| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
10. жуул̣асааробамасуд̇д̇ам̣
10. Cūḷasāropamasuttaṃ
312. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко бин̇г̇алагожчо б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко бин̇г̇алагожчо б̣раахман̣о бхаг̇аванд̇ам̣ зд̇ад̣̇авожа – ‘‘язмз, бхо г̇од̇ама, саман̣аб̣раахман̣аа сан̇гхино г̇ан̣ино г̇ан̣аажарияаа н̃аад̇аа яасассино д̇ид̇т̇агараа саад̇хусаммад̇аа, б̣ахуж̇анасса, сзяяат̇ид̣̇ам̣ – бууран̣о гассабо, магкали г̇осаало, аж̇ид̇о гзсагамб̣ало, багуд̇хо гажжааяано, сан̃жаяо 1 б̣зладтабуд̇д̇о, ниг̇ан̣то наадабуд̇д̇о, саб̣б̣зд̇з сагааяа бадин̃н̃ааяа аб̣бхан̃н̃ам̣су саб̣б̣зва нааб̣бхан̃н̃ам̣су, уд̣̇ааху згажжз аб̣бхан̃н̃ам̣су згажжз нааб̣бхан̃н̃ам̣суу’’д̇и? ‘‘алам̣, б̣раахман̣а, д̇идтад̇зд̇ам̣ – саб̣б̣зд̇з сагааяа бадин̃н̃ааяа аб̣бхан̃н̃ам̣су саб̣б̣зва нааб̣бхан̃н̃ам̣су, уд̣̇ааху згажжз аб̣бхан̃н̃ам̣су згажжз нааб̣бхан̃н̃ам̣сууд̇и. д̇хаммам̣ д̇з, б̣раахман̣а, д̣̇зсзссаами, д̇ам̣ сун̣аахи, саад̇хугам̣ манаси гарохи, бхаасиссаамий’’д̇и. ‘‘звам̣, бхо’’д̇и ко бин̇г̇алагожчо б̣раахман̣о бхаг̇авад̇о бажжассоси. бхаг̇аваа зд̇ад̣̇авожа –
312. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho piṅgalakoccho brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho piṅgalakoccho brāhmaṇo bhagavantaṃ etadavoca – ‘‘yeme, bho gotama, samaṇabrāhmaṇā saṅghino gaṇino gaṇācariyā ñātā yasassino titthakarā sādhusammatā, bahujanassa, seyyathidaṃ – pūraṇo kassapo, makkhali gosālo, ajito kesakambalo, pakudho kaccāyano, sañcayo 2 belaṭṭhaputto, nigaṇṭho nāṭaputto, sabbete sakāya paṭiññāya abbhaññaṃsu sabbeva nābbhaññaṃsu, udāhu ekacce abbhaññaṃsu ekacce nābbhaññaṃsū’’ti? ‘‘Alaṃ, brāhmaṇa, tiṭṭhatetaṃ – sabbete sakāya paṭiññāya abbhaññaṃsu sabbeva nābbhaññaṃsu, udāhu ekacce abbhaññaṃsu ekacce nābbhaññaṃsūti. Dhammaṃ te, brāhmaṇa, desessāmi, taṃ suṇāhi, sādhukaṃ manasi karohi, bhāsissāmī’’ti. ‘‘Evaṃ, bho’’ti kho piṅgalakoccho brāhmaṇo bhagavato paccassosi. Bhagavā etadavoca –
313. ‘‘сзяяат̇ааби, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ ад̇иггамма бабадигам̣, саакаабалаасам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ ад̇иггамма бабадигам̣, саакаабалаасам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
313. ‘‘Seyyathāpi, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ atikkamma papaṭikaṃ, sākhāpalāsaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ atikkamma papaṭikaṃ, sākhāpalāsaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti.
314. ‘‘сзяяат̇ааби ваа бана, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ , бабадигам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ бабадигам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
314. ‘‘Seyyathāpi vā pana, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ , papaṭikaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ papaṭikaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti.
