| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. жуул̣абун̣н̣амасуд̇д̇аван̣н̣анаа
10. Cūḷapuṇṇamasuttavaṇṇanā
91. д̇ун̣хийбхууд̇ам̣ д̇ун̣хийбхууд̇анд̇и аамзд̣ид̇аважанам̣ б̣яаабанижчаавасзна вуд̇д̇анд̇и ааха – ‘‘яам̣ яам̣ д̣̇иса’’нд̇иаад̣̇и. анувилогзд̇ваад̇и зд̇т̇а анусад̣̇д̣̇оби б̣яаабанижчааяамзваад̇и ану ану вилогзд̇ваад̇и ад̇т̇о. д̇знзвааха – ‘‘д̇ад̇о д̇ад̇о вилогзд̇ваа’’д̇и. асанд̇о нийжо бурисод̇и асаббурисод̇и ааха – ‘‘баабабурисо лаамагабурисо’’д̇и. сод̇и асаббурисо. д̇анд̇и асаббурисам̣ ж̇аанид̇ум̣ на саггод̇и асаббурисад̇хаммаанам̣ яаат̇аавад̇о аж̇аананад̇о. баабад̇хаммасаманнааг̇ад̇од̇и гааяад̣̇ужжарид̇аад̣̇иасанд̇удтид̇аад̣̇илаамагад̇хаммасаманнааг̇ад̇о. асаббурисз бхад̇д̇и зд̇ассаад̇и асаббурисабхад̇д̇и. д̇знааха – ‘‘асаббурисасзвано’’д̇и. асаббурисад̇хаммо асаббурисо уд̇д̇арабад̣̇алобзна, д̇зсам̣ жинд̇анасийлод̇и асаббурисажинд̇ий. д̇знааха ‘‘асаббурисажинд̇ааяа жинд̇аго’’д̇и, д̣̇ужжинд̇ид̇ажинд̇ийд̇и ад̇т̇о. асаббурисаманд̇ананд̇и асаад̇хуж̇анавижаарам̣ асаббурисавиймам̣сам̣. асаббурисаваажанд̇и жад̇уб̣б̣ид̇хам̣ д̣̇уб̣бхаасид̇ам̣. асаббурисагаммам̣ наама д̇ивид̇хамби гааяад̣̇ужжарид̇ам̣. асаббурисад̣̇идти наама висзсад̇о д̣̇асавад̇т̇угаа мижчаад̣̇идти, д̇ааяа саманнааг̇ад̇о асаббурисад̣̇идтияаа саманнааг̇ад̇о, асаббурисад̣̇аанам̣ наама асаггажжад̣̇аанаад̣̇и. саб̣б̣обааяамад̇т̇о баал̣ид̇о зва вин̃н̃ааяад̇и.
91.Tuṇhībhūtaṃtuṇhībhūtanti āmeḍitavacanaṃ byāpanicchāvasena vuttanti āha – ‘‘yaṃ yaṃ disa’’ntiādi. Anuviloketvāti ettha anusaddopi byāpanicchāyamevāti anu anu viloketvāti attho. Tenevāha – ‘‘tato tato viloketvā’’ti. Asanto nīco purisoti asappurisoti āha – ‘‘pāpapuriso lāmakapuriso’’ti. Soti asappuriso. Tanti asappurisaṃ jānituṃ na sakkoti asappurisadhammānaṃ yāthāvato ajānanato. Pāpadhammasamannāgatoti kāyaduccaritādiasantuṭṭhitādilāmakadhammasamannāgato. Asappurise bhatti etassāti asappurisabhatti. Tenāha – ‘‘asappurisasevano’’ti. Asappurisadhammo asappuriso uttarapadalopena, tesaṃ cintanasīloti asappurisacintī. Tenāha ‘‘asappurisacintāya cintako’’ti, duccintitacintīti attho. Asappurisamantananti asādhujanavicāraṃ asappurisavīmaṃsaṃ. Asappurisavācanti catubbidhaṃ dubbhāsitaṃ. Asappurisakammaṃ nāma tividhampi kāyaduccaritaṃ. Asappurisadiṭṭhi nāma visesato dasavatthukā micchādiṭṭhi, tāya samannāgato asappurisadiṭṭhiyā samannāgato, asappurisadānaṃ nāma asakkaccadānādi. Sabbopāyamattho pāḷito eva viññāyati.
