| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
8. жуул̣асздтибзд̇авад̇т̇уван̣н̣анаа
8. Cūḷaseṭṭhipetavatthuvaṇṇanā
наг̇г̇о гисо баб̣б̣аж̇ид̇оси, бханд̇зд̇и ид̣̇ам̣ сад̇т̇ари взл̣уванз вихаранд̇з жуул̣асздтибзд̇ам̣ аараб̣бха вуд̇д̇ам̣. б̣аараан̣асияам̣ гира зго г̇ахабад̇и ассад̣̇д̇хо аббасанно мажчарий гад̣̇арияо бун̃н̃агирияааяа анаад̣̇аро жуул̣асздти наама ахоси. со гаалам̣ гад̇ваа бзд̇зсу ниб̣б̣ад̇д̇и, д̇асса гааяо абаг̇ад̇амам̣салохид̇о адтинхааружаммамад̇д̇о мун̣д̣о абзд̇авад̇т̇о ахоси. д̇хийд̇аа банасса анулаа анд̇хагавинд̣̇з саамигасса г̇зхз васанд̇ий бид̇арам̣ уд̣̇д̣̇исса б̣раахман̣з бхож̇зд̇угаамаа д̇ан̣д̣улаад̣̇ийни д̣̇аануубагаран̣аани саж̇ж̇зси. д̇ам̣ н̃ад̇ваа бзд̇о аасааяа аагаасзна д̇ад̇т̇а г̇ажчанд̇о рааж̇аг̇ахам̣ самбаабун̣и. д̇зна жа самаязна рааж̇аа аж̇аад̇асад̇д̇у д̣̇звад̣̇ад̇д̇зна уяяож̇ид̇о бид̇арам̣ ж̇ийвид̇аа воробзд̇ваа д̇зна виббадисаарзна д̣̇уссубинзна жа нид̣̇д̣̇ам̣ анубаг̇ажчанд̇о убарибаасаад̣̇авараг̇ад̇о жан̇гаманд̇о д̇ам̣ бзд̇ам̣ аагаасзна г̇ажчанд̇ам̣ д̣̇исваа имааяа г̇аат̇ааяа бужчи –
Naggo kiso pabbajitosi, bhanteti idaṃ satthari veḷuvane viharante cūḷaseṭṭhipetaṃ ārabbha vuttaṃ. Bārāṇasiyaṃ kira eko gahapati assaddho appasanno maccharī kadariyo puññakiriyāya anādaro cūḷaseṭṭhi nāma ahosi. So kālaṃ katvā petesu nibbatti, tassa kāyo apagatamaṃsalohito aṭṭhinhārucammamatto muṇḍo apetavattho ahosi. Dhītā panassa anulā andhakavinde sāmikassa gehe vasantī pitaraṃ uddissa brāhmaṇe bhojetukāmā taṇḍulādīni dānūpakaraṇāni sajjesi. Taṃ ñatvā peto āsāya ākāsena tattha gacchanto rājagahaṃ sampāpuṇi. Tena ca samayena rājā ajātasattu devadattena uyyojito pitaraṃ jīvitā voropetvā tena vippaṭisārena dussupinena ca niddaṃ anupagacchanto uparipāsādavaragato caṅkamanto taṃ petaṃ ākāsena gacchantaṃ disvā imāya gāthāya pucchi –
246.
246.
‘‘наг̇г̇о гисо баб̣б̣аж̇ид̇оси бханд̇з, рад̇д̇им̣ гухим̣ г̇ажчаси гиссахзд̇у;
‘‘Naggo kiso pabbajitosi bhante, rattiṃ kuhiṃ gacchasi kissahetu;
аажигка мз д̇ам̣ аби саггун̣зму, саб̣б̣зна вид̇д̇ам̣ бадибаад̣̇аяз д̇ува’’нд̇и.
Ācikkha me taṃ api sakkuṇemu, sabbena vittaṃ paṭipādaye tuva’’nti.