315. ‘‘сзяяат̇ааби ваа бана, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣, д̇ажам̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣, д̇ажам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
315. ‘‘Seyyathāpi vā pana, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ, tacaṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ, tacaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti.
316. ‘‘сзяяат̇ааби ваа бана, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣, пзг̇г̇ум̣ чзд̇ваа аад̣̇ааяа баггамзяяа ‘саара’нд̇и ман̃н̃амаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘на вад̇ааяам̣ бхавам̣ бурисо ан̃н̃ааси саарам̣, на ан̃н̃ааси пзг̇г̇ум̣, на ан̃н̃ааси д̇ажам̣, на ан̃н̃ааси бабадигам̣, на ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣, пзг̇г̇ум̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇ий’д̇и.
316. ‘‘Seyyathāpi vā pana, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ, phegguṃ chetvā ādāya pakkameyya ‘sāra’nti maññamāno. Tamenaṃ cakkhumā puriso disvā evaṃ vadeyya – ‘na vatāyaṃ bhavaṃ puriso aññāsi sāraṃ, na aññāsi phegguṃ, na aññāsi tacaṃ, na aññāsi papaṭikaṃ, na aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ, phegguṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissatī’ti.
317. ‘‘сзяяат̇ааби ваа бана, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о сааран̃н̃зва чзд̇ваа аад̣̇ааяа баггамзяяа ‘саара’нд̇и ж̇аанамаано. д̇амзнам̣ жагкумаа бурисо д̣̇исваа звам̣ вад̣̇зяяа – ‘ан̃н̃ааси вад̇ааяам̣ бхавам̣ бурисо саарам̣, ан̃н̃ааси пзг̇г̇ум̣, ан̃н̃ааси д̇ажам̣, ан̃н̃ааси бабадигам̣, ан̃н̃ааси саакаабалаасам̣. д̇ат̇аа хаяам̣ бхавам̣ бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о сааран̃н̃зва чзд̇ваа аад̣̇ааяа багганд̇о ‘саара’нд̇и ж̇аанамаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ анубхависсад̇ий’д̇и.
317. ‘‘Seyyathāpi vā pana, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato sāraññeva chetvā ādāya pakkameyya ‘sāra’nti jānamāno. Tamenaṃ cakkhumā puriso disvā evaṃ vadeyya – ‘aññāsi vatāyaṃ bhavaṃ puriso sāraṃ, aññāsi phegguṃ, aññāsi tacaṃ, aññāsi papaṭikaṃ, aññāsi sākhāpalāsaṃ. Tathā hayaṃ bhavaṃ puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato sāraññeva chetvā ādāya pakkanto ‘sāra’nti jānamāno. Yañcassa sārena sārakaraṇīyaṃ tañcassa atthaṃ anubhavissatī’ti.
318. ‘‘звамзва ко, б̣раахман̣а, ид̇хзгажжо буг̇г̇ало сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна ад̇д̇амано ход̇и барибун̣н̣асан̇габбо. со д̇зна лаабхасаггаарасилогзна ад̇д̇аануггам̣сзд̇и, барам̣ вамбхзд̇и – ‘ахамасми лаабхасаггаарасилогаваа, имз банан̃н̃з бхигкуу аббан̃н̃аад̇аа аббзсагкаа’д̇и. лаабхасаггаарасилогзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа на чанд̣̇ам̣ ж̇анзд̇и, на вааяамад̇и, олийнавуд̇д̇иго жа ход̇и саат̇алиго. сзяяат̇ааби со, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣ ад̇иггамма бабадигам̣, саакаабалаасам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇и. д̇ат̇уубамаахам̣, б̣раахман̣а, имам̣ буг̇г̇алам̣ вад̣̇аами.
