| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. жуул̣асагулуд̣̇ааяисуд̇д̇аван̣н̣анаа
9. Cūḷasakuludāyisuttavaṇṇanā
271. бан̃ход̇и н̃аад̇ум̣ ижчид̇о ад̇т̇о, д̇ад̣̇зва д̇хаммад̣̇зсанааяа нимид̇д̇абхаавад̇о гааран̣ам̣. убадтаад̇ууд̇и н̃аан̣асса г̇ожарабхаавам̣ убаг̇ажчад̇у. язна гааран̣знаад̇и язна д̇уяхам̣ убадтид̇зна гааран̣зна д̇хаммад̣̇зсанаа убадтахзяяа, д̇ам̣ бана бариб̣б̣ааж̇агасса аж̇жхаасаяавасзна д̇ат̇аа вуд̇д̇ам̣. д̇знааха ‘‘зд̇зна хи…бз… д̣̇ийбзд̇ий’’д̇и. зган̇г̇ан̣аанийд̇и бид̇хаанаабхаавзна зган̇г̇ан̣асад̣̇исаани. д̇знааха ‘‘баагадааний’’д̇и.
271.Pañhoti ñātuṃ icchito attho, tadeva dhammadesanāya nimittabhāvato kāraṇaṃ. Upaṭṭhātūti ñāṇassa gocarabhāvaṃ upagacchatu. Yena kāraṇenāti yena tuyhaṃ upaṭṭhitena kāraṇena dhammadesanā upaṭṭhaheyya, taṃ pana paribbājakassa ajjhāsayavasena tathā vuttaṃ. Tenāha ‘‘etena hi…pe… dīpetī’’ti. Ekaṅgaṇānīti pidhānābhāvena ekaṅgaṇasadisāni. Tenāha ‘‘pākaṭānī’’ti.
ж̇аананд̇од̇и ад̇д̇ано д̇ат̇аабхаавам̣ саяам̣ ж̇аананд̇о. саггажжам̣ суссуусад̇ийд̇и ‘‘д̇ат̇аабхууд̇ам̣язва мам̣ д̇ат̇аа авожаа’’д̇и саад̣̇арам̣ суссуусад̇и. д̇асмаад̇и д̣̇иб̣б̣ажагкулаабхино анааг̇ад̇ам̣сан̃аан̣алаабхад̇о. звамаахаад̇и ‘‘яо ко, уд̣̇ааяи, д̣̇иб̣б̣зна жагкунаа’’д̇и аарабхид̇ваа ‘‘со ваа мам̣ абаранд̇ам̣ аараб̣бха бан̃хам̣ бужчзяяаа’’д̇и звам̣ авожа.
Jānantoti attano tathābhāvaṃ sayaṃ jānanto. Sakkaccaṃ sussūsatīti ‘‘tathābhūtaṃyeva maṃ tathā avocā’’ti sādaraṃ sussūsati. Tasmāti dibbacakkhulābhino anāgataṃsañāṇalābhato. Evamāhāti ‘‘yo kho, udāyi, dibbena cakkhunā’’ti ārabhitvā ‘‘so vā maṃ aparantaṃ ārabbha pañhaṃ puccheyyā’’ti evaṃ avoca.
ид̇аранд̇и авасидтам̣ имасмим̣ таанз вад̇д̇аб̣б̣ам̣. вуд̇д̇анаяамзваад̇и ‘‘яо хи лаабхий’’д̇иаад̣̇инаа вуд̇д̇анаяамзва. ад̇ийд̇зд̇и буб̣б̣зниваасаануссад̇ин̃аан̣асса висаяабхууд̇з ад̇т̇з. анааг̇ад̇зд̇и анааг̇ад̇ам̣сан̃аан̣асса висаяабхууд̇з анааг̇ад̇з ад̇т̇з.
Itaranti avasiṭṭhaṃ imasmiṃ ṭhāne vattabbaṃ. Vuttanayamevāti ‘‘yo hi lābhī’’tiādinā vuttanayameva. Atīteti pubbenivāsānussatiñāṇassa visayabhūte atthe. Anāgateti anāgataṃsañāṇassa visayabhūte anāgate atthe.
