| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
4. жуул̣асздтиж̇аад̇агаван̣н̣анаа
4. Cūḷaseṭṭhijātakavaṇṇanā
аббагзнаби мзд̇хаавийд̇и имам̣ д̇хаммад̣̇зсанам̣ бхаг̇аваа рааж̇аг̇ахам̣ убаниссааяа ж̇ийвагамб̣аванз вихаранд̇о жуул̣абант̇агад̇т̇зрам̣ аараб̣бха гат̇зси.
Appakenapimedhāvīti imaṃ dhammadesanaṃ bhagavā rājagahaṃ upanissāya jīvakambavane viharanto cūḷapanthakattheraṃ ārabbha kathesi.
д̇ад̇т̇а жуул̣абант̇агасса д̇аава ниб̣б̣ад̇д̇и гат̇зд̇аб̣б̣аа. рааж̇аг̇ахз гира д̇ханасздтигуласса д̇хийд̇аа ад̇д̇ано д̣̇аасзнзва сад̣̇д̇хим̣ сант̇авам̣ гад̇ваа ‘‘ан̃н̃зби мз имам̣ гаммам̣ ж̇аанзяяу’’нд̇и бхийд̇аа звамааха ‘‘амхзхи имасмим̣ таанз васид̇ум̣ на саггаа, сажз мз маад̇аабид̇аро имам̣ д̣̇осам̣ ж̇ааниссанд̇и, кан̣д̣аакан̣д̣ам̣ гариссанд̇и, вид̣̇зсам̣ г̇анд̇ваа васиссаамаа’’д̇и хад̇т̇асаарам̣ г̇ахзд̇ваа аг̇г̇ад̣̇ваарзна нигкамид̇ваа ‘‘яад̇т̇а ваа д̇ад̇т̇а ваа ан̃н̃зхи аж̇аананадтаанам̣ г̇анд̇ваа васиссаамаа’’д̇и убхоби аг̇амам̣су.
Tattha cūḷapanthakassa tāva nibbatti kathetabbā. Rājagahe kira dhanaseṭṭhikulassa dhītā attano dāseneva saddhiṃ santhavaṃ katvā ‘‘aññepi me imaṃ kammaṃ jāneyyu’’nti bhītā evamāha ‘‘amhehi imasmiṃ ṭhāne vasituṃ na sakkā, sace me mātāpitaro imaṃ dosaṃ jānissanti, khaṇḍākhaṇḍaṃ karissanti, videsaṃ gantvā vasissāmā’’ti hatthasāraṃ gahetvā aggadvārena nikkhamitvā ‘‘yattha vā tattha vā aññehi ajānanaṭṭhānaṃ gantvā vasissāmā’’ti ubhopi agamaṃsu.
д̇зсам̣ згасмим̣ таанз васанд̇аанам̣ сам̣ваасаманвааяа д̇ассаа гужчияам̣ г̇аб̣бхо бад̇идтааси. саа г̇аб̣бхабарибаагам̣ ааг̇амма саамигзна сад̣̇д̇хим̣ манд̇зси ‘‘г̇аб̣бхо мз барибаагам̣ г̇ад̇о, н̃аад̇иб̣анд̇хувирахид̇з таанз г̇аб̣бхавудтаанам̣ наама убхиннамби амхаагам̣ д̣̇угкамзва, гулаг̇зхамзва г̇ажчаамаа’’д̇и. со ‘‘сажаахам̣ г̇амиссаами, ж̇ийвид̇ам̣ мз над̇т̇ий’’д̇и жинд̇зд̇ваа ‘‘аж̇ж̇а г̇ажчаама, свз г̇ажчаамаа’’д̇и д̣̇ивасз ад̇иггаамзси. саа жинд̇зси ‘‘аяам̣ б̣аало ад̇д̇ано д̣̇осамаханд̇ад̇ааяа г̇анд̇ум̣ на уссахад̇и, маад̇аабид̇аро наама зганд̇ахид̇аа, аяам̣ г̇ажчад̇у ваа маа ваа, маяаа г̇анд̇ум̣ ваддад̇ий’’д̇и. саа д̇асмим̣ г̇зхаа нигканд̇з г̇зхабаригкаарам̣ бадисаамзд̇ваа ад̇д̇ано гулагхарам̣ г̇ад̇абхаавам̣ ананд̇араг̇зхаваасийнам̣ аарожзд̇ваа маг̇г̇ам̣ бадибаж̇ж̇и.
Tesaṃ ekasmiṃ ṭhāne vasantānaṃ saṃvāsamanvāya tassā kucchiyaṃ gabbho patiṭṭhāsi. Sā gabbhaparipākaṃ āgamma sāmikena saddhiṃ mantesi ‘‘gabbho me paripākaṃ gato, ñātibandhuvirahite ṭhāne gabbhavuṭṭhānaṃ nāma ubhinnampi amhākaṃ dukkhameva, kulagehameva gacchāmā’’ti. So ‘‘sacāhaṃ gamissāmi, jīvitaṃ me natthī’’ti cintetvā ‘‘ajja gacchāma, sve gacchāmā’’ti divase atikkāmesi. Sā cintesi ‘‘ayaṃ bālo attano dosamahantatāya gantuṃ na ussahati, mātāpitaro nāma ekantahitā, ayaṃ gacchatu vā mā vā, mayā gantuṃ vaṭṭatī’’ti. Sā tasmiṃ gehā nikkhante gehaparikkhāraṃ paṭisāmetvā attano kulagharaṃ gatabhāvaṃ anantaragehavāsīnaṃ ārocetvā maggaṃ paṭipajji.
ат̇а со бурисо гхарам̣ ааг̇ад̇о д̇ам̣ ад̣̇исваа бадивиссагз бужчид̇ваа ‘‘гулагхарам̣ г̇ад̇аа’’д̇и суд̇ваа взг̇зна ануб̣анд̇хид̇ваа анд̇араамаг̇г̇з самбаабун̣и. д̇ассааби д̇ад̇т̇зва г̇аб̣бхавудтаанам̣ ахоси. со ‘‘гим̣ ид̣̇ам̣ бхад̣̇д̣̇з’’д̇и бужчи. ‘‘саами, зго буд̇д̇о ж̇аад̇о’’д̇и. ‘‘ид̣̇аани гим̣ гариссаамаа’’д̇и? ‘‘яассад̇т̇ааяа маяам̣ гулагхарам̣ г̇ажчзяяаама, д̇ам̣ гаммам̣ анд̇араава нибпаннам̣, д̇ад̇т̇а г̇анд̇ваа гим̣ гариссаама, нивад̇д̇аамаа’’д̇и д̣̇взби згажид̇д̇аа худ̇ваа нивад̇д̇им̣су. д̇асса жа д̣̇аарагасса бант̇з ж̇аад̇ад̇д̇аа ‘‘бант̇аго’’д̇и наамам̣ агам̣су . д̇ассаа на жирассзва абароби г̇аб̣бхо бад̇идтахи. саб̣б̣ам̣ буриманаязнзва вид̇т̇аарзд̇аб̣б̣ам̣. д̇ассааби д̣̇аарагасса бант̇з ж̇аад̇ад̇д̇аа батамаж̇аад̇асса ‘‘махаабант̇аго’’д̇и наамам̣ гад̇ваа ид̇арасса ‘‘жуул̣абант̇аго’’д̇и наамам̣ агам̣су. д̇з д̣̇взби д̣̇аарагз г̇ахзд̇ваа ад̇д̇ано васанадтаанамзва ааг̇ад̇аа.
Atha so puriso gharaṃ āgato taṃ adisvā paṭivissake pucchitvā ‘‘kulagharaṃ gatā’’ti sutvā vegena anubandhitvā antarāmagge sampāpuṇi. Tassāpi tattheva gabbhavuṭṭhānaṃ ahosi. So ‘‘kiṃ idaṃ bhadde’’ti pucchi. ‘‘Sāmi, eko putto jāto’’ti. ‘‘Idāni kiṃ karissāmā’’ti? ‘‘Yassatthāya mayaṃ kulagharaṃ gaccheyyāma, taṃ kammaṃ antarāva nipphannaṃ, tattha gantvā kiṃ karissāma, nivattāmā’’ti dvepi ekacittā hutvā nivattiṃsu. Tassa ca dārakassa panthe jātattā ‘‘panthako’’ti nāmaṃ akaṃsu . Tassā na cirasseva aparopi gabbho patiṭṭhahi. Sabbaṃ purimanayeneva vitthāretabbaṃ. Tassāpi dārakassa panthe jātattā paṭhamajātassa ‘‘mahāpanthako’’ti nāmaṃ katvā itarassa ‘‘cūḷapanthako’’ti nāmaṃ akaṃsu. Te dvepi dārake gahetvā attano vasanaṭṭhānameva āgatā.
