| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. жуул̣асажжагасуд̇д̇аван̣н̣анаа
5. Cūḷasaccakasuttavaṇṇanā
353. звам̣ мз суд̇анд̇и жуул̣асажжагасуд̇д̇ам̣. д̇ад̇т̇а махааванз гуудааг̇аарасаалааяанд̇и махааванам̣ наама саяам̣ж̇аад̇ам̣ аробимам̣ сабарижчзд̣̇ам̣ маханд̇ам̣ ванам̣. габилавад̇т̇усааманд̇аа бана махааванам̣ химаванд̇зна саха згааб̣ад̣̇д̇хам̣ абарижчзд̣̇ам̣ худ̇ваа махаасамуд̣̇д̣̇ам̣ аахажжа тид̇ам̣. ид̣̇ам̣ д̇аад̣̇исам̣ на ход̇и. сабарижчзд̣̇ам̣ маханд̇ам̣ вананд̇и махааванам̣. гуудааг̇аарасаалаа бана махааванам̣ ниссааяа гад̇з аараамз гуудааг̇аарам̣ анд̇огад̇ваа хам̣саваддагажчаннзна гад̇аа саб̣б̣аагаарасамбаннаа б̣уд̣̇д̇хасса бхаг̇авад̇о г̇анд̇хагуди взд̣̇ид̇аб̣б̣аа.
353.Evaṃme sutanti cūḷasaccakasuttaṃ. Tattha mahāvane kūṭāgārasālāyanti mahāvanaṃ nāma sayaṃjātaṃ aropimaṃ saparicchedaṃ mahantaṃ vanaṃ. Kapilavatthusāmantā pana mahāvanaṃ himavantena saha ekābaddhaṃ aparicchedaṃ hutvā mahāsamuddaṃ āhacca ṭhitaṃ. Idaṃ tādisaṃ na hoti. Saparicchedaṃ mahantaṃ vananti mahāvanaṃ. Kūṭāgārasālā pana mahāvanaṃ nissāya kate ārāme kūṭāgāraṃ antokatvā haṃsavaṭṭakacchannena katā sabbākārasampannā buddhassa bhagavato gandhakuṭi veditabbā.
сажжаго ниг̇ан̣табуд̇д̇од̇и буб̣б̣з гира зго ниг̇ан̣то жа ниг̇ан̣тий жа бан̃жа бан̃жа ваад̣̇асад̇аани уг̇г̇ахзд̇ваа, ваад̣̇ам̣ ааробзссаамаад̇и ж̇амб̣уд̣̇ийбз вижаранд̇аа взсаалияам̣ самааг̇ад̇аа. лижчавирааж̇аано д̣̇исваа, – ‘‘д̇вам̣ го, д̇вам̣ гаа’’д̇и бужчим̣су. ниг̇ан̣то – ‘‘ахам̣ ваад̣̇ам̣ ааробзссаамийд̇и ж̇амб̣уд̣̇ийбз вижараамий’’д̇и ааха. ниг̇ан̣тийби д̇ат̇аа ааха. лижчавино, ‘‘ид̇хзва ан̃н̃аман̃н̃ам̣ ваад̣̇ам̣ ааробзт̇аа’’д̇и аахам̣су. ниг̇ан̣тий ад̇д̇анаа уг̇г̇ахид̇аани бан̃жаваад̣̇асад̇аани бужчи, ниг̇ан̣то гат̇зси. ниг̇ан̣тзна бужчид̇зби ниг̇ан̣тий гат̇зсиязва. згассаби на ж̇аяо, на барааж̇аяо, убхо самасамаава ахзсум̣. лижчавино, – ‘‘д̇умхз убхоби самасамаа аахин̣д̣ид̇ваа гим̣ гариссат̇а, ид̇хзва васат̇аа’’д̇и г̇зхам̣ д̣̇ад̇ваа б̣алим̣ бадтабзсум̣. д̇зсам̣ сам̣ваасаманвааяа жад̇ассо д̇хийд̇аро ж̇аад̇аа, – згаа сажжаа наама, згаа лолаа наама, згаа бадаажаараа наама, згаа аажааравад̇ий наама. д̇ааби бан̣д̣ид̇аава ахзсум̣, маад̇аабид̇уухи уг̇г̇ахид̇аани бан̃жа бан̃жа ваад̣̇асад̇аани уг̇г̇ахзсум̣. д̇аа ваяабад̇д̇аа маад̇аабид̇аро авожум̣ – ‘‘амхаагам̣ аммаа гулз д̣̇ааригаа наама хиран̃н̃асуван̣н̣аад̣̇ийни д̣̇ад̇ваа гулагхарам̣ бзсид̇абуб̣б̣аа наама над̇т̇и. яо бана аг̇аариго д̇аасам̣ ваад̣̇ам̣ мад̣̇д̣̇ид̇ум̣ саггод̇и, д̇асса баад̣̇абарижааригаа хонд̇и. яо баб̣б̣аж̇ид̇о д̇аасам̣ мад̣̇д̣̇ид̇ум̣ саггод̇и, д̇асса санд̇игз баб̣б̣аж̇анд̇и. д̇умхз гим̣ гариссат̇аа’’д̇и? маяамби звамзва гариссаамаад̇и. жад̇ассоби бариб̣б̣ааж̇игавзсам̣ г̇ахзд̇ваа, ‘‘аяам̣ ж̇амб̣уд̣̇ийбо наама ж̇амб̣уяаа бан̃н̃ааяад̇ий’’д̇и ж̇амб̣усаакам̣ г̇ахзд̇ваа жааригам̣ баггамим̣су. яам̣ г̇аамам̣ баабун̣анд̇и, д̇асса д̣̇ваарз бам̣субун̃ж̇з ваа ваалигабун̃ж̇з ваа ж̇амб̣уд̇хаж̇ам̣ табзд̇ваа, – ‘‘яо ваад̣̇ам̣ ааробзд̇ум̣ саггод̇и, со имам̣ мад̣̇д̣̇ад̇уу’’д̇и вад̇ваа г̇аамам̣ бависанд̇и. звам̣ г̇аамзна г̇аамам̣ вижаранд̇ияо саавад̇т̇им̣ баабун̣ид̇ваа д̇ат̇зва г̇аамад̣̇ваарз ж̇амб̣уд̇хаж̇ам̣ табзд̇ваа самбад̇д̇амануссаанам̣ аарожзд̇ваа анд̇онаг̇арам̣ бавидтаа.
Saccakonigaṇṭhaputtoti pubbe kira eko nigaṇṭho ca nigaṇṭhī ca pañca pañca vādasatāni uggahetvā, vādaṃ āropessāmāti jambudīpe vicarantā vesāliyaṃ samāgatā. Licchavirājāno disvā, – ‘‘tvaṃ ko, tvaṃ kā’’ti pucchiṃsu. Nigaṇṭho – ‘‘ahaṃ vādaṃ āropessāmīti jambudīpe vicarāmī’’ti āha. Nigaṇṭhīpi tathā āha. Licchavino, ‘‘idheva aññamaññaṃ vādaṃ āropethā’’ti āhaṃsu. Nigaṇṭhī attanā uggahitāni pañcavādasatāni pucchi, nigaṇṭho kathesi. Nigaṇṭhena pucchitepi nigaṇṭhī kathesiyeva. Ekassapi na jayo, na parājayo, ubho samasamāva ahesuṃ. Licchavino, – ‘‘tumhe ubhopi samasamā āhiṇḍitvā kiṃ karissatha, idheva vasathā’’ti gehaṃ datvā baliṃ paṭṭhapesuṃ. Tesaṃ saṃvāsamanvāya catasso dhītaro jātā, – ekā saccā nāma, ekā lolā nāma, ekā paṭācārā nāma, ekā ācāravatī nāma. Tāpi paṇḍitāva ahesuṃ, mātāpitūhi uggahitāni pañca pañca vādasatāni uggahesuṃ. Tā vayapattā mātāpitaro avocuṃ – ‘‘amhākaṃ ammā kule dārikā nāma hiraññasuvaṇṇādīni datvā kulagharaṃ pesitapubbā nāma natthi. Yo pana agāriko tāsaṃ vādaṃ maddituṃ sakkoti, tassa pādaparicārikā honti. Yo pabbajito tāsaṃ maddituṃ sakkoti, tassa santike pabbajanti. Tumhe kiṃ karissathā’’ti? Mayampi evameva karissāmāti. Catassopi paribbājikavesaṃ gahetvā, ‘‘ayaṃ jambudīpo nāma jambuyā paññāyatī’’ti jambusākhaṃ gahetvā cārikaṃ pakkamiṃsu. Yaṃ gāmaṃ pāpuṇanti, tassa dvāre paṃsupuñje vā vālikapuñje vā jambudhajaṃ ṭhapetvā, – ‘‘yo vādaṃ āropetuṃ sakkoti, so imaṃ maddatū’’ti vatvā gāmaṃ pavisanti. Evaṃ gāmena gāmaṃ vicarantiyo sāvatthiṃ pāpuṇitvā tatheva gāmadvāre jambudhajaṃ ṭhapetvā sampattamanussānaṃ ārocetvā antonagaraṃ paviṭṭhā.
д̇зна самаязна бхаг̇аваа саавад̇т̇им̣ ниссааяа ж̇зд̇аванз вихарад̇и. ат̇ааяасмаа саарибуд̇д̇о г̇илаанз бужчанд̇о аж̇аг̇г̇ид̇адтаанам̣ ж̇аг̇г̇анд̇о ад̇д̇ано гижжамаханд̇ад̇ааяа ан̃н̃зхи бхигкуухи д̣̇иваад̇арам̣ г̇аамам̣ бин̣д̣ааяа бависанд̇о г̇аамад̣̇ваарз ж̇амб̣уд̇хаж̇ам̣ д̣̇исваа, – ‘‘гимид̣̇а’’нд̇и д̣̇аарагз бужчи. д̇з д̇амад̇т̇ам̣ аарожзсум̣. д̇зна хи мад̣̇д̣̇ат̇аад̇и. на саггома, бханд̇з, бхааяаамаад̇и. ‘‘гумаараа маа бхааяат̇а, ‘гзна амхаагам̣ ж̇амб̣уд̇хаж̇о мад̣̇д̣̇аабид̇о’д̇и вуд̇д̇з, б̣уд̣̇д̇хасаавагзна саарибуд̇д̇ад̇т̇зрзна мад̣̇д̣̇аабид̇о, ваад̣̇ам̣ ааробзд̇угаамаа ж̇зд̇аванз т̇зрасса санд̇игам̣ г̇ажчат̇аад̇и вад̣̇зяяаат̇аа’’д̇и ааха. д̇з т̇зрасса важанам̣ суд̇ваа ж̇амб̣уд̇хаж̇ам̣ мад̣̇д̣̇ид̇ваа чад̣д̣зсум̣. т̇зро бин̣д̣ааяа жарид̇ваа вихаарам̣ г̇ад̇о. бариб̣б̣ааж̇игааби г̇аамад̇о нигкамид̇ваа, ‘‘амхаагам̣ д̇хаж̇о гзна мад̣̇д̣̇аабид̇о’’д̇и бужчим̣су. д̣̇аарагаа д̇амад̇т̇ам̣ аарожзсум̣. бариб̣б̣ааж̇игаа буна г̇аамам̣ бависид̇ваа згзгам̣ вийт̇им̣ г̇ахзд̇ваа, – ‘‘б̣уд̣̇д̇хасааваго гира саарибуд̇д̇о наама амхзхи сад̣̇д̇хим̣ ваад̣̇ам̣ гариссад̇и, сод̇угаамаа нигкамат̇аа’’д̇и аарожзсум̣. махааж̇ано нигками, д̇зна сад̣̇д̇хим̣ бариб̣б̣ааж̇игаа ж̇зд̇аванам̣ аг̇амим̣су.
Tena samayena bhagavā sāvatthiṃ nissāya jetavane viharati. Athāyasmā sāriputto gilāne pucchanto ajaggitaṭṭhānaṃ jagganto attano kiccamahantatāya aññehi bhikkhūhi divātaraṃ gāmaṃ piṇḍāya pavisanto gāmadvāre jambudhajaṃ disvā, – ‘‘kimida’’nti dārake pucchi. Te tamatthaṃ ārocesuṃ. Tena hi maddathāti. Na sakkoma, bhante, bhāyāmāti. ‘‘Kumārā mā bhāyatha, ‘kena amhākaṃ jambudhajo maddāpito’ti vutte, buddhasāvakena sāriputtattherena maddāpito, vādaṃ āropetukāmā jetavane therassa santikaṃ gacchathāti vadeyyāthā’’ti āha. Te therassa vacanaṃ sutvā jambudhajaṃ madditvā chaḍḍesuṃ. Thero piṇḍāya caritvā vihāraṃ gato. Paribbājikāpi gāmato nikkhamitvā, ‘‘amhākaṃ dhajo kena maddāpito’’ti pucchiṃsu. Dārakā tamatthaṃ ārocesuṃ. Paribbājikā puna gāmaṃ pavisitvā ekekaṃ vīthiṃ gahetvā, – ‘‘buddhasāvako kira sāriputto nāma amhehi saddhiṃ vādaṃ karissati, sotukāmā nikkhamathā’’ti ārocesuṃ. Mahājano nikkhami, tena saddhiṃ paribbājikā jetavanaṃ agamiṃsu.
т̇зро – ‘‘амхаагам̣ васанадтаанз маад̇уг̇аамасса ааг̇аманам̣ наама апаасуга’’нд̇и вихаарамаж̇жхз нисийд̣̇и. бариб̣б̣ааж̇игааяо г̇анд̇ваа т̇зрам̣ бужчим̣су – ‘‘д̇умхзхи амхаагам̣ д̇хаж̇о мад̣̇д̣̇аабид̇о’’д̇и? аама, маяаа мад̣̇д̣̇аабид̇од̇и. маяам̣ д̇умхзхи сад̣̇д̇хим̣ ваад̣̇ам̣ гариссаамаад̇и. саад̇ху гарот̇а, гасса бужчаа гасса виссаж̇ж̇анам̣ ход̇ууд̇и? бужчаа наама амхаагам̣ бад̇д̇аа, д̇умхз бана маад̇уг̇аамаа наама батамам̣ бужчат̇аад̇и ааха. д̇аа жад̇ассоби жад̇уусу д̣̇исаасу тад̇ваа маад̇аабид̇уунам̣ санд̇игз уг̇г̇ахид̇ам̣ ваад̣̇асахассам̣ бужчим̣су. т̇зро каг̇г̇зна гумуд̣̇анаал̣ам̣ чинд̣̇анд̇о вияа бужчид̇ам̣ бужчид̇ам̣ ниж̇ж̇адам̣ ниг̇г̇ан̣тим̣ гад̇ваа гат̇зси, гат̇зд̇ваа буна бужчат̇аад̇и ааха. зд̇д̇агамзва, бханд̇з, маяам̣ ж̇аанаамаад̇и. т̇зро ааха – ‘‘д̇умхзхи ваад̣̇асахассам̣ бужчид̇ам̣ маяаа гат̇ид̇ам̣, ахам̣ бана згам̣ язва бан̃хам̣ бужчиссаами, д̇ам̣ д̇умхз гат̇зт̇аа’’д̇и. д̇аа т̇зрасса висаяам̣ д̣̇исваа, ‘‘бужчат̇а, бханд̇з, б̣яаагариссаамаа’’д̇и вад̇д̇ум̣ наасагким̣су. ‘‘вад̣̇а, бханд̇з, ж̇аанамаанаа б̣яаагариссаамаа’’д̇и буна аахам̣су.
