| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
5. жуул̣асажжагасуд̇д̇ам̣
5. Cūḷasaccakasuttaṃ
353. звам̣ мз суд̇ам̣ – згам̣ самаяам̣ бхаг̇аваа взсаалияам̣ вихарад̇и махааванз гуудааг̇аарасаалааяам̣. д̇зна ко бана самаязна сажжаго ниг̇ан̣табуд̇д̇о взсаалияам̣ бадивасад̇и бхассаббаваад̣̇аго бан̣д̣ид̇аваад̣̇о саад̇хусаммад̇о б̣ахуж̇анасса. со взсаалияам̣ барисад̇и звам̣ ваажам̣ бхаасад̇и – ‘‘наахам̣ д̇ам̣ бассаами саман̣ам̣ ваа б̣раахман̣ам̣ ваа, сан̇гхим̣ г̇ан̣им̣ г̇ан̣аажарияам̣, аби араханд̇ам̣ саммаасамб̣уд̣̇д̇хам̣ бадиж̇аанамаанам̣, яо маяаа ваад̣̇зна ваад̣̇ам̣ самаарад̣̇д̇хо на сан̇гамбзяяа на самбагамбзяяа на самбавзд̇хзяяа, яасса на гажчзхи сзд̣̇аа мужжзяяум̣. т̇уун̣ам̣ жзбаахам̣ ажзд̇анам̣ ваад̣̇зна ваад̣̇ам̣ самаарабхзяяам̣, сааби маяаа ваад̣̇зна ваад̣̇ам̣ самаарад̣̇д̇хаа сан̇гамбзяяа самбагамбзяяа самбавзд̇хзяяа. го бана ваад̣̇о мануссабхууд̇ассаа’’д̇и?
353. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tena kho pana samayena saccako nigaṇṭhaputto vesāliyaṃ paṭivasati bhassappavādako paṇḍitavādo sādhusammato bahujanassa. So vesāliyaṃ parisati evaṃ vācaṃ bhāsati – ‘‘nāhaṃ taṃ passāmi samaṇaṃ vā brāhmaṇaṃ vā, saṅghiṃ gaṇiṃ gaṇācariyaṃ, api arahantaṃ sammāsambuddhaṃ paṭijānamānaṃ, yo mayā vādena vādaṃ samāraddho na saṅkampeyya na sampakampeyya na sampavedheyya, yassa na kacchehi sedā mucceyyuṃ. Thūṇaṃ cepāhaṃ acetanaṃ vādena vādaṃ samārabheyyaṃ, sāpi mayā vādena vādaṃ samāraddhā saṅkampeyya sampakampeyya sampavedheyya. Ko pana vādo manussabhūtassā’’ti?
ат̇а ко ааяасмаа ассаж̇и буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа взсаалим̣ бин̣д̣ааяа баависи. ад̣̇д̣̇асаа ко сажжаго ниг̇ан̣табуд̇д̇о взсаалияам̣ ж̇ан̇гхаавихаарам̣ анужан̇гамамаано анувижарамаано ааяасманд̇ам̣ ассаж̇им̣ д̣̇уурад̇ова ааг̇ажчанд̇ам̣. д̣̇исваана язнааяасмаа ассаж̇и д̇знубасан̇гами; убасан̇гамид̇ваа ааяасмад̇аа ассаж̇инаа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ адтааси. згаманд̇ам̣ тид̇о ко сажжаго ниг̇ан̣табуд̇д̇о ааяасманд̇ам̣ ассаж̇им̣ зд̇ад̣̇авожа – ‘‘гат̇ам̣ бана, бхо ассаж̇и, саман̣о г̇од̇амо саавагз винзд̇и, гат̇ам̣бхааг̇аа жа бана саман̣асса г̇од̇амасса саавагзсу анусаасаний б̣ахулаа бавад̇д̇ад̇ий’’д̇и? ‘‘звам̣ ко, аг̇г̇ивзссана, бхаг̇аваа саавагз винзд̇и, звам̣бхааг̇аа жа бана бхаг̇авад̇о саавагзсу анусаасаний б̣ахулаа бавад̇д̇ад̇и – ‘руубам̣, бхигкавз, анижжам̣, взд̣̇анаа анижжаа, сан̃н̃аа анижжаа, сан̇каараа анижжаа, вин̃н̃аан̣ам̣ анижжам̣. руубам̣, бхигкавз, анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа. саб̣б̣з сан̇каараа анижжаа, саб̣б̣з д̇хаммаа анад̇д̇аа’д̇и. звам̣ ко, аг̇г̇ивзссана, бхаг̇аваа саавагз винзд̇и, звам̣бхааг̇аа жа бана бхаг̇авад̇о саавагзсу анусаасаний б̣ахулаа бавад̇д̇ад̇ий’’д̇и. ‘‘д̣̇уссуд̇ам̣ вад̇а, бхо ассаж̇и, ассумха яз маяам̣ звам̣ваад̣̇им̣ саман̣ам̣ г̇од̇амам̣ ассумха. аббзва наама маяам̣ гад̣̇аажи гарахажи д̇зна бход̇аа г̇од̇амзна сад̣̇д̇хим̣ самааг̇ажчзяяаама , аббзва наама сияаа гожид̣̇зва гат̇аасаллаабо, аббзва наама д̇асмаа баабагаа д̣̇идтиг̇ад̇аа вивзжзяяаамаа’’д̇и.
Atha kho āyasmā assaji pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Addasā kho saccako nigaṇṭhaputto vesāliyaṃ jaṅghāvihāraṃ anucaṅkamamāno anuvicaramāno āyasmantaṃ assajiṃ dūratova āgacchantaṃ. Disvāna yenāyasmā assaji tenupasaṅkami; upasaṅkamitvā āyasmatā assajinā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ aṭṭhāsi. Ekamantaṃ ṭhito kho saccako nigaṇṭhaputto āyasmantaṃ assajiṃ etadavoca – ‘‘kathaṃ pana, bho assaji, samaṇo gotamo sāvake vineti, kathaṃbhāgā ca pana samaṇassa gotamassa sāvakesu anusāsanī bahulā pavattatī’’ti? ‘‘Evaṃ kho, aggivessana, bhagavā sāvake vineti, evaṃbhāgā ca pana bhagavato sāvakesu anusāsanī bahulā pavattati – ‘rūpaṃ, bhikkhave, aniccaṃ, vedanā aniccā, saññā aniccā, saṅkhārā aniccā, viññāṇaṃ aniccaṃ. Rūpaṃ, bhikkhave, anattā, vedanā anattā, saññā anattā, saṅkhārā anattā, viññāṇaṃ anattā. Sabbe saṅkhārā aniccā, sabbe dhammā anattā’ti. Evaṃ kho, aggivessana, bhagavā sāvake vineti, evaṃbhāgā ca pana bhagavato sāvakesu anusāsanī bahulā pavattatī’’ti. ‘‘Dussutaṃ vata, bho assaji, assumha ye mayaṃ evaṃvādiṃ samaṇaṃ gotamaṃ assumha. Appeva nāma mayaṃ kadāci karahaci tena bhotā gotamena saddhiṃ samāgaccheyyāma , appeva nāma siyā kocideva kathāsallāpo, appeva nāma tasmā pāpakā diṭṭhigatā viveceyyāmā’’ti.