‘‘баан̣ам̣ ханиссаамий’’д̇иаад̣̇игаа жзд̇анаа гаамам̣ бараб̣яааб̣аад̇хааяаби ход̇иязва, яат̇аа бана саа ад̇д̇ано б̣алавад̇арад̣̇угкад̇т̇ааяа ход̇и, д̇ат̇аа на барассаад̇и имамад̇т̇ам̣ д̣̇ассзд̇ум̣, ‘‘ад̇д̇ано д̣̇угкад̇т̇ааяа жинд̇зд̇и’’ижжзва вуд̇д̇о. яат̇аа асуго асуганд̇иаад̣̇ийхи баабаго баабавибаагзгад̣̇зсам̣ б̣алавам̣ г̇аруд̇арам̣ ваа бажжанубхонд̇оби яат̇аа баро бажжанубход̇и, на д̇ат̇аа саяанд̇и д̣̇ассзд̇и. д̇знааха ‘‘бараб̣яааб̣аад̇хааяаа’’д̇и. г̇ахзд̇ваад̇и баабагирияааяа сахааяабхаавзна г̇ахзд̇ваа.
‘‘Pāṇaṃ hanissāmī’’tiādikā cetanā kāmaṃ parabyābādhāyapi hotiyeva, yathā pana sā attano balavataradukkhatthāya hoti, tathā na parassāti imamatthaṃ dassetuṃ, ‘‘attano dukkhatthāya cinteti’’icceva vutto. Yathā asuko asukantiādīhi pāpako pāpavipākekadesaṃ balavaṃ garutaraṃ vā paccanubhontopi yathā paro paccanubhoti, na tathā sayanti dasseti. Tenāha ‘‘parabyābādhāyā’’ti. Gahetvāti pāpakiriyāya sahāyabhāvena gahetvā.
асаггажжанд̇и анаад̣̇арам̣ гад̇ваа. д̣̇зяяад̇хаммасса асаггаран̣ам̣ аббасаннаагааро, буг̇г̇аласса асаггаран̣ам̣ аг̇аругаран̣анд̇и имамад̇т̇ам̣ д̣̇ассзнд̇о, ‘‘д̣̇зяяад̇хаммам̣ на саггарод̇и наамаа’’д̇иаад̣̇имааха. ажид̇д̇ийгад̇ваад̇и на жид̇д̇з гад̇ваа, на бууж̇зд̇ваад̇и ад̇т̇о. бууж̇знд̇о хи бууж̇зд̇аб̣б̣авад̇т̇ум̣ жид̇д̇з табзд̇и, д̇ад̇о на б̣ахи гарод̇и. жид̇д̇ам̣ ваа ажчарияам̣ гад̇ваа бадибад̇д̇и жид̇д̇ийгаран̣ам̣, самбхааванагирияаа. д̇аббадигкзбад̇о ажид̇д̇ийгаран̣ам̣, асамбхааванагирияаа. абавид̣̇д̇ханд̇и ужчидтаад̣̇ичад̣д̣анийяад̇хаммам̣ вияа авакид̇д̇агам̣. д̇знааха – ‘‘чад̣д̣зд̇угаамо вияаа’’д̇иаад̣̇и. рог̇ам̣ багкибанд̇о вияаад̇и рог̇игасарийрам̣ од̣̇анаад̣̇ийхи бамаж̇ж̇ид̇ваа ваммигз рог̇ам̣ багкибанд̇о вияа. ад̣̇д̇хаа имасса д̣̇аанасса палам̣ мамзва ааг̇ажчад̇ийд̇и звам̣ яасса д̇ат̇аа д̣̇идти ад̇т̇и, со ааг̇аманад̣̇идтиго, аяам̣ бана на д̇аад̣̇исод̇и ааха ‘‘анааг̇аманад̣̇идтиго’’д̇и. д̇знааха – ‘‘но палабаадиган̇кий худ̇ваа д̣̇зд̇ий’’д̇и.
Asakkaccanti anādaraṃ katvā. Deyyadhammassa asakkaraṇaṃ appasannākāro, puggalassa asakkaraṇaṃ agarukaraṇanti imamatthaṃ dassento, ‘‘deyyadhammaṃ na sakkaroti nāmā’’tiādimāha. Acittīkatvāti na citte katvā, na pūjetvāti attho. Pūjento hi pūjetabbavatthuṃ citte ṭhapeti, tato na bahi karoti. Cittaṃ vā acchariyaṃ katvā paṭipatti cittīkaraṇaṃ, sambhāvanakiriyā. Tappaṭikkhepato acittīkaraṇaṃ, asambhāvanakiriyā. Apaviddhanti ucchiṭṭhādichaḍḍanīyadhammaṃ viya avakhittakaṃ. Tenāha – ‘‘chaḍḍetukāmo viyā’’tiādi. Rogaṃ pakkhipantoviyāti rogikasarīraṃ odanādīhi pamajjitvā vammike rogaṃ pakkhipanto viya. Addhā imassa dānassa phalaṃ mameva āgacchatīti evaṃ yassa tathā diṭṭhi atthi, so āgamanadiṭṭhiko, ayaṃ pana na tādisoti āha ‘‘anāgamanadiṭṭhiko’’ti. Tenāha – ‘‘no phalapāṭikaṅkhī hutvā detī’’ti.