Thero – ‘‘amhākaṃ vasanaṭṭhāne mātugāmassa āgamanaṃ nāma aphāsuka’’nti vihāramajjhe nisīdi. Paribbājikāyo gantvā theraṃ pucchiṃsu – ‘‘tumhehi amhākaṃ dhajo maddāpito’’ti? Āma, mayā maddāpitoti. Mayaṃ tumhehi saddhiṃ vādaṃ karissāmāti. Sādhu karotha, kassa pucchā kassa vissajjanaṃ hotūti? Pucchā nāma amhākaṃ pattā, tumhe pana mātugāmā nāma paṭhamaṃ pucchathāti āha. Tā catassopi catūsu disāsu ṭhatvā mātāpitūnaṃ santike uggahitaṃ vādasahassaṃ pucchiṃsu. Thero khaggena kumudanāḷaṃ chindanto viya pucchitaṃ pucchitaṃ nijjaṭaṃ niggaṇṭhiṃ katvā kathesi, kathetvā puna pucchathāti āha. Ettakameva, bhante, mayaṃ jānāmāti. Thero āha – ‘‘tumhehi vādasahassaṃ pucchitaṃ mayā kathitaṃ, ahaṃ pana ekaṃ yeva pañhaṃ pucchissāmi, taṃ tumhe kathethā’’ti. Tā therassa visayaṃ disvā, ‘‘pucchatha, bhante, byākarissāmā’’ti vattuṃ nāsakkhiṃsu. ‘‘Vada, bhante, jānamānā byākarissāmā’’ti puna āhaṃsu.
т̇зро аяам̣ бана гулабуд̇д̇з баб̣б̣ааж̇зд̇ваа батамам̣ сигкаабзд̇аб̣б̣абан̃ход̇и вад̇ваа, – ‘‘згам̣ наама ги’’нд̇и бужчи. д̇аа нзва анд̇ам̣, на годим̣ ад̣̇д̣̇асам̣су. т̇зро гат̇зт̇аад̇и ааха. на бассаама, бханд̇зд̇и. д̇умхзхи ваад̣̇асахассам̣ бужчид̇ам̣ маяаа гат̇ид̇ам̣, маяхам̣ д̇умхз згам̣ бан̃хамби гат̇зд̇ум̣ на саггот̇а, звам̣ санд̇з гасса ж̇аяо гасса барааж̇аяод̇и? д̇умхаагам̣, бханд̇з, ж̇аяо, амхаагам̣ барааж̇аяод̇и. ид̣̇аани гим̣ гариссат̇аад̇и? д̇аа маад̇аабид̇уухи вуд̇д̇аважанам̣ аарожзд̇ваа, ‘‘д̇умхаагам̣ санд̇игз баб̣б̣аж̇иссаамаа’’д̇и аахам̣су. д̇умхз маад̇уг̇аамаа наама амхаагам̣ санд̇игз баб̣б̣аж̇ид̇ум̣ на ваддад̇и, амхаагам̣ бана саасанам̣ г̇ахзд̇ваа бхигкуниубассаяам̣ г̇анд̇ваа баб̣б̣аж̇ат̇аад̇и. д̇аа саад̇хууд̇и т̇зрасса саасанам̣ г̇ахзд̇ваа бхигкунисан̇гхасса санд̇игам̣ г̇анд̇ваа баб̣б̣аж̇им̣су. баб̣б̣аж̇ид̇аа жа бана аббамад̇д̇аа аад̇аабинияо худ̇ваа нажирассзва арахад̇д̇ам̣ баабун̣им̣су.
Thero ayaṃ pana kulaputte pabbājetvā paṭhamaṃ sikkhāpetabbapañhoti vatvā, – ‘‘ekaṃ nāma ki’’nti pucchi. Tā neva antaṃ, na koṭiṃ addasaṃsu. Thero kathethāti āha. Na passāma, bhanteti. Tumhehi vādasahassaṃ pucchitaṃ mayā kathitaṃ, mayhaṃ tumhe ekaṃ pañhampi kathetuṃ na sakkotha, evaṃ sante kassa jayo kassa parājayoti? Tumhākaṃ, bhante, jayo, amhākaṃ parājayoti. Idāni kiṃ karissathāti? Tā mātāpitūhi vuttavacanaṃ ārocetvā, ‘‘tumhākaṃ santike pabbajissāmā’’ti āhaṃsu. Tumhe mātugāmā nāma amhākaṃ santike pabbajituṃ na vaṭṭati, amhākaṃ pana sāsanaṃ gahetvā bhikkhuniupassayaṃ gantvā pabbajathāti. Tā sādhūti therassa sāsanaṃ gahetvā bhikkhunisaṅghassa santikaṃ gantvā pabbajiṃsu. Pabbajitā ca pana appamattā ātāpiniyo hutvā nacirasseva arahattaṃ pāpuṇiṃsu.
аяам̣ сажжаго д̇аасам̣ жад̇уннамби ганидтабхаад̇иго. д̇аахи жад̇уухиби уд̇д̇арид̇арабан̃н̃о, маад̇аабид̇уунамби санд̇игаа ваад̣̇асахассам̣, д̇ад̇о б̣ахуд̇аран̃жа б̣аахирасамаяам̣ уг̇г̇ахзд̇ваа гад̇т̇ажи аг̇анд̇ваа рааж̇ад̣̇аарагз сиббам̣ сигкаабзнд̇о д̇ад̇т̇зва взсаалияам̣ васад̇и, бан̃н̃ааяа ад̇ибуурид̇ад̇д̇аа гужчи мз бхиж̇ж̇зяяаад̇и бхийд̇о аяабаддзна гужчим̣ баригкибид̇ваа жарад̇и, имам̣ санд̇хааяа вуд̇д̇ам̣ ‘‘сажжаго ниг̇ан̣табуд̇д̇о’’д̇и.
Ayaṃ saccako tāsaṃ catunnampi kaniṭṭhabhātiko. Tāhi catūhipi uttaritarapañño, mātāpitūnampi santikā vādasahassaṃ, tato bahutarañca bāhirasamayaṃ uggahetvā katthaci agantvā rājadārake sippaṃ sikkhāpento tattheva vesāliyaṃ vasati, paññāya atipūritattā kucchi me bhijjeyyāti bhīto ayapaṭṭena kucchiṃ parikkhipitvā carati, imaṃ sandhāya vuttaṃ ‘‘saccako nigaṇṭhaputto’’ti.
бхассаббаваад̣̇агод̇и бхассам̣ вужжад̇и гат̇аамаг̇г̇о, д̇ам̣ бавад̣̇ад̇и гат̇зд̇ийд̇и бхассаббаваад̣̇аго. бан̣д̣ид̇аваад̣̇од̇и ахам̣ бан̣д̣ид̇од̇и звам̣ ваад̣̇о. саад̇хусаммад̇о б̣ахуж̇анассаад̇и яам̣ яам̣ нагкад̇д̇ажаарзна аад̣̇исад̇и, д̇ам̣ д̇ам̣ язбхуяязна д̇ат̇зва ход̇и, д̇асмаа аяам̣ саад̇хулад̣̇д̇хиго бхад̣̇д̣̇агод̇и звам̣ саммад̇о махааж̇анасса. ваад̣̇зна ваад̣̇ам̣ самаарад̣̇д̇ход̇и гат̇аамаг̇г̇зна д̣̇осам̣ ааробид̇о. ааяасмаа ассаж̇ийд̇и саарибуд̇д̇ад̇т̇зрасса аажарияо ассаж̇ид̇т̇зро. ж̇ан̇гхаавихаарам̣ анужан̇гамамаанод̇и д̇ад̇о д̇ад̇о лижчавирааж̇аг̇зхад̇о д̇ам̣ д̇ам̣ г̇зхам̣ г̇аманад̇т̇ааяа анужан̇гамамаано. язнааяасмаа ассаж̇и д̇знубасан̇гамийд̇и гасмаа убасан̇гами? самаяаж̇аананад̇т̇ам̣.
Bhassappavādakoti bhassaṃ vuccati kathāmaggo, taṃ pavadati kathetīti bhassappavādako. Paṇḍitavādoti ahaṃ paṇḍitoti evaṃ vādo. Sādhusammato bahujanassāti yaṃ yaṃ nakkhattacārena ādisati, taṃ taṃ yebhuyyena tatheva hoti, tasmā ayaṃ sādhuladdhiko bhaddakoti evaṃ sammato mahājanassa. Vādena vādaṃ samāraddhoti kathāmaggena dosaṃ āropito. Āyasmā assajīti sāriputtattherassa ācariyo assajitthero. Jaṅghāvihāraṃ anucaṅkamamānoti tato tato licchavirājagehato taṃ taṃ gehaṃ gamanatthāya anucaṅkamamāno. Yenāyasmā assaji tenupasaṅkamīti kasmā upasaṅkami? Samayajānanatthaṃ.
звам̣ гирасса ахоси – ‘‘ахам̣ ‘саман̣асса г̇од̇амасса ваад̣̇ам̣ ааробзссаамий’д̇и аахин̣д̣аами, ‘самаяам̣ банасса на ж̇аанаамий’д̇и на ааробзсим̣. барасса хи самаяам̣ н̃ад̇ваа ааробид̇о ваад̣̇о свааробид̇о наама ход̇и. аяам̣ бана саман̣асса г̇од̇амасса сааваго бан̃н̃ааяад̇и ассаж̇ид̇т̇зро ; со ад̇д̇ано сад̇т̇у самаяз говид̣̇о, зд̇аахам̣ бужчид̇ваа гат̇ам̣ бад̇идтаабзд̇ваа саман̣асса г̇од̇амасса ваад̣̇ам̣ ааробзссаамий’’д̇и. д̇асмаа убасан̇гами. винзд̇ийд̇и гат̇ам̣ винзд̇и, гат̇ам̣ сигкаабзд̇ийд̇и бужчад̇и. т̇зро бана яасмаа д̣̇угканд̇и вуд̇д̇з убаарамбхасса огаасо ход̇и, маг̇г̇апалааниби барияааязна д̣̇угканд̇и ааг̇ад̇аани, аяан̃жа д̣̇угканд̇и вуд̇д̇з т̇зрам̣ бужчзяяа – ‘‘бхо ассаж̇и, гимад̇т̇ам̣ д̇умхз баб̣б̣аж̇ид̇аа’’д̇и. д̇ад̇о ‘‘маг̇г̇апалад̇т̇ааяаа’’д̇и вуд̇д̇з, – ‘‘наяид̣̇ам̣, бхо ассаж̇и, д̇умхаагам̣ саасанам̣ наама, махаааагхаад̇анам̣ наамзд̇ам̣, нираяуссад̣̇о наамзса, над̇т̇и д̇умхаагам̣ сукаасаа, удтааяудтааяа д̣̇угкамзва ж̇ираабзнд̇аа аахин̣д̣ат̇аа’’д̇и д̣̇осам̣ ааробзяяа, д̇асмаа бараваад̣̇исса барияааяагат̇ам̣ гаад̇ум̣ на ваддад̇и. яат̇аа зса аббад̇идто ход̇и, звамасса ниббарияааяагат̇ам̣ гат̇зссаамийд̇и жинд̇зд̇ваа, ‘‘руубам̣, бхигкавз, анижжа’’нд̇и имам̣ анижжаанад̇д̇авасзнзва гат̇ам̣ гат̇зд̇и. д̣̇уссуд̇анд̇и сод̇ум̣ аяуд̇д̇ам̣.
Evaṃ kirassa ahosi – ‘‘ahaṃ ‘samaṇassa gotamassa vādaṃ āropessāmī’ti āhiṇḍāmi, ‘samayaṃ panassa na jānāmī’ti na āropesiṃ. Parassa hi samayaṃ ñatvā āropito vādo svāropito nāma hoti. Ayaṃ pana samaṇassa gotamassa sāvako paññāyati assajitthero ; so attano satthu samaye kovido, etāhaṃ pucchitvā kathaṃ patiṭṭhāpetvā samaṇassa gotamassa vādaṃ āropessāmī’’ti. Tasmā upasaṅkami. Vinetīti kathaṃ vineti, kathaṃ sikkhāpetīti pucchati. Thero pana yasmā dukkhanti vutte upārambhassa okāso hoti, maggaphalānipi pariyāyena dukkhanti āgatāni, ayañca dukkhanti vutte theraṃ puccheyya – ‘‘bho assaji, kimatthaṃ tumhe pabbajitā’’ti. Tato ‘‘maggaphalatthāyā’’ti vutte, – ‘‘nayidaṃ, bho assaji, tumhākaṃ sāsanaṃ nāma, mahāāghātanaṃ nāmetaṃ, nirayussado nāmesa, natthi tumhākaṃ sukhāsā, uṭṭhāyuṭṭhāya dukkhameva jirāpentā āhiṇḍathā’’ti dosaṃ āropeyya, tasmā paravādissa pariyāyakathaṃ kātuṃ na vaṭṭati. Yathā esa appatiṭṭho hoti, evamassa nippariyāyakathaṃ kathessāmīti cintetvā, ‘‘rūpaṃ, bhikkhave, anicca’’nti imaṃ aniccānattavaseneva kathaṃ katheti. Dussutanti sotuṃ ayuttaṃ.