354. д̇зна ко бана самаязна бан̃жамад̇д̇аани лижчависад̇аани сант̇ааг̇аарз 1 саннибад̇ид̇аани хонд̇и гзнажид̣̇зва гаран̣ийязна. ат̇а ко сажжаго ниг̇ан̣табуд̇д̇о язна д̇з лижчавий д̇знубасан̇гами; убасан̇гамид̇ваа д̇з лижчавий зд̇ад̣̇авожа – ‘‘абхиггаманд̇у бхонд̇о лижчавий, абхиггаманд̇у бхонд̇о лижчавий, аж̇ж̇а мз саман̣зна г̇од̇амзна сад̣̇д̇хим̣ гат̇аасаллаабо бхависсад̇и. сажз мз саман̣о г̇од̇амо д̇ат̇аа бад̇идтиссад̇и яат̇аа жа мз 2 н̃аад̇ан̃н̃ад̇арзна саавагзна ассаж̇инаа наама бхигкунаа бад̇идтид̇ам̣, сзяяат̇ааби наама б̣алаваа бурисо д̣̇ийгхаломигам̣ зл̣агам̣ ломзсу г̇ахзд̇ваа аагад̣дхзяяа баригад̣дхзяяа самбаригад̣дхзяяа , звамзваахам̣ саман̣ам̣ г̇од̇амам̣ ваад̣̇зна ваад̣̇ам̣ аагад̣дхиссаами баригад̣дхиссаами самбаригад̣дхиссаами. сзяяат̇ааби наама б̣алаваа сон̣д̣игаагаммагааро маханд̇ам̣ сон̣д̣игаагил̣ан̃ж̇ам̣ г̇амбхийрз уд̣̇агарахад̣̇з багкибид̇ваа ган̣н̣з г̇ахзд̇ваа аагад̣дхзяяа баригад̣дхзяяа самбаригад̣дхзяяа, звамзваахам̣ саман̣ам̣ г̇од̇амам̣ ваад̣̇зна ваад̣̇ам̣ аагад̣дхиссаами баригад̣дхиссаами самбаригад̣дхиссаами. сзяяат̇ааби наама б̣алаваа сон̣д̣игаад̇худ̇д̇о ваалам̣ 3 ган̣н̣з г̇ахзд̇ваа од̇хунзяяа нид̣̇д̇хунзяяа нибподзяяа 4 звамзваахам̣ саман̣ам̣ г̇од̇амам̣ ваад̣̇зна ваад̣̇ам̣ од̇хуниссаами нид̣̇д̇хуниссаами нибподзссаами. сзяяат̇ааби наама гун̃ж̇аро садтихааяано г̇амбхийрам̣ богкаран̣им̣ ог̇аахзд̇ваа саан̣ад̇ховигам̣ наама гийл̣ид̇аж̇аад̇ам̣ гийл̣ад̇и, звамзваахам̣ саман̣ам̣ г̇од̇амам̣ саан̣ад̇ховигам̣ ман̃н̃з гийл̣ид̇аж̇аад̇ам̣ гийл̣иссаами. абхиггаманд̇у бхонд̇о лижчавий, абхиггаманд̇у бхонд̇о лижчавий, аж̇ж̇а мз саман̣зна г̇од̇амзна сад̣̇д̇хим̣ гат̇аасаллаабо бхависсад̇ий’’д̇и. д̇ад̇рзгажжз лижчавий звамаахам̣су – ‘‘гим̣ саман̣о г̇од̇амо сажжагасса ниг̇ан̣табуд̇д̇асса ваад̣̇ам̣ ааробзссад̇и, ат̇а ко сажжаго ниг̇ан̣табуд̇д̇о саман̣асса г̇од̇амасса ваад̣̇ам̣ ааробзссад̇ий’’д̇и? згажжз лижчавий звамаахам̣су – ‘‘гим̣ со бхавамаано сажжаго ниг̇ан̣табуд̇д̇о яо бхаг̇авад̇о ваад̣̇ам̣ ааробзссад̇и, ат̇а ко бхаг̇аваа сажжагасса ниг̇ан̣табуд̇д̇асса ваад̣̇ам̣ ааробзссад̇ий’’д̇и? ат̇а ко сажжаго ниг̇ан̣табуд̇д̇о бан̃жамад̇д̇зхи лижчависад̇зхи баривуд̇о язна махааванам̣ гуудааг̇аарасаалаа д̇знубасан̇гами.
354. Tena kho pana samayena pañcamattāni licchavisatāni santhāgāre 5 sannipatitāni honti kenacideva karaṇīyena. Atha kho saccako nigaṇṭhaputto yena te licchavī tenupasaṅkami; upasaṅkamitvā te licchavī etadavoca – ‘‘abhikkamantu bhonto licchavī, abhikkamantu bhonto licchavī, ajja me samaṇena gotamena saddhiṃ kathāsallāpo bhavissati. Sace me samaṇo gotamo tathā patiṭṭhissati yathā ca me 6 ñātaññatarena sāvakena assajinā nāma bhikkhunā patiṭṭhitaṃ, seyyathāpi nāma balavā puriso dīghalomikaṃ eḷakaṃ lomesu gahetvā ākaḍḍheyya parikaḍḍheyya samparikaḍḍheyya , evamevāhaṃ samaṇaṃ gotamaṃ vādena vādaṃ ākaḍḍhissāmi parikaḍḍhissāmi samparikaḍḍhissāmi. Seyyathāpi nāma balavā soṇḍikākammakāro mahantaṃ soṇḍikākiḷañjaṃ gambhīre udakarahade pakkhipitvā kaṇṇe gahetvā ākaḍḍheyya parikaḍḍheyya samparikaḍḍheyya, evamevāhaṃ samaṇaṃ gotamaṃ vādena vādaṃ ākaḍḍhissāmi parikaḍḍhissāmi samparikaḍḍhissāmi. Seyyathāpi nāma balavā soṇḍikādhutto vālaṃ 7 kaṇṇe gahetvā odhuneyya niddhuneyya nipphoṭeyya 8 evamevāhaṃ samaṇaṃ gotamaṃ vādena vādaṃ odhunissāmi niddhunissāmi nipphoṭessāmi. Seyyathāpi nāma kuñjaro saṭṭhihāyano gambhīraṃ pokkharaṇiṃ ogāhetvā sāṇadhovikaṃ nāma kīḷitajātaṃ kīḷati, evamevāhaṃ samaṇaṃ gotamaṃ sāṇadhovikaṃ maññe kīḷitajātaṃ kīḷissāmi. Abhikkamantu bhonto licchavī, abhikkamantu bhonto licchavī, ajja me samaṇena gotamena saddhiṃ kathāsallāpo bhavissatī’’ti. Tatrekacce licchavī evamāhaṃsu – ‘‘kiṃ samaṇo gotamo saccakassa nigaṇṭhaputtassa vādaṃ āropessati, atha kho saccako nigaṇṭhaputto samaṇassa gotamassa vādaṃ āropessatī’’ti? Ekacce licchavī evamāhaṃsu – ‘‘kiṃ so bhavamāno saccako nigaṇṭhaputto yo bhagavato vādaṃ āropessati, atha kho bhagavā saccakassa nigaṇṭhaputtassa vādaṃ āropessatī’’ti? Atha kho saccako nigaṇṭhaputto pañcamattehi licchavisatehi parivuto yena mahāvanaṃ kūṭāgārasālā tenupasaṅkami.
355. д̇зна ко бана самаязна самб̣ахулаа бхигкуу аб̣бхогаасз жан̇гаманд̇и. ат̇а ко сажжаго ниг̇ан̣табуд̇д̇о язна д̇з бхигкуу д̇знубасан̇гами; убасан̇гамид̇ваа д̇з бхигкуу зд̇ад̣̇авожа – ‘‘гахам̣ ну ко, бхо, зд̇арахи со бхавам̣ г̇од̇амо вихарад̇и? д̣̇ассанагаамаа хи маяам̣ д̇ам̣ бхаванд̇ам̣ г̇од̇ама’’нд̇и . ‘‘зса, аг̇г̇ивзссана, бхаг̇аваа махааванам̣ аж̇жхог̇аахзд̇ваа ан̃н̃ад̇арасмим̣ ругкамуулз д̣̇иваавихаарам̣ нисинно’’д̇и. ат̇а ко сажжаго ниг̇ан̣табуд̇д̇о махад̇ияаа лижчавибарисааяа сад̣̇д̇хим̣ махааванам̣ аж̇жхог̇аахзд̇ваа язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. д̇зби ко лижчавий аббзгажжз бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су, аббзгажжз бхаг̇авад̇аа сад̣̇д̇хим̣ саммод̣̇им̣су, саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. аббзгажжз язна бхаг̇аваа д̇знан̃ж̇алим̣ бан̣аамзд̇ваа згаманд̇ам̣ нисийд̣̇им̣су, аббзгажжз бхаг̇авад̇о санд̇игз наамаг̇од̇д̇ам̣ саавзд̇ваа згаманд̇ам̣ нисийд̣̇им̣су, аббзгажжз д̇ун̣хийбхууд̇аа згаманд̇ам̣ нисийд̣̇им̣су.
355. Tena kho pana samayena sambahulā bhikkhū abbhokāse caṅkamanti. Atha kho saccako nigaṇṭhaputto yena te bhikkhū tenupasaṅkami; upasaṅkamitvā te bhikkhū etadavoca – ‘‘kahaṃ nu kho, bho, etarahi so bhavaṃ gotamo viharati? Dassanakāmā hi mayaṃ taṃ bhavantaṃ gotama’’nti . ‘‘Esa, aggivessana, bhagavā mahāvanaṃ ajjhogāhetvā aññatarasmiṃ rukkhamūle divāvihāraṃ nisinno’’ti. Atha kho saccako nigaṇṭhaputto mahatiyā licchaviparisāya saddhiṃ mahāvanaṃ ajjhogāhetvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Tepi kho licchavī appekacce bhagavantaṃ abhivādetvā ekamantaṃ nisīdiṃsu, appekacce bhagavatā saddhiṃ sammodiṃsu, sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Appekacce yena bhagavā tenañjaliṃ paṇāmetvā ekamantaṃ nisīdiṃsu, appekacce bhagavato santike nāmagottaṃ sāvetvā ekamantaṃ nisīdiṃsu, appekacce tuṇhībhūtā ekamantaṃ nisīdiṃsu.
