| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. жуул̣асааробамасуд̇д̇аван̣н̣анаа
10. Cūḷasāropamasuttavaṇṇanā
312. звам̣ мз суд̇анд̇и жуул̣асааробамасуд̇д̇ам̣. д̇ад̇т̇а бин̇г̇алагожчод̇и со б̣раахман̣о бин̇г̇алад̇хаад̇уго. гожчод̇и банасса наамам̣, д̇асмаа ‘‘бин̇г̇алагожчо’’д̇и вужжад̇и. сан̇гхинод̇иаад̣̇ийсу баб̣б̣аж̇ид̇асамуухасан̇каад̇о сан̇гхо зд̇зсам̣ ад̇т̇ийд̇и сан̇гхино. свзва г̇ан̣о зд̇зсам̣ ад̇т̇ийд̇и г̇ан̣ино. аажаарасигкаабанавасзна д̇асса г̇ан̣асса аажарияаад̇и г̇ан̣аажарияаа. н̃аад̇аад̇и бан̃н̃аад̇аа баагадаа. ‘‘аббижчаа санд̇удтаа, аббижчад̇ааяа вад̇т̇амби на ниваасзнд̇ий’’д̇иаад̣̇инаа наязна самуг̇г̇ад̇о яасо зд̇зсам̣ ад̇т̇ийд̇и яасассино. д̇ид̇т̇агараад̇и лад̣̇д̇хигараа. саад̇хусаммад̇аад̇и имз саад̇ху сунд̣̇араа саббурисаад̇и звам̣ саммад̇аа. б̣ахуж̇анассаад̇и ассуд̇авад̇о анд̇хаб̣аалабут̇уж̇ж̇анасса. ид̣̇аани д̇з д̣̇ассзнд̇о сзяяат̇ид̣̇ам̣ бууран̣од̇иаад̣̇имааха. д̇ад̇т̇а бууран̣од̇и д̇асса сад̇т̇убадин̃н̃асса наамам̣. гассабод̇и г̇од̇д̇ам̣. со гира ан̃н̃ад̇арасса гуласса згуунад̣̇аасасад̇ам̣ буураяамаано ж̇аад̇о, д̇знасса ‘‘бууран̣о’’д̇и наамам̣ агам̣су. ман̇г̇алад̣̇аасад̇д̇аа жасса ‘‘д̣̇уггада’’нд̇и вад̇д̇аа над̇т̇и, агад̇ам̣ ваа на гад̇анд̇и. ‘‘со гимахамзд̇т̇а васаамий’’д̇и балааяи. ат̇асса жораа вад̇т̇аани ажчинд̣̇им̣су. со бан̣н̣зна ваа д̇ин̣зна ваа бадижчаад̣̇зд̇умби аж̇аананд̇о ж̇аад̇аруубзнзва згам̣ г̇аамам̣ баависи. мануссаа д̇ам̣ д̣̇исваа, ‘‘аяам̣ саман̣о арахаа аббижчо, над̇т̇и иминаа сад̣̇исо’’д̇и буувабхад̇д̇аад̣̇ийни г̇ахзд̇ваа убасан̇гаманд̇и. со ‘‘маяхам̣ саадагам̣ анивад̇т̇абхаавзна ид̣̇ам̣ уббанна’’нд̇и д̇ад̇о бадтааяа саадагам̣ лабхид̇вааби на ниваасзси, д̇ад̣̇зва баб̣б̣аж̇ж̇ам̣ аг̇г̇ахзси. д̇асса санд̇игз ан̃н̃зби бан̃жасад̇аа мануссаа баб̣б̣аж̇им̣су, д̇ам̣ санд̇хааяааха ‘‘бууран̣о гассабо’’д̇и.