д̇зсам̣ д̇ад̇т̇а васанд̇аанам̣ аяам̣ махаабант̇агад̣̇аараго ан̃н̃з д̣̇аарагз ‘‘жуул̣абид̇аа махаабид̇аа’’д̇и, ‘‘аяяаго аяяигаа’’д̇и жа вад̣̇анд̇з суд̇ваа маад̇арам̣ бужчи ‘‘амма, ан̃н̃з д̣̇аарагаа ‘жуул̣абид̇аа махаабид̇аа’д̇иби вад̣̇анд̇и, ‘аяяаго аяяигаа’д̇иби вад̣̇анд̇и, амхаагам̣ н̃аад̇агаа над̇т̇ий’’д̇и. ‘‘аама, д̇аад̇а, д̇умхаагам̣ зд̇т̇а н̃аад̇агаа над̇т̇и, рааж̇аг̇аханаг̇арз бана во д̇ханасздти наама аяяаго, д̇ад̇т̇а д̇умхаагам̣ б̣ахуу н̃аад̇агаа’’д̇и. ‘‘гасмаа д̇ад̇т̇а на г̇ажчат̇а, аммаа’’д̇и? саа ад̇д̇ано аг̇аманагааран̣ам̣ буд̇д̇асса агат̇зд̇ваа буд̇д̇зсу бунаббунам̣ гат̇знд̇зсу саамигам̣ ааха – ‘‘имз д̣̇аарагаа мам̣ ад̇ивияа гиламзнд̇и, гим̣ но маад̇аабид̇аро д̣̇исваа мам̣сам̣ каад̣̇иссанд̇и, зхи д̣̇аарагаанам̣ аяяагагулам̣ д̣̇ассзссаамаа’’д̇и. ‘‘ахам̣ саммукаа бхавид̇ум̣ на сагкиссаами, д̇ам̣ бана д̇ад̇т̇а наяиссаамий’’д̇и. ‘‘саад̇ху, аяяа, язна гзнажи убааязна д̣̇аарагаанам̣ аяяагагуламзва д̣̇адтум̣ ваддад̇ий’’д̇и д̣̇взби ж̇анаа д̣̇аарагз аад̣̇ааяа анубуб̣б̣зна рааж̇аг̇ахам̣ бад̇ваа наг̇арад̣̇ваарз згиссаа саалааяа ниваасам̣ гад̇ваа д̣̇аарагамаад̇аа д̣̇вз д̣̇аарагз г̇ахзд̇ваа ааг̇ад̇абхаавам̣ маад̇аабид̇уунам̣ аарожаабзси.
Tesaṃ tattha vasantānaṃ ayaṃ mahāpanthakadārako aññe dārake ‘‘cūḷapitā mahāpitā’’ti, ‘‘ayyako ayyikā’’ti ca vadante sutvā mātaraṃ pucchi ‘‘amma, aññe dārakā ‘cūḷapitā mahāpitā’tipi vadanti, ‘ayyako ayyikā’tipi vadanti, amhākaṃ ñātakā natthī’’ti. ‘‘Āma, tāta, tumhākaṃ ettha ñātakā natthi, rājagahanagare pana vo dhanaseṭṭhi nāma ayyako, tattha tumhākaṃ bahū ñātakā’’ti. ‘‘Kasmā tattha na gacchatha, ammā’’ti? Sā attano agamanakāraṇaṃ puttassa akathetvā puttesu punappunaṃ kathentesu sāmikaṃ āha – ‘‘ime dārakā maṃ ativiya kilamenti, kiṃ no mātāpitaro disvā maṃsaṃ khādissanti, ehi dārakānaṃ ayyakakulaṃ dassessāmā’’ti. ‘‘Ahaṃ sammukhā bhavituṃ na sakkhissāmi, taṃ pana tattha nayissāmī’’ti. ‘‘Sādhu, ayya, yena kenaci upāyena dārakānaṃ ayyakakulameva daṭṭhuṃ vaṭṭatī’’ti dvepi janā dārake ādāya anupubbena rājagahaṃ patvā nagaradvāre ekissā sālāya nivāsaṃ katvā dārakamātā dve dārake gahetvā āgatabhāvaṃ mātāpitūnaṃ ārocāpesi.
д̇з д̇ам̣ саасанам̣ суд̇ваа ‘‘сам̣саарз вижаранд̇аанам̣ на буд̇д̇о на д̇хийд̇аа наама над̇т̇и, д̇з амхаагам̣ махаабараад̇хигаа, на саггаа д̇зхи амхаагам̣ жагкубат̇з таад̇ум̣, зд̇д̇агам̣ бана д̇ханам̣ г̇ахзд̇ваа д̣̇взби ж̇анаа паасугадтаанам̣ г̇анд̇ваа ж̇ийванд̇у, д̣̇аарагз бана ид̇ха бзсзнд̇уу’’д̇и. сздтид̇хийд̇аа маад̇аабид̇уухи бзсид̇ам̣ д̇ханам̣ г̇ахзд̇ваа д̣̇аарагз ааг̇ад̇ад̣̇ууд̇аанам̣язва хад̇т̇з д̣̇ад̇ваа бзсзси, д̣̇аарагаа аяяагагулз вад̣дханд̇и. д̇зсу жуул̣абант̇аго ад̇ид̣̇ахаро, махаабант̇аго бана аяяагзна сад̣̇д̇хим̣ д̣̇асаб̣аласса д̇хаммагат̇ам̣ сод̇ум̣ г̇ажчад̇и. д̇асса нижжам̣ сад̇т̇у саммукаа д̇хаммам̣ сун̣анд̇асса баб̣б̣аж̇ж̇ааяа жид̇д̇ам̣ нами. со аяяагам̣ ааха ‘‘сажз д̇умхз самбадижчат̇а, ахам̣ баб̣б̣аж̇зяяа’’нд̇и. ‘‘гим̣ вад̣̇зси, д̇аад̇а, маяхам̣ сагалалогассаби баб̣б̣аж̇ж̇аад̇о д̇авзва баб̣б̣аж̇ж̇аа бхад̣̇д̣̇игаа, сажз саггоси, баб̣б̣аж̇а д̇аад̇аа’’д̇и самбадижчид̇ваа сад̇т̇у санд̇игам̣ г̇ад̇о. сад̇т̇аа ‘‘гим̣ махаасздти д̣̇аараго д̇з лад̣̇д̇хо’’д̇и. ‘‘аама, бханд̇з аяам̣ д̣̇аараго маяхам̣ над̇д̇аа, д̇умхаагам̣ санд̇игз баб̣б̣аж̇аамийд̇и вад̣̇ад̇ий’’д̇и ааха. сад̇т̇аа ан̃н̃ад̇арам̣ бин̣д̣ажааригам̣ бхигкум̣ ‘‘имам̣ д̣̇аарагам̣ баб̣б̣ааж̇зхий’’д̇и аан̣аабзси. т̇зро д̇асса д̇ажабан̃жагагаммадтаанам̣ аажигкид̇ваа баб̣б̣ааж̇зси. со б̣ахум̣ б̣уд̣̇д̇хаважанам̣ уг̇г̇ан̣хид̇ваа барибун̣н̣авассо убасамбад̣̇ам̣ лабхи. убасамбанно худ̇ваа яонисо манасигаарз гаммам̣ гаронд̇о арахад̇д̇ам̣ баабун̣и.
Te taṃ sāsanaṃ sutvā ‘‘saṃsāre vicarantānaṃ na putto na dhītā nāma natthi, te amhākaṃ mahāparādhikā, na sakkā tehi amhākaṃ cakkhupathe ṭhātuṃ, ettakaṃ pana dhanaṃ gahetvā dvepi janā phāsukaṭṭhānaṃ gantvā jīvantu, dārake pana idha pesentū’’ti. Seṭṭhidhītā mātāpitūhi pesitaṃ dhanaṃ gahetvā dārake āgatadūtānaṃyeva hatthe datvā pesesi, dārakā ayyakakule vaḍḍhanti. Tesu cūḷapanthako atidaharo, mahāpanthako pana ayyakena saddhiṃ dasabalassa dhammakathaṃ sotuṃ gacchati. Tassa niccaṃ satthu sammukhā dhammaṃ suṇantassa pabbajjāya cittaṃ nami. So ayyakaṃ āha ‘‘sace tumhe sampaṭicchatha, ahaṃ pabbajeyya’’nti. ‘‘Kiṃ vadesi, tāta, mayhaṃ sakalalokassapi pabbajjāto taveva pabbajjā bhaddikā, sace sakkosi, pabbaja tātā’’ti sampaṭicchitvā satthu santikaṃ gato. Satthā ‘‘kiṃ mahāseṭṭhi dārako te laddho’’ti. ‘‘Āma, bhante ayaṃ dārako mayhaṃ nattā, tumhākaṃ santike pabbajāmīti vadatī’’ti āha. Satthā aññataraṃ piṇḍacārikaṃ bhikkhuṃ ‘‘imaṃ dārakaṃ pabbājehī’’ti āṇāpesi. Thero tassa tacapañcakakammaṭṭhānaṃ ācikkhitvā pabbājesi. So bahuṃ buddhavacanaṃ uggaṇhitvā paripuṇṇavasso upasampadaṃ labhi. Upasampanno hutvā yoniso manasikāre kammaṃ karonto arahattaṃ pāpuṇi.
со жхаанасукзна, маг̇г̇асукзна, паласукзна вийд̇инаамзнд̇о жинд̇зси ‘‘саггаа ну ко имам̣ сукам̣ жуул̣абант̇агасса д̣̇аад̇у’’нд̇и. д̇ад̇о аяяагасздтисса санд̇игам̣ г̇анд̇ваа ‘‘махаасздти сажз д̇умхз самбадижчат̇а, ахам̣ жуул̣абант̇агам̣ баб̣б̣ааж̇зяяа’’нд̇и ааха. ‘‘баб̣б̣ааж̇зт̇а, бханд̇з’’д̇и. т̇зро жуул̣абант̇агад̣̇аарагам̣ баб̣б̣ааж̇зд̇ваа д̣̇асасу сийлзсу бад̇идтаабзси. жуул̣абант̇агасааман̣зро баб̣б̣аж̇ид̇ваава д̣̇анд̇хо ахоси.