354. сант̇ааг̇аарзд̇и рааж̇агулаанам̣ ад̇т̇аанусаасанасант̇ааг̇аарасаалааяам̣. язна д̇з лижчавий д̇знубасан̇гамийд̇и звам̣ гирасса ахоси – ‘‘ахам̣ буб̣б̣з самаяам̣ аж̇аананабхаавзна саман̣асса г̇од̇амасса ваад̣̇ам̣ на ааробзсим̣, ид̣̇аани банасса махаасаавагзна гат̇ид̇ам̣ самаяам̣ ж̇аанаами, имз жа мама анд̇зваасигаа бан̃жасад̇аа лижчавий саннибад̇ид̇аа. зд̇зхи сад̣̇д̇хим̣ г̇анд̇ваа саман̣асса г̇од̇амасса ваад̣̇ам̣ ааробзссаамий’’д̇и д̇асмаа убасан̇гами. н̃аад̇ан̃н̃ад̇арзнаад̇и н̃аад̇зсу абхин̃н̃аад̇зсу бан̃жаваг̇г̇ияад̇т̇зрзсу ан̃н̃ад̇арзна. бад̇идтид̇анд̇и яат̇аа д̇зна бад̇идтид̇ам̣. сажз звам̣ бад̇идтиссад̇и, ат̇а бана ан̃н̃ад̣̇зва вагкад̇и, д̇ад̇ра маяаа гим̣ саггаа гаад̇унд̇и ид̣̇аанзва бидтим̣ баривад̇д̇знд̇о ааха. аагад̣дхзяяаад̇и ад̇д̇ано абхимукам̣ гад̣дхзяяа. баригад̣дхзяяаад̇и бурад̇о бадибан̣аамзяяа. самбаригад̣дхзяяаад̇и гаалзна аагад̣дхзяяа, гаалзна баригад̣дхзяяа. сон̣д̣игаагилан̃ж̇анд̇и сураагхарз бидтагилан̃ж̇ам̣. сон̣д̣игаад̇худ̇д̇од̇и сураад̇худ̇д̇о. ваалам̣ ган̣н̣з г̇ахзд̇ваад̇и сураабариссааванад̇т̇авигам̣ д̇ховид̇угаамо гасаданид̇хунанад̇т̇ам̣ убхосу ган̣н̣зсу г̇ахзд̇ваа. од̇хунзяяаад̇и ад̇хомукам̣ гад̇ваа д̇хунзяяа. нид̣̇д̇хунзяяаад̇и уд̣̇д̇хам̣мукам̣ гад̇ваа д̇хунзяяа. нибподзяяаад̇и бунаббунам̣ бабподзяяа. саан̣ад̇ховигам̣ наамаад̇и зд̇т̇а мануссаа саан̣асаадагагаран̣ад̇т̇ам̣ саан̣аваагз г̇ахзд̇ваа мудтим̣ мудтим̣ б̣анд̇хид̇ваа уд̣̇агз багкибанд̇и. д̇з д̇ад̇ияад̣̇ивасз судту гилиннаа хонд̇и. ат̇а мануссаа амб̣илаяааг̇усураад̣̇ийни аад̣̇ааяа д̇ад̇т̇а г̇анд̇ваа саан̣амудтим̣ г̇ахзд̇ваа, д̣̇агкин̣ад̇о ваамад̇о саммукаа жаад̇и д̇ийсу палагзсу сагим̣ д̣̇агкин̣апалагз, сагим̣ ваамапалагз, сагим̣ саммукапалагз бахаранд̇аа амб̣илаяааг̇усураад̣̇ийни бхун̃ж̇анд̇аа биванд̇аа каад̣̇анд̇аа д̇хованд̇и. маханд̇аа гийл̣аа ход̇и. ран̃н̃о нааг̇о д̇ам̣ гийл̣ам̣ д̣̇исваа г̇амбхийрам̣ уд̣̇агам̣ анубависид̇ваа сон̣д̣ааяа уд̣̇агам̣ г̇ахзд̇ваа сагим̣ гумбхз сагим̣ бидтияам̣ сагим̣ убхосу бассзсу сагим̣ анд̇арасад̇т̇ияам̣ багкибанд̇о гийл̣ид̇т̇а. д̇ад̣̇убаад̣̇ааяа д̇ам̣ гийл̣ид̇аж̇аад̇ам̣ саан̣ад̇ховигам̣ наама вужжад̇и , д̇ам̣ санд̇хааяа вуд̇д̇ам̣ – ‘‘саан̣ад̇ховигам̣ наама гийл̣ид̇аж̇аад̇ам̣ гийл̣ад̇ий’’д̇и. гим̣ со бхавамаано сажжаго ниг̇ан̣табуд̇д̇о, яо бхаг̇авад̇о ваад̣̇ам̣ ааробзссад̇ийд̇и яо сажжаго ниг̇ан̣табуд̇д̇о бхаг̇авад̇о ваад̣̇ам̣ ааробзссад̇и, со гим̣ бхавамаано гим̣ яагко бхавамаано уд̣̇ааху инд̣̇о, уд̣̇ааху б̣рахмаа бхавамаано бхаг̇авад̇о ваад̣̇ам̣ ааробзссад̇и? на хи саггаа багад̇имануссзна бхаг̇авад̇о ваад̣̇ам̣ ааробзд̇унд̇и аяамзд̇т̇а ад̇хиббааяо.
354.Santhāgāreti rājakulānaṃ atthānusāsanasanthāgārasālāyaṃ. Yena te licchavī tenupasaṅkamīti evaṃ kirassa ahosi – ‘‘ahaṃ pubbe samayaṃ ajānanabhāvena samaṇassa gotamassa vādaṃ na āropesiṃ, idāni panassa mahāsāvakena kathitaṃ samayaṃ jānāmi, ime ca mama antevāsikā pañcasatā licchavī sannipatitā. Etehi saddhiṃ gantvā samaṇassa gotamassa vādaṃ āropessāmī’’ti tasmā upasaṅkami. Ñātaññatarenāti ñātesu abhiññātesu pañcavaggiyattheresu aññatarena. Patiṭṭhitanti yathā tena patiṭṭhitaṃ. Sace evaṃ patiṭṭhissati, atha pana aññadeva vakkhati, tatra mayā kiṃ sakkā kātunti idāneva piṭṭhiṃ parivattento āha. Ākaḍḍheyyāti attano abhimukhaṃ kaḍḍheyya. Parikaḍḍheyyāti purato paṭipaṇāmeyya. Samparikaḍḍheyyāti kālena ākaḍḍheyya, kālena parikaḍḍheyya. Soṇḍikākilañjanti surāghare piṭṭhakilañjaṃ. Soṇḍikādhuttoti surādhutto. Vālaṃ kaṇṇe gahetvāti surāparissāvanatthavikaṃ dhovitukāmo kasaṭanidhunanatthaṃ ubhosu kaṇṇesu gahetvā. Odhuneyyāti adhomukhaṃ katvā dhuneyya. Niddhuneyyāti uddhaṃmukhaṃ katvā dhuneyya. Nipphoṭeyyāti punappunaṃ papphoṭeyya. Sāṇadhovikaṃ nāmāti ettha manussā sāṇasāṭakakaraṇatthaṃ sāṇavāke gahetvā muṭṭhiṃ muṭṭhiṃ bandhitvā udake pakkhipanti. Te tatiyadivase suṭṭhu kilinnā honti. Atha manussā ambilayāgusurādīni ādāya tattha gantvā sāṇamuṭṭhiṃ gahetvā, dakkhiṇato vāmato sammukhā cāti tīsu phalakesu sakiṃ dakkhiṇaphalake, sakiṃ vāmaphalake, sakiṃ sammukhaphalake paharantā ambilayāgusurādīni bhuñjantā pivantā khādantā dhovanti. Mahantā kīḷā hoti. Rañño nāgo taṃ kīḷaṃ disvā gambhīraṃ udakaṃ anupavisitvā soṇḍāya udakaṃ gahetvā sakiṃ kumbhe sakiṃ piṭṭhiyaṃ sakiṃ ubhosu passesu sakiṃ antarasatthiyaṃ pakkhipanto kīḷittha. Tadupādāya taṃ kīḷitajātaṃ sāṇadhovikaṃ nāma vuccati , taṃ sandhāya vuttaṃ – ‘‘sāṇadhovikaṃ nāma kīḷitajātaṃ kīḷatī’’ti. Kiṃ so bhavamāno saccako nigaṇṭhaputto, yo bhagavato vādaṃ āropessatīti yo saccako nigaṇṭhaputto bhagavato vādaṃ āropessati, so kiṃ bhavamāno kiṃ yakkho bhavamāno udāhu indo, udāhu brahmā bhavamāno bhagavato vādaṃ āropessati? Na hi sakkā pakatimanussena bhagavato vādaṃ āropetunti ayamettha adhippāyo.
355. д̇зна ко бана самаязнаад̇и яасмим̣ самаяз сажжаго аараамам̣ баависи, д̇асмим̣. гисмим̣ бана самаяз баависийд̇и? махаамаж̇жханхигасамаяз. гасмаа бана д̇асмим̣ самаяз жан̇гаманд̇ийд̇и? бан̣ийд̇абхож̇анабажжаяасса т̇инамид̣̇д̇хасса винод̣̇анад̇т̇ам̣. д̣̇иваабад̇хаанигаа ваа д̇з. д̇аад̣̇исаанан̃хи бажчаабхад̇д̇ам̣ жан̇гамид̇ваа нхад̇ваа сарийрам̣ уд̇ум̣ г̇ан̣хаабзд̇ваа нисаж̇ж̇а саман̣ад̇хаммам̣ гаронд̇аанам̣ жид̇д̇ам̣ згаг̇г̇ам̣ ход̇и. язна д̇з бхигкууд̇и со гира гухим̣ саман̣о г̇од̇амод̇и баривзн̣ад̇о баривзн̣ам̣ г̇анд̇ваа бужчид̇ваа бависиссаамийд̇и вилогзнд̇о аран̃н̃з хад̇т̇ий вияа жан̇гамз жан̇гамамаанз бам̣сугуулигабхигкуу д̣̇исваа д̇зсам̣ санд̇игам̣ аг̇амааси. д̇ам̣ санд̇хааяа, ‘‘язна д̇з бхигкуу’’д̇иаад̣̇и вуд̇д̇ам̣. гахам̣ ну ко, бход̇и гад̇арасмим̣ ааваасз ваа ман̣д̣абз ваад̇и ад̇т̇о. зса, аг̇г̇ивзссана, бхаг̇аваад̇и д̇ад̣̇аа гира бхаг̇аваа бажжуусагаалз махаагарун̣аа самаабад̇д̇им̣ самаабаж̇ж̇ид̇ваа д̣̇асасахассажаггаваал̣з саб̣б̣ан̃н̃уд̇ан̃н̃аан̣аж̇аалам̣ бад̇т̇арид̇ваа б̣од̇ханзяяасад̇д̇ам̣ ологзнд̇о ад̣̇д̣̇аса – ‘‘свз сажжаго ниг̇ан̣табуд̇д̇о махад̇им̣ лижчавибарисам̣ г̇ахзд̇ваа мама ваад̣̇ам̣ ааробзд̇угаамо ааг̇амиссад̇ий’’д̇и. д̇асмаа баад̇ова сарийрабадиж̇аг̇г̇анам̣ гад̇ваа бхигкусан̇гхабаривааро взсаалияам̣ бин̣д̣ааяа жарид̇ваа бин̣д̣абаад̇абадигганд̇о махаабарисааяа нисийд̣̇ид̇ум̣ сукадтаанз нисийд̣̇иссаамийд̇и г̇анд̇хагудим̣ абависид̇ваа махааванз ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. д̇з бхигкуу бхаг̇авад̇о вад̇д̇ам̣ д̣̇ассзд̇ваа ааг̇ад̇аа, сажжагзна будтаа д̣̇уурз нисиннам̣ бхаг̇аванд̇ам̣ д̣̇ассзнд̇аа, ‘‘зса аг̇г̇ивзссана бхаг̇аваа’’д̇и аахам̣су.
355.Tena kho pana samayenāti yasmiṃ samaye saccako ārāmaṃ pāvisi, tasmiṃ. Kismiṃ pana samaye pāvisīti? Mahāmajjhanhikasamaye. Kasmā pana tasmiṃ samaye caṅkamantīti? Paṇītabhojanapaccayassa thinamiddhassa vinodanatthaṃ. Divāpadhānikā vā te. Tādisānañhi pacchābhattaṃ caṅkamitvā nhatvā sarīraṃ utuṃ gaṇhāpetvā nisajja samaṇadhammaṃ karontānaṃ cittaṃ ekaggaṃ hoti. Yena te bhikkhūti so kira kuhiṃ samaṇo gotamoti pariveṇato pariveṇaṃ gantvā pucchitvā pavisissāmīti vilokento araññe hatthī viya caṅkame caṅkamamāne paṃsukūlikabhikkhū disvā tesaṃ santikaṃ agamāsi. Taṃ sandhāya, ‘‘yena te bhikkhū’’tiādi vuttaṃ. Kahaṃnu kho, bhoti katarasmiṃ āvāse vā maṇḍape vāti attho. Esa, aggivessana, bhagavāti tadā kira bhagavā paccūsakāle mahākaruṇā samāpattiṃ samāpajjitvā dasasahassacakkavāḷe sabbaññutaññāṇajālaṃ pattharitvā bodhaneyyasattaṃ olokento addasa – ‘‘sve saccako nigaṇṭhaputto mahatiṃ licchaviparisaṃ gahetvā mama vādaṃ āropetukāmo āgamissatī’’ti. Tasmā pātova sarīrapaṭijagganaṃ katvā bhikkhusaṅghaparivāro vesāliyaṃ piṇḍāya caritvā piṇḍapātapaṭikkanto mahāparisāya nisīdituṃ sukhaṭṭhāne nisīdissāmīti gandhakuṭiṃ apavisitvā mahāvane aññatarasmiṃ rukkhamūle divāvihāraṃ nisīdi. Te bhikkhū bhagavato vattaṃ dassetvā āgatā, saccakena puṭṭhā dūre nisinnaṃ bhagavantaṃ dassentā, ‘‘esa aggivessana bhagavā’’ti āhaṃsu.
махад̇ияаа лижчавибарисааяа сад̣̇д̇хинд̇и хздтаа бан̃жамад̇д̇зхи лижчависад̇зхи баривуд̇од̇и вуд̇д̇ам̣. д̇з зд̇асса анд̇зваасигааязва, анд̇овзсаалияам̣ бана сажжаго бан̃жамад̇д̇аани лижчавирааж̇асад̇аани г̇ахзд̇ваа, ‘‘ваад̣̇ад̇т̇иго бхаг̇аванд̇ам̣ убасан̇гаманд̇о’’д̇и суд̇ваа д̣̇виннам̣ бан̣д̣ид̇аанам̣ гат̇аасаллаабам̣ соссаамаад̇и язбхуяязна мануссаа нигканд̇аа, звам̣ саа барисаа махад̇ий абарижчиннаг̇ан̣анаа ахоси. д̇ам̣ санд̇хааязд̇ам̣ вуд̇д̇ам̣. ан̃ж̇алим̣ бан̣аамзд̇ваад̇и зд̇з убхад̇обагкигаа, д̇з звам̣ жинд̇зсум̣ – ‘‘сажз но мижчаад̣̇идтигаа жод̣̇зссанд̇и, ‘гасмаа д̇умхз саман̣ам̣ г̇од̇амам̣ ванд̣̇ид̇т̇аа’д̇и, д̇зсам̣, ‘гим̣ ан̃ж̇алимад̇д̇агаран̣знаби ванд̣̇ид̇ам̣ ход̇ий’д̇и вагкаама. сажз но саммаад̣̇идтигаа жод̣̇зссанд̇и, ‘гасмаа бхаг̇аванд̇ам̣ на ванд̣̇ид̇т̇аа’д̇и, ‘гим̣ сийсзна бхуумим̣ бахаранд̇знзва ванд̣̇ид̇ам̣ ход̇и, нану ан̃ж̇алигаммамби ванд̣̇анаа зваа’д̇и вагкаамаа’’д̇и. наама г̇од̇д̇анд̇и, бхо г̇од̇ама, ахам̣ асугасса буд̇д̇о д̣̇ад̇д̇о наама мид̇д̇о наама ид̇ха ааг̇ад̇од̇и вад̣̇анд̇аа наамам̣ саавзнд̇и наама. бхо г̇од̇ама, ахам̣ ваасидто наама гажжаано наама ид̇ха ааг̇ад̇од̇и вад̣̇анд̇аа г̇од̇д̇ам̣ саавзнд̇и наама. зд̇з гира д̣̇алид̣̇д̣̇аа ж̇ин̣н̣агулабуд̇д̇аа барисамаж̇жхз наамаг̇од̇д̇авасзна баагадаа бхависсаамаад̇и звам̣ агам̣су. яз бана д̇ун̣хийбхууд̇аа нисийд̣̇им̣су, д̇з гзраадигаа жзва анд̇хаб̣аалаа жа. д̇ад̇т̇а гзраадигаа, ‘‘згам̣ д̣̇вз гат̇аасаллаабз гаронд̇о виссаасиго ход̇и, ат̇а виссаасз сад̇и згам̣ д̣̇вз бхигкаа ад̣̇аад̇ум̣ на яуд̇д̇а’’нд̇и д̇ад̇о ад̇д̇аанам̣ можзнд̇аа д̇ун̣хий нисийд̣̇анд̇и. анд̇хаб̣аалаа ан̃н̃аан̣ад̇ааязва авагкид̇д̇амад̇д̇игаабин̣д̣о вияа яад̇т̇а гад̇т̇ажи д̇ун̣хийбхууд̇аа нисийд̣̇анд̇и.
