| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. жуул̣абун̣н̣амасуд̇д̇аван̣н̣анаа
10. Cūḷapuṇṇamasuttavaṇṇanā
91. звам̣ мз суд̇анд̇и жуул̣абун̣н̣амасуд̇д̇ам̣. д̇ад̇т̇а д̇ун̣хийбхууд̇ам̣ д̇ун̣хийбхууд̇анд̇и яам̣ яам̣ д̣̇исам̣ анувилогзд̇и, д̇ад̇т̇а д̇ад̇т̇а д̇ун̣хийбхууд̇амзва. анувилогзд̇ваад̇и бан̃жабасаад̣̇абадиман̣д̣ид̇аани агкийни уммийлзд̇ваа д̇ад̇о д̇ад̇о вилогзд̇ваа анд̇амасо хад̇т̇агуггужжабаад̣̇агуггужжаанамби абхаавам̣ д̣̇исваа. асаббурисод̇и баабабурисо. но хзд̇ам̣, бханд̇зд̇и яасмаа анд̇хо анд̇хам̣ вияа со д̇ам̣ ж̇аанид̇ум̣ на саггод̇и, д̇асмаа звамаахам̣су. зд̇знзва наязна ид̇о барзсуби ваарзсу ад̇т̇о взд̣̇ид̇аб̣б̣о. ассад̣̇д̇хасаманнааг̇ад̇од̇и баабад̇хаммасаманнааг̇ад̇о. асаббурисабхад̇д̇ийд̇и асаббурисасзвано. асаббурисажинд̇ийд̇и асаббурисажинд̇ааяа жинд̇аго. асаббурисаманд̇ийд̇и асаббурисаманд̇анам̣ манд̇зд̇аа. асаббурисаваажод̇и асаббурисаваажам̣ бхаасид̇аа. асаббурисагамманд̇од̇и асаббурисагаммаанам̣ гад̇д̇аа. асаббурисад̣̇идтийд̇и асаббурисад̣̇идтияаа саманнааг̇ад̇о. асаббурисад̣̇аананд̇и асаббурисзхи д̣̇аад̇аб̣б̣ам̣ д̣̇аанам̣. д̇яаасса мид̇д̇аад̇и д̇з асса мид̇д̇аа. ад̇д̇аб̣яааб̣аад̇хааяаби жзд̇зд̇ийд̇и баан̣ам̣ ханиссаами, ад̣̇иннам̣ аад̣̇ияиссаами, мижчаа жариссаами, д̣̇аса агусалагаммабат̇з самаад̣̇ааяа вад̇д̇иссаамийд̇и звам̣ ад̇д̇ано д̣̇угкад̇т̇ааяа жинд̇зд̇и. бараб̣яааб̣аад̇хааяаад̇и яат̇аа асуго асугам̣ баан̣ам̣ ханд̇и, асугасса санд̇агам̣ ад̣̇иннам̣ аад̣̇ияад̇и, д̣̇аса агусалагаммабат̇з самаад̣̇ааяа вад̇д̇ад̇и, звам̣ нам̣ аан̣аабзссаамийд̇и звам̣ барасса д̣̇угкад̇т̇ааяа жинд̇зд̇и. убхаяаб̣яааб̣аад̇хааяаад̇и ахам̣ асуган̃жа асуган̃жа г̇ахзд̇ваа д̣̇аса агусалагаммабат̇з самаад̣̇ааяа вад̇д̇иссаамийд̇и звам̣ убхаяад̣̇угкад̇т̇ааяа жинд̇зд̇ийд̇и.
91.Evaṃme sutanti cūḷapuṇṇamasuttaṃ. Tattha tuṇhībhūtaṃ tuṇhībhūtanti yaṃ yaṃ disaṃ anuviloketi, tattha tattha tuṇhībhūtameva. Anuviloketvāti pañcapasādapaṭimaṇḍitāni akkhīni ummīletvā tato tato viloketvā antamaso hatthakukkuccapādakukkuccānampi abhāvaṃ disvā. Asappurisoti pāpapuriso. No hetaṃ, bhanteti yasmā andho andhaṃ viya so taṃ jānituṃ na sakkoti, tasmā evamāhaṃsu. Eteneva nayena ito paresupi vāresu attho veditabbo. Assaddhasamannāgatoti pāpadhammasamannāgato. Asappurisabhattīti asappurisasevano. Asappurisacintīti asappurisacintāya cintako. Asappurisamantīti asappurisamantanaṃ mantetā. Asappurisavācoti asappurisavācaṃ bhāsitā. Asappurisakammantoti asappurisakammānaṃ kattā. Asappurisadiṭṭhīti asappurisadiṭṭhiyā samannāgato. Asappurisadānanti asappurisehi dātabbaṃ dānaṃ. Tyāssa mittāti te assa mittā. Attabyābādhāyapi cetetīti pāṇaṃ hanissāmi, adinnaṃ ādiyissāmi, micchā carissāmi, dasa akusalakammapathe samādāya vattissāmīti evaṃ attano dukkhatthāya cinteti. Parabyābādhāyāti yathā asuko asukaṃ pāṇaṃ hanti, asukassa santakaṃ adinnaṃ ādiyati, dasa akusalakammapathe samādāya vattati, evaṃ naṃ āṇāpessāmīti evaṃ parassa dukkhatthāya cinteti. Ubhayabyābādhāyāti ahaṃ asukañca asukañca gahetvā dasa akusalakammapathe samādāya vattissāmīti evaṃ ubhayadukkhatthāya cintetīti.