So jhānasukhena, maggasukhena, phalasukhena vītināmento cintesi ‘‘sakkā nu kho imaṃ sukhaṃ cūḷapanthakassa dātu’’nti. Tato ayyakaseṭṭhissa santikaṃ gantvā ‘‘mahāseṭṭhi sace tumhe sampaṭicchatha, ahaṃ cūḷapanthakaṃ pabbājeyya’’nti āha. ‘‘Pabbājetha, bhante’’ti. Thero cūḷapanthakadārakaṃ pabbājetvā dasasu sīlesu patiṭṭhāpesi. Cūḷapanthakasāmaṇero pabbajitvāva dandho ahosi.
‘‘бад̣̇умам̣ яат̇аа гоганад̣̇ам̣ суг̇анд̇хам̣, баад̇о сияаа пулламавийд̇аг̇анд̇хам̣;
‘‘Padumaṃ yathā kokanadaṃ sugandhaṃ, pāto siyā phullamavītagandhaṃ;
ан̇г̇ийрасам̣ басса вирожамаанам̣, д̇абанд̇амаад̣̇ижжамиванд̇алигкз’’д̇и. (сам̣. ни. 1.123; а. ни. 5.195) –
Aṅgīrasaṃ passa virocamānaṃ, tapantamādiccamivantalikkhe’’ti. (saṃ. ni. 1.123; a. ni. 5.195) –
имам̣ згаг̇аат̇ам̣ жад̇уухи маасзхи г̇ан̣хид̇ум̣ наасагки. со гира гассабасаммаасамб̣уд̣̇д̇хагаалз баб̣б̣аж̇ид̇ваа бан̃н̃аваа худ̇ваа ан̃н̃ад̇арасса д̣̇анд̇хабхигкуно уд̣̇д̣̇зсаг̇г̇ахан̣агаалз барихаасагзл̣им̣ агааси. со бхигку д̇зна барихаасзна лаж̇ж̇ид̇о нзва уд̣̇д̣̇зсам̣ г̇ан̣хи, на саж̇жхааяамагааси. д̇зна гаммзна аяам̣ баб̣б̣аж̇ид̇ваава д̣̇анд̇хо ж̇аад̇о, г̇ахид̇аг̇ахид̇ам̣ бад̣̇ам̣ убаруубари бад̣̇ам̣ г̇ан̣ханд̇асса нассад̇и. д̇асса имамзва г̇аат̇ам̣ г̇ахзд̇ум̣ вааяаманд̇асса жад̇д̇ааро маасаа ад̇игганд̇аа.
Imaṃ ekagāthaṃ catūhi māsehi gaṇhituṃ nāsakkhi. So kira kassapasammāsambuddhakāle pabbajitvā paññavā hutvā aññatarassa dandhabhikkhuno uddesaggahaṇakāle parihāsakeḷiṃ akāsi. So bhikkhu tena parihāsena lajjito neva uddesaṃ gaṇhi, na sajjhāyamakāsi. Tena kammena ayaṃ pabbajitvāva dandho jāto, gahitagahitaṃ padaṃ uparūpari padaṃ gaṇhantassa nassati. Tassa imameva gāthaṃ gahetuṃ vāyamantassa cattāro māsā atikkantā.
ат̇а нам̣ махаабант̇аго ааха ‘‘жуул̣абант̇ага, д̇вам̣ имасмим̣ саасанз абхаб̣б̣о, жад̇уухи маасзхи згамби г̇аат̇ам̣ г̇ахзд̇ум̣ на саггоси, баб̣б̣аж̇ид̇агижжам̣ бана д̇вам̣ гат̇ам̣ мад̇т̇агам̣ баабзссаси, нигкама ид̇о’’д̇и вихаараа ниггад̣дхи. жуул̣абант̇аго б̣уд̣̇д̇хасаасанз синзхзна г̇ихибхаавам̣ на бад̇т̇зд̇и. д̇асмин̃жа гаалз махаабант̇аго бхад̇д̇уд̣̇д̣̇зсаго ход̇и. ж̇ийваго гомаарабхажжо б̣ахум̣ г̇анд̇хамаалам̣ аад̣̇ааяа ад̇д̇ано амб̣аванам̣ г̇анд̇ваа сад̇т̇аарам̣ бууж̇зд̇ваа д̇хаммам̣ суд̇ваа удтааяаасанаа д̣̇асаб̣алам̣ ванд̣̇ид̇ваа махаабант̇агам̣ убасан̇гамид̇ваа ‘‘гид̇д̇агаа , бханд̇з, сад̇т̇у санд̇игз бхигкуу’’д̇и бужчи. ‘‘бан̃жамад̇д̇аани бхигкусад̇ааний’’д̇и. ‘‘свз, бханд̇з, б̣уд̣̇д̇хаббамукаани бан̃жа бхигкусад̇аани аад̣̇ааяа амхаагам̣ нивзсанз бхигкам̣ г̇ан̣хат̇аа’’д̇и. ‘‘убаасага, жуул̣абант̇аго наама бхигку д̣̇анд̇хо авирул̣хид̇хаммо, д̇ам̣ табзд̇ваа сзсаанам̣ ниманд̇анам̣ самбадижчаамий’’д̇и т̇зро ааха. д̇ам̣ суд̇ваа жуул̣абант̇аго жинд̇зси ‘‘т̇зро зд̇д̇агаанам̣ бхигкуунам̣ ниманд̇анам̣ самбадижчанд̇о мам̣ б̣аахирам̣ гад̇ваа самбадижчад̇и, ниссам̣саяам̣ маяхам̣ бхаад̇игасса маяи жид̇д̇ам̣ бхиннам̣ бхависсад̇и, гим̣ ид̣̇аани маяхам̣ иминаа саасанзна, г̇ихий худ̇ваа д̣̇аанаад̣̇ийни бун̃н̃аани гаронд̇о ж̇ийвиссаамий’’д̇и.
Atha naṃ mahāpanthako āha ‘‘cūḷapanthaka, tvaṃ imasmiṃ sāsane abhabbo, catūhi māsehi ekampi gāthaṃ gahetuṃ na sakkosi, pabbajitakiccaṃ pana tvaṃ kathaṃ matthakaṃ pāpessasi, nikkhama ito’’ti vihārā nikkaḍḍhi. Cūḷapanthako buddhasāsane sinehena gihibhāvaṃ na pattheti. Tasmiñca kāle mahāpanthako bhattuddesako hoti. Jīvako komārabhacco bahuṃ gandhamālaṃ ādāya attano ambavanaṃ gantvā satthāraṃ pūjetvā dhammaṃ sutvā uṭṭhāyāsanā dasabalaṃ vanditvā mahāpanthakaṃ upasaṅkamitvā ‘‘kittakā , bhante, satthu santike bhikkhū’’ti pucchi. ‘‘Pañcamattāni bhikkhusatānī’’ti. ‘‘Sve, bhante, buddhappamukhāni pañca bhikkhusatāni ādāya amhākaṃ nivesane bhikkhaṃ gaṇhathā’’ti. ‘‘Upāsaka, cūḷapanthako nāma bhikkhu dandho aviruḷhidhammo, taṃ ṭhapetvā sesānaṃ nimantanaṃ sampaṭicchāmī’’ti thero āha. Taṃ sutvā cūḷapanthako cintesi ‘‘thero ettakānaṃ bhikkhūnaṃ nimantanaṃ sampaṭicchanto maṃ bāhiraṃ katvā sampaṭicchati, nissaṃsayaṃ mayhaṃ bhātikassa mayi cittaṃ bhinnaṃ bhavissati, kiṃ idāni mayhaṃ iminā sāsanena, gihī hutvā dānādīni puññāni karonto jīvissāmī’’ti.
со бунад̣̇ивасз баад̇ова ‘‘г̇ихий бхависсаамий’’д̇и бааяааси. сад̇т̇аа бажжуусагаалзязва логам̣ ологзнд̇о имам̣ гааран̣ам̣ д̣̇исваа батамад̇арам̣ г̇анд̇ваа жуул̣абант̇агасса г̇аманамаг̇г̇з д̣̇ваарагодтагз жан̇гаманд̇о адтааси. жуул̣абант̇аго гхарам̣ г̇ажчанд̇о сад̇т̇аарам̣ д̣̇исваа убасан̇гамид̇ваа ванд̣̇и. ат̇а нам̣ сад̇т̇аа ‘‘гахам̣ бана, д̇вам̣ жуул̣абант̇ага, имааяа взлааяа г̇ажчасий’’д̇и ааха. бхаад̇аа мам̣, бханд̇з, ниггад̣дхад̇и , д̇знаахам̣ виб̣бхамид̇ум̣ г̇ажчаамийд̇и. жуул̣абант̇ага, д̇ава баб̣б̣аж̇ж̇аа наама мама санд̇агаа, бхаад̇араа ниггад̣дхид̇о гасмаа мама санд̇игам̣ нааг̇ан̃чи? зхи гим̣ д̇з г̇ихибхаавзна, мама санд̇игз бхависсасий’’д̇и бхаг̇аваа жуул̣абант̇агам̣ аад̣̇ааяа г̇анд̇ваа г̇анд̇хагудиббамукз нисийд̣̇аабзд̇ваа ‘‘жуул̣абант̇ага, д̇вам̣ бурад̇т̇аабхимуко худ̇ваа имам̣ билод̇игам̣ ‘раж̇охаран̣ам̣ раж̇охаран̣а’нд̇и баримаж̇ж̇анд̇о ид̇хзва хохий’’д̇и ид̣̇д̇хияаа абхисан̇кад̇ам̣ барисуд̣̇д̇хам̣ билод̇игаакан̣д̣ам̣ д̣̇ад̇ваа гаалз аарожид̇з бхигкусан̇гхабаривуд̇о ж̇ийвагасса г̇зхам̣ г̇анд̇ваа бан̃н̃ад̇д̇аасанз нисийд̣̇и.
