аа обабаад̇игаа, над̇т̇и логз саман̣аб̣раахман̣аа саммаг̇г̇ад̇аа 7 саммаабадибаннаа, яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. звам̣ ко, бхигкавз, асаббурисо асаббурисад̣̇идти ход̇и.
‘‘Kathañca, bhikkhave, asappuriso asappurisadiṭṭhi hoti? Idha, bhikkhave, asappuriso evaṃdiṭṭhi 8 hoti – ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ 9 kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā 10 sammāpaṭipannā, ye imañca lokaṃ parañca lokaṃ sayaṃ abhiññā sacchikatvā pavedentī’ti. Evaṃ kho, bhikkhave, asappuriso asappurisadiṭṭhi hoti.
‘‘гат̇ан̃жа, бхигкавз, асаббурисо асаббурисад̣̇аанам̣ д̣̇зд̇и? ид̇ха, бхигкавз, асаббурисо асаггажжам̣ д̣̇аанам̣ д̣̇зд̇и, асахад̇т̇аа д̣̇аанам̣ д̣̇зд̇и, ажид̇д̇ийгад̇ваа д̣̇аанам̣ д̣̇зд̇и, абавидтам̣ д̣̇аанам̣ д̣̇зд̇и анааг̇аманад̣̇идтиго д̣̇аанам̣ д̣̇зд̇и. звам̣ ко, бхигкавз, асаббурисо асаббурисад̣̇аанам̣ д̣̇зд̇и.
‘‘Kathañca, bhikkhave, asappuriso asappurisadānaṃ deti? Idha, bhikkhave, asappuriso asakkaccaṃ dānaṃ deti, asahatthā dānaṃ deti, acittīkatvā dānaṃ deti, apaviṭṭhaṃ dānaṃ deti anāgamanadiṭṭhiko dānaṃ deti. Evaṃ kho, bhikkhave, asappuriso asappurisadānaṃ deti.
‘‘со, бхигкавз, асаббурисо звам̣ ассад̣̇д̇хаммасаманнааг̇ад̇о, звам̣ асаббурисабхад̇д̇и, звам̣ асаббурисажинд̇ий, звам̣ асаббурисаманд̇ий, звам̣ асаббурисаваажо, звам̣ асаббурисагамманд̇о, звам̣ асаббурисад̣̇идти; звам̣ асаббурисад̣̇аанам̣ д̣̇ад̇ваа гааяасса бхзд̣̇аа барам̣ маран̣аа яаа асаббурисаанам̣ г̇ад̇и д̇ад̇т̇а убабаж̇ж̇ад̇и. гаа жа, бхигкавз, асаббурисаанам̣ г̇ад̇и? нираяо ваа д̇иражчаанаяони ваа.
‘‘So, bhikkhave, asappuriso evaṃ assaddhammasamannāgato, evaṃ asappurisabhatti, evaṃ asappurisacintī, evaṃ asappurisamantī, evaṃ asappurisavāco, evaṃ asappurisakammanto, evaṃ asappurisadiṭṭhi; evaṃ asappurisadānaṃ datvā kāyassa bhedā paraṃ maraṇā yā asappurisānaṃ gati tattha upapajjati. Kā ca, bhikkhave, asappurisānaṃ gati? Nirayo vā tiracchānayoni vā.
92. ‘‘ж̇аанзяяа ну ко, бхигкавз, саббурисо саббурисам̣ – ‘саббурисо аяам̣ бхава’’’нд̇и? ‘‘звам̣ , бханд̇з’’. ‘‘саад̇ху, бхигкавз; таанамзд̇ам̣, бхигкавз, виж̇ж̇ад̇и яам̣ саббурисо саббурисам̣ ж̇аанзяяа – ‘саббурисо аяам̣ бхава’нд̇и. ж̇аанзяяа бана, бхигкавз, саббурисо асаббурисам̣ – ‘асаббурисо аяам̣ бхава’’’нд̇и? ‘‘звам̣, бханд̇з’’. ‘‘саад̇ху, бхигкавз; зд̇амби ко, бхигкавз, таанам̣ виж̇ж̇ад̇и яам̣ саббурисо асаббурисам̣ ж̇аанзяяа – ‘асаббурисо аяам̣ бхава’нд̇и. саббурисо, бхигкавз, сад̣̇д̇хаммасаманнааг̇ад̇о ход̇и, саббурисабхад̇д̇и ход̇и, саббурисажинд̇ий ход̇и, саббурисаманд̇ий ход̇и, саббурисаваажо ход̇и, саббурисагамманд̇о ход̇и, саббурисад̣̇идти ход̇и; саббурисад̣̇аанам̣ д̣̇зд̇и’’.