Mahatiyā licchaviparisāya saddhinti heṭṭhā pañcamattehi licchavisatehi parivutoti vuttaṃ. Te etassa antevāsikāyeva, antovesāliyaṃ pana saccako pañcamattāni licchavirājasatāni gahetvā, ‘‘vādatthiko bhagavantaṃ upasaṅkamanto’’ti sutvā dvinnaṃ paṇḍitānaṃ kathāsallāpaṃ sossāmāti yebhuyyena manussā nikkhantā, evaṃ sā parisā mahatī aparicchinnagaṇanā ahosi. Taṃ sandhāyetaṃ vuttaṃ. Añjaliṃ paṇāmetvāti ete ubhatopakkhikā, te evaṃ cintesuṃ – ‘‘sace no micchādiṭṭhikā codessanti, ‘kasmā tumhe samaṇaṃ gotamaṃ vanditthā’ti, tesaṃ, ‘kiṃ añjalimattakaraṇenapi vanditaṃ hotī’ti vakkhāma. Sace no sammādiṭṭhikā codessanti, ‘kasmā bhagavantaṃ na vanditthā’ti, ‘kiṃ sīsena bhūmiṃ paharanteneva vanditaṃ hoti, nanu añjalikammampi vandanā evā’ti vakkhāmā’’ti. Nāma gottanti, bho gotama, ahaṃ asukassa putto datto nāma mitto nāma idha āgatoti vadantā nāmaṃ sāventi nāma. Bho gotama, ahaṃ vāsiṭṭho nāma kaccāno nāma idha āgatoti vadantā gottaṃ sāventi nāma. Ete kira daliddā jiṇṇakulaputtā parisamajjhe nāmagottavasena pākaṭā bhavissāmāti evaṃ akaṃsu. Ye pana tuṇhībhūtā nisīdiṃsu, te kerāṭikā ceva andhabālā ca. Tattha kerāṭikā, ‘‘ekaṃ dve kathāsallāpe karonto vissāsiko hoti, atha vissāse sati ekaṃ dve bhikkhā adātuṃ na yutta’’nti tato attānaṃ mocentā tuṇhī nisīdanti. Andhabālā aññāṇatāyeva avakkhittamattikāpiṇḍo viya yattha katthaci tuṇhībhūtā nisīdanti.
356. гин̃жид̣̇зва д̣̇зсанд̇и ган̃жи огаасам̣ гин̃жи гааран̣ам̣, ат̇асса бхаг̇аваа бан̃хабужчанз уссаахам̣ ж̇анзнд̇о ааха – бужча, аг̇г̇ивзссана, яад̣̇ааган̇касийд̇и. д̇ассад̇т̇о – ‘‘бужча яад̣̇и ааган̇каси, на мз бан̃хависсаж̇ж̇анз бхааро ад̇т̇и’’. ат̇а ваа ‘‘бужча яам̣ ааган̇каси, саб̣б̣ам̣ д̇з виссаж̇ж̇зссаамий’’д̇и саб̣б̣ан̃н̃убавааран̣ам̣ баваарзси асаад̇хааран̣ам̣ бажжзгаб̣уд̣̇д̇хааг̇г̇асаавамахаасаавагзхи. д̇з хи яад̣̇ааган̇касийд̇и на вад̣̇анд̇и, суд̇ваа взд̣̇иссаамаад̇и вад̣̇анд̇и. б̣уд̣̇д̇хаа бана ‘‘бужчаавусо, яад̣̇ааган̇касий’’д̇и (сам̣. ни. 1.237) ваа, ‘‘бужча, махаарааж̇а, яад̣̇ааган̇касий’’д̇и (д̣̇ий. ни. 1.162) ваа,
356.Kiñcideva desanti kañci okāsaṃ kiñci kāraṇaṃ, athassa bhagavā pañhapucchane ussāhaṃ janento āha – puccha, aggivessana, yadākaṅkhasīti. Tassattho – ‘‘puccha yadi ākaṅkhasi, na me pañhavissajjane bhāro atthi’’. Atha vā ‘‘puccha yaṃ ākaṅkhasi, sabbaṃ te vissajjessāmī’’ti sabbaññupavāraṇaṃ pavāresi asādhāraṇaṃ paccekabuddhaaggasāvamahāsāvakehi. Te hi yadākaṅkhasīti na vadanti, sutvā vedissāmāti vadanti. Buddhā pana ‘‘pucchāvuso, yadākaṅkhasī’’ti (saṃ. ni. 1.237) vā, ‘‘puccha, mahārāja, yadākaṅkhasī’’ti (dī. ni. 1.162) vā,
‘‘бужча ваасава мам̣ бан̃хам̣, яам̣ гин̃жи манасижчаси;
‘‘Puccha vāsava maṃ pañhaṃ, yaṃ kiñci manasicchasi;
д̇асса д̇ассзва бан̃хасса, ахам̣ анд̇ам̣ гароми д̇з’’ ид̇и. (д̣̇ий. ни. 2.356) ваа,
Tassa tasseva pañhassa, ahaṃ antaṃ karomi te’’ iti. (dī. ni. 2.356) vā,
‘‘д̇зна хи д̇вам̣, бхигку, сагз аасанз нисийд̣̇ид̇ваа бужча яад̣̇ааган̇касий’’д̇и (ма. ни. 3.85) ваа,
‘‘Tena hi tvaṃ, bhikkhu, sake āsane nisīditvā puccha yadākaṅkhasī’’ti (ma. ni. 3.85) vā,
‘‘б̣ааварисса жа д̇уяхам̣ ваа, саб̣б̣зсам̣ саб̣б̣асам̣саяам̣;
‘‘Bāvarissa ca tuyhaṃ vā, sabbesaṃ sabbasaṃsayaṃ;
гад̇аавагаасаа бужчавхо, яам̣ гин̃жи манасижчат̇аа’’д̇и. (су. ни. 1036) ваа,
Katāvakāsā pucchavho, yaṃ kiñci manasicchathā’’ti. (su. ni. 1036) vā,
‘‘бужча мам̣ сабхияа бан̃хам̣, яам̣ гин̃жи манасижчаси;
‘‘Puccha maṃ sabhiya pañhaṃ, yaṃ kiñci manasicchasi;
д̇асса д̇ассзва бан̃хасса, ахам̣ анд̇ам̣ гароми д̇з’’ ид̇и. (су. ни. 517) ваа –
Tassa tasseva pañhassa, ahaṃ antaṃ karomi te’’ iti. (su. ni. 517) vā –
д̇зсам̣ д̇зсам̣ яагканаринд̣̇ад̣̇звасаман̣аб̣раахман̣абариб̣б̣ааж̇агаанам̣ саб̣б̣ан̃н̃убавааран̣ам̣ баваарзнд̇и. анажчарияан̃жзд̇ам̣, яам̣ бхаг̇аваа б̣уд̣̇д̇хабхуумим̣ бад̇ваа зд̇ам̣ бавааран̣ам̣ баваарзяяа. яо б̣од̇хисад̇д̇абхуумияам̣ бад̣̇зсан̃аан̣зби тид̇о
Tesaṃ tesaṃ yakkhanarindadevasamaṇabrāhmaṇaparibbājakānaṃ sabbaññupavāraṇaṃ pavārenti. Anacchariyañcetaṃ, yaṃ bhagavā buddhabhūmiṃ patvā etaṃ pavāraṇaṃ pavāreyya. Yo bodhisattabhūmiyaṃ padesañāṇepi ṭhito
‘‘гон̣д̣ан̃н̃а бан̃хаани вияаагарохи,
‘‘Koṇḍañña pañhāni viyākarohi,
яаажанд̇и д̇ам̣ исаяо саад̇хуруубаа;
Yācanti taṃ isayo sādhurūpā;
гон̣д̣ан̃н̃а зсо мануж̇зсу д̇хаммо,
Koṇḍañña eso manujesu dhammo,
яам̣ вуд̣̇д̇хамааг̇ажчад̇и зса бхааро’’д̇и. (ж̇аа. 2.17.60) –
Yaṃ vuddhamāgacchati esa bhāro’’ti. (jā. 2.17.60) –
звам̣ саггаад̣̇ийнам̣ ад̇т̇ааяа исийхи яаажид̇о
Evaṃ sakkādīnaṃ atthāya isīhi yācito
‘‘гад̇аавагаасаа бужчанд̇у бхонд̇о,
‘‘Katāvakāsā pucchantu bhonto,
яам̣ гин̃жи бан̃хам̣ манасаабхибад̇т̇ид̇ам̣;
Yaṃ kiñci pañhaṃ manasābhipatthitaṃ;
ахан̃хи д̇ам̣ д̇ам̣ во вияаагариссам̣,
Ahañhi taṃ taṃ vo viyākarissaṃ,
н̃ад̇ваа саяам̣ логамимам̣ баран̃жаа’’д̇и. (ж̇аа. 2.17.61);
Ñatvā sayaṃ lokamimaṃ parañcā’’ti. (jā. 2.17.61);
звам̣ сарабхан̇г̇агаалз, самбхаваж̇аад̇агз жа сагалаж̇амб̣уд̣̇ийбам̣ д̇игкад̇д̇ум̣ вижарид̇ваа бан̃хаанам̣ анд̇агарам̣ ад̣̇исваа сужирад̇зна б̣раахман̣зна бан̃хам̣ будто огаасз гаарид̇з, ж̇аад̇ияаа сад̇д̇авассо рат̇игааяам̣ бам̣сум̣ гийл̣анд̇о баллан̇гам̣ аабхуж̇ид̇ваа анд̇аравийт̇ияам̣ нисиннова –
Evaṃ sarabhaṅgakāle, sambhavajātake ca sakalajambudīpaṃ tikkhattuṃ vicaritvā pañhānaṃ antakaraṃ adisvā suciratena brāhmaṇena pañhaṃ puṭṭho okāse kārite, jātiyā sattavasso rathikāyaṃ paṃsuṃ kīḷanto pallaṅkaṃ ābhujitvā antaravīthiyaṃ nisinnova –
‘‘д̇аг̇гха д̇з ахамагкиссам̣, яат̇ааби гусало д̇ат̇аа;
‘‘Taggha te ahamakkhissaṃ, yathāpi kusalo tathā;
рааж̇аа жа ко д̇ам̣ ж̇аанаад̇и, яад̣̇и гаахад̇и ваа на ваа’’д̇и. (ж̇аа. 1.16.172) –
Rājā ca kho taṃ jānāti, yadi kāhati vā na vā’’ti. (jā. 1.16.172) –
саб̣б̣ан̃н̃убавааран̣ам̣ баваарзси.
Sabbaññupavāraṇaṃ pavāresi.
звам̣ бхаг̇авад̇аа саб̣б̣ан̃н̃убавааран̣ааяа баваарид̇ааяа ад̇д̇амано бан̃хам̣ бужчанд̇о, ‘‘гат̇ам̣ бана, бхо г̇од̇амаа’’д̇иаад̣̇имааха.
Evaṃ bhagavatā sabbaññupavāraṇāya pavāritāya attamano pañhaṃ pucchanto, ‘‘kathaṃ pana, bho gotamā’’tiādimāha.
ат̇асса бхаг̇аваа, ‘‘бассат̇а, бхо, ан̃н̃ам̣ саавагзна гат̇ид̇ам̣, ан̃н̃ам̣ сад̇т̇аа гат̇зд̇и, нану маяаа бадигажжзва вуд̇д̇ам̣, ‘сажз д̇ат̇аа бад̇идтиссад̇и, яат̇аасса саавагзна бад̇идтид̇ам̣, зваахам̣ ваад̣̇ам̣ ааробзссаамий’д̇и. аяам̣ бана ан̃н̃амзва гат̇зд̇и, д̇ад̇т̇а гим̣ маяаа саггаа гаад̇у’’нд̇и звам̣ ниг̇ан̣тасса важаногаасо маа ход̇ууд̇и хздтаа ассаж̇ид̇т̇зрзна гат̇ид̇анияаамзнзва гат̇знд̇о, звам̣ ко ахам̣, аг̇г̇ивзссанаад̇иаад̣̇имааха. убамаа мам̣, бхо г̇од̇ама, бадибхаад̇ийд̇и, бхо г̇од̇ама, маяхам̣ згаа убамаа убадтаад̇и, аахараами д̇ам̣ убаманд̇и вад̣̇ад̇и. бадибхаад̇у д̇ам̣, аг̇г̇ивзссанаад̇и убадтаад̇у д̇з, аг̇г̇ивзссана, аахара д̇ам̣ убамам̣ висад̇т̇од̇и бхаг̇аваа авожа. б̣алагаран̣ийяаад̇и б̣аахуб̣алзна гад̇д̇аб̣б̣аа гасиваан̣иж̇ж̇аад̣̇игаа гамманд̇аа. руубад̇д̇ааяам̣ бурисабуг̇г̇алод̇и руубам̣ ад̇д̇аа ассаад̇и руубад̇д̇аа, руубам̣ ад̇д̇аад̇и г̇ахзд̇ваа тид̇абуг̇г̇алам̣ д̣̇ийбзд̇и. руубз бад̇идтааяаад̇и д̇асмим̣ ад̇д̇аад̇и г̇ахид̇аруубз бад̇идтахид̇ваа. бун̃н̃ам̣ ваа абун̃н̃ам̣ ваа басавад̇ийд̇и гусалам̣ ваа агусалам̣ ваа бадилабхад̇и. взд̣̇анад̇д̇аад̣̇ийсуби зсзва наяо. иминаа гим̣ д̣̇ийбзд̇и? имз бан̃жагканд̇хаа имзсам̣ сад̇д̇аанам̣ бат̇авий вияа бад̇идтаа, д̇з имзсу бан̃жасу канд̇хзсу бад̇идтааяа гусалаагусалагаммам̣ наама ааяууханд̇и. д̇умхз зваруубам̣ виж̇ж̇амаанамзва ад̇д̇аанам̣ бадисзд̇хзнд̇о бан̃жагканд̇хаа анад̇д̇аад̇и д̣̇ийбзт̇аад̇и ад̇ивияа сагааран̣ам̣ гад̇ваа убамам̣ аахари. иминаа жа ниг̇ан̣тзна аахадаобаммам̣ нияад̇амзва , саб̣б̣ан̃н̃уб̣уд̣̇д̇хад̇о ан̃н̃о д̇асса гат̇ам̣ чинд̣̇ид̇ваа ваад̣̇з д̣̇осам̣ д̣̇аад̇ум̣ самад̇т̇о наама над̇т̇и. д̣̇увид̇хаа хи буг̇г̇алаа б̣уд̣̇д̇хавзнзяяаа жа саавагавзнзяяаа жа. саавагавзнзяяз саавагааби винзнд̇и б̣уд̣̇д̇хааби. б̣уд̣̇д̇хавзнзяяз бана саавагаа винзд̇ум̣ на саггонд̇и, б̣уд̣̇д̇хаава винзнд̇и. аяамби ниг̇ан̣то б̣уд̣̇д̇хавзнзяяо, д̇асмаа зд̇асса ваад̣̇ам̣ чинд̣̇ид̇ваа ан̃н̃о д̣̇осам̣ д̣̇аад̇ум̣ самад̇т̇о наама над̇т̇и. д̇знасса бхаг̇аваа саяамзва ваад̣̇з д̣̇осад̣̇ассанад̇т̇ам̣ нану д̇вам̣, аг̇г̇ивзссанаад̇иаад̣̇имааха.