So punadivase pātova ‘‘gihī bhavissāmī’’ti pāyāsi. Satthā paccūsakāleyeva lokaṃ olokento imaṃ kāraṇaṃ disvā paṭhamataraṃ gantvā cūḷapanthakassa gamanamagge dvārakoṭṭhake caṅkamanto aṭṭhāsi. Cūḷapanthako gharaṃ gacchanto satthāraṃ disvā upasaṅkamitvā vandi. Atha naṃ satthā ‘‘kahaṃ pana, tvaṃ cūḷapanthaka, imāya velāya gacchasī’’ti āha. Bhātā maṃ, bhante, nikkaḍḍhati , tenāhaṃ vibbhamituṃ gacchāmīti. Cūḷapanthaka, tava pabbajjā nāma mama santakā, bhātarā nikkaḍḍhito kasmā mama santikaṃ nāgañchi? Ehi kiṃ te gihibhāvena, mama santike bhavissasī’’ti bhagavā cūḷapanthakaṃ ādāya gantvā gandhakuṭippamukhe nisīdāpetvā ‘‘cūḷapanthaka, tvaṃ puratthābhimukho hutvā imaṃ pilotikaṃ ‘rajoharaṇaṃ rajoharaṇa’nti parimajjanto idheva hohī’’ti iddhiyā abhisaṅkhataṃ parisuddhaṃ pilotikākhaṇḍaṃ datvā kāle ārocite bhikkhusaṅghaparivuto jīvakassa gehaṃ gantvā paññattāsane nisīdi.
жуул̣абант̇агоби суурияам̣ ологзнд̇о д̇ам̣ билод̇игаакан̣д̣ам̣ ‘‘раж̇охаран̣ам̣ раж̇охаран̣а’’нд̇и баримаж̇ж̇анд̇о нисийд̣̇и, д̇асса д̇ам̣ билод̇игаакан̣д̣ам̣ баримаж̇ж̇анд̇асса баримаж̇ж̇анд̇асса гилидтам̣ ахоси. д̇ад̇о жинд̇зси ‘‘ид̣̇ам̣ билод̇игаакан̣д̣ам̣ ад̇ивияа барисуд̣̇д̇хам̣, имам̣ бана ад̇д̇абхаавам̣ ниссааяа буримабагад̇им̣ виж̇ахид̇ваа звам̣ гилидтам̣ ж̇аад̇ам̣, анижжаа вад̇а сан̇каараа’’д̇и каяаваяам̣ бадтабзнд̇о вибассанам̣ вад̣дхзси. сад̇т̇аа ‘‘жуул̣абант̇агасса жид̇д̇ам̣ вибассанам̣ аарул̣ха’’нд̇и н̃ад̇ваа ‘‘жуул̣абант̇ага, д̇вам̣ зд̇ам̣ билод̇игаакан̣д̣амзва сам̣гилидтам̣ раж̇оран̃ж̇ид̇ам̣ ж̇аад̇анд̇и маа сан̃н̃ам̣ гари, аб̣бханд̇арз бана д̇з рааг̇араж̇аад̣̇аяо ад̇т̇и, д̇з хараахий’’д̇и вад̇ваа обхаасам̣ виссаж̇ж̇зд̇ваа бурад̇о нисинно вияа бан̃н̃ааяамаанаруубо худ̇ваа имаа г̇аат̇аа абхааси –
Cūḷapanthakopi sūriyaṃ olokento taṃ pilotikākhaṇḍaṃ ‘‘rajoharaṇaṃ rajoharaṇa’’nti parimajjanto nisīdi, tassa taṃ pilotikākhaṇḍaṃ parimajjantassa parimajjantassa kiliṭṭhaṃ ahosi. Tato cintesi ‘‘idaṃ pilotikākhaṇḍaṃ ativiya parisuddhaṃ, imaṃ pana attabhāvaṃ nissāya purimapakatiṃ vijahitvā evaṃ kiliṭṭhaṃ jātaṃ, aniccā vata saṅkhārā’’ti khayavayaṃ paṭṭhapento vipassanaṃ vaḍḍhesi. Satthā ‘‘cūḷapanthakassa cittaṃ vipassanaṃ āruḷha’’nti ñatvā ‘‘cūḷapanthaka, tvaṃ etaṃ pilotikākhaṇḍameva saṃkiliṭṭhaṃ rajorañjitaṃ jātanti mā saññaṃ kari, abbhantare pana te rāgarajādayo atthi, te harāhī’’ti vatvā obhāsaṃ vissajjetvā purato nisinno viya paññāyamānarūpo hutvā imā gāthā abhāsi –
‘‘рааг̇о раж̇о на жа бана рзн̣у вужжад̇и, рааг̇ассзд̇ам̣ ад̇хиважанам̣ раж̇од̇и;
‘‘Rāgo rajo na ca pana reṇu vuccati, rāgassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ва бхигкаво, вихаранд̇и д̇з виг̇ад̇араж̇асса саасанз.
Etaṃ rajaṃ vippajahitva bhikkhavo, viharanti te vigatarajassa sāsane.
‘‘д̣̇осо раж̇о на жа бана рзн̣у вужжад̇и, д̣̇осассзд̇ам̣ ад̇хиважанам̣ раж̇од̇и;
‘‘Doso rajo na ca pana reṇu vuccati, dosassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ва бхигкаво, вихаранд̇и д̇з виг̇ад̇араж̇асса саасанз.
Etaṃ rajaṃ vippajahitva bhikkhavo, viharanti te vigatarajassa sāsane.
‘‘мохо раж̇о на жа бана рзн̣у вужжад̇и, мохассзд̇ам̣ ад̇хиважанам̣ раж̇од̇и;
‘‘Moho rajo na ca pana reṇu vuccati, mohassetaṃ adhivacanaṃ rajoti;
зд̇ам̣ раж̇ам̣ виббаж̇ахид̇ва бхигкаво, вихаранд̇и д̇з виг̇ад̇араж̇асса саасанз’’д̇и. (махаани. 209; жуул̣ани. уд̣̇аяамаан̣авабужчаанид̣̇д̣̇зса 74);
Etaṃ rajaṃ vippajahitva bhikkhavo, viharanti te vigatarajassa sāsane’’ti. (mahāni. 209; cūḷani. udayamāṇavapucchāniddesa 74);
г̇аат̇аабарияосаанз жуул̣абант̇аго саха бадисамбхид̣̇аахи арахад̇д̇ам̣ баабун̣и, бадисамбхид̣̇аахиязвасса д̇ийн̣и бидагаани ааг̇амам̣су. со гира буб̣б̣з рааж̇аа худ̇ваа наг̇арам̣ бад̣̇агкин̣ам̣ гаронд̇о налаадад̇о сзд̣̇з мужжанд̇з барисуд̣̇д̇хзна саадагзна налааданд̇ам̣ бун̃чи, саадаго гилидто ахоси. со ‘‘имам̣ сарийрам̣ ниссааяа зваруубо барисуд̣̇д̇хо саадаго багад̇им̣ ж̇ахид̇ваа гилидто ж̇аад̇о, анижжаа вад̇а сан̇каараа’’д̇и анижжасан̃н̃ам̣ бадилабхи. д̇зна гааран̣знасса раж̇охаран̣амзва бажжаяо ж̇аад̇о.
Gāthāpariyosāne cūḷapanthako saha paṭisambhidāhi arahattaṃ pāpuṇi, paṭisambhidāhiyevassa tīṇi piṭakāni āgamaṃsu. So kira pubbe rājā hutvā nagaraṃ padakkhiṇaṃ karonto nalāṭato sede muccante parisuddhena sāṭakena nalāṭantaṃ puñchi, sāṭako kiliṭṭho ahosi. So ‘‘imaṃ sarīraṃ nissāya evarūpo parisuddho sāṭako pakatiṃ jahitvā kiliṭṭho jāto, aniccā vata saṅkhārā’’ti aniccasaññaṃ paṭilabhi. Tena kāraṇenassa rajoharaṇameva paccayo jāto.