д̇ад̇т̇а баб̣б̣аж̇ид̇од̇и саман̣о. рааж̇аа гира д̇ам̣ наг̇г̇ад̇д̇аа мун̣д̣ад̇д̇аа жа ‘‘наг̇г̇о саман̣о аяа’’нд̇и сан̃н̃ааяа ‘‘наг̇г̇о гисо баб̣б̣аж̇ид̇осий’’д̇иаад̣̇имааха. гиссахзд̇ууд̇и гиннимид̇д̇ам̣. саб̣б̣зна вид̇д̇ам̣ бадибаад̣̇аяз д̇уванд̇и вид̇д̇ияаа убагаран̣абхууд̇ам̣ вид̇д̇ам̣ саб̣б̣зна бхог̇зна д̇уяхам̣ аж̇жхаасаяаануруубам̣, саб̣б̣зна ваа уссаахзна бадибаад̣̇зяяам̣ самбаад̣̇зяяам̣. д̇ат̇аа гаад̇ум̣ маяам̣ аббзва наама саггун̣зяяаама, д̇асмаа аажигка мз д̇ам̣, зд̇ам̣ д̇ава ааг̇аманагааран̣ам̣ маяхам̣ гат̇зхийд̇и ад̇т̇о.
Tattha pabbajitoti samaṇo. Rājā kira taṃ naggattā muṇḍattā ca ‘‘naggo samaṇo aya’’nti saññāya ‘‘naggo kiso pabbajitosī’’tiādimāha. Kissahetūti kinnimittaṃ. Sabbena vittaṃ paṭipādaye tuvanti vittiyā upakaraṇabhūtaṃ vittaṃ sabbena bhogena tuyhaṃ ajjhāsayānurūpaṃ, sabbena vā ussāhena paṭipādeyyaṃ sampādeyyaṃ. Tathā kātuṃ mayaṃ appeva nāma sakkuṇeyyāma, tasmā ācikkha me taṃ, etaṃ tava āgamanakāraṇaṃ mayhaṃ kathehīti attho.
звам̣ ран̃н̃аа будто бзд̇о ад̇д̇ано бавад̇д̇им̣ гат̇знд̇о д̇иссо г̇аат̇аа абхааси –
Evaṃ raññā puṭṭho peto attano pavattiṃ kathento tisso gāthā abhāsi –
247.
247.
‘‘б̣аараан̣асий наг̇арам̣ д̣̇уурагхудтам̣, д̇ад̇т̇аахам̣ г̇ахабад̇и ад̣дхаго аху д̣̇ийно;
‘‘Bārāṇasī nagaraṃ dūraghuṭṭhaṃ, tatthāhaṃ gahapati aḍḍhako ahu dīno;
ад̣̇аад̇аа г̇зд̇хид̇амано аамисасмим̣, д̣̇уссийлязна яамависаяамхи бад̇д̇о.
Adātā gedhitamano āmisasmiṃ, dussīlyena yamavisayamhi patto.
248.
248.
‘‘со суужигааяа гиламид̇о д̇зхи,
‘‘So sūcikāya kilamito tehi,
д̇знзва н̃аад̇ийсу яаами аамисагин̃жигкахзд̇у;
Teneva ñātīsu yāmi āmisakiñcikkhahetu;
ад̣̇аанасийлаа на жа сад̣̇д̣̇аханд̇и,
Adānasīlā na ca saddahanti,
‘д̣̇аанапалам̣ ход̇и барамхи логз’.
‘Dānaphalaṃ hoti paramhi loke’.
249.
249.
‘‘д̇хийд̇аа жа маяхам̣ лабад̇з абхигкан̣ам̣, д̣̇ассаами д̣̇аанам̣ бид̇уунам̣ бид̇аамахаанам̣;
‘‘Dhītā ca mayhaṃ lapate abhikkhaṇaṃ, dassāmi dānaṃ pitūnaṃ pitāmahānaṃ;
д̇амубагкадам̣ баривисаяанд̇и б̣раахман̣аа, яаами ахам̣ анд̇хагавинд̣̇ам̣ бхуд̇д̇у’’нд̇и.
