| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) |
੧੦. ਚੂਲ਼ਸਾਰੋਪਮਸੁਤ੍ਤવਣ੍ਣਨਾ
10. Cūḷasāropamasuttavaṇṇanā
੩੧੨. ਪਿਙ੍ਗਲਧਾਤੁਕੋਤਿ ਪਿਙ੍ਗਲਸਭਾવੋ ਪਿਙ੍ਗਲਚ੍ਛવਿਕੋ, ਪਿਙ੍ਗਲਕ੍ਖੋਤਿ વਾ ਅਤ੍ਥੋ। ਪਬ੍ਬਜਿਤਸਮੂਹਸਙ੍ਖਾਤੋ ਸਙ੍ਘੋ, ਨ ਸੀਲਾਦਿਗੁਣੇਹਿ ਸਙ੍ਗਹਿਤਬ੍ਬਭਾવੇਨ। ਸਙ੍ਘੋ ਏਤੇਸਂ ਅਤ੍ਥਿ ਪਰਿવਾਰਭੂਤੋਤਿ ਸਙ੍ਘਿਨੋ। ਸ੍વੇવਾਤਿ ਸੋ ਏવ ਪਬ੍ਬਜਿਤਸਮੂਹਸਙ੍ਖਾਤੋ। ਆਚਾਰਸਿਕ੍ਖਾਪਨવਸੇਨਾਤਿ ਅਤ੍ਤਨਾ ਪਰਿਕਪ੍ਪਿਤਅਚੇਲવਤਾਦਿਆਚਾਰਸਿਕ੍ਖਾਪਨવਸੇਨ। ਪਞ੍ਞਾਤਾਤਿ ਯਥਾਸਕਂ ਸਮਾਦਿਨ੍ਨવਤવਸੇਨ ਚੇવ વਿਞ੍ਞਾਤਲਦ੍ਧਿવਸੇਨ ਚ ਪਞ੍ਞਾਤਾ। ਲਦ੍ਧਿਕਰਾਤਿ ਤਸ੍ਸਾ ਮਿਚ੍ਛਾਦਿਟ੍ਠਿਯਾ ਉਪ੍ਪਾਦਕਾ। ਬਹੁਜਨਸ੍ਸਾਤਿ ਪੁਥੁਜਨਸ੍ਸ। ਤਸ੍ਸ ਪਨ ਆਗਮਸਮ੍ਪਦਾਪਿ ਨਾਮ ਨਤ੍ਥਿ, ਕੁਤੋ ਅਧਿਗਮੋਤਿ ਏਕਂਸਤੋ ਅਨ੍ਧਪੁਥੁਜ੍ਜਨੋ ਏવਾਤਿ ਆਹ ‘‘ਅਸ੍ਸੁਤવਤੋ ਅਨ੍ਧਬਾਲਪੁਥੁਜ੍ਜਨਸ੍ਸਾ’’ਤਿ। ਨ ਹਿ વਿਞ੍ਞੂ ਅਪ੍ਪਸਾਦਨੀਯੇ ਪਸੀਦਨ੍ਤਿ। ਮਙ੍ਗਲੇਸੁ ਕਾਤਬ੍ਬਦਾਸਕਿਚ੍ਚਕਰੋ ਦਾਸੋ ਮਙ੍ਗਲਦਾਸੋ।
312.Piṅgaladhātukoti piṅgalasabhāvo piṅgalacchaviko, piṅgalakkhoti vā attho. Pabbajitasamūhasaṅkhāto saṅgho, na sīlādiguṇehi saṅgahitabbabhāvena. Saṅgho etesaṃ atthi parivārabhūtoti saṅghino. Svevāti so eva pabbajitasamūhasaṅkhāto. Ācārasikkhāpanavasenāti attanā parikappitaacelavatādiācārasikkhāpanavasena. Paññātāti yathāsakaṃ samādinnavatavasena ceva viññātaladdhivasena ca paññātā. Laddhikarāti tassā micchādiṭṭhiyā uppādakā. Bahujanassāti puthujanassa. Tassa pana āgamasampadāpi nāma natthi, kuto adhigamoti ekaṃsato andhaputhujjano evāti āha ‘‘assutavato andhabālaputhujjanassā’’ti. Na hi viññū appasādanīye pasīdanti. Maṅgalesu kātabbadāsakiccakaro dāso maṅgaladāso.