ж̇ийвагоби ко гомаарабхажжо д̣̇асаб̣аласса д̣̇агкин̣од̣̇агам̣ убанаамзси. сад̇т̇аа ‘‘нану, ж̇ийвага, вихаарз бхигкуу ад̇т̇ий’’д̇и хад̇т̇зна бад̇д̇ам̣ бид̣̇ахи. махаабант̇аго ‘‘бханд̇з, вихаарз над̇т̇и бхигкуу’’д̇и ааха. сад̇т̇аа ‘‘ад̇т̇и ж̇ийвагаа’’д̇и ааха. ж̇ийваго ‘‘д̇зна хи, бхан̣з, г̇ажча, вихаарз бхигкуунам̣ ад̇т̇ибхаавам̣ ваа над̇т̇ибхаавам̣ ваа ж̇аанаахий’’д̇и бурисам̣ бзсзси. д̇асмим̣ кан̣з жуул̣абант̇аго ‘‘маяхам̣ бхаад̇иго ‘вихаарз бхигкуу над̇т̇ий’д̇и бхан̣ад̇и, вихаарз бхигкуунам̣ ад̇т̇ибхаавамасса багаасзссаамий’’д̇и сагалам̣ амб̣аванам̣ бхигкуунам̣язва буурзси. згажжз бхигкуу жийварагаммам̣ гаронд̇и, згажжз раж̇анагаммам̣, згажжз саж̇жхааяам̣ гаронд̇ийд̇и звам̣ ан̃н̃аман̃н̃ам̣ асад̣̇исам̣ бхигкусахассам̣ маабзси. со бурисо вихаарз б̣ахуу бхигкуу д̣̇исваа нивад̇д̇ид̇ваа ‘‘аяяа , сагалам̣ амб̣аванам̣ бхигкуухи барибун̣н̣а’’нд̇и ж̇ийвагасса аарожзси. т̇зроби ко д̇ад̇т̇зва –
Jīvakopi kho komārabhacco dasabalassa dakkhiṇodakaṃ upanāmesi. Satthā ‘‘nanu, jīvaka, vihāre bhikkhū atthī’’ti hatthena pattaṃ pidahi. Mahāpanthako ‘‘bhante, vihāre natthi bhikkhū’’ti āha. Satthā ‘‘atthi jīvakā’’ti āha. Jīvako ‘‘tena hi, bhaṇe, gaccha, vihāre bhikkhūnaṃ atthibhāvaṃ vā natthibhāvaṃ vā jānāhī’’ti purisaṃ pesesi. Tasmiṃ khaṇe cūḷapanthako ‘‘mayhaṃ bhātiko ‘vihāre bhikkhū natthī’ti bhaṇati, vihāre bhikkhūnaṃ atthibhāvamassa pakāsessāmī’’ti sakalaṃ ambavanaṃ bhikkhūnaṃyeva pūresi. Ekacce bhikkhū cīvarakammaṃ karonti, ekacce rajanakammaṃ, ekacce sajjhāyaṃ karontīti evaṃ aññamaññaṃ asadisaṃ bhikkhusahassaṃ māpesi. So puriso vihāre bahū bhikkhū disvā nivattitvā ‘‘ayya , sakalaṃ ambavanaṃ bhikkhūhi paripuṇṇa’’nti jīvakassa ārocesi. Theropi kho tattheva –
‘‘сахассагкад̇д̇умад̇д̇аанам̣, нимминид̇ваана бант̇аго;
‘‘Sahassakkhattumattānaṃ, nimminitvāna panthako;
нисийд̣̇амб̣аванз раммз, яаава гаалаббавзд̣̇анаа’’д̇и. (т̇зраг̇аа. 563);
Nisīdambavane ramme, yāva kālappavedanā’’ti. (theragā. 563);
ат̇а сад̇т̇аа д̇ам̣ бурисам̣ ааха – ‘‘вихаарам̣ г̇анд̇ваа ‘сад̇т̇аа жуул̣абант̇агам̣ наама баггосад̇ий’д̇и вад̣̇зхий’’д̇и. д̇зна г̇анд̇ваа д̇ат̇аавуд̇д̇з ‘‘ахам̣ жуул̣абант̇аго, ахам̣ жуул̣абант̇аго’’д̇и мукасахассам̣ удтахи. бурисо г̇анд̇ваа ‘‘саб̣б̣зби гира д̇з, бханд̇з, жуул̣абант̇агааязва наамаа’’д̇и ааха. д̇зна хи д̇вам̣ г̇анд̇ваа яо батамам̣ ‘‘ахам̣ жуул̣абант̇аго’’д̇и вад̣̇ад̇и, д̇ам̣ хад̇т̇з г̇ан̣ха, авасзсаа анд̇арад̇хааяиссанд̇ийд̇и. со д̇ат̇аа агааси, д̇аавад̣̇зва сахассамад̇д̇аа бхигкуу анд̇арад̇хааяим̣су. т̇зро д̇зна бурисзна сад̣̇д̇хим̣ аг̇амааси. сад̇т̇аа бхад̇д̇агижжабарияосаанз ж̇ийвагам̣ ааманд̇зси ‘‘ж̇ийвага, жуул̣абант̇агасса бад̇д̇ам̣ г̇ан̣ха, аяам̣ д̇з анумод̣̇анам̣ гариссад̇ий’’д̇и. ж̇ийваго д̇ат̇аа агааси. т̇зро сийханаад̣̇ам̣ над̣̇анд̇о д̇арун̣асийхо вияа д̇ийн̣и бидагаани сам̣кобхзд̇ваа анумод̣̇анам̣ агааси.
Atha satthā taṃ purisaṃ āha – ‘‘vihāraṃ gantvā ‘satthā cūḷapanthakaṃ nāma pakkosatī’ti vadehī’’ti. Tena gantvā tathāvutte ‘‘ahaṃ cūḷapanthako, ahaṃ cūḷapanthako’’ti mukhasahassaṃ uṭṭhahi. Puriso gantvā ‘‘sabbepi kira te, bhante, cūḷapanthakāyeva nāmā’’ti āha. Tena hi tvaṃ gantvā yo paṭhamaṃ ‘‘ahaṃ cūḷapanthako’’ti vadati, taṃ hatthe gaṇha, avasesā antaradhāyissantīti. So tathā akāsi, tāvadeva sahassamattā bhikkhū antaradhāyiṃsu. Thero tena purisena saddhiṃ agamāsi. Satthā bhattakiccapariyosāne jīvakaṃ āmantesi ‘‘jīvaka, cūḷapanthakassa pattaṃ gaṇha, ayaṃ te anumodanaṃ karissatī’’ti. Jīvako tathā akāsi. Thero sīhanādaṃ nadanto taruṇasīho viya tīṇi piṭakāni saṃkhobhetvā anumodanaṃ akāsi.
сад̇т̇аа удтааяаасанаа бхигкусан̇гхабаривааро вихаарам̣ г̇анд̇ваа бхигкуухи вад̇д̇з д̣̇ассид̇з удтааяаасанаа г̇анд̇хагудиббамукз тад̇ваа бхигкусан̇гхасса суг̇ад̇оваад̣̇ам̣ д̣̇ад̇ваа гаммадтаанам̣ гат̇зд̇ваа бхигкусан̇гхам̣ уяяож̇зд̇ваа сурабхиг̇анд̇хаваасид̇ам̣ г̇анд̇хагудим̣ бависид̇ваа д̣̇агкин̣зна бассзна сийхасзяяам̣ убаг̇ад̇о. ат̇а сааяанхасамаяз д̇хаммасабхааяам̣ бхигкуу ид̇о жид̇о жа самосарид̇ваа рад̇д̇агамб̣аласаан̣им̣ баригкибанд̇аа вияа нисийд̣̇ид̇ваа сад̇т̇у г̇ун̣агат̇ам̣ аарабхим̣су ‘‘аавусо, махаабант̇аго жуул̣абант̇агасса аж̇жхаасаяам̣ аж̇аананд̇о ‘жад̇уухи маасзхи згаг̇аат̇ам̣ г̇ан̣хид̇ум̣ на саггод̇и, д̣̇анд̇хо аяа’нд̇и вихаараа ниггад̣дхи, саммаасамб̣уд̣̇д̇хо бана ад̇д̇ано ануд̇д̇арад̇хаммарааж̇ад̇ааяа згасмим̣язвасса анд̇арабхад̇д̇з саха бадисамбхид̣̇аахи арахад̇д̇ам̣ ад̣̇ааси, д̇ийн̣и бидагаани бадисамбхид̣̇аахиязва ааг̇ад̇аани, ахо б̣уд̣̇д̇хаанам̣ б̣алам̣ наама маханд̇а’’нд̇и.
Satthā uṭṭhāyāsanā bhikkhusaṅghaparivāro vihāraṃ gantvā bhikkhūhi vatte dassite uṭṭhāyāsanā gandhakuṭippamukhe ṭhatvā bhikkhusaṅghassa sugatovādaṃ datvā kammaṭṭhānaṃ kathetvā bhikkhusaṅghaṃ uyyojetvā surabhigandhavāsitaṃ gandhakuṭiṃ pavisitvā dakkhiṇena passena sīhaseyyaṃ upagato. Atha sāyanhasamaye dhammasabhāyaṃ bhikkhū ito cito ca samosaritvā rattakambalasāṇiṃ parikkhipantā viya nisīditvā satthu guṇakathaṃ ārabhiṃsu ‘‘āvuso, mahāpanthako cūḷapanthakassa ajjhāsayaṃ ajānanto ‘catūhi māsehi ekagāthaṃ gaṇhituṃ na sakkoti, dandho aya’nti vihārā nikkaḍḍhi, sammāsambuddho pana attano anuttaradhammarājatāya ekasmiṃyevassa antarabhatte saha paṭisambhidāhi arahattaṃ adāsi, tīṇi piṭakāni paṭisambhidāhiyeva āgatāni, aho buddhānaṃ balaṃ nāma mahanta’’nti.