92. ‘‘Jāneyya nu kho, bhikkhave, sappuriso sappurisaṃ – ‘sappuriso ayaṃ bhava’’’nti? ‘‘Evaṃ , bhante’’. ‘‘Sādhu, bhikkhave; ṭhānametaṃ, bhikkhave, vijjati yaṃ sappuriso sappurisaṃ jāneyya – ‘sappuriso ayaṃ bhava’nti. Jāneyya pana, bhikkhave, sappuriso asappurisaṃ – ‘asappuriso ayaṃ bhava’’’nti? ‘‘Evaṃ, bhante’’. ‘‘Sādhu, bhikkhave; etampi kho, bhikkhave, ṭhānaṃ vijjati yaṃ sappuriso asappurisaṃ jāneyya – ‘asappuriso ayaṃ bhava’nti. Sappuriso, bhikkhave, saddhammasamannāgato hoti, sappurisabhatti hoti, sappurisacintī hoti, sappurisamantī hoti, sappurisavāco hoti, sappurisakammanto hoti, sappurisadiṭṭhi hoti; sappurisadānaṃ deti’’.
‘‘гат̇ан̃жа, бхигкавз, саббурисо сад̣̇д̇хаммасаманнааг̇ад̇о ход̇и? ид̇ха, бхигкавз, саббурисо сад̣̇д̇хо ход̇и, хиримаа ход̇и, од̇д̇аббий ход̇и, б̣ахуссуд̇о ход̇и, аарад̣̇д̇хавийрияо ход̇и, убадтид̇ассад̇и ход̇и, бан̃н̃аваа ход̇и. звам̣ ко, бхигкавз, саббурисо сад̣̇д̇хаммасаманнааг̇ад̇о ход̇и.
‘‘Kathañca, bhikkhave, sappuriso saddhammasamannāgato hoti? Idha, bhikkhave, sappuriso saddho hoti, hirimā hoti, ottappī hoti, bahussuto hoti, āraddhavīriyo hoti, upaṭṭhitassati hoti, paññavā hoti. Evaṃ kho, bhikkhave, sappuriso saddhammasamannāgato hoti.
‘‘гат̇ан̃жа, бхигкавз, саббурисо саббурисабхад̇д̇и ход̇и? ид̇ха, бхигкавз, саббурисасса яз д̇з саман̣аб̣раахман̣аа сад̣̇д̇хаа хириманд̇о од̇д̇аббино б̣ахуссуд̇аа аарад̣̇д̇хавийрияаа убадтид̇ассад̇ино бан̃н̃аванд̇о д̇яаасса мид̇д̇аа хонд̇и, д̇з сахааяаа. звам̣ ко, бхигкавз, саббурисо саббурисабхад̇д̇и ход̇и.
‘‘Kathañca, bhikkhave, sappuriso sappurisabhatti hoti? Idha, bhikkhave, sappurisassa ye te samaṇabrāhmaṇā saddhā hirimanto ottappino bahussutā āraddhavīriyā upaṭṭhitassatino paññavanto tyāssa mittā honti, te sahāyā. Evaṃ kho, bhikkhave, sappuriso sappurisabhatti hoti.