Tamupakkhaṭaṃ parivisayanti brāhmaṇā, yāmi ahaṃ andhakavindaṃ bhuttu’’nti.
247. д̇ад̇т̇а д̣̇уурагхудтанд̇и д̣̇уурад̇о зва г̇ун̣агид̇д̇анавасзна гхосид̇ам̣, саб̣б̣ад̇т̇а виссуд̇ам̣ баагаданд̇и ад̇т̇о. ад̣дхагод̇и ад̣дхо махаавибхаво. д̣̇ийнод̇и нихийнажид̇д̇о ад̣̇аанаж̇жхаасаяо. д̇знааха ‘‘ад̣̇аад̇аа’’д̇и. г̇зд̇хид̇амано аамисасминд̇и гаамаамисз лаг̇г̇ажид̇д̇о г̇зд̇хам̣ аабанно. д̣̇уссийлязна яамависаяамхи бад̇д̇од̇и ад̇д̇анаа гад̇зна д̣̇уссийлагаммунаа яамависаяам̣ бзд̇алогам̣ бад̇д̇о амхи.
247. Tattha dūraghuṭṭhanti dūrato eva guṇakittanavasena ghositaṃ, sabbattha vissutaṃ pākaṭanti attho. Aḍḍhakoti aḍḍho mahāvibhavo. Dīnoti nihīnacitto adānajjhāsayo. Tenāha ‘‘adātā’’ti. Gedhitamano āmisasminti kāmāmise laggacitto gedhaṃ āpanno. Dussīlyena yamavisayamhi pattoti attanā katena dussīlakammunā yamavisayaṃ petalokaṃ patto amhi.
248. со суужигааяа гиламид̇од̇и со ахам̣ виж̇жханадтзна суужисад̣̇исад̇ааяа ‘‘суужигаа’’д̇и лад̣̇д̇ханаамааяа ж̇игхажчааяа гиламид̇о ниранд̇арам̣ виж̇жхамаано. ‘‘гиламат̇о’’д̇и ижжзва ваа баато. д̇зхийд̇и ‘‘д̣̇ийно’’д̇иаад̣̇инаа вуд̇д̇зхи баабагаммзхи гааран̣абхууд̇зхи. д̇асса хи бзд̇асса д̇аани баабагаммаани ануссаранд̇асса ад̇ивияа д̣̇оманассам̣ уббаж̇ж̇и, д̇асмаа звамааха. д̇знзваад̇и д̇знзва ж̇игхажчаад̣̇угкзна. н̃аад̇ийсу яаамийд̇и н̃аад̇ийнам̣ самийбам̣ яаами г̇ажчаами. аамисагин̃жигкахзд̇ууд̇и аамисасса гин̃жигканимид̇д̇ам̣, гин̃жи аамисам̣ бад̇т̇знд̇од̇и ад̇т̇о. ад̣̇аанасийлаа на жа сад̣̇д̣̇аханд̇и, ‘д̣̇аанапалам̣ ход̇и барамхи логз’д̇и яат̇аа ахам̣, д̇ат̇аа звам̣ ан̃н̃зби мануссаа ад̣̇аанасийлаа ‘‘д̣̇аанасса палам̣ згам̣сзна баралогз ход̇ий’’д̇и на жа сад̣̇д̣̇аханд̇и. яад̇о ахам̣ вияа д̇зби бзд̇аа худ̇ваа махаад̣̇угкам̣ бажжанубхаванд̇ийд̇и ад̇хиббааяо.