ਤਨ੍ਤਾવੁਤਾਨਨ੍ਤਿ ਤਨ੍ਤੇ ਪਸਾਰੇਤ੍વਾ વੀਤਾਨਂ। ਗਣ੍ਠਨਕਿਲੇਸੋਤਿ ਸਂਸਾਰੇ ਬਨ੍ਧਨਕਿਲੇਸੋ। ਏવਂ વਾਦਿਤਾਯਾਤਿ ਏવਂ ਪਟਿਞ੍ਞਤਾਯ, ਏવਂ ਦਿਟ੍ਠਿਤਾਯ વਾ। ਨਿਯ੍ਯਾਨਿਕਾਤਿ ਨਿਯ੍ਯਾਨਗਤਿਸਪ੍ਪਾਟਿਹੀਰਕਾ ਅਨੁਪਾਰਮ੍ਭਭੂਤਤ੍ਤਾਤਿ ਅਧਿਪ੍ਪਾਯੋ। ਨੋ ਚੇ ਨਿਯ੍ਯਾਨਿਕਾਤਿ ਆਨੇਤ੍વਾ ਯੋਜਨਾ। ਤੇਸਂ ਸਬ੍ਬਞ੍ਞੁਪਟਿਞ੍ਞਾਯ ਅਭੂਤਤ੍ਤਾ ਤਸ੍ਸਾ ਅਭੂਤਭਾવਕਥਨੇਨ ਤਸ੍ਸ ਬ੍ਰਾਹ੍ਮਣਸ੍ਸ ਨ ਕਾਚਿ ਅਤ੍ਥਸਿਦ੍ਧੀਤਿ ਆਹ ‘‘ਨੇਸਂ ਅਨਿਯ੍ਯਾਨਿਕਭਾવਕਥਨੇਨ ਅਤ੍ਥਾਭਾવਤੋ’’ਤਿ।
Tantāvutānanti tante pasāretvā vītānaṃ. Gaṇṭhanakilesoti saṃsāre bandhanakileso. Evaṃ vāditāyāti evaṃ paṭiññatāya, evaṃ diṭṭhitāya vā. Niyyānikāti niyyānagatisappāṭihīrakā anupārambhabhūtattāti adhippāyo. No ce niyyānikāti ānetvā yojanā. Tesaṃ sabbaññupaṭiññāya abhūtattā tassā abhūtabhāvakathanena tassa brāhmaṇassa na kāci atthasiddhīti āha ‘‘nesaṃ aniyyānikabhāvakathanena atthābhāvato’’ti.
੩੧੮. ਨਿਹੀਨਲੋਕਾਮਿਸੇ ਲੀਨੋ ਅਜ੍ਝਾਸਯੋ ਏਤਸ੍ਸ, ਨ ਪਨ ਨਿਬ੍ਬਾਨੇਤਿ। ਲੀਨਜ੍ਝਾਸਯੋ। ਸਾਸਨਂ ਸਿਥਿਲਂ ਕਤ੍વਾ ਗਣ੍ਹਾਤਿ ਸਿਕ੍ਖਾਯ ਨ ਤਿਬ੍ਬਗਾਰવਤ੍ਤਾ।
318. Nihīnalokāmise līno ajjhāsayo etassa, na pana nibbāneti. Līnajjhāsayo. Sāsanaṃ sithilaṃ katvā gaṇhāti sikkhāya na tibbagāravattā.
੩੨੩. ਹੇਟ੍ਠਾਤਿ ਅਨਨ੍ਤਰਾਤੀਤਸੁਤ੍ਤੇ ਮਹਾਸਾਰੋਪਮੇ। ਪਠਮਜ੍ਝਾਨਾਦਿਧਮ੍ਮਾ વਿਪਸ੍ਸਨਾਪਾਦਕਾਤਿ વਿਪਸ੍ਸਨਾਯ ਪਦਟ੍ਠਾਨਭੂਤਾ। ਇਧਾਤਿ ਇਮਸ੍ਮਿਂ ਚੂਲ਼ਸਾਰੋਪਮੇ ਆਗਤਾ। ਨਿਰੋਧਪਾਦਕਾਤਿ ਅਨਾਗਾਮਿਨੋ, ਅਰਹਨ੍ਤੋ વਾ ਨਿਰੋਧਸਮਾਪਤ੍ਤਿਂ ਸਮਾਪਜ੍ਜਿਤੁਂ ਸਮਤ੍ਥਾ। ਤਸ੍ਮਾਤਿ ਨਿਰੋਧਪਾਦਕਤ੍ਤਾ। ਪਠਮਜ੍ਝਾਨਾਦਿਧਮ੍ਮਾ ਞਾਣਦਸ੍ਸਨਤੋ ਉਤ੍ਤਰਿਤਰਾਤਿ વੇਦਿਤਬ੍ਬਾ।
323.Heṭṭhāti anantarātītasutte mahāsāropame. Paṭhamajjhānādidhammā vipassanāpādakāti vipassanāya padaṭṭhānabhūtā. Idhāti imasmiṃ cūḷasāropame āgatā. Nirodhapādakāti anāgāmino, arahanto vā nirodhasamāpattiṃ samāpajjituṃ samatthā. Tasmāti nirodhapādakattā. Paṭhamajjhānādidhammā ñāṇadassanato uttaritarāti veditabbā.
ਚੂਲ਼ਸਾਰੋਪਮਸੁਤ੍ਤવਣ੍ਣਨਾਯ ਲੀਨਤ੍ਥਪ੍ਪਕਾਸਨਾ ਸਮਤ੍ਤਾ।
Cūḷasāropamasuttavaṇṇanāya līnatthappakāsanā samattā.
ਨਿਟ੍ਠਿਤਾ ਚ ਓਪਮ੍ਮવਗ੍ਗવਣ੍ਣਨਾ।
Niṭṭhitā ca opammavaggavaṇṇanā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਮਜ੍ਝਿਮਨਿਕਾਯ • Majjhimanikāya / ੧੦. ਚੂਲ਼ਸਾਰੋਪਮਸੁਤ੍ਤਂ • 10. Cūḷasāropamasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੧੦. ਚੂਲ਼ਸਾਰੋਪਮਸੁਤ੍ਤવਣ੍ਣਨਾ • 10. Cūḷasāropamasuttavaṇṇanā