ат̇а бхаг̇аваа д̇хаммасабхааяам̣ имам̣ гат̇аабавад̇д̇им̣ н̃ад̇ваа ‘‘аж̇ж̇а маяаа г̇анд̇ум̣ ваддад̇ий’’д̇и б̣уд̣̇д̇хасзяяааяа удтааяа сурад̇д̇ад̣̇убаддам̣ ниваасзд̇ваа виж̇ж̇улад̇ам̣ вияа гааяаб̣анд̇ханам̣ б̣анд̇хид̇ваа рад̇д̇агамб̣аласад̣̇исам̣ суг̇ад̇амахаажийварам̣ баарубид̇ваа сурабхиг̇анд̇хагудид̇о нигкамма мад̇д̇авааран̣о вияа сийхавигганд̇авилаасзна виж̇амбхамаано сийхо вияа ананд̇ааяа б̣уд̣̇д̇халийлааяа д̇хаммасабхам̣ г̇анд̇ваа алан̇гад̇аман̣д̣абамаж̇жхз субан̃н̃ад̇д̇авараб̣уд̣̇д̇хаасанам̣ абхируяха чаб̣б̣ан̣н̣аб̣уд̣̇д̇харасмияо виссаж̇ж̇знд̇о ан̣н̣авагужчим̣ обхаасаяамаано яуг̇анд̇харамад̇т̇агз б̣ааласуурияо вияа аасанамаж̇жхз нисийд̣̇и. саммаасамб̣уд̣̇д̇хз бана ааг̇ад̇амад̇д̇з бхигкусан̇гхо гат̇ам̣ бажчинд̣̇ид̇ваа д̇ун̣хий ахоси.
Atha bhagavā dhammasabhāyaṃ imaṃ kathāpavattiṃ ñatvā ‘‘ajja mayā gantuṃ vaṭṭatī’’ti buddhaseyyāya uṭṭhāya surattadupaṭṭaṃ nivāsetvā vijjulataṃ viya kāyabandhanaṃ bandhitvā rattakambalasadisaṃ sugatamahācīvaraṃ pārupitvā surabhigandhakuṭito nikkhamma mattavāraṇo viya sīhavikkantavilāsena vijambhamāno sīho viya anantāya buddhalīlāya dhammasabhaṃ gantvā alaṅkatamaṇḍapamajjhe supaññattavarabuddhāsanaṃ abhiruyha chabbaṇṇabuddharasmiyo vissajjento aṇṇavakucchiṃ obhāsayamāno yugandharamatthake bālasūriyo viya āsanamajjhe nisīdi. Sammāsambuddhe pana āgatamatte bhikkhusaṅgho kathaṃ pacchinditvā tuṇhī ahosi.
сад̇т̇аа муд̣̇угзна мзд̇д̇ажид̇д̇зна барисам̣ ологзд̇ваа ‘‘аяам̣ барисаа ад̇ивияа собхад̇и, згассаби хад̇т̇агуггужжам̣ ваа баад̣̇агуггужжам̣ ваа уггаасид̇асад̣̇д̣̇о ваа кибид̇асад̣̇д̣̇о ваа над̇т̇и, саб̣б̣збимз б̣уд̣̇д̇хаг̇ааравзна саг̇аараваа б̣уд̣̇д̇хад̇зж̇зна д̇аж̇ж̇ид̇аа маяи ааяугаббамби агат̇зд̇ваа нисиннз батамам̣ гат̇ам̣ самудтаабзд̇ваа на гат̇зссанд̇и, гат̇аасамудтаабанавад̇д̇ам̣ наама маяаава ж̇аанид̇аб̣б̣ам̣, ахамзва батамам̣ гат̇зссаамий’’д̇и мад̇хурзна б̣рахмассарзна бхигкуу ааманд̇зд̇ваа ‘‘гааяа нуд̇т̇а, бхигкавз , зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и ааха. бханд̇з, на маяам̣ имасмим̣ таанз нисиннаа ан̃н̃ам̣ д̇иражчаанагат̇ам̣ гат̇зма, д̇умхаагам̣язва бана г̇ун̣з ван̣н̣аяамаанаа нисиннаамха ‘‘аавусо махаабант̇аго жуул̣абант̇агасса аж̇жхаасаяам̣ аж̇аананд̇о ‘жад̇уухи маасзхи згам̣ г̇аат̇ам̣ г̇ан̣хид̇ум̣ на саггод̇и, д̣̇анд̇хо аяа’нд̇и вихаараа ниггад̣дхи, саммаасамб̣уд̣̇д̇хо бана ануд̇д̇арад̇хаммарааж̇ад̇ааяа згасмим̣язвасса анд̇арабхад̇д̇з саха бадисамбхид̣̇аахи арахад̇д̇ам̣ ад̣̇ааси, ахо б̣уд̣̇д̇хаанам̣ б̣алам̣ наама маханд̇а’’нд̇и. сад̇т̇аа бхигкуунам̣ гат̇ам̣ суд̇ваа ‘‘бхигкавз, жуул̣абант̇аго мам̣ ниссааяа ид̣̇аани д̇аава д̇хаммзсу д̇хаммамаханд̇ад̇ам̣ бад̇д̇о, буб̣б̣з бана мам̣ ниссааяа бхог̇зсуби бхог̇амаханд̇ад̇ам̣ баабун̣ий’’д̇и ааха. бхигкуу д̇ассад̇т̇асса аавибхаавад̇т̇ам̣ бхаг̇аванд̇ам̣ яаажим̣су. бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Satthā mudukena mettacittena parisaṃ oloketvā ‘‘ayaṃ parisā ativiya sobhati, ekassapi hatthakukkuccaṃ vā pādakukkuccaṃ vā ukkāsitasaddo vā khipitasaddo vā natthi, sabbepime buddhagāravena sagāravā buddhatejena tajjitā mayi āyukappampi akathetvā nisinne paṭhamaṃ kathaṃ samuṭṭhāpetvā na kathessanti, kathāsamuṭṭhāpanavattaṃ nāma mayāva jānitabbaṃ, ahameva paṭhamaṃ kathessāmī’’ti madhurena brahmassarena bhikkhū āmantetvā ‘‘kāya nuttha, bhikkhave , etarahi kathāya sannisinnā, kā ca pana vo antarākathā vippakatā’’ti āha. Bhante, na mayaṃ imasmiṃ ṭhāne nisinnā aññaṃ tiracchānakathaṃ kathema, tumhākaṃyeva pana guṇe vaṇṇayamānā nisinnāmha ‘‘āvuso mahāpanthako cūḷapanthakassa ajjhāsayaṃ ajānanto ‘catūhi māsehi ekaṃ gāthaṃ gaṇhituṃ na sakkoti, dandho aya’nti vihārā nikkaḍḍhi, sammāsambuddho pana anuttaradhammarājatāya ekasmiṃyevassa antarabhatte saha paṭisambhidāhi arahattaṃ adāsi, aho buddhānaṃ balaṃ nāma mahanta’’nti. Satthā bhikkhūnaṃ kathaṃ sutvā ‘‘bhikkhave, cūḷapanthako maṃ nissāya idāni tāva dhammesu dhammamahantataṃ patto, pubbe pana maṃ nissāya bhogesupi bhogamahantataṃ pāpuṇī’’ti āha. Bhikkhū tassatthassa āvibhāvatthaṃ bhagavantaṃ yāciṃsu. Bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з гаасирадтз б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сздтигулз ниб̣б̣ад̇д̇ид̇ваа ваяаббад̇д̇о сздтидтаанам̣ лабхид̇ваа жуул̣асздти наама ахоси, со бан̣д̣ид̇о б̣яад̇д̇о саб̣б̣анимид̇д̇аани ж̇аанаад̇и. со згад̣̇ивасам̣ рааж̇убадтаанам̣ г̇ажчанд̇о анд̇аравийт̇ияам̣ мад̇амуусигам̣ д̣̇исваа д̇ан̇кан̣ан̃н̃зва нагкад̇д̇ам̣ самаанзд̇ваа ид̣̇амааха ‘‘саггаа жагкумад̇аа гулабуд̇д̇зна имам̣ унд̣̇уурам̣ г̇ахзд̇ваа буд̇д̇ад̣̇аарабхаран̣ан̃жа гаад̇ум̣ гамманд̇з жа баяож̇зд̇у’’нд̇и? ан̃н̃ад̇аро д̣̇уг̇г̇ад̇агулабуд̇д̇о д̇ам̣ сздтисса важанам̣ суд̇ваа ‘‘нааяам̣ аж̇аанид̇ваа гат̇зссад̇ий’’д̇и д̇ам̣ муусигам̣ г̇ахзд̇ваа згасмим̣ аабан̣з б̣ил̣аалассад̇т̇ааяа виггин̣ид̇ваа гааган̣игам̣ лабхид̇ваа д̇ааяа гааган̣игааяа паан̣ид̇ам̣ г̇ахзд̇ваа згзна гхадзна баанийяам̣ г̇ан̣хи. со аран̃н̃ад̇о ааг̇ажчанд̇з маалаагаарз д̣̇исваа т̇огам̣ т̇огам̣ паан̣ид̇акан̣д̣ам̣ д̣̇ад̇ваа ул̣ун̇гзна баанийяам̣ ад̣̇ааси, д̇з жасса згзгам̣ бубпамудтим̣ ад̣̇ам̣су. со д̇зна бубпамуулзна бунад̣̇ивасзби паан̣ид̇ан̃жа баанийяагхадан̃жа г̇ахзд̇ваа бубпаараамамзва г̇ад̇о. д̇асса д̇ам̣ д̣̇ивасам̣ маалаагаараа ад̣дхожид̇агз бубпаг̇ажчз д̣̇ад̇ваа аг̇амам̣су. со на жирассзва иминаа убааязна адта гахаабан̣з лабхи.