318. ‘‘Evameva kho, brāhmaṇa, idhekacco puggalo saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena attamano hoti paripuṇṇasaṅkappo. So tena lābhasakkārasilokena attānukkaṃseti, paraṃ vambheti – ‘ahamasmi lābhasakkārasilokavā, ime panaññe bhikkhū appaññātā appesakkhā’ti. Lābhasakkārasilokena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya na chandaṃ janeti, na vāyamati, olīnavuttiko ca hoti sāthaliko. Seyyathāpi so, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ atikkamma papaṭikaṃ, sākhāpalāsaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissati. Tathūpamāhaṃ, brāhmaṇa, imaṃ puggalaṃ vadāmi.
319. ‘‘ид̇ха бана, б̣раахман̣а, згажжо буг̇г̇ало сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. лаабхасаггаарасилогзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и , анолийнавуд̇д̇иго жа ход̇и асаат̇алиго. со сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, барибун̣н̣асан̇габбо. со д̇ааяа сийласамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми сийлаваа галяаан̣ад̇хаммо, имз банан̃н̃з бхигкуу д̣̇уссийлаа баабад̇хаммаа’д̇и. сийласамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа на чанд̣̇ам̣ ж̇анзд̇и, на вааяамад̇и, олийнавуд̇д̇иго жа ход̇и саат̇алиго. сзяяат̇ааби со, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣ ад̇иггамма д̇ажам̣, бабадигам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣, д̇ан̃жасса ад̇т̇ам̣ наанубхависсад̇и. д̇ат̇уубамаахам̣, б̣раахман̣а, имам̣ буг̇г̇алам̣ вад̣̇аами.
319. ‘‘Idha pana, brāhmaṇa, ekacco puggalo saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. Lābhasakkārasilokena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati , anolīnavuttiko ca hoti asāthaliko. So sīlasampadaṃ ārādheti. So tāya sīlasampadāya attamano hoti, paripuṇṇasaṅkappo. So tāya sīlasampadāya attānukkaṃseti, paraṃ vambheti – ‘ahamasmi sīlavā kalyāṇadhammo, ime panaññe bhikkhū dussīlā pāpadhammā’ti. Sīlasampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya na chandaṃ janeti, na vāyamati, olīnavuttiko ca hoti sāthaliko. Seyyathāpi so, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ atikkamma tacaṃ, papaṭikaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ, tañcassa atthaṃ nānubhavissati. Tathūpamāhaṃ, brāhmaṇa, imaṃ puggalaṃ vadāmi.
320. ‘‘ид̇ха бана, б̣раахман̣а, згажжо буг̇г̇ало сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, д̣̇угкод̇ин̣н̣о д̣̇угкабарзд̇о, аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и, на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. лаабхасаггаарасилогзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. сийласамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго . со самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, барибун̣н̣асан̇габбо. со д̇ааяа самаад̇хисамбад̣̇ааяа ад̇д̇аануггам̣сзд̇и, барам̣ вамбхзд̇и – ‘ахамасми самаахид̇о згаг̇г̇ажид̇д̇о, имз банан̃н̃з бхигкуу асамаахид̇аа виб̣бханд̇ажид̇д̇аа’д̇и. самаад̇хисамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа, д̇зсам̣ д̇хаммаанам̣ сажчигирияааяа на чанд̣̇ам̣ ж̇анзд̇и, на вааяамад̇и, олийнавуд̇д̇иго жа ход̇и саат̇алиго. сзяяат̇ааби со, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣ ад̇иггамма пзг̇г̇ум̣, д̇ажам̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇и. д̇ат̇уубамаахам̣, б̣раахман̣а, имам̣ буг̇г̇алам̣ вад̣̇аами.
320. ‘‘Idha pana, brāhmaṇa, ekacco puggalo saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto, appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti, na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. Lābhasakkārasilokena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So sīlasampadaṃ ārādheti. So tāya sīlasampadāya attamano hoti no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. Sīlasampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko . So samādhisampadaṃ ārādheti. So tāya samādhisampadāya attamano hoti, paripuṇṇasaṅkappo. So tāya samādhisampadāya attānukkaṃseti, paraṃ vambheti – ‘ahamasmi samāhito ekaggacitto, ime panaññe bhikkhū asamāhitā vibbhantacittā’ti. Samādhisampadāya ca ye aññe dhammā uttaritarā ca paṇītatarā ca, tesaṃ dhammānaṃ sacchikiriyāya na chandaṃ janeti, na vāyamati, olīnavuttiko ca hoti sāthaliko. Seyyathāpi so, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ atikkamma phegguṃ, tacaṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissati. Tathūpamāhaṃ, brāhmaṇa, imaṃ puggalaṃ vadāmi.