248.So sūcikāya kilamitoti so ahaṃ vijjhanaṭṭhena sūcisadisatāya ‘‘sūcikā’’ti laddhanāmāya jighacchāya kilamito nirantaraṃ vijjhamāno. ‘‘Kilamatho’’ti icceva vā pāṭho. Tehīti ‘‘dīno’’tiādinā vuttehi pāpakammehi kāraṇabhūtehi. Tassa hi petassa tāni pāpakammāni anussarantassa ativiya domanassaṃ uppajji, tasmā evamāha. Tenevāti teneva jighacchādukkhena. Ñātīsu yāmīti ñātīnaṃ samīpaṃ yāmi gacchāmi. Āmisakiñcikkhahetūti āmisassa kiñcikkhanimittaṃ, kiñci āmisaṃ patthentoti attho. Adānasīlā na ca saddahanti, ‘dānaphalaṃ hoti paramhi loke’ti yathā ahaṃ, tathā evaṃ aññepi manussā adānasīlā ‘‘dānassa phalaṃ ekaṃsena paraloke hotī’’ti na ca saddahanti. Yato ahaṃ viya tepi petā hutvā mahādukkhaṃ paccanubhavantīti adhippāyo.
249. лабад̇зд̇и гат̇зд̇и. абхигкан̣анд̇и абхин̣хам̣ б̣ахусо. гинд̇и лабад̇ийд̇и ааха ‘‘д̣̇ассаами д̣̇аанам̣ бид̇уунам̣ бид̇аамахаана’’нд̇и. д̇ад̇т̇а бид̇уунанд̇и маад̇аабид̇уунам̣, жуул̣абид̇умахаабид̇уунам̣ ваа. бид̇аамахаананд̇и аяяагабаяяагаанам̣. убагкаданд̇и саж̇ж̇ид̇ам̣. баривисаяанд̇ийд̇и бхож̇аяанд̇и. анд̇хагавинд̣̇анд̇и звам̣наамагам̣ наг̇арам̣. бхуд̇д̇унд̇и бхун̃ж̇ид̇ум̣. д̇ад̇о бараа сан̇г̇ийд̇игаарагзхи вуд̇д̇аа –
249.Lapateti katheti. Abhikkhaṇanti abhiṇhaṃ bahuso. Kinti lapatīti āha ‘‘dassāmi dānaṃ pitūnaṃ pitāmahāna’’nti. Tattha pitūnanti mātāpitūnaṃ, cūḷapitumahāpitūnaṃ vā. Pitāmahānanti ayyakapayyakānaṃ. Upakkhaṭanti sajjitaṃ. Parivisayantīti bhojayanti. Andhakavindanti evaṃnāmakaṃ nagaraṃ. Bhuttunti bhuñjituṃ. Tato parā saṅgītikārakehi vuttā –
250.
250.
‘‘д̇амавожа рааж̇аа ‘анубхавияаана д̇амби,
‘‘Tamavoca rājā ‘anubhaviyāna tampi,
зяяааси киббам̣ ахамаби гассам̣ бууж̇ам̣;
Eyyāsi khippaṃ ahamapi kassaṃ pūjaṃ;
аажигка мз д̇ам̣ яад̣̇и ад̇т̇и хзд̇у,
Ācikkha me taṃ yadi atthi hetu,
сад̣̇д̇хааяид̇ам̣ хзд̇уважо сун̣ома’.
Saddhāyitaṃ hetuvaco suṇoma’.
251.
251.
‘‘д̇ат̇аад̇и вад̇ваа аг̇амааси д̇ад̇т̇а, бхун̃ж̇им̣су бхад̇д̇ам̣ на жа д̣̇агкин̣аарахаа;
‘‘Tathāti vatvā agamāsi tattha, bhuñjiṃsu bhattaṃ na ca dakkhiṇārahā;
бажжааг̇ами рааж̇аг̇ахам̣ бунаабарам̣, баад̇урахоси бурад̇о ж̇анаад̇хибасса.
Paccāgami rājagahaṃ punāparaṃ, pāturahosi purato janādhipassa.
252.