356. згаманд̇ам̣ нисинно ко сажжаго ниг̇ан̣табуд̇д̇о бхаг̇аванд̇ам̣ зд̇ад̣̇авожа – ‘‘бужчзяяаахам̣ бхаванд̇ам̣ г̇од̇амам̣ гин̃жид̣̇зва д̣̇зсам̣, сажз мз бхавам̣ г̇од̇амо огаасам̣ гарод̇и бан̃хасса взяяаагаран̣ааяаа’’д̇и. ‘‘бужча, аг̇г̇ивзссана , яад̣̇ааган̇касий’’д̇и . ‘‘гат̇ам̣ бана бхавам̣ г̇од̇амо саавагз винзд̇и, гат̇ам̣бхааг̇аа жа бана бход̇о г̇од̇амасса саавагзсу анусаасаний б̣ахулаа бавад̇д̇ад̇ий’’д̇и? ‘‘звам̣ ко ахам̣, аг̇г̇ивзссана, саавагз винзми, звам̣бхааг̇аа жа бана мз саавагзсу анусаасаний б̣ахулаа бавад̇д̇ад̇и – ‘руубам̣, бхигкавз, анижжам̣, взд̣̇анаа анижжаа, сан̃н̃аа анижжаа, сан̇каараа анижжаа, вин̃н̃аан̣ам̣ анижжам̣. руубам̣, бхигкавз, анад̇д̇аа, взд̣̇анаа анад̇д̇аа, сан̃н̃аа анад̇д̇аа, сан̇каараа анад̇д̇аа, вин̃н̃аан̣ам̣ анад̇д̇аа. саб̣б̣з сан̇каараа анижжаа, саб̣б̣з д̇хаммаа анад̇д̇аа’д̇и. звам̣ ко ахам̣, аг̇г̇ивзссана, саавагз винзми, звам̣бхааг̇аа жа бана мз саавагзсу анусаасаний б̣ахулаа бавад̇д̇ад̇ий’’д̇и.
356. Ekamantaṃ nisinno kho saccako nigaṇṭhaputto bhagavantaṃ etadavoca – ‘‘puccheyyāhaṃ bhavantaṃ gotamaṃ kiñcideva desaṃ, sace me bhavaṃ gotamo okāsaṃ karoti pañhassa veyyākaraṇāyā’’ti. ‘‘Puccha, aggivessana , yadākaṅkhasī’’ti . ‘‘Kathaṃ pana bhavaṃ gotamo sāvake vineti, kathaṃbhāgā ca pana bhoto gotamassa sāvakesu anusāsanī bahulā pavattatī’’ti? ‘‘Evaṃ kho ahaṃ, aggivessana, sāvake vinemi, evaṃbhāgā ca pana me sāvakesu anusāsanī bahulā pavattati – ‘rūpaṃ, bhikkhave, aniccaṃ, vedanā aniccā, saññā aniccā, saṅkhārā aniccā, viññāṇaṃ aniccaṃ. Rūpaṃ, bhikkhave, anattā, vedanā anattā, saññā anattā, saṅkhārā anattā, viññāṇaṃ anattā. Sabbe saṅkhārā aniccā, sabbe dhammā anattā’ti. Evaṃ kho ahaṃ, aggivessana, sāvake vinemi, evaṃbhāgā ca pana me sāvakesu anusāsanī bahulā pavattatī’’ti.
‘‘убамаа мам̣, бхо г̇од̇ама, бадибхаад̇ий’’д̇и. ‘‘бадибхаад̇у д̇ам̣, аг̇г̇ивзссанаа’’д̇и бхаг̇аваа авожа.
‘‘Upamā maṃ, bho gotama, paṭibhātī’’ti. ‘‘Paṭibhātu taṃ, aggivessanā’’ti bhagavā avoca.
‘‘сзяяат̇ааби, бхо г̇од̇ама, яз гзжимз б̣ийж̇аг̇аамабхууд̇аг̇аамаа вуд̣̇д̇хим̣ вируул̣хим̣ взбуллам̣ аабаж̇ж̇анд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа. звамзд̇з б̣ийж̇аг̇аамабхууд̇аг̇аамаа вуд̣̇д̇хим̣ вируул̣хим̣ взбуллам̣ аабаж̇ж̇анд̇и. сзяяат̇ааби ваа бана, бхо г̇од̇ама, яз гзжимз б̣алагаран̣ийяаа гамманд̇аа гарийяанд̇и, саб̣б̣з д̇з бат̇авим̣ ниссааяа бат̇авияам̣ бад̇идтааяа. звамзд̇з б̣алагаран̣ийяаа гамманд̇аа гарийяанд̇и. звамзва ко, бхо г̇од̇ама, руубад̇д̇ааяам̣ бурисабуг̇г̇ало руубз бад̇идтааяа бун̃н̃ам̣ ваа абун̃н̃ам̣ ваа басавад̇и, взд̣̇анад̇д̇ааяам̣ бурисабуг̇г̇ало взд̣̇анааяам̣ бад̇идтааяа бун̃н̃ам̣ ваа абун̃н̃ам̣ ваа басавад̇и, сан̃н̃ад̇д̇ааяам̣ бурисабуг̇г̇ало сан̃н̃ааяам̣ бад̇идтааяа бун̃н̃ам̣ ваа абун̃н̃ам̣ ваа басавад̇и, сан̇каарад̇д̇ааяам̣ бурисабуг̇г̇ало сан̇каарзсу бад̇идтааяа бун̃н̃ам̣ ваа абун̃н̃ам̣ ваа басавад̇и, вин̃н̃аан̣ад̇д̇ааяам̣ бурисабуг̇г̇ало вин̃н̃аан̣з бад̇идтааяа бун̃н̃ам̣ ваа абун̃н̃ам̣ ваа басавад̇ий’’д̇и.
‘‘Seyyathāpi, bho gotama, ye kecime bījagāmabhūtagāmā vuddhiṃ virūḷhiṃ vepullaṃ āpajjanti, sabbe te pathaviṃ nissāya pathaviyaṃ patiṭṭhāya. Evamete bījagāmabhūtagāmā vuddhiṃ virūḷhiṃ vepullaṃ āpajjanti. Seyyathāpi vā pana, bho gotama, ye kecime balakaraṇīyā kammantā karīyanti, sabbe te pathaviṃ nissāya pathaviyaṃ patiṭṭhāya. Evamete balakaraṇīyā kammantā karīyanti. Evameva kho, bho gotama, rūpattāyaṃ purisapuggalo rūpe patiṭṭhāya puññaṃ vā apuññaṃ vā pasavati, vedanattāyaṃ purisapuggalo vedanāyaṃ patiṭṭhāya puññaṃ vā apuññaṃ vā pasavati, saññattāyaṃ purisapuggalo saññāyaṃ patiṭṭhāya puññaṃ vā apuññaṃ vā pasavati, saṅkhārattāyaṃ purisapuggalo saṅkhāresu patiṭṭhāya puññaṃ vā apuññaṃ vā pasavati, viññāṇattāyaṃ purisapuggalo viññāṇe patiṭṭhāya puññaṃ vā apuññaṃ vā pasavatī’’ti.
‘‘нану д̇вам̣, аг̇г̇ивзссана, звам̣ вад̣̇зси – ‘руубам̣ мз ад̇д̇аа, взд̣̇анаа мз ад̇д̇аа, сан̃н̃аа мз ад̇д̇аа, сан̇каараа мз ад̇д̇аа, вин̃н̃аан̣ам̣ мз ад̇д̇аа’’’д̇и? ‘‘ахан̃хи, бхо г̇од̇ама , звам̣ вад̣̇аами – ‘руубам̣ мз ад̇д̇аа, взд̣̇анаа мз ад̇д̇аа, сан̃н̃аа мз ад̇д̇аа, сан̇каараа мз ад̇д̇аа, вин̃н̃аан̣ам̣ мз ад̇д̇аа’д̇и, аяан̃жа махад̇ий ж̇анад̇аа’’д̇и.
‘‘Nanu tvaṃ, aggivessana, evaṃ vadesi – ‘rūpaṃ me attā, vedanā me attā, saññā me attā, saṅkhārā me attā, viññāṇaṃ me attā’’’ti? ‘‘Ahañhi, bho gotama , evaṃ vadāmi – ‘rūpaṃ me attā, vedanā me attā, saññā me attā, saṅkhārā me attā, viññāṇaṃ me attā’ti, ayañca mahatī janatā’’ti.
‘‘гин̃хи д̇з, аг̇г̇ивзссана, махад̇ий ж̇анад̇аа гариссад̇и? ин̇гха д̇вам̣, аг̇г̇ивзссана, саган̃н̃зва ваад̣̇ам̣ ниб̣б̣зтзхий’’д̇и. ‘‘ахан̃хи, бхо г̇од̇ама, звам̣ вад̣̇аами – ‘руубам̣ мз ад̇д̇аа, взд̣̇анаа мз ад̇д̇аа, сан̃н̃аа мз ад̇д̇аа, сан̇каараа мз ад̇д̇аа, вин̃н̃аан̣ам̣ мз ад̇д̇аа’’’д̇и.
‘‘Kiñhi te, aggivessana, mahatī janatā karissati? Iṅgha tvaṃ, aggivessana, sakaññeva vādaṃ nibbeṭhehī’’ti. ‘‘Ahañhi, bho gotama, evaṃ vadāmi – ‘rūpaṃ me attā, vedanā me attā, saññā me attā, saṅkhārā me attā, viññāṇaṃ me attā’’’ti.