‘‘гат̇ан̃жа, бхигкавз, саббурисо саббурисажинд̇ий ход̇и? ид̇ха, бхигкавз, саббурисо нзвад̇д̇аб̣яааб̣аад̇хааяа жзд̇зд̇и, на бараб̣яааб̣аад̇хааяа жзд̇зд̇и, на убхаяаб̣яааб̣аад̇хааяа жзд̇зд̇и. звам̣ ко, бхигкавз, саббурисо саббурисажинд̇ий ход̇и.
‘‘Kathañca, bhikkhave, sappuriso sappurisacintī hoti? Idha, bhikkhave, sappuriso nevattabyābādhāya ceteti, na parabyābādhāya ceteti, na ubhayabyābādhāya ceteti. Evaṃ kho, bhikkhave, sappuriso sappurisacintī hoti.
‘‘гат̇ан̃жа, бхигкавз, саббурисо саббурисаманд̇ий ход̇и? ид̇ха, бхигкавз, саббурисо нзвад̇д̇аб̣яааб̣аад̇хааяа манд̇зд̇и, на бараб̣яааб̣аад̇хааяа манд̇зд̇и, на убхаяаб̣яааб̣аад̇хааяа манд̇зд̇и. звам̣ ко, бхигкавз, саббурисо саббурисаманд̇ий ход̇и.
‘‘Kathañca, bhikkhave, sappuriso sappurisamantī hoti? Idha, bhikkhave, sappuriso nevattabyābādhāya manteti, na parabyābādhāya manteti, na ubhayabyābādhāya manteti. Evaṃ kho, bhikkhave, sappuriso sappurisamantī hoti.
‘‘гат̇ан̃жа, бхигкавз, саббурисо саббурисаваажо ход̇и? ид̇ха, бхигкавз, саббурисо мусааваад̣̇аа бадивирад̇о ход̇и, бисун̣ааяа ваажааяа бадивирад̇о ход̇и, парусааяа ваажааяа бадивирад̇о ход̇и, сампаббалаабаа бадивирад̇о ход̇и. звам̣ ко, бхигкавз, саббурисо саббурисаваажо ход̇и.
‘‘Kathañca, bhikkhave, sappuriso sappurisavāco hoti? Idha, bhikkhave, sappuriso musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato hoti, samphappalāpā paṭivirato hoti. Evaṃ kho, bhikkhave, sappuriso sappurisavāco hoti.
‘‘гат̇ан̃жа, бхигкавз, саббурисо саббурисагамманд̇о ход̇и? ид̇ха, бхигкавз, саббурисо баан̣аад̇ибаад̇аа бадивирад̇о ход̇и, ад̣̇иннаад̣̇аанаа бадивирад̇о ход̇и, гаамзсумижчаажаараа бадивирад̇о ход̇и. звам̣ ко, бхигкавз, саббурисо саббурисагамманд̇о ход̇и.
‘‘Kathañca, bhikkhave, sappuriso sappurisakammanto hoti? Idha, bhikkhave, sappuriso pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti. Evaṃ kho, bhikkhave, sappuriso sappurisakammanto hoti.
‘‘гат̇ан̃жа , бхигкавз, саббурисо саббурисад̣̇идти ход̇и? ид̇ха, бхигкавз, саббурисо звам̣д̣̇идти ход̇и – ‘ад̇т̇и д̣̇иннам̣, ад̇т̇и яидтам̣, ад̇т̇и худ̇ам̣, ад̇т̇и сугад̇ад̣̇уггадаанам̣ гаммаанам̣ палам̣ вибааго, ад̇т̇и аяам̣ лого , ад̇т̇и баро лого, ад̇т̇и маад̇аа, ад̇т̇и бид̇аа, ад̇т̇и сад̇д̇аа обабаад̇игаа, ад̇т̇и логз саман̣аб̣раахман̣аа саммаг̇г̇ад̇аа саммаабадибаннаа яз иман̃жа логам̣ баран̃жа логам̣ саяам̣ абхин̃н̃аа сажчигад̇ваа бавзд̣̇знд̇ий’д̇и. звам̣ ко, бхигкавз, саббурисо саббурисад̣̇идти ход̇и.