гааман̃жааяам̣ яат̇аавуд̇д̇абуг̇г̇ало асад̣̇д̇хаммаад̣̇ийхи баабад̇хаммзхи саманнааг̇ад̇о, д̇зхи бана саб̣б̣зхиби мижчаад̣̇ассанам̣ махаасааваж̇ж̇анд̇и д̣̇ассзд̇ум̣, ‘‘д̇ааяа мижчаад̣̇идтияаа нираяз убабаж̇ж̇ад̇ий’’д̇и вуд̇д̇ам̣. вуд̇д̇абадибагканаязнаад̇и ган̣хабагкз вуд̇д̇асса ад̇т̇асса вибарияааязна суггабагкз ад̇т̇о взд̣̇ид̇аб̣б̣о. ‘‘сад̣̇звагам̣ лога’’нд̇иаад̣̇ийсу (баараа. 1) д̣̇звасад̣̇д̣̇о чагаамааважарад̣̇звзсу, звамид̇хаад̇и ааха ‘‘чагаамааважарад̣̇зваа’’д̇и. д̇ад̇т̇а б̣рахмаанам̣ висум̣ г̇ахид̇ад̇д̇аа гаамааважарад̣̇зваг̇г̇ахан̣анд̇и жз? ид̇ха д̣̇аанапаласса ад̇хиббзд̇ад̇д̇аа гаамааважарад̣̇зваг̇г̇ахан̣ам̣ , д̇ад̇т̇ааби чагаамааважараг̇г̇ахан̣ам̣ д̣̇адтаб̣б̣ам̣ д̣̇звамахад̇д̇ад̇аад̣̇иважанад̇о. д̇ин̣н̣ам̣ гулаанам̣ самбад̇д̇ийд̇и кад̇д̇ияамахад̇д̇аад̣̇ийнам̣ д̇ин̣н̣ам̣ гулаанам̣ самбад̇д̇и, на гзвалам̣ гуласамбад̣̇аа зва ад̇хиббзд̇аа, ат̇а ко д̇ад̇т̇а ааяуван̣н̣аяасабхог̇аиссарияаад̣̇исамбад̣̇ааби ад̇хиббзд̇аад̇и д̣̇адтаб̣б̣ам̣ ул̣аарасса д̣̇аанамаяабун̃н̃асса васзна д̇зсамби самиж̇жханад̇о. суд̣̇д̇хаваддавасзнзва гат̇ид̇ам̣ суггабагкзби саб̣б̣асо виваддасса анаамадтад̇д̇аа. сад̣̇д̇хаад̣̇аяо хи логияагусаласамбхаараа звзд̇т̇а ад̇хиббзд̇аад̇и. сзсам̣ сувин̃н̃зяяамзва.
Kāmañcāyaṃ yathāvuttapuggalo asaddhammādīhi pāpadhammehi samannāgato, tehi pana sabbehipi micchādassanaṃ mahāsāvajjanti dassetuṃ, ‘‘tāya micchādiṭṭhiyā niraye upapajjatī’’ti vuttaṃ. Vuttapaṭipakkhanayenāti kaṇhapakkhe vuttassa atthassa vipariyāyena sukkapakkhe attho veditabbo. ‘‘Sadevakaṃ loka’’ntiādīsu (pārā. 1) devasaddo chakāmāvacaradevesu, evamidhāti āha ‘‘chakāmāvacaradevā’’ti. Tattha brahmānaṃ visuṃ gahitattā kāmāvacaradevaggahaṇanti ce? Idha dānaphalassa adhippetattā kāmāvacaradevaggahaṇaṃ , tatthāpi chakāmāvacaraggahaṇaṃ daṭṭhabbaṃ devamahattatādivacanato. Tiṇṇaṃ kulānaṃ sampattīti khattiyamahattādīnaṃ tiṇṇaṃ kulānaṃ sampatti, na kevalaṃ kulasampadā eva adhippetā, atha kho tattha āyuvaṇṇayasabhogaissariyādisampadāpi adhippetāti daṭṭhabbaṃ uḷārassa dānamayapuññassa vasena tesampi samijjhanato. Suddhavaṭṭavaseneva kathitaṃ sukkapakkhepi sabbaso vivaṭṭassa anāmaṭṭhattā. Saddhādayo hi lokiyakusalasambhārā evettha adhippetāti. Sesaṃ suviññeyyameva.
жуул̣абун̣н̣амасуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷapuṇṇamasuttavaṇṇanāya līnatthappakāsanā samattā.
нидтид̇аа жа д̣̇звад̣̇ахаваг̇г̇аван̣н̣анаа.
Niṭṭhitā ca devadahavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. жуул̣абун̣н̣амасуд̇д̇ам̣ • 10. Cūḷapuṇṇamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. жуул̣абун̣н̣амасуд̇д̇аван̣н̣анаа • 10. Cūḷapuṇṇamasuttavaṇṇanā
