| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
10. жуул̣асааробамасуд̇д̇аван̣н̣анаа
10. Cūḷasāropamasuttavaṇṇanā
312. бин̇г̇алад̇хаад̇угод̇и бин̇г̇аласабхааво бин̇г̇алажчавиго, бин̇г̇алагкод̇и ваа ад̇т̇о. баб̣б̣аж̇ид̇асамуухасан̇каад̇о сан̇гхо, на сийлаад̣̇иг̇ун̣зхи сан̇г̇ахид̇аб̣б̣абхаавзна. сан̇гхо зд̇зсам̣ ад̇т̇и бариваарабхууд̇од̇и сан̇гхино. свзваад̇и со зва баб̣б̣аж̇ид̇асамуухасан̇каад̇о. аажаарасигкаабанавасзнаад̇и ад̇д̇анаа баригаббид̇аажзлавад̇аад̣̇иаажаарасигкаабанавасзна. бан̃н̃аад̇аад̇и яат̇аасагам̣ самаад̣̇иннавад̇авасзна жзва вин̃н̃аад̇алад̣̇д̇хивасзна жа бан̃н̃аад̇аа. лад̣̇д̇хигараад̇и д̇ассаа мижчаад̣̇идтияаа уббаад̣̇агаа. б̣ахуж̇анассаад̇и бут̇уж̇анасса. д̇асса бана ааг̇амасамбад̣̇ааби наама над̇т̇и, гуд̇о ад̇хиг̇амод̇и згам̣сад̇о анд̇хабут̇уж̇ж̇ано зваад̇и ааха ‘‘ассуд̇авад̇о анд̇хаб̣аалабут̇уж̇ж̇анассаа’’д̇и. на хи вин̃н̃уу аббасаад̣̇анийяз басийд̣̇анд̇и. ман̇г̇алзсу гаад̇аб̣б̣ад̣̇аасагижжагаро д̣̇аасо ман̇г̇алад̣̇аасо.
312.Piṅgaladhātukoti piṅgalasabhāvo piṅgalacchaviko, piṅgalakkhoti vā attho. Pabbajitasamūhasaṅkhāto saṅgho, na sīlādiguṇehi saṅgahitabbabhāvena. Saṅgho etesaṃ atthi parivārabhūtoti saṅghino. Svevāti so eva pabbajitasamūhasaṅkhāto. Ācārasikkhāpanavasenāti attanā parikappitaacelavatādiācārasikkhāpanavasena. Paññātāti yathāsakaṃ samādinnavatavasena ceva viññātaladdhivasena ca paññātā. Laddhikarāti tassā micchādiṭṭhiyā uppādakā. Bahujanassāti puthujanassa. Tassa pana āgamasampadāpi nāma natthi, kuto adhigamoti ekaṃsato andhaputhujjano evāti āha ‘‘assutavato andhabālaputhujjanassā’’ti. Na hi viññū appasādanīye pasīdanti. Maṅgalesu kātabbadāsakiccakaro dāso maṅgaladāso.
д̇анд̇аавуд̇аананд̇и д̇анд̇з басаарзд̇ваа вийд̇аанам̣. г̇ан̣танагилзсод̇и сам̣саарз б̣анд̇ханагилзсо. звам̣ ваад̣̇ид̇ааяаад̇и звам̣ бадин̃н̃ад̇ааяа, звам̣ д̣̇идтид̇ааяа ваа. нияяаанигаад̇и нияяаанаг̇ад̇исаббаадихийрагаа анубаарамбхабхууд̇ад̇д̇аад̇и ад̇хиббааяо. но жз нияяаанигаад̇и аанзд̇ваа яож̇анаа. д̇зсам̣ саб̣б̣ан̃н̃убадин̃н̃ааяа абхууд̇ад̇д̇аа д̇ассаа абхууд̇абхаавагат̇анзна д̇асса б̣раахман̣асса на гаажи ад̇т̇асид̣̇д̇хийд̇и ааха ‘‘нзсам̣ анияяаанигабхаавагат̇анзна ад̇т̇аабхаавад̇о’’д̇и.
Tantāvutānanti tante pasāretvā vītānaṃ. Gaṇṭhanakilesoti saṃsāre bandhanakileso. Evaṃ vāditāyāti evaṃ paṭiññatāya, evaṃ diṭṭhitāya vā. Niyyānikāti niyyānagatisappāṭihīrakā anupārambhabhūtattāti adhippāyo. No ce niyyānikāti ānetvā yojanā. Tesaṃ sabbaññupaṭiññāya abhūtattā tassā abhūtabhāvakathanena tassa brāhmaṇassa na kāci atthasiddhīti āha ‘‘nesaṃ aniyyānikabhāvakathanena atthābhāvato’’ti.
318. нихийналогаамисз лийно аж̇жхаасаяо зд̇асса, на бана ниб̣б̣аанзд̇и. лийнаж̇жхаасаяо. саасанам̣ сит̇илам̣ гад̇ваа г̇ан̣хаад̇и сигкааяа на д̇иб̣б̣аг̇ааравад̇д̇аа.
318. Nihīnalokāmise līno ajjhāsayo etassa, na pana nibbāneti. Līnajjhāsayo. Sāsanaṃ sithilaṃ katvā gaṇhāti sikkhāya na tibbagāravattā.
323. хздтаад̇и ананд̇араад̇ийд̇асуд̇д̇з махаасааробамз. батамаж̇жхаанаад̣̇ид̇хаммаа вибассанаабаад̣̇агаад̇и вибассанааяа бад̣̇адтаанабхууд̇аа. ид̇хаад̇и имасмим̣ жуул̣асааробамз ааг̇ад̇аа. нирод̇хабаад̣̇агаад̇и анааг̇аамино, араханд̇о ваа нирод̇хасамаабад̇д̇им̣ самаабаж̇ж̇ид̇ум̣ самад̇т̇аа. д̇асмаад̇и нирод̇хабаад̣̇агад̇д̇аа. батамаж̇жхаанаад̣̇ид̇хаммаа н̃аан̣ад̣̇ассанад̇о уд̇д̇арид̇араад̇и взд̣̇ид̇аб̣б̣аа.
323.Heṭṭhāti anantarātītasutte mahāsāropame. Paṭhamajjhānādidhammā vipassanāpādakāti vipassanāya padaṭṭhānabhūtā. Idhāti imasmiṃ cūḷasāropame āgatā. Nirodhapādakāti anāgāmino, arahanto vā nirodhasamāpattiṃ samāpajjituṃ samatthā. Tasmāti nirodhapādakattā. Paṭhamajjhānādidhammā ñāṇadassanato uttaritarāti veditabbā.
жуул̣асааробамасуд̇д̇аван̣н̣анааяа лийнад̇т̇аббагаасанаа самад̇д̇аа.
Cūḷasāropamasuttavaṇṇanāya līnatthappakāsanā samattā.
нидтид̇аа жа обаммаваг̇г̇аван̣н̣анаа.
Niṭṭhitā ca opammavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. жуул̣асааробамасуд̇д̇ам̣ • 10. Cūḷasāropamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 10. жуул̣асааробамасуд̇д̇аван̣н̣анаа • 10. Cūḷasāropamasuttavaṇṇanā