312.Evaṃme sutanti cūḷasāropamasuttaṃ. Tattha piṅgalakocchoti so brāhmaṇo piṅgaladhātuko. Kocchoti panassa nāmaṃ, tasmā ‘‘piṅgalakoccho’’ti vuccati. Saṅghinotiādīsu pabbajitasamūhasaṅkhāto saṅgho etesaṃ atthīti saṅghino. Sveva gaṇo etesaṃ atthīti gaṇino. Ācārasikkhāpanavasena tassa gaṇassa ācariyāti gaṇācariyā. Ñātāti paññātā pākaṭā. ‘‘Appicchā santuṭṭhā, appicchatāya vatthampi na nivāsentī’’tiādinā nayena samuggato yaso etesaṃ atthīti yasassino. Titthakarāti laddhikarā. Sādhusammatāti ime sādhu sundarā sappurisāti evaṃ sammatā. Bahujanassāti assutavato andhabālaputhujjanassa. Idāni te dassento seyyathidaṃ pūraṇotiādimāha. Tattha pūraṇoti tassa satthupaṭiññassa nāmaṃ. Kassapoti gottaṃ. So kira aññatarassa kulassa ekūnadāsasataṃ pūrayamāno jāto, tenassa ‘‘pūraṇo’’ti nāmaṃ akaṃsu. Maṅgaladāsattā cassa ‘‘dukkaṭa’’nti vattā natthi, akataṃ vā na katanti. ‘‘So kimahamettha vasāmī’’ti palāyi. Athassa corā vatthāni acchindiṃsu. So paṇṇena vā tiṇena vā paṭicchādetumpi ajānanto jātarūpeneva ekaṃ gāmaṃ pāvisi. Manussā taṃ disvā, ‘‘ayaṃ samaṇo arahā appiccho, natthi iminā sadiso’’ti pūvabhattādīni gahetvā upasaṅkamanti. So ‘‘mayhaṃ sāṭakaṃ anivatthabhāvena idaṃ uppanna’’nti tato paṭṭhāya sāṭakaṃ labhitvāpi na nivāsesi, tadeva pabbajjaṃ aggahesi. Tassa santike aññepi pañcasatā manussā pabbajiṃsu, taṃ sandhāyāha ‘‘pūraṇo kassapo’’ti.
магкалийд̇и д̇асса наамам̣. г̇осаалааяа ж̇аад̇ад̇д̇аа г̇осаалод̇и д̣̇уд̇ияам̣ наамам̣. д̇ам̣ гира сагад̣̇д̣̇амааяа бхуумияаа д̇злагхадам̣ г̇ахзд̇ваа г̇ажчанд̇ам̣, ‘‘д̇аад̇а, маа калий’’д̇и саамиго ааха. со бамаад̣̇зна калид̇ваа бад̇ид̇ваа саамигасса бхаязна балааяид̇ум̣ аарад̣̇д̇хо. саамиго убад̇хаавид̇ваа саадагаган̣н̣з аг̇г̇ахзси. соби саадагам̣ чад̣д̣зд̇ваа ажзлаго худ̇ваа балааяи, сзсам̣ бууран̣асад̣̇исамзва.
Makkhalīti tassa nāmaṃ. Gosālāya jātattā gosāloti dutiyaṃ nāmaṃ. Taṃ kira sakaddamāya bhūmiyā telaghaṭaṃ gahetvā gacchantaṃ, ‘‘tāta, mā khalī’’ti sāmiko āha. So pamādena khalitvā patitvā sāmikassa bhayena palāyituṃ āraddho. Sāmiko upadhāvitvā sāṭakakaṇṇe aggahesi. Sopi sāṭakaṃ chaḍḍetvā acelako hutvā palāyi, sesaṃ pūraṇasadisameva.
аж̇ид̇од̇и д̇асса наамам̣. гзсагамб̣алам̣ д̇хаарзд̇ийд̇и гзсагамб̣ало. ид̇и наамад̣̇ваяам̣ сам̣санд̣̇ид̇ваа ‘‘аж̇ид̇о гзсагамб̣ало’’д̇и вужжад̇и. д̇ад̇т̇а гзсагамб̣ало наама мануссагзсзхи гад̇агамб̣ало, д̇ад̇о бадигидтад̇арам̣ вад̇т̇ам̣ наама над̇т̇и. яат̇ааха – ‘‘сзяяат̇ааби, бхигкавз, яаани гаанижи д̇анд̇аавуд̇аанам̣ вад̇т̇аанам̣, гзсагамб̣ало д̇зсам̣ бадигидто агкааяад̇и, гзсагамб̣ало, бхигкавз, сийд̇з сийд̇о ун̣хз ун̣хо д̣̇уб̣б̣ан̣н̣о д̣̇уг̇г̇анд̇хо д̣̇угкасампассо’’д̇и (а. ни. 3.138).