321. ‘‘ид̇ха бана, б̣раахман̣а, згажжо буг̇г̇ало сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна…бз… анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. лаабхасаггаарасилогзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. сийласамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. самаад̇хисамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и, барибун̣н̣асан̇габбо . со д̇зна н̃аан̣ад̣̇ассанзна ад̇д̇аануггам̣сзд̇и, барам̣ вамбхзд̇и – ‘ахамасми ж̇аанам̣ бассам̣ вихараами, имз банан̃н̃з бхигкуу аж̇аанам̣ абассам̣ вихаранд̇ий’д̇и. н̃аан̣ад̣̇ассанзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа на чанд̣̇ам̣ ж̇анзд̇и, на вааяамад̇и, олийнавуд̇д̇иго жа ход̇и саат̇алиго. сзяяат̇ааби со, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва саарам̣, пзг̇г̇ум̣ чзд̇ваа аад̣̇ааяа багганд̇о ‘саара’нд̇и ман̃н̃амаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ наанубхависсад̇и. д̇ат̇уубамаахам̣, б̣раахман̣а, имам̣ буг̇г̇алам̣ вад̣̇аами.
321. ‘‘Idha pana, brāhmaṇa, ekacco puggalo saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena…pe… antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. Lābhasakkārasilokena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. Sīlasampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. Samādhisampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So ñāṇadassanaṃ ārādheti. So tena ñāṇadassanena attamano hoti, paripuṇṇasaṅkappo . So tena ñāṇadassanena attānukkaṃseti, paraṃ vambheti – ‘ahamasmi jānaṃ passaṃ viharāmi, ime panaññe bhikkhū ajānaṃ apassaṃ viharantī’ti. Ñāṇadassanena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya na chandaṃ janeti, na vāyamati, olīnavuttiko ca hoti sāthaliko. Seyyathāpi so, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva sāraṃ, phegguṃ chetvā ādāya pakkanto ‘sāra’nti maññamāno. Yañcassa sārena sārakaraṇīyaṃ tañcassa atthaṃ nānubhavissati. Tathūpamāhaṃ, brāhmaṇa, imaṃ puggalaṃ vadāmi.
322. ‘‘ид̇ха бана, б̣раахман̣а, згажжо буг̇г̇ало сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о ход̇и – ‘од̇ин̣н̣омхи ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи , д̣̇угкод̇ин̣н̣о д̣̇угкабарзд̇о , аббзва наама имасса гзваласса д̣̇угкагканд̇хасса анд̇агирияаа бан̃н̃ааязт̇аа’д̇и. со звам̣ баб̣б̣аж̇ид̇о самаано лаабхасаггаарасилогам̣ абхиниб̣б̣ад̇д̇зд̇и. со д̇зна лаабхасаггаарасилогзна на ад̇д̇амано ход̇и, на барибун̣н̣асан̇габбо. со д̇зна лаабхасаггаарасилогзна на ад̇д̇аануггам̣сзд̇и, на барам̣ вамбхзд̇и. лаабхасаггаарасилогзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со сийласамбад̣̇ам̣ аараад̇хзд̇и. со д̇ааяа сийласамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа сийласамбад̣̇ааяа на ад̇д̇аануггам̣сзд̇и, на барам̣ вамбхзд̇и. сийласамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со самаад̇хисамбад̣̇ам̣ аараад̇хзд̇и. со д̇ааяа самаад̇хисамбад̣̇ааяа ад̇д̇амано ход̇и, но жа ко барибун̣н̣асан̇габбо. со д̇ааяа самаад̇хисамбад̣̇ааяа на ад̇д̇аануггам̣сзд̇и, на барам̣ вамбхзд̇и. самаад̇хисамбад̣̇ааяа жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго. со н̃аан̣ад̣̇ассанам̣ аараад̇хзд̇и. со д̇зна н̃аан̣ад̣̇ассанзна ад̇д̇амано ход̇и, но жа ко барибун̣н̣асан̇габбо. со д̇зна н̃аан̣ад̣̇ассанзна на ад̇д̇аануггам̣сзд̇и, на барам̣ вамбхзд̇и. н̃аан̣ад̣̇ассанзна жа яз ан̃н̃з д̇хаммаа уд̇д̇арид̇араа жа бан̣ийд̇ад̇араа жа д̇зсам̣ д̇хаммаанам̣ сажчигирияааяа чанд̣̇ам̣ ж̇анзд̇и, вааяамад̇и, анолийнавуд̇д̇иго жа ход̇и асаат̇алиго.
