| Library / Tipiṭaka / ติปิฎก • Tipiṭaka / เปตวตฺถุปาฬิ • Petavatthupāḷi |
๘. จูฬเสฎฺฐิเปตวตฺถุ
8. Cūḷaseṭṭhipetavatthu
๒๔๖.
246.
‘‘นโคฺค กิโส ปพฺพชิโตสิ ภเนฺต, รตฺติํ กุหิํ คจฺฉสิ กิสฺส เหตุ;
‘‘Naggo kiso pabbajitosi bhante, rattiṃ kuhiṃ gacchasi kissa hetu;
อาจิกฺข เม ตํ อปิ สกฺกุเณมุ, สเพฺพน วิตฺตํ ปฎิปาทเย ตุว’’นฺติฯ
Ācikkha me taṃ api sakkuṇemu, sabbena vittaṃ paṭipādaye tuva’’nti.
๒๔๗.
247.
‘‘พาราณสี นครํ ทูรฆุฎฺฐํ, ตตฺถาหํ คหปติ อฑฺฒโก อหุ ทีโน;
‘‘Bārāṇasī nagaraṃ dūraghuṭṭhaṃ, tatthāhaṃ gahapati aḍḍhako ahu dīno;
อทาตา เคธิตมโน อามิสสฺมิํ, ทุสฺสีเลฺยน ยมวิสยมฺหิ ปโตฺตฯ
Adātā gedhitamano āmisasmiṃ, dussīlyena yamavisayamhi patto.
๒๔๘.
248.
‘‘โส สูจิกาย กิลมิโต เตหิ,
‘‘So sūcikāya kilamito tehi,
เตเนว ญาตีสุ ยามิ อามิสกิญฺจิกฺขเหตุ;
Teneva ñātīsu yāmi āmisakiñcikkhahetu;
อทานสีลา น จ สทฺทหนฺติ,
Adānasīlā na ca saddahanti,
ทานผลํ โหติ ปรมฺหิ โลเกฯ
Dānaphalaṃ hoti paramhi loke.
๒๔๙.
249.
‘‘ธีตา จ มยฺหํ ลปเต อภิกฺขณํ, ‘ทสฺสามิ ทานํ ปิตูนํ ปิตามหานํ’;
‘‘Dhītā ca mayhaṃ lapate abhikkhaṇaṃ, ‘dassāmi dānaṃ pitūnaṃ pitāmahānaṃ’;
ตมุปกฺขฎํ ปริวิสยนฺติ พฺราหฺมณา 1, ‘ยามิ อหํ อนฺธกวินฺทํ โภตฺตุ’’’นฺติฯ
Tamupakkhaṭaṃ parivisayanti brāhmaṇā 2, ‘yāmi ahaṃ andhakavindaṃ bhottu’’’nti.
๒๕๐.
250.
ตมโวจ ราชา ‘‘อนุภวิยาน ตมฺปิ,
Tamavoca rājā ‘‘anubhaviyāna tampi,
เอยฺยาสิ ขิปฺปํ อหมปิ กสฺสํ ปูชํ;
Eyyāsi khippaṃ ahamapi kassaṃ pūjaṃ;
อาจิกฺข เม ตํ ยทิ อตฺถิ เหตุ,
Ācikkha me taṃ yadi atthi hetu,
สทฺธายิตํ เหตุวโจ สุโณมา’’ติฯ
Saddhāyitaṃ hetuvaco suṇomā’’ti.
๒๕๑.
251.
‘ตถา’ติ วตฺวา อคมาสิ ตตฺถ, ภุญฺชิํสุ ภตฺตํ น จ ทกฺขิณารหา;
‘Tathā’ti vatvā agamāsi tattha, bhuñjiṃsu bhattaṃ na ca dakkhiṇārahā;
ปจฺจาคมิ ราชคหํ ปุนาปรํ, ปาตุรโหสิ ปุรโต ชนาธิปสฺสฯ
Paccāgami rājagahaṃ punāparaṃ, pāturahosi purato janādhipassa.
๒๕๒.
252.
ทิสฺวาน เปตํ ปุนเทว อาคตํ, ราชา อโวจ ‘‘อหมปิ กิํ ททามิ;
Disvāna petaṃ punadeva āgataṃ, rājā avoca ‘‘ahamapi kiṃ dadāmi;
อาจิกฺข เม ตํ ยทิ อตฺถิ เหตุ, เยน ตุวํ จิรตรํ ปีณิโต สิยา’’ติฯ
Ācikkha me taṃ yadi atthi hetu, yena tuvaṃ cirataraṃ pīṇito siyā’’ti.
๒๕๓.
253.
‘‘พุทฺธญฺจ สงฺฆํ ปริวิสิยาน ราช, อเนฺนน ปาเนน จ จีวเรน;
‘‘Buddhañca saṅghaṃ parivisiyāna rāja, annena pānena ca cīvarena;
ตํ ทกฺขิณํ อาทิส เม หิตาย, เอวํ อหํ จิรตรํ ปีณิโต สิยา’’ติฯ
Taṃ dakkhiṇaṃ ādisa me hitāya, evaṃ ahaṃ cirataraṃ pīṇito siyā’’ti.
๒๕๔.
254.
อาโรเจสิ ปกตํ 7 ตถาคตสฺส, ตสฺส จ เปตสฺส ทกฺขิณํ อาทิสิตฺถฯ
Ārocesi pakataṃ 8 tathāgatassa, tassa ca petassa dakkhiṇaṃ ādisittha.
๒๕๕.
255.
โส ปูชิโต อติวิย โสภมาโน, ปาตุรโหสิ ปุรโต ชนาธิปสฺส;
So pūjito ativiya sobhamāno, pāturahosi purato janādhipassa;
‘‘ยโกฺขหมสฺมิ ปรมิทฺธิปโตฺต, น มยฺหมตฺถิ สมา สทิสา 9 มานุสาฯ
‘‘Yakkhohamasmi paramiddhipatto, na mayhamatthi samā sadisā 10 mānusā.
๒๕๖.
256.
‘‘ปสฺสานุภาวํ อปริมิตํ มมยิทํ, ตยานุทิฎฺฐํ อตุลํ ทตฺวา สเงฺฆ;
‘‘Passānubhāvaṃ aparimitaṃ mamayidaṃ, tayānudiṭṭhaṃ atulaṃ datvā saṅghe;
สนฺตปฺปิโต สตตํ สทา พหูหิ, ยามิ อหํ สุขิโต มนุสฺสเทวา’’ติฯ
Santappito satataṃ sadā bahūhi, yāmi ahaṃ sukhito manussadevā’’ti.
จูฬเสฎฺฐิเปตวตฺถุ อฎฺฐมํ นิฎฺฐิตํฯ
Cūḷaseṭṭhipetavatthu aṭṭhamaṃ niṭṭhitaṃ.
ภาณวารํ ปฐมํ นิฎฺฐิตํฯ
Bhāṇavāraṃ paṭhamaṃ niṭṭhitaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เปตวตฺถุ-อฎฺฐกถา • Petavatthu-aṭṭhakathā / ๘. จูฬเสฎฺฐิเปตวตฺถุวณฺณนา • 8. Cūḷaseṭṭhipetavatthuvaṇṇanā