252.
‘‘д̣̇исваана бзд̇ам̣ бунад̣̇зва ааг̇ад̇ам̣, рааж̇аа авожа ‘ахамаби гим̣ д̣̇ад̣̇аами;
‘‘Disvāna petaṃ punadeva āgataṃ, rājā avoca ‘ahamapi kiṃ dadāmi;
аажигка мз д̇ам̣ яад̣̇и ад̇т̇и хзд̇у, язна д̇увам̣ жирад̇арам̣ бийн̣ид̇о сияаа’.
Ācikkha me taṃ yadi atthi hetu, yena tuvaṃ cirataraṃ pīṇito siyā’.
253.
253.
‘‘б̣уд̣̇д̇хан̃жа сан̇гхам̣ баривисияаана рааж̇а, аннзна баанзна жа жийварзна;
‘‘Buddhañca saṅghaṃ parivisiyāna rāja, annena pānena ca cīvarena;
д̇ам̣ д̣̇агкин̣ам̣ аад̣̇иса мз хид̇ааяа, звам̣ ахам̣ жирад̇арам̣ бийн̣ид̇о сияаа.
Taṃ dakkhiṇaṃ ādisa me hitāya, evaṃ ahaṃ cirataraṃ pīṇito siyā.
254.
254.
‘‘д̇ад̇о жа рааж̇аа нибад̇ид̇ваа д̇аавад̣̇з, д̣̇аанам̣ сахад̇т̇аа ад̇улам̣ д̣̇ад̣̇ид̇ваа сан̇гхз;
‘‘Tato ca rājā nipatitvā tāvade, dānaṃ sahatthā atulaṃ daditvā saṅghe;
аарожзси багад̇ам̣ д̇ат̇ааг̇ад̇асса, д̇асса жа бзд̇асса д̣̇агкин̣ам̣ аад̣̇исид̇т̇а.
Ārocesi pakataṃ tathāgatassa, tassa ca petassa dakkhiṇaṃ ādisittha.
255.
255.
‘‘со бууж̇ид̇о ад̇ивияа собхамаано, баад̇урахоси бурад̇о ж̇анаад̇хибасса;
‘‘So pūjito ativiya sobhamāno, pāturahosi purato janādhipassa;
яагкохамасми барамид̣̇д̇хибад̇д̇о, на маяхамад̇т̇и самаа сад̣̇исаа маанусаа.
Yakkhohamasmi paramiddhipatto, na mayhamatthi samā sadisā mānusā.
256.
256.
‘‘бассаанубхаавам̣ абаримид̇ам̣ мамаяид̣̇ам̣, д̇аяаануд̣̇идтам̣ ад̇улам̣ д̣̇ад̇ваа сан̇гхз;
‘‘Passānubhāvaṃ aparimitaṃ mamayidaṃ, tayānudiṭṭhaṃ atulaṃ datvā saṅghe;
санд̇аббид̇о сад̇ад̇ам̣ сад̣̇аа б̣ахуухи, яаами ахам̣ сукид̇о мануссад̣̇зваа’’д̇и.
Santappito satataṃ sadā bahūhi, yāmi ahaṃ sukhito manussadevā’’ti.
250. д̇ад̇т̇а д̇амавожа рааж̇аад̇и д̇ам̣ бзд̇ам̣ д̇ат̇аа вад̇ваа тид̇ам̣ рааж̇аа аж̇аад̇асад̇д̇у авожа. анубхавияаана д̇амбийд̇и д̇ам̣ д̇ава д̇хийд̇уяаа убагкадам̣ д̣̇аанамби анубхавид̇ваа. зяяаасийд̇и ааг̇ажчзяяааси. гассанд̇и гариссаами. аажигка мз д̇ам̣ яад̣̇и ад̇т̇и хзд̇ууд̇и сажз гин̃жи гааран̣ам̣ ад̇т̇и, д̇ам̣ гааран̣ам̣ маяхам̣ аажигка гат̇зхи. сад̣̇д̇хааяид̇анд̇и сад̣̇д̇хааяид̇аб̣б̣ам̣. хзд̇уважод̇и хзд̇уяуд̇д̇аважанам̣, ‘‘амугасмим̣ таанз асугзна багаарзна д̣̇аанз гад̇з маяхам̣ убагаббад̇ий’’д̇и сагааран̣ам̣ важанам̣ вад̣̇аад̇и ад̇т̇о.