бам̣субад̣̇зсз ниб̣б̣ад̇д̇анад̇о бам̣сусамогин̣н̣асарийрад̇ааяа бам̣субисаажагам̣. згам̣ муулам̣ г̇ахзд̇ваад̇и д̣̇ийгхасо хздтиманд̇зна жад̇уран̇г̇улам̣, убариманд̇зна вид̣̇ад̇т̇игам̣ ругкаг̇ажчалад̇аад̣̇ийсу яасса гассажи згам̣ муулам̣ г̇ахзд̇ваа ан̃н̃аж̇аад̇игаанам̣ ад̣̇иссамаанагааяо ход̇и. аяам̣ гира нзсам̣ ж̇аад̇исид̣̇д̇хаа д̇хаммад̇аа. д̇ад̇раад̇и д̇асса муулавасзна ад̣̇иссамаанагад̇ааяа. на д̣̇иссад̇и н̃аан̣зна на бассад̇и.
Paṃsupadese nibbattanato paṃsusamokiṇṇasarīratāya paṃsupisācakaṃ. Ekaṃ mūlaṃ gahetvāti dīghaso heṭṭhimantena caturaṅgulaṃ, uparimantena vidatthikaṃ rukkhagacchalatādīsu yassa kassaci ekaṃ mūlaṃ gahetvā aññajātikānaṃ adissamānakāyo hoti. Ayaṃ kira nesaṃ jātisiddhā dhammatā. Tatrāti tassa mūlavasena adissamānakatāya. Na dissati ñāṇena na passati.
272. на жа ад̇т̇ам̣ д̣̇ийбзяяаад̇и ад̇хиббзд̇амад̇т̇ам̣ саа ваажаа саруубад̇о на жа д̣̇ийбзяяа, гзвалам̣ ваажаамад̇д̇амзваад̇и ад̇хиббааяо. бадихарид̇аб̣б̣адтзна барасанд̇аанз нзд̇аб̣б̣адтзна бадихаарияа-сад̣̇д̣̇ад̣̇ваарзна вин̃н̃аад̇аб̣б̣о бхаавад̇т̇о, сова баадихийраго нируд̇д̇инаязна, над̇т̇и зд̇асса баадихийраганд̇и аббаадихийрагад̇ам̣, д̇а-сад̣̇д̣̇зна бад̣̇ам̣ вад̣дхзд̇ваа д̇ат̇аа вуд̇д̇ам̣, анияяаанам̣. д̇знааха ‘‘нирад̇т̇агам̣ самбаж̇ж̇ад̇ий’’д̇и. субхагин̣хад̣̇звалогз канд̇хаа вияа ж̇од̇зд̇ийд̇и иминаа – ‘‘д̣̇иб̣б̣о руубий маномаяо саб̣б̣ан̇г̇абажжан̇г̇ий ахийнинд̣̇рияо ад̇д̇аа’’д̇и имамад̇т̇ам̣ д̣̇ассзд̇и.
272.Na ca atthaṃ dīpeyyāti adhippetamatthaṃ sā vācā sarūpato na ca dīpeyya, kevalaṃ vācāmattamevāti adhippāyo. Paṭiharitabbaṭṭhena parasantāne netabbaṭṭhena paṭihāriya-saddadvārena viññātabbo bhāvattho, sova pāṭihīrako niruttinayena, natthi etassa pāṭihīrakanti appāṭihīrakataṃ, ta-saddena padaṃ vaḍḍhetvā tathā vuttaṃ, aniyyānaṃ. Tenāha ‘‘niratthakaṃ sampajjatī’’ti. Subhakiṇhadevaloke khandhā viya jotetīti iminā – ‘‘dibbo rūpī manomayo sabbaṅgapaccaṅgī ahīnindriyo attā’’ti imamatthaṃ dasseti.