Athassa bhagavā, ‘‘passatha, bho, aññaṃ sāvakena kathitaṃ, aññaṃ satthā katheti, nanu mayā paṭikacceva vuttaṃ, ‘sace tathā patiṭṭhissati, yathāssa sāvakena patiṭṭhitaṃ, evāhaṃ vādaṃ āropessāmī’ti. Ayaṃ pana aññameva katheti, tattha kiṃ mayā sakkā kātu’’nti evaṃ nigaṇṭhassa vacanokāso mā hotūti heṭṭhā assajittherena kathitaniyāmeneva kathento, evaṃ kho ahaṃ, aggivessanātiādimāha. Upamā maṃ, bho gotama, paṭibhātīti, bho gotama, mayhaṃ ekā upamā upaṭṭhāti, āharāmi taṃ upamanti vadati. Paṭibhātu taṃ, aggivessanāti upaṭṭhātu te, aggivessana, āhara taṃ upamaṃ visatthoti bhagavā avoca. Balakaraṇīyāti bāhubalena kattabbā kasivāṇijjādikā kammantā. Rūpattāyaṃ purisapuggaloti rūpaṃ attā assāti rūpattā, rūpaṃ attāti gahetvā ṭhitapuggalaṃ dīpeti. Rūpe patiṭṭhāyāti tasmiṃ attāti gahitarūpe patiṭṭhahitvā. Puññaṃ vā apuññaṃ vā pasavatīti kusalaṃ vā akusalaṃ vā paṭilabhati. Vedanattādīsupi eseva nayo. Iminā kiṃ dīpeti? Ime pañcakkhandhā imesaṃ sattānaṃ pathavī viya patiṭṭhā, te imesu pañcasu khandhesu patiṭṭhāya kusalākusalakammaṃ nāma āyūhanti. Tumhe evarūpaṃ vijjamānameva attānaṃ paṭisedhento pañcakkhandhā anattāti dīpethāti ativiya sakāraṇaṃ katvā upamaṃ āhari. Iminā ca nigaṇṭhena āhaṭaopammaṃ niyatameva , sabbaññubuddhato añño tassa kathaṃ chinditvā vāde dosaṃ dātuṃ samattho nāma natthi. Duvidhā hi puggalā buddhaveneyyā ca sāvakaveneyyā ca. Sāvakaveneyye sāvakāpi vinenti buddhāpi. Buddhaveneyye pana sāvakā vinetuṃ na sakkonti, buddhāva vinenti. Ayampi nigaṇṭho buddhaveneyyo, tasmā etassa vādaṃ chinditvā añño dosaṃ dātuṃ samattho nāma natthi. Tenassa bhagavā sayameva vāde dosadassanatthaṃ nanu tvaṃ, aggivessanātiādimāha.
ат̇а ниг̇ан̣то жинд̇зси – ‘‘ад̇ивияа саман̣о г̇од̇амо мама ваад̣̇ам̣ бад̇идтабзд̇и, сажз убари гожи д̣̇осо бхависсад̇и, мамам̣ згагам̣язва ниг̇г̇ан̣хиссад̇и. ханд̣̇аахам̣ имам̣ ваад̣̇ам̣ махааж̇анассааби мад̇т̇агз багкибаамий’’д̇и, д̇асмаа звамааха – ахамби, бхо г̇од̇ама, звам̣ вад̣̇аами руубам̣ мз ад̇д̇аа…бз… вин̃н̃аан̣ам̣ мз ад̇д̇аад̇и, аяан̃жа махад̇ий ж̇анад̇аад̇и. бхаг̇аваа бана ниг̇ан̣тад̇о сад̇аг̇ун̣знаби сахассаг̇ун̣знаби сад̇асахассаг̇ун̣знаби ваад̣̇ийварад̇аро, д̇асмаа жинд̇зси – ‘‘аяам̣ ниг̇ан̣то ад̇д̇аанам̣ можзд̇ваа махааж̇анасса мад̇т̇агз ваад̣̇ам̣ багкибад̇и, наасса ад̇д̇аанам̣ можзд̇ум̣ д̣̇ассаами, махааж̇анад̇о нивад̇д̇зд̇ваа згагам̣язва нам̣ ниг̇г̇ан̣хиссаамий’’д̇и. ат̇а нам̣ гин̃хи д̇з, аг̇г̇ивзссанаад̇иаад̣̇имааха. д̇ассад̇т̇о – нааяам̣ ж̇анад̇аа мама ваад̣̇ам̣ ааробзд̇ум̣ ааг̇ад̇аа, д̇вам̣язва сагалам̣ взсаалим̣ сам̣ваддид̇ваа мама ваад̣̇ам̣ ааробзд̇ум̣ ааг̇ад̇о, д̇асмаа д̇вам̣ сагамзва ваад̣̇ам̣ нивзтзхи, маа махааж̇анасса мад̇т̇агз багкибасийд̇и. со бадиж̇аананд̇о ахан̃хи, бхо г̇од̇амаад̇иаад̣̇имааха.
Atha nigaṇṭho cintesi – ‘‘ativiya samaṇo gotamo mama vādaṃ patiṭṭhapeti, sace upari koci doso bhavissati, mamaṃ ekakaṃyeva niggaṇhissati. Handāhaṃ imaṃ vādaṃ mahājanassāpi matthake pakkhipāmī’’ti, tasmā evamāha – ahampi, bho gotama, evaṃ vadāmi rūpaṃ me attā…pe… viññāṇaṃ me attāti, ayañca mahatī janatāti. Bhagavā pana nigaṇṭhato sataguṇenapi sahassaguṇenapi satasahassaguṇenapi vādīvarataro, tasmā cintesi – ‘‘ayaṃ nigaṇṭho attānaṃ mocetvā mahājanassa matthake vādaṃ pakkhipati, nāssa attānaṃ mocetuṃ dassāmi, mahājanato nivattetvā ekakaṃyeva naṃ niggaṇhissāmī’’ti. Atha naṃ kiñhi te, aggivessanātiādimāha. Tassattho – nāyaṃ janatā mama vādaṃ āropetuṃ āgatā, tvaṃyeva sakalaṃ vesāliṃ saṃvaṭṭitvā mama vādaṃ āropetuṃ āgato, tasmā tvaṃ sakameva vādaṃ niveṭhehi, mā mahājanassa matthake pakkhipasīti. So paṭijānanto ahañhi, bho gotamātiādimāha.
357. ид̇и бхаг̇аваа ниг̇ан̣тасса ваад̣̇ам̣ бад̇идтабзд̇ваа, д̇зна хи, аг̇г̇ивзссанаад̇и бужчам̣ аарабхи. д̇ад̇т̇а д̇зна хийд̇и гааран̣ад̇т̇з нибаад̇о. яасмаа д̇вам̣ бан̃жагканд̇хз ад̇д̇ад̇о бадиж̇аанааси, д̇асмаад̇и ад̇т̇о. сагасмим̣ виж̇ид̇зд̇и ад̇д̇ано радтз. гхаад̇зд̇ааяам̣ ваа гхаад̇зд̇унд̇и гхаад̇аарахам̣ гхаад̇зд̇аб̣б̣аяуд̇д̇агам̣ гхаад̇зд̇ум̣ . ж̇аабзд̇ааяам̣ ваа ж̇аабзд̇унд̇и д̇ханаж̇аанирахам̣ ж̇аабзд̇аб̣б̣аяуд̇д̇ам̣ ж̇аабзд̇ум̣ ж̇ин̣н̣ад̇ханам̣ гаад̇ум̣. баб̣б̣ааж̇зд̇ааяам̣ ваа баб̣б̣ааж̇зд̇унд̇и сагарадтад̇о баб̣б̣ааж̇анаарахам̣ баб̣б̣ааж̇зд̇ум̣, нийхарид̇ум̣. вад̇д̇ид̇ун̃жа арахад̇ийд̇и вад̇д̇ад̇и жзва вад̇д̇ид̇ун̃жа арахад̇и. вад̇д̇ид̇ум̣ яуд̇д̇од̇и д̣̇ийбзд̇и. ид̇и ниг̇ан̣то ад̇д̇ано ваад̣̇абхзд̣̇анад̇т̇ам̣ аахадагааран̣амзва ад̇д̇ано мааран̣ад̇т̇ааяа аавуд̇хам̣ д̇икин̣ам̣ гаронд̇о вияа висзсзд̇ваа д̣̇ийбзд̇и, яат̇аа д̇ам̣ б̣аало. звам̣ мз руубам̣ ход̇ууд̇и мама руубам̣ звам̣вид̇хам̣ ход̇у, баасаад̣̇игам̣ абхируубам̣ алан̇гад̇аббадияад̇д̇ам̣ суван̣н̣ад̇оран̣ам̣ вияа сусаж̇ж̇ид̇ажид̇д̇абадо вияа жа манаабад̣̇ассананд̇и. звам̣ мз руубам̣ маа ахосийд̇и мама руубам̣ звам̣вид̇хам̣ маа ход̇у, д̣̇уб̣б̣ан̣н̣ам̣ д̣̇уссан̣тид̇ам̣ валид̇абалид̇ам̣ д̇илагасамаагин̣н̣анд̇и.
357. Iti bhagavā nigaṇṭhassa vādaṃ patiṭṭhapetvā, tena hi, aggivessanāti pucchaṃ ārabhi. Tattha tena hīti kāraṇatthe nipāto. Yasmā tvaṃ pañcakkhandhe attato paṭijānāsi, tasmāti attho. Sakasmiṃ vijiteti attano raṭṭhe. Ghātetāyaṃ vā ghātetunti ghātārahaṃ ghātetabbayuttakaṃ ghātetuṃ . Jāpetāyaṃ vā jāpetunti dhanajānirahaṃ jāpetabbayuttaṃ jāpetuṃ jiṇṇadhanaṃ kātuṃ. Pabbājetāyaṃ vā pabbājetunti sakaraṭṭhato pabbājanārahaṃ pabbājetuṃ, nīharituṃ. Vattituñca arahatīti vattati ceva vattituñca arahati. Vattituṃ yuttoti dīpeti. Iti nigaṇṭho attano vādabhedanatthaṃ āhaṭakāraṇameva attano māraṇatthāya āvudhaṃ tikhiṇaṃ karonto viya visesetvā dīpeti, yathā taṃ bālo. Evaṃ me rūpaṃ hotūti mama rūpaṃ evaṃvidhaṃ hotu, pāsādikaṃ abhirūpaṃ alaṅkatappaṭiyattaṃ suvaṇṇatoraṇaṃ viya susajjitacittapaṭo viya ca manāpadassananti. Evaṃ me rūpaṃmā ahosīti mama rūpaṃ evaṃvidhaṃ mā hotu, dubbaṇṇaṃ dussaṇṭhitaṃ valitapalitaṃ tilakasamākiṇṇanti.
д̇ун̣хий ахосийд̇и ниг̇ан̣то имасмим̣ таанз вирад̣̇д̇хабхаавам̣ н̃ад̇ваа, ‘‘саман̣о г̇од̇амо мама ваад̣̇ам̣ бхинд̣̇анад̇т̇ааяа гааран̣ам̣ аахари, ахам̣ б̣аалад̇ааяа д̇амзва висзсзд̇ваа д̣̇ийбзсим̣, ид̣̇аани надтомхи, сажз вад̇д̇ад̇ийд̇и вагкаами, имз рааж̇аано удтахид̇ваа, ‘аг̇г̇ивзссана, д̇вам̣ мама руубз васо вад̇д̇ад̇ийд̇и вад̣̇аси, яад̣̇и д̇з руубз васо вад̇д̇ад̇и, гасмаа д̇вам̣ яат̇аа имз лижчавирааж̇аано д̇аавад̇им̣сад̣̇звасад̣̇исзхи ад̇д̇абхаавзхи вирожанд̇и абхируубаа баасаад̣̇игаа, звам̣ на вирожасий’д̇и. сажз на вад̇д̇ад̇ийд̇и вагкаами, саман̣о г̇од̇амо удтахид̇ваа, ‘аг̇г̇ивзссана, д̇вам̣ буб̣б̣з вад̇д̇ад̇и мз руубасмим̣ васод̇и вад̇ваа ид̣̇аани бадигкибасий’д̇и ваад̣̇ам̣ ааробзссад̇и. ид̇и вад̇д̇ад̇ийд̇и вуд̇д̇зби зго д̣̇осо, на вад̇д̇ад̇ийд̇и вуд̇д̇зби зго д̣̇осо’’д̇и д̇ун̣хий ахоси. д̣̇уд̇ияамби бхаг̇аваа бужчи, д̣̇уд̇ияамби д̇ун̣хий ахоси. яасмаа бана яаавад̇ад̇ияам̣ бхаг̇авад̇аа бужчид̇з аб̣яаагаронд̇асса сад̇д̇ад̇хаа муд̣̇д̇хаа палад̇и, б̣уд̣̇д̇хаа жа наама сад̇д̇аанам̣язва ад̇т̇ааяа габбасад̇асахассаад̇хигаани жад̇д̇аари асан̇кязяяаани баарамийнам̣ буурид̇ад̇д̇аа сад̇д̇зсу б̣алаваануд̣̇д̣̇аяаа хонд̇и. д̇асмаа яаавад̇ад̇ияам̣ абужчид̇ваа ат̇а ко бхаг̇аваа сажжагам̣ ниг̇ан̣табуд̇д̇ам̣ зд̇ад̣̇авожа – зд̇ам̣ ‘‘б̣яаагарохий д̣̇ааний’’д̇иаад̣̇иважанам̣ авожа.