ад̇д̇аб̣яааб̣аад̇хааяаби манд̇зд̇ийд̇иаад̣̇ийсу ахам̣ д̣̇аса агусалагаммабат̇з самаад̣̇ааяа вад̇д̇иссаамийд̇и манд̇знд̇о ад̇д̇аб̣яааб̣аад̇хааяа манд̇зд̇и наама. асугам̣ д̣̇аса агусалагаммабат̇з самаад̣̇абзссаамийд̇и манд̇знд̇о бараб̣яааб̣аад̇хааяа манд̇зд̇и наама. ан̃н̃зна сад̣̇д̇хим̣ – ‘‘маяам̣ убхоби згад̇о худ̇ваа д̣̇аса агусалагаммабат̇з самаад̣̇ааяа вад̇д̇иссаамаа’’д̇и манд̇знд̇о убхаяаб̣яааб̣аад̇хааяа манд̇зд̇и наама.
Attabyābādhāyapi mantetītiādīsu ahaṃ dasa akusalakammapathe samādāya vattissāmīti mantento attabyābādhāya manteti nāma. Asukaṃ dasa akusalakammapathe samādapessāmīti mantento parabyābādhāya manteti nāma. Aññena saddhiṃ – ‘‘mayaṃ ubhopi ekato hutvā dasa akusalakammapathe samādāya vattissāmā’’ti mantento ubhayabyābādhāya manteti nāma.
асаггажжам̣ д̣̇аанам̣ д̣̇зд̇ийд̇и д̣̇зяяад̇хаммамби буг̇г̇аламби на саггарод̇и. д̣̇зяяад̇хаммам̣ на саггарод̇и наама уд̇д̇ан̣д̣улаад̣̇ид̣̇осасаманнааг̇ад̇ам̣ аахаарам̣ д̣̇зд̇и, на басаннам̣ гарод̇и. буг̇г̇алам̣ на саггарод̇и наама нисийд̣̇анадтаанам̣ асаммаж̇ж̇ид̇ваа яад̇т̇а ваа д̇ад̇т̇а ваа нисийд̣̇аабзд̇ваа яам̣ ваа д̇ам̣ ваа аад̇хаарагам̣ табзд̇ваа д̣̇аанам̣ д̣̇зд̇и. асахад̇т̇аад̇и ад̇д̇ано хад̇т̇зна, на д̣̇зд̇и, д̣̇аасагаммагаараад̣̇ийхи д̣̇аабзд̇и. ажид̇д̇игад̇ваад̇и хздтаа вуд̇д̇анаязна д̣̇зяяад̇хаммзби буг̇г̇алзби на жид̇д̇ийгаарам̣ гад̇ваа д̣̇зд̇и. абавид̣̇д̇ханд̇и чад̣д̣зд̇угаамо худ̇ваа ваммигз ураг̇ам̣ багкибанд̇о вияа д̣̇зд̇и. анааг̇аманад̣̇идтигод̇и но палабаадиган̇кий худ̇ваа д̣̇зд̇и.
Asakkaccaṃ dānaṃ detīti deyyadhammampi puggalampi na sakkaroti. Deyyadhammaṃ na sakkaroti nāma uttaṇḍulādidosasamannāgataṃ āhāraṃ deti, na pasannaṃ karoti. Puggalaṃ na sakkaroti nāma nisīdanaṭṭhānaṃ asammajjitvā yattha vā tattha vā nisīdāpetvā yaṃ vā taṃ vā ādhārakaṃ ṭhapetvā dānaṃ deti. Asahatthāti attano hatthena, na deti, dāsakammakārādīhi dāpeti. Acittikatvāti heṭṭhā vuttanayena deyyadhammepi puggalepi na cittīkāraṃ katvā deti. Apaviddhanti chaḍḍetukāmo hutvā vammike uragaṃ pakkhipanto viya deti. Anāgamanadiṭṭhikoti no phalapāṭikaṅkhī hutvā deti.
д̇ад̇т̇а убабаж̇ж̇ад̇ийд̇и на д̣̇аанам̣ д̣̇ад̇ваа нираяз убабаж̇ж̇ад̇и. яам̣ бана д̇зна баабалад̣̇д̇хигааяа мижчаад̣̇ассанам̣ г̇ахид̇ам̣, д̇ааяа мижчаад̣̇идтияаа нираяз убабаж̇ж̇ад̇и. суггабагко вуд̇д̇абадибагканаязна взд̣̇ид̇аб̣б̣о. д̣̇звамахад̇д̇ад̇аад̇и чагаамааважарад̣̇зваа. мануссамахад̇д̇ад̇аад̇и д̇ин̣н̣ам̣ гулаанам̣ самбад̇д̇и. сзсам̣ саб̣б̣ад̇т̇а уд̇д̇аанамзва. ид̣̇ам̣ бана суд̇д̇ам̣ суд̣̇д̇хаваддавасзнзва гат̇ид̇анд̇и.
Tatthaupapajjatīti na dānaṃ datvā niraye upapajjati. Yaṃ pana tena pāpaladdhikāya micchādassanaṃ gahitaṃ, tāya micchādiṭṭhiyā niraye upapajjati. Sukkapakkho vuttapaṭipakkhanayena veditabbo. Devamahattatāti chakāmāvacaradevā. Manussamahattatāti tiṇṇaṃ kulānaṃ sampatti. Sesaṃ sabbattha uttānameva. Idaṃ pana suttaṃ suddhavaṭṭavaseneva kathitanti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣абун̣н̣амасуд̇д̇аван̣н̣анаа нидтид̇аа.
Cūḷapuṇṇamasuttavaṇṇanā niṭṭhitā.
батамаваг̇г̇аван̣н̣анаа нидтид̇аа.
Paṭhamavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. жуул̣абун̣н̣амасуд̇д̇ам̣ • 10. Cūḷapuṇṇamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. жуул̣абун̣н̣амасуд̇д̇аван̣н̣анаа • 10. Cūḷapuṇṇamasuttavaṇṇanā