250. Tattha tamavoca rājāti taṃ petaṃ tathā vatvā ṭhitaṃ rājā ajātasattu avoca. Anubhaviyāna tampīti taṃ tava dhītuyā upakkhaṭaṃ dānampi anubhavitvā. Eyyāsīti āgaccheyyāsi. Kassanti karissāmi. Ācikkhame taṃ yadi atthi hetūti sace kiñci kāraṇaṃ atthi, taṃ kāraṇaṃ mayhaṃ ācikkha kathehi. Saddhāyitanti saddhāyitabbaṃ. Hetuvacoti hetuyuttavacanaṃ, ‘‘amukasmiṃ ṭhāne asukena pakārena dāne kate mayhaṃ upakappatī’’ti sakāraṇaṃ vacanaṃ vadāti attho.
251. д̇ат̇аад̇и вад̇ваад̇и саад̇хууд̇и вад̇ваа. д̇ад̇т̇аад̇и д̇асмим̣ анд̇хагавинд̣̇з баривзсанадтаанз. бхун̃ж̇им̣су бхад̇д̇ам̣ на жа д̣̇агкин̣аарахаад̇и бхад̇д̇ам̣ бхун̃ж̇им̣су д̣̇уссийлаб̣раахман̣аа, на жа бана д̣̇агкин̣аарахаа сийлаванд̇о бхун̃ж̇им̣сууд̇и ад̇т̇о. бунаабаранд̇и буна абарам̣ ваарам̣ рааж̇аг̇ахам̣ бажжааг̇ами.
251.Tathāti vatvāti sādhūti vatvā. Tatthāti tasmiṃ andhakavinde parivesanaṭṭhāne. Bhuñjiṃsu bhattaṃ na ca dakkhiṇārahāti bhattaṃ bhuñjiṃsu dussīlabrāhmaṇā, na ca pana dakkhiṇārahā sīlavanto bhuñjiṃsūti attho. Punāparanti puna aparaṃ vāraṃ rājagahaṃ paccāgami.
252. гим̣ д̣̇ад̣̇аамийд̇и ‘‘гийд̣̇исам̣ д̇з д̣̇аанам̣ д̣̇ассаамий’’д̇и рааж̇аа бзд̇ам̣ бужчи. язна д̇уванд̇и язна гааран̣зна д̇вам̣. жирад̇аранд̇и жирагаалам̣. бийн̣ид̇од̇и д̇ид̇д̇о сияаа, д̇ам̣ гат̇зхийд̇и ад̇т̇о.
252.Kiṃ dadāmīti ‘‘kīdisaṃ te dānaṃ dassāmī’’ti rājā petaṃ pucchi. Yena tuvanti yena kāraṇena tvaṃ. Cirataranti cirakālaṃ. Pīṇitoti titto siyā, taṃ kathehīti attho.
253. баривисияаанаад̇и бхож̇зд̇ваа. рааж̇аад̇и аж̇аад̇асад̇д̇ум̣ аалабад̇и. мз хид̇ааяаад̇и маяхам̣ хид̇ад̇т̇ааяа бзд̇ад̇д̇абхаавад̇о баримуд̇д̇ияаа.
253.Parivisiyānāti bhojetvā. Rājāti ajātasattuṃ ālapati. Me hitāyāti mayhaṃ hitatthāya petattabhāvato parimuttiyā.