322. ‘‘Idha pana, brāhmaṇa, ekacco puggalo saddhā agārasmā anagāriyaṃ pabbajito hoti – ‘otiṇṇomhi jātiyā jarāya maraṇena sokehi paridevehi dukkhehi domanassehi upāyāsehi , dukkhotiṇṇo dukkhapareto , appeva nāma imassa kevalassa dukkhakkhandhassa antakiriyā paññāyethā’ti. So evaṃ pabbajito samāno lābhasakkārasilokaṃ abhinibbatteti. So tena lābhasakkārasilokena na attamano hoti, na paripuṇṇasaṅkappo. So tena lābhasakkārasilokena na attānukkaṃseti, na paraṃ vambheti. Lābhasakkārasilokena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So sīlasampadaṃ ārādheti. So tāya sīlasampadāya attamano hoti, no ca kho paripuṇṇasaṅkappo. So tāya sīlasampadāya na attānukkaṃseti, na paraṃ vambheti. Sīlasampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So samādhisampadaṃ ārādheti. So tāya samādhisampadāya attamano hoti, no ca kho paripuṇṇasaṅkappo. So tāya samādhisampadāya na attānukkaṃseti, na paraṃ vambheti. Samādhisampadāya ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko. So ñāṇadassanaṃ ārādheti. So tena ñāṇadassanena attamano hoti, no ca kho paripuṇṇasaṅkappo. So tena ñāṇadassanena na attānukkaṃseti, na paraṃ vambheti. Ñāṇadassanena ca ye aññe dhammā uttaritarā ca paṇītatarā ca tesaṃ dhammānaṃ sacchikiriyāya chandaṃ janeti, vāyamati, anolīnavuttiko ca hoti asāthaliko.
323. ‘‘гад̇амз жа, б̣раахман̣а, д̇хаммаа н̃аан̣ад̣̇ассанзна уд̇д̇арид̇араа жа бан̣ийд̇ад̇араа жа? ид̇ха, б̣раахман̣а, бхигку вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
323. ‘‘Katame ca, brāhmaṇa, dhammā ñāṇadassanena uttaritarā ca paṇītatarā ca? Idha, brāhmaṇa, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку бийд̇ияаа жа вирааг̇аа убзгкаго жа вихарад̇и, сад̇о жа самбаж̇аано сукан̃жа гааязна бадисам̣взд̣̇зд̇и, яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. аяамби ко , б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu pītiyā ca virāgā upekkhako ca viharati, sato ca sampajāno sukhañca kāyena paṭisaṃvedeti, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Ayampi kho , brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ‘ананд̇о аагаасо’д̇и аагаасаанан̃жааяад̇анам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа.
‘‘Puna caparaṃ, brāhmaṇa, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayampi kho, brāhmaṇa, dhammo ñāṇadassanena uttaritaro ca paṇītataro ca.