357. ‘‘д̇зна хи, аг̇г̇ивзссана, д̇ан̃н̃звзд̇т̇а бадибужчиссаами, яат̇аа д̇з камзяяа д̇ат̇аа нам̣ 9 б̣яаагарзяяааси. д̇ам̣ гим̣ ман̃н̃аси , аг̇г̇ивзссана, вад̇д̇зяяа ран̃н̃о кад̇д̇ияасса муд̣̇д̇хаавасид̇д̇асса сагасмим̣ виж̇ид̇з васо – гхаад̇зд̇ааяам̣ ваа гхаад̇зд̇ум̣, ж̇аабзд̇ааяам̣ ваа ж̇аабзд̇ум̣, баб̣б̣ааж̇зд̇ааяам̣ ваа баб̣б̣ааж̇зд̇ум̣, сзяяат̇ааби ран̃н̃о басзнад̣̇исса госаласса, сзяяат̇ааби ваа бана ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇ассаа’’д̇и? ‘‘вад̇д̇зяяа, бхо г̇од̇ама, ран̃н̃о кад̇д̇ияасса муд̣̇д̇хаавасид̇д̇асса сагасмим̣ виж̇ид̇з васо – гхаад̇зд̇ааяам̣ ваа гхаад̇зд̇ум̣, ж̇аабзд̇ааяам̣ ваа ж̇аабзд̇ум̣, баб̣б̣ааж̇зд̇ааяам̣ ваа баб̣б̣ааж̇зд̇ум̣, сзяяат̇ааби ран̃н̃о басзнад̣̇исса госаласса, сзяяат̇ааби ваа бана ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса. имзсамби хи, бхо г̇од̇ама, сан̇гхаанам̣ г̇ан̣аанам̣ – сзяяат̇ид̣̇ам̣, важ̇ж̇ийнам̣ маллаанам̣ – вад̇д̇ад̇и сагасмим̣ виж̇ид̇з васо – гхаад̇зд̇ааяам̣ ваа гхаад̇зд̇ум̣, ж̇аабзд̇ааяам̣ ваа ж̇аабзд̇ум̣, баб̣б̣ааж̇зд̇ааяам̣ ваа баб̣б̣ааж̇зд̇ум̣. гим̣ бана ран̃н̃о кад̇д̇ияасса муд̣̇д̇хаавасид̇д̇асса, сзяяат̇ааби ран̃н̃о басзнад̣̇исса госаласса , сзяяат̇ааби ваа бана ран̃н̃о мааг̇ад̇хасса аж̇аад̇асад̇д̇усса взд̣̇зхибуд̇д̇асса? вад̇д̇зяяа, бхо г̇од̇ама, вад̇д̇ид̇ун̃жа марахад̇ий’’д̇и.
357. ‘‘Tena hi, aggivessana, taññevettha paṭipucchissāmi, yathā te khameyya tathā naṃ 10 byākareyyāsi. Taṃ kiṃ maññasi , aggivessana, vatteyya rañño khattiyassa muddhāvasittassa sakasmiṃ vijite vaso – ghātetāyaṃ vā ghātetuṃ, jāpetāyaṃ vā jāpetuṃ, pabbājetāyaṃ vā pabbājetuṃ, seyyathāpi rañño pasenadissa kosalassa, seyyathāpi vā pana rañño māgadhassa ajātasattussa vedehiputtassā’’ti? ‘‘Vatteyya, bho gotama, rañño khattiyassa muddhāvasittassa sakasmiṃ vijite vaso – ghātetāyaṃ vā ghātetuṃ, jāpetāyaṃ vā jāpetuṃ, pabbājetāyaṃ vā pabbājetuṃ, seyyathāpi rañño pasenadissa kosalassa, seyyathāpi vā pana rañño māgadhassa ajātasattussa vedehiputtassa. Imesampi hi, bho gotama, saṅghānaṃ gaṇānaṃ – seyyathidaṃ, vajjīnaṃ mallānaṃ – vattati sakasmiṃ vijite vaso – ghātetāyaṃ vā ghātetuṃ, jāpetāyaṃ vā jāpetuṃ, pabbājetāyaṃ vā pabbājetuṃ. Kiṃ pana rañño khattiyassa muddhāvasittassa, seyyathāpi rañño pasenadissa kosalassa , seyyathāpi vā pana rañño māgadhassa ajātasattussa vedehiputtassa? Vatteyya, bho gotama, vattituñca marahatī’’ti.
‘‘д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘руубам̣ мз ад̇д̇аа’д̇и, вад̇д̇ад̇и д̇з д̇асмим̣ руубз васо – звам̣ мз руубам̣ ход̇у, звам̣ мз руубам̣ маа ахосий’’д̇и? звам̣ вуд̇д̇з, сажжаго ниг̇ан̣табуд̇д̇о д̇ун̣хий ахоси. д̣̇уд̇ияамби ко бхаг̇аваа сажжагам̣ ниг̇ан̣табуд̇д̇ам̣ зд̇ад̣̇авожа – ‘‘д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘руубам̣ мз ад̇д̇аа’д̇и, вад̇д̇ад̇и д̇з д̇асмим̣ руубз васо – звам̣ мз руубам̣ ход̇у, звам̣ мз руубам̣ маа ахосий’’д̇и? д̣̇уд̇ияамби ко сажжаго ниг̇ан̣табуд̇д̇о д̇ун̣хий ахоси. ат̇а ко бхаг̇аваа сажжагам̣ ниг̇ан̣табуд̇д̇ам̣ зд̇ад̣̇авожа – ‘‘б̣яаагарохи д̣̇аани, аг̇г̇ивзссана, на д̣̇аани д̇з д̇ун̣хийбхаавасса гаало. яо гожи, аг̇г̇ивзссана д̇ат̇ааг̇ад̇зна яаавад̇ад̇ияам̣ сахад̇хаммигам̣ бан̃хам̣ будто на б̣яаагарод̇и, зд̇т̇звасса сад̇д̇ад̇хаа муд̣̇д̇хаа палад̇ий’’д̇и.
‘‘Taṃ kiṃ maññasi, aggivessana, yaṃ tvaṃ evaṃ vadesi – ‘rūpaṃ me attā’ti, vattati te tasmiṃ rūpe vaso – evaṃ me rūpaṃ hotu, evaṃ me rūpaṃ mā ahosī’’ti? Evaṃ vutte, saccako nigaṇṭhaputto tuṇhī ahosi. Dutiyampi kho bhagavā saccakaṃ nigaṇṭhaputtaṃ etadavoca – ‘‘taṃ kiṃ maññasi, aggivessana, yaṃ tvaṃ evaṃ vadesi – ‘rūpaṃ me attā’ti, vattati te tasmiṃ rūpe vaso – evaṃ me rūpaṃ hotu, evaṃ me rūpaṃ mā ahosī’’ti? Dutiyampi kho saccako nigaṇṭhaputto tuṇhī ahosi. Atha kho bhagavā saccakaṃ nigaṇṭhaputtaṃ etadavoca – ‘‘byākarohi dāni, aggivessana, na dāni te tuṇhībhāvassa kālo. Yo koci, aggivessana tathāgatena yāvatatiyaṃ sahadhammikaṃ pañhaṃ puṭṭho na byākaroti, etthevassa sattadhā muddhā phalatī’’ti.
д̇зна ко бана самаязна важ̇ирабаан̣и яагко ааяасам̣ важ̇ирам̣ аад̣̇ааяа аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ сажжагасса ниг̇ан̣табуд̇д̇асса убаривзхаасам̣ тид̇о ход̇и – ‘сажааяам̣ сажжаго ниг̇ан̣табуд̇д̇о бхаг̇авад̇аа яаавад̇ад̇ияам̣ сахад̇хаммигам̣ бан̃хам̣ будто на б̣яаагариссад̇и зд̇т̇звасса сад̇д̇ад̇хаа муд̣̇д̇хам̣ паалзссаамий’д̇и. д̇ам̣ ко бана важ̇ирабаан̣им̣ яагкам̣ бхаг̇аваа жзва бассад̇и сажжаго жа ниг̇ан̣табуд̇д̇о. ат̇а ко сажжаго ниг̇ан̣табуд̇д̇о бхийд̇о сам̣виг̇г̇о ломахадтаж̇аад̇о бхаг̇аванд̇ам̣язва д̇аан̣ам̣ г̇авзсий бхаг̇аванд̇ам̣язва лзн̣ам̣ г̇авзсий бхаг̇аванд̇ам̣язва саран̣ам̣ г̇авзсий бхаг̇аванд̇ам̣ зд̇ад̣̇авожа – ‘‘бужчад̇у мам̣ бхавам̣ г̇од̇амо, б̣яаагариссаамий’’д̇и.