273. саубасаг̇г̇абад̣̇асса ад̇т̇о убасаг̇г̇зна винааби вин̃н̃ааяад̇ийд̇и ааха ‘‘вид̣̇д̇хзд̇и уб̣б̣ид̣̇д̇хз’’д̇и. саа жасса уб̣б̣ид̣̇д̇хад̇аа убаггилзсавиг̇амзна сужибхаавзна убадтаананд̇и ааха ‘‘мзгхавиг̇амзна д̣̇уурийбхууд̇з’’д̇и. инд̣̇анийламан̣и вияа д̣̇иб̣б̣ад̇и ж̇од̇зд̇ийд̇и д̣̇зво, аагаасо. ‘‘ад̣дхарад̇д̇асамаяз’’д̇и вад̇д̇аб̣б̣з бхуммад̇т̇з вихид̇аважанаанам̣ ажжанд̇асам̣яог̇аабхааваа убаяог̇аважанам̣ взд̣̇ид̇аб̣б̣ам̣. бун̣н̣амаасияан̃хи г̇аг̇анамаж̇жхасса бурад̇о ваа бажчад̇о ваа анд̇з тид̇з ад̣дхарад̇д̇з самаяо бхинно наама ход̇и, маж̇жхз зва бана тид̇о абхинно наама. д̇знааха ‘‘абхиннз ад̣дхарад̇д̇асамаяз’’д̇и.
273. Saupasaggapadassa attho upasaggena vināpi viññāyatīti āha ‘‘viddheti ubbiddhe’’ti. Sā cassa ubbiddhatā upakkilesavigamena sucibhāvena upaṭṭhānanti āha ‘‘meghavigamena dūrībhūte’’ti. Indanīlamaṇi viya dibbati jotetīti devo, ākāso. ‘‘Aḍḍharattasamaye’’ti vattabbe bhummatthe vihitavacanānaṃ accantasaṃyogābhāvā upayogavacanaṃ veditabbaṃ. Puṇṇamāsiyañhi gaganamajjhassa purato vā pacchato vā ante ṭhite aḍḍharatte samayo bhinno nāma hoti, majjhe eva pana ṭhito abhinno nāma. Tenāha ‘‘abhinne aḍḍharattasamaye’’ti.
яз анубхонд̇ийд̇и яз д̣̇зваа жанд̣̇имасуурияаанам̣ аабхаа анубхонд̇и винибхун̃ж̇анд̇и вал̣ан̃ж̇анд̇и жа д̇зхи д̣̇звзхи б̣ахуу жзва б̣ахуд̇араа жа жанд̣̇имасуурияаанам̣ аабхаа ананубхонд̇о. д̇знааха – ‘‘ад̇д̇ано сарийробхаасзнзва аалогам̣ парид̇ваа вихаранд̇ий’’д̇и.
Ye anubhontīti ye devā candimasūriyānaṃ ābhā anubhonti vinibhuñjanti vaḷañjanti ca tehi devehi bahū ceva bahutarā ca candimasūriyānaṃ ābhā ananubhonto. Tenāha – ‘‘attano sarīrobhāseneva ālokaṃ pharitvā viharantī’’ti.
274. бужчаамуул̣хо бана ж̇аад̇о ‘‘аяам̣ барамо ван̣н̣о’’д̇и г̇ахид̇абад̣̇асса вид̇хаманзна. ажзлагабаал̣инд̇и ‘‘ажзлаго ход̇и муд̇д̇аажааро’’д̇иаад̣̇инаяаббавад̇д̇ам̣ (д̣̇ий. ни. 1.394) ажзлагабадибад̇д̇ид̣̇ийбагаг̇ант̇ам̣, г̇ант̇асийсзнзва д̇зна багаасид̇аваад̣̇аани вад̣̇ад̇и. сураамзраяабаанамануяуд̇д̇абуг̇г̇аласса сураабаанад̇о вирад̇и д̇асса гааяам̣ жид̇д̇ан̃жа д̇аабзнд̇ий сам̣вад̇д̇ад̇ийд̇и сураабаанавирад̇и (д̇або, соязва г̇ун̣о. д̇знааха ‘‘сураабаанавирад̇ийд̇и ад̇т̇о’’д̇и).
274.Pucchāmūḷho pana jāto ‘‘ayaṃ paramo vaṇṇo’’ti gahitapadassa vidhamanena. Acelakapāḷinti ‘‘acelako hoti muttācāro’’tiādinayappavattaṃ (dī. ni. 1.394) acelakapaṭipattidīpakaganthaṃ, ganthasīseneva tena pakāsitavādāni vadati. Surāmerayapānamanuyuttapuggalassa surāpānato virati tassa kāyaṃ cittañca tāpentī saṃvattatīti surāpānavirati (tapo, soyeva guṇo. Tenāha ‘‘surāpānaviratīti attho’’ti).