Ajitoti tassa nāmaṃ. Kesakambalaṃ dhāretīti kesakambalo. Iti nāmadvayaṃ saṃsanditvā ‘‘ajito kesakambalo’’ti vuccati. Tattha kesakambalo nāma manussakesehi katakambalo, tato paṭikiṭṭhataraṃ vatthaṃ nāma natthi. Yathāha – ‘‘seyyathāpi, bhikkhave, yāni kānici tantāvutānaṃ vatthānaṃ, kesakambalo tesaṃ paṭikiṭṭho akkhāyati, kesakambalo, bhikkhave, sīte sīto uṇhe uṇho dubbaṇṇo duggandho dukkhasamphasso’’ti (a. ni. 3.138).
багуд̇ход̇и д̇асса наамам̣. гажжааяанод̇и г̇од̇д̇ам̣. ид̇и наамаг̇од̇д̇ам̣ сам̣санд̣̇ид̇ваа, ‘‘багуд̇хо гажжааяано’’д̇и вужжад̇и. сийд̇уд̣̇агабадигкид̇д̇аго зса, важжам̣ гад̇вааби уд̣̇агагижжам̣ на гарод̇и, ун̣ход̣̇агам̣ ваа ган̃ж̇ияам̣ ваа лабхид̇ваа гарод̇и, над̣̇им̣ ваа маг̇г̇од̣̇агам̣ ваа ад̇иггамма, ‘‘сийлам̣ мз бхинна’’нд̇и ваалигат̇уубам̣ гад̇ваа сийлам̣ ад̇хидтааяа г̇ажчад̇и, зваруубо ниссиригалад̣̇д̇хиго зса.
Pakudhoti tassa nāmaṃ. Kaccāyanoti gottaṃ. Iti nāmagottaṃ saṃsanditvā, ‘‘pakudho kaccāyano’’ti vuccati. Sītudakapaṭikkhittako esa, vaccaṃ katvāpi udakakiccaṃ na karoti, uṇhodakaṃ vā kañjiyaṃ vā labhitvā karoti, nadiṃ vā maggodakaṃ vā atikkamma, ‘‘sīlaṃ me bhinna’’nti vālikathūpaṃ katvā sīlaṃ adhiṭṭhāya gacchati, evarūpo nissirikaladdhiko esa.
сан̃ж̇аяод̇и д̇асса наамам̣. б̣зладтасса буд̇д̇од̇и б̣зладтабуд̇д̇о. амхаагам̣ г̇ан̣танагилзсо балиб̣уж̇жханагилзсо над̇т̇и, гилзсаг̇ан̣тарахид̇аа маяанд̇и звам̣ ваад̣̇ид̇ааяа лад̣̇д̇ханаамавасзна ниг̇ан̣то. наадасса буд̇д̇од̇и наадабуд̇д̇о. аб̣бхан̃н̃ам̣сууд̇и яат̇аа д̇зсам̣ бадин̃н̃аа, д̇ат̇зва ж̇ааним̣су. ид̣̇ам̣ вуд̇д̇ам̣ ход̇и – сажз нзсам̣ саа бадин̃н̃аа нияяаанигаа саб̣б̣з аб̣бхан̃н̃ам̣су. но жз, на аб̣бхан̃н̃ам̣су. д̇асмаа гим̣ д̇зсам̣ бадин̃н̃аа нияяаанигаа на нияяаанигаад̇и, аяамзд̇асса бан̃хасса ад̇т̇о. ат̇а бхаг̇аваа нзсам̣ анияяаанигабхаавагат̇анзна ад̇т̇аабхаавад̇о аланд̇и бадигкибид̇ваа убамааяа ад̇т̇ам̣ бавзд̣̇знд̇о д̇хаммамзва д̣̇зсзд̇ум̣, д̇хаммам̣, д̇з б̣раахман̣а, д̣̇зсзссаамийд̇и ааха.