Tena kho pana samayena vajirapāṇi yakkho āyasaṃ vajiraṃ ādāya ādittaṃ sampajjalitaṃ sajotibhūtaṃ saccakassa nigaṇṭhaputtassa uparivehāsaṃ ṭhito hoti – ‘sacāyaṃ saccako nigaṇṭhaputto bhagavatā yāvatatiyaṃ sahadhammikaṃ pañhaṃ puṭṭho na byākarissati etthevassa sattadhā muddhaṃ phālessāmī’ti. Taṃ kho pana vajirapāṇiṃ yakkhaṃ bhagavā ceva passati saccako ca nigaṇṭhaputto. Atha kho saccako nigaṇṭhaputto bhīto saṃviggo lomahaṭṭhajāto bhagavantaṃyeva tāṇaṃ gavesī bhagavantaṃyeva leṇaṃ gavesī bhagavantaṃyeva saraṇaṃ gavesī bhagavantaṃ etadavoca – ‘‘pucchatu maṃ bhavaṃ gotamo, byākarissāmī’’ti.
358. ‘‘д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘руубам̣ мз ад̇д̇аа’д̇и, вад̇д̇ад̇и д̇з д̇асмим̣ руубз васо – звам̣ мз руубам̣ ход̇у, звам̣ мз руубам̣ маа ахосий’’д̇и? ‘‘но хид̣̇ам̣, бхо г̇од̇ама’’.
358. ‘‘Taṃ kiṃ maññasi, aggivessana, yaṃ tvaṃ evaṃ vadesi – ‘rūpaṃ me attā’ti, vattati te tasmiṃ rūpe vaso – evaṃ me rūpaṃ hotu, evaṃ me rūpaṃ mā ahosī’’ti? ‘‘No hidaṃ, bho gotama’’.
‘‘манаси гарохи, аг̇г̇ивзссана; манаси гарид̇ваа ко, аг̇г̇ивзссана, б̣яаагарохи. на ко д̇з санд̇хияад̇и буримзна ваа бажчимам̣ бажчимзна ваа буримам̣. д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘взд̣̇анаа мз ад̇д̇аа’д̇и, вад̇д̇ад̇и д̇з д̇иссам̣ взд̣̇анааяам̣ 11 васо – звам̣ мз взд̣̇анаа ход̇у, звам̣ мз взд̣̇анаа маа ахосий’’д̇и? ‘‘но хид̣̇ам̣, бхо г̇од̇ама’’.
‘‘Manasi karohi, aggivessana; manasi karitvā kho, aggivessana, byākarohi. Na kho te sandhiyati purimena vā pacchimaṃ pacchimena vā purimaṃ. Taṃ kiṃ maññasi, aggivessana, yaṃ tvaṃ evaṃ vadesi – ‘vedanā me attā’ti, vattati te tissaṃ vedanāyaṃ 12 vaso – evaṃ me vedanā hotu, evaṃ me vedanā mā ahosī’’ti? ‘‘No hidaṃ, bho gotama’’.
‘‘манаси гарохи, аг̇г̇ивзссана; манаси гарид̇ваа ко, аг̇г̇ивзссана, б̣яаагарохи. на ко д̇з санд̇хияад̇и буримзна ваа бажчимам̣, бажчимзна ваа буримам̣. д̇ам̣ гим̣ ман̃н̃аси, аг̇г̇ивзссана , яам̣ д̇вам̣ звам̣ вад̣̇зси – ‘сан̃н̃аа мз ад̇д̇аа’д̇и, вад̇д̇ад̇и д̇з д̇иссам̣ сан̃н̃ааяам̣ васо – звам̣ мз сан̃н̃аа ход̇у, звам̣ мз сан̃н̃аа маа ахосий’’д̇и? ‘‘но хид̣̇ам̣, бхо г̇од̇ама’’.
‘‘Manasi karohi, aggivessana; manasi karitvā kho, aggivessana, byākarohi. Na kho te sandhiyati purimena vā pacchimaṃ, pacchimena vā purimaṃ. Taṃ kiṃ maññasi, aggivessana , yaṃ tvaṃ evaṃ vadesi – ‘saññā me attā’ti, vattati te tissaṃ saññāyaṃ vaso – evaṃ me saññā hotu, evaṃ me saññā mā ahosī’’ti? ‘‘No hidaṃ, bho gotama’’.
‘‘манаси гарохи, аг̇г̇ивзссана ; манаси гарид̇ваа ко, аг̇г̇ивзссана, б̣яаагарохи. на ко д̇з санд̇хияад̇и буримзна ваа бажчимам̣, бажчимзна ваа буримам̣. д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘сан̇каараа мз ад̇д̇аа’д̇и, вад̇д̇ад̇и д̇з д̇зсу сан̇каарзсу васо – звам̣ мз сан̇каараа хонд̇у, звам̣ мз сан̇каараа маа ахзсу’’нд̇и? ‘‘но хид̣̇ам̣, бхо г̇од̇ама’’.
‘‘Manasi karohi, aggivessana ; manasi karitvā kho, aggivessana, byākarohi. Na kho te sandhiyati purimena vā pacchimaṃ, pacchimena vā purimaṃ. Taṃ kiṃ maññasi, aggivessana, yaṃ tvaṃ evaṃ vadesi – ‘saṅkhārā me attā’ti, vattati te tesu saṅkhāresu vaso – evaṃ me saṅkhārā hontu, evaṃ me saṅkhārā mā ahesu’’nti? ‘‘No hidaṃ, bho gotama’’.
‘‘манаси гарохи, аг̇г̇ивзссана; манаси гарид̇ваа ко, аг̇г̇ивзссана, б̣яаагарохи. на ко д̇з санд̇хияад̇и буримзна ваа бажчимам̣, бажчимзна ваа буримам̣. д̇ам̣ гим̣ ман̃н̃аси, аг̇г̇ивзссана, яам̣ д̇вам̣ звам̣ вад̣̇зси – ‘вин̃н̃аан̣ам̣ мз ад̇д̇аа’д̇и, вад̇д̇ад̇и д̇з д̇асмим̣ вин̃н̃аан̣з васо – звам̣ мз вин̃н̃аан̣ам̣ ход̇у, звам̣ мз вин̃н̃аан̣ам̣ маа ахосий’’д̇и? ‘‘но хид̣̇ам̣, бхо г̇од̇ама’’.
‘‘Manasi karohi, aggivessana; manasi karitvā kho, aggivessana, byākarohi. Na kho te sandhiyati purimena vā pacchimaṃ, pacchimena vā purimaṃ. Taṃ kiṃ maññasi, aggivessana, yaṃ tvaṃ evaṃ vadesi – ‘viññāṇaṃ me attā’ti, vattati te tasmiṃ viññāṇe vaso – evaṃ me viññāṇaṃ hotu, evaṃ me viññāṇaṃ mā ahosī’’ti? ‘‘No hidaṃ, bho gotama’’.
‘‘манаси гарохи, аг̇г̇ивзссана; манаси гарид̇ваа ко, аг̇г̇ивзссана, б̣яаагарохи. на ко д̇з санд̇хияад̇и буримзна ваа бажчимам̣, бажчимзна ваа буримам̣. д̇ам̣ гим̣ ман̃н̃аси, аг̇г̇ивзссана, руубам̣ нижжам̣ ваа анижжам̣ ваа’’д̇и? ‘‘анижжам̣, бхо г̇од̇ама’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бхо г̇од̇ама’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хид̣̇ам̣, бхо г̇од̇ама’’.
‘‘Manasi karohi, aggivessana; manasi karitvā kho, aggivessana, byākarohi. Na kho te sandhiyati purimena vā pacchimaṃ, pacchimena vā purimaṃ. Taṃ kiṃ maññasi, aggivessana, rūpaṃ niccaṃ vā aniccaṃ vā’’ti? ‘‘Aniccaṃ, bho gotama’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bho gotama’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hidaṃ, bho gotama’’.
‘‘д̇ам̣ гим̣ ман̃н̃аси, аг̇г̇ивзссана, взд̣̇анаа…бз… сан̃н̃аа…бз… сан̇каараа…бз… д̇ам̣ гим̣ ман̃н̃аси, аг̇г̇ивзссана, вин̃н̃аан̣ам̣ нижжам̣ ваа анижжам̣ ваа’’д̇и? ‘‘анижжам̣, бхо г̇од̇ама’’. ‘‘яам̣ банаанижжам̣ д̣̇угкам̣ ваа д̇ам̣ сукам̣ ваа’’д̇и? ‘‘д̣̇угкам̣, бхо г̇од̇ама’’. ‘‘яам̣ банаанижжам̣ д̣̇угкам̣ вибарин̣аамад̇хаммам̣, галлам̣ ну д̇ам̣ саманубассид̇ум̣ – ‘зд̇ам̣ мама, зсохамасми, зсо мз ад̇д̇аа’’’д̇и? ‘‘но хид̣̇ам̣, бхо г̇од̇ама’’.
‘‘Taṃ kiṃ maññasi, aggivessana, vedanā…pe… saññā…pe… saṅkhārā…pe… taṃ kiṃ maññasi, aggivessana, viññāṇaṃ niccaṃ vā aniccaṃ vā’’ti? ‘‘Aniccaṃ, bho gotama’’. ‘‘Yaṃ panāniccaṃ dukkhaṃ vā taṃ sukhaṃ vā’’ti? ‘‘Dukkhaṃ, bho gotama’’. ‘‘Yaṃ panāniccaṃ dukkhaṃ vipariṇāmadhammaṃ, kallaṃ nu taṃ samanupassituṃ – ‘etaṃ mama, esohamasmi, eso me attā’’’ti? ‘‘No hidaṃ, bho gotama’’.