275. зганд̇ам̣ ажжанд̇амзва сукам̣ ассаад̇и зганд̇асукам̣. бан̃жасу д̇хаммзсууд̇и ‘‘баан̣аад̇ибаад̇аа бадивирад̇ий’’д̇иаад̣̇ийсу бан̃жасу сийлаажаарад̇хаммзсу. на ж̇ааним̣сууд̇и саммосзна анубадтаханд̇и д̇ад̣̇ад̇т̇ам̣ на б̣уж̇жханд̇и. б̣уд̣̇д̇хуббаад̣̇зна гира вихад̇ад̇зж̇аани махаанубхааваани манд̇абад̣̇аани вияа б̣аахирагаанам̣ яог̇ааважараг̇ант̇зна сад̣̇д̇хим̣ яог̇ааважарабадибад̣̇аа нассад̇и. уг̇г̇ан̣хим̣сууд̇и ‘‘бан̃жа буб̣б̣абхааг̇ад̇хаммз’’д̇иаад̣̇иважанамад̇д̇ам̣ уг̇г̇ан̣хим̣су. д̇ад̇ияаж̇жхаанад̇од̇и гааран̣обажаарзна палам̣ вад̣̇ад̇и, палабхууд̇ад̇о д̇ад̇ияаж̇жхаанад̇о.
275. Ekantaṃ accantameva sukhaṃ assāti ekantasukhaṃ. Pañcasu dhammesūti ‘‘pāṇātipātā paṭiviratī’’tiādīsu pañcasu sīlācāradhammesu. Na jāniṃsūti sammosena anupaṭṭhahanti tadatthaṃ na bujjhanti. Buddhuppādena kira vihatatejāni mahānubhāvāni mantapadāni viya bāhirakānaṃ yogāvacaraganthena saddhiṃ yogāvacarapaṭipadā nassati. Uggaṇhiṃsūti ‘‘pañca pubbabhāgadhamme’’tiādivacanamattaṃ uggaṇhiṃsu. Tatiyajjhānatoti kāraṇopacārena phalaṃ vadati, phalabhūtato tatiyajjhānato.
276. зганд̇асукасса логасса бадилаабхзна бад̇д̇ияаа д̇ад̇т̇а ниб̣б̣ад̇д̇и бадилаабхасажчигирияаа. зганд̇асукз логз анабхиниб̣б̣ад̇д̇ид̇ваа зва ид̣̇д̇хияаа д̇ад̇т̇а г̇анд̇ваа д̇асса сад̇д̇алогасса бхааж̇аналогасса жа бажжагкад̇о д̣̇ассанам̣ бажжагкасажчигирияаа. д̇знааха ‘‘д̇ад̇т̇аа’’д̇иаад̣̇и.
276. Ekantasukhassa lokassa paṭilābhena pattiyā tattha nibbatti paṭilābhasacchikiriyā. Ekantasukhe loke anabhinibbattitvā eva iddhiyā tattha gantvā tassa sattalokassa bhājanalokassa ca paccakkhato dassanaṃ paccakkhasacchikiriyā. Tenāha ‘‘tatthā’’tiādi.
277. уд̣̇ан̃жанигод̇и уд̣̇ан̃жано. вин̃жхубаб̣б̣ад̇абассз г̇аамаанам̣ анивидтад̇д̇аа д̇им̣саяож̇анамад̇д̇ам̣ таанам̣ адавий наама, д̇ад̇т̇а сзнаасанам̣, д̇асмим̣ адависзнаасанз бад̇хаанагаммигаанам̣ бхигкуунам̣ б̣ахуунам̣ д̇ад̇т̇а ниваасзна згам̣ бад̇хаанагхарам̣ ахоси.
277.Udañcanikoti udañcano. Viñjhupabbatapasse gāmānaṃ aniviṭṭhattā tiṃsayojanamattaṃ ṭhānaṃ aṭavī nāma, tattha senāsanaṃ, tasmiṃ aṭavisenāsane padhānakammikānaṃ bhikkhūnaṃ bahūnaṃ tattha nivāsena ekaṃ padhānagharaṃ ahosi.
жуул̣асагулуд̣̇ааяисуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷasakuludāyisuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. жуул̣асагулуд̣̇ааяисуд̇д̇ам̣ • 9. Cūḷasakuludāyisuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. жуул̣асагулуд̣̇ааяисуд̇д̇аван̣н̣анаа • 9. Cūḷasakuludāyisuttavaṇṇanā