Atīte kāsiraṭṭhe bārāṇasiyaṃ brahmadatte rajjaṃ kārente bodhisatto seṭṭhikule nibbattitvā vayappatto seṭṭhiṭṭhānaṃ labhitvā cūḷaseṭṭhi nāma ahosi, so paṇḍito byatto sabbanimittāni jānāti. So ekadivasaṃ rājupaṭṭhānaṃ gacchanto antaravīthiyaṃ matamūsikaṃ disvā taṅkhaṇaññeva nakkhattaṃ samānetvā idamāha ‘‘sakkā cakkhumatā kulaputtena imaṃ undūraṃ gahetvā puttadārabharaṇañca kātuṃ kammante ca payojetu’’nti? Aññataro duggatakulaputto taṃ seṭṭhissa vacanaṃ sutvā ‘‘nāyaṃ ajānitvā kathessatī’’ti taṃ mūsikaṃ gahetvā ekasmiṃ āpaṇe biḷālassatthāya vikkiṇitvā kākaṇikaṃ labhitvā tāya kākaṇikāya phāṇitaṃ gahetvā ekena ghaṭena pānīyaṃ gaṇhi. So araññato āgacchante mālākāre disvā thokaṃ thokaṃ phāṇitakhaṇḍaṃ datvā uḷuṅkena pānīyaṃ adāsi, te cassa ekekaṃ pupphamuṭṭhiṃ adaṃsu. So tena pupphamūlena punadivasepi phāṇitañca pānīyaghaṭañca gahetvā pupphārāmameva gato. Tassa taṃ divasaṃ mālākārā aḍḍhocitake pupphagacche datvā agamaṃsu. So na cirasseva iminā upāyena aṭṭha kahāpaṇe labhi.
буна згасмим̣ ваад̇авудтид̣̇ивасз рааж̇уяяаанз б̣ахуу сугкад̣̇ан̣д̣агаа жа саакаа жа балаасан̃жа ваад̇зна баад̇ид̇ам̣ ход̇и, уяяаанабаало чад̣д̣зд̇ум̣ убааяам̣ на бассад̇и . со д̇ад̇т̇а г̇анд̇ваа ‘‘сажз имаани д̣̇аарубан̣н̣аани маяхам̣ д̣̇ассаси, ахам̣ д̇з имаани саб̣б̣аани нийхариссаамий’’д̇и уяяаанабаалам̣ ааха, со ‘‘г̇ан̣ха аяяаа’’д̇и самбадижчи. жуул̣анд̇зваасиго д̣̇аарагаанам̣ гийл̣анаман̣д̣алам̣ г̇анд̇ваа паан̣ид̇ам̣ д̣̇ад̇ваа мухуд̇д̇зна саб̣б̣аани д̣̇аарубан̣н̣аани нийхараабзд̇ваа уяяаанад̣̇ваарз раасим̣ гаарзси. д̇ад̣̇аа рааж̇агумбхагааро рааж̇агулз бхааж̇анаанам̣ бажанад̇т̇ааяа д̣̇аарууни бариязсамаано уяяаанад̣̇ваарз д̇аани д̣̇исваа д̇асса хад̇т̇ад̇о гин̣ид̇ваа г̇ан̣хи. д̇ам̣ д̣̇ивасам̣ жуул̣анд̇зваасиго д̣̇аарувиггаязна сол̣аса гахаабан̣з жаадиаад̣̇ийни жа бан̃жа бхааж̇анаани лабхи.
Puna ekasmiṃ vātavuṭṭhidivase rājuyyāne bahū sukkhadaṇḍakā ca sākhā ca palāsañca vātena pātitaṃ hoti, uyyānapālo chaḍḍetuṃ upāyaṃ na passati . So tattha gantvā ‘‘sace imāni dārupaṇṇāni mayhaṃ dassasi, ahaṃ te imāni sabbāni nīharissāmī’’ti uyyānapālaṃ āha, so ‘‘gaṇha ayyā’’ti sampaṭicchi. Cūḷantevāsiko dārakānaṃ kīḷanamaṇḍalaṃ gantvā phāṇitaṃ datvā muhuttena sabbāni dārupaṇṇāni nīharāpetvā uyyānadvāre rāsiṃ kāresi. Tadā rājakumbhakāro rājakule bhājanānaṃ pacanatthāya dārūni pariyesamāno uyyānadvāre tāni disvā tassa hatthato kiṇitvā gaṇhi. Taṃ divasaṃ cūḷantevāsiko dāruvikkayena soḷasa kahāpaṇe cāṭiādīni ca pañca bhājanāni labhi.
со жад̇увийсад̇ияаа гахаабан̣зсу ж̇аад̇зсу ‘‘ад̇т̇и аяам̣ убааяо маяха’’нд̇и наг̇арад̣̇ваарад̇о авид̣̇уурз таанз згам̣ баанийяажаадим̣ табзд̇ваа бан̃жасад̇з д̇ин̣ахаарагз баанийязна убадтахи. д̇з аахам̣су ‘‘самма, д̇вам̣ амхаагам̣ б̣ахуубагааро, гим̣ д̇з гаромаа’’д̇и? со ‘‘маяхам̣ гижжз уббаннз гариссат̇аа’’д̇и вад̇ваа ид̇о жид̇о жа вижаранд̇о т̇алабат̇агаммигзна жа ж̇алабат̇агаммигзна жа сад̣̇д̇хим̣ мид̇д̇асант̇авам̣ агааси. д̇асса т̇алабат̇агаммиго ‘‘свз имам̣ наг̇арам̣ ассаваан̣иж̇аго бан̃жа ассасад̇аани г̇ахзд̇ваа ааг̇амиссад̇ий’’д̇и аажигки. со д̇асса важанам̣ суд̇ваа д̇ин̣ахаарагз ааха ‘‘аж̇ж̇а маяхам̣ згзгам̣ д̇ин̣агалаабам̣ д̣̇зт̇а, маяаа жа д̇ин̣з авиггин̣ид̇з ад̇д̇ано д̇ин̣ам̣ маа виггин̣ат̇аа’’д̇и. д̇з ‘‘саад̇хуу’’д̇и самбадижчид̇ваа бан̃жа д̇ин̣агалаабасад̇аани аахарид̇ваа д̇асса гхарз баабаяим̣су. ассаваан̣иж̇о сагаланаг̇арз ассаанам̣ г̇ожарам̣ алабхид̇ваа д̇асса сахассам̣ д̣̇ад̇ваа д̇ам̣ д̇ин̣ам̣ г̇ан̣хи.
So catuvīsatiyā kahāpaṇesu jātesu ‘‘atthi ayaṃ upāyo mayha’’nti nagaradvārato avidūre ṭhāne ekaṃ pānīyacāṭiṃ ṭhapetvā pañcasate tiṇahārake pānīyena upaṭṭhahi. Te āhaṃsu ‘‘samma, tvaṃ amhākaṃ bahūpakāro, kiṃ te karomā’’ti? So ‘‘mayhaṃ kicce uppanne karissathā’’ti vatvā ito cito ca vicaranto thalapathakammikena ca jalapathakammikena ca saddhiṃ mittasanthavaṃ akāsi. Tassa thalapathakammiko ‘‘sve imaṃ nagaraṃ assavāṇijako pañca assasatāni gahetvā āgamissatī’’ti ācikkhi. So tassa vacanaṃ sutvā tiṇahārake āha ‘‘ajja mayhaṃ ekekaṃ tiṇakalāpaṃ detha, mayā ca tiṇe avikkiṇite attano tiṇaṃ mā vikkiṇathā’’ti. Te ‘‘sādhū’’ti sampaṭicchitvā pañca tiṇakalāpasatāni āharitvā tassa ghare pāpayiṃsu. Assavāṇijo sakalanagare assānaṃ gocaraṃ alabhitvā tassa sahassaṃ datvā taṃ tiṇaṃ gaṇhi.
д̇ад̇о гад̇ибаахажжаязнасса ж̇алабат̇агаммиго сахааяаго аарожзси ‘‘бадданамхи махаанааваа ааг̇ад̇аа’’д̇и. со ‘‘ад̇т̇и аяам̣ убааяо’’д̇и адтахи гахаабан̣зхи саб̣б̣абариваарасамбаннам̣ д̇аавагаалигам̣ рат̇ам̣ г̇ахзд̇ваа маханд̇зна яасзна нааваабадданам̣ г̇анд̇ваа згам̣ ан̇г̇улимуд̣̇д̣̇игам̣ наавигасса сажжагаарам̣ д̣̇ад̇ваа авид̣̇уурз таанз саан̣ияаа баригкибаабзд̇ваа нисинно бурисз аан̣аабзси ‘‘б̣аахирад̇о ваан̣иж̇зсу ааг̇ад̇зсу д̇ад̇иязна бадихаарзна мам̣ аарожзт̇аа’’д̇и . ‘‘нааваа ааг̇ад̇аа’’д̇и суд̇ваа б̣аараан̣асид̇о сад̇амад̇д̇аа ваан̣иж̇аа ‘‘бхан̣д̣ам̣ г̇ан̣хаамаа’’д̇и ааг̇амим̣су. бхан̣д̣ам̣ д̇умхз на лабхиссат̇а, асугадтаанз наама махааваан̣иж̇зна сажжагааро д̣̇иннод̇и. д̇з д̇ам̣ суд̇ваа д̇асса санд̇игам̣ ааг̇ад̇аа. баад̣̇амуулигабурисаа буримасан̃н̃аавасзна д̇ад̇иязна бадихаарзна д̇зсам̣ ааг̇ад̇абхаавам̣ аарожзсум̣. д̇з сад̇амад̇д̇аа ваан̣иж̇аа згзгам̣ сахассам̣ д̣̇ад̇ваа д̇зна сад̣̇д̇хим̣ наавааяа бад̇д̇игаа худ̇ваа буна згзгам̣ сахассам̣ д̣̇ад̇ваа бад̇д̇им̣ виссаж̇ж̇аабзд̇ваа бхан̣д̣ам̣ ад̇д̇ано санд̇агамагам̣су.