Tuṇhī ahosīti nigaṇṭho imasmiṃ ṭhāne viraddhabhāvaṃ ñatvā, ‘‘samaṇo gotamo mama vādaṃ bhindanatthāya kāraṇaṃ āhari, ahaṃ bālatāya tameva visesetvā dīpesiṃ, idāni naṭṭhomhi, sace vattatīti vakkhāmi, ime rājāno uṭṭhahitvā, ‘aggivessana, tvaṃ mama rūpe vaso vattatīti vadasi, yadi te rūpe vaso vattati, kasmā tvaṃ yathā ime licchavirājāno tāvatiṃsadevasadisehi attabhāvehi virocanti abhirūpā pāsādikā, evaṃ na virocasī’ti. Sace na vattatīti vakkhāmi, samaṇo gotamo uṭṭhahitvā, ‘aggivessana, tvaṃ pubbe vattati me rūpasmiṃ vasoti vatvā idāni paṭikkhipasī’ti vādaṃ āropessati. Iti vattatīti vuttepi eko doso, na vattatīti vuttepi eko doso’’ti tuṇhī ahosi. Dutiyampi bhagavā pucchi, dutiyampi tuṇhī ahosi. Yasmā pana yāvatatiyaṃ bhagavatā pucchite abyākarontassa sattadhā muddhā phalati, buddhā ca nāma sattānaṃyeva atthāya kappasatasahassādhikāni cattāri asaṅkhyeyyāni pāramīnaṃ pūritattā sattesu balavaanuddayā honti. Tasmā yāvatatiyaṃ apucchitvā atha kho bhagavā saccakaṃ nigaṇṭhaputtaṃ etadavoca – etaṃ ‘‘byākarohī dānī’’tiādivacanaṃ avoca.
д̇ад̇т̇а сахад̇хаммиганд̇и сахзд̇угам̣ сагааран̣ам̣. важ̇ирам̣ баан̣имхи ассаад̇и важ̇ирабаан̣и. яагкод̇и на яо ваа со ваа яагко, сагго д̣̇зварааж̇аад̇и взд̣̇ид̇аб̣б̣о. аад̣̇ид̇д̇анд̇и аг̇г̇иван̣н̣ам̣. самбаж̇ж̇алид̇анд̇и судту баж̇ж̇алид̇ам̣. саж̇од̇ибхууд̇анд̇и саманд̇ад̇о ж̇од̇ибхууд̇ам̣, згаг̇г̇иж̇аалабхууд̇анд̇и ад̇т̇о. тид̇о ход̇ийд̇и маханд̇ам̣ сийсам̣, ганд̣̇аламагуласад̣̇исаа д̣̇аатаа, бхаяаанагаани агкинаасаад̣̇ийнийд̇и звам̣ вируубаруубам̣ маабзд̇ваа тид̇о. гасмаа банзса ааг̇ад̇од̇и? д̣̇идтивиссаж̇ж̇аабанад̇т̇ам̣. абижа, ‘‘ахан̃жзва ко бана д̇хаммам̣ д̣̇зсзяяам̣, барз жа мз на ааж̇аанзяяу’’нд̇и звам̣ д̇хаммад̣̇зсанааяа аббоссуггабхаавам̣ аабаннз бхаг̇авад̇и сагго махааб̣рахмунаа сад̣̇д̇хим̣ ааг̇анд̇ваа, ‘‘бхаг̇аваа д̇хаммам̣ д̣̇зсзт̇а, д̇умхаагам̣ аан̣ааяа авад̇д̇амаанз маяам̣ вад̇д̇аабзссаама, д̇умхаагам̣ д̇хаммажаггам̣ ход̇у, амхаагам̣ аан̣аажагга’’нд̇и бадин̃н̃амагааси. д̇асмаа ‘‘аж̇ж̇а сажжагам̣ д̇аасзд̇ваа бан̃хам̣ виссаж̇ж̇аабзссаамий’’д̇и ааг̇ад̇о.
Tattha sahadhammikanti sahetukaṃ sakāraṇaṃ. Vajiraṃ pāṇimhi assāti vajirapāṇi. Yakkhoti na yo vā so vā yakkho, sakko devarājāti veditabbo. Ādittanti aggivaṇṇaṃ. Sampajjalitanti suṭṭhu pajjalitaṃ. Sajotibhūtanti samantato jotibhūtaṃ, ekaggijālabhūtanti attho. Ṭhito hotīti mahantaṃ sīsaṃ, kandalamakulasadisā dāṭhā, bhayānakāni akkhināsādīnīti evaṃ virūparūpaṃ māpetvā ṭhito. Kasmā panesa āgatoti? Diṭṭhivissajjāpanatthaṃ. Apica, ‘‘ahañceva kho pana dhammaṃ deseyyaṃ, pare ca me na ājāneyyu’’nti evaṃ dhammadesanāya appossukkabhāvaṃ āpanne bhagavati sakko mahābrahmunā saddhiṃ āgantvā, ‘‘bhagavā dhammaṃ desetha, tumhākaṃ āṇāya avattamāne mayaṃ vattāpessāma, tumhākaṃ dhammacakkaṃ hotu, amhākaṃ āṇācakka’’nti paṭiññamakāsi. Tasmā ‘‘ajja saccakaṃ tāsetvā pañhaṃ vissajjāpessāmī’’ti āgato.
бхаг̇аваа жзва бассад̇и, сажжаго жа ниг̇ан̣табуд̇д̇од̇и яад̣̇и хи д̇ам̣ ан̃н̃зби бассзяяум̣. д̇ам̣ гааран̣ам̣ аг̇ару асса, ‘‘саман̣о г̇од̇амо сажжагам̣ ад̇д̇ано ваад̣̇з анод̇аранд̇ам̣ н̃ад̇ваа яагкам̣ ааваахзд̇ваа д̣̇ассзси, д̇ад̇о сажжаго бхаязна гат̇зсий’’д̇и вад̣̇зяяум̣. д̇асмаа бхаг̇аваа жзва бассад̇и сажжаго жа. д̇асса д̇ам̣ д̣̇исваава сагаласарийрад̇о сзд̣̇аа мужжим̣су, анд̇огужчи вибаривад̇д̇амаанаа махааравам̣ рави. со ‘‘ан̃н̃зби ну ко бассанд̇ий’’д̇и ологзнд̇о гассажи ломахам̣самад̇д̇амби на ад̣̇д̣̇аса. д̇ад̇о – ‘‘ид̣̇ам̣ бхаяам̣ мамзва уббаннам̣. сажаахам̣ яагкод̇и вагкаами, ‘гим̣ д̇уяхамзва агкийни ад̇т̇и, д̇вамзва яагкам̣ бассаси, батамам̣ яагкам̣ ад̣̇исваа саман̣зна г̇од̇амзна ваад̣̇асан̇гхаадз кид̇д̇ова яагкам̣ бассасий’д̇и вад̣̇зяяу’’нд̇и жинд̇зд̇ваа – ‘‘на д̣̇аани мз ид̇ха ан̃н̃ам̣ бадисаран̣ам̣ ад̇т̇и, ан̃н̃ад̇ра саман̣аа г̇од̇амаа’’д̇и ман̃н̃амаано, ат̇а ко сажжаго ниг̇ан̣табуд̇д̇о…бз… бхаг̇аванд̇ам̣ зд̇ад̣̇авожа. д̇аан̣ам̣ г̇авзсийд̇и д̇аан̣анд̇и г̇авзсамаано. лзн̣ам̣ г̇авзсийд̇и лзн̣анд̇и г̇авзсамаано. саран̣ам̣ г̇авзсийд̇и саран̣анд̇и г̇авзсамаано. зд̇т̇а жа д̇ааяад̇и рагкад̇ийд̇и д̇аан̣ам̣. нилийяанд̇и зд̇т̇аад̇и лзн̣ам̣. сарад̇ийд̇и саран̣ам̣, бхаяам̣ хим̣сад̇и вид̣̇д̇хам̣сзд̇ийд̇и ад̇т̇о.
Bhagavāceva passati, saccako ca nigaṇṭhaputtoti yadi hi taṃ aññepi passeyyuṃ. Taṃ kāraṇaṃ agaru assa, ‘‘samaṇo gotamo saccakaṃ attano vāde anotarantaṃ ñatvā yakkhaṃ āvāhetvā dassesi, tato saccako bhayena kathesī’’ti vadeyyuṃ. Tasmā bhagavā ceva passati saccako ca. Tassa taṃ disvāva sakalasarīrato sedā mucciṃsu, antokucchi viparivattamānā mahāravaṃ ravi. So ‘‘aññepi nu kho passantī’’ti olokento kassaci lomahaṃsamattampi na addasa. Tato – ‘‘idaṃ bhayaṃ mameva uppannaṃ. Sacāhaṃ yakkhoti vakkhāmi, ‘kiṃ tuyhameva akkhīni atthi, tvameva yakkhaṃ passasi, paṭhamaṃ yakkhaṃ adisvā samaṇena gotamena vādasaṅghāṭe khittova yakkhaṃ passasī’ti vadeyyu’’nti cintetvā – ‘‘na dāni me idha aññaṃ paṭisaraṇaṃ atthi, aññatra samaṇā gotamā’’ti maññamāno, atha kho saccako nigaṇṭhaputto…pe… bhagavantaṃ etadavoca. Tāṇaṃ gavesīti tāṇanti gavesamāno. Leṇaṃ gavesīti leṇanti gavesamāno. Saraṇaṃ gavesīti saraṇanti gavesamāno. Ettha ca tāyati rakkhatīti tāṇaṃ. Nilīyanti etthāti leṇaṃ. Saratīti saraṇaṃ, bhayaṃ hiṃsati viddhaṃsetīti attho.
358. манаси гарид̇ваад̇и манамхи гад̇ваа бажжавзгкид̇ваа убад̇хаарзд̇ваа. звам̣ мз взд̣̇анаа ход̇ууд̇и гусалаава ход̇у, сукаава ход̇у. звам̣ мз сан̃н̃аа ход̇ууд̇и гусалаава ход̇у, сукаава ход̇у, соманассасамбаяуд̇д̇аава ход̇ууд̇и. сан̇кааравин̃н̃аан̣зсуби зсзва наяо. маа ахосийд̇и зд̇т̇а бана вуд̇д̇авибарияааязна ад̇т̇о взд̣̇ид̇аб̣б̣о. галлам̣ нууд̇и яуд̇д̇ам̣ ну. саманубассид̇унд̇и ‘‘зд̇ам̣ мама зсохамасми зсо мз ад̇д̇аа’’д̇и звам̣ д̇ан̣хаамаанад̣̇идтивасзна бассид̇ум̣. но хид̣̇ам̣, бхо г̇од̇амаад̇и на яуд̇д̇амзд̇ам̣, бхо г̇од̇ама. ид̇и бхаг̇аваа яат̇аа наама чзго ахид̇ун̣д̣иго саббад̣̇адтависам̣ д̇знзва саббзна буна д̣ам̣саабзд̇ваа уб̣б̣аахзяяа, звам̣ д̇ассам̣язва барисад̇и сажжагам̣ ниг̇ан̣табуд̇д̇ам̣ д̇знзва мукзна бан̃жагканд̇хаа анижжаа д̣̇угкаа анад̇д̇аад̇и вад̣̇аабзси. д̣̇угкам̣ аллийнод̇и имам̣ бан̃жагканд̇хад̣̇угкам̣ д̇ан̣хаад̣̇идтийхи аллийно. убаг̇ад̇о аж̇жхосид̇од̇иби д̇ан̣хаад̣̇идтивасзнзва взд̣̇ид̇аб̣б̣о. д̣̇угкам̣ зд̇ам̣ мамаад̇иаад̣̇ийсу бан̃жагканд̇хад̣̇угкам̣ д̇ан̣хаамаанад̣̇идтивасзна саманубассад̇ийд̇и ад̇т̇о. бариж̇аанзяяаад̇и анижжам̣ д̣̇угкам̣ анад̇д̇аад̇и д̇ийран̣абарин̃н̃ааяа барид̇о ж̇аанзяяа. баригкзбзд̇ваад̇и каяам̣ ваяам̣ ануббаад̣̇ам̣ убанзд̇ваа.
358.Manasi karitvāti manamhi katvā paccavekkhitvā upadhāretvā. Evaṃ me vedanā hotūti kusalāva hotu, sukhāva hotu. Evaṃ me saññā hotūti kusalāva hotu, sukhāva hotu, somanassasampayuttāva hotūti. Saṅkhāraviññāṇesupi eseva nayo. Mā ahosīti ettha pana vuttavipariyāyena attho veditabbo. Kallaṃ nūti yuttaṃ nu. Samanupassitunti ‘‘etaṃ mama esohamasmi eso me attā’’ti evaṃ taṇhāmānadiṭṭhivasena passituṃ. No hidaṃ, bho gotamāti na yuttametaṃ, bho gotama. Iti bhagavā yathā nāma cheko ahituṇḍiko sappadaṭṭhavisaṃ teneva sappena puna ḍaṃsāpetvā ubbāheyya, evaṃ tassaṃyeva parisati saccakaṃ nigaṇṭhaputtaṃ teneva mukhena pañcakkhandhā aniccā dukkhā anattāti vadāpesi. Dukkhaṃ allīnoti imaṃ pañcakkhandhadukkhaṃ taṇhādiṭṭhīhi allīno. Upagato ajjhositotipi taṇhādiṭṭhivaseneva veditabbo. Dukkhaṃ etaṃ mamātiādīsu pañcakkhandhadukkhaṃ taṇhāmānadiṭṭhivasena samanupassatīti attho. Parijāneyyāti aniccaṃ dukkhaṃ anattāti tīraṇapariññāya parito jāneyya. Parikkhepetvāti khayaṃ vayaṃ anuppādaṃ upanetvā.
359. наванд̇и д̇арун̣ам̣. агуггугаж̇аад̇анд̇и бубпаг̇г̇ахан̣агаалз анд̇о ан̇г̇удтаббамаан̣о зго гханад̣̇ан̣д̣аго ниб̣б̣ад̇д̇ад̇и, д̇зна вирахид̇анд̇и ад̇т̇о. рид̇д̇од̇и сун̃н̃о анд̇осааравирахид̇о. рид̇д̇ад̇д̇аава д̇ужчо. абарад̣̇д̇ход̇и барааж̇ид̇о. бхаасид̇аа ко бана д̇зд̇и ид̣̇ам̣ бхаг̇аваа д̇асса мукарабхаавам̣ багаасзд̇ваа ниг̇г̇ан̣ханд̇о ааха. со гира буб̣б̣з бууран̣аад̣̇аяо ча сад̇т̇ааро убасан̇гамид̇ваа бан̃хам̣ бужчад̇и. д̇з виссаж̇ж̇зд̇ум̣ на саггонд̇и. ат̇а нзсам̣ барисамаж̇жхз маханд̇ам̣ виббагаарам̣ ааробзд̇ваа удтааяа ж̇аяам̣ бавзд̣̇знд̇о г̇ажчад̇и. со саммаасамб̣уд̣̇д̇хамби д̇ат̇зва вихзтзссаамийд̇и сан̃н̃ааяа убасан̇гамид̇ваа –
359.Navanti taruṇaṃ. Akukkukajātanti pupphaggahaṇakāle anto aṅguṭṭhappamāṇo eko ghanadaṇḍako nibbattati, tena virahitanti attho. Rittoti suñño antosāravirahito. Rittattāva tuccho. Aparaddhoti parājito. Bhāsitā kho pana teti idaṃ bhagavā tassa mukharabhāvaṃ pakāsetvā niggaṇhanto āha. So kira pubbe pūraṇādayo cha satthāro upasaṅkamitvā pañhaṃ pucchati. Te vissajjetuṃ na sakkonti. Atha nesaṃ parisamajjhe mahantaṃ vippakāraṃ āropetvā uṭṭhāya jayaṃ pavedento gacchati. So sammāsambuddhampi tatheva viheṭhessāmīti saññāya upasaṅkamitvā –
‘‘амбхо го наама яам̣ ругко, синнабад̇д̇о саган̣даго;
‘‘Ambho ko nāma yaṃ rukkho, sinnapatto sakaṇṭako;
яад̇т̇а згаббахаарзна, уд̇д̇аман̇г̇ам̣ вибхиж̇ж̇ид̇а’’нд̇и.