254. д̇ад̇од̇и д̇асмаа д̇зна важанзна, д̇ад̇о ваа баасаад̣̇ад̇о. нибад̇ид̇ваад̇и нигкамид̇ваа. д̇аавад̣̇зд̇и д̇ад̣̇аа зва арун̣уг̇г̇аманавзлааяа. яамхи бзд̇о бажжааг̇анд̇ваа ран̃н̃о ад̇д̇аанам̣ д̣̇ассзси, д̇асмим̣ бурзбхад̇д̇з зва д̣̇аанам̣ ад̣̇ааси . сахад̇т̇аад̇и сахад̇т̇зна. ад̇уланд̇и аббамаан̣ам̣ ул̣аарам̣ бан̣ийд̇ам̣. д̣̇ад̇ваа сан̇гхзд̇и сан̇гхасса д̣̇ад̇ваа. аарожзси багад̇ам̣ д̇ат̇ааг̇ад̇ассаад̇и ‘‘ид̣̇ам̣, бханд̇з, д̣̇аанам̣ ан̃н̃ад̇арам̣ бзд̇ам̣ санд̇хааяа багад̇а’’нд̇и д̇ам̣ бавад̇д̇им̣ бхаг̇авад̇о аарожзси. аарожзд̇ваа жа яат̇аа д̇ам̣ д̣̇аанам̣ д̇асса убагаббад̇и, звам̣ д̇асса жа бзд̇асса д̣̇агкин̣ам̣ аад̣̇исид̇т̇а аад̣̇иси.
254.Tatoti tasmā tena vacanena, tato vā pāsādato. Nipatitvāti nikkhamitvā. Tāvadeti tadā eva aruṇuggamanavelāya. Yamhi peto paccāgantvā rañño attānaṃ dassesi, tasmiṃ purebhatte eva dānaṃ adāsi . Sahatthāti sahatthena. Atulanti appamāṇaṃ uḷāraṃ paṇītaṃ. Datvā saṅgheti saṅghassa datvā. Ārocesi pakataṃ tathāgatassāti ‘‘idaṃ, bhante, dānaṃ aññataraṃ petaṃ sandhāya pakata’’nti taṃ pavattiṃ bhagavato ārocesi. Ārocetvā ca yathā taṃ dānaṃ tassa upakappati, evaṃ tassa ca petassa dakkhiṇaṃ ādisittha ādisi.
255. сод̇и со бзд̇о. бууж̇ид̇од̇и д̣̇агкин̣ааяа д̣̇ияяамаанааяа бууж̇ид̇о. ад̇ивияа собхамаанод̇и д̣̇иб̣б̣аанубхаавзна ад̇ивияа вирожамаано. баад̇урахосийд̇и баад̇убхави, ран̃н̃о бурад̇о ад̇д̇аанам̣ д̣̇ассзси. яагкохамасмийд̇и бзд̇ад̇д̇абхаавад̇о муд̇д̇о яагко ахам̣ ж̇аад̇о д̣̇звабхаавам̣ бад̇д̇осми. на маяхамад̇т̇и самаа сад̣̇исаа маанусаад̇и маяхам̣ аанубхаавасамбад̇д̇ияаа самаа ваа бхог̇асамбад̇д̇ияаа сад̣̇исаа ваа мануссаа на санд̇и.
255.Soti so peto. Pūjitoti dakkhiṇāya diyyamānāya pūjito. Ativiya sobhamānoti dibbānubhāvena ativiya virocamāno. Pāturahosīti pātubhavi, rañño purato attānaṃ dassesi. Yakkhohamasmīti petattabhāvato mutto yakkho ahaṃ jāto devabhāvaṃ pattosmi. Na mayhamatthi samā sadisā mānusāti mayhaṃ ānubhāvasampattiyā samā vā bhogasampattiyā sadisā vā manussā na santi.