‘‘д̇ам̣ гим̣ ман̃н̃аси, аг̇г̇ивзссана, яо ну ко д̣̇угкам̣ аллийно д̣̇угкам̣ убаг̇ад̇о д̣̇угкам̣ аж̇жхосид̇о , д̣̇угкам̣ ‘зд̇ам̣ мама, зсохамасми, зсо мз ад̇д̇аа’д̇и саманубассад̇и, аби ну ко со саамам̣ ваа д̣̇угкам̣ бариж̇аанзяяа, д̣̇угкам̣ ваа баригкзбзд̇ваа вихарзяяаа’’д̇и? ‘‘гин̃хи сияаа, бхо г̇од̇ама? но хид̣̇ам̣, бхо г̇од̇амаа’’д̇и.
‘‘Taṃ kiṃ maññasi, aggivessana, yo nu kho dukkhaṃ allīno dukkhaṃ upagato dukkhaṃ ajjhosito , dukkhaṃ ‘etaṃ mama, esohamasmi, eso me attā’ti samanupassati, api nu kho so sāmaṃ vā dukkhaṃ parijāneyya, dukkhaṃ vā parikkhepetvā vihareyyā’’ti? ‘‘Kiñhi siyā, bho gotama? No hidaṃ, bho gotamā’’ti.
‘‘д̇ам̣ гим̣ ман̃н̃аси, аг̇г̇ивзссана, нану д̇вам̣ звам̣ санд̇з д̣̇угкам̣ аллийно д̣̇угкам̣ убаг̇ад̇о д̣̇угкам̣ аж̇жхосид̇о, д̣̇угкам̣ – ‘зд̇ам̣ мама, зсохамасми, зсо мз ад̇д̇аа’д̇и саманубассасий’’д̇и? ‘‘гин̃хи но сияаа, бхо г̇од̇ама? звамзд̇ам̣ бхо г̇од̇амаа’’д̇и.
‘‘Taṃ kiṃ maññasi, aggivessana, nanu tvaṃ evaṃ sante dukkhaṃ allīno dukkhaṃ upagato dukkhaṃ ajjhosito, dukkhaṃ – ‘etaṃ mama, esohamasmi, eso me attā’ti samanupassasī’’ti? ‘‘Kiñhi no siyā, bho gotama? Evametaṃ bho gotamā’’ti.
359. ‘‘сзяяат̇ааби , аг̇г̇ивзссана, бурисо саарад̇т̇иго саараг̇авзсий саарабариязсанам̣ жарамаано д̇ин̣хам̣ гутаарим̣ 13 аад̣̇ааяа ванам̣ бависзяяа. со д̇ад̇т̇а бассзяяа маханд̇ам̣ гад̣̇алигканд̇хам̣ уж̇ум̣ навам̣ агуггугаж̇аад̇ам̣ 14. д̇амзнам̣ муулз чинд̣̇зяяа, муулз чзд̇ваа аг̇г̇з чинд̣̇зяяа, аг̇г̇з чзд̇ваа бад̇д̇аваддим̣ виниб̣бхуж̇зяяа 15. со д̇ад̇т̇а бад̇д̇аваддим̣ виниб̣бхуж̇анд̇о пзг̇г̇умби наад̇хиг̇ажчзяяа, гуд̇о саарам̣? звамзва ко д̇вам̣, аг̇г̇ивзссана, маяаа сагасмим̣ ваад̣̇з самануяун̃ж̇ияамаано самануг̇аахияамаано саманубхаасияамаано рид̇д̇о д̇ужчо абарад̣̇д̇хо. бхаасид̇аа ко бана д̇з зсаа, аг̇г̇ивзссана, взсаалияам̣ барисад̇и ваажаа – ‘наахам̣ д̇ам̣ бассаами саман̣ам̣ ваа б̣раахман̣ам̣ ваа, сан̇гхим̣ г̇ан̣им̣ г̇ан̣аажарияам̣, аби араханд̇ам̣ саммаасамб̣уд̣̇д̇хам̣ бадиж̇аанамаанам̣, яо маяаа ваад̣̇зна ваад̣̇ам̣ самаарад̣̇д̇хо на сан̇гамбзяяа на самбагамбзяяа на самбавзд̇хзяяа, яасса на гажчзхи сзд̣̇аа мужжзяяум̣. т̇уун̣ам̣ жзбаахам̣ ажзд̇анам̣ ваад̣̇зна ваад̣̇ам̣ самаарабхзяяам̣ сааби маяаа ваад̣̇зна ваад̣̇ам̣ самаарад̣̇д̇хаа сан̇гамбзяяа самбагамбзяяа самбавзд̇хзяяа. го бана ваад̣̇о мануссабхууд̇ассаа’д̇и? д̇уяхам̣ ко бана, аг̇г̇ивзссана, аббзгажжаани сзд̣̇апусид̇аани налаадаа муд̇д̇аани, уд̇д̇араасан̇г̇ам̣ винибхинд̣̇ид̇ваа бхуумияам̣ бад̇идтид̇аани. маяхам̣ ко бана, аг̇г̇ивзссана, над̇т̇и зд̇арахи гааяасмим̣ сзд̣̇о’’д̇и. ид̇и бхаг̇аваа д̇асмим̣ 16 барисад̇и суван̣н̣аван̣н̣ам̣ гааяам̣ вивари. звам̣ вуд̇д̇з, сажжаго ниг̇ан̣табуд̇д̇о д̇ун̣хийбхууд̇о ман̇губхууд̇о бад̇д̇агканд̇хо ад̇хомуко баж̇жхааяанд̇о аббадибхаано нисийд̣̇и.
359. ‘‘Seyyathāpi , aggivessana, puriso sāratthiko sāragavesī sārapariyesanaṃ caramāno tiṇhaṃ kuṭhāriṃ 17 ādāya vanaṃ paviseyya. So tattha passeyya mahantaṃ kadalikkhandhaṃ ujuṃ navaṃ akukkukajātaṃ 18. Tamenaṃ mūle chindeyya, mūle chetvā agge chindeyya, agge chetvā pattavaṭṭiṃ vinibbhujeyya 19. So tattha pattavaṭṭiṃ vinibbhujanto pheggumpi nādhigaccheyya, kuto sāraṃ? Evameva kho tvaṃ, aggivessana, mayā sakasmiṃ vāde samanuyuñjiyamāno samanugāhiyamāno samanubhāsiyamāno ritto tuccho aparaddho. Bhāsitā kho pana te esā, aggivessana, vesāliyaṃ parisati vācā – ‘nāhaṃ taṃ passāmi samaṇaṃ vā brāhmaṇaṃ vā, saṅghiṃ gaṇiṃ gaṇācariyaṃ, api arahantaṃ sammāsambuddhaṃ paṭijānamānaṃ, yo mayā vādena vādaṃ samāraddho na saṅkampeyya na sampakampeyya na sampavedheyya, yassa na kacchehi sedā mucceyyuṃ. Thūṇaṃ cepāhaṃ acetanaṃ vādena vādaṃ samārabheyyaṃ sāpi mayā vādena vādaṃ samāraddhā saṅkampeyya sampakampeyya sampavedheyya. Ko pana vādo manussabhūtassā’ti? Tuyhaṃ kho pana, aggivessana, appekaccāni sedaphusitāni nalāṭā muttāni, uttarāsaṅgaṃ vinibhinditvā bhūmiyaṃ patiṭṭhitāni. Mayhaṃ kho pana, aggivessana, natthi etarahi kāyasmiṃ sedo’’ti. Iti bhagavā tasmiṃ 20 parisati suvaṇṇavaṇṇaṃ kāyaṃ vivari. Evaṃ vutte, saccako nigaṇṭhaputto tuṇhībhūto maṅkubhūto pattakkhandho adhomukho pajjhāyanto appaṭibhāno nisīdi.