Tato katipāhaccayenassa jalapathakammiko sahāyako ārocesi ‘‘paṭṭanamhi mahānāvā āgatā’’ti. So ‘‘atthi ayaṃ upāyo’’ti aṭṭhahi kahāpaṇehi sabbaparivārasampannaṃ tāvakālikaṃ rathaṃ gahetvā mahantena yasena nāvāpaṭṭanaṃ gantvā ekaṃ aṅgulimuddikaṃ nāvikassa saccakāraṃ datvā avidūre ṭhāne sāṇiyā parikkhipāpetvā nisinno purise āṇāpesi ‘‘bāhirato vāṇijesu āgatesu tatiyena paṭihārena maṃ ārocethā’’ti . ‘‘Nāvā āgatā’’ti sutvā bārāṇasito satamattā vāṇijā ‘‘bhaṇḍaṃ gaṇhāmā’’ti āgamiṃsu. Bhaṇḍaṃ tumhe na labhissatha, asukaṭṭhāne nāma mahāvāṇijena saccakāro dinnoti. Te taṃ sutvā tassa santikaṃ āgatā. Pādamūlikapurisā purimasaññāvasena tatiyena paṭihārena tesaṃ āgatabhāvaṃ ārocesuṃ. Te satamattā vāṇijā ekekaṃ sahassaṃ datvā tena saddhiṃ nāvāya pattikā hutvā puna ekekaṃ sahassaṃ datvā pattiṃ vissajjāpetvā bhaṇḍaṃ attano santakamakaṃsu.
жуул̣анд̇зваасиго д̣̇вз сад̇асахассаани г̇ан̣хид̇ваа б̣аараан̣асим̣ ааг̇анд̇ваа ‘‘гад̇ан̃н̃унаа мз бхавид̇ум̣ ваддад̇ий’’д̇и згам̣ сад̇асахассам̣ г̇аахаабзд̇ваа жуул̣асздтисса самийбам̣ г̇ад̇о. ат̇а нам̣ сздти ‘‘гим̣ д̇з, д̇аад̇а, гад̇ваа ид̣̇ам̣ д̇ханам̣ лад̣̇д̇ха’’нд̇и бужчи. со ‘‘д̇умхзхи гат̇ид̇аубааяз тад̇ваа жад̇умаасамбханд̇арзязва лад̣̇д̇ха’’нд̇и мад̇амуусигам̣ аад̣̇им̣ гад̇ваа саб̣б̣ам̣ вад̇т̇ум̣ гат̇зси. жуул̣асздти д̇асса важанам̣ суд̇ваа ‘‘ид̣̇аани зваруубам̣ д̣̇аарагам̣ мама санд̇агам̣ гаад̇ум̣ ваддад̇ий’’д̇и ваяаббад̇д̇ам̣ ад̇д̇ано д̇хийд̇арам̣ д̣̇ад̇ваа сагалагудумб̣асса саамигам̣ агааси. со сздтино ажжаязна д̇асмим̣ наг̇арз сздтидтаанам̣ лабхи. б̣од̇хисад̇д̇оби яат̇аагаммам̣ аг̇амааси.
Cūḷantevāsiko dve satasahassāni gaṇhitvā bārāṇasiṃ āgantvā ‘‘kataññunā me bhavituṃ vaṭṭatī’’ti ekaṃ satasahassaṃ gāhāpetvā cūḷaseṭṭhissa samīpaṃ gato. Atha naṃ seṭṭhi ‘‘kiṃ te, tāta, katvā idaṃ dhanaṃ laddha’’nti pucchi. So ‘‘tumhehi kathitaupāye ṭhatvā catumāsambhantareyeva laddha’’nti matamūsikaṃ ādiṃ katvā sabbaṃ vatthuṃ kathesi. Cūḷaseṭṭhi tassa vacanaṃ sutvā ‘‘idāni evarūpaṃ dārakaṃ mama santakaṃ kātuṃ vaṭṭatī’’ti vayappattaṃ attano dhītaraṃ datvā sakalakuṭumbassa sāmikaṃ akāsi. So seṭṭhino accayena tasmiṃ nagare seṭṭhiṭṭhānaṃ labhi. Bodhisattopi yathākammaṃ agamāsi.
саммаасамб̣уд̣̇д̇хоби имам̣ д̇хаммад̣̇зсанам̣ гат̇зд̇ваа абхисамб̣уд̣̇д̇хова имам̣ г̇аат̇ам̣ гат̇зси –
Sammāsambuddhopi imaṃ dhammadesanaṃ kathetvā abhisambuddhova imaṃ gāthaṃ kathesi –
4.
4.
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и.
Samuṭṭhāpeti attānaṃ, aṇuṃ aggiṃva sandhama’’nti.
д̇ад̇т̇а аббагзнабийд̇и т̇огзнаби барид̇д̇агзнаби. мзд̇хаавийд̇и бан̃н̃аваа. баабхад̇знаад̇и бхан̣д̣амуулзна. вижагкан̣од̇и вохаарагусало. самудтаабзд̇и ад̇д̇аананд̇и маханд̇ам̣ д̇ханан̃жа яасан̃жа уббаад̣̇зд̇ваа д̇ад̇т̇а ад̇д̇аанам̣ сан̣таабзд̇и бад̇идтаабзд̇и. яат̇аа гим̣? ан̣ум̣ аг̇г̇им̣ва санд̇хамам̣, яат̇аа бан̣д̣ид̇абурисо барид̇д̇ам̣ аг̇г̇им̣ ануггамзна г̇омаяажун̣н̣аад̣̇ийни багкибид̇ваа мукаваад̇зна д̇хаманд̇о самудтаабзд̇и вад̣дхзд̇и маханд̇ам̣ аг̇г̇игканд̇хам̣ гарод̇и, звамзва бан̣д̣ид̇о т̇огамби баабхад̇ам̣ лабхид̇ваа наанааубааязхи баяож̇зд̇ваа д̇ханан̃жа яасан̃жа вад̣дхзд̇и , вад̣дхзд̇ваа жа бана д̇ад̇т̇а ад̇д̇аанам̣ бад̇идтаабзд̇и, д̇ааяа зва ваа бана д̇ханаяасамаханд̇ад̇ааяа ад̇д̇аанам̣ самудтаабзд̇и, абхин̃н̃аад̇ам̣ баагадам̣ гарод̇ийд̇и ад̇т̇о.
Tattha appakenapīti thokenapi parittakenapi. Medhāvīti paññavā. Pābhatenāti bhaṇḍamūlena. Vicakkhaṇoti vohārakusalo. Samuṭṭhāpeti attānanti mahantaṃ dhanañca yasañca uppādetvā tattha attānaṃ saṇṭhāpeti patiṭṭhāpeti. Yathā kiṃ? Aṇuṃ aggiṃva sandhamaṃ, yathā paṇḍitapuriso parittaṃ aggiṃ anukkamena gomayacuṇṇādīni pakkhipitvā mukhavātena dhamanto samuṭṭhāpeti vaḍḍheti mahantaṃ aggikkhandhaṃ karoti, evameva paṇḍito thokampi pābhataṃ labhitvā nānāupāyehi payojetvā dhanañca yasañca vaḍḍheti , vaḍḍhetvā ca pana tattha attānaṃ patiṭṭhāpeti, tāya eva vā pana dhanayasamahantatāya attānaṃ samuṭṭhāpeti, abhiññātaṃ pākaṭaṃ karotīti attho.
ид̇и бхаг̇аваа ‘‘бхигкавз, жуул̣абант̇аго мам̣ ниссааяа ид̣̇аани д̇хаммзсу д̇хаммамаханд̇ад̇ам̣ бад̇д̇о, буб̣б̣з бана бхог̇зсуби бхог̇амаханд̇ад̇ам̣ баабун̣ий’’д̇и звам̣ имам̣ д̇хаммад̣̇зсанам̣ д̣̇ассзд̇ваа д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси ‘‘д̇ад̣̇аа жуул̣анд̇зваасиго жуул̣абант̇аго ахоси, жуул̣агасздти бана ахамзва ахоси’’нд̇и д̣̇зсанам̣ нидтаабзси.
Iti bhagavā ‘‘bhikkhave, cūḷapanthako maṃ nissāya idāni dhammesu dhammamahantataṃ patto, pubbe pana bhogesupi bhogamahantataṃ pāpuṇī’’ti evaṃ imaṃ dhammadesanaṃ dassetvā dve vatthūni kathetvā anusandhiṃ ghaṭetvā jātakaṃ samodhānesi ‘‘tadā cūḷantevāsiko cūḷapanthako ahosi, cūḷakaseṭṭhi pana ahameva ahosi’’nti desanaṃ niṭṭhāpesi.
жуул̣асздтиж̇аад̇агаван̣н̣анаа жад̇уд̇т̇аа.
Cūḷaseṭṭhijātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 4. жуул̣асздтиж̇аад̇агам̣ • 4. Cūḷaseṭṭhijātakaṃ