256. бассаанубхаавам̣ абаримид̇ам̣ мамаяид̣̇анд̇и ‘‘мама ид̣̇ам̣ абаримаан̣ам̣ д̣̇иб̣б̣аанубхаавам̣ бассаа’’д̇и ад̇д̇ано самбад̇д̇им̣ бажжагкад̇о ран̃н̃о д̣̇ассзнд̇о вад̣̇ад̇и. д̇аяаануд̣̇идтам̣ ад̇улам̣ д̣̇ад̇ваа сан̇гхзд̇и арияасан̇гхасса ад̇улам̣ ул̣аарам̣ д̣̇аанам̣ д̣̇ад̇ваа маяхам̣ анугамбааяа д̇аяаа ануд̣̇идтам̣. санд̇аббид̇о сад̇ад̇ам̣ сад̣̇аа б̣ахуухийд̇и аннабаанавад̇т̇аад̣̇ийхи б̣ахуухи д̣̇зяяад̇хаммзхи арияасан̇гхам̣ санд̇аббзнд̇зна д̇аяаа сад̣̇аа саб̣б̣агаалам̣ яааваж̇ийвам̣ д̇ад̇т̇ааби сад̇ад̇ам̣ ниранд̇арам̣ ахам̣ санд̇аббид̇о бийн̣ид̇о. яаами ахам̣ сукид̇о мануссад̣̇зваад̇и ‘‘д̇асмаа ахам̣ ид̣̇аани сукид̇о мануссад̣̇зва махаарааж̇а яат̇ижчид̇адтаанам̣ яаамий’’д̇и рааж̇аанам̣ аабужчи.
256.Passānubhāvaṃaparimitaṃ mamayidanti ‘‘mama idaṃ aparimāṇaṃ dibbānubhāvaṃ passā’’ti attano sampattiṃ paccakkhato rañño dassento vadati. Tayānudiṭṭhaṃ atulaṃ datvā saṅgheti ariyasaṅghassa atulaṃ uḷāraṃ dānaṃ datvā mayhaṃ anukampāya tayā anudiṭṭhaṃ. Santappito satataṃ sadā bahūhīti annapānavatthādīhi bahūhi deyyadhammehi ariyasaṅghaṃ santappentena tayā sadā sabbakālaṃ yāvajīvaṃ tatthāpi satataṃ nirantaraṃ ahaṃ santappito pīṇito. Yāmi ahaṃ sukhito manussadevāti ‘‘tasmā ahaṃ idāni sukhito manussadeva mahārāja yathicchitaṭṭhānaṃ yāmī’’ti rājānaṃ āpucchi.
звам̣ бзд̇з аабужчид̇ваа г̇ад̇з рааж̇аа аж̇аад̇асад̇д̇у д̇амад̇т̇ам̣ бхигкуунам̣ аарожзси, бхигкуу бхаг̇авад̇о санд̇игам̣ убасан̇гамид̇ваа аарожзсум̣. бхаг̇аваа д̇амад̇т̇ам̣ адтуббад̇д̇им̣ гад̇ваа самбад̇д̇абарисааяа д̇хаммам̣ д̣̇зсзси. д̇ам̣ суд̇ваа махааж̇ано мажчзрамалам̣ бахааяа д̣̇аанаад̣̇ибун̃н̃аабхирад̇о ахосийд̇и.
Evaṃ pete āpucchitvā gate rājā ajātasattu tamatthaṃ bhikkhūnaṃ ārocesi, bhikkhū bhagavato santikaṃ upasaṅkamitvā ārocesuṃ. Bhagavā tamatthaṃ aṭṭhuppattiṃ katvā sampattaparisāya dhammaṃ desesi. Taṃ sutvā mahājano maccheramalaṃ pahāya dānādipuññābhirato ahosīti.
жуул̣аасздтибзд̇авад̇т̇уван̣н̣анаа нидтид̇аа.
Cūḷāseṭṭhipetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 8. жуул̣асздтибзд̇авад̇т̇у • 8. Cūḷaseṭṭhipetavatthu