Yattha ekappahārena, uttamaṅgaṃ vibhijjita’’nti.
аяам̣ кад̣̇ирам̣ аахажжа асаарагаругкабарижид̇о муд̣̇уд̇ун̣д̣асагун̣о вияа саб̣б̣ан̃н̃уд̇ан̃н̃аан̣асаарам̣ аахажжа н̃аан̣ад̇ун̣д̣абхзд̣̇ам̣ бад̇д̇о саб̣б̣ан̃н̃уд̇ан̃н̃аан̣асса т̇ад̣̇д̇хабхаавам̣ ан̃н̃ааси. д̇ад̣̇асса барисамаж̇жхз багаасзнд̇о бхаасид̇аа ко бана д̇зд̇иаад̣̇имааха. над̇т̇и зд̇арахийд̇и убаад̣̇иннагасарийрз сзд̣̇о наама над̇т̇ийд̇и на вад̇д̇аб̣б̣ам̣, зд̇арахи бана над̇т̇ийд̇и вад̣̇ад̇и. суван̣н̣аван̣н̣ам̣ гааяам̣ виварийд̇и на саб̣б̣ам̣ гааяам̣ вивари. б̣уд̣̇д̇хаа наама г̇ан̣тигам̣ бадимун̃жид̇ваа бадижчаннасарийраа барисад̇и д̇хаммам̣ д̣̇зсзнд̇и. ат̇а бхаг̇аваа г̇алаваадагасаммукадтаанз жийварам̣ г̇ахзд̇ваа жад̇уран̇г̇уламад̇д̇ам̣ од̇аарзси. од̇аарид̇амад̇д̇з бана д̇асмим̣ суван̣н̣аван̣н̣аа расмияо бун̃ж̇абун̃ж̇аа худ̇ваа суван̣н̣агхадад̇о рад̇д̇асуван̣н̣арасад̇хаараа вияа, рад̇д̇аван̣н̣авалаахагад̇о виж̇ж̇улад̇аа вияа жа нигкамид̇ваа суван̣н̣амураж̇асад̣̇исам̣ махааканд̇хам̣ уд̇д̇амасирам̣ бад̣̇агкин̣ам̣ гурумаанаа аагаасз багканд̣̇им̣су. гасмаа бана бхаг̇аваа звамагаасийд̇и? махааж̇анасса ган̇каавинод̣̇анад̇т̇ам̣. махааж̇ано хи саман̣о г̇од̇амо маяхам̣ сзд̣̇о над̇т̇ийд̇и вад̣̇ад̇и, сажжагасса д̇аава ниг̇ан̣табуд̇д̇асса яанд̇аарул̣хасса вияа сзд̣̇аа баг̇гхаранд̇и. саман̣о бана г̇од̇амо гханад̣̇убаддажийварам̣ баарубид̇ваа нисинно, анд̇о сзд̣̇асса ад̇т̇ид̇аа ваа над̇т̇ид̇аа ваа гат̇ам̣ саггаа н̃аад̇унд̇и ган̇кам̣ гарзяяа, д̇асса ган̇каавинод̣̇анад̇т̇ам̣ звамагааси. ман̇губхууд̇од̇и нид̇д̇зж̇абхууд̇о. бад̇д̇агканд̇ход̇и бад̇ид̇агканд̇хо. аббадибхаанод̇и уд̇д̇ари аббассанд̇о. нисийд̣̇ийд̇и баад̣̇ан̇г̇удтагзна бхуумим̣ гасамаано нисийд̣̇и.
Ayaṃ khadiraṃ āhacca asārakarukkhaparicito mudutuṇḍasakuṇo viya sabbaññutaññāṇasāraṃ āhacca ñāṇatuṇḍabhedaṃ patto sabbaññutaññāṇassa thaddhabhāvaṃ aññāsi. Tadassa parisamajjhe pakāsento bhāsitā kho pana tetiādimāha. Natthi etarahīti upādinnakasarīre sedo nāma natthīti na vattabbaṃ, etarahi pana natthīti vadati. Suvaṇṇavaṇṇaṃ kāyaṃ vivarīti na sabbaṃ kāyaṃ vivari. Buddhā nāma gaṇṭhikaṃ paṭimuñcitvā paṭicchannasarīrā parisati dhammaṃ desenti. Atha bhagavā galavāṭakasammukhaṭṭhāne cīvaraṃ gahetvā caturaṅgulamattaṃ otāresi. Otāritamatte pana tasmiṃ suvaṇṇavaṇṇā rasmiyo puñjapuñjā hutvā suvaṇṇaghaṭato rattasuvaṇṇarasadhārā viya, rattavaṇṇavalāhakato vijjulatā viya ca nikkhamitvā suvaṇṇamurajasadisaṃ mahākhandhaṃ uttamasiraṃ padakkhiṇaṃ kurumānā ākāse pakkhandiṃsu. Kasmā pana bhagavā evamakāsīti? Mahājanassa kaṅkhāvinodanatthaṃ. Mahājano hi samaṇo gotamo mayhaṃ sedo natthīti vadati, saccakassa tāva nigaṇṭhaputtassa yantāruḷhassa viya sedā paggharanti. Samaṇo pana gotamo ghanadupaṭṭacīvaraṃ pārupitvā nisinno, anto sedassa atthitā vā natthitā vā kathaṃ sakkā ñātunti kaṅkhaṃ kareyya, tassa kaṅkhāvinodanatthaṃ evamakāsi. Maṅkubhūtoti nittejabhūto. Pattakkhandhoti patitakkhandho. Appaṭibhānoti uttari appassanto. Nisīdīti pādaṅguṭṭhakena bhūmiṃ kasamāno nisīdi.
360. д̣̇уммукод̇и на вируубамуко, абхируубо хи со баасаад̣̇иго. наамам̣ банасса зд̇ам̣. абхаб̣б̣о д̇ам̣ богкаран̣им̣ буна од̇арид̇унд̇и саб̣б̣зсам̣ ал̣аанам̣ бхаг̇г̇ад̇д̇аа бажчиннаг̇амано од̇арид̇ум̣ абхаб̣б̣о, д̇ад̇т̇зва гаагагулалаад̣̇ийнам̣ бхад̇д̇ам̣ ход̇ийд̇и д̣̇ассзд̇и. висуугааяигаанийд̇и д̣̇идтивисуугаани. висзвид̇аанийд̇и д̣̇идтисан̃жарид̇аани. вибпанд̣̇ид̇аанийд̇и д̣̇идтивибпанд̣̇ид̇аани. яад̣̇ид̣̇ам̣ ваад̣̇аад̇хиббааяод̇и зд̇т̇а яад̣̇ид̣̇анд̇и нибаад̇амад̇д̇ам̣; ваад̣̇аад̇хиббааяо худ̇ваа ваад̣̇ам̣ ааробзссаамийд̇и аж̇жхаасаязна убасан̇гамид̇ум̣ абхаб̣б̣о; д̇хаммассаванааяа бана убасан̇гамзяяаад̇и д̣̇ассзд̇и. д̣̇уммукам̣ лижчавибуд̇д̇ам̣ зд̇ад̣̇авожаад̇и гасмаа авожа ? д̣̇уммукасса гирасса убамаахаран̣агаалз сзса лижчавигумаарааби жинд̇зсум̣ – ‘‘иминаа ниг̇ан̣тзна амхаагам̣ сиббуг̇г̇ахан̣адтаанз жирам̣ авамаано гад̇о, аяам̣ д̣̇аани амид̇д̇асса бидтим̣ бассид̇ум̣ гаало. маяамби згзгам̣ убамам̣ аахарид̇ваа баан̣иббахаарзна бад̇ид̇ам̣ муг̇г̇арзна бот̇знд̇о вияа д̇ат̇аа нам̣ гариссаама, яат̇аа на буна барисамаж̇жхз сийсам̣ угкибид̇ум̣ сагкиссад̇ий’’д̇и, д̇з обаммаани гарид̇ваа д̣̇уммукасса гат̇аабарияосаанам̣ ааг̇амаяамаанаа нисийд̣̇им̣су. сажжаго д̇зсам̣ ад̇хиббааяам̣ н̃ад̇ваа, имз саб̣б̣зва г̇ийвам̣ угкибид̇ваа одтзхи жаламаанзхи тид̇аа; сажз бажжзгаа убамаа харид̇ум̣ лабхиссанд̇и, буна маяаа барисамаж̇жхз сийсам̣ угкибид̇ум̣ на саггаа бхависсад̇и, ханд̣̇аахам̣ д̣̇уммукам̣ абасаад̣̇зд̇ваа яат̇аа ан̃н̃асса огаасо на ход̇и, звам̣ гат̇ааваарам̣ бажчинд̣̇ид̇ваа саман̣ам̣ г̇од̇амам̣ бан̃хам̣ бужчиссаамийд̇и д̇асмаа зд̇ад̣̇авожа. д̇ад̇т̇а ааг̇амзхийд̇и д̇идта, маа буна бхан̣аахийд̇и ад̇т̇о.
360.Dummukhoti na virūpamukho, abhirūpo hi so pāsādiko. Nāmaṃ panassa etaṃ. Abhabbo taṃ pokkharaṇiṃ puna otaritunti sabbesaṃ aḷānaṃ bhaggattā pacchinnagamano otarituṃ abhabbo, tattheva kākakulalādīnaṃ bhattaṃ hotīti dasseti. Visūkāyikānīti diṭṭhivisūkāni. Visevitānīti diṭṭhisañcaritāni. Vipphanditānīti diṭṭhivipphanditāni. Yadidaṃ vādādhippāyoti ettha yadidanti nipātamattaṃ; vādādhippāyo hutvā vādaṃ āropessāmīti ajjhāsayena upasaṅkamituṃ abhabbo; dhammassavanāya pana upasaṅkameyyāti dasseti. Dummukhaṃ licchaviputtaṃ etadavocāti kasmā avoca ? Dummukhassa kirassa upamāharaṇakāle sesa licchavikumārāpi cintesuṃ – ‘‘iminā nigaṇṭhena amhākaṃ sippuggahaṇaṭṭhāne ciraṃ avamāno kato, ayaṃ dāni amittassa piṭṭhiṃ passituṃ kālo. Mayampi ekekaṃ upamaṃ āharitvā pāṇippahārena patitaṃ muggarena pothento viya tathā naṃ karissāma, yathā na puna parisamajjhe sīsaṃ ukkhipituṃ sakkhissatī’’ti, te opammāni karitvā dummukhassa kathāpariyosānaṃ āgamayamānā nisīdiṃsu. Saccako tesaṃ adhippāyaṃ ñatvā, ime sabbeva gīvaṃ ukkhipitvā oṭṭhehi calamānehi ṭhitā; sace paccekā upamā harituṃ labhissanti, puna mayā parisamajjhe sīsaṃ ukkhipituṃ na sakkā bhavissati, handāhaṃ dummukhaṃ apasādetvā yathā aññassa okāso na hoti, evaṃ kathāvāraṃ pacchinditvā samaṇaṃ gotamaṃ pañhaṃ pucchissāmīti tasmā etadavoca. Tattha āgamehīti tiṭṭha, mā puna bhaṇāhīti attho.
361. д̇идтад̇зсаа, бхо г̇од̇амаад̇и, бхо г̇од̇ама, зсаа амхааган̃жзва ан̃н̃зсан̃жа бут̇усаман̣аб̣раахман̣аанам̣ ваажаа д̇идтад̇у. вилаабам̣ вилабид̇ам̣ ман̃н̃зд̇и зд̇ан̃хи важанам̣ вилабид̇ам̣ вияа ход̇и, виббалабид̇амад̇д̇ам̣ ход̇ийд̇и ад̇т̇о. ат̇а ваа д̇идтад̇зсаад̇и зд̇т̇а гат̇аад̇и аахарид̇ваа вад̇д̇аб̣б̣аа. ваажаавилаабам̣ вилабид̇ам̣ ман̃н̃зд̇и зд̇т̇а банид̣̇ам̣ ваажаанижчааран̣ам̣ вилабид̇амад̇д̇ам̣ ман̃н̃з ход̇ийд̇и ад̇т̇о.
361.Tiṭṭhatesā, bho gotamāti, bho gotama, esā amhākañceva aññesañca puthusamaṇabrāhmaṇānaṃ vācā tiṭṭhatu. Vilāpaṃ vilapitaṃ maññeti etañhi vacanaṃ vilapitaṃ viya hoti, vippalapitamattaṃ hotīti attho. Atha vā tiṭṭhatesāti ettha kathāti āharitvā vattabbā. Vācāvilāpaṃ vilapitaṃ maññeti ettha panidaṃ vācānicchāraṇaṃ vilapitamattaṃ maññe hotīti attho.
ид̣̇аани бан̃хам̣ бужчанд̇о гид̇д̇аавад̇аад̇иаад̣̇имааха. д̇ад̇т̇а взсаараж̇ж̇абад̇д̇од̇и н̃аан̣абад̇д̇о. абараббажжаяод̇и абараббад̇д̇ияо. ат̇асса бхаг̇аваа бан̃хам̣ виссаж̇ж̇знд̇о ид̇ха, аг̇г̇ивзссанаад̇иаад̣̇имааха, д̇ам̣ уд̇д̇аанад̇т̇амзва. яасмаа банзд̇т̇а бассад̇ийд̇и вуд̇д̇ад̇д̇аа сзгкабхууми д̣̇ассид̇аа. д̇асмаа уд̇д̇ари асзгкабхуумим̣ бужчанд̇о д̣̇уд̇ияам̣ бан̃хам̣ бужчи, д̇амбисса бхаг̇аваа б̣яаагааси . д̇ад̇т̇а д̣̇ассанаануд̇д̇ариязнаад̇иаад̣̇ийсу д̣̇ассанаануд̇д̇арияанд̇и логияалогуд̇д̇араа бан̃н̃аа. бадибад̣̇аануд̇д̇арияанд̇и логияалогуд̇д̇араа бадибад̣̇аа. вимуд̇д̇аануд̇д̇арияанд̇и логияалогуд̇д̇араа вимуд̇д̇и. суд̣̇д̇халогуд̇д̇арамзва ваа г̇ахзд̇ваа д̣̇ассанаануд̇д̇арияанд̇и арахад̇д̇амаг̇г̇асаммаад̣̇идти. бадибад̣̇аануд̇д̇арияанд̇и сзсаани маг̇г̇ан̇г̇аани. вимуд̇д̇аануд̇д̇арияанд̇и аг̇г̇апалавимуд̇д̇и. кийн̣аасавасса ваа ниб̣б̣аанад̣̇ассанам̣ д̣̇ассанаануд̇д̇арияам̣ наама. маг̇г̇ан̇г̇аани бадибад̣̇аануд̇д̇арияам̣. аг̇г̇апалам̣ вимуд̇д̇аануд̇д̇арияанд̇и взд̣̇ид̇аб̣б̣ам̣. б̣уд̣̇д̇хо со бхаг̇аваад̇и со бхаг̇аваа саяамби жад̇д̇аари сажжаани б̣уд̣̇д̇хо. б̣од̇хааяаад̇и барзсамби жад̇усажжаб̣од̇хааяа д̇хаммам̣ д̣̇зсзд̇и. д̣̇анд̇од̇иаад̣̇ийсу д̣̇анд̇од̇и ниб̣б̣исзвано. д̣̇амат̇ааяаад̇и ниб̣б̣исзванад̇т̇ааяа. санд̇од̇и саб̣б̣агилзсавуубасамзна санд̇о. самат̇ааяаад̇и гилзсавуубасамааяа. д̇ин̣н̣од̇и жад̇урогхад̇ин̣н̣о. д̇аран̣ааяаад̇и жад̇урогхад̇аран̣ааяа. бариниб̣б̣уд̇од̇и гилзсабариниб̣б̣аанзна бариниб̣б̣уд̇о. бариниб̣б̣аанааяаад̇и гилзсабариниб̣б̣аанад̇т̇ааяа.