‘‘Kathañca , bhikkhave, sappuriso sappurisadiṭṭhi hoti? Idha, bhikkhave, sappuriso evaṃdiṭṭhi hoti – ‘atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko , atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti. Evaṃ kho, bhikkhave, sappuriso sappurisadiṭṭhi hoti.
‘‘гат̇ан̃жа, бхигкавз, саббурисо саббурисад̣̇аанам̣ д̣̇зд̇и? ид̇ха, бхигкавз, саббурисо саггажжам̣ д̣̇аанам̣ д̣̇зд̇и, сахад̇т̇аа д̣̇аанам̣ д̣̇зд̇и, жид̇д̇ийгад̇ваа д̣̇аанам̣ д̣̇зд̇и, анабавидтам̣ д̣̇аанам̣ д̣̇зд̇и, ааг̇аманад̣̇идтиго д̣̇аанам̣ д̣̇зд̇и. звам̣ ко, бхигкавз, саббурисо саббурисад̣̇аанам̣ д̣̇зд̇и.
‘‘Kathañca, bhikkhave, sappuriso sappurisadānaṃ deti? Idha, bhikkhave, sappuriso sakkaccaṃ dānaṃ deti, sahatthā dānaṃ deti, cittīkatvā dānaṃ deti, anapaviṭṭhaṃ dānaṃ deti, āgamanadiṭṭhiko dānaṃ deti. Evaṃ kho, bhikkhave, sappuriso sappurisadānaṃ deti.
‘‘со, бхигкавз, саббурисо звам̣ сад̣̇д̇хаммасаманнааг̇ад̇о, звам̣ саббурисабхад̇д̇и, звам̣ саббурисажинд̇ий, звам̣ саббурисаманд̇ий, звам̣ саббурисаваажо, звам̣ саббурисагамманд̇о, звам̣ саббурисад̣̇идти; звам̣ саббурисад̣̇аанам̣ д̣̇ад̇ваа гааяасса бхзд̣̇аа барам̣ маран̣аа яаа саббурисаанам̣ г̇ад̇и д̇ад̇т̇а убабаж̇ж̇ад̇и. гаа жа, бхигкавз, саббурисаанам̣ г̇ад̇и? д̣̇звамахад̇д̇ад̇аа ваа мануссамахад̇д̇ад̇аа ваа’’д̇и.
‘‘So, bhikkhave, sappuriso evaṃ saddhammasamannāgato, evaṃ sappurisabhatti, evaṃ sappurisacintī, evaṃ sappurisamantī, evaṃ sappurisavāco, evaṃ sappurisakammanto, evaṃ sappurisadiṭṭhi; evaṃ sappurisadānaṃ datvā kāyassa bhedā paraṃ maraṇā yā sappurisānaṃ gati tattha upapajjati. Kā ca, bhikkhave, sappurisānaṃ gati? Devamahattatā vā manussamahattatā vā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
жуул̣абун̣н̣амасуд̇д̇ам̣ нидтид̇ам̣ д̣̇асамам̣.
Cūḷapuṇṇamasuttaṃ niṭṭhitaṃ dasamaṃ.
д̣̇звад̣̇ахаваг̇г̇о нидтид̇о батамо.
Devadahavaggo niṭṭhito paṭhamo.
д̇ассуд̣̇д̣̇аанам̣ –
Tassuddānaṃ –
д̣̇звад̣̇ахам̣ бан̃жад̇д̇аяам̣, гинд̇и-саама-сунагкад̇д̇ам̣;
Devadahaṃ pañcattayaṃ, kinti-sāma-sunakkhattaṃ;
саббааяа-г̇ан̣а-г̇обага-махаабун̣н̣ажуул̣абун̣н̣ан̃жаад̇и.
Sappāya-gaṇa-gopaka-mahāpuṇṇacūḷapuṇṇañcāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. жуул̣абун̣н̣амасуд̇д̇аван̣н̣анаа • 10. Cūḷapuṇṇamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. жуул̣абун̣н̣амасуд̇д̇аван̣н̣анаа • 10. Cūḷapuṇṇamasuttavaṇṇanā