360. ат̇а ко д̣̇уммуко лижчавибуд̇д̇о сажжагам̣ ниг̇ан̣табуд̇д̇ам̣ д̇ун̣хийбхууд̇ам̣ ман̇губхууд̇ам̣ бад̇д̇агканд̇хам̣ ад̇хомукам̣ баж̇жхааяанд̇ам̣ аббадибхаанам̣ вид̣̇ид̇ваа бхаг̇аванд̇ам̣ зд̇ад̣̇авожа – ‘‘убамаа мам̣, бхаг̇аваа, бадибхаад̇ий’’д̇и. ‘‘бадибхаад̇у д̇ам̣, д̣̇уммукаа’’д̇и бхаг̇аваа авожа. ‘‘сзяяат̇ааби, бханд̇з, г̇аамасса ваа ниг̇амасса ваа авид̣̇уурз богкаран̣ий. д̇ад̇раасса гаггадаго. ат̇а ко, бханд̇з, самб̣ахулаа гумаарагаа ваа гумааригаа ваа д̇амхаа г̇аамаа ваа ниг̇амаа ваа нигкамид̇ваа язна саа богкаран̣ий д̇знубасан̇гамзяяум̣; убасан̇гамид̇ваа д̇ам̣ богкаран̣им̣ ог̇аахзд̇ваа д̇ам̣ гаггадагам̣ уд̣̇агаа уд̣̇д̇харид̇ваа т̇алз бад̇идтаабзяяум̣. яан̃н̃ад̣̇зва хи со, бханд̇з, гаггадаго ал̣ам̣ абхининнаамзяяа д̇ам̣ д̇ад̣̇зва д̇з гумаарагаа ваа гумааригаа ваа гадтзна ваа гат̇алзна ваа сан̃чинд̣̇зяяум̣ самбхан̃ж̇зяяум̣ самбалибхан̃ж̇зяяум̣. зван̃хи со, бханд̇з, гаггадаго саб̣б̣зхи ал̣зхи сан̃чиннзхи самбхаг̇г̇зхи самбалибхаг̇г̇зхи абхаб̣б̣о д̇ам̣ богкаран̣им̣ буна од̇арид̇ум̣, сзяяат̇ааби буб̣б̣з. звамзва ко, бханд̇з, яаани сажжагасса ниг̇ан̣табуд̇д̇асса висуугааяид̇аани висзвид̇аани вибпанд̣̇ид̇аани д̇ааниби саб̣б̣аани 21 бхаг̇авад̇аа сан̃чиннаани самбхаг̇г̇аани самбалибхаг̇г̇аани; абхаб̣б̣о жа д̣̇аани, бханд̇з, сажжаго ниг̇ан̣табуд̇д̇о буна бхаг̇аванд̇ам̣ убасан̇гамид̇ум̣ яад̣̇ид̣̇ам̣ ваад̣̇аад̇хиббааяо’’д̇и. звам̣ вуд̇д̇з, сажжаго ниг̇ан̣табуд̇д̇о д̣̇уммукам̣ лижчавибуд̇д̇ам̣ зд̇ад̣̇авожа – ‘‘ааг̇амзхи д̇вам̣, д̣̇уммука, ааг̇амзхи д̇вам̣, д̣̇уммука ( ) 22 на маяам̣ д̇аяаа сад̣̇д̇хим̣ манд̇зма, ид̇ха маяам̣ бход̇аа г̇од̇амзна сад̣̇д̇хим̣ манд̇зма.
360. Atha kho dummukho licchaviputto saccakaṃ nigaṇṭhaputtaṃ tuṇhībhūtaṃ maṅkubhūtaṃ pattakkhandhaṃ adhomukhaṃ pajjhāyantaṃ appaṭibhānaṃ viditvā bhagavantaṃ etadavoca – ‘‘upamā maṃ, bhagavā, paṭibhātī’’ti. ‘‘Paṭibhātu taṃ, dummukhā’’ti bhagavā avoca. ‘‘Seyyathāpi, bhante, gāmassa vā nigamassa vā avidūre pokkharaṇī. Tatrāssa kakkaṭako. Atha kho, bhante, sambahulā kumārakā vā kumārikā vā tamhā gāmā vā nigamā vā nikkhamitvā yena sā pokkharaṇī tenupasaṅkameyyuṃ; upasaṅkamitvā taṃ pokkharaṇiṃ ogāhetvā taṃ kakkaṭakaṃ udakā uddharitvā thale patiṭṭhāpeyyuṃ. Yaññadeva hi so, bhante, kakkaṭako aḷaṃ abhininnāmeyya taṃ tadeva te kumārakā vā kumārikā vā kaṭṭhena vā kathalena vā sañchindeyyuṃ sambhañjeyyuṃ sampalibhañjeyyuṃ. Evañhi so, bhante, kakkaṭako sabbehi aḷehi sañchinnehi sambhaggehi sampalibhaggehi abhabbo taṃ pokkharaṇiṃ puna otarituṃ, seyyathāpi pubbe. Evameva kho, bhante, yāni saccakassa nigaṇṭhaputtassa visūkāyitāni visevitāni vipphanditāni tānipi sabbāni 23 bhagavatā sañchinnāni sambhaggāni sampalibhaggāni; abhabbo ca dāni, bhante, saccako nigaṇṭhaputto puna bhagavantaṃ upasaṅkamituṃ yadidaṃ vādādhippāyo’’ti. Evaṃ vutte, saccako nigaṇṭhaputto dummukhaṃ licchaviputtaṃ etadavoca – ‘‘āgamehi tvaṃ, dummukha, āgamehi tvaṃ, dummukha ( ) 24 na mayaṃ tayā saddhiṃ mantema, idha mayaṃ bhotā gotamena saddhiṃ mantema.
361. ‘‘д̇идтад̇зсаа, бхо г̇од̇ама, амхааган̃жзва ан̃н̃зсан̃жа бут̇усаман̣аб̣раахман̣аанам̣ ваажаа. вилаабам̣ вилабид̇ам̣ ман̃н̃з. гид̇д̇аавад̇аа жа ну ко бход̇о г̇од̇амасса сааваго саасанагаро ход̇и оваад̣̇абад̇игаро д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз вихарад̇ий’’д̇и? ‘‘ид̇ха, аг̇г̇ивзссана, мама сааваго яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и; яаа гаажи взд̣̇анаа…бз… яаа гаажи сан̃н̃аа…бз… яз гзжи сан̇каараа…бз… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа, яам̣ д̣̇уурз санд̇игз ваа, саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа бассад̇и. зд̇д̇аавад̇аа ко, аг̇г̇ивзссана, мама сааваго саасанагаро ход̇и оваад̣̇абад̇игаро д̇ин̣н̣авижигижчо виг̇ад̇агат̇ам̣гат̇о взсаараж̇ж̇аббад̇д̇о абараббажжаяо сад̇т̇усаасанз вихарад̇ий’’д̇и.
361. ‘‘Tiṭṭhatesā, bho gotama, amhākañceva aññesañca puthusamaṇabrāhmaṇānaṃ vācā. Vilāpaṃ vilapitaṃ maññe. Kittāvatā ca nu kho bhoto gotamassa sāvako sāsanakaro hoti ovādapatikaro tiṇṇavicikiccho vigatakathaṃkatho vesārajjappatto aparappaccayo satthusāsane viharatī’’ti? ‘‘Idha, aggivessana, mama sāvako yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati; yā kāci vedanā…pe… yā kāci saññā…pe… ye keci saṅkhārā…pe… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā, yaṃ dūre santike vā, sabbaṃ viññāṇaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya passati. Ettāvatā kho, aggivessana, mama sāvako sāsanakaro hoti ovādapatikaro tiṇṇavicikiccho vigatakathaṃkatho vesārajjappatto aparappaccayo satthusāsane viharatī’’ti.
‘‘гид̇д̇аавад̇аа бана, бхо г̇од̇ама, бхигку арахам̣ ход̇и кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о’’д̇и? ‘‘ид̇ха, аг̇г̇ивзссана, бхигку яам̣ гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа саб̣б̣ам̣ руубам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аа вимуд̇д̇о ход̇и; яаа гаажи взд̣̇анаа…бз… яаа гаажи сан̃н̃аа…бз… яз гзжи сан̇каараа…бз… яам̣ гин̃жи вин̃н̃аан̣ам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа саб̣б̣ам̣ вин̃н̃аан̣ам̣ ‘нзд̇ам̣ мама, нзсохамасми, на мзсо ад̇д̇аа’д̇и звамзд̇ам̣ яат̇аабхууд̇ам̣ саммаббан̃н̃ааяа д̣̇исваа анубаад̣̇аа вимуд̇д̇о ход̇и. зд̇д̇аавад̇аа ко, аг̇г̇ивзссана, бхигку арахам̣ ход̇и кийн̣аасаво вусид̇аваа гад̇агаран̣ийяо охид̇абхааро ануббад̇д̇асад̣̇ад̇т̇о баригкийн̣абхавасам̣яож̇ано саммад̣̇ан̃н̃аа вимуд̇д̇о. звам̣ вимуд̇д̇ажид̇д̇о ко, аг̇г̇ивзссана, бхигку д̇ийхи ануд̇д̇ариязхи саманнааг̇ад̇о ход̇и – д̣̇ассанаануд̇д̇ариязна, бадибад̣̇аануд̇д̇ариязна, вимуд̇д̇аануд̇д̇ариязна. звам̣ вимуд̇д̇ажид̇д̇о ко, аг̇г̇ивзссана, бхигку д̇ат̇ааг̇ад̇ан̃н̃зва саггарод̇и г̇арум̣ гарод̇и маанзд̇и бууж̇зд̇и – б̣уд̣̇д̇хо со бхаг̇аваа б̣од̇хааяа д̇хаммам̣ д̣̇зсзд̇и, д̣̇анд̇о со бхаг̇аваа д̣̇амат̇ааяа д̇хаммам̣ д̣̇зсзд̇и, санд̇о со бхаг̇аваа самат̇ааяа д̇хаммам̣ д̣̇зсзд̇и, д̇ин̣н̣о со бхаг̇аваа д̇аран̣ааяа д̇хаммам̣ д̣̇зсзд̇и, бариниб̣б̣уд̇о со бхаг̇аваа бариниб̣б̣аанааяа д̇хаммам̣ д̣̇зсзд̇ий’’д̇и.