Sañjayoti tassa nāmaṃ. Belaṭṭhassa puttoti belaṭṭhaputto. Amhākaṃ gaṇṭhanakileso palibujjhanakileso natthi, kilesagaṇṭharahitā mayanti evaṃ vāditāya laddhanāmavasena nigaṇṭho. Nāṭassa puttoti nāṭaputto. Abbhaññaṃsūti yathā tesaṃ paṭiññā, tatheva jāniṃsu. Idaṃ vuttaṃ hoti – sace nesaṃ sā paṭiññā niyyānikā sabbe abbhaññaṃsu. No ce, na abbhaññaṃsu. Tasmā kiṃ tesaṃ paṭiññā niyyānikā na niyyānikāti, ayametassa pañhassa attho. Atha bhagavā nesaṃ aniyyānikabhāvakathanena atthābhāvato alanti paṭikkhipitvā upamāya atthaṃ pavedento dhammameva desetuṃ, dhammaṃ, te brāhmaṇa, desessāmīti āha.
320. д̇ад̇т̇а сажчигирияааяаад̇и сажчигаран̣ад̇т̇ам̣. на чанд̣̇ам̣ ж̇анзд̇ийд̇и гад̇д̇угамяад̇аачанд̣̇ам̣ на ж̇анаяад̇и. на вааяамад̇ийд̇и вааяаамам̣ бараггамам̣ на гарод̇и. олийнавуд̇д̇иго жа ход̇ийд̇и лийнаж̇жхаасаяо ход̇и. саат̇алигод̇и сит̇илаг̇г̇аахий, саасанам̣ сит̇илам̣ гад̇ваа г̇ан̣хаад̇и, д̣̇ал̣хам̣ на г̇ан̣хаад̇и.
320. Tattha sacchikiriyāyāti sacchikaraṇatthaṃ. Na chandaṃ janetīti kattukamyatāchandaṃ na janayati. Na vāyamatīti vāyāmaṃ parakkamaṃ na karoti. Olīnavuttiko ca hotīti līnajjhāsayo hoti. Sāthalikoti sithilaggāhī, sāsanaṃ sithilaṃ katvā gaṇhāti, daḷhaṃ na gaṇhāti.
323. ид̇ха, б̣раахман̣а бхигку, вивижжзва гаамзхийд̇и гат̇ам̣ имз батамаж̇жхаанаад̣̇ид̇хаммаа н̃аан̣ад̣̇ассанзна уд̇д̇арид̇араа ж̇аад̇аад̇и? нирод̇хабаад̣̇агад̇д̇аа. хздтаа батамаж̇жхаанаад̣̇ид̇хаммаа хи вибассанаабаад̣̇агаа , ид̇ха нирод̇хабаад̣̇агаа, д̇асмаа уд̇д̇арид̇араа ж̇аад̇аад̇и взд̣̇ид̇аб̣б̣аа. ид̇и бхаг̇аваа ид̣̇амби суд̇д̇ам̣ яат̇аанусанд̇хинаава нидтабзси. д̣̇зсанаавасаанз б̣раахман̣о саран̣зсу бад̇идтид̇од̇и.
323.Idha, brāhmaṇa bhikkhu, vivicceva kāmehīti kathaṃ ime paṭhamajjhānādidhammā ñāṇadassanena uttaritarā jātāti? Nirodhapādakattā. Heṭṭhā paṭhamajjhānādidhammā hi vipassanāpādakā , idha nirodhapādakā, tasmā uttaritarā jātāti veditabbā. Iti bhagavā idampi suttaṃ yathānusandhināva niṭṭhapesi. Desanāvasāne brāhmaṇo saraṇesu patiṭṭhitoti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣асааробамасуд̇д̇аван̣н̣анаа нидтид̇аа.
Cūḷasāropamasuttavaṇṇanā niṭṭhitā.
д̇ад̇ияаваг̇г̇аван̣н̣анаа нидтид̇аа.
Tatiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. жуул̣асааробамасуд̇д̇ам̣ • 10. Cūḷasāropamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. жуул̣асааробамасуд̇д̇аван̣н̣анаа • 10. Cūḷasāropamasuttavaṇṇanā