‘‘буна жабарам̣, б̣раахман̣а, бхигку саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и, бан̃н̃ааяа жасса д̣̇исваа аасаваа баригкийн̣аа хонд̇и. аяамби ко, б̣раахман̣а, д̇хаммо н̃аан̣ад̣̇ассанзна уд̇д̇арид̇аро жа бан̣ийд̇ад̇аро жа. имз ко, б̣раахман̣а, д̇хаммаа н̃аан̣ад̣̇ассанзна уд̇д̇арид̇араа жа бан̣ийд̇ад̇араа жа.
‘‘Puna caparaṃ, brāhmaṇa, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati, paññāya cassa disvā āsavā parikkhīṇā honti. Ayampi kho, brāhmaṇa, dhammo ñāṇadassanena uttaritaro ca paṇītataro ca. Ime kho, brāhmaṇa, dhammā ñāṇadassanena uttaritarā ca paṇītatarā ca.
324. ‘‘сзяяат̇ааби со, б̣раахман̣а, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о саарам̣язва чзд̇ваа аад̣̇ааяа багганд̇о ‘саара’нд̇и ж̇аанамаано. яан̃жасса саарзна саарагаран̣ийяам̣ д̇ан̃жасса ад̇т̇ам̣ анубхависсад̇и. д̇ат̇уубамаахам̣, б̣раахман̣а, имам̣ буг̇г̇алам̣ вад̣̇аами.
324. ‘‘Seyyathāpi so, brāhmaṇa, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato sāraṃyeva chetvā ādāya pakkanto ‘sāra’nti jānamāno. Yañcassa sārena sārakaraṇīyaṃ tañcassa atthaṃ anubhavissati. Tathūpamāhaṃ, brāhmaṇa, imaṃ puggalaṃ vadāmi.
‘‘ид̇и ко, б̣раахман̣а, наяид̣̇ам̣ б̣рахмажарияам̣ лаабхасаггаарасилогаанисам̣сам̣, на сийласамбад̣̇аанисам̣сам̣, на самаад̇хисамбад̣̇аанисам̣сам̣, на н̃аан̣ад̣̇ассанаанисам̣сам̣. яаа жа ко аяам̣ , б̣раахман̣а, агуббаа жзд̇овимуд̇д̇и – зд̇ад̣̇ад̇т̇амид̣̇ам̣, б̣раахман̣а, б̣рахмажарияам̣, зд̇ам̣ саарам̣ зд̇ам̣ барияосаана’’нд̇и.
‘‘Iti kho, brāhmaṇa, nayidaṃ brahmacariyaṃ lābhasakkārasilokānisaṃsaṃ, na sīlasampadānisaṃsaṃ, na samādhisampadānisaṃsaṃ, na ñāṇadassanānisaṃsaṃ. Yā ca kho ayaṃ , brāhmaṇa, akuppā cetovimutti – etadatthamidaṃ, brāhmaṇa, brahmacariyaṃ, etaṃ sāraṃ etaṃ pariyosāna’’nti.
звам̣ вуд̇д̇з, бин̇г̇алагожчо б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама, абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, piṅgalakoccho brāhmaṇo bhagavantaṃ etadavoca – ‘‘abhikkantaṃ, bho gotama, abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
жуул̣асааробамасуд̇д̇ам̣ нидтид̇ам̣ д̣̇асамам̣.
Cūḷasāropamasuttaṃ niṭṭhitaṃ dasamaṃ.
обаммаваг̇г̇о нидтид̇о д̇ад̇ияо.
Opammavaggo niṭṭhito tatiyo.
д̇ассуд̣̇д̣̇аанам̣ –
Tassuddānaṃ –
мол̣ияапаг̇г̇унаридтан̃жа наамо, анд̇хаванз гат̇ибун̣н̣ам̣ ниваабо;
Moḷiyaphaggunariṭṭhañca nāmo, andhavane kathipuṇṇaṃ nivāpo;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. жуул̣асааробамасуд̇д̇аван̣н̣анаа • 10. Cūḷasāropamasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. жуул̣асааробамасуд̇д̇аван̣н̣анаа • 10. Cūḷasāropamasuttavaṇṇanā