‘‘Kittāvatā pana, bho gotama, bhikkhu arahaṃ hoti khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto’’ti? ‘‘Idha, aggivessana, bhikkhu yaṃ kiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā sabbaṃ rūpaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādā vimutto hoti; yā kāci vedanā…pe… yā kāci saññā…pe… ye keci saṅkhārā…pe… yaṃ kiñci viññāṇaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā sabbaṃ viññāṇaṃ ‘netaṃ mama, nesohamasmi, na meso attā’ti evametaṃ yathābhūtaṃ sammappaññāya disvā anupādā vimutto hoti. Ettāvatā kho, aggivessana, bhikkhu arahaṃ hoti khīṇāsavo vusitavā katakaraṇīyo ohitabhāro anuppattasadattho parikkhīṇabhavasaṃyojano sammadaññā vimutto. Evaṃ vimuttacitto kho, aggivessana, bhikkhu tīhi anuttariyehi samannāgato hoti – dassanānuttariyena, paṭipadānuttariyena, vimuttānuttariyena. Evaṃ vimuttacitto kho, aggivessana, bhikkhu tathāgataññeva sakkaroti garuṃ karoti māneti pūjeti – buddho so bhagavā bodhāya dhammaṃ deseti, danto so bhagavā damathāya dhammaṃ deseti, santo so bhagavā samathāya dhammaṃ deseti, tiṇṇo so bhagavā taraṇāya dhammaṃ deseti, parinibbuto so bhagavā parinibbānāya dhammaṃ desetī’’ti.
362. звам̣ вуд̇д̇з, сажжаго ниг̇ан̣табуд̇д̇о бхаг̇аванд̇ам̣ зд̇ад̣̇авожа – ‘‘маяамзва, бхо г̇од̇ама, д̇хам̣сий, маяам̣ баг̇аб̣б̣аа, яз маяам̣ бхаванд̇ам̣ г̇од̇амам̣ ваад̣̇зна ваад̣̇ам̣ аасаад̣̇зд̇аб̣б̣ам̣ аман̃н̃имха. сияаа хи, бхо г̇од̇ама, хад̇т̇им̣ бабхиннам̣ аасаж̇ж̇а бурисасса сод̇т̇ибхааво, на д̇взва бхаванд̇ам̣ г̇од̇амам̣ аасаж̇ж̇а сияаа бурисасса сод̇т̇ибхааво. сияаа хи, бхо г̇од̇ама, баж̇ж̇алид̇ам̣ 25 аг̇г̇игканд̇хам̣ аасаж̇ж̇а бурисасса сод̇т̇ибхааво , на д̇взва бхаванд̇ам̣ г̇од̇амам̣ аасаж̇ж̇а сияаа бурисасса сод̇т̇ибхааво. сияаа хи, бхо г̇од̇ама, аасийвисам̣ гхорависам̣ аасаж̇ж̇а бурисасса сод̇т̇ибхааво, на д̇взва бхаванд̇ам̣ г̇од̇амам̣ аасаж̇ж̇а сияаа бурисасса сод̇т̇ибхааво. маяамзва, бхо г̇од̇ама, д̇хам̣сий, маяам̣ баг̇аб̣б̣аа, яз маяам̣ бхаванд̇ам̣ г̇од̇амам̣ ваад̣̇зна ваад̣̇ам̣ аасаад̣̇зд̇аб̣б̣ам̣ аман̃н̃имха. ад̇хиваасзд̇у 26 мз бхавам̣ г̇од̇амо сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна.
362. Evaṃ vutte, saccako nigaṇṭhaputto bhagavantaṃ etadavoca – ‘‘mayameva, bho gotama, dhaṃsī, mayaṃ pagabbā, ye mayaṃ bhavantaṃ gotamaṃ vādena vādaṃ āsādetabbaṃ amaññimha. Siyā hi, bho gotama, hatthiṃ pabhinnaṃ āsajja purisassa sotthibhāvo, na tveva bhavantaṃ gotamaṃ āsajja siyā purisassa sotthibhāvo. Siyā hi, bho gotama, pajjalitaṃ 27 aggikkhandhaṃ āsajja purisassa sotthibhāvo , na tveva bhavantaṃ gotamaṃ āsajja siyā purisassa sotthibhāvo. Siyā hi, bho gotama, āsīvisaṃ ghoravisaṃ āsajja purisassa sotthibhāvo, na tveva bhavantaṃ gotamaṃ āsajja siyā purisassa sotthibhāvo. Mayameva, bho gotama, dhaṃsī, mayaṃ pagabbā, ye mayaṃ bhavantaṃ gotamaṃ vādena vādaṃ āsādetabbaṃ amaññimha. Adhivāsetu 28 me bhavaṃ gotamo svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena.
363. ат̇а ко сажжаго ниг̇ан̣табуд̇д̇о бхаг̇авад̇о ад̇хиваасанам̣ вид̣̇ид̇ваа д̇з лижчавий ааманд̇зси – ‘‘сун̣анд̇у мз бхонд̇о лижчавий, саман̣о мз г̇од̇амо ниманд̇ид̇о сваад̇анааяа сад̣̇д̇хим̣ бхигкусан̇гхзна. д̇зна мз абхихарзяяаат̇а яамасса бад̇ируубам̣ ман̃н̃зяяаат̇аа’’д̇и. ат̇а ко д̇з лижчавий д̇ассаа рад̇д̇ияаа ажжаязна сажжагасса ниг̇ан̣табуд̇д̇асса бан̃жамад̇д̇аани т̇аалибаагасад̇аани бхад̇д̇аабхихаарам̣ абхихарим̣су. ат̇а ко ниг̇ан̣табуд̇д̇о сагз аараамз бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бхо г̇од̇ама, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна сажжагасса ниг̇ан̣табуд̇д̇асса аараамо д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко сажжаго ниг̇ан̣табуд̇д̇о б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзси самбаваарзси. ат̇а ко сажжаго ниг̇ан̣табуд̇д̇о бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисинно ко сажжаго ниг̇ан̣табуд̇д̇о бхаг̇аванд̇ам̣ зд̇ад̣̇авожа – ‘‘яамид̣̇ам̣, бхо г̇од̇ама, д̣̇аанз бун̃н̃ан̃жа бун̃н̃амахий жа д̇ам̣ д̣̇ааяагаанам̣ сукааяа ход̇уу’’д̇и. ‘‘яам̣ ко, аг̇г̇ивзссана, д̇аад̣̇исам̣ д̣̇агкин̣зяяам̣ ааг̇амма авийд̇арааг̇ам̣ авийд̇ад̣̇осам̣ авийд̇амохам̣, д̇ам̣ д̣̇ааяагаанам̣ бхависсад̇и. яам̣ ко, аг̇г̇ивзссана, маад̣̇исам̣ д̣̇агкин̣зяяам̣ ааг̇амма вийд̇арааг̇ам̣ вийд̇ад̣̇осам̣ вийд̇амохам̣, д̇ам̣ д̇уяхам̣ бхависсад̇ий’’д̇и.
363. Atha kho saccako nigaṇṭhaputto bhagavato adhivāsanaṃ viditvā te licchavī āmantesi – ‘‘suṇantu me bhonto licchavī, samaṇo me gotamo nimantito svātanāya saddhiṃ bhikkhusaṅghena. Tena me abhihareyyātha yamassa patirūpaṃ maññeyyāthā’’ti. Atha kho te licchavī tassā rattiyā accayena saccakassa nigaṇṭhaputtassa pañcamattāni thālipākasatāni bhattābhihāraṃ abhihariṃsu. Atha kho nigaṇṭhaputto sake ārāme paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bho gotama, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena saccakassa nigaṇṭhaputtassa ārāmo tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho saccako nigaṇṭhaputto buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho saccako nigaṇṭhaputto bhagavantaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho saccako nigaṇṭhaputto bhagavantaṃ etadavoca – ‘‘yamidaṃ, bho gotama, dāne puññañca puññamahī ca taṃ dāyakānaṃ sukhāya hotū’’ti. ‘‘Yaṃ kho, aggivessana, tādisaṃ dakkhiṇeyyaṃ āgamma avītarāgaṃ avītadosaṃ avītamohaṃ, taṃ dāyakānaṃ bhavissati. Yaṃ kho, aggivessana, mādisaṃ dakkhiṇeyyaṃ āgamma vītarāgaṃ vītadosaṃ vītamohaṃ, taṃ tuyhaṃ bhavissatī’’ti.
жуул̣асажжагасуд̇д̇ам̣ нидтид̇ам̣ бан̃жамам̣.
Cūḷasaccakasuttaṃ niṭṭhitaṃ pañcamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 5. жуул̣асажжагасуд̇д̇аван̣н̣анаа • 5. Cūḷasaccakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жуул̣асажжагасуд̇д̇аван̣н̣анаа • 5. Cūḷasaccakasuttavaṇṇanā