Idāni pañhaṃ pucchanto kittāvatātiādimāha. Tattha vesārajjapattoti ñāṇapatto. Aparappaccayoti aparappattiyo. Athassa bhagavā pañhaṃ vissajjento idha, aggivessanātiādimāha, taṃ uttānatthameva. Yasmā panettha passatīti vuttattā sekkhabhūmi dassitā. Tasmā uttari asekkhabhūmiṃ pucchanto dutiyaṃ pañhaṃ pucchi, tampissa bhagavā byākāsi . Tattha dassanānuttariyenātiādīsu dassanānuttariyanti lokiyalokuttarā paññā. Paṭipadānuttariyanti lokiyalokuttarā paṭipadā. Vimuttānuttariyanti lokiyalokuttarā vimutti. Suddhalokuttarameva vā gahetvā dassanānuttariyanti arahattamaggasammādiṭṭhi. Paṭipadānuttariyanti sesāni maggaṅgāni. Vimuttānuttariyanti aggaphalavimutti. Khīṇāsavassa vā nibbānadassanaṃ dassanānuttariyaṃ nāma. Maggaṅgāni paṭipadānuttariyaṃ. Aggaphalaṃ vimuttānuttariyanti veditabbaṃ. Buddho so bhagavāti so bhagavā sayampi cattāri saccāni buddho. Bodhāyāti paresampi catusaccabodhāya dhammaṃ deseti. Dantotiādīsu dantoti nibbisevano. Damathāyāti nibbisevanatthāya. Santoti sabbakilesavūpasamena santo. Samathāyāti kilesavūpasamāya. Tiṇṇoti caturoghatiṇṇo. Taraṇāyāti caturoghataraṇāya. Parinibbutoti kilesaparinibbānena parinibbuto. Parinibbānāyāti kilesaparinibbānatthāya.
362. д̇хам̣сийд̇и г̇ун̣ад̇хам̣сагаа. баг̇аб̣б̣аад̇и ваажаабааг̇аб̣б̣иязна саманнааг̇ад̇аа. аасаад̣̇зд̇аб̣б̣анд̇и гхаддзд̇аб̣б̣ам̣. аасаж̇ж̇аад̇и гхаддзд̇ваа. над̇взва бхаванд̇ам̣ г̇од̇аманд̇и бхаванд̇ам̣ г̇од̇амам̣ аасаж̇ж̇а гассажи ад̇д̇ано ваад̣̇ам̣ анубахад̇ам̣ сагалам̣ аад̣̇ааяа баггамид̇ум̣ т̇аамо над̇т̇ийд̇и д̣̇ассзд̇и. на хи бхаг̇аваа хад̇т̇иаад̣̇аяо вияа гассажи ж̇ийвид̇анд̇арааяам̣ гарод̇и. аяам̣ бана ниг̇ан̣то имаа д̇иссо убамаа на бхаг̇авад̇о уггам̣санад̇т̇ам̣ аахари, ад̇д̇уггам̣санад̇т̇амзва аахари. яат̇аа хи рааж̇аа ган̃жи бажжад̇т̇игам̣ гхаад̇зд̇ваа звам̣ наама сууро звам̣ т̇аамасамбанно бурисо бхависсад̇ийд̇и бажжад̇т̇игам̣ т̇омзнд̇оби ад̇д̇аанамзва т̇омзд̇и. звамзва соби сияаа хи, бхо г̇од̇ама, хад̇т̇им̣ бабхиннанд̇иаад̣̇ийхи бхаг̇аванд̇ам̣ уггам̣сзнд̇оби маяамзва суураа маяам̣ бан̣д̣ид̇аа маяам̣ б̣ахуссуд̇ааязва звам̣ бабхиннахад̇т̇им̣ вияа, ж̇алид̇ааг̇г̇игканд̇хам̣ вияа, пан̣агад̇ааасийвисам̣ вияа жа ваад̣̇ад̇т̇игаа саммаасамб̣уд̣̇д̇хам̣ убасан̇гамимхаад̇и ад̇д̇аанам̣язва уггам̣сзд̇и. звам̣ ад̇д̇аанам̣ уггам̣сзд̇ваа бхаг̇аванд̇ам̣ ниманд̇аяамаано ад̇хиваасзд̇у мзд̇иаад̣̇имааха. д̇ад̇т̇а ад̇хиваасзд̇ууд̇и самбадижчад̇у. сваад̇анааяаад̇и яам̣ мз д̇умхзсу гаарам̣ гарод̇о свз бхависсад̇и бун̃н̃ан̃жа бийд̇ибаамож̇ж̇ан̃жа, д̇ад̣̇ад̇т̇ааяа. ад̇хиваасзси бхаг̇аваа д̇ун̣хийбхаавзнаад̇и бхаг̇аваа гааяан̇г̇ам̣ ваа ваажан̇г̇ам̣ ваа ажобзд̇ваа аб̣бханд̇арзязва канд̇им̣ д̇хаарзнд̇о д̇ун̣хийбхаавзна ад̇хиваасзси. сажжагасса ануг̇г̇ахагаран̣ад̇т̇ам̣ манасаава самбадижчийд̇и вуд̇д̇ам̣ ход̇и.
362.Dhaṃsīti guṇadhaṃsakā. Pagabbāti vācāpāgabbiyena samannāgatā. Āsādetabbanti ghaṭṭetabbaṃ. Āsajjāti ghaṭṭetvā. Natveva bhavantaṃ gotamanti bhavantaṃ gotamaṃ āsajja kassaci attano vādaṃ anupahataṃ sakalaṃ ādāya pakkamituṃ thāmo natthīti dasseti. Na hi bhagavā hatthiādayo viya kassaci jīvitantarāyaṃ karoti. Ayaṃ pana nigaṇṭho imā tisso upamā na bhagavato ukkaṃsanatthaṃ āhari, attukkaṃsanatthameva āhari. Yathā hi rājā kañci paccatthikaṃ ghātetvā evaṃ nāma sūro evaṃ thāmasampanno puriso bhavissatīti paccatthikaṃ thomentopi attānameva thometi. Evameva sopi siyā hi, bho gotama, hatthiṃ pabhinnantiādīhi bhagavantaṃ ukkaṃsentopi mayameva sūrā mayaṃ paṇḍitā mayaṃ bahussutāyeva evaṃ pabhinnahatthiṃ viya, jalitaaggikkhandhaṃ viya, phaṇakataāsīvisaṃ viya ca vādatthikā sammāsambuddhaṃ upasaṅkamimhāti attānaṃyeva ukkaṃseti. Evaṃ attānaṃ ukkaṃsetvā bhagavantaṃ nimantayamāno adhivāsetu metiādimāha. Tattha adhivāsetūti sampaṭicchatu. Svātanāyāti yaṃ me tumhesu kāraṃ karoto sve bhavissati puññañca pītipāmojjañca, tadatthāya. Adhivāsesi bhagavā tuṇhībhāvenāti bhagavā kāyaṅgaṃ vā vācaṅgaṃ vā acopetvā abbhantareyeva khantiṃ dhārento tuṇhībhāvena adhivāsesi. Saccakassa anuggahakaraṇatthaṃ manasāva sampaṭicchīti vuttaṃ hoti.
363. яамасса бад̇ируубам̣ ман̃н̃зяяаат̇аад̇и д̇з гира лижчавий д̇асса бан̃жат̇аалибаагасад̇аани нижжабхад̇д̇ам̣ аахаранд̇и . д̇ад̣̇зва санд̇хааяа зса свз д̇умхз яам̣ асса саман̣асса г̇од̇амасса бад̇ируубам̣ габбияанд̇и ман̃н̃зяяаат̇а, д̇ам̣ аахарзяяаат̇а; саман̣асса хи г̇од̇амасса д̇умхз барижаарагаа габбияаагаббияам̣ яуд̇д̇ааяуд̇д̇ам̣ ж̇аанаат̇аад̇и вад̣̇ад̇и. бхад̇д̇аабхихаарам̣ абхихарим̣сууд̇и абхихарид̇аб̣б̣ам̣ бхад̇д̇ам̣ абхихарим̣су. бан̣ийд̇знаад̇и уд̇д̇амзна. сахад̇т̇аад̇и сахад̇т̇зна. санд̇аббзд̇ваад̇и судту д̇аббзд̇ваа, барибун̣н̣ам̣ сухид̇ам̣ яаавад̣̇ад̇т̇ам̣ гад̇ваа. самбаваарзд̇ваад̇и судту баваарзд̇ваа, алам̣ аланд̇и хад̇т̇асан̃н̃ааяа бадигкибаабзд̇ваа. бхуд̇д̇аавинд̇и бхуд̇д̇аванд̇ам̣. онийд̇абад̇д̇абаан̣инд̇и бад̇д̇ад̇о онийд̇абаан̣им̣, абанийд̇ахад̇т̇анд̇и вуд̇д̇ам̣ ход̇и. ‘‘онид̇д̇абад̇д̇абаан̣и’’нд̇иби баато, д̇ассад̇т̇о, онид̇д̇ам̣ наанаабхууд̇ам̣ бад̇д̇ам̣ баан̣ид̇о ассаад̇и онид̇д̇абад̇д̇абаан̣ий. д̇ам̣ онид̇д̇абад̇д̇абаан̣им̣, хад̇т̇з жа бад̇д̇ан̃жа д̇ховид̇ваа згаманд̇з бад̇д̇ам̣ нигкибид̇ваа нисиннанд̇и ад̇т̇о. згаманд̇ам̣ нисийд̣̇ийд̇и бхаг̇аванд̇ам̣ звам̣бхууд̇ам̣ н̃ад̇ваа згасмим̣ огаасз нисийд̣̇ийд̇и ад̇т̇о. бун̃н̃ан̃жаад̇и яам̣ имасмим̣ д̣̇аанз бун̃н̃ам̣, ааяад̇им̣ вибаагагканд̇хаад̇и ад̇т̇о. бун̃н̃амахийд̇и вибаагагканд̇хаанам̣язва баривааро. д̇ам̣ д̣̇ааяагаанам̣ сукааяа ход̇ууд̇и д̇ам̣ имзсам̣ лижчавийнам̣ сукад̇т̇ааяа ход̇у. ид̣̇ам̣ гира со ахам̣ баб̣б̣аж̇ид̇о наама, баб̣б̣аж̇ид̇зна жа на яуд̇д̇ам̣ ад̇д̇ано д̣̇аанам̣ нияяаад̇зд̇унд̇и д̇зсам̣ нияяаад̇знд̇о звамааха. ат̇а бхаг̇аваа яасмаа лижчавийхи сажжагасса д̣̇иннам̣, на бхаг̇авад̇о. сажжагзна бана бхаг̇авад̇о д̣̇иннам̣, д̇асмаа д̇амад̇т̇ам̣ д̣̇ийбзнд̇о яам̣ ко, аг̇г̇ивзссанаад̇иаад̣̇имааха. ид̇и бхаг̇аваа ниг̇ан̣тасса мад̇зна винааязва ад̇д̇ано д̣̇иннам̣ д̣̇агкин̣ам̣ ниг̇ан̣тасса нияяаад̇зси, саа жасса анааг̇ад̇з ваасанаа бхависсад̇ийд̇и.
363.Yamassa patirūpaṃ maññeyyāthāti te kira licchavī tassa pañcathālipākasatāni niccabhattaṃ āharanti . Tadeva sandhāya esa sve tumhe yaṃ assa samaṇassa gotamassa patirūpaṃ kappiyanti maññeyyātha, taṃ āhareyyātha; samaṇassa hi gotamassa tumhe paricārakā kappiyākappiyaṃ yuttāyuttaṃ jānāthāti vadati. Bhattābhihāraṃ abhihariṃsūti abhiharitabbaṃ bhattaṃ abhihariṃsu. Paṇītenāti uttamena. Sahatthāti sahatthena. Santappetvāti suṭṭhu tappetvā, paripuṇṇaṃ suhitaṃ yāvadatthaṃ katvā. Sampavāretvāti suṭṭhu pavāretvā, alaṃ alanti hatthasaññāya paṭikkhipāpetvā. Bhuttāvinti bhuttavantaṃ. Onītapattapāṇinti pattato onītapāṇiṃ, apanītahatthanti vuttaṃ hoti. ‘‘Onittapattapāṇi’’ntipi pāṭho, tassattho, onittaṃ nānābhūtaṃ pattaṃ pāṇito assāti onittapattapāṇī. Taṃ onittapattapāṇiṃ, hatthe ca pattañca dhovitvā ekamante pattaṃ nikkhipitvā nisinnanti attho. Ekamantaṃ nisīdīti bhagavantaṃ evaṃbhūtaṃ ñatvā ekasmiṃ okāse nisīdīti attho. Puññañcāti yaṃ imasmiṃ dāne puññaṃ, āyatiṃ vipākakkhandhāti attho. Puññamahīti vipākakkhandhānaṃyeva parivāro. Taṃ dāyakānaṃ sukhāya hotūti taṃ imesaṃ licchavīnaṃ sukhatthāya hotu. Idaṃ kira so ahaṃ pabbajito nāma, pabbajitena ca na yuttaṃ attano dānaṃ niyyātetunti tesaṃ niyyātento evamāha. Atha bhagavā yasmā licchavīhi saccakassa dinnaṃ, na bhagavato. Saccakena pana bhagavato dinnaṃ, tasmā tamatthaṃ dīpento yaṃ kho, aggivessanātiādimāha. Iti bhagavā nigaṇṭhassa matena vināyeva attano dinnaṃ dakkhiṇaṃ nigaṇṭhassa niyyātesi, sā cassa anāgate vāsanā bhavissatīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣асажжагасуд̇д̇аван̣н̣анаа нидтид̇аа.
Cūḷasaccakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. жуул̣асажжагасуд̇д̇ам̣ • 5. Cūḷasaccakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. жуул̣асажжагасуд̇д̇аван̣н̣анаа • 5. Cūḷasaccakasuttavaṇṇanā
